教育王國

標題: 「唔讀書要掃街」遭投訴 [打印本頁]

作者: id00288 時間: 07-7-30 12:31 標題: 「唔讀書要掃街」遭投訴

詹瑞文：似淫審處遮大衞像

創作兒童劇已有九年的詹瑞文，前晚邀請一班學生欣賞其舞台劇《惡人谷》，但事後有家長及老師投訴，指當中一句對白有貶低地盤及清潔工人之嫌，促請他更改對白。不過詹瑞文得悉後直指投訴的老師與家長眼光狹窄及無知，有如「淫審處要遮大衞像」。

詹瑞文昨晚起在演藝學院公演舞台劇《惡人谷》，前晚他邀請一班學生到場免費欣賞總綵排，學生的家長及老師也有同行。演出過後，有家長及老師分別致電本報投訴，指詹瑞文在劇中的一句對白「唔勤力讀書，以後去做地盤同清潔、掃街」，有貶低相關行業之嫌。

不打算更改對白
其實該場戲講述飾演魔術師的詹瑞文，為激勵經常被指沒有用的主角蛙仔，對他說做人要有夢想、要努力讀書，否則將來只可做地盤、清潔或掃街工人。有份投訴的陳老師前晚在電話中表示，前往欣賞舞台劇的學生來自將軍澳區，當中或有學生家長從事地盤或清潔行業，她認為詹瑞文的對白極為不當，有可能貶低任職有關行業的學生家長，加上該劇已賣出大量門票，故希望詹瑞文能刪改該句對白，而另一家長趙小姐與陳老師看法也一致。
詹瑞文昨午到演藝學院準備演出，他表示 04 年公演該劇時的對白與現在一樣，即使接獲投訴也不打算更改，詹瑞文強調他演出兒童劇已有九年，一向並非以說

形式表演，否則只會變成樣板戲，像看

育電視，不是藝術表演，他選擇以反諷方式演出，協助那些被社會看低的人平反，不少

師都對他甚為讚賞。

指家長斷章取義
對於今次有家長及老師投訴，詹瑞文說：「大家睇唔到兒童劇

另一面，只係斷章取義，好遺憾

家長同老師只係平面咁就幾個字去投訴，好似『淫審處』要遮大衞像咁，唔識從另一角度去睇

，係好狹窄同無知

眼光，咁樣係

育政治不正確。希望投訴

師唔好執

於表面層次，我好想同佢

討論

，希望學生、家長同老師唔係睇完就算。」
採訪、攝影：李珮洳

話劇小八卦：赴惡人谷尋找夢想
兒童劇《惡人谷》（圖）由劇場組合主辦，詹瑞文與甄詠蓓負責導演及編作，該劇曾於 04 年在葵青劇院公演，昨晚開始至 8 月 12 日於演藝學院再次上演，票價由 90至 290 元不等。《惡人谷》講述主角蛙仔是一個貪玩的小孩，誤闖佈滿大小惡人的「惡人谷」後，努力找尋美麗而神秘的「夢想之花」，以解除魔咒離開惡人谷，藉此鼓勵小朋友要為夢想而努力。

[ 本文章最後由 id00288 於 07-7-30 12:33 編輯 ]

作者: jk67jk 時間: 07-7-30 12:59

「唔讀書要掃街」 — 我都係咁同個仔講！

作者: katiekma 時間: 07-7-30 13:05

係事實來 ga bor, 我都係咁都我仔講 ga wor, 我就再加多個行業比佢, 就係茶餐廳外買仔

原文章由 jk67jk 於 07-7-30 12:59 發表
「唔讀書要掃街」 — 我都係咁同個仔講！

作者: 淡然 時間: 07-7-30 13:07

幼稚園學期尾時,見到囡囡同班一個男同學,佢好自豪咁同我講: "姨姨,我坐過洗地車呀! 爸爸帶我去坐!" (他爸應該是政府的清潔工人)

我拍拍他的頭,笑說:"你好叻呀,姨姨都未坐過!"

內心真係冇歧視, 洗地掃街, 同做修路工人一樣,都好辛苦,日曬雨淋,當然我地愛護子女都唔想佢地將來咁辛苦.

其實子女腳踏實地做人,冇學壞,又身體健康,我已經滿足.

作者: lou 時間: 07-7-30 13:50

我有時都係咁同d仔講個喎　∼∼

咁我咪都有份貶低佢地　∼∼

我仲同個仔講，叫佢夠年齡時去m記做暑期工tim ,咁我洗唔洗去坐監呀∼∼

作者: 502 時間: 07-7-30 14:07

先旨聲明，我只是劇場組合的Fan, 沒有其他任何關係！

據我理解，劇場組合是以慈善性質邀請一些團體參觀總彩排，目的是想讓一些低收入或有經濟困難的小朋友也可以觀看到兒童劇。現在報導只提到觀衆對若干對白的不滿，卻一字不提別人對他們的美意，是否有點那個呢？

原文章由 id00288 於 07-7-30 12:31 發表
詹瑞文：似淫審處遮大衞像

創作兒童劇已有九年的詹瑞文，前晚邀請一班學生欣賞其舞台劇《惡人谷》，但事後有家長 ...

作者: 麟媽媽 時間: 07-7-30 14:18

父母做緊呢類工作，應該同仔女講，
自己當年係咪真係無比心機讀書呢？
咁如果自己真係咁，對仔女都係一個教材啫，
而家做呢D 工作一樣可以養活家人，
但要負上大量體力辛勞而換取，
如果讀好書，將來有多D 選擇比自己，
可以自己揀工，唔使份工揀自己吖嘛！
樣樣都話怕傷害D 細路仔，
其實講D 事實同可能既後果有咩問題？

作者: SandyWu 時間: 07-7-30 14:41

原文章由 麟媽媽 於 07-7-30 14:18 發表
父母做緊呢類工作，應該同仔女講，
自己當年係咪真係無比心機讀書呢？
咁如果自己真係咁，對仔女都係一個教材啫，
而家做呢D 工作一樣可以養活家人，
但要負上大量體力辛勞而換取，
如果讀好書，將來 ...

同意,所以我覺得無咩問題,最緊要係自食其力,好過d有手有腳去等政府養既人

而且現實中真係無咩特別技能同學識既人會做d體力勞動既工作,我細個個陣阿媽夠話唔讀書做乞兒tim啦,我地有時唔可以太保護d小朋友,等佢地好似活係個dream world度

作者: VKwan 時間: 07-7-30 15:14

唔可以話所有清潔工都係冇心機讀書，可能由於以前家庭環境/個人資質所限/際遇………但佢地學歷低係不爭的事實，調轉黎講今時今日我相信讀唔成書的佔左一半以上係未盡力lor，咁人地句台詞都係想警惕小朋友，要佢地長遠地諗諗自己的出路，咁有咩問題？

就算某d家長個心唔舒服，諗真d都應該想下一代比自己更好，點解要嘈，不過家長嘈我都可以體諒，老師嘈我就好頂唔順，做老師係應該向學生如實反映社會的實況，好叫佢地要為自己將來的前途負責任，而唔係一尾"餵牙鳥片"-----舒服但被麻醉！

雖然我唔同意女王的教室的罰人方法，但我同意果種教育精神。

有一句台詞，其實唔記得太清楚，意思係：老師的好與壞唔可以由任何人去評價，而係由學生好多年以後狀況去引証。
唔該e+d人，清醒d啦！

作者: oscarmama 時間: 07-7-30 16:11

原文章由 SandyWu 於 07-7-30 14:41 發表

同意,所以我覺得無咩問題,最緊要係自食其力,好過d有手有腳去等政府養既人

而且現實中真係無咩特別技能同學識既人會做d體力勞動既工作,我細個個陣阿媽夠話唔讀書做乞兒tim啦,我地有時唔可 ...

作者: wensi 時間: 07-7-30 17:41

原文章由 502 於 07-7-30 14:07 發表
先旨聲明，我只是劇場組合的Fan, 沒有其他任何關係！

據我理解，劇場組合是以慈善性質邀請一些團體參觀總彩排，目的是想讓一些低收入或有經濟困難的小朋友也可以觀看到兒童劇。現在報導只提到觀衆 ...

我有睇星期六晚,我覺得套戲ok wow! 真係好多父母甘樣鬧D仔女ge wow!我覺得係比父母返醒下自己。

總彩排係俾左一班低收入或有經濟困難的小朋友去觀看。

作者: 502 時間: 07-7-30 17:49

Wensi,

原来我地同时同地在恶人谷！

502

原文章由 wensi 於 07-7-30 17:41 發表

我有睇星期六晚,我覺得套戲ok wow! 真係好多父母甘樣鬧D仔女ge wow!我覺得係比父母返醒下自己。

總彩排係俾左一班低收入或有經濟困難的小朋友去觀看。

作者: 杰杰媽媽 時間: 07-7-30 22:20

我成日都同個仔講,佢成日咁懶/又唔讀書,第時要做乞兒

作者: sally.cc 時間: 07-7-30 22:37

提示: 作者被禁止或刪除內容自動屏蔽

作者: fattymama 時間: 07-7-30 22:46

嘩！我都有同阿囡講讀唔成書去美X賣西餅喎

！咁死得喇

！
為o左唔比人投訴,咁以後要同D仔女講

："唔讀書唔怕o架,你鍾意做嘜都得o架,盡情去打機啦！玩得開心D呀！因為將來個天自然會跌錢落o黎養你o架:loveliness: ！"咁樣投訴D人係唔係o岩聽D呢

?
董太都話啦,唔好淨係識得

Complain:tongue: ！Complain

！Complain

！

作者: GeorgiHo 時間: 07-7-31 09:37

電視有訪問過讀完大學去掃街. 咁又點丫? 唔通你話佢唔好好地讀書咩? 有時d際遇既野話唔埋.

作者: Sindy 時間: 07-7-31 09:56

其實係屋企點教小朋友,好少影響到人地,所以係屋企講野既尺度可以好大,但係搬出黎係公眾咁表演唔同,佢果d說話又唔係百份之百正確,的確令到聽到既人唔多舒服,有必要檢討下架,好似做地盤咁,未必讀得少書去做.........打開報紙,管理層果d最少都要higher cert/dip.先搵到野做,佢地都係叫做地盤,識得有個女仔,成三十分會考,都入左建築系

[ 本文章最後由 Sindy 於 07-7-31 09:57 編輯 ]

作者: odelia_ho 時間: 07-7-31 10:30

[唔讀書要掃街]正是反映現實,我覺得並冇不對, 如果你去訪問

作者: Sindy 時間: 07-7-31 10:38

以前d人,個個都讀得書少,掃街都叫一份工作,係幼稚園都有教,專重人地既職業,呢d叫幫助我們的人,如果改做'唔讀書,就好難搵工',我覺得都貼近現實,又無抵毀其他人

原文章由 Sindy 於 07-7-31 09:56 發表
其實係屋企點教小朋友,好少影響到人地,所以係屋企講野既尺度可以好大,但係搬出黎係公眾咁表演唔同,佢果d說話又唔係百份之百正確,的確令到聽到既人唔多舒服,有必要檢討下架,好似做地盤咁,未必讀得少書去做...... ...

作者: jk67jk 時間: 07-7-31 10:41

其實都只係反映現實父母的期望吧！用什麼心去聽，便是用什麼心去理解。類似「言者無心、聽者有耳」— 但不等於完全相似。
一d比喻或假設，都係以一般人生活中所見所理解的去講吧！
唔通話：「唔讀書唔緊要，成龍一樣細個唔讀書，佢仲有錢過我啦！商界好多其才，細個都冇讀過書。」 (e.g. 講說話的係大學一級榮譽生) 冇人咁教細路啩~

讀完大學去掃街，去做地盤，會有，但比例少。在地盤做的，也不一定是苦力，做工程師也曬得好黑，要落地盤。係一個短時間內，要表達一個訊息：「唔努力讀書，將來好辛苦」。細路點去容易理解辛苦，不就是眼見係街邊亳無選擇地要忍受烈日當空、汚漕、惡臭的工作囉！

如果下下要顧著，一個事情有兩或三個層面去解構，咪要講到水死春咁長 ~ ~ 哩d 不同層面的因由，該留待家長指引，而不是在一套話劇、或一套電視劇內教授呢！

e+d 細路，好難搵野做 — 咪唔搵野做，等人養囉！哈哈！

雖然我都會用一d 比較低下階層的工作去告訴兒子，唔努力讀書將來可能只可以做這類工作，但我也有教兒子要尊重這伙辛勞工作的人 — 每一個人、每一樣工作都是有作為的，但當有機會裝備自己爭取好一點的工作崗位而不好好把握，最後的結果是沒有選擇。

[ 本文章最後由 jk67jk 於 07-7-31 11:01 編輯 ]

作者: jk67jk 時間: 07-7-31 10:55

「唔讀書第時掃街」，或者有人鍾意架！

我姪女完全冇心機讀書，佢亞媽同佢講，將來乜都唔識，好似菲傭姐姐咁做人地個工人呀！佢不知幾開心咁話：「原來可以做菲傭！咁我將來就做菲傭啦！讀書太辛苦啦！」

作者: ualacinom 時間: 07-7-31 11:58

我覺得提早灌輸「唔讀書就要掃街」的思想給小朋友是正確的﹗因為現今的社會是有競爭，環顧四周的政府官員那一位不是坐在辦公室。

作者: wensi 時間: 07-7-31 12:29

原文章由 502 於 07-7-30 17:49 發表
Wensi,

原来我地同时同地在恶人谷！

502

題外話
我前面個個係阿Sa,老點仔仔去簽名,簽完仔仔問佢係邊個吖!

作者: 麟媽媽 時間: 07-7-31 12:37

我都覺得唔可以用某D 人讀完大學，
一樣做某D 勞動工作為理由既，
因為讀好書既人有選擇權吖嘛，
一個會計師有一日想去做清道夫，
只要有人請，佢可以即時返工，
但一個清道夫想去做會計師，
一樣可以，但唔係即時，比心機考囉。
我覺得一定要比小朋友知，
將來佢自己想行咩路，便要裝備自己，
而學歷係成世跟住自己既，
老豆剩落都可以比人搶晒，
唯獨知識學歷，可以令佢路好行一點。

作者: G-Ma 時間: 07-7-31 12:56

好同意! 「言者無心、聽者有耳」, 最緊要家長比返適當嘅指引. 及早比小朋友接收呢個訊息我覺得係一件好事.

原文章由 jk67jk 於 07-7-31 10:41 發表
其實都只係反映現實父母的期望吧！用什麼心去聽，便是用什麼心去理解。類似「言者無心、聽者有耳」— 但不等於完全相似。
一d比喻或假設，都係以一般人生活中所見所理解的去講吧！
唔通話：「唔讀書唔緊要 ...

作者: Sandra_100 時間: 07-7-31 13:19

So, does it mean we can just have 樣板戲 in Hong Kong?

The whole world is beautiful, all people are nice, 體力勞動既工作 is the best...... just like China before!

Actually there are too much bad things the kids can see and feel in Hong Kong. Even you can change the 台詞 but the kids still can hear many 貶低 and 歧視 words from the people around them. Parents and teachers also need to explain and discuss with the kids.

作者: YongXin 時間: 07-7-31 13:31

所以我覺得投訴人係偽善既. 即係個家長會同個小朋友講:「清道夫都係好好既職業來架仔...... 比心機讀書, 但係大個就做份好0的既工, 唔好掃街播.」咁阿仔會得到甚麼清楚既訊息呢?

個社會太嬌縱, 太講平等機會, 太講反歧視. 共產國家都所餘無幾喇, 現實世界, 甚麼都有分高下既. 憑知識學歷得到較好既生活, 都係需要付出好大努力, 這個觀念有何問題?

作者: schiu999 時間: 07-7-31 14:20

1. 這單新聞見于星期日Apple，不用太認真！！可能係個記者問：「唔勤力讀書，以後去做地盤同清潔、掃街」既教仔方法好唔好？有冇睇少睇低人？個老師又傻吓傻吓答佢，咪俾个記者演繹〔又或作大〕個新聞出来囉！若果個老師認同這句對白，記者又可能作老師同詹瑞文宣揚讀書功利主義！死咪！！

2. 掃街都唔錯！曾蔭权都做過掃街大隊長啦！！

原文章由 麟媽媽 於 07-7-30 14:18 發表
父母做緊呢類工作，應該同仔女講，
自己當年係咪真係無比心機讀書呢？
咁如果自己真係咁，對仔女都係一個教材啫，
而家做呢D 工作一樣可以養活家人，
但要負上大量體力辛勞而換取，
如果讀好書，將來 ...

作者: baekdoosan 時間: 07-7-31 14:26

清掃街道始終是一份正當的工作. 雖然我個人不完全否定「唔讀書要掃街」的教育成份. 但有些「事實」並不適宜公開講出來. 例如羅范椒芬對傳媒說:「根本上教改有很多學校推行, 如果是(與教改有關), 為何只有這兩名教師（自殺）呢?」(雖是事實, 但作為高官這樣公開說很失敗.)

詹瑞文先生應該澄清「唔讀書要掃街」不含貶義或歧視個別行業成份, 對部份觀眾產生誤會深表歉意, 即可化解事件. 但詹瑞文"直指投訴的老師與家長眼光狹窄及無知" <-- 這樣的回應表示很可能他是借報導乘機宣傳舞台劇.

教育孩子努力上進是一回事, 但我並不支持歧視或貶低學歷低的人(或拿低收入行業開玩笑). 兩者不應混為一談.

作者: wensi 時間: 07-7-31 15:11

lee 句說話要有前文後理先可以比意見,

就惡人谷lee 套戲,係"蛙仔"話D 大人老師鬧佢唔讀書要掃街做地盆。如果我無記錯.

如果你聽到5開心反感,就返醒或提醒自已唔好對少朋友講

。

作者: TWMa 時間: 07-7-31 18:11

我的印象中, 並不是詹瑞文的角色說 "唔讀書, 將來就做掃街".
"惡人谷" 剛開場時, 蛙仔那粗俗甚至帶暴力的言詞, 的確十分 "得人驚". 再加上左一句 stupid, 右一句 stupid, 只見阿囡覺得好玩, 立刻模仿, 嚇得我在旁直叫個囡不可這麼說話, 不要模仿.
但很快地, 隨著劇情便知道蛙仔原來正是語言暴力下的受害者, 他代表的是多數人認定的失敗者、小惡人, 也就是 "冇鬼用"、"冇得救" 的小孩. 他那粗魯的言語, 自暴自棄甚至暴力的傾向, 不是多得他身旁的大人們嗎?
這裡很多家長都說曾向子女說過類似的話, 這個劇只是忠實地把大人們見子女不努力會說的話, 在劇中說出, 看了只會反思, 又扯上什麼職業歧視呢?
這個劇, 對大人和小孩都有很好的教育意義, 見不到這些, 只拿什麼歧視, 應刪去對白來報導, 令人搖頭.

作者: IRON 時間: 07-7-31 19:59

如果話灌輸"唔岩既信息"俾仔仔, 我諗我地都講左唔少, 老公成日做到腰酸背痛, 身水身汗返黎都會同仔仔講, 要俾心機讀多d書哦, 如果爸爸以前讀多d書, 而家就唔駛咁辛苦, 可以做阿sir坐房啦.....咁算唔算講低消防呢個職業呢?!

前幾日仔仔同朋友仔傾計, 佢好老積同人話要努力讀書呀, 上唔到大學就要做執汽水罐, 執紙皮架啦......

作者: stccmc 時間: 07-7-31 23:29

提示: 作者被禁止或刪除內容自動屏蔽

作者: nintendo 時間: 07-8-1 15:01

現在香港的年輕人，之所以冇上進心，就係階級觀念越來越模糊，
以往的香港，階級觀念重，好多人為了要擺脫做工廠妹的生活，都努力進修，當年就最興讀會計/簿記，希望有日可以做寫字樓工。
媽媽做工廠，去到仔女都可能已經係做寫字樓工，
做寫字樓工的，仔女可能有得讀大學，
一代一代下去，只有 "進步" 的情形。

階級觀念越重，人就越有推動力，要向上爬，要爭取更好等生活，
這個同歧視冇關，係事實，係現實，
現實係，會計師的確比掃街 "地位" 高，
可能，有 d 自己或者係家人係做掃街的唔鍾意聽，
不過自己自問，希望孩子做會計師定掃街多一 d？

就係有這樣明確的階級觀念，社會先會有進步，
人先至會努力，先至會有一個希望下一代 "比自己好" 的願望。

如果要樣樣工作都真係完全 "平等"，就等於要走向共產主意的路，到時大家吃大鑊飯，你係會計又係 "三十六" ，掃街都係 "三十六"。

作者: ABBmom 時間: 07-8-1 23:09

尊重他人職業是應該，但如果做戲都要就住就住，便如一些網友所說全要變成樣板戲，搵邊個去睇？

有時有些說話係好籠統咁講，例如戲子無情，逢商必奸等，尤其係用在戲劇上時，真係無必要對號入座。

歡迎光臨教育王國 (/)