教育王國

標題: 我囝囝派了兼收位啦 [打印本頁]

作者: garytai 時間: 07-8-9 15:46 標題: 我囝囝派了兼收位啦

06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都進步左, 洗咁多錢都值得的

不過唔知係咪之前過份著重佢的整體發展, 忽略左佢的性格, 依家佢的發展都可以話慢慢上軌道, 現在又要執佢d脾氣, 佢一唔鍾意就打人, 拎玩具丟人, 而且好牛黃, 都有少少覺得樣樣要兼顧真係唔容易, 做一個盡責的媽咪更加困難, 不過當發現佢有少少進步我就好開心, 以前佢打完人就走左去, 到依家佢打人後就話呵番, 當然我都唔准佢用呢種表達方式, 但係要執佢打人真係好大張力, 教極, 勸極佢都仲係咁, 有時真係好忟, 希望未來可以同兼收老師一齊執埋佢呢種性格, 咁就very good啦

作者: Charlotte_mom 時間: 07-8-10 14:54

我仔仔都讀緊秉收位, 開左學一個星期, 佢對學校都熟悉lu, 今日剛開始家長清場, 放學時老師話, 佢都ok, 去廁所, 換鞋, 上堂都無問題, 係走黎走去, 食飯又唔乖, 好在老師之前已經同我夾定, 有必要時會做惡樣俾佢睇, 暫時我個仔見到老師"變臉"都識stop! 一切under control

講開打人, 我都見過我個仔打人, 不過係隔離位個妹妹先打佢一把, 我個仔呆左, 3秒後仆返人地個頭..........

哎, 2個都唔arm架喇, 一齊俾老師訓話lor!
你都可以多d同老師溝通, 希望你仔仔學校生活愉快

原文章由 garytai 於 07-8-9 15:46 發表
06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都 ...

[ 本文章最後由 Charlotte_mom 於 07-8-10 14:56 編輯 ]

作者: llcathy2004 時間: 07-8-10 19:13

我個仔又係啱啱開學，初初果兩日又喊又唔聽話好失控，呢幾日完全分離反而乖啲，又可能熟左個環境同兼收老師啦，無咩點喊喇，今日肯自己食飯添．不過都係唔識控制情緒，希望第日會好啲啦．

作者: garytai 時間: 07-8-11 16:12

原文章由 llcathy2004 於 07-8-10 19:13 發表
我個仔又係啱啱開學，初初果兩日又喊又唔聽話好失控，呢幾日完全分離反而乖啲，又可能熟左個環境同兼收老師啦，無咩點喊喇，今日肯自己食飯添．不過都係唔識控制情緒，希望第日會好啲啦．

點解你地咁快可以開學? 係咪舊年讀開? 囝囝將會讀果間話要1/9先可以入讀!

作者: Charlotte_mom 時間: 07-8-11 17:11

唔係..........係間學校本身早d開學姐, 6/8已開學, 不過學校講左, 出年開始, 為左就返學券9月開始"派錢", 都會改返9月開學
我比你好彩, 我2月至開始排, 仲只排左而家果一間(因為社工朋友贊好), 結果今年就入到.........

我個仔好"醒", 識得蝦老師(夠膽死試人地底線), 好在老師經驗十足, 見招拆招

原文章由 garytai 於 07-8-11 16:12 發表
點解你地咁快可以開學? 係咪舊年讀開? 囝囝將會讀果間話要1/9先可以入讀!

作者: kikiboy 時間: 07-8-11 17:54

我囝囝都係9月開始入兼收位, 佢係呢間學校讀左一年N1, 8月已升K1, 但兼收位9月先開始. 言語治療師2星期到一次, 你o地學校可唔可以俾家長睇上課呀? 你o地打唔打算每次都去睇上課呀? 我間家長可以睇, 我好希望可以每堂都到, 但我要返工唔知就唔就到時間.
開學後我o地多D分享下啦.

作者: llcathy2004 時間: 07-8-11 19:44

我仔呢間正式兼收位係九月開始,但我怕佢適應能力唔好,所以比佢早啲番學,趁兼收位老師得閒啲,同佢玩熟啲,第日教佢都容易啲.

原文章由 garytai 於 07-8-11 16:12 發表

點解你地咁快可以開學? 係咪舊年讀開? 囝囝將會讀果間話要1/9先可以入讀!

作者: llcathy2004 時間: 07-8-11 19:47

你意思係言語治療嘅堂?老師都希望家長盡量出席,學下配合係屋企點做.可以的話梗係想次次去啦,睇下到時時間點,公司得唔得.

原文章由 kikiboy 於 07-8-11 17:54 發表
我囝囝都係9月開始入兼收位, 佢係呢間學校讀左一年N1, 8月已升K1, 但兼收位9月先開始. 言語治療師2星期到一次, 你o地學校可唔可以俾家長睇上課呀? 你o地打唔打算每次都去睇上課呀? 我間家長可以睇, 我好希望可以 ...

作者: anhemama 時間: 07-8-12 23:55

garytai,

我同你仔仔一樣,9月正式入兼收位,真係好開心,佢依半年都進步咗,我想問下你,仔仔對外語會唔會特別有興趣同好記性

原文章由 garytai 於 07-8-9 15:46 發表
06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都 ...

作者: garytai 時間: 07-8-13 23:08

原文章由 anhemama 於 07-8-12 23:55 發表
garytai,

我同你仔仔一樣,9月正式入兼收位,真係好開心,佢依半年都進步咗,我想問下你,仔仔對外語會唔會特別有興趣同好記性

你好呀, 我囝囝對外語又唔覺特別有興趣, 不過會容易記d囉, 好似玩abc拼板佢日日玩, 玩左半個月現在都認abc啦, 在街見到英文字都識得讀, 我都冇刻意教佢, 佢都好鍾意玩, 反而數字拼板都有玩, 不過就成日撈亂, 仲係唔多認得咁, 認真奇怪!

[ 本文章最後由 garytai 於 07-8-13 23:14 編輯 ]

作者: garytai 時間: 07-8-13 23:13

原文章由 Charlotte_mom 於 07-8-11 17:11 發表
唔係..........係間學校本身早d開學姐, 6/8已開學, 不過學校講左, 出年開始, 為左就返學券9月開始"派錢", 都會改返9月開學
我比你好彩, 我2月至開始排, 仲只排左而家果一間(因為社工朋友贊好), 結果今年就入到 ...

嘩, 你咁好彩既, 原本今年囝囝派唔到嫁, 因為我家住將軍澳, 所以揀親都係將軍澳的熱門學校, 當五月知道派了位六月打去問社工, 佢話派唔到, 仲話我揀果幾間都好多人排, 未有耐到我個仔, 我好勞氣又成日打去同社工講我囝囝好需要兼收位(是實亦都係好需要, 因為前幼稚園校長都不斷催我快快攪兼收位), 個社工先話有幾間有機會派到位, 問我轉唔轉? 我就即刻轉學校, 直到後備位派第三輪先派到囝囝....如果唔係之前日日打去哦社工囝囝都未必派到位

[ 本文章最後由 garytai 於 07-8-13 23:15 編輯 ]

作者: amon28 時間: 07-8-14 00:07

garytai

我都係住將軍澳,囝囝岩岩先排i位,我都唔知揀邊間,暫時揀了明德話要排一年,囝囝依家2歲,今年要揾定學校3歲入學,到時排到又要轉校,真係好煩.
請問邊幾間係熱門學校,我唔會揀啦因我唔想等咁耐我想囝囝可以快些排到入學
你囝囝排到邊間呀,可以話比我知嗎

原文章由 garytai 於 07-8-13 23:13 發表

嘩, 你咁好彩既, 原本今年囝囝派唔到嫁, 因為我家住將軍澳, 所以揀親都係將軍澳的熱門學校, 當五月知道派了位六月打去問社工, 佢話派唔到, 仲話我揀果幾間都好多人排, 未有耐到我個仔, 我好勞氣又成日打去同 ...

作者: garytai 時間: 07-8-14 23:36

原文章由 amon28 於 07-8-14 00:07 發表
garytai

我都係住將軍澳,囝囝岩岩先排i位,我都唔知揀邊間,暫時揀了明德話要排一年,囝囝依家2歲,今年要揾定學校3歲入學,到時排到又要轉校,真係好煩.
請問邊幾間係熱門學校,我唔會揀啦因我唔想等咁耐我 ...

amon28,

如果你現在才排i位我勸你不要排明德了, 因為我問過社工明德今年只派到06年3月遞表的人, 我是06年9月, 所以我估我唔轉下年都未必到我, 何況你現在才遞表....

其實你真的可以打去問社工那些學校不要排咁耐, 佢地知道的, 下個月囝囝便轉去保良局彩明幼稚園,據社工資料這間已派到07年5月遞表的, 如果仍是這樣你的囝囝有可能下年便派到位, 不過一切都問左社工後再作決定! 如果囝囝在彩明讀得好我再話你知, 因為保良局彩明02年才辦學, 而且是混齡教學, 雖然混齡概念很好, 不過也要看囝囝夾唔夾間學校, 所以如果返得好再報料告知!

至於將軍澳熱門的學校有: 明德, 播道茵怡, 司務道, 因為我選的學校是沒有宗教及基督教, 至於其他宗教我沒有揀, 所以不知道他們的熱不熱門, 你可以問問社工, 還有健明村那間我記不起什麼名字都熱門, 我所提供的是這幾間!

其實之前有人教我成日煩住社工會派得快d, 但我覺得咁做唔係咁好, 所以冇咁做, 到五月派位時知道囝囝沒有位, 開始心急, 又記起有人教煩下社工, 所以當時一星期都打成兩三次, 果次煩多佢地幾次佢地真係會著緊d (唔做衰人都唔得), 最後囝囝今年便派了位, 而且以我了解 i 位真的會幫到有需要 i 位的小朋友, 至少1位老師對6個同學, 囝囝進步都快d, 而且言語治療, 物理治療等都會有得做, 所以為左 i 位我都寧願揀一間唔係自己心水果間都要快d俾囝囝入到 i 位!

作者: Charlotte_mom 時間: 07-8-15 10:56

我果時, 仔仔已經考到間唔錯既幼稚園(所謂名校), 點知姑娘話要入i位! 失晒預算又唔知點揀好!
有個好朋友係社工, 佢當時教我排"基督教服務處", 話老師好好(就算對一般小朋友都好有愛心), 當我同政府社工講我既concern, 佢就話, 既然你煩緊讀唔讀, 咁排一間你最鐘意lor! 好過魚翁撤網, 到時梗有一間不過你又未必鐘意, 放棄左你想要返就難!
於是我咪只排一間lor! 其實快唔快, 仲要睇埋有幾多學生將會離校, 今年我仔仔果間有4個位出, 所以一下子可以收4個i位
到社工通知我有位, 我又"出路遇貴人", 唸起bk有個網友讀過, 即時pm佢問意見啦, 同佢傾完, 我放晒心lu
i位唔係一個老師對6個小朋友wor........係一間學校有6個i位(o係唔同班), 佢地平時都係跟大班上堂既, 不過老師可能有特別安排, 譬如我仔仔老師, 會安排個別跟唔上既小朋友(even唔係i位)上補堂, 可能大家學之前, 小朋友已學左一次, 咁到大班上堂, 又安排佢排頭位, 又特別留意要佢有feedback, 咁佢就易d投入到喇
至於其他專業服務, 就會有治療師輪流黎做, 定時有評估等, 個治療師唔係註校既! 不過校內會有受過訓既老師
我仔仔返左一星期, 老師好掂! 我個仔平時o係屋企慣左俾人喂飯

, 呢2日返學食飯已經知晒規矩, 自己爬晒成碗喇(初時都有同老師戰鬥架!!)

原文章由 garytai 於 07-8-14 11:36 PM 發表

amon28,

如果你現在才排i位我勸你不要排明德了, 因為我問過社工明德今年只派到06年3月遞表的人, 我是06年9月, 所以我估我唔轉下年都未必到我, 何況你現在才遞表....

其實你真的可以打去問社工那些學校 ...

作者: amon28 時間: 07-8-15 14:36

多謝你們報料同意見,我個社工咩都唔肯講,好似咩都唔知,只叫我自己去睇學校.我都有聽過基督教服務處幾好,所以我心目中都有攔宫塘個間,昨天專登請假去睇心目中的幾間學校,近屋企有明德和厚恩,遠有樂緻,彩明和觀塘基督教服務處
明德普通位已經有300幾人waiting, i位得6個都好渺茫啦…不過佢哋用蒙特梭利教學,我囝有玩這些教材,所以我都會照排,但就次選
厚恩校舍舊環境比較差近街市有陣味
觀塘個間就要坐保母車,要行5層榴梯先到學校,我擔心囝囝上落榴梯有意外
樂緻和彩明都OK,但彩明比我感覺好些,環境寧靜,四周全是幼稚園無咁複習,聽落佢哋混齡教學的概念好似幾好咁,加上如果唔坐保母車,出MTR經商塲就到,落雨都唔怕,又唔洗過馬路,對我要返工只得工人湊阿囝返放學係比較安心
我依家首選係彩明,亦打算報定明年普通位入學,到時排到i位就唔洗轉校
graytai 聽你咁講我囝有可能明年已排到,到時佢哋就係同學師兄師弟,你囝囝下月開學情況係點記同我分享,thanks

作者: llcathy2004 時間: 07-8-16 20:02

可以問下學校兼收位情況，有啲兼收位老師唔駛教其他班，可以多啲時間睇住兼收位學生．

原文章由 amon28 於 07-8-15 14:36 發表
多謝你們報料同意見,我個社工咩都唔肯講,好似咩都唔知,只叫我自己去睇學校.我都有聽過基督教服務處幾好,所以我心目中都有攔宫塘個間,昨天專登請假去睇心目中的幾間學校,近屋企有明德和厚恩,遠有樂緻,彩明 ...

作者: Charlotte_mom 時間: 07-8-17 15:04

有咩? 一間學校只有6or12個秉收位, 仲要散佈咁多級咁多班, 如果個老師只睇果幾個小朋友, 咪好難安排?

原文章由 llcathy2004 於 07-8-16 08:02 PM 發表
可以問下學校兼收位情況，有啲兼收位老師唔駛教其他班，可以多啲時間睇住兼收位學生．

作者: llcathy2004 時間: 07-8-17 17:55

我之前排第一志願果間個兼收位老師就係話無教其他班嘅，不過實際都唔知佢係點安排．可惜呢間好多人排，而家都好似到０６年１月乍．

原文章由 Charlotte_mom 於 07-8-17 15:04 發表
有咩? 一間學校只有6or12個秉收位, 仲要散佈咁多級咁多班, 如果個老師只睇果幾個小朋友, 咪好難安排?

作者: garytai 時間: 07-8-17 21:00

原文章由 llcathy2004 於 07-8-17 17:55 發表
我之前排第一志願果間個兼收位老師就係話無教其他班嘅，不過實際都唔知佢係點安排．可惜呢間好多人排，而家都好似到０６年１月乍．

聽人講有d學校的兼收老師要做埋行政d野, 根本冇時間做兼收小朋友的野, 有等於冇...

尋日兼收組老師應該黎家訪, 約了四點半, 但係過左時間都未到, 我就打電話到學校, 老師問唔係20/8咩? 我話我一定唔會俾呢個期你喎(因為一, 三, 五我都唔得閒), 佢聽後話即刻黎做家訪, 我都奇怪, 覺得老師似唔記得約左我, 心中都有少少唔鍾意, 覺得兼收老師點解咁唔細心...不過媽咪話睇耐d先下定論, 希望今次事件只屬個別事件:cry:

我果間學校的兼收老師應該淨係專職睇番自己果六個小朋友, 因為學校有文員做行政野, 而且學校係有18個兼收位, 即係有三個兼收老師, 所以要做行政野都應該會分均黎做卦

作者: Charlotte_mom 時間: 07-8-17 22:35

希望係個別事件啦!
我上次做school visit, 個校長叫個老師(應該黎梗會教我仔果班), 照顧班上小朋友同時, 都認識下新同學, 當時我唸, 點解個老師咁唔主動架, 死啦..........
跟住我發現果次真係個別事件(可能咁arm老師較忙), 而家呢個老師, 治到我個仔好掂!!

亦好有交帶, 真係好多謝佢

原文章由 garytai 於 07-8-17 09:00 PM 發表
聽人講有d學校的兼收老師要做埋行政d野, 根本冇時間做兼收小朋友的野, 有等於冇...

尋日兼收組老師應該黎家訪, 約了四點半, 但係過左時間都未到, 我就打電話到學校, 老師問唔係20/8咩? 我話我一定唔會俾 ...

作者: llcathy2004 時間: 07-8-18 00:00

有家訪呀?又幾好喎,即係佢地有心了解個小朋友啦,我果間好似無...都無聽佢地提過.
所以與其話睇學校,不如直接問下兼收老師係學校嘅情況仲實際.

原文章由 garytai 於 07-8-17 21:00 發表

聽人講有d學校的兼收老師要做埋行政d野, 根本冇時間做兼收小朋友的野, 有等於冇...

尋日兼收組老師應該黎家訪, 約了四點半, 但係過左時間都未到, 我就打電話到學校, 老師問唔係20/8咩? 我話我一定唔會俾 ...

作者: samesame 時間: 07-8-18 14:50

HI, 各位,

其實我仔都讀左一年兼收位,間學校係有12個 I 位,即係有兩個兼收老師,但我發覺佢地都好小主動同家長講番小朋友係學校既表現囉,次次都係家長自己問返,講返岩岩過去既一個學期,負責我個仔既兼收老師,仲要係入埋班既,即係要負責埋其他既小朋友,個班另外都仲有兩位老師既,但成班有成40個小朋友,我都唔知佢地可以點分配,但我曾經都有問過有關部門,佢地話兼收老師係可以入埋班既,咁我都唔可以出聲.

至於今年,我都唔知佢地會點安排,我都曾經問過另外一位兼收老師,但比我既感覺係敷衍我囉,到今日佢地都無再同我講返會係點安排囉,其實我原本可以轉過第二間,但又怕個仔要再重新適應過,所以無要到個個位,,但而家我真係好想轉過第二間,我會再問下得唔得!

[ 本文章最後由 samesame 於 07-8-18 15:24 編輯 ]

作者: llcathy2004 時間: 07-8-18 19:52

讀兼收位，真係好睇彩數，派到好學校仲要遇到好老師∼∼
samesame,仔仔都係有進步呀？想問下點樣可以轉第二間？唔駛重新排過嗎？

原文章由 samesame 於 07-8-18 14:50 發表
HI, 各位,

其實我仔都讀左一年兼收位,間學校係有12個 I 位,即係有兩個兼收老師,但我發覺佢地都好小主動同家長講番小朋友係學校既表現囉,次次都係家長自己問返,講返岩岩過去既一個學期,負責我個仔既兼收老師, ...

[ 本文章最後由 llcathy2004 於 07-8-18 19:53 編輯 ]

作者: garytai 時間: 07-8-18 22:35

原文章由 samesame 於 07-8-18 14:50 發表
HI, 各位,

其實我仔都讀左一年兼收位,間學校係有12個 I 位,即係有兩個兼收老師,但我發覺佢地都好小主動同家長講番小朋友係學校既表現囉,次次都係家長自己問返,講返岩岩過去既一個學期,負責我個仔既兼收老師, ...

聽你咁講真係令人幾失望喎, 不過想問你仔仔讀左兼收位有冇進步左? 因為讀兼收位都係想幫個小朋友盡快追番貼d發展進度, 你囝囝係咩原因排兼收位? 我都覺得派到好學校真係好講彩數...:cry:

作者: samesame 時間: 07-8-20 13:40

garytai & llcathy 2004,

我個仔係因為有自閉傾向既,其實話佢有無進步又真係好難講,的確亞仔係多左野講,而且都係有條理既,但我同我老公都應為,係小朋友大個左,識多左野,而且自己又成日問下佢野架,見到咩都同佢講呀,日積月累佢就好肯講野囉,但佢一返到學校就好靜,而且自理方面,佢都唔係好肯去做,但係屋企就好唔同囉,氹下佢,佢都好肯做!

一句講晒,真係好睇遇唔遇到好學校同好有耐性既老師囉!

作者: Charlotte_mom 時間: 07-8-20 19:20

我仔仔老師係每日(係每日!)都會同我講返小朋友學校表現, 如果唔係我去接放學, 佢仲會特登打電話俾我tim!
而且學校日日都會email個課室日誌俾我, 每日學左咩, 唱左咩歌, 食左咩, 我都知, 仲有上堂花緒tim!
至於轉校, 我問過姑娘, 如果有特別情形(例如搬屋), 就會加快進度, 如果唔係都有排等......你問下社工啦! 哎, 不過政府既野, 都係自己努力d去爭取好d!

原文章由 samesame 於 07-8-20 01:40 PM 發表
garytai & llcathy 2004,

我個仔係因為有自閉傾向既,其實話佢有無進步又真係好難講,的確亞仔係多左野講,而且都係有條理既,但我同我老公都應為,係小朋友大個左,識多左野,而且自己又成日問下佢野架,見到咩都 ...

作者: 軒軒媽 時間: 07-8-21 14:24

我亞仔都排左好耐(11/06),而家都未有任何通知!

作者: Charlotte_mom 時間: 07-8-21 14:41

你排一間, 定排多間呀? 打俾社工追追啦!!

原文章由 軒軒媽 於 07-8-21 02:24 PM 發表
我亞仔都排左好耐(11/06),而家都未有任何通知!

作者: wkwok01 時間: 07-8-21 17:49

可唔可以問下你小朋友派左邊間兼收呀?

原文章由 Charlotte_mom 於 07-8-15 10:56 發表
我果時, 仔仔已經考到間唔錯既幼稚園(所謂名校), 點知姑娘話要入i位! 失晒預算又唔知點揀好!
有個好朋友係社工, 佢當時教我排"基督教服務處", 話老師好好(就算對一般小朋友都好有愛心), 當我同政府社工講我既c ...

作者: Charlotte_mom 時間: 07-8-21 19:39

咪就係基督教服務處lor, 我排左一間咋

原文章由 wkwok01 於 07-8-21 05:49 PM 發表
可唔可以問下你小朋友派左邊間兼收呀?

作者: garytai 時間: 07-8-21 23:42

其實大家覺唔覺得好無奈? 可以揀的學校唔係多, 好的學校有排排, 好似我咁唯有放棄心水校都要讀兼收位.....:cry:

你有冇打電話問社工你排果間學校仲要排幾耐? 有可能k2, k3都冇位咪慘:-|

[ 本文章最後由 garytai 於 07-8-21 23:47 編輯 ]

作者: wkwok01 時間: 07-8-22 09:07

係咪灣仔銅鑼灣之間果間,我個仔今年k1,唔知會唔會係同學呢?

原文章由 Charlotte_mom 於 07-8-21 19:39 發表
咪就係基督教服務處lor, 我排左一間咋

作者: samesame 時間: 07-8-22 11:26

我都問過D社工,佢地話而家係唔可以轉校,話之你係咩原因,但除左搬屋就唔同,而且如果你選個間學校有位,仲可以即刻安排添,另外一個辨法就係,取消讀緊既兼收位,從新排過,唉!政府既野就真係咁架炸!

個D社工,唔知係點運作,而家跟開我小朋友既社工,如果搵佢五次,有三次搵佢唔到,搵到佢呢又好似好忙咁,想吹你收線咁,唔好話而家根個個係咁,以前跟個個都係一樣,講真,無特別野,都唔想打攪佢地啦!話就話社會工作者,究竟佢地有無唸下我地既感受呢,自己個小朋友己經比一般小朋友難攪,但佢地真係啋你都傻!

作者: anhemama 時間: 07-8-22 13:50

samesame,

你住邊區ga,我知嗰個社工係tuenmun又係咁,7月份找佢唔到又無人再覆我有關仔仔兼收位入班問題,好釆最後自己弄好,佢地竟然8月中問我有咩事,真是唔知點

真係好離譜

原文章由 samesame 於 07-8-22 11:26 發表
我都問過D社工,佢地話而家係唔可以轉校,話之你係咩原因,但除左搬屋就唔同,而且如果你選個間學校有位,仲可以即刻安排添,另外一個辨法就係,取消讀緊既兼收位,從新排過,唉!政府既野就真係咁架炸!

個D社工,唔知係 ...

作者: anhemama 時間: 07-8-22 13:59

軒軒媽,你可以上swd.gov.hk看看排到點,因為我仔仔的record我都常常look住,同埋真係最好target一間你會快好多重有看清楚個間學校有幾多個兼收位(最好12個以上)我仔仔都係安排咗half個學期,重要我安排佢讀番同一間學校等佢容易适應(當然要學校有普通位給你)

原文章由 軒軒媽 於 07-8-21 14:24 發表
我亞仔都排左好耐(11/06),而家都未有任何通知!

作者: Charlotte_mom 時間: 07-8-23 18:29

係呀係呀, 近灣仔消防局果間(sorry慣左叫果度叫銅鑼灣

)
我仔仔都係k1, 佢係塏桐呀

原文章由 wkwok01 於 07-8-22 09:07 AM 發表
係咪灣仔銅鑼灣之間果間,我個仔今年k1,唔知會唔會係同學呢?

作者: Charlotte_mom 時間: 07-8-23 18:35

政府野, 人手不足, 係咁架喇.........

呀, 上次去協康做治療, 問姑娘, 網上有人話, 政府st唔做口肌/呼吸訓練, 係唔係真架? 佢話, 原來係真既! 佢話, 果d咬野訓練, 訓呼吸方法, 吹波波, 鍊住飲管唔俾佢啜等等, 都係新式方法, 而政府治療師雖然好有經驗, 不過都係舊式方法訓練出黎, 唔多理呢一套, 所以無果d治療方法wor..........

原文章由 anhemama 於 07-8-22 01:50 PM 發表
samesame,

你住邊區ga,我知嗰個社工係tuenmun又係咁,7月份找佢唔到又無人再覆我有關仔仔兼收位入班問題,好釆最後自己弄好,佢地竟然8月中問我有咩事,真是唔知點真係好離譜

作者: tvoincy 時間: 07-8-24 01:36

原文章由 anhemama 於 07-8-22 13:59 發表
軒軒媽,你可以上swd.gov.hk看看排到點,因為我仔仔的record我都常常look住,同埋真係最好target一間你會快好多重有看清楚個間學校有幾多個兼收位(最好12個以上)我仔仔都係安排咗half個學期,重要我安排佢讀番 ...

我都想look住仔仔的record. 要係swd.gov.hk邊到先click到來睇o架

作者: mercysheep 時間: 07-8-24 17:50

各位媽媽,

我都想同呀仔轉學校 (2y9m),呀仔都未識講野, 因為而家讀緊呢間d野好深,同埋我覺得d老師麻麻地, 加上唔你好識take care佢. 而家都排緊政府做評估, 自己就去左私加做, 都話佢口肋有問題. 想問吓係唔係要等政府評估完先再可以派i位學校? 我怕要等成年先有位. (排半年評估後再等派位) . 定係可以自己打去有i位的學校問吓有無位比佢呢?? 要唔要話定比學校聽我個仔需要言語治療呢???

仲有如果荃灣同九龍城附近邊間學校會好d呀??

唔該晒, 真係好煩惱!!!:cry:

作者: anhemama 時間: 07-8-24 17:54

你係康復嗰topping click入去就得啦

原文章由 tvoincy 於 07-8-24 01:36 硐表

我都想look住仔仔的record. 要係swd.gov.hk邊到先click到來睇o架

作者: garytai 時間: 07-8-25 13:55

原文章由 mercysheep 於 07-8-24 17:50 硐表
各位媽媽,

我都想同呀仔轉學校 (2y9m),呀仔都未識講野, 因為而家讀緊呢間d野好深,同埋我覺得d老師麻麻地, 加上唔你好識take care佢. 而家都排緊政府做評估, 自己就去左私加做, 都話佢口肋有問題. 想問吓係唔係要等 ...

i位的學校唔可以自己收兼收學生, 你可以打去健康院問下你仔仔的情況, 睇下佢有咩建議俾你, 又或者睇下社工可唔可以幫到你, 因為真係要快, 你仔仔兩歲九個月應該同我囝囝參不多, 因為兼收位都要排一年以上, 所以你都要快快的攪, 聽校長話發展遲緩的學生如果在六歲之前攪得掂上到小學冇問題, 不過協康會都有d自費的早期訓練做, 學校未排到做住早期訓練先都好啦!

作者: 軒軒媽 時間: 07-8-28 14:53

唔該哂各位, 我之前以為一年update一次, 我係排青衣區, 睇日期應該排到, 但又冇人通知過, 打電話去社工問, 又永遠冇回覆! 打電話去戶學校問下先!

作者: mercysheep 時間: 07-8-28 15:15

garytai,
唔該晒你, 我都有排HipHong同政府, 兩邊都未有消息, 唉!!
我自己都搵左私加同仔仔做.
係呢,係咪搵社工幫手會快d排到學校架? 可唔可以比d社工資料我呀?唔該晒你!

原文章由 garytai 於 07-8-25 13:55 硐表

i位的學校唔可以自己收兼收學生, 你可以打去健康院問下你仔仔的情況, 睇下佢有咩建議俾你, 又或者睇下社工可唔可以幫到你, 因為真係要快, 你仔仔兩歲九個月應該同我囝囝參不多, 因為兼收位都要排一年以上, 所以你 ...

作者: tvoincy 時間: 07-8-28 20:55

我有朋友話早期訓練相比下比較好, 我諗緊好唔好將i位轉早期

Any comment?

作者: Winsa 時間: 07-9-4 12:42

早期訓練好似係一星期半日，家長都要去，其實主要係 train 家長，教佢地係屋企點做練習 ~

作者: llcathy2004 時間: 07-9-7 23:24

hihi~~你地小朋友幾時開始有訓練呀?家訪係咪間間兼收位都有嘅呢?我間老師仲未同我講...不過我so far都覺得佢對仔仔幾好！

作者: 軒軒媽 時間: 07-9-7 23:40

今早收到社工電話話有位比亞仔啦!
1516又唔係第1志願, 有冇媽媽知道路德會長青幼兒園好唔好呀?
第二個Topic d 媽媽返完Playgounp勁彈呀!

作者: llcathy2004 時間: 07-9-10 03:18

番playgroup果啲若果係無特別需要嘅小朋友家長，佢地啲要求可能同我地唔同喎．

原文章由 軒軒媽 於 07-9-7 23:40 硐表
今早收到社工電話話有位比亞仔啦!
1516又唔係第1志願, 有冇媽媽知道路德會長青幼兒園好唔好呀?
第二個Topic d 媽媽返完Playgounp勁彈呀!

作者: cltm 時間: 07-9-10 13:27

小兒上星期在沙田尤德夫人兒童體能智力測驗中心被為有自閉傾向, 當天社工已幫我哋排咗兩條隊 (但現在手上無資料, 只記得社工話一條是排一個星期返5天全日, 另一條是排一個星期返一/兩次的補習班). 想問各位我現在該做什麼, 如何去做? 謝謝.

p.s. 小兒現在普通幼兒園讀n1, 返咗學2星期.

作者: garytai 時間: 07-9-11 11:02

囝囝已在保良局彩明幼稚園讀了一個星期, 感覺一般, 感覺兼收老師粗心大意, 有次話俾書包我又搵極都搵唔到, 要第二個老師提佢先搵到, 又有一次口頭通知我星期二上言語治療, 佢話會有通告通知, 點知等到星期一都冇通告, 我問佢星期二幾點?佢話通告未俾我咩? 真係俾佢吹脹, 希望佢淨係行政混亂啦, 呢位兼收老師會跟到囝囝到畢業, 現在就知佢行政上比較粗心, 我好希望佢教我囝囝既時候唔好咁大意就得啦:-|

[ 本文章最後由 garytai 於 07-9-11 11:03 編輯 ]

作者: kikiboy 時間: 07-9-11 11:48

我囝囝都係啱啱開始兼收位(之前讀左一年N1), 第一堂言語治療師做評估唔俾家長在場, 因為家長在場會影響小朋友的表現, 每2星期1次言語治療堂, 到時我就可以出席了, 我呢間唔係次次通知的, 係手冊度一次過出晒一年o既時間表, 如有特殊情況需要調堂先另外通知家長. 我下個星期就去睇上堂啦, 到時個姑娘會見我, 同我講翻囝囝o既情況, 有問題可以問翻佢.
有經驗o既媽咪, 你o地會同姑娘傾D咩呀?你o地會問D咩呀?

至於你話搵唔到書包, 好小事啫, 初初開學係會亂D, 你唔使擔心, 遲D會教你囝囝自己認自己書包o既.

原文章由 garytai 於 07-9-11 11:02 硐表
囝囝已在保良局彩明幼稚園讀了一個星期, 感覺一般, 感覺兼收老師粗心大意, 有次話俾書包我又搵極都搵唔到, 要第二個老師提佢先搵到, 又有一次口頭通知我星期二上言語治療, 佢話會有通告通知, 點知等到星期一都冇通告 ...

作者: lucialam2 時間: 07-9-11 14:33 標題: 恭喜您,因本人兒子亦入了兼收位置

原文章由 garytai 於 07-8-9 15:46 硐表
06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都進步左, ...

我是LUCIA,我的三歲兒子今年九月入了兼收位,現在巳開始評估算
了,真是辛苦,等時間又長,因我的兒子是最後一個入此位,有一位
小朋友不要此位,我才有機會入的,真是好彩

作者: garytai 時間: 07-9-12 23:25

我都知啱啱開學係亂d, 所以我都會觀察住老師的表現

囝囝啱啱做完言語治療評估, 評估佢理解比同齡慢幾個月, 表達只係得二歲頭:cry: 佢都有問我有冇問題問佢, 我就問未來的治療會針對邊方面, 同埋在家我應該怎樣教佢會更好, 其實上左九個月綜合訓練都知道點解train小朋友啦, 其實再俾多少少技巧同時間囝囝我相信佢會好快追到!

作者: 雲雲 時間: 07-10-3 17:30

各位媽咪
我仔仔3.5歲, 8月尾才評估要入i位, 點知4/10就話有位, 派左去九龍灣小童群益會, 這學校好不好?今年我仔仔剛讀左新的幼稚園, 現在又轉校, 好似轉得好密, 各位請給我一些意見!

作者: Anntang88 時間: 07-10-3 23:28 標題: 兼收位

[quote]原文章由雲雲於 07-10-3 17:30 硐表

有兼收位請一定要入讀, 小兒明年升小一了, 最初入讀K1時, 是完全不懂說話及自理的, 現在就經常多多說話, 時時發表意見, 進步了很多呢。小兒入讀的是保良局的幼稚園, 有關方面會提供言語及職業治療, 又有社交小組的訓練, 對小朋友的幫助很大呢。不過你自己都要學習呀, 了解多一點, 才可以教導他們這群孩子的呀..比心機呀..

作者: 雲雲 時間: 07-10-4 09:34

多謝提供意見,想知 i 位是否每天小朋友都有老師針對性命訓練,還是每星期, 是否全面性, 還是跟據評估, 家長可否參與?

作者: kikiboy 時間: 07-10-5 11:30

我囝囝9月份開始讀 I 位, 每次個別言語治療堂我都有出席(上咗兩堂), 唔知係咪因為囝囝同個姑娘未太熟定係咩原因呢, 我硬係覺得比出面自己俾錢做嗰D差D, 首先我囝囝真係唔係坐得好定同埋專註係差D, I 位個別訓練半小時個姑娘都冇辦法令佢坐定定到上完堂, 一味話要走要返課室, 而係協康1小時姑娘都可以貪得到佢乖乖地上完堂, 我唔係怪個治療師, 但咁點算呢? 唉, 好頭痛, 係屋企又係咁, 有時我都係搞佢唔掂.

[ 本文章最後由 kikiboy 於 07-10-5 11:32 編輯 ]

作者: angel427 時間: 07-10-5 12:26

原文章由雲雲於 07-10-4 09:34 硐表
多謝提供意見,想知 i 位是否每天小朋友都有老師針對性命訓練,還是每星期, 是否全面性, 還是跟據評估, 家長可否參與?

Hi, 學校 i 位的老師, 每人 handle 6人 or 8人的小朋友, 每天有 30分鐘 - 40分鐘的訓練 (每一個小朋友), 如語言, 口機, 體能,社交, 但家長不能參與。家長可參與的是語言治療師到學校時, 就可以參與 (我仔仔是一個月 2 次), 體能治療師和心理治療師就 3 個月一次, 家長都可以參與。

我仔仔 3 歲 9 個月 study k1，這是的他，是鸚鵡式對答。但現在巳 k3, 語言進步了很多。而且 i 位老師很 helpful, 班主任亦很樂意找其他同學teach 我的仔仔。另外, 學校會舉辦一些活動給 i 位小朋友, 如親子camp (2 days 1 night), 又去感觀室 for i 位, 又去花展, 又去親子旅行, 這樣小朋友接觸多些, 另他們可以社交多d, follow 其他小朋友, 學多d。

希望 information, 有用啦。

Angel

作者: crystal媽咪 時間: 07-10-6 00:51

原文章由雲雲於 07-10-4 09:34 硐表
多謝提供意見,想知 i 位是否每天小朋友都有老師針對性命訓練,還是每星期, 是否全面性, 還是跟據評估, 家長可否參與?

hello:

大部份的i位老師都受過特殊訓練,
一般都在小朋友入學首個月進行評估,
之後看看有那些較弱(如:社交/語言表達/小肌肉),
再set個人訓練計劃(即IEP),
部份更會安排近似程度的小朋友上小組活動.

至於你提及的[家長可否參與]?! 則視乎不同學校,
部份會請家長到校, 看看老師與小朋友上課,
學習技巧. 有d會派發家居訓練, 老師教左,
就借比家長與小朋友重溫.

希望會令你對i位更了解,
不如問下學校,每間的做法會有不同的.

作者: FeiG 時間: 07-10-9 11:15

原文章由 Anntang88 於 07-10-3 23:28 硐表
[quote]原文章由雲雲於 07-10-3 17:30 硐表

有兼收位請一定要入讀, 小兒明年升小一了, 最初入讀K1時, 是完全不懂說話及自理的, 現在就經常多多說話, 時 ...

My son is taking the integrated programme too. He
improved a look especially in language.

As you son will study the P1 next year. What will you
consider in searching for the school. Do the primary has
intergrated programme as well

作者: hk2701bb 時間: 07-10-11 12:49

請校長問有咩要求, 期望, 各位点回應?

原文章由 angel427 於 07-10-5 12:26 硐表

Hi, 學校 i 位的老師, 每人 handle 6人 or 8人的小朋友, 每天有 30分鐘 - 40分鐘的訓練 (每一個小朋友), 如語言, 口機, 體能,社交, 但家長不能參與。家長可參與的是語言治療師到學校時, 就可以參與 (我仔仔是 ...

作者: kikiboy 時間: 07-10-11 16:11

希望學校同家長多D溝通, 等家長多D了解子女在校情況; 希望能知道多D老師同小朋友訓練o既內容同進度; 期望小朋友進步快D, 快D追翻同齡小朋友o既能力. 諸如此類......

原文章由 hk2701bb 於 07-10-11 12:49 硐表
請校長問有咩要求, 期望, 各位点回應?

作者: kikiboy 時間: 07-10-11 16:32

有機會接觸咗一班就讀特殊位o既小朋友, 我覺得我哋同D小朋友已經好幸運 o架啦, 佢哋當中的一部分家庭, 我諗做父母o既所承受o既壓力比我哋大得多, 小朋友要接受更多更密集的訓練, 我諗佢哋父母要做o既家居訓練會更多, 照顧小朋友亦比我哋辛苦得多, 不過我相信睇住小朋友的成長和進步就是我們最大的欣慰啦.

各位家長, 無論你們的小朋友讀特殊位, 兼收位, 還是早期訓練, 我們一起努力加油!!!!

作者: MARSTEN 時間: 07-10-26 09:13

有無人知排沙田或馬鞍山i位要排幾耐??小兒k2啦,想k3轉i 位

作者: chrisfungsy 時間: 07-10-27 00:20

原文章由 軒軒媽 於 07-9-7 23:40 硐表
今早收到社工電話話有位比亞仔啦!
1516又唔係第1志願, 有冇媽媽知道路德會長青幼兒園好唔好呀?
第二個Topic d 媽媽返完Playgounp勁彈呀!

軒軒媽
你阿仔最後有否入讀路德會長青幼兒園, 那你第一志願是那一間?
我都是住青衣, 阿仔現讀青衣仁濟K1 I 位.
並剛剛見了言語&職業治療師. 評估後是 DELAY 半年.

作者: llcathy2004 時間: 07-10-27 22:55

請問你地小朋友係咪日日都有i位嘅功課拎番屋企架?同埋ii位老師做完第一次評估有無比番你地睇個報告同講解黎緊嘅訓練內容?

原文章由 chrisfungsy 於 07-10-27 00:20 硐表

軒軒媽
你阿仔最後有否入讀路德會長青幼兒園, 那你第一志願是那一間?
我都是住青衣, 阿仔現讀青衣仁濟K1 I 位.
並剛剛見了言語&職業治療師. 評估後是 DELAY 半年. ...

作者: chrisfungsy 時間: 07-10-28 00:03

原文章由 llcathy2004 於 07-10-27 22:55 硐表
請問你地小朋友係咪日日都有i位嘅功課拎番屋企架?同埋ii位老師做完第一次評估有無比番你地睇個報告同講解黎緊嘅訓練內容?

Hi cathy

你好嗎? 記得我嗎 ? 你小朋友決定係將軍澳or葵涌返學?

有功課拎番屋企for 1 week, 一星期report一次給i位老師小朋友做到/協助下做到/做不到. 老師期望家長天天訓練抽時間訓練小朋友. 用具由老師提出.

如:
小肌肉: 用前3指串珠仔訓練 (用具: 珠仔)
大肌肉: follow大肌肉訓練table(3month sch)
語言訓練:看圖說出圖中物件的名稱 (用具: 圖卡)

評估 - 不知道i位老師有無做評估. 因i位老師是囝囝N班班主任, 所以已經知道他的情況如何.

Overall青衣仁濟的校長&老師都好好

作者: llcathy2004 時間: 07-10-28 17:20

hi chrisfungsy,當然記得,我地通過電話~~得閒可以打比我/出黎玩下呀.
我仔而家係葵涌讀緊i位啦,不過無功課,所以想問下大家囉.佢個i位老師又係班主任,唔知咁會唔會無日日個別訓練呢?(其實我覺得個老師同校長都幾好)

原文章由 chrisfungsy 於 07-10-28 00:03 硐表

Hi cathy

你好嗎? 記得我嗎 ? 你小朋友決定係將軍澳or葵涌返學?

有功課拎番屋企for 1 week, 一星期report一次給i位老師小朋友做到/協助下做到/做不到. 老師期望家長天天訓練抽時間訓練小朋友. 用具由老師提出.

...

作者: chrisfungsy 時間: 07-10-28 19:18

好woo得閒出黎玩下la

功課-以前N班一星期1張功課紙, 現K班日日都有1-2張功課紙.

日日都有訓練, 有時個別, 有時小組

作者: 軒軒媽 時間: 07-10-30 13:46

chrisfungsy,
我囝囝第一志願係路德會青衣城, 但現在派到長青都讀啦! 返左大約一個月, 好開心囝囝明顯有進步, 學校冇比兼收功課同工具, 及未與兼收位老師傾過或比report 我呀! 可能因為兼收位老師11月初就唔做,要轉老師啦!15/11先見ST, 一般功課唔多! 只係畫下線, 配對咁啦! 每日都有個別訓練!

llcathay2004,
Hi,原來你囝囝係葵涌區讀呀!請問間學校好唔好呀!(可PM我) 因為剛有一個朋友個仔見完下葵涌之後, 又要排兼收位(葵涌區), 想幫佢搵下意見!Thanks!

作者: chrisfungsy 時間: 07-10-30 15:57

原文章由 軒軒媽 於 07-10-30 13:46 硐表
chrisfungsy,
我囝囝第一志願係路德會青衣城, 但現在派到長青都讀啦! 返左大約一個月, 好開心囝囝明顯有進步, 學校冇比兼收功課同工具, 及未與兼收位老師傾過或比report 我呀! 可能因為兼收位老師11月初就唔做,要轉 ...

軒軒媽
My son Isaac is Autism features, how about Willis?
I guess Isaac & Willis both born on Sep04.

Willis go to school by school bus or youself?

[ 本文章最後由 chrisfungsy 於 07-10-30 16:00 編輯 ]

作者: DY 時間: 07-10-30 16:19

請問"基督教家庭服務中心趣樂幼兒園"
好嗎? 校舍OK嗎? 老師又如何?

作者: hk2701bb 時間: 07-11-7 12:18

有冇人知保良局的幼兒園的兼收位係咪冇功淉? 之前問過校長, 好似未必有的

原文章由 llcathy2004 於 07-10-27 22:55 硐表
請問你地小朋友係咪日日都有i位嘅功課拎番屋企架?同埋ii位老師做完第一次評估有無比番你地睇個報告同講解黎緊嘅訓練內容?

作者: billiebb 時間: 07-11-7 13:48

原文章由 hk2701bb 於 07-11-7 12:18 硐表
有冇人知保良局的幼兒園的兼收位係咪冇功淉? 之前問過校長, 好似未必有的

請問馬鞍山東華三院獅子會的兼收位好嗎？

作者: chrisfungsy 時間: 07-11-7 18:33

Information fm I seat teacher

有時間去聽聽, 幾有用

::" />

兼收位家長講座 fm  社會福利署

二零零七年十一月份的家長講座安排如下：

如何處理難於教養的孩子
07年11月16日 (五)    10:15am ~ 12:15pm
沙田大會堂演講室 (一)    Tel: 3183 9402
(新界沙田源禾路1號 / 沙田火車站)

白閉症幼兒訓練 (1) : 基本技巧 + 地面親子時間
07年11月20日 (二) 2:30pm ~ 4:30pm
葵青劇院演講室
Tel: 2940 7021
(新界葵涌興寧路12號 / 葵芳地鐵站C出口﹞

白閉症幼兒訓練 (2) : 結構化教學法 + 社交故事
07年11月21日 (三)    10:45am ~ 12:45pm
油麻地公共圖書館活動室    Tel: 2967 4110
﹝上海街250號地下﹞

提昇學童讀默中英文的能力
07年11月27日 (二)       10:00am ~ 12:00noon
上水公共圖書館推廣活動室 Tel: 3183 9402
﹝上水智昌路13號石湖墟市政大廈﹞

為人父母不太難？
07年11月30日 (五)       10:00am ~ 12:00noon
牛池灣文娛中心三樓演講室 Tel: 2707 7666
﹝九龍牛池灣市政大廈3樓 / 彩虹地鐵站B出口﹞

親職技巧 (1)
07年11月30日 (五)    10:30am ~ 12:30pm
中央圖書館活動室
Tel: 2967 4110
﹝香港銅鑼灣高士威道66號﹞

[ 本文章最後由 chrisfungsy 於 07-11-8 13:45 編輯 ]

作者: HEIPAN 時間: 07-11-8 13:28

各位媽咪,加油呀,我個仔以前是讀明德的i 位,現在已上了小學。
如果這裡有家長是準備選將軍澳的小學,我就會介紹你地考慮'仁濟陳耀星',這所學校十分照顧有特殊需要的小朋友,而且不會歧視他們,因為我個小朋友都是讀這一所。

作者: 軒軒媽 時間: 07-11-9 00:29 標題: 回覆 #75 chrisfungsy 的文章

chirsfungsy,
我都準備去其中五堂呀!唔知會唔會撞見你呢?
7/11下葵涌評估中心攪左個有關自閉証既講座, 都已經好好, 資料十分詳盡!

作者: chrisfungsy 時間: 07-11-9 09:27

我會去自閉症幼兒訓練 (1) & (2), 可能有機會見到你

原文章由 軒軒媽 於 07-11-9 00:29 硐表
chirsfungsy,
我都準備去其中五堂呀!唔知會唔會撞見你呢?
7/11下葵涌評估中心攪左個有關自閉証既講座, 都已經好好, 資料十分詳盡!

作者: llcathy2004 時間: 07-11-11 06:07

我應該會去葵青果個,到時見.

原文章由 chrisfungsy 於 07-11-9 09:27 硐表
我會去自閉症幼兒訓練 (1) & (2), 可能有機會見到你:

作者: penny_li 時間: 07-11-12 17:15

請問中環及灣仔有咩好 i 位學校?

作者: LokLok95 時間: 07-11-13 15:31

May I ask is there any 日日個別訓練 in N class ? Or it is only provided started from K class. Thanks !!!

原文章由 chrisfungsy 於 07-10-28 19:18 硐表
好woo得閒出黎玩下la

功課-以前N班一星期1張功課紙, 現K班日日都有1-2張功課紙.

日日都有訓練, 有時個別, 有時小組

作者: chrisfungsy 時間: 07-11-13 17:14

只要是i位小朋友, 不論N / K 班日日都有訓練, 有時個別, 有時小組

原文章由 LokLok95 於 07-11-13 15:31 硐表
May I ask is there any 日日個別訓練 in N class ? Or it is only provided started from K class. Thanks !!!

作者: chrisfungsy 時間: 07-11-13 17:15

只要是i位小朋友, 不論N / K 班日日都有訓練, 有時個別, 有時小組

原文章由 LokLok95 於 07-11-13 15:31 硐表
May I ask is there any 日日個別訓練 in N class ? Or it is only provided started from K class. Thanks !!!

作者: chrisfungsy 時間: 07-11-16 14:12

下星期一要去油麻地兒童精神科見e生, 有沒有人知道會check怎麼

作者: 軒軒媽 時間: 07-11-16 18:04

今早去完沙田聽第一堂talk, ok wor!

作者: garytai 時間: 07-11-17 15:18

囝囝讀左兼收位2個半月, 感覺好好, 可能老師係一對六的關係, 佢d問題行為都少左, 因為佢一想百厭已經有個老師提佢或者stop佢, 所以佢d行為冇變本加厲, 而且自己心理上都覺得好d, 因為知道一對六, 囝囝一定有老師關顧佢, 同埋日日都有training, 佢識野都多好多, 認知同埋講野都進步左, 紀律同埋守秩序都好左....呢間幼稚園唔係我心儀的, 不過因為呢間學校有兼收位, 所以為左囝囝快d讀到兼收位, 結果揀一間有位的學校, 意外地囝囝可以得到適當的訓練同埋關顧, 所有野都進步左, 一個月有兩次言語治療, 二個月有一次物理治療, 感覺好多人幫我及囝囝, 成個人都開懷左, 唔再覺得無助....

以上係我對呢間學校的兼收位的一d感受!

[ 本文章最後由 garytai 於 07-11-17 15:20 編輯 ]

作者: chrisfungsy 時間: 07-11-20 01:03

今日到油麻地兒童精神科見心理學家, 感覺不錯.
9:30到達-登記
9:45-10:30 見心理學家 Dr. Chan
他仔細地觀察&問了很多我們的背景, 測試囝囝, 過程中沒有令你感到難受, 態度友善. 回想一年前見健康院醫生, 真的不好受.

他問我們想知/問什麼? 當然想知他仍有自閉傾向嗎? 他說囝囝仍有自閉痕跡. 心早知答案, 但

. 心想實在囝囝已進步許多.
他為囝囝安排小組訓練(不知排幾耐) & 定期見他到6歲 (下次是一月底, 30分鐘).
起初, 評估中心醫生問我們去不去兒童精神科時, 心諗自閉傾向=精神病

不過有服務排左先, 去到唔"arm"聽就唔要. 政府的服務至少排一年半載.
只想share一下今天的感受.
大家要一起努力同我們的小天使走前路

作者: llcathy2004 時間: 07-11-20 09:40

christina,check pm pls.

原文章由 chrisfungsy 於 07-11-20 01:03 硐表
今日到油麻地兒童精神科見心理學家, 感覺不錯.
9:30到達-登記
9:45-10:30 見心理學家 Dr. Chan
他仔細地觀察&問了很多我們的背景, 測試囝囝, 過程中沒有令你感到難受, 態度友善. 回想一年前見健康院醫生, 真的不好受 ...

作者: kikiboy 時間: 07-11-20 10:14

Quote
回想一年前見健康院醫生, 真的不好受.

Unquote

我的感覺同你一樣, 永遠不會忘記. 很記得當時個醫生問我在家點樣叫囝囝的, 我告訴她叫"BB", 她即用蔑視的語氣說"啍, 叫BB", 她那副嘴臉令我非常難受, 她配做一個兒科醫生嗎? 永遠不會忘記.

作者: yammiepang 時間: 08-1-15 12:09

去呢個網頁可知道你們心儀的幼稚園兼收位最後收果個學生的排期日係幾時！

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

click -->
殘疾兒童學前服務幼稚園暨幼兒中心兼收弱能兒童計劃

原文章由 軒軒媽 於 07-8-21 14:24 發表
我亞仔都排左好耐(11/06),而家都未有任何通知!

作者: garytai 時間: 08-1-17 12:28

好耐冇入黎啦, 星期一終於在容鳳書健康院同囝囝測三歲後的智力測驗, 結果評佢為自閉症傾向, 我地兩公婆都有哂心理準備, 我仲識得問醫生我地仲有冇咩資料可以攞, 最後可以排埋聯合醫院的精神科......

其實點解我地兩公婆冇太大反應? 係因為囝囝在兼收位中的進步好明顯, 所以我地覺得囝囝仲可以有得進步, 所以如果繼續train佢我相信佢可以同普通小朋友冇分別, 不過當醫生話佢有少少傾向時我都即刻問囝囝可唔可以讀到主流小學? 醫生話以佢進步的步度黎睇係可以既, 不過要在升讀小一時那年再做一個 IQ test, 睇下佢最後的情況, 而且囝囝係10月出世, 醫生都建議我地俾囝囝遲一年讀小一, 咁樣對佢黎講可能會好少少...醫生仲讚我地咁快可以攞哂政府d資源, 仲話我地可以做既都做哂, 所以我地都唔太擔心

至於其他媽咪, 未派到兼收位既要追社工追緊d呀, 因為兼收位對於我囝囝呢類型小朋友好重要, 仲有我覺得派到兼收位都唔好放棄早期訓練,我覺得經濟許可雙管齊下會事半功倍! 我囝囝呢類型的小朋友最大敵人係時間, 如果我地可以盡早train 佢地, 佢地就越大進步, 到六歲時可能一d 跡象都冇添! 加油呀, 各位媽咪!

作者: kikiboy 時間: 08-1-17 13:44

仲有我覺得派到兼收位都唔好放棄早期訓練,我覺得經濟許可雙管齊下會事半功倍!
>>>入咗兼收位就冇得讀早期訓練o架啦喎, 你係咪指自己俾錢嗰D(e.g.協康, 私家) 呀?

作者: garytai 時間: 08-1-18 15:27

原文章由 kikiboy 於 08-1-17 13:44 發表
仲有我覺得派到兼收位都唔好放棄早期訓練,我覺得經濟許可雙管齊下會事半功倍!
>>>入咗兼收位就冇得讀早期訓練o架啦喎, 你係咪指自己俾錢嗰D(e.g.協康, 私家) 呀? ...

係呀, 我地現在每星期都有一次自費的早期訓練, 雖然好貴, 但係我覺得為左囝囝我寧願慳d都俾佢做訓練, 所以我話經濟許可囉, 不過我知唔係人人都負擔得起

作者: kikiboy 時間: 08-1-18 16:10

原文章由 garytai 於 08-1-18 15:27 發表

係呀, 我地現在每星期都有一次自費的早期訓練, 雖然好貴, 但係我覺得為左囝囝我寧願慳d都俾佢做訓練, 所以我話經濟許可囉, 不過我知唔係人人都負擔得起 ...

我個仔07年9月開始入 I 位, 我都一直有同佢去協康做言語治療, 係呀真係好貴$600/堂, 上咗一年啦, 我都有諗過退出協康, 但又心大心細, 其實我唔係想完全放棄出面的訓練, 我好想同佢搵D小組活動, 但又無乜頭緒, 唔知邊度有合適的活動, 上過協康的音樂小跳豆但我覺得麻麻哋, 有冇媽咪可以分享吓呀? 或者有冇訓練, 活動或課程介紹吓呀?

作者: bb12345 時間: 08-1-23 01:05

我囡囡(4.5歲) 評估佢"專注力不足及過動症" (轉介去兒童精神科), 另外排"職業治療"(因寫字力度不足).

請問大家點樣入兼收位? 我問過社工佢話要有多方面問題先可以轉去兼收.

作者: chrisfungsy 時間: 08-1-23 18:49

我放棄了協康幼兒訓練$400/堂, 轉參加協康情緒組, 都不錯.

3-4歲
$90一堂
一期10堂
6人

問下你現時訓練的協康

原文章由 kikiboy 於 08-1-18 16:10 發表
我個仔07年9月開始入 I 位, 我都一直有同佢去協康做言語治療, 係呀真係好貴$600/堂, 上咗一年啦, 我都有諗過退出協康, 但又心大心細, 其實我唔係想完全放棄出面的訓練, 我好想同佢搵D小組活動, 但又無乜頭緒, 唔知 ...

[ 本文章最後由 chrisfungsy 於 08-1-23 19:05 編輯 ]

作者: chrisfungsy 時間: 08-1-23 18:58

約見評估中心醫生作轉介, 但不知可否安排今年9月入兼收位. 排左先算

原文章由 bb12345 於 08-1-23 01:05 發表
我囡囡(4.5歲) 評估佢"專注力不足及過動症" (轉介去兒童精神科), 另外排"職業治療"(因寫字力度不足).

請問大家點樣入兼收位? 我問過社工佢話要有多方面問題先可以轉去兼收. ...

作者: ccfj 時間: 08-1-24 10:42

Hi chrisfungsy,
我仔仔都係協康上緊兩星期一堂嘅幼兒導師，想問下協康情緒組係上點咩㗎？協康嘅網頁內唔覺有此課程，是否要問導師先知，Thank you.

原文章由 chrisfungsy 於 08-1-23 18:49 發表
我放棄了協康幼兒訓練$400/堂, 轉參加協康情緒組, 都不錯.

3-4歲
$90一堂
一期10堂
6人

問下你現時訓練的協康

作者: chrisfungsy 時間: 08-1-24 14:01

情緒組係幼兒導師介紹給我

教小朋友表達開心, 生氣恐懼 etc.
與人分享

問下你的幼兒導師, 她應有資料給你.

原文章由 ccfj 於 08-1-24 10:42 發表
Hi chrisfungsy,
我仔仔都係協康上緊兩星期一堂嘅幼兒導師，想問下協康情緒組係上點咩㗎？協康嘅網頁內唔覺有此課程，是否要問導師先知，Thank you.

作者: labuser 時間: 08-4-18 22:30 標題: 回覆 #7 garytai 的文章

Garytai,

你好！我的囝囝被評為有自閉症傾向。他在兩歲時讀司務道的BB斑。08/2007轉讀茵怡幼兒學校N1。我們排不到茵怡幼兒學校的 I 位。但09/2008囝囝將會被派往保良局彩明幼兒園讀兼收位K1。我想知道你的囝囝是否仍在保良局彩明幼兒園讀書呢﹖你可否給我一些你對這學校的評價呢﹖(如環境、老師的愛及囝囝的心情)
謝謝你！打擾之處，敬請原諒。

Labuser

歡迎光臨教育王國 (/)