教育王國

標題: 小學半日／全日？如果有得揀的話。 [打印本頁]

作者: SIUBO117 時間: 07-12-2 17:01 標題: 小學半日／全日？如果有得揀的話。

如題，你地會揀半日定全日呢？

作者: 200012 時間: 07-12-2 17:10

原文章由 SIUBO117 於 07-12-2 17:01 發表
如題，你地會揀半日定全日呢？

半日

作者: 瑄婷 時間: 07-12-2 18:05

不要祗睇半天或全日,一定要全面了解學校的時間表,因為全日制學校,有些是有功課堂的,小朋友大多可在學校完成功課,放學回家祗要溫溫書,家長壓力反而不大,特別是對在職媽咪更好.
而半日的學校,通常家課比例多,而課程都緊張些,所以可能更辛苦.

作者: 召藥師 時間: 07-12-2 18:19

如果係我個仔咁，本身心散又貪玩，老師又睇唔住太多學生，我情願返半日。而家佢係學校又做唔到功課，返到屋企就累到想訓，冇哂時間。

作者: Mandy0961 時間: 07-12-2 20:20

我個女讀P.1時返半日，就日日想佢返全日，P.2開始返全日，以為會好D，但現在讀P.4，被佢個班主任一句:「如果對D做事慢既小朋友，其實返全日對佢地來講係好吃力。」

因為我個女做事都好慢，雖然一星期有三日有導修堂，但我個女話成日比老師用咗，根本無得做功課。唉!回家後又好成日好眼訓，日日就係放學做功課，沖涼，食飯，睇電視，温習，之後訓覺。(因為做功課做得慢)

見到都好冇奈，冇時又覺得佢好慘。試過有好多次我個女因為咁而哭，日日都冇得玩。

作者: Cipo 時間: 07-12-2 21:11

Half day ! I know some kids attend full day school hv to get up 6:30am; back home around 4:00pm then they are s tired hv to sleep until 6 to 7:00pm, then revision; homework;dinner; went to bed 10-10:30pm otherwise cannot wake up on time to catch school bus.

作者: HoiLamMumMum 時間: 07-12-2 21:38

hi, 我喜歡全日喎, 中學都係全日啦, 出尼做工都係全日啦, 早D訓練D.

作者: YuYuMother 時間: 07-12-2 22:07

我鐘意半日.

而家囡囡返全日, 早上6點起身, 下午放學返屋企做功課溫書, 又要上網做"每日一篇"等等. 沖涼食飯, 到我返屋企又要同佢check功課, 全日真係無停無得休息.....到九點零又趕住快d訓覺, 驚第二朝唔夠精神, 日日如是, 到假日先可以休息下.

假如返半日, 時間會好用好多~~~~

作者: SandyWu 時間: 07-12-3 00:13

原文章由瑄婷於 07-12-2 18:05 發表
不要祗睇半天或全日,一定要全面了解學校的時間表,因為全日制學校,有些是有功課堂的,小朋友大多可在學校完成功課,放學回家祗要溫溫書,家長壓力反而不大,特別是對在職媽咪更好.
而半日的學校,通常家課比例多,而課程都 ...

Yes, as a working mommy, I prefer full day

作者: Gracemama 時間: 07-12-3 11:39 標題: 回覆 #8 YuYuMother 的文章

我都仲意半日, 而家仔仔返半日, 家長可以控制時間佢做家課,半個小時或一個小時可以做完, 仲可以返興趣班, 或家長在屋企可以教多d野.或可以下午小sleep. 晚上遲d sleep, 多d親子時間

午餐在家食, 會健康d.

最主要是時間好好用. 可以學多d野. 小朋友無咁辛苦.

作者: 麟媽媽 時間: 07-12-3 12:07

半日時間好用得多！
講緊上午校，唔係下午校喎！

作者: G-Ma 時間: 07-12-3 12:21

我都會揀全日, 我係working mom, 上兩個星期考試周返半日, 其實佢都係自己係屋企relex, 攪吓東攪吓西, 都唔係好有生產力, 所有野都要等我放工返嚟先做好. 咁不如留係學校, 有同學陪吓佢玩, 有老師教吓野好過.

作者: jk67jk 時間: 07-12-3 12:50

我都喜歡全日。不過時間上如果有得揀﹐最好返 9:30 a.m. - 4:30 p.m.

後補：講下笑啫！返 8:30 a.m. - 3:30 p.m. acceptable.

[ 本文章最後由 jk67jk 於 07-12-3 12:53 編輯 ]

作者: G-Ma 時間: 07-12-3 12:57

我囡囡學校就係返8:30am - 3:10pm. 時間都幾好用.

原文章由 jk67jk 於 07-12-3 12:50 發表
我都喜歡全日。不過時間上如果有得揀﹐最好返 9:30 a.m. - 4:30 p.m.

後補：講下笑啫！返 8:30 a.m. - 3:30 p.m. acceptable.

作者: shingshing1223 時間: 07-12-3 13:06

我都覺得全日好d, 如果半日的上午班要7:30分返到學校, 小朋友要好早起身, 而且我仔好enjoy同成班同學及老師一起食飯,食完飯又可以去下圖書館輕鬆下.

作者: SIUBO117 時間: 07-12-3 13:14

多謝各位比意見．

全日／半日各有好處，
我報了一間私小半日．12月前可以轉全日．
不過我諗我小朋友較適合半日．

我都係working mum．我小朋友好難全日集中上堂．
而我又想佢輕鬆一點．下午放學後疲倦的都可以睡一會．
小一至小三，當然要家長叫做功課．咁全日會好些．
小四至小六就半日好少少，多點時間做功課和睇書．

作者: 召藥師 時間: 07-12-3 13:44

原文章由 shingshing1223 於 07-12-3 01:06 PM 發表
我都覺得全日好d, 如果半日的上午班要7:30分返到學校, 小朋友要好早起身, 而且我仔好enjoy同成班同學及老師一起食飯,食完飯又可以去下圖書館輕鬆下.

半日返咁早?我以前細個返8:00咋，而家個仔返全日，8:10-3:05(其實要等到3:15先放到出黎)，如果8:30先返就最好，我覺得唔駛咁趕，可以慢慢做埋每日一篇先返學都唔遲。

作者: littlesister 時間: 07-12-3 14:02

如果冇功課堂既話, 咁返全日就仲衰, 玩下課外活動既話呢, 個人都散晒啦, 唔駛做功課溫習lu:( 不過返上午因太早, 好多時要午睡, 返下午就仲衰, 放工返黎就陪做功課, 而且小朋友想溫習和學下野都唔得:evil:

不過如果有功課堂又唔同, 參加學校既課外活動安排上會容易d, 現在亞女4點鐘返到屋企, 我放工返去差唔多做晒功課, 咁我陪佢上網練琴, 仲可以睇下圖書和玩一陣10點鐘先瞓, 時間好好:loveliness:

[ 本文章最後由 littlesister 於 07-12-3 23:08 編輯 ]

作者: 星級國民 時間: 07-12-3 15:35

事實上, 半日制津校, 尤其是下午校, 近年都有收生不足的問題. 實質市場是不喜歡半日制下午校.

[ 本文章最後由星級國民於 07-12-3 16:26 編輯 ]

作者: 曲曲 時間: 07-12-3 16:06

提示: 作者被禁止或刪除內容自動屏蔽

作者: norika 時間: 07-12-3 18:48

原文章由 SIUBO117 於 07-12-2 17:01 發表
如題，你地會揀半日定全日呢？

一，二年級小女都是返半日, 時間會好用好多。返7:20a.m，放12:30，參加完課外活動都是2:00 p.m，大把時間功課。

今年小三，轉了全日，仲要補課(TSA)。返7:25 a.m, 放3:10 p.m，全日制都是遲 5分鐘返校，

參加課外活動放 4:45 p.m。返抵家門已 5:45 p.m。導修堂沒有亞媽督導，多數做了兩份，還有八份。

好慘！

作者: fannymk 時間: 07-12-4 02:56

我女女今年返下午半日:12:30~5:50,但因要坐校車,11:45已上車,下午6:35才返到家!我和女兒都唔多鍾意下午,因逢星期1,2,4~7:00要上課外活動[溜冰+芭蕾舞],時間好趕.早上都要9:30起床,因要溫習[但好多時簡單略為溫下+做computer homework],而家女女好小看電視,最開心是看她的至愛卡通影片[一隻vcd,要兩日才看完],我有時想她好慘,so如不是要默寫,我都給她看下電視才上床[10pm],
如果有得揀的話 :我會揀上午,我女是上午比較生猛的人,下午仲可有小休息~訓下~~~
現今讀書真辛苦,唉!!!!!

[ 本文章最後由 fannymk 於 07-12-4 03:02 編輯 ]

作者: littlesister 時間: 07-12-4 09:46

你係全職媽媽

係先可以好好利用早上既時間, 如果係在職媽媽, 就要在晚上完成所有功課, 溫習, 練琴和網上功課

我之前試過, 真係人都癲

原文章由 fannymk 於 07-12-4 02:56 發表
我女女今年返下午半日:12:30~5:50,但因要坐校車,11:45已上車,下午6:35才返到家!我和女兒都唔多鍾意下午,因逢星期1,2,4~7:00要上課外活動[溜冰+芭蕾舞],時間好趕.早上都要9:30起床,因要溫習[但好多時簡單略為溫下+做c ...

作者: kitbebe 時間: 07-12-4 11:21

我覺得全日或半日, 各有各好, 最好初小返半日, 高小返全日.

作者: SIUBO117 時間: 07-12-4 21:00

我揀的學校半日和全日都係返８：００。所以我揀了半日。其實半日和全日各有好處。我不知怎去取捨。

雖然半日係冇咁辛苦，但若果小朋友不做功課，時間用了來睇電視，咁就冇用。我是個在職媽媽，我未知自己過多２年會唔會自己揍小朋友。如果自己揍，當然一定係半日學好。

作者: SIUBO117 時間: 07-12-31 13:34

littlesister,
你小朋友試過返下午? 我想問下午不是對在職媽媽好d嗎?
小朋友可以遲些睡, 晚上7-11pm黃金時間可比多d時間小朋友做功課,又可溫書, 比起9:30pm要趕住睡的情況會吾會好得多嗎?

有冇人再有多些意見? 入來講下...

作者: snowgirl 時間: 07-12-31 22:47

我小朋友返緊下午班,我都喜歡pm.放工返黎同佢做功課,剛剛好.早上我比佢訓晏d.跟住返學都唔會打蓋睡.

作者: littlesister 時間: 08-1-1 16:00

我聽過有遲收工既在職媽媽喜歡下午班, 不過我就唔鍾意, 因為我6點幾放工返到OK 個女都未返, 食完飯都8點佢先做功課, 又要溫習練琴, 下下都攪到至少11點, 小朋友太遲瞓會影響發育:-|

原文章由 SIUBO117 於 07-12-31 13:34 發表
littlesister,
你小朋友試過返下午? 我想問下午不是對在職媽媽好d嗎?
小朋友可以遲些睡, 晚上7-11pm黃金時間可比多d時間小朋友做功課,又可溫書, 比起9:30pm要趕住睡的情況會吾會好得多嗎?

有冇人再有多些意見? 入 ...

作者: Sindy 時間: 08-1-1 16:43

原文章由 SIUBO117 於 07-12-31 13:34 發表
littlesister,
你小朋友試過返下午? 我想問下午不是對在職媽媽好d嗎?
小朋友可以遲些睡, 晚上7-11pm黃金時間可比多d時間小朋友做功課,又可溫書, 比起9:30pm要趕住睡的情況會吾會好得多嗎?

有冇人再有多些意見? 入 ...

仲可以避左下午既卡通時間添...........我個女就唔會第二朝咁早起身追.........但而家返左全日,就放學日日追電視

歡迎光臨教育王國 (/)