教育王國

標題: 九龍灣聖若翰天主教小學 [打印本頁]

作者: yoyin 時間: 08-9-5 01:26 標題: 九龍灣聖若翰天主教小學

各位好:
小女今年升小一,有無家長入來傾下?

作者: ivyedmondkwok 時間: 08-9-5 12:57

我阿仔讀1D班, 你呢 ?

作者: yoyin 時間: 08-9-8 01:57

Hi ivyedmondkwok,

我個女讀1B班, 你個仔適應嗎? 我個女好大壓力, 好驚返學, 每天都喊, 因為她食飯好慢, 第一天社工就比電話我, 說她沒有落操場排隊, 所以第二天我就打比社工話佢食到一半都算, 我寧願佢同同學仔落操場玩, 好過只留下她一個人在課室更加唔開心, 等她適應後才叫她吃番多些.

作者: ivyedmondkwok 時間: 08-9-8 12:57

Hi yoyin

我個仔都係日日

, 學校生活ok, 不過成日都話好掛住我, 我都唔知點好.

ivy

作者: yoyin 時間: 08-9-8 13:22

Hi ivy

我個女今朝又喊，佢話唔想食學校飯，問她上堂驚唔驚，佢話唔驚，只驚係學校食飯，我打算叫菲傭姐姐明天帶飯給她，看看對她有沒有幫助，但就浪費了今個月嘅訂飯 $。

你個仔食學校／自己飯？你有冇送個仔返學？我就送咗個女返學先返工。咁你個仔係學校／屋企喊？

作者: ivyedmondkwok 時間: 08-9-9 09:43

Hi yoyin,

阿仔係學校食飯, 佢覺得好好味, 日日差不多食哂, 因為我叫佢唔好浪費食物.

另外, 佢係搭校車返學, 所以要早d落樓等車.

ivy

作者: yoyin 時間: 08-9-9 13:07

Hi ivy,

你住邊區？阿仔返到屋企幾點？我個女要接埋細佬放學，都要４點幾先返到屋企。你有冇返工？

作者: ivyedmondkwok 時間: 08-9-9 13:31

Hi yoyin,

我住係嘉和園, 你呢?
我有返工, 其實以前返小學都係我同佢搭巴士到土瓜灣幼稚園, 再搭車到kwun tong返工. 不過阿仔好想搭校車, 佢放學我又接唔到佢, 咪比佢搭囉, 校車又無單程計.現在阿仔放學由補習社代接 + 做功課, 要等我放工接佢, 然後再返屋企煮飯, 其實一日好充實, 唔夠時間用.

作者: yoyin 時間: 08-9-9 19:27

Hi ivy,

嘉和園係咪係淘大？我住麗晶花園。
你去邊間補習社？好唔好，幾＄／月？

作者: ivyedmondkwok 時間: 08-9-10 08:56

Hi yoyin,

嘉和園係淘大同得寶中間, 你住麗晶都好近返學校.

阿仔而家係我阿嫂開o個間補習社補習, 位置係得寶, 邊間唔好講啦! 阿嫂之前留左位比阿仔, 所以才有得補, 志於$$梗係會比出面cheaper 小小, 好唔好當然要比d時間就知

點呀, 阿女仲有無

, 阿仔呢兩日好好多.

Ivy

作者: yoyin 時間: 08-9-10 13:16

Hi ivy,

阿女今朝無喊啦，不過佢仲係好驚，唔夠信心。
昨晚睇完工課都好夜，因為佢未做完數學作業。書包又執漏書。

今朝識咗一個同學仔媽咪,有咩唔明都有人問下

作者: yoyin 時間: 08-9-14 17:47

Hi Ivy,

你有無 check 個仔o既手冊 (Fri) 與網上家課日誌是否相同, 因為我見個女寫的與網上的不同, 但就跟 D 班一樣, 不知是否學校弄錯呢?

yoyin

作者: ivyedmondkwok 時間: 08-9-16 10:10

Hi Yoyin,

我都有check過, 肯定B班同D班手冊倒轉放, 因為阿仔手冊內容跟B班一樣, 我想今天打返去學校compliant.

ivy

作者: chuikm 時間: 08-9-16 17:10

你們兩位好。我個仔都係今年一年級，1A 班，我哋一家住响牛頭角上邨。個仔都係搭校巴，都係食學校飯，聽佢講好似好鈡意返學咁，可能因為有好幾個幼稚園同學同一班，容易 D 適應。
如果有機會，可以識多個同學仔都好嫁。

作者: benben 時間: 08-9-16 17:27

my gal K3 now.

some questions :

1. 15 marks, any chance at the 1st round?

2. 1st round did not choose, 2nd round choose it, if fail, can I knock the door?

3. compare with Kei Lok, do u think it is better? e.g. English, Chinese, Sports?

作者: chuikm 時間: 08-9-17 08:46

我舊年第一、第二輪都入唔到，結果係叩門入。不過聖若翰淨係面見第一、第二輪都係揀佢係第一志願果D。

作者: benben 時間: 08-9-17 09:32

chuikm

thanks info.

叩門 = interview? test?

原帖由 chuikm 於 08-9-17 08:46 發表
我舊年第一、第二輪都入唔到，結果係叩門入。不過聖若翰淨係面見第一、第二輪都係揀佢係第一志願果D。

作者: ivyedmondkwok 時間: 08-9-17 12:32

原帖由 chuikm 於 08-9-17 08:46 發表
我舊年第一、第二輪都入唔到，結果係叩門入。不過聖若翰淨係面見第一、第二輪都係揀佢係第一志願果D。

上年阿仔好好彩, 第一輪得15分自選就入倒, 真係好似中六合彩.

作者: yoyin 時間: 08-9-17 13:15

原帖由 chuikm 於 08-9-17 08:46 發表
我舊年第一、第二輪都入唔到，結果係叩門入。不過聖若翰淨係面見第一、第二輪都係揀佢係第一志願果D。

阿女都係15分第一輪入倒。

作者: yoyin 時間: 08-9-17 13:27

Hi Ivy, chuikm,

你地記唔記得書單有無叫買Primary Longman Express（B冊），因為我唔係係學校買書，但我又見到書單上Ａ冊隔離寫咗個Ｂ，唔知係咪我多手寫定真係要買呢？

作者: yoyin 時間: 08-9-17 14:05

原帖由 benben 於 08-9-16 17:27 發表
my gal K3 now.

some questions :

1. 15 marks, any chance at the 1st round?

2. 1st round did not choose, 2nd round choose it, if fail, can I knock the door?

3. compare with Kei Lok, do u think i ...

其實舊年我都有諗過揀基樂，但幼稚園老師話基樂P1，２較鬆，暑假無功課做，P3先開始谷。
我又問過隔離屋媽咪：
1. 栢德：好嚴，好多功課，小朋友叻可考慮
2. 聖若翰：嚴，多功課，老師好嚴肅（姨姨話學校想谷做Band 1）
3. 浸信會呂明才：校舍舊，多新移民
4. 基樂：活動教學，學生成績一般
她一對仔女都係讀聖若翰，諗住有個照應，但今年她們就轉咗去佛教慈敬。
另外我住個層有一個女孩讀栢德，佢成績又真係好好考第一。

作者: benben 時間: 08-9-17 14:29

即係 15分都有 chance.

YOYIN

Thx for yr detail info.

不過, 我有15分, 又想1st round try 下出面既官小, 中學 net 好小小 ; 但又怕唔中, only 2nd round 先choose st. jo, 到時都fail, 叩門不受理!!

why yr neighbour kids change to 佛教慈敬??

1. 栢德：好嚴，好多功課，小朋友叻可考慮
派中學好唔好?

2. 聖若翰：嚴，多功課，老師好嚴肅
（姨姨話學校想谷做Band 1）

有無分精英class? 多功課,有幾多架?

3. 浸信會呂明才：校舍舊，多新移民

I won't consider this 1.

4. 基樂：活動教學，學生成績一般
I love the campus!!

她一對仔女都係讀聖若翰，諗住有個照應，但今年她們就轉咗去佛教慈敬。
另外我住個層有一個女孩讀栢德，佢成績又真係好好考第一。[/quote]

[ 本帖最後由 benben 於 08-9-17 14:31 編輯 ]

作者: chuikm 時間: 08-9-17 19:49

Dear YoYin,

I only got Longman Express Book A, no Book B in first term. (I bought th ebooks through the school)

作者: ivyedmondkwok 時間: 08-9-18 08:43

原帖由 chuikm 於 08-9-17 19:49 發表
Dear YoYin,

I only got Longman Express Book A, no Book B in first term. (I bought th ebooks through the school)

Dear Yoyin,

me too !

Ivy

作者: chuikm 時間: 08-9-18 09:30

Dear BenBen,

我嗰仔得5分，所以第一輪乜都唔得。

第二輪派咗自己區第一志願︰牛頭角官小﹔官小係好，但係主要因為兩個原因，結果叩門入咗 St.John︰

1. 都知道 St.John 嚴，但係覺得咁咪幾好，嗰仔可以乖D。(其實我和我太太都幾惡)

2. 我嗰仔嘅幼稚園(平安福音堂)同 St.John 同中大合辦咗個叫手語雙語共融計劃，我嗰仔同D做手語嘅小朋友好 friend，雖然我嗰仔係健聽，但係都希望佢熟多D唔同嘅小朋友，又都幾欣賞個校長肯參加依個計劃，所以決定叩門。

作者: ivyedmondkwok 時間: 08-9-18 12:43

原帖由 chuikm 於 08-9-18 09:30 發表
Dear BenBen,

我嗰仔得5分，所以第一輪乜都唔得。

第二輪派咗自己區第一志願︰牛頭角官小﹔官小係好，但係主要因為兩個原因，結果叩門入咗 St.John︰

1. 都知道 St.John 嚴，但係覺得咁咪幾好，嗰仔可以乖D。(其實我和我太太都幾 ...

Dear Chuikm,

其實之前阿仔都報咗1A班, 因為可以幫倒同學仔,但係入唔倒, 佢當天知道入唔倒, 已經cry了出來, 好失望.

作者: yoyin 時間: 08-9-18 13:26 標題: 回覆 # 的文章

因為隔離屋嘅大女有學障，又驚老師，成日都唔想返學，所以咪連細佬都一齊轉校。

其實都唔算多功課（唔知係咪剛開學）。

作者: FISH+CHIP 時間: 08-9-18 13:27

Hello 大家好!

我阿女係1B班, 佢係大抽獎個輪甲乙部用第一志願入架!

作者: yoyin 時間: 08-9-18 13:31

Dear ivy, chiukm,

Thanks! 我驚買漏書。

作者: yoyin 時間: 08-9-18 14:27

Hello FISH+CHIP,

我阿女都係１B 班，你可唔可以 pm 我知你個女叫咩名，等我返去問阿女有無同你個女玩？

作者: benben 時間: 08-9-18 15:11

chuikm

then your choice at 1st and 2nd round 都唔係 St. John la. . .又可以叩門既?

yoyin

原來如此!!

原帖由 yoyin 於 08-9-18 13:26 發表
因為隔離屋嘅大女有學障，又驚老師，成日都唔想返學，所以咪連細佬都一齊轉校。

其實都唔算多功課（唔知係咪剛開學）。

作者: FISH+CHIP 時間: 08-9-18 17:12

好開心, 大家可以上BK 交流下, 因為呢間學校好少有人上BK 開topic.

Hi Yoyin,
我pm 咗你啦...

原帖由 yoyin 於 08-9-18 14:27 發表
Hello FISH+CHIP,

我阿女都係１B 班，你可唔可以 pm 我知你個女叫咩名，等我返去問阿女有無同你個女玩？

作者: yoyin 時間: 08-9-19 00:05

Hi FISH+CHIP,

Pls check pm.

作者: chuikm 時間: 08-9-19 14:06

Dear Benben,

My choice is St.John, both in 1st & 2nd round. So I can have my interview.

(N.B. 2nd round 跨區揀 St. John, 因我住牛頭角)

作者: ivyedmondkwok 時間: 08-9-22 10:10

今日有d唔開心, 今朝同阿仔搭校車, 同兩個媽媽傾開, 先知道今星期交課外活動費用, 點解阿仔報了兩個課外活動都抽唔倒, 真係有d失望.

ivy

作者: chuikm 時間: 08-9-22 12:11

Dear Ivy

我個仔都只得中國工夫OK咋。珠心算都係唔收。

作者: yoyin 時間: 08-9-22 13:19

阿女報咗普通話和羽毛球，初時以為兩項都收咗，睇真啲普通話就收咗，但唔知點解武術會收咗佢，咁都攪錯，張通告還未交回阿女。

作者: yoyin 時間: 08-9-22 13:37

你地有無調位呀？阿女話星期五調咗位，唔夠一個月咁快就調位。

FISH+CHIP,

阿女話坐你個女後面。我好開心呀調咗位，因為之前前面個同學仔成日攪我個女嘅筆盒、書包、總踩佢書包。今朝同個媽媽傾開，佢個女都被這個同學仔攪到好尷尬好唔開心。

作者: benben 時間: 08-9-22 16:21

Thanks yr info.

原帖由 chuikm 於 08-9-19 14:06 發表
Dear Benben,

My choice is St.John, both in 1st & 2nd round. So I can have my interview.

(N.B. 2nd round 跨區揀 St. John, 因我住牛頭角)

作者: yoyin 時間: 08-9-22 23:26

Help! 阿女手冊內釘住圖書袋應有...... 的紙仔唔見咗.

各位唔該話我知, many thanks!

作者: chuikm 時間: 08-9-23 00:08

Dear Yoyin,

圖書袋內應有：
１．學生手冊（連閱讀日誌及圖書證）
２．小卜的知識樂園（課本）
３．圖書工作紙（如老師有派回）
４．閱讀足印紀錄冊
５．文具（木顏色+鉛筆+擦膠）

我諗應該所有一年級都係依D卦

作者: yoyin 時間: 08-9-23 16:10

Dear Chuikm,

Yes, this one. Thanks a lot!

yoyin

作者: 小甜 時間: 08-9-23 17:04

你的答案全對！

原帖由 chuikm 於 08-9-23 00:08 發表
Dear Yoyin,

圖書袋內應有：
１．學生手冊（連閱讀日誌及圖書證）
２．小卜的知識樂園（課本）
３．圖書工作紙（如老師有派回）
４．閱讀足印紀錄冊
５．文具（木顏色+鉛筆+擦膠）

我諗應該所有一年級都係依D卦 ...

作者: FISH+CHIP 時間: 08-9-26 09:27

明天就是家長會啦, 希望到時可以同大家打聲招呼啦!不過, 點相認呢?

Yoyin,
係呀, 我到無唸過咁快調位, 不過都好, 因為我個女都細粒, 而家調番前d, 我就覺得好d!

作者: maggieho516 時間: 08-9-28 03:00

Hi, 大家好
我個仔都係1B班

作者: yoyin 時間: 08-9-28 12:08

Hello maggieho516,

你咁遲先入嚟?如果早d,我地就可以係家長會到相認啦?我同FISH+CHIP已相認

. 你個仔叫咩名?我個女叫(pls check pm).

yoyin

作者: chuikm 時間: 08-9-29 09:47

各位早︰

關於中文默書，有事請教︰你們班的中文老師有解釋什麼是「核心範圍」、「自習」等等字眼嗎？我有點不大明白。

好像不知道她們會怎樣出。

謝謝各位拔刀幫助。

作者: 小甜 時間: 08-9-29 13:22

「自習」自已溫習同自已了解課文，老師是唔會教。「核心」課文主要內容。默書多數課文內，還有課外題。

原帖由 chuikm 於 08-9-29 09:47 發表
各位早︰

關於中文默書，有事請教︰你們班的中文老師有解釋什麼是「核心範圍」、「自習」等等字眼嗎？我有點不大明白。
好像不知道她們會怎樣出。

謝謝各位拔刀幫助。 ...

[ 本帖最後由小甜於 08-9-29 13:23 編輯 ]

作者: chuikm 時間: 08-9-29 13:38

小甜，你好。
你所解釋的是否中文老師解釋的？
因我兒不知是否堂上魂遊太空，完全不知所以，上次中默只好全部溫了！唉！

明天又要中默喇！

作者: FISH+CHIP 時間: 08-9-29 14:03

有少許補充(以我記得及理解):
核心-老師會將生字(紙仔)貼在手冊內, 應佔80%

原帖由 chuikm 於 08-9-29 13:38 發表
小甜，你好。
你所解釋的是否中文老師解釋的？
因我兒不知是否堂上魂遊太空，完全不知所以，上次中默只好全部溫了！唉！
明天又要中默喇！ ...

作者: ivyedmondkwok 時間: 08-9-29 17:59

我想問明天默書, 是否全課都要默, 定係好似上次用填充方式去默呢 ?

作者: 小甜 時間: 08-9-29 18:07

小朋友唔知一定要全課溫，我唔知你地低年級今年有無過，但我個仔小一同小二都無填充，老師只有講默第幾課同日期。還有你要習慣每星期二、四都有中英默書，我試過星期二中默、、星期四英默，溫默書都溫到死，所以現在老師無講我小朋友都準備老師要默！

原帖由 chuikm 於 08-9-29 13:38 發表
小甜，你好。
你所解釋的是否中文老師解釋的？
因我兒不知是否堂上魂遊太空，完全不知所以，上次中默只好全部溫了！唉！
明天又要中默喇！ ...

[ 本帖最後由小甜於 08-9-29 18:17 編輯 ]

作者: chuikm 時間: 08-10-8 23:21

A big question:

下星期二中文默書，但是你們小孩班教了第十二課未？未教點默呀？課書都幾深喎。

重有一件事︰
中英默書前一日，你哋多唔多功課？我覺得有時幾多，聽日英默，今日中文有三樣功課。

作者: yoyin 時間: 08-10-9 14:06

上兩次默第九，十課，今次不是默第十一課嗎？通常默書前都有詞語功課，已有少少印象，我會對她說星期日想去街就要星期六温好書，唔識就無街去，星期四、五放學做完功課就要温中文默書，星期六温英文默書，夜晚幫她默一次，哪些生字錯了叫她讀多些，星期一晚默多次中文，星期二、三放學又再温英文，星期三晚默多次英文。就是這樣識幾多得幾多。你們有什麼心得，分享一下。

我總覺得１Ｂ班較少功課和教得較慢。

作者: chuikm 時間: 08-10-9 17:05

我看見所派中默範圍說今次默第十一、十二課。今日星期四先教第十二課，下星期二就默，係唔係有點過份？

作者: yoyin 時間: 08-10-10 13:12

又話班主任會在開學第四、五週致電家長，你們收到電話嗎？

作者: FISH+CHIP 時間: 08-10-10 14:18

Hi Yoyin,

我都未收到, 不過我記得上次開家長會既時候, 我地1B班既班主任曾經有提過,話已經同某d家長接觸過, 我仲唸係你所講既電話, 只不過未論到自己tim.

原帖由 yoyin 於 08-10-10 13:12 發表
又話班主任會在開學第四、五週致電家長，你們收到電話嗎？

作者: mal0049 時間: 08-10-10 14:58 標題: 九龍灣聖若翰天主教小學

提示: 作者被禁止或刪除內容自動屏蔽

作者: mal0049 時間: 08-10-10 16:07 標題: 九龍灣聖若翰天主教小學

提示: 作者被禁止或刪除內容自動屏蔽

作者: mal0049 時間: 08-10-10 16:32 標題: 九龍灣聖若翰天主教小學

提示: 作者被禁止或刪除內容自動屏蔽

作者: mal0049 時間: 08-10-10 16:36 標題: 九龍灣聖若翰天主教小學

提示: 作者被禁止或刪除內容自動屏蔽

作者: FISH+CHIP 時間: 08-10-11 09:43

Hi Mal0049,你好呀, 我都未唸到點同阿女溫常識!或者溫吓佢地常識做個本功課簿,寫熟個幾個感官部份....
請check pm.

請問大家1B班, 有無數學本習作呀,我阿女話老師會放學比佢地, 但最後無, 但我唔知會唔會係親親孩子時段比左, 因我個女去咗基督小先鋒活動, 而家無得做功課.我怕星期一會欠交功課!

原帖由 mal0049 於 08-10-10 16:36 發表
有無人有小一練習PAPER , 想比呀囡做多D,

作者: yoyin 時間: 08-10-11 16:38

Hi FISH+CHIP,
我阿女都話無派數學習作簿。

常識都係諗住温書＋作業。

作者: yoyin 時間: 08-10-11 16:54

原帖由 mal0049 於 08-10-10 16:32 發表
今日派了英文默書卷, 呀女成日錯D大細草, 真係大意,
你地D仔仔囡囡幾多分呀.

Hi mal0049,
你好！Please check pm.
阿女Eng Dict.+Test, 3次都100分
中文就差D, 1st: 100分, 2nd: 75分

作者: yoyin 時間: 08-10-11 17:11

原帖由 mal0049 於 08-10-10 16:36 發表
有無人有小一練習PAPER , 想比呀囡做多D,

Hi mal0049,
你還有多餘時間做paper嗎？我已經覺得不夠時間用了。
每星期都有Dict.或Test, PLPR, 現在又加多個閱讀計劃, 每個weekend還要大温阿女不明白的書本, 實在不夠時間用。

作者: yoyin 時間: 08-10-11 17:17

中文工作紙裏的重組句子，你們的小朋友懂得做嗎？我個女完全不懂得。我要想方法教她，大家有何心得？請分享。

作者: FISH+CHIP 時間: 08-10-11 22:03

Hi Yoyin,

Thanks!我怕只有阿女無課冊, 原來係無派,現在放心晒!

重組句子-我阿女有d識,有d都係唔係好明, 因今天是爸爸教, 所以我都唔知她去到什麼程度。但我會給她一點提示,如頭一個詞語,或她停了下來的詞語, 然後要她再嘗試! 我們通常是要她反覆嘗試, 當然不是一定能做到!大家努力吧!

Hi Mal009,
我想我們將會有網上練習如每日一篇,中文/英文百寶箱等, 到時一定比現在更忙!

原帖由 yoyin 於 08-10-11 17:17 發表
中文工作紙裏的重組句子，你們的小朋友懂得做嗎？我個女完全不懂得。我要想方法教她，大家有何心得？請分享。

作者: 小甜 時間: 08-10-12 17:01

yoyin：
你可以試下叫小朋友在詞語上加數字後試讀，是否順唱！會有幫助。你地現在情況，在前幾年都有發生，現在已幾年已經習慣，你地小一還好，下個月6、7號三年級以上評估，評估分要寫成績表內。所以我個仔同朋友仔講，學校假期只有暑假同新年假期有的玩，所有假期後返學，都考試及測驗。

[ 本帖最後由小甜於 08-10-12 17:04 編輯 ]

作者: mal0049 時間: 08-10-13 10:29 標題: 九龍灣聖若翰天主教小學

提示: 作者被禁止或刪除內容自動屏蔽

作者: mal0049 時間: 08-10-13 10:32 標題: 九龍

提示: 作者被禁止或刪除內容自動屏蔽

作者: yoyin 時間: 08-10-13 13:07

我都有比第一個詞語提示，也有叫她先在詞語上排序，但好多字都唔識讀唔識解，唯有先解釋詞意，再用口語形式問她，她用口語答我，最後才組句。

作者: 小甜 時間: 08-10-13 18:40

編數子，(例如：你雪糕食們喜歡。) (你=1 們=2
喜歡=3 食=4 雪糕=5 。=6 )之後叫小朋友試讀，如果重組無錯，正常無錯會好順口，方法是個老師教我個仔，數字寫有中文字上邊就得，你試下用會快D。還有如果佢地D字唔識，只叫小朋友睇多D同讀多D。

原帖由 mal0049 於 08-10-13 10:32 發表
hi! 小甜
我唔係好明白, 點樣在詞語後加上數字去記,
請教我.

[ 本帖最後由小甜於 08-10-13 18:43 編輯 ]

作者: yoyin 時間: 08-10-13 23:30

原帖由 mal0049 於 08-10-13 10:29 發表
hi yoyin,
你個女都幾叻, 全部都100份, (only中文一次75分) ,
重組字句, 我將每個字 / 詞語拆開問呀女, 知道佢邊d明白, 邊d不明白, 唔明就先解釋,再叫佢讀一次, 最後續一併埋d字, 試多幾就ok.
最緊要唔好幫佢做. ...

阿女叻唔叻就未知, 不過佢就真係讀咗好耐

作者: chuikm 時間: 08-10-17 13:09

請問各位︰覺唔覺最近好似好多測驗和默書？

作者: mal0049 時間: 08-10-17 17:05 標題: 九龍灣聖若翰天主教小學

提示: 作者被禁止或刪除內容自動屏蔽

作者: yoyin 時間: 08-10-30 21:42

FISH+CHIP,

聽mal0049講, 阿女張中文測驗卷係你個女到是嗎? 好驚呀唔見咗?揾咗成晚?

yoyin

作者: FISH+CHIP 時間: 08-10-30 21:55

HI Yoyin,

係呀, 你快d搵我啦, 我打唔到比你, 我阿女都好擔心, 怕連累你個女欠交, 所以佢不斷問我搵到你未!

我會再pm 我的電話給你!

真係唔好意思!

原帖由 yoyin 於 08-10-30 21:42 發表
FISH+CHIP,

聽mal0049講, 阿女張中文測驗卷係你個女到是嗎? 好驚呀唔見咗?揾咗成晚?

yoyin

歡迎光臨教育王國 (/)