教育王國

標題: 有無人好似我咁, 交完表又後悔架!!! [打印本頁]

作者: vickichan 時間: 08-10-2 23:07 標題: 有無人好似我咁, 交完表又後悔架!!!

我有20分, 好想試下博喇沙, 但係理性分析後認為機會率很底, 因第一天已由約300人交表, 以收表6天計, 即約有1800人交表, 打個折扣1000人爭90個位, 機會率是11人爭1個學位, 未計25分的人已取去部份學位

結果我選舉陳瑞褀喇沙, 因中學派位不錯, 大多可入band 1中學, 而且有20分可入讀的機會也很大

但是現在又很後悔, 點解唔博一博喇沙, 可能入到呢?????
我想問下學校可唔可以取返張表再選過

作者: 阿西 時間: 08-10-3 09:59

same case，本來屬意一間誇區小學，但計分唔夠人爭，最後我地放棄左，揀2nd best，因為機會大好多。我本來都有諗過摶一摶，但摶唔到咁點呢，就要大抽獎，將小朋友6年最重要既學習交比一個抽獎箱，時間上，要捱多大半年先有結果，心理上，誠惶誠恐，最慘係，最後抽得唔好要叩門，到時帶住小朋友四圍撲，徬徨無助，我唔想咁，我會驚到喊架。我自己覺得，而家揀間機會大啲自己又ok鍾意既，或者11月就有offer，起碼有咋拿響手，最多6月時再去叩最最最心儀既學校門，果種騎牛搵馬既心態又舒服好多。我就咁諗，你自己度下...

當然，第日放榜，你見到有人咋住你呢個分又抽中左，你會不是味兒，咁就睇下你係理智型定摶剎型，我揀穩中求勝，祝好運

[ 本帖最後由阿西於 08-10-3 10:02 編輯 ]

作者: kswiss 時間: 08-10-3 10:12

提示: 作者被禁止或刪除內容自動屏蔽

作者: WinChi 時間: 08-10-3 10:21

原帖由阿西於 08-10-3 09:59 發表
same case，本來屬意一間誇區小學，但計分唔夠人爭，最後我地放棄左，揀2nd best，因為機會大好多。我本來都有諗過摶一摶，但摶唔到咁點呢，就要大抽獎，將小朋友6年最重要既學習交比一個抽獎箱，時間上，要捱多大半年先有結果，心理上，誠惶 ...

阿西，
請問如果你己註冊了那間你己報的小學，咁到六月仲可去叩門入自己心儀學校嗎？
我而家做係到想思緊好煩呀
winchi

作者: mymelody2003 時間: 08-10-3 10:30

我係理智型, 囝囝只有15分.... 無宗教分, 我幫囝囝選左一間好多人只會放在第二輪首選既學校, 因為我首選既學校係基督教的, 很多教會都可以有5分, 即係話呢間學校基本分要20分

所以我就選了次選.... 天主教的; 我覺得如果第一輪同第二輪選的學校不同, 萬一2次派位都唔得時, 叩門的機會好微, 因為熱門學校好多人爭的, 所以希望第一輪囝囝抽到既就唔洗煩了

既然一間咁多人爭學位的學校, 20分真係未必可以入到, 我係你都會咁選的, 交左表就唔好後悔..... 不過好多家長都會係咁的

作者: qbmama 時間: 08-10-3 11:11 標題: 回覆 # 的文章

我那區雖然不是什麼名校區，但亦有一間多人爭的學校，又係有宗教背景的，只得30個位供自行收生。我只有基本的分數，為免將命運交托抽獎大輪上，我選擇了官校，機會是均等的，雖說是新校舍，將轉新校長。加上能派往區內band 1的中學比率達40%之多，但總覺其沒有特別過人之處。如數學特別出眾，或語文特別好等。但我都交了表，同樣地，我有想退回表格的心意，感覺好後悔。

作者: kswiss 時間: 08-10-3 11:30

提示: 作者被禁止或刪除內容自動屏蔽

作者: kswiss 時間: 08-10-3 11:31

提示: 作者被禁止或刪除內容自動屏蔽

作者: Geni 時間: 08-10-3 11:33

當有得選擇就一定會三心兩意o家o勒 (me too), 不過都交o左o勒, 後悔都冇用啦~~~ 唯有recall o下當日點解會揀呢間學校, 再同自己講多幾次, 堅定一下自己o既信念, 人地問你點解咁揀o既時候就答得肯定d~~

同埋一個唔好彩唔中(其實都唔可以話唔好彩, 因為有50%o既人都係第一輪唔中o既), 一月仲要揀多次, 到時先再諗啦~~

努力努力~~

作者: 阿西 時間: 08-10-3 11:39

原帖由 kswiss 於 08-10-3 11:30 發表
因為好多人都覺得自己會係個個幸運兒.

其實賭仔心態都係咁，唔咁於平凡，只諗到中左就點點點，無諗過唔中既話，後果係咪自己仲可以接受。

作者: WinChi 時間: 08-10-3 11:43

我有個老死
係會計師專業果隻
佢同我講
佢都係小時讀垃圾小學
而家又唔係有咁的成就
佢話要睇小朋友日後佢自己是否肯上進

你地又點睇
但係作為亞媽, 我當然會想女入好的學校

作者: kswiss 時間: 08-10-3 11:44

提示: 作者被禁止或刪除內容自動屏蔽

作者: yenwong965 時間: 08-10-3 11:45

原帖由阿西於 08-10-3 09:59 發表
same case，本來屬意一間誇區小學，但計分唔夠人爭，最後我地放棄左，揀2nd best，因為機會大好多。我本來都有諗過摶一摶，但摶唔到咁點呢，就要大抽獎，將小朋友6年最重要既學習交比一個抽獎箱，時間上，要捱多大半年先有結果，心理上，誠惶 ...

想法同你一樣

作者: kswiss 時間: 08-10-3 11:47

提示: 作者被禁止或刪除內容自動屏蔽

作者: 阿西 時間: 08-10-3 11:54

原帖由 kswiss 於 08-10-3 11:44 發表
小學要賭一次,中學又要賭一次.
通常發達個d係肯博既人,即係派得好好既,一定係好敢博既人.
中中地既係唔敢博既.但又唔會派得差,只不過唔係心中最好的.
而派得唔好既,都係好敢博既.因為最想既入唔到,次好又俾人入晒,咪 ...

係呀，1&3只係同一種人，只係命水好就1，唔好就3。問題係，樓主最初揀做2，但而家又想做1，但又怕變做3。

樓主，你有冇考直資back up，如果有，咁你摶唔成1，都可以做2呀。

作者: Geni 時間: 08-10-3 12:04

問題就係你有冇信心你個小朋友o係"垃圾學校"(我唔係好鍾意呢個terms...)讀都識得自動自覺地有上進心o勒~~

我自己係讀傳統名校(唔係最top o個幾間但都有好多人想入o個種), 如果由小一開始數, 都有30%~40% o既同學入到大學, 而我老公就讀一般學校, 真係乜人都有o個種, 佢咪一樣入到大學. 我自問唔係勁有上進心o既人, 讀得到大學大部份係因為間學校, 而我老公呢, 就真係自己識諗o勒. 所以我到呢一刻都仲好相信揀學校好重要.

呢個係我o既個人意見, 分享o下~~

原帖由 WinChi 於 08-10-3 11:43 發表
我有個老死
係會計師專業果隻
佢同我講
佢都係小時讀垃圾小學
而家又唔係有咁的成就
佢話要睇小朋友日後佢自己是否肯上進

你地又點睇
但係作為亞媽, 我當然會想女入好的學校 ...

作者: 阿西 時間: 08-10-3 12:04

原帖由 WinChi 於 08-10-3 11:43 發表
我有個老死
係會計師專業果隻
佢同我講
佢都係小時讀垃圾小學
而家又唔係有咁的成就
佢話要睇小朋友日後佢自己是否肯上進

你地又點睇
但係作為亞媽, 我當然會想女入好的學校 ...

所以古語有英雄造時勢，又有時勢造英雄lor。好睇天時地利人和，讀書成唔成功，有好多因素影響，入到top 1學校，突然有年佢為情狂，咁咪又係死，咁多變數，真係唔可以一間學校定生死，但亦因為咁，所以亦唔使太介懷，因為仲有其它變數可以影響返，所以咪，平常心lor。你問我，我就話快樂最緊要，我睇得開ga，將來楂巴士又好，楂飛機都好，不過都係兩碗飯半張床，最緊要自己開開心心，唔好同人比，世間快樂人多的是。

作者: bb1126 時間: 08-10-3 12:10

我都掙扎咗好耐揀邊間,一間去過open day,對學校有多d 了解,但係宗教學校,我又得15分冇咩機會,另一間官小,對學校只得最基本的了解,真係連入面有咩設施都唔知,但勝在冇宗教機會大d......我唔敢博,最後揀咗官小
我喺屋企填表準備拎去交嗰陣,揸住支筆,手都震哂,完全落唔到筆寫落去,我好怕自己揀錯,累咗個仔一世

作者: kswiss 時間: 08-10-3 12:14

提示: 作者被禁止或刪除內容自動屏蔽

作者: 阿西 時間: 08-10-3 12:22

原帖由 kswiss 於 08-10-3 12:14 發表
仲有大塘同小塘既說法.
入咗大塘(名校),但成績一般,有人會放棄,跟住便平平凡凡.
又有入咗小塘(普通學校),但名列前矛,一樣激發佢既自信心,入埋大學.
當初呢兩個人可能成績差不多,又或入大塘個個成績較優勝.但結果卻好 ...

yes!!
再講再講，讀書亦都只係人生1個chapter，仲有家庭、朋友、做人處世、興趣、事業(事業亦唔一定同讀書成績掛鈎)等等........所以..........放鬆d...........let go！

作者: kswiss 時間: 08-10-3 12:30

提示: 作者被禁止或刪除內容自動屏蔽

作者: kls12 時間: 08-10-3 13:21

原帖由 kswiss 於 08-10-3 12:14 發表
仲有大塘同小塘既說法.
入咗大塘(名校),但成績一般,有人會放棄,跟住便平平凡凡.
又有入咗小塘(普通學校),但名列前矛,一樣激發佢既自信心,入埋大學.
當初呢兩個人可能成績差不多,又或入大塘個個成績較優勝.但結果卻好 ...

我喜歡小塘(普通學校),但名列前矛
多過大塘(名校),但成績一般

作者: 香香 時間: 08-10-3 13:28

提示: 作者被禁止或刪除內容自動屏蔽

作者: loy211 時間: 08-10-3 13:43

我信朋輩影響,小朋友嘈,成班生番,老師都鬧左半堂,駛鬼教書.

作者: jennyjenny 時間: 08-10-3 21:25

原帖由 loy211 於 08-10-3 13:43 發表
我信朋輩影響,小朋友嘈,成班生番,老師都鬧左半堂,駛鬼教書.

agree，間學校讀書風氣好，小朋友自自然然就會拎起本書一齊讀。相對地個個唔專心掛住玩，相信冇咩幾多個小朋友會唔被影響囉。

作者: ysnmama 時間: 08-10-3 21:41

我也相信人可以影響人. 所為近朱者赤, 近墨者黑. 如果多band 3學生的學校. 就是自己如果努力. 但身旁的同學朋輩全也是無心向學, 久而久之. 自己也再很難堅持. 相反若身旁的人是正面的. 正能量也能潛移默化. 互相幫助. 等於成人. 若公司員工積極勤力工作. 自己也不敢怠慢.

Band 1學校是有機會出band 3學生. 比率定不多. 反之band 3學校出band 1學生相對更少.

我寧可當大塘小魚. 因為爛船也有三分釘.

作者: vickichan 時間: 08-10-3 23:00

我就係咁唸所以先咁選擇, 今日又同幾個朋友傾過, 都係覺得原先選擇係啱, 只不過真係賭仔心態, 驚人地又係20分入到會唔開心, 但係又唔敢博

我己經報左十間八間私校同直資格啦, 不過唔知個仔考唔考到呢, 如果我心意直資/私校入到, 我就唔選陳瑞祺架啦

原帖由阿西於 08-10-3 11:54 發表

係呀，1&3只係同一種人，只係命水好就1，唔好就3。問題係，樓主最初揀做2，但而家又想做1，但又怕變做3。

樓主，你有冇考直資back up，如果有，咁你摶唔成1，都可以做2呀。 ...

作者: vickichan 時間: 08-10-3 23:07

阿西,

我自問都好樂觀架啦, 但係面對幫個仔選校呢個大關都好煩惱, 因為仲有個細佬跟尾, 可以話一個選擇, 影响2個細路的命運(可能跨張左啲), 所以我都好煩, 如果我可以好似你睇得咁開, 可能會好啲

作者: Geni 時間: 08-10-3 23:33

me too. 我本身都好少為d乜o野事而緊張, 但今次唔知做乜緊張到死~~~ 我都有個細o既跟尾, 不過佢性格同個大o既好唔到, 所以都未必適合讀同一間學校, 到時先算.

話時話, 搵定一兩間直資/私校backup, 講就好似好易, 但係點解我到依家都未有o既~~

作者: vickichan 時間: 08-10-3 23:40

Geni,

你報左邊間呀, 我自己都左成十間都有呀

作者: snow123 時間: 08-10-3 23:49

原帖由 kswiss 於 08-10-3 11:47 發表
讀書一定係講小朋友既學習動機.
我老公成日都講,讀書10幾年,小學一年級次次默書測驗100分又點,年年考第一又點.讀書係睇長線的.
好多小學好成績既,到中學真係一落千丈.
小學平平凡凡的,到中學才發力的大有人在.
...

同我想法一樣.

作者: Geni 時間: 08-10-3 23:51

我報o左6間, 不過已經收到2間o既reject 信~~~ 淨番o個d都係十幾個爭一個位o個d, 死未

我又唔想是旦揀一大堆唔太心儀o既學校, 始終要個仔去interview太多次唔係太想, 三兩次就話好玩嗻, in 多幾間佢都會feel到有壓力啦, 我唔想~~

[ 本帖最後由 Geni 於 08-10-4 00:00 編輯 ]

作者: vickichan 時間: 08-10-3 23:57

我話帶佢去學校同先生同小朋友玩, so far 都係見過2間, 2間都玩得好開心

好彩都係星期六見, 唔使請假

作者: 阿西 時間: 08-10-6 10:20

原帖由 vickichan 於 08-10-3 23:07 發表
阿西,

我自問都好樂觀架啦, 但係面對幫個仔選校呢個大關都好煩惱, 因為仲有個細佬跟尾, 可以話一個選擇, 影响2個細路的命運(可能跨張左啲), 所以我都好煩, 如果我可以好似你睇得咁開, 可能會好啲 ...

我地坐埋一條船，我都有細跟尾架。總之，而家塵埃落定，我地安心等結果，可能結果最終唔係我地諗得咁順利，但我相信我今日呢個決定都係無錯，因為我幫小朋友選擇左一條好安全既路，我無將佢既前途符諸一賭。你去睇下人地捧住15分想抽陳瑞祺果d，佢地好羨慕你架。讀咩學校只係生命中一個chapter。

作者: Venuscheng 時間: 08-10-6 11:57

原帖由阿西於 08-10-6 10:20 發表

我地坐埋一條船，我都有細跟尾架。總之，而家塵埃落定，我地安心等結果，可能結果最終唔係我地諗得咁順利，但我相信我今日呢個決定都係無錯，因為我幫小朋友選擇左一條好安全既路，我無將佢既前途符諸一賭。你去睇下人地捧住15分 ...

我好喜歡你所講的:「讀咩學校只係人生的一個chapter」
其實選擇好多時無話對與錯的. 人一生中有太多選擇, 我覺得既然已交了表, 無為去後悔, 因為無論那個選擇都沒有錯的. 小朋友將來還有許許多多的人生交叉點. 參加那一項課外活動? 選那一科? 讀那間大學? 選那個男朋友/女朋友? 做邊份工? 再唔再進修? 快d結婚定遲d結婚? 生唔生小朋友? 哈哈! 今天有香港的傑出青年選出，其中一位傑青--"陳力元", 他的座右銘是「昨天是經驗，今天是機遇，明天是計畫」
人生路可能有很多條都會到目的地, 既已選了, 我覺得無為走走下要返轉頭再行.

[ 本帖最後由 Venuscheng 於 08-10-6 11:59 編輯 ]

歡迎光臨教育王國 (/)