教育王國

標題: 仁立同嶺南直資俾你點選擇 [打印本頁]

作者: VIR 時間: 08-10-21 11:45 標題: 仁立同嶺南直資俾你點選擇

ALL,

我喺自行收生階段時, 幫阿囡報o左" 仁位 ", 因我本身係畢業生, 有20分 !
另我幫阿囡報o左3間直資同一間私校, 當中嶺南直資已收阿囡, 仲要喺25/10前去註冊 !!
其實我仲等緊今個weekend去埋最後兩間小學先作決定 !

問題係....我應否為了嶺南放棄24/11先有結果既"仁立"呢 ???
論學校, 我當然鍾意嶺南多d.....但可惜佢無升中聯繫,呢個就係我既隱憂喇 !!!!
各位請俾d意見 ....唔該晒

作者: stephanieching 時間: 08-10-21 13:57

嶺南直資和仁立是兩間唔同種類的學校, 講聯繫升中講名氣(仁立在葵青區也是出名的學校)當然會選仁立, 問題是仁立亦是出名功課多壓力大催谷型的小學, 而嶺南直資主張愉快學習的學校, 我估你要首先要問下自己想小朋友讀那類型的學校, 小朋友性格能力適合那類型的學校, 才是你心目中的答案 !

作者: papa一個 時間: 08-10-21 14:18

既然你都喜歡嶺南, 而學校又收了你囡囡, 咁仲要諗乜呢?

至於升中問題, 你而家係擔心緊6年後既事, 升入林護既學生已經一年少過一年, 6年後就算兩間學校未斬纜, 可能全級20名以外都無機會, 算罷啦.

作者: loy211 時間: 08-10-21 20:25

我都覺得係,分分鐘唔再聯繫,咁就慘.

作者: VIR 時間: 08-10-23 13:08

多謝各位既意見 !!
我噚日已經去左嶺小交留位費,亦交了放棄統一派位既聲明書......因為我對"大抽獎"真係無咩信心.....驚派唔到心儀小學 !!
但最後會讀邊間, 都仲要睇埋下月尾其他直資小學既結果而定 !

作者: Today123 時間: 08-10-23 15:16

原帖由 papa一個 於 08-10-21 14:18 發表
既然你都喜歡嶺南, 而學校又收了你囡囡, 咁仲要諗乜呢?

至於升中問題, 你而家係擔心緊6年後既事, 升入林護既學生已經一年少過一年, 6年後就算兩間學校未斬纜, 可能全級20名以外都無機會, 算罷啦. ...

林護與仁立及仁紀脫勾應該事在必行了，否則就要結龍，林護當然不接受。但你說仁立升林護一年少過一年就不正確。你可以上仁立校網看看。不過在自行階段，林護就真的主力收其他小學的尖子，尤其是九龍的（這幾年多了九龍的學生申請入讀）借此再把成績提升。

作者: papa一個 時間: 08-10-23 20:33

原帖由 Today123 於 08-10-23 15:16 發表

林護與仁立及仁紀脫勾應該事在必行了，否則就要結龍，林護當然不接受。但你說仁立升林護一年少過一年就不正確。你可以上仁立校網看看。不過在自行階段，林護就真的主力收其他小學的尖子，尤其是九龍的（這幾年多了九龍的學生 ...

如果資料有錯, 真係對唔住, 因為我都係舊年先做仁立家長, 之前對仁立又唔多留意, 只知道05-06有七十幾個去林護(聽其他家長講), 06-07有61人, 07-08有59人, 所以覺得一年少過一年.

作者: Today123 時間: 08-10-24 11:46

原帖由 papa一個 於 08-10-23 20:33 發表

如果資料有錯, 真係對唔住, 因為我都係舊年先做仁立家長, 之前對仁立又唔多留意, 只知道05-06有七十幾個去林護(聽其他家長講), 06-07有61人, 07-08有59人, 所以覺得一年少過一年. ...

以前試過得40幾人。因為關乎當年學生的隨機號碼"靚唔靚"。而且還有一點，現在自行階段可選2間中學，有部份林護不收的，但被次選收了（仁立的學生頗受其他中學歡迎的），這樣便少了學生在統一階段抽籤了。

作者: beemaggie221 時間: 08-10-24 13:20

下, 乜唔係直資收左, 大抽獎就無份架咩?!

原帖由 VIR 於 08-10-21 11:45 發表
ALL,

我喺自行收生階段時, 幫阿囡報o左" 仁位 ", 因我本身係畢業生, 有20分 !
另我幫阿囡報o左3間直資同一間私校, 當中嶺南直資已收阿囡, 仲要喺25/10前去註冊 !!
其實我仲等緊今個weekend去埋最後兩間小學先作決定 ...

作者: VIR 時間: 08-10-24 16:46

如果間直資收, 但你又無去註冊, 咁當然可以參加"大抽獎"
但如果家長選擇入讀(註冊)該直資.....咁就等同自己放棄"大抽獎"喇 !!
因為直資會要求家長填一張放棄統一派位既聲明書, 然後交上教育局....

原帖由 beemaggie221 於 08-10-24 13:20 發表
下, 乜唔係直資收左, 大抽獎就無份架咩?!

歡迎光臨教育王國 (/)