教育王國

標題: Removed [打印本頁]

作者: 凱富路 時間: 08-11-17 11:33 標題: Removed

This thread will no longer exist due to the flooding of irrational and emotional comments.

[ 本帖最後由凱富路於 08-11-20 12:35 編輯 ]

作者: kyliema2006 時間: 08-11-17 12:02

人地問我個仔係邊到讀，我會話係保良局的學校讀。連自己都睇小自己，別人又怎會看得起自己呢！

作者: August07 時間: 08-11-17 12:16

其實你有無諗過點解小朋友要讀書學習.. or 你只係想比佢入一間所謂既"名校" 而無所得益! 而你又滿足於其他人的讚美聲呢...."嘩你仔仔讀緊"名校"好叻wor"....

作者: BBR 時間: 08-11-17 12:23

我想個女讀名校係因為佢地校風好,學習氣氛好(當然有害群之馬),但相比其他普通學校會好好多,我上星期至見到有間中學門口不遠處有兩個學生响到吸煙

,跟住又有一大堆唔知咩人响門口等放學,我真係怕怕. 況且响名校出黎條路都好行D,你諗下一個DGS出黎,一個普通學校出黎要搵工,你覺得老板會請邊個?唔係父母要面子,係社會現實.
所以只要我個女跟得上課程我一定比佢讀名校

[ 本帖最後由 BBR 於 08-11-17 12:25 編輯 ]

作者: rebecca0113 時間: 08-11-17 12:33

樓主,其實每個人既要求都係唔同,如果樓主係覺得無問題,點解會咁個咁既標題?是否你自己都過唔到自己個關先想有人認同?

講番我自己,我係唔會理其他人點講,但我都想自己個小朋友出去出面讀的比較好的既學校係因為想他好,絕對不是因為自己面子問題,因為自己眼見屋企附近既小學,校風很差,小三已經係街不停咁講粗口,好多big6同學,我返工時經過樓下間學校,的大6人同個仔返學個仔咳叫佢將的"Tam"吐落地下,試問見到咁你們會點?我自己就會諗我個仔唔可以讀這間學校lor....

作者: rebecca0113 時間: 08-11-17 12:35

Total agree with you!!!!!

原帖由 BBR 於 08-11-17 12:23 發表
我想個女讀名校係因為佢地校風好,學習氣氛好(當然有害群之馬),但相比其他普通學校會好好多,我上星期至見到有間中學門口不遠處有兩個學生响到吸煙 ,跟住又有一大堆唔知咩人响門口等放學,我真係怕怕. 況且响 ...

作者: phoebelau 時間: 08-11-17 13:28

我都覺得rebecca講得好岩, 我屋企附近有一個比較大型既公園, 曾幾何時帶過兩個仔去玩一次就無再去, 眼見一大群學生, 相信只有11-12歲, 係該處屋村學校既小學生, 有男有女, 不停大大聲以粗口交談, 有幾個仲食緊煙...
就我本人黎講, 我係唔會因為人地點諗而唔話比人知個仔讀邊間學校, 好不幸我住呢區係無一間好既學校(只係我自己既諗法), 所以幫個仔報考既全部都係直資&私校.
作為家長, 真係好希望將最好既比小朋友, 幫佢報讀名校亦只不過係想佢有個好既學習環境, 好既上堂氣氛, 如果小朋友真係努力學習既, 將來得益係佢地自己

原帖由 rebecca0113 於 08-11-17 12:33 發表
樓主,其實每個人既要求都係唔同,如果樓主係覺得無問題,點解會咁個咁既標題?是否你自己都過唔到自己個關先想有人認同?

講番我自己,我係唔會理其他人點講,但我都想自己個小朋友出去出面讀的比較好的既學校係因為想他 ...

作者: ryanyui 時間: 08-11-17 13:48

DONT BE SO ANGRY!
IN FACT I WAS THE ONE DONT MIND MY SON'S SCHOOL! BUT NOWADAY, SOME DIFFERENCE!
1. SOME SCHOOLS WILL BE KILLED!!!! I REALLY DONT WANT MY SON ENTER!
2. THE EDCATIONAL POLICY ALWAYS CHANGE!!!! I DONT WANT MY SON ALWAYS CHANGE EVERY YEAR!!!
3. THE CONTENTS OF STUDY IS EASIER AND EASIER THAN BE4!!! I DONT WANT MY SON BE WORSE THAN ME!!!
SO, I NEED TO OR I AM PUSHED TO FIND A SCHOOL WHICH
1. CAN BE STILL EXIST IN THE FUTURE! ;
2. CAN STAND STILL AGAINST THE POLICY CHANGE!;
3. NOT EASIER THAN BE4!!
DO U REMEMBER BE4 WHEN WE WERE YOUNG OUR SECONDARY STUDY CONTENTS INCLUDE VERY MUCH PHYSIC, CHEMISTRY, BIOLOGY, ADV MATHS, 2HISTORY, MATHS ECON, ENG LIT ETC,. NOWADAY, WOW!?
SO!

作者: rebecca0113 時間: 08-11-17 14:16

所以作為家長,唔通眼見自己屋企附近的學校校風咁差都會俾他們讀??我都好坦白講我屋企附近的學校我一定唔會俾我仔讀lor...

我有個鄰居大我個仔2年,之前好在我無聽佢講,讀屋企附近佢個仔間小學,佢個仔現在4年級,一說話就句句都有個助語詞(粗話),我問佢點解要咁說話,佢話個個同學都係咁,唔講就唔夠in wor~~~~佢呀媽現在都好煩,又轉唔到校,因成績唔得,唔知點算......

作者: balabala 時間: 08-11-17 14:17

原帖由 rebecca0113 於 08-11-17 12:35 發表
Total agree with you!!!!!

Agree as well X2

作者: de_gwyneth 時間: 08-11-17 14:21

作者: ecbaby818 時間: 08-11-17 14:30

咸魚青菜,各取所需/各有所好

原帖由 凱富路 於 08-11-17 13:24 發表
我只是想大家反思一下而已。得確是有家長為了可以跟人講話“大聲”一點而想自己小孩讀出名或DSS學校﹐只要不是附近屋村的就好。
讀了DGS入不到大學的跟讀屋村學校但讀完好大學的﹐老闆會請誰呢﹖ 那些DSS或名校的家長 ...

作者: BBR 時間: 08-11-17 14:34

我當然係講緊讀DGS一路名校到大學,成績一路好好,另一個一路讀普通學校到大學成績又係好好,咁你會請邊個?
當然唔係一定Band 1學校D成績一家定最好,學生最乖,但情況一定好過普通學校,普通學校都會有好叻學生好乖學生,但個比例我相信大家心中有數,時下D年青人咩都講in,人做佢做,做父母都係想搵間可以培育子女成材的地方比佢地好好學習,你有冇見過DBS,DGS,SPCC等名校生會响學校門口食煙講粗口?但我响其他普通學校就見得多,小朋友好受身邊朋友影響,咁點解我地如果有能力的話唔比好D教育個小朋友,你話無能力就話姐,我相信絕大部份父母唔係為面子而要小朋友入名校,而係想比個好環境小朋友去學習.
如果你個小朋友有名校收而你有能力,你會唔會唔比佢讀要佢讀返普通學校,你比個小朋友讀原因係米為面子?唔比佢讀的讀的話又為什麼?怕人話你為面子而要個仔讀名校?
咁個小朋友真係讀到名校真係一件開心的事,當然會大聲同人講啦
大家討論,不要勞氣

原帖由 凱富路 於 08-11-17 13:24 發表
我只是想大家反思一下而已。得確是有家長為了可以跟人講話“大聲”一點而想自己小孩讀出名或DSS學校﹐只要不是附近屋村的就好。
讀了DGS入不到大學的跟讀屋村學校但讀完好大學的﹐老闆會請誰呢﹖ 那些DSS或名校的家長 ...

[ 本帖最後由 BBR 於 08-11-17 14:35 編輯 ]

作者: BBQBBQ 時間: 08-11-17 14:37

原帖由 凱富路 於 08-11-17 11:33 發表
大家同小朋友報學校﹐有多少是為了自己的“面子”﹐不想同人講個仔或個女在樓下那間“XXX街坊會XXXX夫人紀念小學”讀書 (雖然那學校在區內是很有名的) ﹖﹖﹖ ...

好多家長想仔女入好既學校, 好口碑的學校即系=名校, 無可否認, 好既學校讀書風氣多數又真系好的, 所謂近朱者赤, 近墨者黑, 講到底, 我地咁辛苦都系想為下一代鋪一條好的既路, 並唔系話普通的學校就唔可以讀好書既, 好多好出色的人才都唔一定系讀名校既, 如果我地有能力, 都會比我地認為最好既比仔女, 望子成龍, 望女成鳯, 父母愛子女之心, 個個如是.

作者: hcheng 時間: 08-11-17 15:01

After listening to what other parents said, I started to worry about my boy's future, that he may turn into a smoker with foul language filled his mouth.

It is because he does not have the blessing from Jesus that has no offer from any DSS/private school, unlike your kids who have so many offers, and have to enter the cruel central allocation.

Your kids ---> you choose school
My kid ---> school choose him

作者: octoct 時間: 08-11-17 15:05

Agree with BBR

我好想找一些普通得來但校風好的學校，但很遺憾我住的地區真係沒有，我樓下每日6點後都會聚集一班學生在玩足球﹝但我樓下並不是足球場，亦標明不准玩球類活動，曾有保安員驅趕但該班小學生對保安還以粗口﹞，而呢班學生有一些就是來自本區最好的小學！

撫心自問，我好想個仔入名校，並不是想為自己面子，而是不想自己個小朋友會學壞

作者: BBR 時間: 08-11-17 15:17

咁你又唔駛咁驚,我都話普通學校都有優異生,都有品學兼優的小朋友,但如果你個小朋友真係讀普通學校,首先你要了解清楚你個仔所讀學校的背景,環境,同學的質素,如果不幸真的很差,咁你就要多D同小朋友傾下佢學校的情況,了解佢在學校的生活,同佢多D講下唔好人做佢又做,解釋比佢知如果佢跟住學壞後果會係點,其實最緊要多D同小朋友溝通了解

原帖由 hcheng 於 08-11-17 15:01 發表
After listening to what other parents said, I started to worry about my boy's future, that he may turn into a smoker with foul language filled his mouth.

It is because he does not have t ...

作者: Eclipse_2006 時間: 08-11-17 15:33

我想了解下. 你是否有例子?

原帖由 凱富路 於 08-11-17 13:24 發表
大家有沒有想過在DGS/DBS/SPCC等等學校成績最差的10%學生他們的校園生活是怎樣呢﹖

作者: rebecca0113 時間: 08-11-17 15:37

但我們現在公司請SALES出廣告係要大學畢業的,但老細私下同人事部講明一定要HKU同CU畢業先會interview,其他大學畢業個的一個都唔會見就知道現實就係現實，已經唔同以前ka la

我現在間公司係int'l co...公司看人都係看學歷，我們同事食飯既話題都係講：新請番來個同事係xxU畢業ka...之前係讀聖心，st-paul co-ed ka...好勁ka....

而自己細個只係在一間自己屋企附近讀書，不出名的中學畢業，我現在深深體會到在這間公司俾人看不起既心情，當同事問到你在什麼學校讀書時無錯真的唔想講俾人知，所以現在有了小朋友之後大個都不想好像我現在咁．．．．．

[ 本帖最後由 rebecca0113 於 08-11-17 15:50 編輯 ]

作者: BBR 時間: 08-11-17 15:42

其實政府派位都有好多"名校",如果派的話好多人都會讀,但個D都係"名校",只不過係唔駛比錢,佢地校風都好好,好似Marymount都係派位,亦都係"名校",派到比我我都會讀,因為學習氣氛好.
我响律師樓做左10年,個老闆請親律師都係會請D响名校出身,有名大firm出黎個D人,這世界好現實,有幾多個老闆咁好唔睇出身?

原帖由 凱富路 於 08-11-17 15:30 發表
當然在這裡不需要那麼勞氣。可是﹐大家講到好像非直資/私立的學校就等於講粗口/吸煙/吐痰就有點兒那個了﹗ 當然如果你親眼看到鄰居的小孩讀的學校都是這樣﹐誰都不會給自己子女去讀﹐我想我更會考慮搬家﹗ 但事事上﹐很多地 ...

作者: BBR 時間: 08-11-17 15:51

但如果小學個低打得唔好又點有心機讀大學,响小學同中學都學壞左無心機讀書

,派到好的學校就話姐,派到衰學校點?好多時睇報紙D老師驚學生多過學生驚老師,我相信好多家長會用私立名校打低等派位,派得好米讀政府學校,派得唔好米讀私立,唔係為面子問題

原帖由 凱富路 於 08-11-17 15:46 發表
對呀﹐你也說HKU/CU﹐不是他們讀的小學呢﹗﹗ 我們只會看APPLICANTS的大學和是否相關學科﹐ 連中學都不怎樣看﹐誰去管他們讀甚麼小學﹖

作者: rebecca0113 時間: 08-11-17 16:10

好同意BBR既講法呀

到中學時先開始教就late la~~~~~

作者: rebecca0113 時間: 08-11-17 16:25

其實你都可以咁講自己有一部份係為左唔想佢大個俾人看不起既心態，因為自己是過來人,我現在同呀仔搵左間校風好好同埋幾出名既學校都好身彩佢的成績都幾好，希望可以keep住啦～～～

原帖由 凱富路 於 08-11-17 16:16 發表
這不正是你“自卑”的心態投射在小朋友身上嗎﹖ 如果他們沒有入讀名校﹐或入了之後跟不上﹐你又怎樣去教他們面對呢﹖
我是在屋村小學中學讀書 (現在小學已經關掉了)﹐
後來考上“名牌”大學﹐現在我也很坦然的告訴同事自己讀過 ...

作者: ysnmama 時間: 08-11-17 16:43

當然不一定是名中學畢業才能進中大/港大甚至外國著名大學. 但比例上是如何呢? 當然不是名小學畢業才能進拔萃中學/皇仁書院, 但比例呢? 當然不是名幼稚園生才能考進男女小拔. 但比例又是如何呢? 名校不是沒有壞學生, 而非名校也不一定沒有好學生. 但名校真的有它"名"的價值. 其實沒有特定答案. 名校畢業的有好的人際網絡. 各方面基礎確實較穩固. 很多時可以時半功倍的. 如果能讀上, 路可能較易行. 雖則話條條大路通羅馬. 但需用的時間長或短. 可以很不同. 路是父母舖. 行卻是子女自己行. 能舖條好行點輕鬆點的路. 結果可以很不同的.

作者: rebecca0113 時間: 08-11-17 17:04

當然我們會好明白有的家長對自己的小朋友係學習方面只要開心便可以，其實這樣便OK LA.

而我自己就覺得我個仔如果唔同佢搵間好既學校係會影響到佢以後既出路．．．況且我們家長都擔心現金個社會係若干年後如果他們既學歷好似我們咁，分分鍾只可以做清潔同掃街你就驚啦

原帖由 ysnmama 於 08-11-17 16:43 發表
當然不一定是名中學畢業才能進中大/港大甚至外國著名大學. 但比例上是如何呢? 當然不是名小學畢業才能進拔萃中學/皇仁書院, 但比例呢? 當然不是名幼稚園生才能考進男女小拔. 但比例又是如何呢? 名校不是沒有壞學生, ...

作者: BBR 時間: 08-11-17 17:06

學壞一日,學好3年

作者: rebecca0113 時間: 08-11-17 17:18

HE HE~~BBR　我同你既諗法都幾相似WOR...係呢，你諗到俾呀女讀BIN間未呀？

原帖由 BBR 於 08-11-17 17:06 發表
學壞一日,學好3年

作者: BBR 時間: 08-11-17 17:24

德望同St. Clare's都幾鍾意,SFA唔諗,聖士提反唔比大抽獎唔諗,但我交左GH留位,下星期in 聖心,等緊DGS結果,好煩,間間都幾好,你呢?

原帖由 rebecca0113 於 08-11-17 17:18 發表
HE HE~~BBR　我同你既諗法都幾相似WOR...係呢，你諗到俾呀女讀BIN間未呀？

作者: rebecca0113 時間: 08-11-17 17:29

Wa~~~好勁呀你，我個人覺得聖心同DGS都唔錯．．．．

我個仔小二ka la~佢係拔萃男書院附屬小學讀緊

原帖由 BBR 於 08-11-17 17:24 發表
德望同St. Clare's都幾鍾意,SFA唔諗,聖士提反唔比大抽獎唔諗,但我交左GH留位,下星期in 聖心,等緊DGS結果,好煩,間間都幾好,你呢?

作者: BBR 時間: 08-11-17 17:32

我都想個女入女拔萃,太多人爭,想入都難,你個仔都好勁

原帖由 rebecca0113 於 08-11-17 17:29 發表
Wa~~~好勁呀你，我個人覺得聖心同DGS都唔錯．．．．

我個仔小二ka la~佢係拔萃男書院附屬小學讀緊

作者: rebecca0113 時間: 08-11-17 17:40

我見到呀仔學緊普通話時見到有DGS既學生好乖ka~~~
希望你女女可以入到啦～～～

原帖由 BBR 於 08-11-17 17:32 發表
我都想個女入女拔萃,太多人爭,想入都難,你個仔都好勁

作者: BBR 時間: 08-11-17 17:43

thank you, i hope so.......

原帖由 rebecca0113 於 08-11-17 17:40 發表
我見到呀仔學緊普通話時見到有DGS既學生好乖ka~~~
希望你女女可以入到啦～～～

作者: kaka01 時間: 08-11-17 18:19

ysnmama

我很認同你的講法。其實很多名校，也許是師資優良，但高材生所學到的真是從老師所教而學到的嗎？我所能做的只是在能力所及的範圍內為他選擇而矣！希望能揀中適合他的。

原帖由 ysnmama 於 08-11-17 16:43 發表
當然不一定是名中學畢業才能進中大/港大甚至外國著名大學. 但比例上是如何呢? 當然不是名小學畢業才能進拔萃中學/皇仁書院, 但比例呢? 當然不是名幼稚園生才能考進男女小拔. 但比例又是如何呢? 名校不是沒有壞學生, ...

作者: kaka01 時間: 08-11-17 18:28

BBR

我個 case 同你一樣，只係SFA冇收囡囡，不過都預咗，冇所謂啦！咁 GH、St Clare's同聖心你覺得邊間好啲？我住 Kln，St Clare's 校長話有校車去將軍澳同九龍塘，但唔知聖心有冇，聖心係咪透明度冇咁高的學校呢？我見佢過 web site 好似唔多資料提供咁。

原帖由 BBR 於 08-11-17 17:24 發表
德望同St. Clare's都幾鍾意,SFA唔諗,聖士提反唔比大抽獎唔諗,但我交左GH留位,下星期in 聖心,等緊DGS結果,好煩,間間都幾好,你呢?

作者: LS+MCS 時間: 08-11-17 18:44

I want to choose famous schools for my kids becos I hope they could have a easier life when they grow up as the world is so 現實。

However, I have no intention to look down upon any of the schools. Under the existing P1 allocation system, most of the kids get into good schools by luck only.

作者: BBR 時間: 08-11-17 18:52

我都諗緊St.Clare's 同GH,唔知點

原帖由 kaka01 於 08-11-17 18:28 發表
BBR

我個 case 同你一樣，只係SFA冇收囡囡，不過都預咗，冇所謂啦！咁 GH、St Clare's同聖心你覺得邊間好啲？我住 Kln，St Clare's 校長話有校車去將軍澳同九龍塘，但唔知聖心有冇，聖心係咪透明度冇咁高的學校呢？我見佢過 web site ...

作者: 毛妹 時間: 08-11-17 19:56

我唔認同有d人成日鼓勵人唔好報名校。我有d朋友知道我報Good Hope、SFA、DGS，就話：『要小朋友跨區讀書好慘啫！你個區都有好學校啦！』老實講，鬼唔知區區都有好校咩！但係每個人要求都唔同，無話對與錯。我個女而家都係跨區返學，校車20分鐘內到校，根本唔辛苦！仲好開心。自己唔報名校就唔好話報名校嘅人為face。咁，唔報名校嘅人又係唔係為易送返學d而斷送子女前途？又或者根本唔信子女可以讀得上？

作者: BBR 時間: 08-11-17 19:58

我D friend重攪笑,個頭話完我報名校唔好,個頭自己去報,重要報得多過我(可能怕多個人爭

)

原帖由毛妹於 08-11-17 19:56 發表
我唔認同有d人成日鼓勵人唔好報名校。我有d朋友知道我報Good Hope、SFA、DGS，就話：『要小朋友跨區讀書好慘啫！你個區都有好學校啦！』老實講，鬼唔知區區都有好校咩！但係每個人要求都唔同，無話對與錯。我個女而家都係跨區返學， ...

作者: 大頭蝦 時間: 08-11-17 20:20

我唔認為讀名校可以大聲 d, 除非樓主這樣的認為吧...

我相信天下父母不論付出多與少, 大家亦想自己的仔女好 !

有選擇的話, 當然係比佢入口碑較好, 入 u 率高的學校啦 ....

若果唔從經濟角度出發, 比邊個揀, 都會送自己的仔女出國讀書 instead of 返大陸台灣讀啦

作者: cheng2 時間: 08-11-17 22:10

very agreed.

原帖由 ysnmama 於 08-11-17 16:43 發表
當然不一定是名中學畢業才能進中大/港大甚至外國著名大學. 但比例上是如何呢? 當然不是名小學畢業才能進拔萃中學/皇仁書院, 但比例呢? 當然不是名幼稚園生才能考進男女小拔. 但比例又是如何呢? 名校不是沒有壞學生, ...

作者: rebecca0113 時間: 08-11-17 22:17

暫時唔收唔表示以後都唔收,俾我如果真的唔收,我會next year 再try,唔得就next year再try...

講真如果個呀媽一早同個小朋友諗同埋預備充足而個小朋友不是太差的話,就一定會有間好學校收,你們看看之前的媽媽都發表過自己都有幾間好學校係手,我係早2年同呀仔搵學校都係見8間有6間收,是看我choice那一間的.

所以話大家唔同目標咪choice唔同既學校lor~~~的媽咪認為屋企附近的學校已經可以得既話,咪俾政府同他們派位lor...我們這班媽媽覺得附近既學校唔好,咪自己去搵學校lor....我覺得絕對同面子問題無關係....

原帖由 凱富路 於 08-11-17 20:47 發表
如果GH﹐ SFA﹐ DGS 都不收你個女﹐是不是就前途盡毀呢﹖

[ 本帖最後由 rebecca0113 於 08-11-17 22:20 編輯 ]

作者: River2004 時間: 08-11-17 22:33

關於名校，我有少少分享：

我同事個老公係草根學校出身，好早已經上晒岸，我同事好想仔女讀返老公間母校，但佢老公堅持要仔女讀傳統名校。雖然佢地好悉心栽培，但兩個仔女各方面(學業成績 +態度) 唔單止比唔上阿爸，甚至比唔上阿爸公司個清潔阿姐d仔女。我同事兩公婆心痛左好耐，最後結論係再好ge名校都比唔上「少年貧」。(千金難買少年貧! )

作者: ma90a31 時間: 08-11-17 22:47

天下父母心

不管父母的想法是哪一種都好
都是為了孩子
每位父母都不願見孩子成為爛蘋果

只是每個家庭有每個家庭要考慮的東西
錢是一大考量我必須承認
如果錢對家庭而言不是最大考慮
那麼我想應該每對父母都會希望孩子入到所謂的名校吧
名校有些也可以不用付錢的
政府官津都有好學校的
只是萬一派位結果不如所願
我不相信有人(就是錢不是最大家庭考量的話)不給孩子去唸私小或直資小學
對吧

所以
有什麼好爭議的呢

可憐天下父母心
現代的父母還真的是難當

(問題是要讀付錢的名校~還不是有錢就一定進的了哩 >_<)

作者: 毛妹 時間: 08-11-18 08:24 標題: 回覆 # 的文章

你老公小學當年起碼十幾年前，入U都難d啦！而家唔同喇！不過，我都認為子女本身資質都好重要。最重要係命水，所謂：「一命、二運、三風水、四積陰德、五讀書。」

作者: Geni 時間: 08-11-18 09:56

但我覺得你朋友對仔女o既問題同父母有關多d喎~~

原帖由 River2004 於 08-11-17 22:33 發表
關於名校，我有少少分享：

我同事個老公係草根學校出身，好早已經上晒岸，我同事好想仔女讀返老公間母校，但佢老公堅持要仔女讀傳統名校。雖然佢地好悉心栽培，但兩個仔女各方面(學業成績 +態度) 唔單止比唔上阿爸，甚至比唔上阿 ...

作者: belle 時間: 08-11-18 10:04

提示: 作者被禁止或刪除內容自動屏蔽

作者: BBR 時間: 08-11-18 10:24

嘩!!!好精景!!!!我一直都係講緊這類學校,真的好怕小朋友入到這類學校,最慘這類學校起碼佔60%,20%係邊緣, 20%名校,等政府派位得個10%係名校(因為10%係名私校)咁多人爭,咁你話我地做父母點會唔去同D小朋友自己報"私"名校,你唔讀名校唔通讀個60%?要相信有幾多小朋友可以出污泥而不染?小朋友最鐘意受身邊朋友影響,人地話食煙好形,佢地米又做,個個都鐘意講粗口既,佢地米又講埋一份,個個放學去唱K唔讀書,佢地米又咁,電視成日都有做這些青少年特輯,個個都係個60%學校出黎,我真係唔願意拎個女前途黎玩,60%裡都有好學生,但有幾多?

原帖由 belle 於 08-11-18 10:04 發表
What I concern is the significant influence of peer preseure. I am a teacher of a secondary school. Sometimes ago, I heard a conversation between 2 students who came from the same primary school.

A ...

作者: loy211 時間: 08-11-18 10:37

我相信家長選擇學校時不只是要求名校,學習氣氛最重要,我個人認為學校校風,課程亦很重要.
我不會報一些貴族學校,一來負擔不來,如弘立書院,成萬蚊一個月,個個有錢人,我怕仔仔會自卑.
地區有名牌小學,不過有些地區較好的小學,相對地少,如果有得揀,而又負擔得來的話,寧願給他讀私小.

作者: BBR 時間: 08-11-18 10:46

其實真係無辦法,好D的學習氣氛學校差不多都係名校,所謂名校只不過就係學習環境好,氣氛好,品德好,校規嚴,成績好,多band 1學生that's all,政府派位的學校都有名校,但重難入過私校

,個個家長都想比最好小朋友,入到名校我唔覺好有面子(大把人入到),反而入到名校成績同品德非常好我至覺得有面子,比你入到但年年考尾個幾個有咩值得高興

原帖由 loy211 於 08-11-18 10:37 發表
我相信家長選擇學校時不只是要求名校,學習氣氛最重要,我個人認為學校校風,課程亦很重要.
我不會報一些貴族學校,一來負擔不來,如弘立書院,成萬蚊一個月,個個有錢人,我怕仔仔會自卑.
地區有名牌小學,不過有些地區較好 ...

作者: shirleyyip04 時間: 08-11-18 11:52

樓主, 我想問一下,如果你的小朋友比你附近的一所直資校或私校取錄, 你會選屋村的小學還是直資學校? (如果環境經濟能許可)

我本人首選直資和私校,是因為學校私教學理念和資源,直資和私校資源效多, 可以發展學生唔同的潛能,不是死背和抄寫,能令孩子讀得開心, 培養學習的興趣!老師有活力,關心學生。

反觀一些政府學校就好大分別,我再第一輪交表的那天, 我看見政府學校的老師,他們的打扮就好似周星馳喜劇內的做型, 不會upgarde自己,擺出一個做又36唔做又36的樣子,那就是出名學校的分別!

還有,我相信你聽過一句成語,近朱者赤;近墨者黑, 小朋友太細,好多是非黑白是未識分, 我亦相信名校亦有壞學生,但是考得入名校的子女,父母都是很關心孩子, 會有適當的照顧和教導, 德育會比較好,無論讀書成績是否名列前矛, 都會是一位有教養的孩子。

祝各位bk媽媽的子女都能成功入讀心儀的學校!! ^^

作者: piggy-ma 時間: 08-11-18 11:58

請問有邊間名學，不是學風好，成績好呢？父母送子女入名校很難只單純為『面子』吧。

你為兒子報私學時，可有單純為『面子』？

原帖由 凱富路 於 08-11-17 15:30 發表
當然在這裡不需要那麼勞氣。可是﹐大家講到好像非直資/私立的學校就等於講粗口/吸煙/吐痰就有點兒那個了﹗ 當然如果你親眼看到鄰居的小孩讀的學校都是這樣﹐誰都不會給自己子女去讀﹐我想我更會考慮搬家﹗ 但事事上﹐很多地 ...

作者: piggy-ma 時間: 08-11-18 12:01

你自己也別自卑啦

原帖由 凱富路 於 08-11-17 16:16 發表
這不正是你“自卑”的心態投射在小朋友身上嗎﹖ 如果他們沒有入讀名校﹐或入了之後跟不上﹐你又怎樣去教他們面對呢﹖
我是在屋村小學中學讀書 (現在小學已經關掉了)﹐
後來考上“名牌”大學﹐現在我也很坦然的告訴同事自己讀過 ...

作者: BBR 時間: 08-11-18 12:12

可能樓主應該咁講"大家覺得小朋友入左名校係米好有"面子" 而唔係大家同小朋友"報"學校係為"面子"

原帖由 凱富路 於 08-11-17 11:33 發表
大家同小朋友報學校﹐有多少是為了自己的“面子”﹐不想同人講個仔或個女在樓下那間“XXX街坊會XXXX夫人紀念小學”讀書 (雖然那學校在區內是很有名的) ﹖﹖﹖ ...

作者: aniwong 時間: 08-11-18 12:46

如果你係一個要面子的人，是你自己的問題，繁事好容易會不知不覺同人比較，好多時還自編自導自演，把事情簡單複雜化。只要問心無愧，不要太介懷別人的說話，平常心，正面對待，人就會更開心。
讀書是幫助孩子打好基礎，報邊間學校，邊間收，到讀邊間？只係一個過程的起步，讀什麼學校都無所謂，只要能配合所有因素，選擇一間合適的學校，盡力而為。所謂一分耕耘，一分收穫。到了他們長大一點後，小學、中學... 又要迎接新的轉變。有時真是計劃趕不上變化。慨嘆香港的教育、經濟是一個必然的變數。
我們更要知道各人有不同的要求和生存態度、生活方式、生活水準、(我就認為生活費最緊要)。正所謂十人生九品，各式其式、各施各法，自得其樂吧。
在漫漫人生長路的未來，每一個人都有選擇的權利，憑著堅持、堅苦、堅信的信念；不猜忌、不怨天、不貪婪、不自私、不戰鬥的心態…………用愛創造世界﹗

作者: BBR 時間: 08-11-18 13:00

其實我地個年代讀書環境無宜家咁福雜,無咁多引誘,個個都比較單純,邊有電腦,NDS,MSN.........,所以個年代D學校環境單純好多,亦容易D出人頭地,以前中五已經可以搵到份好工,而家大學都未必搵到份好工,你打開報紙份份工都起碼中六中七畢業,世界唔同左,宜家成街大學生無野做,我地為人父母點會唔擔心,世界不停變,重點可以拎以前比

作者: Lucky-Ma 時間: 08-11-18 13:10

support!

原帖由 BBR 於 08-11-18 13:00 發表
其實我地個年代讀書環境無宜家咁福雜,無咁多引誘,個個都比較單純,邊有電腦,NDS,MSN.........,所以個年代D學校環境單純好多,亦容易D出人頭地,以前中五已經可以搵到份好工,而家大學都未必搵到份好工,你打開報紙份份工 ...

作者: Eclipse_2006 時間: 08-11-18 13:25

當年唔同今日吧.

我只係覺得現今學生的操行, 每況愈下.  當年的窮學校, 窮學生, 除了窮, 英語學習環境無名校咁好外, 其他一切都很好.  (我當年大學面試, 那位教授問我, 我的中學跟名校如DBS有什麼分別, 我都勇於答無分別.)

現在, 若我仔仔要派去一些不知名的學校, 我一定會擔心死.  不是擔心學業成績, 而是他會否學壞.  現今世界, 養不教的父母實在太多.  (當年我父母, 沒學識, 收入低, 但懂得教子女分辨是非, 不要講粗話, 不要破壞公物, ......)

我的親眼目擊:
前幾年, 有一個新學年, 每早都見到一位可愛小妹妹, 我想她是新中一生吧.  很純樸, 梳起兩條馬尾, 很可愛.  一個學期後, 她已穿著時髦, 講粗話, 裙子短短的, 在車廂內跟男生拉拉扯扯.  你說可怕不可怕.

原帖由 凱富路 於 08-11-18 12:40 發表
別講笑﹐我讀那間已關掉的小學的同學﹐有高級工程師﹐大藥廠的地區經理﹐中學高級學位教師﹐大學教授......大家都沒有覺得自己出身卑微。我更不會因為這原故﹐非要自己小孩非讀“名校”不可。當然我不會刻意去找那些快要關掉 ...

作者: 毛妹 時間: 08-11-18 13:51

我有個朋友而家做商界中層，中小學讀非名校，讀書都幾叻。佢囝囝就升小一喇！最近佢老媽爆比佢知，以前有一間一線名校收咗佢讀小一呀！不過因為有另一間屋邨小學近d，所以無讀名校！我朋友聽到後，唔知好嬲定好笑。有名校唔讀，走去讀屋邨校。佢肯定自己讀名校會好d，有信心讀得上，起碼惠及囝囝。佢而家對於當年阿媽無比佢入名校，仍不開心。

作者: LLT 時間: 08-11-18 13:53

It's great that we have a secondary school teacher here.

I don't want my son to study at a school where we find can find a Form 3 girl had sex with FIVE of her male classmates AT THE SAME TIME when no adult was at home.

This seems scaring and unbelievable to us but unfortunately this is a real case that I know recently!

原帖由 belle 於 08-11-18 10:04 發表
What I concern is the significant influence of peer preseure. I am a teacher of a secondary school. Sometimes ago, I heard a conversation between 2 students who came from the same primary school.

A ...

作者: BBR 時間: 08-11-18 14:18

其實我都同意你大部份說法,係普遍學校都有狀元,都有好學生,但個比例係幾多?年年放榜電視都有訪問D狀元同做統計,10個狀元有8個係名校出身,年年都係個幾間名校出狀元最多,如果你計返個%普通學校出狀元係幾低,現今社會已不同當年,大學生通街都係,外國留學生通街都係,但一事無成唔讀書只顧玩,啪丸唱K既比例更多

,未成年少女大肚打開報紙成日見,你諗下個D全都係讀普通學校,草根階層(本人無睇唔起佢地),父母無時間照顧住屋村的小孩,真係有幾多個小朋友識諗自己讀書,這完全係一個比例上遊戲,普通學校有好學生但比例唔多,名校有壞學生但比例唔多,試問如果我地咩都唔做由政府派位,一個不幸派到個D學校你會點?你會唔會好後悔當初點解唔同個小朋友報一些私"名"校?
名校當然亦有害群之馬,但比例一定唔多,就算有成績差的學生都未至於品行太差(當然有例外,但同普通學校比就真係小巫見大巫,品行差的一早比人趕出校)
講真我真係唔夠膽博等政府派位(當然我都會照抽),派得唔好咁點算?所以我唯有考私立做後備,我相信好多媽咪都係同我一樣心態,只要派得好學校,家長就自然會放棄已報之"名"校. 我覺得就算個女讀得唔好都唔緊要,起碼唔好學壞先係最緊要,如果佢真係讀唔到,咁佢係普通學校都唔會讀到,但讀唔到之餘重要學壞我真係死比佢睇

,係普通學校學壞既%係百分之80%,係名校學壞%係百分之1%(我個人認為

),如果真係咁不幸我寧願佢讀唔到書但有正值的品德,好過讀到書但會作奸犯科

我相信這裡的媽咪都係想小朋友好而去考名校,有邊個敢拎小朋友的前途去博?真係放佢响普通學校睇佢係米出污泥而不染?

原帖由 凱富路 於 08-11-18 13:46 發表
同意﹐但也不代表地區學校現在就沒有出人頭地的學生﹐在我所住棟樓清潔的阿姐﹐月入幾千元﹐但三個兒子都先後入大學。還有﹐現在會考狀元也不再是名校的專利﹐很多地區學校的狀元數目比他們更多呢﹗

...

[ 本帖最後由 BBR 於 08-11-18 14:25 編輯 ]

作者: pearjadema 時間: 08-11-18 14:46

原帖由 凱富路 於 08-11-18 13:28 發表
想不到簡單的一個引子﹐叫大家有深受冒犯的感覺﹐也讓我好像被公審的一樣。
想不到在大家心目中﹐非DSS/PRIVATE的所有學校﹐幾乎都是會教壞人的。
其實真正稱得上名校的DSS/私立小學﹐十根指頭都數不到. 大部份非一條龍的DSS/ ...

HELLO,

這裡的家長們都是有禮的人, 大家交留意見吧了, 一定有唔同聲音, 希望你明白o
你知道嗎, 在 "談幼稚園" 既討論區到先恐怖呀, D家長一唔arm 聽罵人罵到飛起咩 "龜宿" & "有病" "xyz" 都出齊呀
真的恐怖o
其實相信好多家長都會考定dss & 私校打底, 真的到6月大抽獎時派到不太理想學校時都不會太徬徨, 並實都不是關乎面子只希望子女可與品格良好的小朋友做同學吧了o

作者: charwes 時間: 08-11-18 15:02

其實地區學校成功的例子當然有，但失敗的過案更多。而且差的地區學校又比好的地區學校多得多，所以名校在教學質素上的保證一定比地區學校優勝。而你說到近年地區龍頭學校在公開試有優良表現，如林護/梁銶琚/鄧顯等，但個人認為在云云地區學校中，又有幾多間辦得如此出色的？況且這寥寥數間地區學校實在已可歸類為名校了。

原帖由 凱富路 於 08-11-18 13:46 發表
同意﹐但也不代表地區學校現在就沒有出人頭地的學生﹐在我所住棟樓清潔的阿姐﹐月入幾千元﹐但三個兒子都先後入“名牌”大學。還有﹐現在會考狀元也不再是名校的專利﹐很多地區龍頭學校的狀元數目比他們更多呢﹗

...

作者: piggy-ma 時間: 08-11-18 15:14

撫心自問，誰會為了區區面子，要子女放棄名校 (不管是官津、私校、直資) 而去讀『非名校』，以示『出污泥而不染』？當然有『非名校』出身的優才，但若他們可在名校接受教育，與其他好學生多切磋，不是可更上一層樓嗎？人望高處，『非名校』出身的優才上大學時，自己也選名牌大學而非浸會大學吧。

作者: charwes 時間: 08-11-18 15:39

我想我可以分享一下，我以前十三年都在同一間男校讀書的，娘娘腔的同學間唔中都有一兩個，但談同性戀的真的沒有見過，而我所有同校朋友現在都已成家立室並有小朋友了。反而在工作上遇過幾個同性戀的同事都是在男女校就讀的。

原帖由 凱富路 於 08-11-18 15:30 發表
順帶一提﹐你很喜歡提到不同學校的學生比例是怎樣怎樣﹐那麼一些傳統名校(男校/女校)同性戀的比例確實比其他學校高很多﹐你不會怕你的小孩“近朱者赤”嗎﹖

作者: freshman 時間: 08-11-18 15:53

提示: 作者被禁止或刪除內容自動屏蔽

作者: belle 時間: 08-11-18 15:59

提示: 作者被禁止或刪除內容自動屏蔽

作者: ysnmama 時間: 08-11-18 15:59

真的奇怪. 不明樓主硬要說成若入讀名校. 一定只是面子問題. 若入讀名校, 好像有罪. 我看那麼多回應. 說想子女入讀名校的, 他們也沒有看不起入讀普通學校或非名校的. 也從沒說非名校畢業的. 一定不能成大器. 只是希望有好同學的比例多點. 讀書氣氛好的機會多點, 學壞的機會相對也希望少點而已. 沒有任何選擇是百分百對的. 只期望某些機會率吧.

從前年代跟現在很不同. 例如我在銀行工作的. 不少分行經理, 區域經理也在銀行工作超過二十年以上. 沒有學歷. 只有經驗. 他們不少是由文員做起. 慢慢晉升到今天. 但若套用於近代. 我相信由文員晉升到經理的機會已經不大. 大學可能也只能當文員. 當然, 我不是少看文員. 而是現今起步的要求及機會已經跟從前很不同.

坦白. 若我子女有能力能考進/派進名校. 我為何不給他們讀? 為何硬要把子女送進普通學校去實驗其實不入讀名校也能成器? 硬要不考名校? 其實只在乎家長能力. 因為學費也是主要因素. 付得起為何不入讀? 付不起就沒話說. 自問自己也付不起超級名校的學費. 但人家子女能入讀, 我也替人家開心. 因為起步點較高. 容易向上走. 由太低起步. 的確是要多點時間去追的.

作者: BBR 時間: 08-11-18 16:03

hehe講真如果我個女真係變左同性戀我唔會介意,我可以話你知我身邊有幾個朋友都係同性戀,我完全接受到,因為佢都係愛一個人,只是性別唔同,而且佢同性戀又傷害唔到自己同人地,這條路係佢揀我會尊重佢,我以前都係女校出身,所以我個女真係讀女校的話我可以同佢溝通到.
另外其實"名校"點為之"名",响我心目中一隻手數得哂,我個女宜家收個D我都唔覺係咩名校,SFA, Good Hope, St. Clare's 我覺得只係2線"名"校(你口中所講的"地區龍頭學校和大部份非傳統名校的私小和直資",) 而政府派位的又極多人孚崩頭(亦係你口中個D"地區龍頭學校和大部份非傳統名校的私小和直資") 幾千人爭一間,個個都填個一兩間第1,2志願,重爭得極過私小. 直到今年為只出最多狀元仍然係個幾間名校佔多數
"今年有十五名狀元，取得八優及中英文科５*成績，最多來自喇沙書院，有四名狀元、另外有兩人來自男拔萃書院。而香港華仁書院、皇仁書院、聖約瑟英文書院及荃灣官立中學各有一名狀元。五名女狀元，就分別來自聖保羅男女中學、聖士提反女子中學、屯門順德聯誼會梁銶琚中學、葵涌聖公會林護紀念中學、以及上水香港道教聯合會鄧顯紀念中學。"
其實名唔名都無所謂,最緊要學校學習環境好,注重品德

原帖由 凱富路 於 08-11-18 15:30 發表
對呀﹐ 所以我們都有報私小和直資﹐辛運地小兒被一聲譽很好的私小收了﹐但不是我所指的少數名校。

>試問如果我地咩都唔做由政府派位,一個不幸派到個>D學校你會點?你會唔會好後悔當初點解唔同個小朋>友報一些私"名"校?

大 ...

作者: charwes 時間: 08-11-18 16:04

蘿蔔青菜各有所愛，沒有任何人/事可得到所有人的喜愛/認同，人家prefer名校多過地區學校自有他們的原因，我想並非單純是閣下所猜測的"為面子"吧!?

原帖由 凱富路 於 08-11-18 15:53 發表
是的﹐我承認我所寫的是有點以片蓋全﹐只是在報紙上看到一些例子﹐便覺得那些學校都是這樣。但確實有父母擔心這個問題而不想子女讀那些學校﹐特別是某一兩所名女校。
但我想﹐這和其他人在報紙上看到屋村學校有學生怎樣怎 ...

作者: bobbbby 時間: 08-11-18 16:07

我中學都係讀男校，只有一個同學承認係同性戀，我都唔覺男校同性戀學生比例會高過男女校~~~

其實我唔係好明你o既立場，一方面批評其他人只顧名校，但係你自己又承認為子女報左名校~~~

你話其他人唔了解"地區名校"或者"普通學校"，但係你未讀過名校，又有幾了解傳統名校o既優勢？

原帖由 凱富路 於 08-11-18 15:53 發表
是的﹐我承認我所寫的是有點以片蓋全﹐只是在報紙上看到一些例子﹐便覺得那些學校都是這樣。但確實有父母擔心這個問題而不想子女讀那些學校﹐特別是某一兩所名女校。
但我想﹐這和其他人在報紙上看到屋村學校有學生怎樣怎 ...

作者: BBR 時間: 08-11-18 16:11

最幣係報紙唔係間中報導這些個案,係成日都見到這些個案.就算唔睇報紙自己去行個圈都體驗到個D學校的校風,睇電視D特輯隔幾個月就有得做,你睇個D屋村問題青年多到不得了,你晚上去屋村行個圈,D細老2,3點都未返屋企,實左太多例子

原帖由 凱富路 於 08-11-18 15:53 發表
是的﹐我承認我所寫的是有點以片蓋全﹐只是在報紙上看到一些例子﹐便覺得那些學校都是這樣。但確實有父母擔心這個問題而不想子女讀那些學校﹐特別是某一兩所名女校。
但我想﹐這和其他人在報紙上看到屋村學校有學生怎樣怎 ...

作者: ysnmama 時間: 08-11-18 16:16

我真不明為何樓主那麼大怨氣? 為何會那麼偏激? 好像入讀名校變成了件壞事. 很奇怪

作者: mother904 時間: 08-11-18 16:36

原帖由 凱富路 於 08-11-18 15:30 發表 [
我一直想比較的是地區龍頭學校和大部份非傳統名校的私小和直資。他們的表現大都是相若的(校風﹐學習氣氛﹐成績)﹐所以是否有必要花錢去讀呢﹖ 一般私小的資原其實是有限﹐因為它們沒有政府資助﹐直資的情況比較好﹐因有學費和政府資助。還有﹐現在地區龍頭學校和傳統名校的差距已沒有你所指的那麼大﹐“10個狀元有8個係(傳統)名校出身”近年已見不到了。

我們沒有宗教分，沒有舊生分，沒有兄姐分、沒有父母是教職員或校監校董分，沒有相熟親友在「地區龍頭學校」任職，派到的機會有多大？

如果政府可以肯定我們會派到「地區龍頭學校」，當然不用考私小和DSS。

又，我很想了解樓主所謂的「地區龍頭學校」和「傳統名校」的分野，喇沙、St. Mary、瑪利曼和瑪利諾這些學校應該歸類為「地區龍頭學校」還是「傳統名校」？

又，想請問你為甚麼會為子女報考一間「聲譽不錯的私小」（很可能很多人都已經將之界定為「名校」），而不是只等待派位結果？我想，你為子女報考的原因，就是大部分家長為子女報考的原因。將一切歸究為「面子」，總有點難以理解。

作者: goodmama2003 時間: 08-11-18 16:39

提示: 作者被禁止或刪除內容自動屏蔽

作者: baekdoosan 時間: 08-11-18 16:46

吃不到的葡萄是酸的, 其實並不難理解.

撫心自問, 我也曾經因為名校不收我的小朋友, 而覺得很沒面子. 但我和小朋友也要繼續生存下去, 繼續面對沒有名校的日子.

無論讀不讀名校, 小朋友都需要我們的栽培, 願各位媽媽加油!

[ 本帖最後由 baekdoosan 於 08-11-18 16:48 編輯 ]

作者: bobbbby 時間: 08-11-18 19:05

我睇完所有回應，有部份人都覺得你認為“幫子女報名校，係家長為面子多過為子女著想”，所以先會引起咁多人討論，如果你唔係咁o既意思，可能係我理解能力有問題，或者你表達能力有問題~~~

你個“同性戀”標籤，好似無乜人認同，相反，“吸煙/講粗口/未成年生子” 標籤，就有好多人有同感~~~

傳統名校人際關係網可以有好大幫助，小至日常生活，可以隨時打電話都搵到醫生、律師或者會計師同學，詢問專業意見，因為同學間無利益關係，可以比到好忠肯意見；大至工作，好多同學都會響大機構身居要職，或者本身家族有好大生意，如果工作上有需要幫手或者合作，大家識於微時，關係一定好過響商場慢慢建立~~~

原帖由 凱富路 於 08-11-18 17:05 發表
首先﹐我在這個thread從來沒有批評人家讀和報名校﹐這個thread的標題和第一個MESSAGE也許寫得不討好﹐但我再說﹐我只是出一個引子﹐沒有硬說人家報讀名校就是要面子的意思。
同樣﹐我舉名校同性戀的例子﹐只是想帶出一般學校被標籤 ...

[ 本帖最後由 bobbbby 於 08-11-18 19:09 編輯 ]

作者: phoebelau 時間: 08-11-18 19:15

bobbby:
你既睇法同我老公直頭係一模一樣呀!!

原帖由 bobbbby 於 08-11-18 19:05 發表
我睇完所有回應，有部份人都覺得你認為“幫子女報名校，係家長為面子多過為子女著想”，所以先會引起咁多人討論，如果你唔係咁o既意思，可能係我理解能力有問題，或者你表達能力有問題~~~

你個“同性戀”標籤，好似無乜人認同，相反 ...

作者: BBR 時間: 08-11-18 19:27

咁你個topic其實係想講咩先?既然唔係想講父母報名校為面子,咁究竟你出咩引子去講咩信息先?
第1這裡個個報名校都係為打個低等政府派位.
第2這個個都話如果政府派得好就唔會讀私校.
第3這裡大部分會參加派位.
第4個個都認同普通學校都會有好學生(但唔多law)
咁你究竟想講D咩呢?你想講點解我地要個個報名校?但你自己都有報,咁即係唔係講lee樣.

原帖由 凱富路 於 08-11-18 17:05 發表
首先﹐我在這個thread從來沒有批評人家讀和報名校﹐這個thread的標題和第一個MESSAGE也許寫得不討好﹐但我再說﹐我只是出一個引子﹐沒有硬說人家報讀名校就是要面子的意思。
同樣﹐我舉名校同性戀的例子﹐只是想帶出一般學校被標籤 ...

[ 本帖最後由 BBR 於 08-11-18 20:08 編輯 ]

作者: gogotele 時間: 08-11-18 20:47

Let' have a peaceful discussion.  樓主's view is not important.

Most of the comments are correct.  We may miss one.  The goverment does not allow us to choose freely.  The put a lot of restriction on the admission procedure which make us feel unsecure.  Most of us don't want to wait for the lucky draw.  We want our children to study, if not in a best/most famous school, at least not a bad school.  The government did a lot, but most of them I disagree.

When I were young, my parents took me to interview.  I was accpeted by LS and a much less famous school.  My parent did not choose LS for some reason.  At least the choice was on our hand.

作者: BBR 時間: 08-11-18 20:55

其實真係對政府D教育政策無咩信心,朝令夕改,昨天電視至有個特輯講教育政策的334有幾唔好,令幾多學校唔知點算

,母語教學已經夠失敗,唔知政府重想攪咩,所以至令咁多人走去讀私校

作者: rebecca0113 時間: 08-11-18 22:05

樓主講到自己的工作挑選請人時不會看重他們的學校背景,這點我不願置評,我只知道在我現在工作的機構裡,暗地裡選了名校出身既員工有好多,連我表妹她現在係HxBank做緊secretary都同我講她們銀行裡,bin間學校出來係直接影響她們的升職機會,我諗大家都應該明白事實個社會係要咁,大家咁辛苦去不停為自己的兒女搵間好學校無非係想他們大個條路可以好行的....我再強調:我們不是為了自己面子的......

不錯﹐我沒有讀過傳統選名校﹐但我的工作需要我接觸和挑選不同背景的大學和中學畢業生﹐我們所看重的﹐絕對不是他們的中學甚至小學是否名校。也許我要拿我們的STATS去看看被選中的是否名中小學的畢業生比較多。

原帖由 凱富路 於 08-11-18 17:05 發表
首先﹐我在這個thread從來沒有批評人家讀和報名校﹐這個thread的標題和第一個MESSAGE也許寫得不討好﹐但我再說﹐我只是出一個引子﹐沒有硬說人家報讀名校就是要面子的意思。
同樣﹐我舉名校同性戀的例子﹐只是想帶出一般學校被標籤 ...

作者: BBR 時間: 08-11-18 22:24

非常同意你講法,現今社會超現實,唔似以前無人會睇你出身都會請你,我淨係知道去見親工都會要填埋中學,大學的名,宜家好難搵到一間"大"機構唔睇出身就請人,細公司都睇啦,何況大機構,我老公請人都請D出身好的人至請,唔係睇唔起出身唔好D人,而係太多比你揀咁點解唔揀最好個D

原帖由 rebecca0113 於 08-11-18 22:05 發表
樓主講到自己的工作挑選請人時不會看重他們的學校背景,這點我不願置評,我只知道在我現在工作的機構裡,暗地裡選了名校出身既員工有好多,連我表妹她現在係HxBank做緊secretary都同我講她們銀行裡,bin間學校出來係直接 ...

作者: mother904 時間: 08-11-18 22:40

至於關於地區龍頭學校VS非傳統名校的直資私小的考慮﹐當然前題是在所比較的學校(i.e.被收了的直資私小VS被派到的龍頭學校)在各方面都相若的話﹐我們會揀選地區學校。是的﹐ 收我兒子的私校也可以算是“名校”﹐但與本區的龍頭學校實在差不多﹐我們只是想更好的運用我們的金錢。

sorry，得罪都要講一句，樓主你呢句說話真係等同「鬼唔知呀媽係女人！」，如果瑪利諾／瑪利曼（或者同佢等相同地位既「地區龍頭學校」）「一定」收我地，我還要四圍張羅，擔心好幾個月去考私小同DSS嗎？

p.s.我唔覺得瑪利諾唔收我地就等如前途盡毁，只是如果有得揀，是不是每個人都會揀他們心目中「最好」的？

作者: mother904 時間: 08-11-18 22:51

原帖由 rebecca0113 於 08-11-18 22:05 發表
樓主講到自己的工作挑選請人時不會看重他們的學校背景,這點我不願置評,我只知道在我現在工作的機構裡,暗地裡選了名校出身既員工有好多,連我表妹她現在係HxBank做緊secretary都同我講她們銀行裡,bin間學校出來係直接 ...

這一點，我覺得要看工作性質。我從前請人，也曾想請HKU畢業生（因為校友），相信他們的語文訓練會好些，但後來我「領過野」，以後都只請非名校生。因為這些「名校生」很鍚身，很多事都不願做。

我從前做傳媒，有很多事情要捱更抵夜（我不是做狗仔隊，而是很傳統的書刋印刷）。

作者: BBR 時間: 08-11-18 23:11

個個大學生讀完書個D都係想搵份好工,要捱更抵夜就實唔肯做,邊個唔想朝九晚五,好似如果你請個清潔掃街都唔會請個大學生名校出身,宜家D年青人唔捱得,搵到份舒服人工高就會走

原帖由 mother904 於 08-11-18 22:51 發表

這一點，我覺得要看工作性質。我從前請人，也曾想請HKU畢業生（因為校友），相信他們的語文訓練會好些，但後來我「領過野」，以後都只請非名校生。因為這些「名校生」很鍚身，很多事都不願做。

我從前做傳媒，有很多事情要捱更抵夜（ ...

作者: mother904 時間: 08-11-18 23:21

個個大學生讀完書個D都係想搵份好工,要捱更抵夜就實唔肯做,邊個唔想朝九晚五,好似如果你請個清潔掃街都唔會請個大學生名校出身,宜家D年青人唔捱得,搵到份舒服人工高就會走

其實而家仲邊有工係舒服又高paid？醫生都要捱夜啦。政府高官都要做到10:00pm(我個friend)！

我想補充既係，我係十年前已經退休做全職媽媽，十年前既環璄已經係咁，十年後更加係咁。大學已經唔係就業保證，我真係相信學校係求學問同培育個性既地方。

所以我一直都想搵間學術水平唔差，但又會培訓小朋友性格既學校。好可惜呢d學校唔易搵，更加唔係汲汲於派位成績好睇既官津校做得到。

[ 本帖最後由 mother904 於 08-11-19 00:19 編輯 ]

作者: TaoTaoMa 時間: 08-11-18 23:23

首先，我唔會否認倘若自己的小朋友入了名校讀書，在別人問起時確實有『顏面有光』的感覺，請記住，這是人性！絕大部份人都喜歡別人的讚許或羨慕，這亦是天性。可是，這絕不是人們所講的為面子而替子女考名校那種『短視』理論，最終，做父母的都是望子成龍，送孩子往心中的理想學校，有甚麼不妥？每人中心的尺度都不一樣，某人指的所謂龍頭學校，在其他人心中可能普通不過！總之，我個人認為『樹大有枯枝，族大有乞兒。』每間學校都有最好同最差，只要學校適合自己個小朋友，而自己又負擔得起，那便可以了！

作者: popocat 時間: 08-11-19 00:02

十分同意!
因只有15分, 自行階段實冇chance 派到樓主所指的地區龍頭學校, but we don't want to wait for 2nd round lucky draw, 所以才為阿仔報直資/私小, target D 有直屬/一條龍中學的小學, 費事升中時又煩多一次. 其實這裡大部份家長都係唔想把仔女的前途作賭注姐!
請問樓主喺自行階段應該唔會為左怕比別人話要面子而放棄你所指的地區龍頭學校而走去報一間"飛仔學校"啩?!

P.S. - 今年岀咗會考狀元嘅鄧顯中學, 老公話喺佢細個時已係新界名校, 如鳳溪般出名.

原帖由 gogotele 於 08-11-18 20:47 發表
Let' have a peaceful discussion. 樓主's view is not important.

Most of the comments are correct. We may miss one. The goverment does not allow us to choose freely. The put a lot of restriction ...

作者: Eclipse_2006 時間: 08-11-19 01:22

你沒有看重名校的因數, 因為你不是名校出身.  我本身只是一般學校畢業, 若有機會擔任招聘工作時, 一定不會看名校出身這因數.

可是目前社會仍有部分專業或大公司, 把手入門的人, 都是名校生, 他們很自然先睇住自己師弟妹.

當年我入大學, 入不到我的第一志願.  面試時, 三個教授中的兩位應是名校生, (若我無估錯, 應是DBS) 他們兩位由面試開始已對我很冷漠, 說話語氣其差, (好像覺得我不應該有機會被面試), 當中亦三番四次表達懷疑我的能力, 又要我將我的學校與DBS作比較.  反而另一位鬼佬教授, 對我態度好好, 我感受到佢對我既表現很滿意, 他有問我如果比我入學, 我會否有問題.  最後, 我只是 on waiting list, 無失望, 都預左, 相信不是有個鬼佬教授, 我連入 waiting 都無.

我先生現於一美資公司任職.  在他以前, 公司請的都是外國名大學的畢業生, 他是第一位畢業於本地二綫大學而可以受聘.  當他坐在請人的位子時, 他亦請了幾位師弟. 非名校出身不一定無機會, 但要殺出一條血路, 要比人付出更多.

原帖由 凱富路 於 08-11-18 17:05 發表
不錯﹐我沒有讀過傳統名校﹐但我的工作需要我接觸和挑選不同背景的大學和中學畢業生﹐我們所看重的﹐絕對不是他們的中學甚至小學是否名校。也許我要拿我們的STATS去看看被選中的是否名中小學的畢業生比較多。

[ 本帖最後由 Eclipse_2006 於 08-11-19 01:26 編輯 ]

作者: BBR 時間: 08-11-19 08:47

基本上我個女這一代D家長好注重學習,個個都會花錢比佢地學野,入名校,所以我覺得15年後應該通街都係名校生,大學生,留學生,咁你話我地點會唔緊張子女的前途,點會拎佢地前途黎做試驗品,點會唔搵最好學校比佢地?

作者: CHTmami 時間: 08-11-19 08:52

有面? No La! 係會更低調 ....

作者: rebecca0113 時間: 08-11-19 08:52

絕對認同你的講法

原帖由 Eclipse_2006 於 08-11-19 01:22 發表
你沒有看重名校的因數, 因為你不是名校出身. 我本身只是一般學校畢業, 若有機會擔任招聘工作時, 一定不會看名校出身這因數.

可是目前社會仍有部分專業或大公司, 把手入門的人, 都是名校生, 他們很自然先睇住自己 ...

作者: LS+MCS 時間: 08-11-19 09:05

原帖由 BBR 於 08-11-19 08:47 發表
基本上我個女這一代D家長好注重學習,個個都會花錢比佢地學野,入名校,所以我覺得15年後應該通街都係名校生,大學生,留學生,咁你話我地點會唔緊張子女的前途,點會拎佢地前途黎做試驗品,點會唔搵最好學校比佢地? ...

Admit that it's amongst parents with the comparion and competition that make things complicated.

作者: BBR 時間: 08-11-19 09:16

無辦法,社會不停進步,要跟上就要做到最好至有能力同人競爭,當個個level都一樣時,D人就會去睇你能/實力,就正如你請一個領導職位時你會請一個中學生定大學生?有競爭才有進步.如果無良性競爭個個做又36唔做又36個社會點會進步,好似大陸D人,我老公大陸間公司請人,佢話D人做又36唔做又36,又唔會同你博,樣樣得過且過,又做唔長,因為到到都請人(個D已經係大學生),佢地太多選擇,你話如果無競爭米好似大陸一D進步都無

原帖由 LS+MCS 於 08-11-19 09:05 發表

Admit that it's amongst parents with the comparion and competition that make things complicated.

[ 本帖最後由 BBR 於 08-11-19 09:23 編輯 ]

作者: piggy-ma 時間: 08-11-19 12:28

對，小女讀『所謂的名校』，但學校不自我吹噓，只強調要給孩童簡樸的學校生活，要以知識幫助有需要的人。看不到『耍面子』。

原帖由 CHTmami 於 08-11-19 08:52 發表
有面? No La! 係會更低調 ....

作者: woman 時間: 08-11-19 14:35

撫心自問,我唔會為左面子,夾硬送小朋友去一間唔適合佢既名校;
撫心自問,我亦都唔會因為怕人地話我愛面子,而唔為小朋友報讀我認為適合佢既名校;
撫心自問,你既題目又的確係標得唔係太好

[ 本帖最後由 woman 於 08-11-19 14:38 編輯 ]

作者: gracechung 時間: 08-11-19 15:00

我老公都係外資公司做事。琴日佢同我講，話有同事問佢係咪本地大學畢業，仲話佢係異數，事關公司同事大多外國名牌大學畢業，冇咩本土人。真係唔好話邊間學校畢業同工作出路無關！

我想講，我都追求名校，不過撫心自問我唔係為面子，都係想幫個仔修橋搭路，望佢出路順暢少少遮！咁我又唔係盲目求名，都重視個仔學習上的實際得益架！

原帖由 Eclipse_2006 於 08-11-19 01:22 發表
你沒有看重名校的因數, 因為你不是名校出身. 我本身只是一般學校畢業, 若有機會擔任招聘工作時, 一定不會看名校出身這因數.

可是目前社會仍有部分專業或大公司, 把手入門的人, 都是名校生, 他們很自然先睇住自己 ...

作者: gogotele 時間: 08-11-19 15:30

Your personal view is not important and should be respected.  I appreceiate you create such a debate.

You are correct when it comes to local univeristy admission.  This also explains how come the pressure of the local public eximination and destory the complete educaiton system.

When it comes to overseas top top unviersities admission, there are lot of students with full mark in SAT or other public eximination, but that is not enough.  A good reference letter will help.  Also, you need to have an excellent resume including ECA, charity work.  Of course, you can achieve that even if you study in a so called standard school.  However, those 1st tier school can provide the student more opportunities in different aspect of education.

When it comes to job seeking, i do not agree with you.  there is no equal opportunities, especially for private sector.  Why most of AO ten years ago were come from HKU?  Why most of i-bank hire trainee from overseas univeristies? Are they really ALL superior to local graduates?  for myself, I would say I prefer a better looking secertary with equal ability.  I won't pick specifically the graduate from a particular seconday school, but when I interview candidate from a school which I am interested in, e.g. my formal school, my son's school, for sure I will be more willing to talk with this candidate and they will certainly have advantage.

原帖由 凱富路 於 08-11-19 13:34 發表
The topic of this thread only came up during the discussion with our friends who are also applying primary schools at the same time. I posted the topic here merely as "debate" topic without any pre-d ...

作者: ysnmama 時間: 08-11-19 15:32

樓主兜兜轉轉都沒有結論. 其實大部份家長那會不明白 :

名校畢業 =/= 能成大器
非名校畢業 =/= 不能成大器

名校畢業 =/= 不是壞人
非名校畢業 =/= 沒有好人

名校畢業 =/= 能位高權重
非名校畢業 =/= 一世低微

名校畢業 =/= 有面子
非名校畢業 =/= 沒面子

只是若可以, 有能力 (父母及子女), 有機會.....都希望子女可以在較歷史悠久, 教學質素好, 校風好, 口碑好, 有知名校友的學校學習及成長. 而有這些條件便是名校. 它們之所以能成為名校不是一朝一夕的事. 真是經過時間洗禮的.

作者: 502 時間: 08-11-19 15:35

Furthermore, the networking does count.

When being an interviewer, will we give favour to those who went to the same school with you (or your family)? Provided that the other scores are the same!

歡迎光臨教育王國 (/)