教育王國
標題: 有冇人像我，一個女人仔，教仔教到比人(蝦)，係咪低C.... [打印本頁]
作者: Angel^v^ 時間: 09-5-20 14:38 標題: 有冇人像我，一個女人仔，教仔教到比人(蝦)，係咪低C....
有冇人試過像我，一個女人仔，教仔的期望跌咗落谷低，即時學校又一個更大的失望打擊過來。我在校商議時好激動好激氣，走咗出球場企很久，壓制自己，腦裏不斷浮現，三年中曾與個仔面對過的人與事，學校對我承諾....信心....人性去了哪？點解現在接收到這些說話。點解受教育的人十幾日前對我說一套，今日又另一套呢！受教育的人係咁對人，如何歧視我，都只餘下一個考試....明知我有病，都要攪到我病情轉壞先安落嗎？三年來話家校合作，係~合作與家長溝通，了解家長c穴，接著對你講唔知點教，唔識教ED話，每事都等我自己盡心思教回，為什麼要小班教學，係咪比渠道D人推瀉責任，我已經唔介意，因仔係自己，只好盡力尋求解決辦法。
求助基督教會為仔補習中文，中文成績明顯進步咗，教會承諾教好他，只是一個大學生，一年來用心教他，從無失信心，一亳子都無收我，終有成績出來。同時我亦求校補數學和英文，不久換來就話，難教，無法教，唔知點教，漸漸又放下唔同他補，但又要迫他由第九名要考到第五，先考慮比他讀中四。
我好人順便說了K仔一事，換來咪暗示管掂自己個仔先。
學校好怕我E類家長處處查，身為家長又好怕ED學校悟會自己多事，但個仔小學已經唔用功，為人母又可以點呢！學校要對付我E類家長，便依從你要求，每事都好好處罰，一有事只管教你個仔(手段非人所為)，方法係送一個大過，睇家長還感多事嗎？我為仔好當然要管，結果又多一個大個，接著小事都告訴我記大過。記完之後還會講比我知，有D學生錯得更重，但從來唔會像我仔般記過，係一D事都無如常返學。就係這樣的教育，我仔曾被同學打到差點甩牙，我無攪事當倒楣了事，學校不用付責任，我還好好管教個仔。三年來，我在校說上很多道理，心知全只是廢話。
琴日班主任比全班同學一信息，內容係成半班人冇返，她唔知點算好，求求你們返來上堂當比面！身為家長知道又點想呢？
中一時我對學校好有信心，開心到好似中六合彩般，因為我好坦白告訴學校，我仔樣樣都差好難教，校方同我講，你個仔轉入來讀，我o地係有教無累，個個老師都有經驗有自信懂得教，家校合作完成學業一定無問題。我欣賞學校有一套自求精神，便好信任即時簽名。
回到家我心好難受，一切都係<假>過橋抽板....我無法平息sorry.
[ 本帖最後由 Angel^v^ 於 09-5-20 14:42 編輯 ]
作者: kwlau 時間: 09-5-20 15:13
不清楚前因，好難評價誰是誰非。
作者: ZZdaphne 時間: 09-5-20 17:12
點解學校要求咁高嘅？？？？
唔好將所有嘅事自己擔起哂。
[ 本帖最後由 ZZdaphne 於 09-5-20 17:33 編輯 ]
作者: KK07 時間: 09-5-21 12:06
學校好像一家大機構,很多事非個人能改變. 既然讀得不開心, 不如考慮轉校, 免得影响仔仔學習情緒.
作者: LLMUMMY 時間: 09-5-21 12:52 標題: 回覆 1# Angel^v^ 的文章
什麼學校?可以有半班人冇返學, 學校不處理嗎?
作者: stitchfriends 時間: 09-5-21 13:00
Angel 可否告知是那間學校? 好讓其他家長有所警惕. 實在太可怕!
原帖由 Angel^v^ 於 09-5-20 14:38 發表 
有冇人試過像我，一個女人仔，教仔的期望跌咗落谷低，即時學校又一個更大的失望打擊過來。我在校商議時好激動好激氣，走咗出球場企很久，壓制自己，腦裏不斷浮現，三年中曾與個仔面對過的人與事，學校對我承諾....信心....人性去了哪 ...
作者: Angel^v^ 時間: 09-5-21 14:03
在這兒會感受到有人關心自己，多謝！！
我只覺心亂，混亂、唔開心。三三四點找學校，原本中三至中六，我心想他可讀文化學校，中六考唔到大學才選IVE之類的學校....
作者: G-Ma 時間: 09-5-21 14:08
無前因後果, 唔識comment.
不過學校要 "迫他由第九名要考到第五，先考慮比他讀中四", 呢點好奇怪, 升中四要求要咁高? 咁咪好多人都升唔到班?
始終要教好小朋友, 光靠學校係無可能, 老師要對咁多個學生, 好難集中對某個學生特別照顧.
作者: kwlau 時間: 09-5-21 14:46
始終太多問號????
其他人好難給您合適的意見。
如要尋找協助，您可能要disclose 多一D背景資料。
不過，點都好，自己諗唔掂就搵人幫手，唔好收埋自己(唔係話您係咁)，人多好辦事。
作者: Angel^v^ 時間: 09-5-21 15:16
對唔住，比到麻煩你o地！學校唔鍾意自己個仔，還有什麼可諗....冇o羅
，一切都成定局！我仔真係好鍾意讀物理同電腦科
d????我無心機去答....sorry.心情好d先答，我真係好down.
作者: G-Ma 時間: 09-5-22 12:13
唔好咁灰, 條條大路通羅馬, 唔一定淨係得一條路既, 放鬆d啦!
作者: KK07 時間: 09-5-22 12:54
喺呀! 條條大路通羅馬, 有乜事會世界末日呀? 用正面的心態去睇事情, 一切都必有出路. 人生在世起碼數十年, 區區數年中學, 實在微不足道. 上天總有好安排, 向前望吧!
作者: ruby2004 時間: 09-5-22 13:16
唔明 , 考第9已經好好啦 , 好過我隻由尾數上黎都未到呀
作者: Angel^v^ 時間: 09-5-24 09:55
今日在此收到人間溫情，多謝大家關心我！
我仔無信心考第五，我不斷支持他，唔準他說考唔到，雖然我明白考得到都未必可在原校讀，但我覺得做人係要不斷迫自己向前增取，我相信你o地都會支持我仔吧！
什麼錯事已不重要，他犯錯係事實，他把我氣得半c，與他回校面對，想不到訓導主任放下他，我係接受唔到，當訓導主任指他為何一錯再錯，此學生全無信用後，便要我簽紙出校，我同一時間想到校方以前對我落下的承諾，我仔如何難教都會不離棄，盡力教好他，趕他走訓導主任便同我仔一樣無信用，現二者都把我氣壞！我只增取到考試機會。
事情已過，我反覆思量後，訓導主任這三年盡心盡力當他像仔般教，我唔想失去，我好迷茫，唔知如何可修補....幾晚都失眠到天亮
[ 本帖最後由 Angel^v^ 於 09-5-24 09:59 編輯 ]
作者: popokit 時間: 09-5-24 22:58
算啦! 盡力而為, 祇要品行有改善, 學校未必咁絕, 就算真係要轉校就當一個重新開始的機會. 對囝囝亦是, 祇要告誡他, 祇要知錯能改, 讀書時候還可以趺下來可以重新來過, 到第日出來社會就未必再有機會給你, 你要好好珍惜今次教訓, 要好好把握現在, 無人可以看不起你, 除了你自己, 祇要你囝囝自己爭氣, 唔好衰捭人睇. 知道嗎! 加油!
(其實應該坐下來和他好好傾傾, 檢討一, 這事對他的影響, 讓他知道每件事都會有後果, 可能人都有唔對的地方, 但自己也有錯, 至終是錯了, 錯了就要認, 要改, 媽媽和你一起面對, 唔使驚! 祇要你改過, 你大個囝了, 媽媽希望求, 做事前先想想後果. 媽媽便會放心很多.)
給囝囝支持和鼓勵, 不要埋怨任何人(包括舊校和囝囝), 祇管跟囝囝面對前面, 她會感到你的關心和愛而改變的, 年輕人, 有時祇要給他一個機會而已, 你也不知道他幾時會開竅, 我們祇管盡力輔導他, 讓他感受到你的愛便是了.
字裡行間, 我覺得你太依賴學校教導, 自己也要出力的啊!
其實成績好唔好都係其次, 最緊要係做人的態度, 要做一個負責任的人. 你先自己分析一問題所在, 再想想怎樣可以從此事引導囝囝. 要記得要聆聽他的說話和體諒他的感受, 才可以傾下去. 加油吧!
[ 本帖最後由 popokit 於 09-5-24 23:36 編輯 ]
作者: 師奶 時間: 09-5-25 12:50
但又要迫他由第九名要考到第五，先考慮比他讀中四。
咁似我個姪仔咁,最後學校都迫佢退學，結果揾左好多間學校先揾到一間讀中四,難為父母周圍求學校收佢。
樓主希望你呻下心情會好d。
作者: Angel^v^ 時間: 09-5-25 14:48
過二天敬師日，我剛冒大雨走去郵局寄了一封掛號感恩信比訓導主任，我邊行邊覺身體不適，可能幾天都失眠，茶飯不思原固吧！ 書中記載，世上唔會有人一生無錯過的，如有的話，此不是人係神。
我學識淺，很小寫信，都唔知訓導主任睇唔睇
[ 本帖最後由 Angel^v^ 於 09-5-25 15:26 編輯 ]
作者: Angel^v^ 時間: 09-5-26 11:14
我仔話敬師日他有份演講，唔知學校係唔係原諒佢，比機會佢呢？定係我妄想症....
作者: popokit 時間: 09-5-26 22:11
原帖由 Angel^v^ 於 09-5-26 11:14 發表
我仔話敬師日他有份演講，唔知學校係唔係原諒佢，比機會佢呢？定係我妄想症....
"唔知學校係唔係原諒佢，比機會佢呢？定係我妄想症.... "
都唔係妄想症. 機會係人捭, 但都要自己把握, 祇要自己一切做到最好, 一切盡力而為. 那便問心無愧, 無論結果如何都可以欣然接受. 總之未到最後一秒, 都不可放棄, 由其是你囝囝的態度, 最為重要.
[ 本帖最後由 popokit 於 09-5-26 22:15 編輯 ]
作者: Angel^v^ 時間: 09-5-27 12:37
謝謝Popokit，謝謝大家！
琴日訓導主任致電復我，他睇咗我信，他好好人咁同我講，一切都等囝嘅成績出後再約我，坐下慢慢傾，又教我e+最緊要叫囝在校表現好d，叫我教囝專注成績，唔好想其他等等。唔知+下囝讀回原校機會大唔大呢？好擔心....我好希望有奇蹟，如我仔可讀原校我一定同大家分享開心。願各位家長送個祝福比我囝好嗎？
作者: sweetsue 時間: 09-5-27 13:28
這位媽媽振作一下，
其實我覺得家庭教育重要過學校教育。
無論如何當媽媽的不能對自己的孩子失去信心，不能放棄他，成績不好，可以發掘下他的興趣學一樣一技之長也好啊。
作者: popokit 時間: 09-5-27 15:55
原帖由 Angel^v^ 於 09-5-27 12:37 發表
謝謝Popokit，謝謝大家！
琴日訓導主任致電復我，他睇咗我信，他好好人咁同我講，一切都等囝嘅成績出後再約我，坐下慢慢傾，又教我e+最緊要叫囝在校表現好d，叫我教囝專注成績，唔好想其他等等。唔知+下囝讀回原校機會大唔大呢？好擔心.. ...
"又教我e+最緊要叫囝在校表現好d"
同意訓導主任的話. 祇要有誠意去改過 , 學校是寬容的地方, 都仲有得傾, 但如果囝囝依然故我, 咁真係無人幫到佢架啦. Anyway 兩母子都要加油!
作者: superbubu 時間: 09-5-28 01:42
好媽媽不要放棄!!努力努力!!
作者: ALAL 時間: 09-5-30 09:14
好朋友在一間就關門的學校教,但學校是好好的,只是沒有初中,如你有需要可給你名字!
作者: Angel^v^ 時間: 09-6-1 11:44
原帖由 ALAL 於 09-5-30 09:14 發表
好朋友在一間就關門的學校教,但學校是好好的,只是沒有初中,如你有需要可給你名字!
其實我好想囝能留原校讀F.4，因只有那位訓導主任先克制到他，我囝又好鍾意他教的科學，F.4都係選物理愛訓導主任教，我知其它校不是難找，唯獨是找不到克制囝的人，只得我的話，他好快會誤入歧途，社會又多一壞分子。所以我會盡力增取。支持我吧！
作者: Angel^v^ 時間: 09-6-1 11:45
前幾天我囝又透露比我知，班主任話考第六都或者有得傾，第七就走得。不久又對我仔講學校不計較成績差的學生，只要覺得有心讀書便收，我真覺矛盾，我囝由F.1考包尾至F.3考到第九，難道都不算想讀書嗎？
作者: popokit 時間: 09-6-1 17:31
原帖由 Angel^v^ 於 09-6-1 11:45 發表
前幾天我囝又透露比我知，班主任話考第六都或者有得傾，第七就走得。不久又對我仔講學校不計較成績差的學生，只要覺得有心讀書便收，我真覺矛盾，我囝由F.1考包尾至F.3考到第九，難道都不算想讀書嗎？ ...
其實我覺得學校話想你考到第五? 先至有得留底, 係一個藉口, 佢可能對你的囝囝真係好想放棄, 所以捭條難題你, 又或者係最後的一次機會, 順便捭可以時間佢再唸唸. 如果你考得好過佢如期, 那就最好啦, 如果唔係你囝囝品行都係咁, 佢大條道你叫你走啦ma. 所以就會有"班主任話考第六都或者有得傾，第七就走得。不久又對我仔講學校不計較成績差的學生，只要覺得有心讀書便收"的說話出來.
總之都係果句啦要乖乖(有唔明記得留下來問老師, 呢個係正面的學習態度.)+努力讀書. 祇要做到這兩點, 我覺得留下來應該有得傾, [除非成績超差啦(註: 因實際升班情況.太不清楚了, 都不能作太多評論.)]
(其實F.3升F.4 除非他選的科好多人爭, 唔係點都唔明要考到第五名才給他升班. or 祇係一個趕他出校的藉口.)
[ 本帖最後由 popokit 於 09-6-1 17:45 編輯 ]
作者: Angel^v^ 時間: 09-6-2 15:13
原帖由 popokit 於 09-6-1 17:31 發表
其實我覺得學校話想你考到第五? 先至有得留底, 係一個藉口, 佢可能對你的囝囝真係好想放棄, 所以捭條難題你, 又或者係最後的一次機會, 順便捭可以時間佢再唸唸. 如果你考得好過佢如期, 那就最好啦, 如果唔係 ...
我覺得如果學校想放棄我囝的話，係好缺德的行為！「像把無用物品隨街棄置，最後污染街道影響市民。」學生覺自己如垃圾，心理會不平衡。如間間學校都仿傚，只留成績好學生，我相信d教師都冇乜嘢做，開辦學校有乜用處。d學生被賜上操行得個e，又冇校肯收讀，d警察就開通頂都唔夠人手，受害嘅又咪係老弱婦孺。有鑑於此政府先取消會考，目的都係想學生多機會讀中六。
我反而覺得班主任要求考第5，她只是自己加壓比自己，學校係教好學生成績來表揚的，唔係靠學歷淺的家長在家教學(冇得賴家長)，如我仔考不到的話，間接係學校對人講師資有問題lo，相反考得到，証明更差的學生讀此校都可成才。
我諗班主任，亦會預防有迫得緊，會反校果的可能性，點知我囝會不會受不了，想做傻事，所以她放鬆名次為妙！
暫時我知各科教師都好努力，為我仔每日放學後惡補，其實他考唔考到，都好睇改卷嘅人。
如我囝考到的話，只要有訓導主任肯教，相信班主任都唔會害怕我囝升f.4時，交我囝比其他教師處，會比老師投訴，令她事業位子動搖不保吧！
現我囝一放學便致電告知我，準時回家，晚上溫習才睡。他星期六，日，公眾假期一向都留在家陪我，從不約朋友外出，亦從不出夜街。
sorry!在此呻下！
作者: emmyfok 時間: 09-6-2 16:49
雖然樓主沒有講出仔仔的問題, 但字裡行間, 我感覺到學校似乎都很困難, 例如
1. 全校只有訓導主任可以克制阿仔 --- 班主任都搞佢唔掂? 咁點上堂? 會唔會有其他家長投訴?
2. 學校通常都會留住好成績的學生, 因為公開試合格率要靠佢地; 考第 9 名咁叻都要走, 呢個學生一定令到學校好頭痛。
希望樓主唔好睇得咁負面, 學校幫你教仔時, 你亦要幫學校手比心機教; 可能學校想令仔仔將精力放係學業同其他正當活動 (例如演講), 而且, 正如其他媽媽所講, 自己做好D, 問心無愧就得。
唔好咁down啦, 加油啦!
作者: popokit 時間: 09-6-2 21:01
先唔好理班主任的出發點是什麼, 佢肯放學幫囝囝補課, 已經係好好架la. 估計她的出發點, 已經是不再有意思了。
我覺得囝囝咁乖囝, 你要讚囝囝先得啦! 你可以話捭佢知你好開心, 最近覺得你乖好多, 放學又識打電話捭我, 好有交(戴). 又會準時回家， 不用媽媽擔心, 晚上又會溫習才睡。 如果你以後繼續可以係咁, 媽媽就唔使咁擔心你了。 無論你升唔升到原校, 媽媽見到你已盡力去做, 便心滿意足, 有時好多係天時地利人和, 但祇要自己已盡力去做, 做到最好, 便問心無愧了。
有時正面的鼓勵說話是要的, 咁佢先有動力繼續下去。
祝你們也有天時地利和人和, 但最重要都是囝囝和媽媽自己的努力。 要加油呀!
[ 本帖最後由 popokit 於 09-6-2 21:03 編輯 ]
作者: popokit 時間: 09-6-2 21:26
原帖由 Angel^v^ 於 09-6-2 15:13 發表
我覺得如果學校想放棄我囝的話，係好缺德的行為！「像把無用物品隨街棄置，最後污染街道影響市民。」學生覺自己如垃圾，心理會不平衡。如間間學校都仿傚，只留成績好學生，我相信d教師都冇乜嘢做，開辦學校有乜用處。d學生被賜上 ...
樓主,上述所言雖然係你想形容你睇法, 但其實你心裡或多或少都有咁諗. 我覺得你千唔好用"無用物品"去形容囝囝, 也許會有意無意之間說了出來, 給囝囝聽到, 咁真係會如你所講囝囝都會覺得自己如垃圾，心理會不平衡。 人點諗唔緊要, 最重要係囝囝好乖, 人誰無過? 囝囝肯改過, 他已經係自己寶貝. 其他人點睇佢, 可以不理, 人貴乎自重呀ma.
作者: Angel^v^ 時間: 09-6-2 22:33
說真面對ed事，心情真好差，我想我控制到唔亂罵他的，我都有稱讚他，亦知他哄我，但我都強調f.4往後都要給我這樣乖，他答允，但他對我要求，幫他原校讀f.4物理電腦，我自覺壓力好大，下星期便考試la，我越來越心情沈重。一個人無人可傾，上來呻下lo！sorry.
作者: popokit 時間: 09-6-2 22:43
原帖由 Angel^v^ 於 09-6-2 22:33 發表
說真面對ed事，心情真好差，我想我控制到唔亂罵他的，我都有稱讚他，亦知他哄我，但我都強調f.4往後都要給我這樣乖，他答允，但他對我要求，幫他原校讀f.4物理電腦，我自覺壓力好大，下星期便考試la，我越來越心情沈重。一個人無人可傾，上來 ...
唔好咁大壓力捭自己啦! 攪到我都好緊張tim(好快7月7日放榜) 我的心情其實好似你差唔多.
都係果句, 有時好多係天時地利人和, 但祇要自己已盡力去做, 大家努力做到最好, 便問心無愧了。
要作最好的祈望, 並作最壞的打算(心理上).
共勉之.
[ 本帖最後由 popokit 於 09-6-2 22:50 編輯 ]
作者: Angel^v^ 時間: 09-6-3 20:01
原帖由 popokit 於 09-6-2 22:43 發表
唔好咁大壓力捭自己啦! 攪到我都好緊張tim(好快7月7日放榜) 我的心情其實好似你差唔多.
都係果句, 有時好多係天時地利人和, 但祇要自己已盡力去做, 大家努力做到最好, 便問心無愧了。
要作最好的祈望, 並作 ...
考試者壓力係緊張d，我壓力係憂心顧慮多D。我女亦考緊IVE試，她要考入乜乜專上，e輪好緊張d成績，小了一分都閔薑咁，她怪怪的，我都放鬆她，她每年一考試我就慘。在生活上又擔心猪流感，都唔知點放鬆自己好！
祝你放榜成功，考到理想大學！大家都努力面對，永不言敗！我有信心會在此告訴大家，我仔考到五名以上，在原校讀到f.4，他理想科目！
作者: popokit 時間: 09-6-3 20:12
原帖由 Angel^v^ 於 09-6-3 20:01 發表
考試者壓力係緊張d，我壓力係憂心顧慮多D。我女亦考緊IVE試，她要考入乜乜專上，e輪好緊張d成績，小了一分都閔薑咁，她怪怪的，我都放鬆她，她每年一考試我就慘。在生活上又擔心猪流感，都唔知點放鬆自己好！
祝你放榜成功，考到理想大 ...
哈! 哈! 不過我囝囝係升中一咋. 仲有排折騰先到大學. 你對囝囝咁有信心, 咁咪好law.
作者: Angel^v^ 時間: 09-6-3 21:11
popokit:哈哈
以為高考SORRY！
作者: chuiiris 時間: 09-6-4 11:51
請問你呀仔全班總數有幾多人.
好難想像點解要5-6名才可升班.
操行是否很有問題, 可能也影響到其他人吧!
我在校內做了3年義工.
見過一些有問題的家長和學生.
問題學生時常欺負其他學生, 更打人. 不少家長投訴.
小兒更被他打了4 次, 我同學校說, 再有下次, 一定報警.
不能再比機會他了.
該名學生公然用粗口問候老師.
他的媽媽每次都說自己同呀仔是長期吃藥的.
每次出錯, 就說是別人問題.
經過一年, 有幾位老師要看精神科, 初時校長都比好多機會呢位學生. 最後他打到一個女學生入了醫院.
才願離校, 但他的媽媽仍然說是被迫害.
作者: Angel^v^ 時間: 09-6-4 22:43
原帖由 chuiiris 於 09-6-4 11:51 發表
請問你呀仔全班總數有幾多人.
好難想像點解要5-6名才可升班.
操行是否很有問題, 可能也影響到其他人吧!
我在校內做了3年義工.
見過一些有問題的家長和學生.
問題學生時常欺負其他學生, 更打人. 不少家長投訴.
小 ...
請問你呀仔全班總數有幾多人.
好難想像點解要5-6名才可升班.
我開始唔再探討點解了，反而信教師便是了。
操行是否很有問題, 可能也影響到其他人吧!
我擔心考唔到第五名，如師生有成見，恐怕操行分會Z都似。
我在校內做了3年義工.
你真偉大，當了3年義務工作，是否想管住仔女？
見過一些有問題的家長和學生.
增廣見聞後，在此多講互相交流下心得。
問題學生時常欺負其他學生, 更打人. 不少家長投訴.
小兒更被他打了4 次, 我同學校說, 再有下次, 一定報警.
不能再比機會他了.
對，4次都是同一人，比我第2次都報警了。
該名學生公然用粗口問候老師.
是什麼學校？在我眼中學生始終未成年，行為冇知，問題係他有冇遇到真正用心教育的人和愛他的家人，試想想殺人犯都有改過自新的例子。最難教多是朋輩影響。
他的媽媽每次都說自己同呀仔是長期吃藥的.
天下間只得母親係最偉大，為人母後，仔女好與壞係冇得離棄，只得一目標盡心盡力教成才，養得健康。
每次出錯, 就說是別人問題.
我相信都要有道理，人家先信吧！
經過一年, 有幾位老師要看精神科,
我仔校D老師教了十年以上，好有經驗，專業教育，我一直都好放心，我有精神病都未輪到佢O地！況且老師覺自己做唔到，都會轉工O拉，留下害己害人咩！！
初時校長都比好多機會呢位學生. 最後他打到一個女學生入了醫院.
不是只要機會，要找心理醫生，雙管齊下先得，欠關心！
才願離校, 但他的媽媽仍然說是被迫害.
好POOR，如果對症下藥可能有轉機！
[ 本帖最後由 Angel^v^ 於 09-6-5 12:57 編輯 ]
作者: reginay 時間: 09-6-6 17:16
樓主, 睇你o既分享, 好感受倒你果份壓力同埋無奈. 睇得出你好關心囝囝, 好想幫佢, 但係又唔係事事如你所願, 機會又唔係個個肯俾...
不過退後一步諗, 人生o既路又唔係只得一條o既, 如果囝囝努力, 又考到好成績, 可以升讀原校, 固然係值得開心. 但係假若最後要轉校, 又可能為囝囝搵倒另一間更有心辦學o既學校呢. 或者換一個環境, 俾你囝囝重新o黎過, 無哂人o地o既標簽, 反而仲好. 其實凡事都有兩面, 好似半杯水咁, 有人會覺得無o左一半, 有人會覺得仲有一半. 試吓正面D睇每件事, 可能可以減輕你o既壓力. 你o既壓力無形中都會成為你囝囝o既壓力, 有機會影響佢學習上o既表現. 同埋如果佢唔識點樣解壓, 更可能導致佢行為上有問題.
其實我睇你分享, 我覺得你囝囝都明白你緊張佢, 同佢自己都有向上o既心, 哩個係好好o既現象. 不過好明顯佢唔係咁識控制自己情緒同用正確o既方式表達, 所以我反而覺得應該擺多D心力幫佢解決情緒同行為問題,比處理佢成績問題更重要.
以我有限o既認識, 青少年行為上有問題最常見o既原因如下:
1) 感受唔倒身邊o既人o既愛, 或覺關心不足
2) 被人忽視, 自我形象低, 缺乏信心, 以壞行為引人注意或作出抗議
3) 被身邊朋友影響
4) 自制力差及不善於控制情緒, 以及以錯誤方式表達情緒(尤其是負面情緒)的方式
如果可以, 多D用平常心同温柔關心o既熊度同佢傾計, 講吓日常o既事, 朋友o既事, 少D提成績 (雖然哩樣o野重要), 俾佢更深體會無論佢叻唔叻, 考得好唔好, 佢一樣可以成為有用o既人 (好多名人都唔係讀書出色o既), 同無論點你一樣咁愛佢, 可能對佢有幫助.
仲有呀, 你要俾D空間自己, 間唔中放吓自己假, 諗少一日囝囡o野, 同朋友出o左街輕鬆吓心情, 搵D朋友或者上o黎傾吓計. 唔好逼壞自己呀! 你開心D, 對住囝囡都無咁忟, 佢o地都會開心D. 始終, 一家人開開心心對緊要.
寫o左咁多, 希望你唔好介意. 不過我識o既真係好皮毛, 我講o既o野亦唔知o岩唔o岩聽, 但係我係真心希望你同你囝囡都一日比一日開心, 一日活得比一日好. ^_^
到最後, 有少少建議, 如果有日你發現囝囝真係唔係好聽教, 又或者唔知點幫佢處理佢情緒問題, 其實坊間都有D專家同志願團體可以幫你, 你唔駛一個人自己揹哂o架.
作者: PCCW2319 時間: 09-6-6 19:24
睇哂成個topic, 只覺得樓主避重就輕, 無講佢仔係學校發生左乜事, 而令學校打算放棄佢. 而只係一味埋怨學校放棄佢個仔, 又唔比佢仔讀佢仔果些科目.
做錯事係要受罰, 呢個係理所當然, 更何況你仔一而再, 再而三做錯事. 機會係會比, 但唔係無止境. 尤其是係會影響別人既事. 學校係要對其他學生/家長交代.
你現在咁維護佢, 其實係咪真係對佢有益處呢? 第時佢出黎做事, 佢遇到相同情況, 你又幫佢出頭? 你現在既行為, 只會教出一個推卸責任既小朋友.
仲有係, 希望你明白, 老師係 "人", 唔係 "聖人". 教仔女既責任由頭到尾都係父母, 根本責無旁貸, 不可推卸.
[ 本帖最後由 PCCW2319 於 09-6-6 19:26 編輯 ]
作者: ALAL 時間: 09-6-6 20:23
沒錯可能有些情況下根本是當事人的品行太差,或他控制不到自己,但有邊個阿媽想禁?身為阿媽肯定不好受!
作者: davidmimi 時間: 09-6-7 08:54
原帖由 PCCW2319 於 09-6-6 19:24 發表
睇哂成個topic, 只覺得樓主避重就輕, 無講佢仔係學校發生左乜事, 而令學校打算放棄佢. 而只係一味埋怨學校放棄佢個仔, 又唔比佢仔讀佢仔果些科目.
做錯事係要受罰, 呢個係理所當然, 更何況你仔一而再, 再而三做錯事 ...
你講到我的心聲,尤其是"避重就輕"4個字...
要考第5才可以留低,咁全班豈不是得5個人?
[ 本帖最後由 davidmimi 於 09-6-7 08:56 編輯 ]
作者: Angel^v^ 時間: 09-6-8 11:48
睇咗幾位家長的話，好多謝關心。有時我對自己都有好大?號，究竟我有無偏袒個仔，點解唔似一般家長去找另一間學校，乾淨俐落不用應酬原校，自己又不用煩。我個性好要不得，不配做人呀媽，我要我仔面對自己種下的禍根，不能逃避。學校離棄他，他只會覺得凡錯便轉場，久而久之….不能想像。所以我唔認同學校處事方法，他全班二十幾人，他最近考試跳得高，如正常保持住都叫叻仔，再跳多幾級，我覺得有難度。
我一直都無講我仔犯乜錯事，我全無什麼避重就輕，只主觀錯就係錯，還一錯再錯，係人都嬲。大家言談都會取最嚴重錯事去想，什麼錯都一樣。如我告訴大家，你O地便覺學校有冇攪錯只是小事，這是我不想的SORRY。隨非學校真的對我太過分，可能我一怒失控….
如我仔考到5名，我會與大家詳細分享的。
作者: dad1234 時間: 09-6-8 12:00
個花園好大....有排行
作者: kkbbkk 時間: 09-6-8 13:40
还記得有句話:「天下間冇教不好的子女, 只有不懂教的父母」
知道有多正確呢?
作者: Angel^v^ 時間: 09-6-9 10:54
我仔校琴日奉了個獎比佢，他好開心話比我知，他講校長稱讚他高咗，聽到我都開心，亞女接著講「係bo，高~~B咗。」
他校幾有心思，每人都送活動相架，放三年活動相又有鼓勵語句，幾有趣！
作者: Angel^v^ 時間: 09-6-10 10:28
我仔雖然行為上出錯，學人食煙，確實我現實冇幫他什麼，因他自己要承擔後果。至今見他都好努力改過，我亦都綿綿細語叮囑他不要再食。我堅持為他留學位都覺冇浪費時間。琴日回來對我講，考試他作了500字才交卷，說他好有信心，叫我不用擔心。唉！因他出錯，攪到我遲些要報讀親子道德教育課程
ed是否叫做母慈子孝 ，多得佢唔小。
作者: Angel^v^ 時間: 09-6-11 22:05
為個仔今日去報咗名，那教仔課程，可憐我要一星期一日一個人晚上成十點孤伶伶回家，唉！Unhappy
作者: Angel^v^ 時間: 09-6-15 16:30
我仔話數學好深，佢錯多啱小，佢無晒胃口，又話發惡夢咁，成日要我開解，真擔心....
作者: tommymura 時間: 09-6-16 23:20
原帖由 Angel^v^ 於 09-6-15 16:30 發表
我仔話數學好深，佢錯多啱小，佢無晒胃口，又話發惡夢咁，成日要我開解，真擔心....
唔好唔開心啦！還有其它科嘛，都可以追嘅！叫亞仔比心機。
~~ 加油呀 ~~
作者: jywbb 時間: 09-6-17 00:54
若果學校都放棄, 做媽媽的一定要加倍努力, 支持你 ! 媽媽係最偉大架 ! 若仔仔行為上有偏差, 首先要問問自己是否已盡力, 因小朋友的行為並不是一朝一夕可以改, 反之, 亦不是一朝一夕地培養出黎的, 若之前咁多年都是自己做得不夠好, 由下一分鐘開始改變都唔遲, 努力 !
[ 本帖最後由 jywbb 於 09-6-17 00:57 編輯 ]
作者: candy8 時間: 09-6-17 12:02
支持你 ！一定要努力啊！
作者: LauC9 時間: 09-6-18 17:10
原帖由 Angel^v^ 於 09-6-10 10:28 發表
我仔雖然行為上出錯，學人食煙，確實我現實冇幫他什麼，因他自己要承擔後果 ...
孩子行為有偏差, 家長有責任給予關懷和協助, 悉心輔導, 又怎能要他自己承擔後果呢???? 
家庭教育比學校教育更為重要
青少年階段的孩子由11歲至18歲, 其實係兒童和成人的混合體, 係兒童至成年的過渡期
青少年會突然感到莫名的不安, 容易感到孤單寂寞
內心十分渴望獨立自主, 然而往往由於生活經驗不足, 難以如自己心中所期望的去應付身邊的事情, 內心感到矛盾
加上身體精力充沛, 好動, 愛刺激, 行為表現會變得反叛, 愛搗蛋, 甚至做出過激行為
青少年成長, 心身上每天有很多不同的變化, 作為家長, 每天都是挑戰, 其實家長亦一起成長呢!
作者: Obe2009 時間: 09-6-22 23:29
樓主唔使唔開心,無論囝囝以前有咩問題,我看到的是佢肯定已很努力地在改變,成績亦變好很多.
只要仔的操行不是太差,以他的成績就算原校升唔到,一定有學校收的.
再者,如果真係只係成績問題,就算留班亦未必係壞事,我當年就係一時意氣用事唔肯留班轉校而影響一生.
現在不要太擔心,見步行步吧.起碼囝囝已生性已夠安慰啦!
原帖由 Angel^v^ 於 09-6-2 15:13 發表
我覺得如果學校想放棄我囝的話，係好缺德的行為！「像把無用物品隨街棄置，最後污染街道影響市民。」學生覺自己如垃圾，心理會不平衡。如間間學校都仿傚，只留成績好學生，我相信d教師都冇乜嘢做，開辦學校有乜用處。d學生被賜上 ...
作者: Angel^v^ 時間: 09-6-23 12:55
我仔明日便考完試，希望他有得留校讀中四la！多謝bk家長支持我
他考到後我會告知大家分享喜悅:loveliness:
作者: Angel^v^ 時間: 09-6-23 16:05
原帖由 Obe2009 於 09-6-22 23:29 發表
樓主唔使唔開心,無論囝囝以前有咩問題,我看到的是佢肯定已很努力地在改變,成績亦變好很多.
只要仔的操行不是太差,以他的成績就算原校升唔到,一定有學校收的.
再者,如果真係只係成績問題,就算留班亦未必係壞事,我當 ...
較早前呀仔對我講，訓導主任有對他提過，升唔到中四的話可由中一再讀過！中三我會接受，中一....
作者: tommymura 時間: 09-6-23 21:37
Angel^V^
奇怪訓導主任對妳的仔仔提過升唔到中四可以由中一再讀過，以他之前是考第九成績幾好噃就算下學期差，都是留班中三，為何降咁多，是否想家長知難而退(自動退學)。從讀中一會令到他自卑以及無興趣上堂令到自信心大減。中一新生又点睇佢呢？會否同學相處有無問題，奇怪學校會咁做 ?
又如操行唔好，是否在之前講明會比學生改過，如沒 改善才叫退學，不 需用成績來做藉口。
作者: 師奶 時間: 09-6-23 23:34
原帖由 Angel^v^ 於 09-6-23 16:05 發表
較早前呀仔對我講，訓導主任有對他提過，升唔到中四的話可由中一再讀過！中三我會接受，中一....
我諗訓導主任嚇下佢,唔會讀中一咁離譜,又唔係成績太差。
希望你仔仔順利升中四。
作者: Angel^v^ 時間: 09-6-24 11:06
原帖由 師奶 於 09-6-23 23:34 發表
我諗訓導主任嚇下佢,唔會讀中一咁離譜,又唔係成績太差。
希望你仔仔順利升中四。
係我仔回來告訴我，我都唔係好明，但有憂慮的。我問呀仔點諗，佢居然接受，話係訓導主任為佢好，跟住仔講[三年又三年之後又三年]，當時我想了一會，呀仔講可能一世都無中四讀！接著我想全級計，我仔成績都好差，可能未達學校標準，訓導主任提出一定有佢用意！大家認為如由中一再讀起的話，好唔好接受呢？現今中一有冇十四、五歲學生？成功率有幾高呢？會否浪費時間呢？定係另類目的？希望只是嚇下佢La！擔心！
作者: Angel^v^ 時間: 09-6-26 12:48
琴日開始呀仔放假，學校沒有交代他的成績如何，一點音訊都冇，只知七月十三日派成績表，十五號學校註冊日。我諗他都考不到第五名，所以都冇人理他了，話考完試後來電比我約見，都音訊全無。都唔知邊間學校會收生，成績表又未派如何叩門找學校，恐怕都係做失學少年代在家發呆一輩子。
作者: Angel^v^ 時間: 09-7-10 11:52
好多謝各位一路上支持我，送上寶貴的字句。今日學校約見我了，我仔有得升中四 la
我一方面好開心，一方面亦自責自己太自私....
作者: popokit 時間: 09-7-10 23:52
恭喜! 終於放下心頭大石。 而小朋友要乖乖啦! 不可以辜負媽媽為你而努力呀! 也要為自己前途努力啊!
作者: 師奶 時間: 09-7-11 01:19
原帖由 Angel^v^ 於 09-7-10 11:52 發表
好多謝各位一路上支持我，送上寶貴的字句。今日學校約見我了，我仔有得升中四 la 我一方面好開心，一方面亦自責自己太自私....
恭喜!:D
作者: tommymura 時間: 09-7-11 09:24
Angel^ v^
終於唔使擔心啦! 同仔仔傾以後比心机讀書唔好辜負父母的期望呀。
恭喜! 恭喜!
作者: LauC9 時間: 09-7-12 00:14
恭喜! 恭喜! 
同阿仔講多幾句恭喜! &繼續努力呀!
作者: Skywan 時間: 09-7-12 03:00
恭喜! 恭喜!
原帖由 Angel^v^ 於 09-7-10 11:52 發表
好多謝各位一路上支持我，送上寶貴的字句。今日學校約見我了，我仔有得升中四 la 我一方面好開心，一方面亦自責自己太自私....
作者: Angel^v^ 時間: 09-7-12 11:16
六月十日同一日我女IVE出成績，她成績考高咗好多，有資格讀大學la，唔知邊間會收她，happy 多謝大家與我一起分享happy！！
作者: LauC9 時間: 09-7-15 10:53
| 歡迎光臨 教育王國 (/) |
Powered by Discuz! X1.5 |