教育王國
標題: 好痛苦～ [打印本頁]
作者: BERRYTOTO 時間: 09-10-29 01:02 標題: 好痛苦～
自從小朋友證實為資優之後，我好似無一日舒服過，我小朋友星期五就四歲，好早己經察情緒好有問題～我想舒發下自己,確實太辛苦，我本身好堅強亦無野難到自己，我宜家一邊打隻眼有十廿萬公升既眼淚流出，係我前所未有既壓力，每一個父母好希望自己仔囡比人聰明比人行快一步，我都不例外，我仔兩歲前由婆婆同公公湊,而我satsun湊，4個月己經同佢參加playgroup,九個月佢己經記得flash card，亦係九個月開始會為一條褲唔肯著同我攪足一個鐘，歲半識背唐詩，多謝各位朋友美言，我確實無比開心喜在心頭，在此時小朋友亦開始情緒出現變化，因為佢言語實在像大人一樣，有日佢要求既野，我地老公唔答應，佢竟然同我地講，我要落車我要係車前面比車撞，我要番屋企開窗跳落去，我無比難受,對家人態度惡劣,當時因為老公經常不在港，當然心想我地寵得太過份，旦Ｄ番說話出現係一個未夠兩歲既小朋友，我當時問了好多意見，大多數叫我睇Ｅ生，我非常矛盾因為我不想佢有問題，然後番左一年k1,日日喊唔要番學，我亦大肚啦～暑假前我開始放產假，日日大住個肚同佢死過夾佢上校車，我生完之後多次同喊住同我講你唔可以生bb,你生bb係Ｅ院見唔到你我好驚，雖然個陣情緒經常不穩，不過我仲可以控制，直至九月中，因為我，妹妹，佢（仔）,工人，4個都病，我唯有張仔搬去婆婆屋企始終我要返工比婆睇我安心，點知惡夢開始，返黎之後日日鬧我，點解你留低我係婆婆到。唔岩架ma,又成日為左一Ｄ小事堅持，不停鬧不停發皮氣，番校前（番下晏）打三十次電話比我，放學又打三十次不停要我番屋企，我唯有急切搵心理Ｅ生。Ｅ生同佢一對一50min，佢之前同我講嚴重就要約見我同我老公，唔嚴重可以電話傾，50min後當然出黎同我講嚴重，果日係星期五，我sat同sun簡直進入人生低點，眼淚可以隨隨便便流出，mon約我地係樓下等車位十分鐘，又如等左十年，辛苦到透唔到氣啦，上到去，Ｅ生亦直接同我地講你小朋友初步估計最少有14XIQ 我可以肯定佢係一個資優,然後開始講點可以穩定情緒，佢建議係用遊戲治療，做左三wk確實有大大改善，不過當然都有為又小事同我鬧，我亦跟e生指示,講Ｄ說話令佢舒服易下台，星期一 同佢去迪士尼，去之前亦出現小插曲，佢係出門口堅持左鞋著右腳，攪左廿分鐘，我終於忍唔住好嬲掉左佢對致愛波鞋入房，佢好唔份氣，入到迪士尼食lunch，傾左半個鐘，我講左多過十次歉意，請佢原諒，佢個果時間確實好番，可以食野，唔再大炒大鬧。其實佢好不“份“氣，夜深時份，我己經訓著，佢竟然拍醒我，話我留佢同妹妹係屋企叫婆婆黎訓，好唔岩，我心諗左一陣，你講番半年前既事，我同我老公去左三日兩夜旅行，我唯有同佢講sorry,我以後唔會啦，點知星期二佢又開始不停打電話比我，發皮氣，我唯有應承佢係電話要求去mc記希望控制佢唔好失控。今日應承佢去會所玩車，食雪糕，候先同佢畫幅畫，畫完我上款寫佢名，下款我簽左mami,kate,daddy，佢即刻發皮氣要我擦左Ｄ字去，我擦唔到，大炒大鬧，我終於忍唔住眼淚都出哂，我好唔開心，唔想再交。我入房訓.佢鍚特落床（我同佢訓），然後張我Ｄ被掉哂落床，我訓左係地下。佢係床不停鬧我，我不發一言，行左出黎打，可能好長好長，不過宜家好想講我只想要一個平凡既小朋友～
作者: brian61950 時間: 09-10-29 11:30
唉......睇完真係聞者傷心,見者流淚.
其實可能你都要睇下心理醫生會好d,多d搵人傾下,未必幫到手,但有人分享好過屈住嘛.
佢唔like去婆婆度既,下次不妨請婆婆到你家過夜.
另外,無理取鬥及奪命追魂call一定要紏正,試下講道理及唔睬佢幾粒鐘,約定一個時間傾电話,幾他無謂野返屋企先講.
唔駛乜都同佢sorry,解釋完唔聽可罰下佢.
作者: happyvalley 時間: 09-10-29 22:21
原帖由 brian61950 於 09-10-29 11:30 發表 
唉......睇完真係聞者傷心,見者流淚.
其實可能你都要睇下心理醫生會好d,多d搵人傾下,未必幫到手,但有人分享好過屈住嘛.
佢唔like去婆婆度既,下次不妨請婆婆到你家過夜.
另外,無理取鬥及奪命追魂call一定要紏正,試下 ...
妳試下去『特殊教育』個網，寫上去，會心情好 d 。
作者: pingoj 時間: 09-10-29 23:47
Love never fails.
原帖由 BERRYTOTO 於 09-10-29 01:02 發表
自從小朋友證實為資優之後，我好似無一日舒服過，我小朋友星期五就四歲，好早己經察情緒好有問題～我想舒發下自己,確實太辛苦，我本身好堅強亦無野難到自己，我宜家一邊打隻眼有十廿萬公升既眼淚流出，係我前所未有既壓力，每一個父 ...
作者: 小新媽媽 時間: 09-10-30 01:18
資優既小朋友情緒會比普通小朋友來得"激烈", 因為佢地既感覺比較"敏感".
睇你寫既, 小朋友面對:
1. 第一次離家獨自去返學.
2. 妹妹出生
依2件事對佢來講都係好大既轉變, 所有小朋友面對同樣既事, 都會有行為上既轉變(易哭, 行為倒退等, 好多書都有講), 因為對佢地來講, 壓力係好大既, 就好似我地大人如果轉工/移民都會覺得有壓力一樣. 而資優既小朋友感覺會更多.
我唔知講得岩唔岩, 留佢係婆婆屋企可能仲加深佢既"不安"感覺, 佢覺得無"安全感", 不過又未識得用言語去表達, 表現出來就係: 不停咁樣打電話比你, 或者做一d行為引起你既注意.
佢需要可能只係你比"安全感"佢, 不妨試下抽一段時間只得你地2人獨處, 你抱住佢, 話比佢知你好愛佢, 有時候身體語言勝過一切.:)
作者: pollyang 時間: 09-10-30 02:50
真係少啲iq同eq都唔得, 妳都要見一下醫生,幫妳舒緩情緒.......
作者: BERRYTOTO 時間: 09-10-30 09:37
宜家好在好多啦~~不過我都係好嬲....
佢今日生日我都祝佢生日快樂..唔好再咁執著~~不過琴日仲同我講你唔好再寫字..你宜家畫過一幅比我...唉~~
作者: BERRYTOTO 時間: 09-10-30 09:38
宜家好在好多啦~~不過我都係好嬲.... 佢今日生日我都祝佢生日快樂..唔好再咁執著~~不過琴日仲同我講你唔好再寫字..你宜家畫過一幅比我...唉~~
作者: pingoj 時間: 09-10-30 11:35
Ask youself 唔好再咁執著.
Love is not self-seeking.
原帖由 BERRYTOTO 於 09-10-30 09:38 發表
宜家好在好多啦~~不過我都係好嬲.... 佢今日生日我都祝佢生日快樂..唔好再咁執著~~不過琴日仲同我講你唔好再寫字..你宜家畫過一幅比我...唉~~ ...
作者: bubbles114 時間: 09-10-31 01:03
我覺得你的小朋友和我的十分相似 (在性格剛烈方面), 你的小朋友可能去到7-8, 我的小朋友因受制於他某程度上怕事, 所以scale 是5
解決方法:
- 資优兒極重原則, 我建議你可與他在各方面共同厘定和商討一些家規, 因為他們原則性強, 所以在大家協議後他們多數樂意遵從
- 也因為他們原則性強, 對小事情極其敏感及執著(是很煩的; 有時覺得他們focus一些芝麻綠豆的事), 所以我兒子時常也以他認為對的事叫我say sorry. 如果真是我錯的話, 我會say (其實這也好, 大家say 完之後hug一下, 好像和解了一樣, 不會放在心上), 如不是我錯, 我會用strong tone and strong statement 解釋一下之後, 如他不忿, 我會just ignore
- 由於他們極其敏感, 且沒有安全感, 所以做任何轉變時也須向他預告, 使他們有心理準備
- 他們也傾向情緒激動, 很小事便情緒激動發脾氣, 我會叫小朋友calm down, 或做一些deep breath, 才向他解釋
我覺得如你能理解他們情緒激動有時也是非他們可控制, 他們也是講道理的人, 但他們有時太執著, 他們自己也很痛苦.
All in all, what I think having a gifted child is a blessing instead of a torture.
作者: jamesbond007 時間: 09-10-31 01:17
提示: 作者被禁止或刪除 內容自動屏蔽
作者: BERRYTOTO 時間: 09-11-4 12:19
原帖由 bubbles114 於 09-10-31 01:03 發表
我覺得你的小朋友和我的十分相似 (在性格剛烈方面), 你的小朋友可能去到7-8, 我的小朋友因受制於他某程度上怕事, 所以scale 是5
解決方法:
- 資优兒極重原則, 我建議你可與他在各方面共同厘定和商討一些家規, 因為 ...
好多謝您..佢簡直係以上所有問題...我有同佢記定時間..好多時..講左指定時間完成..佢都望一望..我地完啦..走啦...所以對佢D方面我會較為舒服處理~~
不過我好想問..如果佢成日要我番屋企..我返左工時..我應該用咩說法會好D呢~~
作者: scholar 時間: 09-11-5 14:02
不如跟他協議每日什麼時間跟他通電話? e.g. 每日早上9:00/下午1:30一個電話?
作者: hyto 時間: 09-11-5 14:07 標題: 回覆 1# BERRYTOTO 的文章
Berrytoto,
Don't worry!
Actually, they can't control themsleves. Most of them are adviced to take drugs...and most of the parents follow doctors and social worker's advice.
I have the following advice:
Don't tell him he is GIFTED.
IGNORE him if he loses his temper.
Talk to him when he is calm.
Talk to him while you are playing with him...
[ 本帖最後由 hyto 於 09-12-3 19:30 編輯 ]
作者: ikerberg 時間: 09-11-6 18:08
try to read the book "Children are from Heaven". it may help.
作者: BERRYTOTO 時間: 09-11-9 14:09
唔該哂你地~~我會努力..佢宜家都keep住見e生..上wk又有d..e生話病程當然有上落..唔好變差已經係好事
作者: BERRYTOTO 時間: 09-11-9 14:16
係呀..1.我自己唔會同人提佢係gifted..唔希望有人同佢講..2.自己一定唔會講..3.已經3歲開始同佢講毒品禍害~佢已經好明白~3.我都好重視佢唔開心..希望我可以KEEP住~~
作者: scholar 時間: 09-11-10 12:26
BERRYTOTO,其實是否資優也可能有情緒問題.我姪兒也經歷過一段情緒失控的時期,他畫圖畫畫了出界已經可以哭過半死.他要堅持不穿衣服,可以跟你發癲發上一個鐘.
這階段始終會過去,最緊要在什麼時候,你也要讓他知道你愛他.你發怒時也不要說出難聽的話.要記著,你怎對待他,他就會怎樣對待你.
你要relax,左鞋著右腳有可不何,為什麼要怒得把鞋丟開? 你小時沒玩過左鞋著右腳? 沒發過"爛渣"要阿媽買玩具? 這些是小事,不要太介懷. 
作者: BERRYTOTO 時間: 09-11-10 22:25
SCHOLAR,
左鞋著右腳有可不何,不是不何，不過我們一家己在門口企了半小時有多，我唔可以講自己好有耐性，不過真係彿都有火，不著衣服唔緊要，不過我仔12:00上車佢會11:55打比我唔番校唔著衫～
不過都多謝你意見，如果可以傾可以氹我命都可以比埋佢～不過每分鐘都交，我確實好倦～唔係我駛咩仲要同佢睇Ｅ生～
不過Ｄ排好左，我麵都開心左
作者: wawa 時間: 09-11-11 11:06
你個小朋友可以上一些情緒課程, 睇下有無幫助. 資優的小朋友如果情緒控制得不恰當, 會變成低成就資優兒的.
原帖由 BERRYTOTO 於 09-10-29 01:02 發表
自從小朋友證實為資優之後，我好似無一日舒服過，我小朋友星期五就四歲，好早己經察情緒好有問題～我想舒發下自己,確實太辛苦，我本身好堅強亦無野難到自己，我宜家一邊打隻眼有十廿萬公升既眼淚流出，係我前所未有既壓力，每一個父 ...
作者: BERRYTOTO 時間: 09-11-11 22:06
睇緊心理e生控制啦～唔係睇Ｅ生我都唔知佢係～
作者: wawa 時間: 09-11-12 08:37
我懷疑佢可能係Aspergar.
原帖由 BERRYTOTO 於 09-11-11 22:06 發表
睇緊心理e生控制啦～唔係睇Ｅ生我都唔知佢係～
作者: BERRYTOTO 時間: 09-11-12 14:35
咁我肯定唔係LAW,我仔一樣會同其他小朋友一齊玩..同埋佢都會照顧下妹妹...同埋佢都有番學..老師都話佢係學校係算乖會聽人講野....唔通見哂E生..CHECK埋 TEST都會錯咩~~
原帖由 wawa 於 09-11-12 08:37 發表
我懷疑佢可能係Aspergar.
作者: wisekid2007 時間: 09-11-12 17:01 標題: 回覆 1# BERRYTOTO 的文章
提示: 作者被禁止或刪除 內容自動屏蔽
作者: jamesbond007 時間: 09-11-12 17:44
提示: 作者被禁止或刪除 內容自動屏蔽
作者: wawa 時間: 09-11-13 10:20
同意, 現在發現有些資優兒是會夾集了其他症狀,
太細未會察覺, 其他症狀會在4歲後開始出現.
例如: 過度活躍, 亞氏保加, 讀寫障礙,感覺統合etc. 這是雙重特殊資優兒.
其實越細發現處理得當都是有好處, 處理不當資優兒將大後都會犯案.
原帖由 wisekid2007 於 09-11-12 17:01 發表
恕我直言, 你兒子的情緒問題, 可能源自他是資優, 但是否真的資優或資優程度如何, 跟本不重要，因為其實是否資優也可能有情緒問題，所以跟本無需理會或處處標榜他是否資優。
你兒子現在如此嚴重的情緒問題, 主要是由父母 ...
作者: BERRYTOTO 時間: 09-11-13 11:19
我都同意..我可能我表達不好..我意思係我CHECK左佢唔係其他症狀.我亦唔在付是否資優..我只係會感覺到D類小朋友又係有你地所變出黎多種情緒問題....我去睇E生個陣..都係因為佢情緒好有問題..而去解決..我都係擔心佢 WAWA所講 例如: 過度活躍, 亞氏保加, 讀寫障礙,感覺統合etc..我個陣心態佢係專注力不足等問題去睇..不過我地去再見E生..佢唔係有LEE D問題..係因為佢例如一個問題諗得太復習..而佢EQ都係3歲..佢自己諗大左未能控制到個心理..所以會失控..當時我未可以真正了解佢..所以有時答佢野我確實草草了事鬧佢一大輪算掃...而經過D幾段時間我努力去了解..同解釋..例如佢發皮氣..因為MAMI OR 其他做左咩會令你唔開心..咁佢會一一同我講..如果佢話我大聲..我會同佢SAY SORRY可能我語氣重左...然後又解釋..問我問題 ..eg..我點解係人..我宜家係地球邊一個位置..地球之外有邊個地方..太空可以搭火箭..咁係邊到停...不停問...我之前可能是旦答下..咁可能滿足唔到佢..佢就好炆LAW..發皮氣..咁宜家佢問得我DETAIL D..我話我都唔清楚,不如我地去買本書一齊睇一睇探究...我都希望自己永遠係佢身邊一齊去解答問題...我自己都去努力改善自己態度..唔好炆要有耐性..佢唔開心都即刻去解決..免得越來越多心結...可能經過D兩個月時間..去治療我又係屋企再同佢進行治療..佢好似已經將好多擔心不安放底左..由一日60個TEL..琴日前日都已經變左1-2個...每次打比我都同我..MAMI我好開心打比你..我地整左曲奇餅..亦同我講要搵個袋子入住..然後我要分比小朋友同老師...今星期六E生都同我係時候可以同佢SAY 88啦..佢已經消除哂不安..同唔開心..由一開始黎個陣玩D玩具大部份都係打不倒翁開槍恐龍蛇D類玩具..宜家已經去玩煮飯仔..火車..溫文既玩具........真係好多謝你地一路比意見我..因為今日老闆不在我可以慢慢詳細講..唔似早幾日幾句了事..令你地誤會我去check個d IQ TEST...唔係..我係CHECK佢有問其他問題..如發現我可以即刻去處理..免得越大越唔聽..我朋友個仔18歲係資優亦係自閉..所以我亦清楚會有好多變化出現..佢個仔宜家只可以日日留係避護工場..自己坐埋一邊..不過寫程式..所以我亦會明白..問題會好大.........要即時處理...........多謝大家一齊傾
作者: pollyang 時間: 09-11-13 13:32
"""我話我都唔清楚,不如我地去買本書一齊睇一睇探究...我都希望自己永遠係佢身邊一齊去解答問題"""
十分同意以上處理方法,見到家長及孩子都有改進,就係成功了!!!
作者: wawa 時間: 09-11-13 14:47
BERRYTOTO
我仔仔o個時都係有同樣一樣好多問題, 我識會答,唔識我會遲些找到資料才答, 你可買一本百科全書佢睇, 一定有興趣, 你亦可帶他到library 睇書, 叫佢係o個度找答案, 因為佢仲細,所以你教他在那兒找答案, 遲些你仔仔會將你屋企所有會拆來看, 倒不如你將你屋企不要的東西keep 起來等佢拆, 如果唔係你買一樣無一樣.
最佳的玩具,你可考慮買lego.
原帖由 BERRYTOTO 於 09-11-13 11:19 發表
我都同意..我可能我表達不好..我意思係我CHECK左佢唔係其他症狀.我亦唔在付是否資優..我只係會感覺到D類小朋友又係有你地所變出黎多種情緒問題....我去睇E生個陣..都係因為佢情緒好有問題..而去解決..我都係擔心佢 W ...
作者: BERRYTOTO 時間: 09-11-13 15:10
Wawa,
我要番工 mon-sat 5日半..我都想陪佢去圖書館..好難安排到時間去..同埋我自己由細到大都好好好小去圖書館(我未試有圖書証)..所以每次一問我淨係識去買..今本無意識第一時間去諗下圖書館..我都試下啦..下下去買..佢又唔珍惜..又唔環保.又嘥我d錢...我努力一下先..lego我有呀..買左一箱收埋左.因為我怕個囡食..我買左細細粒..!百科全書我都有呀..佢成日自己睇.叫我讀佢就跟住讀..佢又可能慣左用英文.我英文又唔係話好好.有時真係好怕讀錯音...所以又要去yahoo search下點讀...
我都有問題想請教,
我讀書真係一般過一般...所以數學真係唔識教..我讀書個陣係用手指..我又聽d朋友講佢地小朋友學校教5字擺係個心...真係唔明白..可唔可以解釋下...咁係咪要去參加公文數個d呢.....幼稚園係咪又會教呢..咁我係咪可以唔駛理......
[ 本帖最後由 BERRYTOTO 於 09-11-13 15:18 編輯 ]
作者: wawa 時間: 09-11-13 15:58
你幾唔得閒都要帶佢去library or 大型書店, 睇下佢鍾意邊一類型的書, 有興趣係邊方面.
資優的小朋友同普通小朋友有些不同, 可以講同一般的小朋友係倒轉三角型, basic 的事是無興趣的, 理解分析能力強. 所以一些重覆性的野係無興趣,同埋不喜歡死記, 所以未必係學校名列前矛.
所以公文未必合他, 因為係機械式操練,我仔仔上了半年已無心機,同埋睇通了係順序落,
而家有試堂你可試下.
反而有些趣味性的數學或者可以試下的.
原帖由 BERRYTOTO 於 09-11-13 15:10 發表
Wawa,
我要番工 mon-sat 5日半..我都想陪佢去圖書館..好難安排到時間去..同埋我自己由細到大都好好好小去圖書館(我未試有圖書証)..所以每次一問我淨係識去買..今本無意識第一時間去諗下圖書館..我都試下啦.. ...
作者: bbJP 時間: 09-11-14 08:45
高興見你兒子在咁短的時間有進步,我相信e生幫佢舒發左d情緒:憤怒及焦慮.
接下來,我諗就係要建立返你同佢健康的關係.
雖然你好體諒佢情緒的需要,但不能就此過份遷就,用利誘/補贘方式來避免佢情緒失控不是恰當的方法.下次唔洗因為佢唔開心同佢去m記+玩車.佢大發脾氣時要佢time out.不能讓他的脾氣不斷泛濫,否則佢以後會好辛苦.唔好好似佢係boss咁,成日要睇佢面色做人.佢一發脾氣就買佢怕.咁佢大左好難同人相處.
點解佢响學校冇問題?冇情緒失控?冇因有dd野唔順意大發脾氣?對老師咁客氣?這代表佢是絕對有能力遵守規則,服從權威.係時候攞返d做父母的尊嚴來.你家有冇家規?你要清楚訂下行為規則,而家4歲,仲有得搞,過左6歲就難好多.有時間去上下健康院3P課程.努力!!支持你!!
[ 本帖最後由 bbJP 於 09-11-14 08:46 編輯 ]
作者: bubbles114 時間: 09-11-14 18:08
原帖由 bbJP 於 09-11-14 08:45 發表
高興見你兒子在咁短的時間有進步,我相信e生幫佢舒發左d情緒:憤怒及焦慮.
接下來,我諗就係要建立返你同佢健康的關係.
雖然你好體諒佢情緒的需要,但不能就此過份遷就,用利誘/補贘方式來避免佢情緒失控不是恰當的方法. ...
點解佢可以在學校控制到自己, 而在家卻失控?? 因為資优兒好實在太醒, 好識睇眉頭眼額, 知道邊到 (學校) 不可亂來, 換言之他是有理智可以控制到自己的行為, 加上資优兒是完美主義者, 對自我期望高, 鬥心亦強, 所以他在學校有乖乖的形象也不出奇.
亦因為他們太醒, 樓主和他小朋友定家規時要” 動之以情, 說之以理”, (要溫柔但堅決, statement 要short but clear, 他們好醒, 知道邊d事情媽媽不會妥協)他們感情丰富, 複雜且澎拜, 要充份利用他們的” 死穴” 見招拆招, 否則他們會develop一套歪理來justify自己的行為
作者: kathylo 時間: 09-11-16 14:00
原帖由 wawa 於 09-11-13 15:58 發表
你幾唔得閒都要帶佢去library or 大型書店, 睇下佢鍾意邊一類型的書, 有興趣係邊方面.
資優的小朋友同普通小朋友有些不同, 可以講同一般的小朋友係倒轉三角型, basic 的事是無興趣的, 理解分析能力強. 所以一些重覆 ...
hi wawa, 我個女都被教育心理學家評她個腦轉數很快, 她之前上過公文式3個月, 因為佢又係唔鍾意而且好抗拒, 所以轉了enopi, 直到現在, 我發現enopi與公文都十分相似, 所以, 都想趙她轉
請問你有無好介紹?
作者: wawa 時間: 09-11-16 15:15
如果資優的學生,對於出面坊間訓練,無任何作用, 只會悶, 不如問一問你個小朋友喜歡甚麼, 不一定是術科, 我仔仔就喜歡畫畫同科學.
原帖由 kathylo 於 09-11-16 14:00 發表
hi wawa, 我個女都被教育心理學家評她個腦轉數很快, 她之前上過公文式3個月, 因為佢又係唔鍾意而且好抗拒, 所以轉了enopi, 直到現在, 我發現enopi與公文都十分相似, 所以, 都想趙她轉
請問你有無好介紹? ...
作者: kathylo 時間: 09-11-17 09:16
原帖由 wawa 於 09-11-16 15:15 發表
如果資優的學生,對於出面坊間訓練,無任何作用, 只會悶, 不如問一問你個小朋友喜歡甚麼, 不一定是術科, 我仔仔就喜歡畫畫同科學.
我個女已經學緊畫畫, 鋼琴, 合唱團和游水, 全部佢都話鍾意, 我要佢去enopi數, 係想佢習慣每日做功課, 而且佢都鍾意數理思考, 但唔鍾意一味只係重覆做同一份習作, 我可以怎樣幫她找一些有趣味的數理班, 而唔係一味只係做. 做. 做
還有, 佢都對科學有興趣, 你怎樣幫你個仔係科學度發展?
作者: wawa 時間: 09-11-17 10:00
我無唸到enopi 都係操練式的. 如果係又真係唔啱你囡囡, 因為資優係不喜歡操練的. 其實我都無特別同佢做任何課, 因為好多資優課程都係3年級以上先有的. 佢對數學都好概念性, 不喜歡背, 連乘數表都唔背, 三角幾何反而有興趣.
科學佢都係自己睇書, 愛看天文地理,同埋電學,鍾意拆野同砌lego, 所有玩意係自己創作的.
最痳煩佢成日係學校都坐唔定, 都會比老師投訴.
原帖由 kathylo 於 09-11-17 09:16 發表
我個女已經學緊畫畫, 鋼琴, 合唱團和游水, 全部佢都話鍾意, 我要佢去enopi數, 係想佢習慣每日做功課, 而且佢都鍾意數理思考, 但唔鍾意一味只係重覆做同一份習作, 我可以怎樣幫她找一些有趣味的數理班, 而唔係一味 ...
作者: BERRYTOTO 時間: 09-11-17 15:26
haha~~大家sharing真係好..我識好多知好多..今個sat上完治療..e生再同我傾啦..話佢無哂事啦..嬲啦唔開心消除哂啦..不過變相樣樣要mami..有d戀母狂..不過佢話唔緊要..lee d要慢慢daddy同mami去協調..daddy要同佢單獨多d多d了解..因為daddy唔係hk做野..所以係少d接觸..咁我同我老公講佢話好啦...
我其實都唔係好敢比佢學野..我有哂前科..我都比佢嚇怕左..佢暑假去學游水..貽拳道..畫畫...工人同婆婆簡斷去陪下佢..佢就齊坐咩都唔做..咁我聽人講貽拳比較嚴..咁我個陣咩都唔知心諗好啦..比人鬧下佢都好..唔好成日無規矩..點知衰啦..佢上堂前打黎問一大輪..我點解要上堂..上完番黎又講我唔再上堂..我唔鍾意學lee d野..咁跟住個月我咪上番之前係學校報左d暑期班日日番law..咁又好dd..不過都係日日問點解要我番校者..我唔駛叻wow..我鍾意自己蠢豬wow..所以到宜家我都唔敢隨便報任何課程..我怕弄巧成拙~
作者: samelsaho 時間: 09-11-17 21:28 標題: 回覆 3# kathylo 的文章
hi kathylo, wawa,
我囝囝就來7歲，而家上緊的活動有 panio, violin, enopi maths, arts & technology, swimming, lego, team games & 智力遊戲 for gifted child, (我覺得太多，但叫佢cut緊D，佢又唔肯)
其中enopi maths上了大半年，但囝囝現在上堂時，開始發夢和唔專心，妳們會唔會找其他maths比小朋友試？有沒有好建議？
作者: wawa 時間: 09-11-18 09:55
SAME
其實選課外活動, 運動和樂器佢地鍾意都無問題, 但學術野要小心, 大過操練會厄殺資優兒,所以帶佢地去書店和圖書館等佢地睇下有興趣的書.
咁你仔仔係學校讀書成績又如何呀?
原帖由 samelsaho 於 09-11-17 21:28 發表
hi kathylo, wawa,
我囝囝就來7歲，而家上緊的活動有 panio, violin, enopi maths, arts & technology, swimming, lego, team games & 智力遊戲 for gifted child, (我覺得太多，但叫佢cut緊D，佢又唔肯)
其中enopi math ...
作者: kathylo 時間: 09-11-18 16:18
原帖由 samelsaho 於 09-11-17 21:28 發表
hi kathylo, wawa,
我囝囝就來7歲，而家上緊的活動有 panio, violin, enopi maths, arts & technology, swimming, lego, team games & 智力遊戲 for gifted child, (我覺得太多，但叫佢cut緊D，佢又唔肯)
其中enopi math ...
hi, samelsaho,
嘩, 你個仔學咁多野, 咁米無時間剩?
我個女都係上了差不多1年enopi math, 現在開始唔肯做d workbook, 而且時常問點解佢要做, 我和老公打算再沒有改善, 就cut左enopi math
我都比過佢去上"小鐵人"的5-6yr lego班, 佢好鍾意, 但係我見d導師教得很簡單, 而且都係一味跟佢地砌, 無創意和思考可言, 所以無繼續上, 現在, 我用上堂的$, 自己去買lego比佢砌
請問, "arts & technology" 和 "team games & 智力遊戲" 係什麼課程, 幾歲可以去上, 那個機構攪? 可唔可以比d詳細的資料我呀?
作者: wawa 時間: 09-11-18 17:02
我都有買lego比仔仔砌, 佢,砌完會拆, 再組合另一樣野,例如佢無飛機佢會砌到架飛機出來. 而家係差無摩打野比佢放入去, 但佢都知道如何整電去駁線來整著些燈.
原帖由 kathylo 於 09-11-18 16:18 發表
hi, samelsaho,
嘩, 你個仔學咁多野, 咁米無時間剩?
我個女都係上了差不多1年enopi math, 現在開始唔肯做d workbook, 而且時常問點解佢要做, 我和老公打算再沒有改善, 就cut左enopi math
我都比過佢去上"小鐵人" ...
作者: samelsaho 時間: 09-11-18 19:09 標題: 回覆 1# wawa 的文章
hi wawa & kathylo,
囝囝在國際學校讀緊 Y2，冇mud 功課做，所以都好得閒，他的學術成績約中上，他老師話囝囝的 Maths, Science & English 的 phonics, spelling & vocabulary 比同班同學好，但有些問題要改善，佢的問題係 - 上堂有時會發夢，選擇性唔專心，寫字似typoon & 串咀!
Lego - 導師話9歲班以下的 lego technical 他已學矖，再上便要學寫程式，導師話遲 D 會比佢試下，因此我唔會買，因為唔知點買！
arts & technology - 在 North Point 的 "Colourful Kids"上堂，西人老師．
team games - 在學校上的，我都唔知玩 mud!
智力遊戲 - 在灣仔的 "小童群益會" 上的，中心有個 "資優系列" only for gifted child 的，課程會每3個月轉一次，上次係學 "份分數"
我都覺得囝囝太多課外活動，我都想 cut 緊 D，妳估我錢多咩！但佢唔肯，我都冇辦法！
就算而家開始上 enopi maths 時發夢，佢都話要繼續上，但我就想同佢轉(因為囝囝在 K1 時，老師已經話佢有數學天份，因此唔想埋沒佢)，不過唔知那種數適合他！
作者: BERRYTOTO 時間: 09-11-19 13:41
SAME..
嘩上咁多野一個月閒閒地成萬蚊連學費...如果得一個我就會考慮LAW..我兩個小朋友唔得啦...妹妹再讀埋書..我就好赤啦..同埋我都唔想成世做野..為左交佢D課外活動LAW...
:
作者: wawa 時間: 09-11-19 14:30
可能國際學校真係可預留時間出去學野,我仔讀傳統學校,做功課溫書都趕唔切, 真係無自由. 記得小一時佢地學校好多抄寫, 佢最唔鍾意,成日拖到10:00先做完, 今年小二就好些, 做完功課都仲有小小時間玩.
原帖由 samelsaho 於 09-11-18 19:09 發表
hi wawa & kathylo,
囝囝在國際學校讀緊 Y2，冇mud 功課做，所以都好得閒，他的學術成績約中上，他老師話囝囝的 Maths, Science & English 的 phonics, spelling & vocabulary 比同班同學好，但有些問題要改善，佢的問題係 - 上 ...
作者: samelsaho 時間: 09-11-19 19:56
hi berrytoto,
其實我重有個囡囡，在 IS 讀緊 Y1，我們唔係有錢人，只不過係集中資源比了小朋友，例如，我們只係租間兩房的屋住，我自己唔化妝，冇去美容院，唔好手飾，唔好名牌，只會假期才會出街食飯................，最重要係爸爸好勤力賺錢！
原帖由 BERRYTOTO 於 09-11-19 13:41 發表
SAME..
嘩上咁多野一個月閒閒地成萬蚊連學費...如果得一個我就會考慮LAW..我兩個小朋友唔得啦...妹妹再讀埋書..我就好赤啦..同埋我都唔想成世做野..為左交佢D課外活動LAW...::" /> ...
作者: samelsaho 時間: 09-11-19 20:09
hi wawa,
其實我唔係一早決定比囝囝讀國際學校，係因為當時冇mud學校肯收佢及都知道囝囝唔適合 Local School，因為佢鐘意諗嘢多過寫嘢，因此寫字似 typoon！加上我自知自己 EQ 低，脾氣臭，一定唔可能"陪太子讀書"，所以..................
原帖由 wawa 於 09-11-19 14:30 發表
可能國際學校真係可預留時間出去學野,我仔讀傳統學校,做功課溫書都趕唔切, 真係無自由. 記得小一時佢地學校好多抄寫, 佢最唔鍾意,成日拖到10:00先做完, 今年小二就好些, 做完功課都仲有小小時間玩.
...
作者: wawa 時間: 09-11-20 15:54
你仔仔係咪又係用左手寫字呀, 我仔因為用左手寫字, 好多時係由右至左橫過去, 咁o的點全部都係相反, 老師都會扣分同要改正, 所以而家我知點解中國人要逼佢地寫字用右手,但最近我仔仔對打中文有興趣, 而家係度自學.
原帖由 samelsaho 於 09-11-19 20:09 發表
hi wawa,
其實我唔係一早決定比囝囝讀國際學校，係因為當時冇mud學校肯收佢及都知道囝囝唔適合 Local School，因為佢鐘意諗嘢多過寫嘢，因此寫字似 typoon！加上我自知自己 EQ 低，脾氣臭，一定唔可能"陪太子讀書"，所以......... ...
作者: BERRYTOTO 時間: 09-11-20 17:17
HA...我仔又係用左手..我用右手揸佢左手law..
same..
咁國際讀邊間..同幾錢..我見漢基都5xxx幾....我都係諗小一讀直資..深水埗聖瑪加利(好似)..因為我樓下d c奶同我講好好..佢有語言必收科..德文同西斑牙文..學校只會用國語同英文上堂..咁la..佢就24xx左右好似..咁佢宜家讀緊KV(幼稚園)..學費又差唔多..咁我多數考慮佢
作者: BERRYTOTO 時間: 09-11-20 17:19
陪太子讀書..
我都做唔到.............死火
我自己唔化妝，冇去美容院，唔好手飾，唔好名牌....
死火..........我又好LIKE............
原帖由 samelsaho 於 09-11-19 20:09 發表
hi wawa,
其實我唔係一早決定比囝囝讀國際學校，係因為當時冇mud學校肯收佢及都知道囝囝唔適合 Local School，因為佢鐘意諗嘢多過寫嘢，因此寫字似 typoon！加上我自知自己 EQ 低，脾氣臭，一定唔可能"陪太子讀書"，所以......... ...
[ 本帖最後由 BERRYTOTO 於 09-11-20 17:22 編輯 ]
作者: samelsaho 時間: 09-11-20 20:11 標題: 回覆 1# BERRYTOTO 的文章
hi BERRYTOTO & wawa,
我囝囝一直都係用右手寫字的，佢寫字其實可以好靚(都有比老師讚過)，但他冇 mud 耐性(可能似我，我性格都好性急的)，及好有自己嘅性格，因此他會自己決定幾時寫字靚！
傻豬BERRYTOTO，CIS 學費一年要十幾萬，我只係普通家庭，又點會讀得起呀！
"咁國際讀邊間..同幾錢.." - p/s check pm!
作者: leecandice 時間: 09-11-21 00:23
[ 本帖最後由 leecandice 於 09-12-10 19:55 編輯 ]
作者: kathylo 時間: 09-11-21 22:56
原帖由 samelsaho 於 09-11-20 20:11 發表
hi BERRYTOTO & wawa,
我囝囝一直都係用右手寫字的，佢寫字其實可以好靚(都有比老師讚過)，但他冇 mud 耐性(可能似我，我性格都好性急的)，及好有自己嘅性格，因此他會自己決定幾時寫字靚！
傻豬BERRYTOTO，CIS 學費一年要十幾萬 ...
Hi, samelsaho,
我都有兩個女, 大女現讀k3, 考了幾間學校, 只得"音小"收佢, 細女現讀k1, 大女都好些, 比較聽話, 有時佢都會覺得抄寫好悶, 寫出來的字好似"打風", 但當我惡小小罵佢, 佢會比心機寫, 但無幾耐又打回原形, 我亦試過用不同形式的獎勵方式鼓勵佢專心寫字, 但我都驚佢大d都唔聽我講, 而細女就 ... 唉! "我行我素", 唔鍾意做就唔鍾意做, "軟硬兼施"都無用, 所以, 我都驚細女唔適合local school, 而我們一家收入都唔係好多, 我都沒有扮靚, 買名牌 ....
你間IS都幾好, 可唔可以pm d 資料比我
作者: BERRYTOTO 時間: 09-11-23 17:07
SAME我收到啦~~不過我send留pm比你你收唔收到..我見次次我reply後..再睇寄件都唔似有send出..我之前住鯉景個頭我知啦~~好靚架ma...hahaha
岩岩我朋友個囡都去左睇我e生..佢行徑奇怪所以去睇law..佢now係3.5歲..不過行為有2歲講野有6-7歲..所以出現有唔佩合現象..玩玩具有d控制唔到好倒塌ar..e生以為佢行為啦..點知好辛苦"叫"佢擺口..佢就一輪咀英文..所以佢自己出現左好多 ,因為佢咁大個囡都唔叫家人..mama..baba.麻麻..爺爺..thank you...咁無wow..e生聽左我fd點同小朋友解釋之後..係發現佢只係同佢講叫人講thank you係話佢知d個表現係乖law,唔係尊敬law..咁佢話lee d由老c同佢講啦..不過就唔需要再去睇law..咁我話即係唔太嚴重啦..唔駛擔心..宜家淨係check番佢短處係咩..增強短處..長處由無需要加強law..
作者: BERRYTOTO 時間: 09-11-23 17:12
不如我開個topic叫閒談+分享gifted小朋友啦..咁我地咩都傾下..唔駛下下"big"人睇我d痛苦野啦~~~
作者: samelsaho 時間: 09-11-23 20:30 標題: 回覆 2# BERRYTOTO 的文章
hi berrytoto,
我收唔到妳個pm呀，不過我都覺得個pm怪怪地！
作者: samelsaho 時間: 09-11-23 20:55 標題: 回覆 3# kathylo 的文章
*** Del ***
[ 本帖最後由 samelsaho 於 09-11-24 14:41 編輯 ]
作者: samelsaho 時間: 09-11-23 20:57 標題: 回覆 3# kathylo 的文章
*** Del ***
[ 本帖最後由 samelsaho 於 09-11-24 14:42 編輯 ]
作者: samelsaho 時間: 09-11-23 21:03 標題: 回覆 3# kathylo 的文章
Hi kathylo,
希望各位唔好笑我和比我嚇親，那時我幫囝囝申請了＊２１間＊私／直資／國際學校（只有１９間有得interview)，因為我自己知自己事，最後只有４間local school及２間IS passed interview，其中一間係 "音小"（那時在初段時間只有２間local school offer)，我知道 "音小" 係間好有愛心及耐性嘅學校，其實係好適合我們的 "好有性格嘅小朋友"，當時唯一憂慮係這間學校冇 net teacher，因為囝囝能說流利的中英文，因此..............!
"你間IS都幾好" - p/s check pm!
作者: kathylo 時間: 09-11-24 14:16
原帖由 samelsaho 於 09-11-23 21:03 發表
Hi kathylo,
希望各位唔好笑我和比我嚇親，那時我幫囝囝申請了＊２１間＊私／直資／國際學校（只有１９間有得interview)，因為我自己知自己事，最後只有４間local school及２間IS passed interview，其中一間係 "音小"（那時在初段時間只有２間local s ...
我都收唔到你的pm
作者: samelsaho 時間: 09-11-24 14:45 標題: 回覆 1# kathylo 的文章
hi kathylo,
昨晚個 pm 和都 post 有 D 間題！
"你間IS都幾好" - p/s 再 check pm!
作者: kathylo 時間: 09-11-24 17:11
原帖由 samelsaho 於 09-11-24 14:45 發表
hi kathylo,
昨晚個 pm 和都 post 有 D 間題！
"你間IS都幾好" - p/s 再 check pm!
hi, samelsaho,
收到啦, thx!:loveliness:
作者: mattsmum 時間: 09-12-4 23:14
原帖由 wawa 於 09-11-20 15:54 發表
你仔仔係咪又係用左手寫字呀, 我仔因為用左手寫字, 好多時係由右至左橫過去, 咁o的點全部都係相反, 老師都會扣分同要改正, 所以而家我知點解中國人要逼佢地寫字用右手,但最近我仔仔對打中文有興趣, 而家係度自學.
...
I also have a left hander, visual spatial learner:
VISUAL-SPATIAL視覺空間學習者？
主要以圖像思考
擁有視覺強項
空間掌握較佳
整體(whole-part)的學習者
很容易學習複雜的概念 在簡單的技巧上顯得不濟
良好的綜合者
見林不見樹，忽略細節
能夠很好地閱讀地圖
數學推論能力優於算術能力
須形象化一字才能拼字
相比寫字，較喜歡打字
自創獨特的組織方法
直覺地達到正確的答案
遇上背誦及練習便會停止運作
發展自己的方法去解決問題
敏感於教師的態度
衍生與眾不同的問題解決方法
非同步發展Develops quite asynchronously
可能會有不平均的成績
享受幾何學及物理
透過專注而精通其他語言
創意、機械、情緒或是科技上有天賦Is creatively, mechanically,emotionally, or technologically gifted
大器晚成
AUDITORY-SEQUENTIAL聽覺循序學習者？
主要以文字思考
擁有聽覺強項
時間掌握較佳循序漸進的學習者
透過嘗試及錯誤學習
優於循序地學習由簡單至困難的材料
一次過學習全部概念分析思考者
優於跟從細節
能夠很好地遵從說話指示
在算術方面不俗
易於學習音節
能夠讀出拼寫的字(spelling words)
易於學習整個字串
寫出既快又整潔的字
組織力強
對說明工作步驟感到容易
擅長於背誦擁有良好的聽覺短期記憶
擁有良好的視覺長期記憶
可能需要背誦來加強學習效果
記著長期概念，指示對學習更佳
最佳的學習方法是看出事物之間的關係
不受情緒影響而學習
對一正確答案感舒懷
平衡發展Develops fairly evenly
通常能維持高分數
享受代數及化學在班上學習語言
在學問上有天賦Is academically talented
早有成就
作者: mianyang_99 時間: 10-1-12 13:24
原帖由 BERRYTOTO 於 09-11-23 17:07 發表
SAME我收到啦~~不過我send留pm比你你收唔收到..我見次次我reply後..再睇寄件都唔似有send出..我之前住鯉景個頭我知啦~~好靚架ma...hahaha
岩岩我朋友個囡都去左睇我e生..佢行徑奇怪所以去睇law..佢now係3.5歲..不過 ...
Can you PM me your doc's information and contact? Many thanks.
作者: wawa 時間: 10-1-13 15:07
mattsmum
這是何出處, 有98%一樣. 佢真係好討厭死記背誦.
原帖由 mattsmum 於 09-12-4 23:14 發表
I also have a left hander, visual spatial learner:
VISUAL-SPATIAL視覺空間學習者？
主要以圖像思考
擁有視覺強項
空間掌握較佳
整體(whole-part)的學習者
很容易學習複雜的概念 在簡單的技巧上顯得不濟
...
作者: mattsmum 時間: 10-1-24 13:15 標題: 回覆 1# wawa 的文章
search for the word: visual spatial learner,
search for the article: I Think in Pictures, You Teach in Words.
I have one at home.
作者: 甜芋 時間: 10-1-25 09:38
原帖由 mattsmum 於 10-1-24 13:15 發表
search for the word: visual spatial learner,
search for the article: I Think in Pictures, You Teach in Words.
I have one at home.
哈囉,mattsmum.我家有個同visual spatial learner9成接近,但係佢用右手.同時AUDITORY-SEQUENTIAL聽覺循序學習者,佢又7成相似. 唉!但係佢太有性格.學校要求的練習,我需要"求"大人做.佢啱啱轉咗學.人開心咗好多好多好多.但係一溫習就同我反面.係新學校度,佢凈係指意上堂聽書.默書的成績,次次兩三隻字唔識寫.但係佢唔會有心去學習唔識寫0既字.學業上,我幫唔到佢.凈係旁觀.
佢係自學型.睇各式各樣的說明書,解剖圖.discovery dvd.我最擔心就係佢,一做練習.就間唔中亂寫或者超級冇心機.好似部機器停咗咁.
作者: mattsmum 時間: 10-1-25 13:29 標題: 回覆 1# 甜芋 的文章
係自學型? then no need to worry, maybe he is suitable for other courses such as IB.
作者: BERRYTOTO 時間: 10-4-7 15:08
HI ~~ LONG TIME NO SEE~~
我仔宜家開始又搭入好煩~~
駁咀~~y理~~咩都齊~~
有時都幾討厭~~
攪到我自己好似癲婆~~
上堂上又好多~~
不過到我實踐~~
個仔又玩我~~
唉~~又好苦~~
d y理論多到不得了...講多兩句大聲d...又搬自己係小朋友~~你係我mami應該要有耐性同我講..唔好大聲(佢自己發花癲大叫又得架wow)....唔係我會驚同唔開心~~
真係個心頂佢唔順~~
得閒同daddy講~mami好似覺得我好煩wow~~嘩~~死仔包抺黑我~~
句句頂到行哂~~我駁都駁唔到~~
到最後我仲要講句~~我宜家唔同你討論d個問題~~真係好老土~~
作者: idy926 時間: 10-4-8 11:36
BERRYTOTO,
我都捱過，又係K1時咁講，一模一樣---->"mami，可吾可以吾好咁大聲話我?" "點解？” “因為我係小朋友，你係我mami應該要有耐性同我講，唔好大聲 "
吹爆！就係因為有時佢地講D野係有D道理，所以真係語塞....
你小朋友而家同你講道理，大有進步喎！
原帖由 BERRYTOTO 於 10-4-7 15:08 發表
又搬自己係小朋友~~你係我mami應該要有耐性同我講..唔好大聲
[ 本帖最後由 idy926 於 10-4-8 11:37 編輯 ]
作者: lamtsuiyee 時間: 10-4-14 12:09
Hi 各位Mommies,
我係路人甲...都有感而發.今日老細唔係到.忍唔住想問下大家意見, 我家有子剛5歲, 最近見過家長, 老師問過下有無帶小兒去檢查(專注力不足). 由2歲班到中班老師都有一個comment. 每當Group participation or Story-telling都係坐唔定. 最初以為年紀小, 有呢個問題好正常, 中班老師話只有佢一個係咁. 但當你問番佢about story, 佢完全知道發生乜事. 佢唔係distriub 他人, 老師話唔係好大問題. 我忍唔住, 帶佢去檢查, 話佢感統失調 (特別觸覺), 姑娘話train一排就可以改善. 但衰左阿士保加. 見你地talk about E.nopi. 我阿仔學左1年. 最初見佢學得好快, 一見條題目, 就識寫答案, 依家Level 8 (subtraction). 我有時問番佢加數, 進位個part佢好似無學個咁..佢話我唔識. 激死我! 老師話佢係remember個答案..唔係理解. 我都唔知應該點做? 又有衝動帶佢去Check IQ,希望知道佢差邊樣... 我都好累. 一日都要entertain佢. 一分鐘都唔可以自己玩. 大家比d議見我!!!
作者: beywat496 時間: 10-4-14 22:27
我一直很羨慕人家有資優孩, 我經常話自己個囡好蠢, 別人學嘢要三次, 我囡要三十次才學會, 令到我好咀,
雖然你現階段是辛苦一些, 但你將來囝囝成就, 我付出我所有都買不到。
羨慕你。
[
quote]
作者: wawa 時間: 10-4-15 10:17
但係IQ 高都唔及EQ高的. IQ 都可以後天培養, 好似我個仔咁EQ唔高就算IQ高都無用, 因為好多事都要同人合作的. 成日與人相處唔好就係佢的弱點.
原帖由 beywat496 於 10-4-14 22:27 發表
我一直很羨慕人家有資優孩, 我經常話自己個囡好蠢, 別人學嘢要三次, 我囡要三十次才學會, 令到我好咀,
雖然你現階段是辛苦一些, 但你將來囝囝成就, 我付出我所有都買不到。
羨慕你。
[
quote] ...
作者: idy926 時間: 10-4-15 17:18
我覺得無論對那類型的小朋友，只要用心教，品德比學術更重要，將來做個好人就很好啦，什麼成就不成就呢？如果他將來有大成就但心地差，或者不孝順？你吾好對小朋友咁講啦，佢會好無自信，可能會越變越吾好，連親子關係都出問題咪仲敝...
quote]原帖由 beywat496 於 10-4-14 22:27 發表
我一直很羨慕人家有資優孩, 我經常話自己個囡好蠢, 別人學嘢要三次, 我囡要三十次才學會, 令到我好咀,
雖然你現階段是辛苦一些, 但你將來囝囝成就, 我付出我所有都買不到。
羨慕你。
[
quote] ... [/quote]
作者: beywat496 時間: 10-4-15 23:48
其實 EQ 有無得改善, 不會跟死一世嗎 ?
我覺得IQ 係無得後天培養, 天生唔叻就一世都死估估, 所以我一直都係羨慕你地資優家長。
一天我教朋友個囡同我囡一齊做手工藝, 別人個資優囡一睇就明, 無難度, 即場做出多個作品, 自己個囡就學好多次都做唔到, 唉, 最後唔做, 放棄唔學~~~ 真係羨慕死我啦。
原帖由 wawa 於 10-4-15 10:17 發表
但係IQ 高都唔及EQ高的. IQ 都可以後天培養, 好似我個仔咁EQ唔高就算IQ高都無用, 因為好多事都要同人合作的. 成日與人相處唔好就係佢的弱點.
作者: tsznok 時間: 10-4-16 05:09
每個小朋友都係獨特的, 唔好講到自己囡囡咁蠢咁啦, 佢會 FEEL 到, 唔開心傢~
其實, 好多時我都覺得 "資優" 呢個字眼將事實美化左, 旁人一般對 "資優小朋友" 嘅認知只有 "資質優厚"、"IQ高"、"好叻"、"轉數快"、"讀書一定好", 但有又幾多人真係會認識佢哋因為 IQ 高而顯生出嚟嘅問題 / 同時出現嘅問題, 如: 情緒問題、讀寫困難、過度活躍、社交困難、亞氏保加、感統... 講到底, 資優兒童需要嘅輔導、家長嘅關愛、社會嘅包容程度,同特殊兒童根本冇大分別, 或者咁講, 佢地都係另一類特殊兒童, 需要更多額外資源去引導佢地成長。
當你只見到人哋個 "資優小朋友" 咁"叻"時, 唔好忘記其父母係後面不之嘔左幾多桶血出嚟、之前行爛左唔知幾多對鞋... 相信呢版不少生左個 "資優兒童" 出嚟嘅媽媽都會感同身受。
有得揀, 我寧可要個一般智能... 夠用嘅就算...
原帖由 beywat496 於 10-4-15 23:48 發表
其實 EQ 有無得改善, 不會跟死一世嗎 ?
我覺得IQ 係無得後天培養, 天生唔叻就一世都死估估, 所以我一直都係羨慕你地資優家長。
一天我教朋友個囡同我囡一齊做手工藝, 別人個資優囡一睇就明, 無難度, 即場做出多個 ...
作者: lamtsuiyee 時間: 10-4-16 09:09
我好同意三寶媽既見解..我唔覺得我個小朋友係資優, 佢IQ 多少唔重要, 我只係想佢正常一點,開心及有中庸既表現..但我只係覺得好難教..所以上黎大家support吓! 每個小朋友都有佢強同弱既地方,只要我地多注意及培訓吓,我相信一定必成大器!最近多左去圖書館, 借多左教小朋友嘅書, 領會多左,我覺得都好有用!!! 各位媽媽努力!!!
作者: 701003 時間: 10-4-18 17:48
原帖由 mattsmum 於 09-12-4 23:14 發表
I also have a left hander, visual spatial learner:
VISUAL-SPATIAL視覺空間學習者？
主要以圖像思考
擁有視覺強項
空間掌握較佳
整體(whole-part)的學習者
很容易學習複雜的概念 在簡單的技巧上顯得不濟
...
原來有咁樣分gar
咁我兩個女都90%似Auditory-sequential
成個模範生咁，學業成績好令人欣慰！
死仔包100%係visual-Spatial
mouth:" /> 呢期又舊病復發，已經F.1，又玩針對性ge欠交功課 因為唔like班主任(教Maths)教學方法，次次都欠交Maths功課 隔日班主任就會有電話到 我覺得好對唔住果個克盡己任ge班主任，亞sir你辛苦啦！！我更怕我無咁長命等佢"大器晚成"！！
[ 本帖最後由 701003 於 10-4-18 17:55 編輯 ]
作者: BERRYTOTO 時間: 10-4-20 10:55
哎呀~~真係未必係想象咁好架..有時表面係好醒..一番屋企又係另一個人,好似我大爺係學校老c話佢專照顧小朋友,番屋企飯都唔識得食..話做完d功課好倦對手..無力食飯,好需要人地幫助,餵完佢食飯又話沖滿力量,聽日我都要你餵,真係覺得mami餵好開心~~
好個陣就好..衰個陣衰到想殺左佢都唔夠~~
如果問我..反而想佢普普通通..好似妹妹咁蠢蠢地教又舒服..又易氹~~
唔駛一味問到我死..答錯又比佢講句..你唔亂答wow~~唉..真係有苦自己知~~
原帖由 beywat496 於 10-4-15 23:48 發表
其實 EQ 有無得改善, 不會跟死一世嗎 ?
我覺得IQ 係無得後天培養, 天生唔叻就一世都死估估, 所以我一直都係羨慕你地資優家長。
一天我教朋友個囡同我囡一齊做手工藝, 別人個資優囡一睇就明, 無難度, 即場做出多個 ...
作者: chunkiuBma 時間: 10-4-29 10:37
BERRYTOTO,
你好,剛剛睇到你個仔既故事,好想你可以幫幫我,因為我個仔現在4歲情緒方面好有問題,發現既時候仲好細
我記得佢1.5歲開始返育嬰院,開頭幾日都好好,我見佢ok就開始延展,到我接佢已經覺得佢好唔開心,出左課室就不停打我,落到樓下不停踢嘢,返到屋企撞個頭落地(佢第一次咁做),跟住唔食飯瞓覺,佢唔適表達,覺得我遲去接佢唔啱,我好驚第二日同主任傾,佢話咁細個已經咁樣,一路大要好小心處理,叫我每做一樣嘢之前要俾多心理準備佢
咁就過左幾年,中間都有好多問題,講唔到咁多,直至妹妹出世,佢既情況開始嚴重,我係婆婆度坐月,我要佢同我去,因為老公要番工,冇照顧佢,又係唔想去,經常發脾氣,想傷害個妹,而家8個月情況好左,佢都好錫妹妹
不過係學校就經常擾小朋友,對自己要求高亦對小朋友要求高,小組一定要人地聽佢講,唔會接受人地意見,自專心好強,樣樣都要第一,老師話佢諗嘢好闊,老師放個蘋果係度,叫佢畫,佢會連枱同隻碟都畫,佢有叫我同佢做評估係咪資優,我反而覺得唔重要,而家最重要係處理佢既情緒同社交,而家正搵緊醫生睇,你可唔可以介紹你個醫生俾我呀,因為都唔知點樣搵好
作者: BERRYTOTO 時間: 10-4-29 14:46
我比我仔睇輔導既資料你
http://www.tman21.com/
你參考下遊戲冶療
我個陣見王 穎 慧 女 士 (Catherine Wong)
之後我仲參加左佢d堂..佢會教你點有講說話技巧令到個小朋友聽到好舒服..
eg...小朋友發難也
佢教我講: eg..我仔啦: 我唔鍾意..我憎死你..
我:e..熙熙: mami睇到你有d唔開心wow,唔知係咪mami有d咩做錯呢.令到你唔開心呢??
正常小朋友聽到都會冷靜..佢聽到同感受到你睇到or聽到佢有d嬲..同埋佢知道佢可以向你講佢咩事.
前者(佢聽到同感受到你睇到or聽到)同理心 ,後者(向你講佢咩事)係發洩.
係佢心理上..會滿足到佢心靈上要求.
咁當然唔係講一次兩次..佢即刻有反應. 係需要好多次..幾十次repeatrepeat...
上堂個陣講咩事都好..只要你有耐心耐性一定等到.
我係等到既
技巧就真係好多..係好煩同長氣..只要肯跟就可以解決.
而去見輔導就50min一次..一對一.第一次係睇下個小朋友發生咩事,嚴重就要見..唔嚴重就係電話講..第二次見佢講個小朋友發生咩事同埋了解家庭狀況(最好兩公婆去啦)..咁每次見佢都收錢.我仔療情要8堂..不過去到5-6堂已經好番啦..佢會叫你唔駛再黎..佢唔會拖你..因為佢好忙..成日有full哂..好多時佢比時間你..
希望幫到你~
原帖由 chunkiuBma 於 10-4-29 10:37 發表
BERRYTOTO,
你好,剛剛睇到你個仔既故事,好想你可以幫幫我,因為我個仔現在4歲情緒方面好有問題,發現既時候仲好細
我記得佢1.5歲開始返育嬰院,開頭幾日都好好,我見佢ok就開始延展,到我接佢已經覺得佢好唔開心,出左課 ...
作者: chunkiuBma 時間: 10-4-29 16:12
多謝晒你既資料,非常有用呀,我打左電話去問,等緊回覆
我自己亦都book左4/5去健康院見姑娘,諗住兩邊一齊睇,希望可以盡快幫到個仔
都想問問你,你細既小朋友有冇學左哥哥一啲唔好既行為,因為我好擔心妹妹會不經不覺學左哥哥啲嘢
作者: BERRYTOTO 時間: 10-4-29 16:44
妹妹一歲三個月啦..開始有D執著LA,不過唔係哥哥問題~
係妹妹自已問題~有時哥哥叫左妹妹唔好咁呀..正確用途係點做呀..妹妹都唔聽繼續做佢自己想做..然後打哥哥~~
原帖由 chunkiuBma 於 10-4-29 16:12 發表
多謝晒你既資料,非常有用呀,我打左電話去問,等緊回覆
我自己亦都book左4/5去健康院見姑娘,諗住兩邊一齊睇,希望可以盡快幫到個仔
都想問問你,你細既小朋友有冇學左哥哥一啲唔好既行為,因為我好擔心妹妹會不經不覺學 ...
作者: 小新媽媽 時間: 10-5-4 18:03
原帖由 tsznok 於 10-4-16 05:09 發表
每個小朋友都係獨特的, 唔好講到自己囡囡咁蠢咁啦, 佢會 FEEL 到, 唔開心傢~
其實, 好多時我都覺得 "資優" 呢個字眼將事實美化左, 旁人一般對 "資優小朋友" 嘅認知只有 "資質優厚"、"IQ高"、"好叻"、"轉數快"、"讀 ...
另一樣苦係求助無門. 係香港, 支援依d特殊需要既資優小朋友真係少之有少, 尤其係低年班既就更加無.
作者: BERRYTOTO 時間: 10-6-8 09:44
真係好認同一句有苦自己知...D朋友成日就話你就好..有個REPORT比學校考邊間都收...我話我唔會比學校架WOW..我反而覺得可能某D學校見到..知道自己資源有限都未必想收D類學生...本身有諗過讀直資..不過自己諗諗下不如攪珠算吧啦~~反正我簡左學校佢都未必岩...試下先...我都控制唔到~~
原帖由 小新媽媽 於 10-5-4 18:03 發表
好同意~真係有"苦"自己知.
另一樣苦係求助無門. 係香港, 支援依d特殊需要既資優小朋友真係少之有少, 尤其係低年班既就更加無.
| 歡迎光臨 教育王國 (/) |
Powered by Discuz! X1.5 |