教育王國

標題: 希望可以陪仔仔去旅行 [打印本頁]

作者: dedaniel 時間: 09-12-5 23:58 標題: 希望可以陪仔仔去旅行

我希望學校親子旅行可以改在星期六或日，因為我是永遠請不到平日假的媽咪，今次沒有陪仔仔去，令我非常唔開心!

作者: bb媽0米 時間: 09-12-7 09:09

都冇辦法,因為有時就得你又就唔到其他家長,如果安排係星期六日有d家長又未必方便,因為通常星期六日都有其他活動,例如要參加課外活動等等,所以真係要家長去就學校啦!

作者: dedaniel 時間: 09-12-7 20:59

已有大部份幼稚園及小學轉了在星期六或日舉行，我認為最好的辦法是於家長日收集父母的意見，少數服從多數。

作者: hcshiu 時間: 09-12-8 06:14

很多K2和K3的學生在星期六日都會活動或興趣班，如果要改這些班，可能比父母請假更難，因為走了堂要找時間追番，但現實係無額外時間追。所以學校旅行早個多月通知父母，大部份父母都可以預早準備請假，是可以安排得到的。當然，你也可以跟學校反映你的想法。

家家有本難念的經，也許你是真的請不到假，但是將來還有很多事情總要你在平日親自去做，例如不知你將來會否幫孩子考小學，如果會，很多學校是選在平日面試的，你可以不去，由其他人帶去面試，但有些是明顯要面試家長的，如果你不能去，考得入既機會又細左。

話說回來，你說請不到假，但你總有病的日子，總有人要去頂你的位置吧。如果原因是因為你是日薪，請一日假少一日薪金，則我會想，如果學校不能改到星期六日，而你又真的很想去，可能真的要犧牲多一點了。

原帖由 dedaniel 於 09-12-7 20:59 發表
已有大部份幼稚園及小學轉了在星期六或日舉行，我認為最好的辦法是於家長日收集父母的意見，少數服從多數。

作者: HYT 時間: 09-12-8 14:21

原帖由 dedaniel 於 09-12-5 23:58 發表
我希望學校親子旅行可以改在星期六或日，因為我是永遠請不到平日假的媽咪，今次沒有陪仔仔去，令我非常唔開心!

家長日會有[問卷調查]給家長, 若有認識家長也有妳這情況, 不妨一起提出妳的想法, 我相信校長會因應可行性而作出決定

作者: sweetcouple 時間: 09-12-8 14:54

提示: 作者被禁止或刪除內容自動屏蔽

作者: hcshiu 時間: 09-12-8 15:40

現在香港的環境裡做父母真的很難，生活迫人，父母雙職，要交給傭工或老人家照顧子女。

我都因為想多點時間自己照顧女兒，所以在事業上都犧牲了不少，但我自己就覺得係值得既。幼稚園可以陪著子女，比在中小學才陪子女作用更大更深遠。就我身邊所見，有好多父母當中一位，尤以母親為多，辭埋份工來照顧子女。可以既話，係一件好事，當然都係果句，家家有本難念的經。

完全明白樓主心情。如果學校大旅行不能改日子，不知可否每班各自攪小旅行，班主任帶隊，自己一班去，簡簡單單找個營地玩一天，咁班主任就可以容易D安排一個最多家長參加的日子，而且不用好像學校大旅行有那麼多安排，班主任也可以輕鬆點和家長學生一齊玩下營地既設施，傾下偈都得，班主任又可以食飯時候坐埋一齊食，唔洗好似大旅行係咁掛住照顧家長學生，自己無得食。如果係星期六日去既話，都希望學校比番星期一那班放假，等老師同埋學生都可以休息下。

原帖由 sweetcouple 於 09-12-8 14:54 發表

如果我未辭工, 我都係平日一定放唔到假的媽咪! (樓主, 我之前係教中學, 唔知你又係邊一行咁唔人道, 唔俾人請假)

我旅行果日都有同囡囡班主任傾計, 我都話, 好彩我QUIT左, 否則, 旅行、家長會等等, 都唔會有我份! ...

作者: jojoplanet 時間: 09-12-8 15:42

其實一年2次就最好, 一次平日,一次星期六或曰..

作者: bb媽0米 時間: 09-12-9 09:00

我都同意學校一年有2次旅行,一次大攪,另一次細細地自己一班或同一級去已經ok,如果係細規模0既旅行,其實唔需要一定要食埋午飯,請家長自己帶d小食去都得,咁就唔駛一定要去營地0個d地方,可以去多d唔同0既地點玩啦!

作者: dedaniel 時間: 09-12-9 23:08

我就係教小學，無可能請到平日假的媽咪，以自己學校為例，就家長親子旅行放在星期日、有時會在長假期，不論平日、假期，學校工作佔大部份，莫論請假(只有同行才明白我們的份工的壓力) 我想起沒有機會同個仔去親子旅行就好唔開心，非但親子旅行連家長日也在平日，不能出席，作為母親，真係難管自己兒!!

作者: hcshiu 時間: 09-12-9 23:35

我都教過大專，當時未有細路，但係教大專都係請唔到假，呢樣我係知既，其實成個教育界都係，真係真係應該比幾日（可以美其名教師發展日），比老師可以選某些日子放假，學生當日果Ｄ堂就自修咁。我教大專果時，合約寫明一年二三十日假，但係其實全部都只係暑假，平日無得請假，最刻薄係果二三十日假係無薪假期，合約寫明一年十一個人工，係果二三十日假裡，你係員工，但係無得出糧。真係人浮於事，屈得就屈。

香港而家既教育界真係洗到Ｄ老師好盡，教完書仲有好多課外活動，行政工作等等；老師本是最懂得教細路既人，一日當中最多時間反而係去教人地既細路，而自己既細路就要比人地教。老師既地位又越來越低，以前係教不嚴，師之憜，而家係會有家長同老師講，如果唔係我比個子女入黎讀，你學校要殺校，你工都無得做呀。

講番轉頭，我今日接囡囡放學前，同校長談了一會，都提過星期六日旅行既問題，校長話以前試過，但係價錢會貴Ｄ，同埋都係有另一班家長去唔到。我諗大家可以同學校表達下你地既意見，例如寫信或打電話番學校，我覺得校長都好睇重家長既意見，學校會有回應同埋會考慮既。

原帖由 dedaniel 於 09-12-9 23:08 發表
我就係教小學，無可能請到平日假的媽咪，以自己學校為例，就家長親子旅行放在星期日、有時會在長假期，不論平日、假期，學校工作佔大部份，莫論請假(只有同行才明白我們的份工的壓力) 我想起沒有機會同個仔去親子旅行就好唔開心， ...

作者: hcshiu 時間: 09-12-9 23:38

又一村家長日係可以調時間，你可以聯絡學校同班主任講要幾多點先黎到，如果班主任可以等到你，佢地真係好好人咁等你黎。你聯絡學校試試吧。

原帖由 dedaniel 於 09-12-9 23:08 發表
我就係教小學，無可能請到平日假的媽咪，以自己學校為例，就家長親子旅行放在星期日、有時會在長假期，不論平日、假期，學校工作佔大部份，莫論請假(只有同行才明白我們的份工的壓力) 我想起沒有機會同個仔去親子旅行就好唔開心， ...

作者: jojoplanet 時間: 09-12-10 09:10

原帖由 hcshiu 於 09-12-9 23:38 發表
又一村家長日係可以調時間，你可以聯絡學校同班主任講要幾多點先黎到，如果班主任可以等到你，佢地真係好好人咁等你黎。你聯絡學校試試吧。

我想問家長日係點形式架?係單對單?

作者: bb媽0米 時間: 09-12-10 09:53

原帖由 jojoplanet 於 09-12-10 09:10 發表

我想問家長日係點形式架?係單對單?

係呀單對單,老師會係自己班課室見家長,其他家長就要係課室門外0既走廊等候,等候期間老師會俾一個file俾你,裡面有晒你小朋友0既成績表呀獎狀呀等等,仲有一份問卷要你填.

不過由於每個家長見0既時間唔同,有d會講多d,有d就好快,所以未必會照返約定時間見老師,根據上年經驗通常都係遲0既,我試過係走廊等成個鐘先到我tim!

所以最好唔好帶小朋友返學校,除非有其他人可以帶佢去操場玩呀咁,否則要佢地係走廊等咁耐係好悶架!

講開,入課室見老師時小朋友會跟埋入課室,你有你同老師傾,佢有佢係課室玩玩具,但為免小朋友騷擾自己同老師,最好真係唔好帶佢返學校啦!

作者: bearbear2003 時間: 09-12-10 10:13

I also prefer 改在星期六或日

作者: hcshiu 時間: 09-12-10 11:19

如果有人可以照顧個細路，就留比人照顧，自己番去見老師，但如果真係無辦法，都唯有帶埋番去啦。

原帖由 bb媽0米 於 09-12-10 09:53 發表

係呀單對單,老師會係自己班課室見家長,其他家長就要係課室門外0既走廊等候,等候期間老師會俾一個file俾你,裡面有晒你小朋友0既成績表呀獎狀呀等等,仲有一份問卷要你填.

不過由於每個家長見0既時間唔同,有d會講多d ...

作者: bb媽0米 時間: 09-12-10 11:48

原帖由 hcshiu 於 09-12-10 11:19 發表
如果有人可以照顧個細路，就留比人照顧，自己番去見老師，但如果真係無辦法，都唯有帶埋番去啦。

係呀,盡量搵人幫手睇睇啦,因為最多都係一個上午或者下午.

作者: sweetcouple 時間: 09-12-12 23:13

提示: 作者被禁止或刪除內容自動屏蔽

作者: sweetcouple 時間: 09-12-12 23:16

提示: 作者被禁止或刪除內容自動屏蔽

作者: bb媽0米 時間: 09-12-13 15:46

原帖由 sweetcouple 於 09-12-12 23:16 發表

作為老師, 我係PREFER家長日同小朋友一齊返學架.....

雖然我地D小朋友仲細, 未必識聽, 亦未必有心機聽老師UP乜, 但, 個POINT係: 家長日唔係阿媽同老師神神秘秘講小朋友壞話, 而係凡事開門見山, 透明度高.......

...

我都明白你係想俾個小朋友知道自己同老師講左d乜,等小朋友自己知道發生梗乜事!

其實又一村絕對唔會唔俾小朋友入課室,只係我覺得有小朋友係到,佢會周不時行過黎同你講野,叫你陪佢一齊玩,變左會阻住自己同老師講野jei!

而且,老師係小朋友面前講返小朋友有咩問題,小朋友聽到會唔會唔開心呢?我地覺得小朋友細,但可能佢係明白老師講0既意思架wo,咁老師係小朋友面前,講野會唔會冇咁方便呢?

又有時,我地會將小朋友係屋企0既問題講返俾老師知,目的只係想問下老師作為家長可以點做點教,咁小朋友聽到,又會唔會覺得媽0米係老師面前講晒自己0既屋企d曳野出黎呢?

[ 本帖最後由 bb媽0米於 09-12-13 15:50 編輯 ]

作者: BBG1 時間: 09-12-25 00:27

教師好偉大架！教到人地D仔女，教唔到自己D仔女架！(我都係)
我個女的kg都係平日去旅行和活動的，我和老公都係去唔到，我有想過在張意見表度寫旅行或活動可否在假日進行？但我想深一層，如果我教的學校也把所有活動放在假日舉行，我就沒機會培D仔女囉！如果學校活動去到就係最好呢！去不到的話，我放假也可自己和仔女去玩呢！如果假日都要培人地D仔女或家長，培不到自己的仔女和家人，會有好多家庭問題架！放過老師吧！

原帖由 sweetcouple 於 09-12-8 14:54 發表

如果我未辭工, 我都係平日一定放唔到假的媽咪! (樓主, 我之前係教中學, 唔知你又係邊一行咁唔人道, 唔俾人請假)

我旅行果日都有同囡囡班主任傾計, 我都話, 好彩我QUIT左, 否則, 旅行、家長會等等, 都唔會有我份! ...

歡迎光臨教育王國 (/)