教育王國

標題: 有冇家長真係完全唔理小朋友功課? [打印本頁]

作者: happy168 時間: 10-2-2 00:00 標題: 有冇家長真係完全唔理小朋友功課?

提示: 作者被禁止或刪除內容自動屏蔽

作者: lauerica 時間: 10-2-2 01:04

有個個都唔會走出來認啦。

作者: pony媽媽 時間: 10-2-2 09:09

唔識做的時候, 阿仔一定會問我, 佢都幾緊張自己的功課。小一時要我坐在旁邊教佢, 小二下學期開始自己搞得掂就反而叫我去做自己野, 做好晒我會check佢d功課, 話佢知你做錯邊題, 佢只係話"哦"說不會改返, 因為可以溫書時知道自己邊度唔識喎...

我朋友就想個仔有返d責任感, 所以唔會跟d功課,如欠交被老師罸才會更上心喎, 不過反而老師罵果個係家長, 話我朋友唔跟緊d, 其他家長都唔會好似佢咁唔理個仔喎, 唉~想訓練下自己個小朋友都唔得, 佢話好無奈...

作者: LoveChild 時間: 10-2-2 09:41

囝囝小一, 我都係等佢做完, 我幫佢睇下, 錯了就改, 無錯就佢自己收拾書包, 但係我多數無幫佢再睇下有無帶齊書, 有時佢都會帶漏, 我覺得無問題, 因為而家小一, 錯了都會接受, 同可以改, 我唔想佢到了高年班指"意"我, 呢D係責任的訓練

作者: silvia_ng 時間: 10-2-2 10:14

原帖由 LoveChild 於 10-2-2 09:41 發表
囝囝小一, 我都係等佢做完, 我幫佢睇下, 錯了就改, 無錯就佢自己收拾書包, 但係我多數無幫佢再睇下有無帶齊書, 有時佢都會帶漏, 我覺得無問題, 因為而家小一, 錯了都會接受, 同可以改, 我唔想佢到了高年班指"意"我, ...

一樣呀! 我都係等佢有需要時先出現。不過暫時佢都算大頭蝦, 我夜收工時就幫佢唔到(佢已經訓左), 睇到錯就真係唔會幫佢改/叫佢改囉。等佢第時做改正都好啦。

作者: kittylam 時間: 10-2-2 11:39

囝囝小一，我冇跟佢D功課，但都會問佢做曬功課未，執好書包未，佢話做曬我就簽名，當然有試過漏做，書都有試過漏帶被寫手冊，功課對錯我從來不會跟，因為佢寫錯左1個字老師會要佢改正寫一行，佢自己都好緊張

。
不過有功課佢真喺唔識做黎問我，我會教到佢識為止！
等佢自己錯，反而清楚佢邊度唔得，到就考試時我就會找佢曾經錯的地方考下佢。

作者: Skywan 時間: 10-2-2 11:54

我都系咁!想訓練下小朋友。但不會由得佢欠交或唔識做。

低小時等佢做完(如果真系有吾明佢問才教), 整理好書包, 回家后叫佢比家課及手冊 CHECK 有無做齊及帶齊嘢!(因為佢由細到現在都好多甩漏) 只系睇佢有無做齊吾會 CHECK 對或錯, 不過家長要先忍得到見佢啲功課作業花曬, 因為可能吾止錯一題半題, 有机會錯好多, 細個d字大大隻, 所以睇落去會好花。

So far 我覺得系 work 如果吾認同佢會思考返自己錯 model ans 有什么不同之處。對於做錯老師再講解的題目印象深刻好多!

原帖由 silvia_ng 於 10-2-2 10:14 發表

一樣呀! 我都係等佢有需要時先出現。不過暫時佢都算大頭蝦, 我夜收工時就幫佢唔到(佢已經訓左), 睇到錯就真係唔會幫佢改/叫佢改囉。等佢第時做改正都好啦。 ...

作者: 小木偶媽咪 時間: 10-2-2 11:58

囡囡小一,我會幫佢對功課,
而家小二,除左間中佢唔識問我,
其他我唔會幫佢對岩or錯
自己做好,檢查好收拾埋個書包

我同佢講,你自己做完要check功課,
有唔識,我教你,但識既就絕不要錯大意
小二開學時,只試過一次冇帶顏色筆
今次考試,一次錯大意都冇
呢個方法真係好!!

作者: miriam 時間: 10-2-2 13:26

我囡囡 P.1, 我係由得佢自己搞, 總之做完功課對好晒執齊晒先好比我簽名, 發現有錯就遞返比佢自己睇, 但本家課冊我係已經簽左, 佢搵到識改就改, 搵唔到就等做改正.

10 月開始我已經唔會理佢有無執齊書同用品, 試過佢無帶野比老師寫手冊, 我咪話抵死囉, 唔檢查清楚, 而家煩到我要同你簽多個名, 係咪想打呀

作者: happy168 時間: 10-2-2 13:48

提示: 作者被禁止或刪除內容自動屏蔽

作者: happy168 時間: 10-2-2 13:49

提示: 作者被禁止或刪除內容自動屏蔽

作者: happyvalley 時間: 10-2-2 16:53

佢宜家咪就係做緊功課，我咪用呢段時間上下網，我只管佢不要做得太長時間，最好唔好過六點半，因要吃飯和要親子時間。

作者: bigfoothk 時間: 10-2-2 17:21

提示: 作者被禁止或刪除內容自動屏蔽

作者: HPChingchingma 時間: 10-2-2 19:49

我個 p.4 的女女 .由p.2 開始啦.

我跟仔仔用多時間.

她時時跟同學 , 同學的媽咪說 < mami 唔理佢 , 無幫佢溫書 >

[ 本帖最後由 HPChingchingma 於 10-2-2 19:51 編輯 ]

作者: cluk15hon 時間: 10-2-3 21:18

我都識一"D"家長無幫小朋友睇功課,因為她們都無能力.
因為她們的知識有限.

原帖由 HPChingchingma 於 10-2-2 19:49 發表
我個 p.4 的女女 .由p.2 開始啦.

我跟仔仔用多時間.

她時時跟同學 , 同學的媽咪說 < mami 唔理佢 , 無幫佢溫書 >

作者: moondream3003 時間: 10-2-10 15:36

0吾好意思我在這裏插咀. 因為我囝囝只係讀K2.

佢N1 我就開始定了時間比佢自己做功課, 做完比我檢查.

今年佢試過0吾記得做功課, 我係記得架, 不過無提佢, 就咁到第二日佢都0吾記得, 結果, 我寫了便條比班主任知, 班主任要佢遊戲時間做番, 我都知我好"雖", 不過我想讓佢知學習係佢架, 功課係佢架, 書包都係佢架, 0吾係我架, 佢自己要負責.

希望小學都可以啦.

只係分享少少經驗, 0吾好罵呀.

[ 本帖最後由 moondream3003 於 10-2-10 15:47 編輯 ]

作者: 2galma 時間: 10-2-10 15:48

小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係揾人補習啦！｝

作者: bigfoothk 時間: 10-2-10 16:05

提示: 作者被禁止或刪除內容自動屏蔽

作者: happyvalley 時間: 10-2-10 16:11

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係揾人補習啦！｝ ...

唔適先問，要問先答，學習自己照顧自己。

作者: kellyly 時間: 10-2-10 17:32

功課我都會跟
但執書包我就唔理LA,我要佢自己搞掂,而家間唔中都會執漏
呢D係佢要負既責任.

作者: CrabPincers 時間: 10-2-11 20:22

我女由小一到依家六年級, 我都未跟過佢功課, 亦未幫佢執過書包

試過有時數學10題錯8題, 或者中文作業拿個c 返黎, 但我覺得, 比老師改完, 等佢再改正, 印象會深刻過我point 埋個錯處比佢

作者: kikiboy 時間: 10-2-12 13:59

我識得有個人個仔同婆婆住, 功課/溫書真係冇人理, 手冊都係小朋友自己簽名.
P.S. 父母係親生嘅, 不過要返工, 所以小朋友喺婆婆度兩個人住.

作者: kikiboy 時間: 10-2-12 14:02

原帖由 CrabPincers 於 10-2-11 20:22 發表
我女由小一到依家六年級, 我都未跟過佢功課, 亦未幫佢執過書包

試過有時數學10題錯8題, 或者中文作業拿個c 返黎, 但我覺得, 比老師改完, 等佢再改正, 印象會深刻過我point 埋個錯處比佢 ...

我有時都唔係好明, 點解功課要喺屋企改好晒先交返學校? 如果改好交返去都仲係有錯, 咪即係家長水平有問題或者家長CHECK得唔够細心囉.
我哋以前讀書喺老師改架嗎.

作者: miffy 時間: 10-2-12 16:21

提示: 作者被禁止或刪除內容自動屏蔽

作者: sadman 時間: 10-2-16 00:38

我仔P.1~P.2,他每做完功課,都要重讀兼解釋一次我聽,有錯的話,我叫他重做,除非他不懂..我會詳細解釋兼再出題俾他做.一般檢查要1小時.

作者: aryee 時間: 10-2-18 10:59

我分幾樣：執書包，小朋友負責。功課錯，我負責。字體唔靚，老師負責。

我仔一開始就自已執書包，初時我有check，但小一2nd term就開始完全唔check。

功課我會選擇自己跟，但一定要佢自己一個響房做，做完我先入房check。我覺得，如果唔理，學生有錯，老師都只係打個交叉，然後係咁椅講解下，比返正確答案，全班咁多人，老師唔可能針對個別學生唔明白既地方。但家長唔同，我會引導佢諗正確答案，針對佢唔明白既地方比加強練習佢，我覺得咁樣對小朋友效益大d。我仔唔明一題，我起碼花十數分鐘教識佢，比好多題類似題目佢做，做到我認為佢真係明為止，試問老師又點會為個別學生十數分鐘呢﹖

但講到字體唔靚，我就一定唔擦，等佢俾老師鬧，因為呢樣，我又覺得老師出聲好過我出聲。

[ 本帖最後由 aryee 於 10-2-18 11:03 編輯 ]

作者: ^曾小姐^ 時間: 10-2-18 15:10

我完全唔放心,所以我會暫時跟足佢所有野,雖然話我個小朋友讀小一,但心智仲係得k.2(俾多佢)
班主任曾經同全班講,欠交野一定無我個小朋友份

作者: judy 時間: 10-2-18 15:32

原帖由 aryee 於 10-2-18 10:59 發表
我分幾樣：執書包，小朋友負責。功課錯，我負責。字體唔靚，老師負責。

我仔一開始就自已執書包，初時我有check，但小一2nd term就開始完全唔check。

功課我會選擇自己跟，但一定要佢自己一個響房做，做完我先入房check。我覺得，如 ...

剛好相反，我会執靚佢手字，功課一般看過就算，有錯，留給教師改。咁做有二大原因。

1. 教師透過改功課，明白学生的進度。學生錯得多的地方，可能是教得太快，或是表達得不好，教師有機会总結檢討。

2. 考試時，知道自己平時錯過的地方，可做重點温習。

作者: moyan 時間: 10-2-19 02:11

我唔理架
留番比老師改
我要返工, 有時間都温書啦！
不必做埋老師嗰份:loveliness:

作者: snoopymama 時間: 10-2-20 09:25

有上親子王國的人，一定有跟功課和温習。

原帖由 happy168 於 10-2-2 00:00 發表
有冇家長真係完全唔理小朋友功課, 由得佢欠交或唔識做?

作者: pigpig1971 時間: 11-3-3 09:22

睇完以上ma Ma的回應, 我都打算放手不理我囡的功課.....
原因, 佢太心散...似住有人睇功課, 冇心機唔上心.... 做功課粗心大意.. 佢心想有人跟, 所以椅賴.
其實佢小一小二都ok , 但一上小三. 佢就放鬆.. 佢不緊張, 反而我緊張...

作者: JuiceMum 時間: 11-3-3 09:42

提示: 作者被禁止或刪除內容自動屏蔽

作者: qkhui 時間: 11-3-3 09:59

我仔仔小三, 第一次派成績表見家長時, 老師叫我要同個小朋友努力o的, 我跟老師說我滿意仔仔成績的. 我諗住慢慢放手比佢自己, 老師叫我唔好.. 佢話要keep 住.. 你話.. 有時係老師唔想家長放手

作者: cathy6710 時間: 11-3-3 10:38

囡囡小一，作業除非佢問我，否則我唔會理，只提醒佢收書包時自己再CHECK多次，確定做哂功課再簽名。小一第二個月開始，佢自己收書包，我再無插手。

今次測驗，因冇幫佢溫書，考得不如意，佢好唔開心，咁我就趁今次教佢點溫書，希望佢下次可以進步

我覺得最難的、係點放手；放手之後，小朋友係唔係可以即刻上手上心。如果係，咁我們就放心好多；如果唔係，咁我會退返幾步等佢。

作者: grace_xian 時間: 11-3-3 11:19

哈哈, 呢句回答有智慧

多與少而己, 每個小朋友都不同的, 你知道咗人哋小朋友不用跟又點呢, 咩得個恨字

原帖由 snoopymama 於 10-2-20 09:25 發表
有上親子王國的人，一定有跟功課和温習。

作者: idy926 時間: 11-3-3 12:18

我女小一，Math老師話，最緊要家長幫下睇睇佢地有無做漏題目，但就不必check啱吾啱，方便佢地掌握小朋友進度，因數學一有野click住就好難學上去，如果家長同佢改左，佢地就吾知佢吾明，我幾認同佢做法。無耐後，學校就比notice部份小朋友課外返校補底（免費）.

其他功課吾識就教，我吾識就講明我無得教，如國語，叫佢自己上堂留心，咁佢又學得幾好，我巳講明佢大個D我都吾會教倒佢，D野咁深，希望佢吾好依朿...不過咁講啫，到時如果佢吾惦都係要揾人教的。

我都聽過有家長話，咁細個，功課吾洗咁緊張
（因佢小朋友欠交比老師寫手册，佢吾多同意），咁幾難培養小朋友責任心...

作者: easybring 時間: 11-3-3 12:56

same case. 我好想放手, 但一定要跟少少. 仲係有心散.

原帖由 cathy6710 於 11-3-3 10:38 發表
囡囡小一，作業除非佢問我，否則我唔會理，只提醒佢收書包時自己再CHECK多次，確定做哂功課再簽名。小一第二個月開始，佢自己收書包，我再無插手。

今次測驗，因冇幫佢溫書，考得不如意，佢好唔開心，咁我就趁今次教佢點溫書，希望佢下次 ...

作者: kwan1981 時間: 11-3-3 14:57

原帖由 aryee 於 10-2-18 10:59 發表
我分幾樣：執書包，小朋友負責。功課錯，我負責。字體唔靚，老師負責。

我仔一開始就自已執書包，初時我有check，但小一2nd term就開始完全唔check。

功課我會選擇自己跟，但一定要佢自己一個響房做，做完我先入房check。我覺得，如 ...

我同你相反：功課錯，老師負責。字體唔靚，我負責。
另外，我會將佢做錯的工課抄落我自己的記事簿（專記阿仔D工課），等有時間（姐係星期六、日）再抄俾佢做，睇o下有冇再做錯，如果再錯，我會解釋俾佢聽，引導佢去思考題目，唔會講個答案俾佢聽。

作者: 芝麻街 時間: 11-3-3 22:02

原帖由 judy 於 10-2-18 15:32 發表

剛好相反，我会執靚佢手字，功課一般看過就算，有錯，留給教師改。咁做有二大原因。

1. 教師透過改功課，明白学生的進度。學生錯得多的地方，可能是教得太快，或是表達得不好，教師有機会总結檢討。

2. 考試時，知道自己平時錯過的 ...

好同意你嘅講法~~

我兩個小朋友嘅功課同書包, 我都唔理, 由得佢地錯同漏,
但最值分享嘅係大囡嘅英文功課, 成日都攞c / c - , correction 之後, 佢都仲要錯, 即係 re-correction, 但我都唔理佢。
我有問佢, 你老師唔罵嘅咩, 佢話無喎,

(比著我係老師實罵吖)

但佢考試最好嘅成績就係呢位老師教嘅科目, gs 同英文,
(佢地兩個係學校成績都係中上, 其實, 我都好滿意:loveliness: )

* 佢地都無補習, 無買補充, 但我係全職家庭主婦

作者: idy926 時間: 11-3-4 11:02

摛晚問亞女：不如遲D mommy吾同你Check功課啦，我見你D功課都識做，係衰吾小心啫，同漏做，你小心D咪得lor.
跟住亞女面有難色，

我就dup佢高帽：你大個女啦，其實你好叻女㗎，可以擔到責任啦，不過有吾識就緊係要問我啦，我會教你㗎嘛...
亞女即時換左個happy face

：咁幾時開始呀？
我：兩個月後？
女：點解吾係今日呀？
我：好呀，如果你想...

到亞女做完功課，我又“發作“想攞黎睇，亞女C攬住吾比：我識呀你又話吾check ...

做家長，真係要學放手，心癢癢....

作者: miffy 時間: 11-3-4 12:23

提示: 作者被禁止或刪除內容自動屏蔽

作者: joeylin1017 時間: 11-3-4 12:27

我唔會唔理架,
但係一定要教到佢識為止, 唔可以幫佢做,
但係又唔提示佢,不過會同佢講解

作者: 好命婆 時間: 11-3-4 16:51

我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會上堂講課一次, 做一次練習, 然後expect你會學識, 如果仲未完全學識, 父母回家請跟進, 不要防礙其他同學的進度。

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係揾人補習啦！｝ ...

作者: BookloverJ 時間: 11-3-4 17:04

提示: 作者被禁止或刪除內容自動屏蔽

作者: peggy 時間: 11-3-5 12:47

原帖由 好命婆 於 11-3-4 16:51 發表
我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會 ...

囡囡今年p2, p.1返了2個月學開始, 我就冇再跟功課, 佢唔識先問我, 書包自己收拾 , 咁佢d功課都好少要改正.
溫習都會自動自覺, 做完補充練習, 我會被answer叫佢自己對, 錯了先會同佢解釋 , 基本上我不用操心,
上學期剛派了成績表 , 我十分滿意

作者: skate 時間: 11-3-7 10:22

我小朋友小一時老師也叫我自己補習, 甚至叫我
請私人補習老師上門. 都唔知而家D 老師點教學,最慘就係仲要比學費.

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係人補習啦！｝ ...

作者: pretty05 時間: 11-3-11 12:33

我仔仔小一, 都係好心散, 上學期因初入學我一直有跟功課, 因成日粗心大意, 又求其, 基本上我放工返去係要擦過晒, 重新做過. 一d都唔緊張自己既野, 好像指意晒我去同佢check咁.

到家長日, 我順便同老師講呢個問題, 老師送 2個字俾我 "放手"

你放手喇, 由今日開始唔洗再同佢跟功課, 無論佢做成點, 做漏功課, d字幾丑,都由佢照交, 唔好理, 老師觀察一段時間後,會同佢傾傾

會話佢知有咩後果, 俾佢明白呢d係邊個既責任.

作者: 大傻蛋 時間: 11-3-11 14:24

我係呀, 完全唔理。

係考試前才會溫一溫, 平時唔會理。

我囝今年3年班..由他幼稚園開始都無理他功課..幼稚園因為延展放7點..會食埋飯同做埋功課(老師會教),小學因為有功輔班放6點半,會做哂功課同溫哂書(老師會幫他檢查功課),平時只係催他每天做公文數及英..最不好就是我囝學校成日要剪報或找有關圖書或習誌野(科科都要,連體育/音樂都有..)..基本上都係我老公幫他做的..他只負責寫讀後感想..每次都係寫我好開心..給他氣死了..

歡迎光臨教育王國 (/)