教育王國
標題: 私家醫生評估係自閉,係咪最好去政府再評一次呢? [打印本頁]
作者: 紫紫 時間: 10-2-20 02:13 標題: 私家醫生評估係自閉,係咪最好去政府再評一次呢?
囝囝2歲, 剛剛做完仁安的評估, 個醫生話佢係自閉, 但係, 我回家再觀察, 越想越不太對,其中有好多灰色地帶, 有少少是因為醫生問什麼就答什麼的情況, 另外就係,個醫生同佢測試用的玩具, 囝囝根本完全未玩過呀~ 1套煮飯仔,1套床具+人仔.
好以叫名不應, 2歲前的確係咁樣, 但是現在叫佢個名字, 10次有9次都會擰頭望下你, 咩玩具都玩, 都岩, 當然仲會玩下車碌, 食得訓得, 聽住歌仔會跟住哼音樂,但係就未識講野,出街一定周圍望, 不過,真係幾獨立下, 只要你陪著佢,拍拍佢, 佢就會係床到自己訓, 仲知道換好睡衣就係要訓覺, 見到牙刷識得畏大口給你刷乾淨, 佢的確比起阿哥家姐頑皮, 但是被我教訓時, 也懂得睇我的臉色呀, 還會走去搵靠山, 睇誰可以保護佢不用被媽媽鬧, 另外, 經常笑迎人,
最嚴重, 未識講野, 喜歡自己玩,你教佢野, 好多時不太理你就真, LN老師話佢適應慢, 一個月了還未能適應學校,
這樣的他真的是自閉嗎?我真的非常欵惑
我而家諗住, 一路上私人治療,及上住幼兒班先, 但係不知道咁樣對囝囝係咪好事, 係咪真係好似個醫生講要去D 咩特殊幼兒中心呀, 仲有呀, 間學校雖然係咁講佢地曾經有收過這類學生, 但是講到囝囝的情況, 還說要看囝囝的報告, 感覺上, 好像不太想繼續收囝囝, 這間學校還要是大女及大兒子的畢業學校,一直老師都好細心的學校, 唉~~
應該點做好呢? 有什麼學校可以給仔仔轉校嗎? 還是先停學, 做好訓練, 再去考學校好呢?
作者: Capricorn2521 時間: 10-2-20 11:10
以你描述，2歲能洞察身邊的事物，有所反應，情況應該不會太差。
有兄姊作模範，2歲未識講野(未有單字?)，媽咪一定擔心，私人治療應該去，參考吓意見。
2歲未必人人ready返學，很多幼兒專家建議3歲才上學，尤其係男仔。
自閉主要係溝通問題，情況人人吾同，咁細個吾應該標籤佢係乜係乜，只要有父母的關心及教導，小朋友將來一定係一個有用的人。
[ 本帖最後由 Capricorn2521 於 10-2-20 11:58 編輯 ]
作者: 紫紫 時間: 10-2-20 12:00
Capricorn2521
謝謝您
佢就係連單字都未識,
基本上每日放學去接的時候, 老師都會話佢乜乜咁, 作媽媽的實在有點難受, 老師雖然好好心咁講, 叫我比個報告佢地睇下, 跟住要點幫佢, 但是每日同我講的時候, 又有D係咁講, 佢什麼不足的感覺, 而且個醫生仲講話一定要去上什麼特殊幼兒中心, 真係好擔心.
其實這個幾月以來見到囝囝好大進步, 但係佢真係好固執下,想要果樣就扭好耐, 或者咁樣造成老師的困擾吧.
所以係咪真係停學, 比佢地去上一些一至五的專業訓練課程, 之後再入學, 對他會比較好呢? 希望經驗媽媽們可以給我些意見, 謝謝大家
原帖由 Capricorn2521 於 10-2-20 11:10 發表 
以你描述，2歲能洞察身邊的事物，有所反應，情況應該不會太差。
有兄姊作模範，2歲未識講野(未有單字?)，媽咪一定擔心，私人治療應該去，參考吓意見。
2歲未必人人ready返學，很多幼兒專家建議男仔3歲才上學。
自閉主要係溝通問題 ...
作者: Capricorn2521 時間: 10-2-20 12:58
好明白你的感受。回想起9月初開學時我仔仔都有十分固執的情況。不過，每間學校的政策不同，如何安排入學事宜真係好難講。其實可否同學校商量一下，比佢每日返住一個鐘先，情況許可再加鐘呢? 當返playgroup 囉。這樣可以舒緩老師的壓力，對小朋友包容多d。而且，可以比小朋友慢慢適應學校生活。
如果學校不接受，問可否你陪上課一部份時間呢? 再問吓佢地有冇其他建議可以幫助到小朋友，問吓以前係如何處理的。
而經濟許可或你擔心自己不懂得處理及教導小朋友，當然上一至五的專業訓練課程(私人s位)比較好，起碼他們比較專業及包容性較大，不過好貴，未必人人能負擔得來。
不過，我見市面上都有一些2-3歲私人或機構開辦的幼兒學習小組，一班約4-8人，小班可能會適合某些發展較慢的小朋友。
至於係吾係要讀特殊幼兒中心，排到先再考慮。可能要等1年。
話事話，不理自吾自閉，小朋友有主見雖然係好事，不過幼兒期乜都吾識，就最好吾好比太大自由度佢，媽咪都要預定這幾年會教得好辛苦。加油 !
[ 本帖最後由 Capricorn2521 於 10-2-20 13:04 編輯 ]
作者: rpang001 時間: 10-2-20 15:52 標題: 回覆 2# 紫紫 的文章
我既情況妳可參考：
仔仔2歲半才評估為自閉,入普通幼初班因面試表現差唔收,所以去私人訓練中心上住小組共約9個月[因排i位未必即刻有],執正d手眼協調,言語和自理,到幼兒班k1就入i位幼兒學校,因當時巳有大改善,自己考普通幼兒班學校都有2-3間收,當然i位就有較多在校專業支援。
作者: 紫紫 時間: 10-2-20 17:22
謝謝各位媽媽
我會再跟老師及校長談談, 或者真的只上1-2小時,以及建議看看是否可以給家長陪上課, 等兒子慢慢適應, 這個老師畢竟是大兒子之前跟的老師, 一直都是一位頗為熱心的幼兒老師, 在校內已7年,是專教幼兒班的,而且囝囝在校內都好肯跟這位老師,
不過點都好, 我都去左領思預約了做言語及職業治療的評估,另外, 又會幫佢報playgroup星期六去上下,等佢見多d世面,
其實有少少怪自己啦~ 之前真係好小時間照顧這個小兒子, 這2,3個月裡面, 經常帶住佢在身邊, 去那裡都跟住, 在家也分多些時間同他互動一起玩,見到囝囝比以前進步很多~~
希望來緊的訓練課程可以幫到佢吧~
作者: SandraLo 時間: 10-2-20 22:34
原帖由 紫紫 於 10-2-20 02:13 發表
囝囝2歲, 剛剛做完仁安的評估, 個醫生話佢係自閉, 但係, 我回家再觀察, 越想越不太對,其中有好多灰色地帶, 有少少是因為醫生問什麼就答什麼的情況, 另外就係,個醫生同佢測試用的玩具, 囝囝根本完全未玩過呀~ 1套煮飯 ...
2歲咁細真係好難咁快就話佢係自閉, 重要係由醫生話...
查實醫生對小朋友同佢地嘅學習情況嘅經驗係好有限, 佢地都你揸住個checklist睇下你囝囝中幾多樣..... 見教育心理學家做評估會好d, 佢地日日都見好多個, 背景/經驗都同幼兒教育有關.
你暫不用太担心他是否自閉, 全力去幫他落後的, 同時都排番政府做assessment.
作者: 紫紫 時間: 10-2-20 23:06
幫我仔仔做評估的醫生, 係兒童發展評估的專科醫生, 咁教育心理學家, 係咪好不同?
教育心理學家的評估, 是否指在Links 那裡的言語職業等的評估呀? 我已經預約了在Links先做評估了, 另外, 不放心, 亦都BOOK了STEP 的言語評估
唉~~仔仔就係中左那份checklist 入面的好幾條囉~
咁樣夠不夠? 協康會的, 只是評估都要1-2個月, 太久了
作者: tonicJ 時間: 10-2-21 15:11
我本人覺得有少少似都要增加訓練，何況經醫生評估後更加先取其報告去政府排隊睇下有咩幫佢，如果係輕微的人地都唔費資源俾你。到你攪一大輪再排學校有排你等
作者: SandraLo 時間: 10-2-21 18:06
原帖由 紫紫 於 10-2-20 23:06 發表
幫我仔仔做評估的醫生, 係兒童發展評估的專科醫生, 咁教育心理學家, 係咪好不同?
教育心理學家的評估, 是否指在Links 那裡的言語職業等的評估呀? 我已經預約了在Links先做評估了, 另外, 不放心, 亦都BOOK了STEP 的言 ...
查實你不用再花錢做評估, 因你已大約知囝囝乜嘢落後, 排番政府做assessment係攞個2nd opinion順道排埋d 學校 / service等！
教育心理學家所做嘅叫智能心理評估, 會全面咁睇小朋友, 詳情可响特殊教育版揾Dr.T問吓！
作者: 紫紫 時間: 10-2-22 01:15
謝謝各位,
我想做多個評估係因為佢而家讀緊的幼稚園要睇報告, 所以一心只係想有一份可能寫得好小小的給學校看而已, 之前個醫生的報告我未收到, 但係,傾談中感覺講得好嚴重,實在不放心,做多份,當係買個安心的希望
今日帶仔仔去左太子跟佢哥哥一起上一個籃球體能班, 家長不可以陪, 估不到表現在我想像之外, 全程都好活潑,見到哥哥係度玩射籃, 又走埋去射埋一份, 又不怕個導師,仲肯主動去拖個導師幫佢去玩跳彈床喎, 只係有少少想哭, 跟住好快又無事一齊玩~~個導師也非常世心, 仲會訓練小朋友跟佢要怎麼溝通, 我親眼睇住佢捉住另一個小朋友, 講話, 望住我講啦(我見個小朋友,都有成日避開個導師的眼神)~尼間不是什麼特殊訓練中心, 只是體能班, 估不到導師對幼兒咁有耐心同有心機教, 囝囝同哥哥都係果度玩得好開心.
不過, 我只係講左囝囝好自我, 性格同佢哥哥好不同, 但係個導師表示, 自我的性格適應力會比較差小小, 不過慢慢就一定得的, 導師都睇到囝囝有時會自己走開去玩, 仲話之前都好幾個咁樣的小朋友, 一般三個月左右就會好好多.
回到家裡, 囝囝居然活學活用, 在堂上學了怎麼滾地, 回到家裡又在地蓆上想滾, 但係又未係好滾到,跟住我走埋去幫一幫佢, 哈, 居然滾到笑騎騎, 希望繼續這樣下去, 囝囝能很快追回進度啦~~
[ 本帖最後由 紫紫 於 10-2-22 01:18 編輯 ]
作者: Capricorn2521 時間: 10-2-22 18:01
聽到都開心.... 
小朋友嚴吾嚴重，做媽咪的，是最清楚。我吾係懷疑醫生的專業資格，不過在短短1-2個鐘，未必能真實地反應小朋友的問題。仲有，人是活的，千變萬化。不同環境下，反應不同。加上幼兒期發展未穩定，具有很多潛能及未知之數。
另一方面，我明白醫生可以做的吾係太多，只可以盡他能力，寫一個報告比你，以助你去申請訓練之用。
你說得對，小孩係好需要父母在身邊。我這個星期日日帶仔仔出去拜年，佢表現好好，冇發脾氣，可以同表哥表姐相處和睦，星期六上小組安坐沒有扭計，導師讚佢，連幼兒園老師都讚佢放假後乖咗呀!
原帖由 紫紫 於 10-2-22 01:15 發表
謝謝各位,
我想做多個評估係因為佢而家讀緊的幼稚園要睇報告, 所以一心只係想有一份可能寫得好小小的給學校看而已, 之前個醫生的報告我未收到, 但係,傾談中感覺講得好嚴重,實在不放心,做多份,當係買個安心的希望
...
[ 本帖最後由 Capricorn2521 於 10-2-22 18:08 編輯 ]
作者: 紫紫 時間: 10-2-22 22:56
Capricorn2521
你就好啦~~~ 我個仔今日開學喊到7彩, 無陰公, 仲以為佢係籃球班表現不錯, 應該唔會再番學時,喊得太緊要吧, 點知2HR入面, 全程喊住上堂, 唉~~~
我看還要再多些時日才會有好轉, 希望在復活長期之前, 佢可以適應到啦~~~
小朋友的確需要父母的細心照顧, 發展的確只跟工人老人家好不同, 真係好後悔之前的2年,無比多d時間尼個細仔.
最近有少少心酸, 雖然而家都肯跟住我出出入入, 出到去亦都痴實我, 但係回到家, 就要工人, 想同佢玩具教下佢都有難度, 再加上, 佢做錯事時亂掉玩具被我教訓時, 又有佢阿爺頂住~~
唉~~~真係頂到想心口, 如果早知會有個需要特別照顧的兒子, 當初就不好提意老公同老人家一齊住啦~~~
真係有d拎石頭掉自己隻腳的感覺
而家都唔知會點, 個孫喊2句就即刻抱走佢~ 真係前途多災多難~~ 可能可以做的只可以多些帶佢出去上訓練課吧, 留在家裡的時間要來睡覺好了~~唉~~~
作者: Capricorn2521 時間: 10-2-23 17:13
原來係縱壞....
實不相瞞，我仔仔15-18個月跟我出去同朋友相聚時，我很多朋友已明示暗示過我寵壞了孩子。當時我不認同，認為要培養他主動及自信心，比佢自由發揮。奈何當佢2歲..成個小霸王，發大睥氣，硬頸，目中冇人.... 上18-24mths playgroup吾聽指令，老師還說仲細，是這樣的。到2歲後，我開始著急，擔心佢咁樣吾知點樣返學。又剛評估完，又未懂說話，d訓練導師叫我要順佢意，吸引佢對人的興趣，而教佢說話。我唯有照做。但當我吸引了佢鍾意同我玩之後 (約3個月時間)，因為佢的睥氣同固執依舊不變。我就開始嚴厲地教訓及教導佢，會打會罵，好堅持。因為我意會到，如果我再吾出招，佢只會更加目中冇人，完全係心口有個勇字。佢愈來愈大，我就愈難教。想起這半年多，同佢好多時角力，日日家嘈屋閉，但我心中知道過了這一關，我會看見太陽的。現在.....佢仍然係老師心中比較情緒化的學生，開心時會唱歌，同你笑，逗你玩，不開心時會發睥氣，喊同掉野。但比起9月初開學時訓地的情況，已經改善了很多。
希望你也能堅持，兒女是我們的，加油!
[ 本帖最後由 Capricorn2521 於 10-2-23 17:49 編輯 ]
作者: 紫紫 時間: 10-2-23 21:56
Capricorn2521 謝謝!
我都好明白尼個道理, 仔仔的哥哥家姐都係我帶大, 老公亦都好合作, 應該鬧或罰的時候, 不會阻住或幫住世, 但係事後會幫手解釋比仔女知到底做錯咩事, 所以哥家姐,都好好地, 小小任性當然有, 但係不是太過份,朋友都好讚許他們.
到第三個仔, 出事啦, 衰多口話左同老人家一齊住, 做咩都好似係我錯咁, 個孫喊2句都話我,話佢仲細唔識野, 真係好鬼慶, 就係因為細個先至要教, 我而家前面放住成坐山係度, 根本不知點行好, 仔仔發皮四亂掉野,教佢鬧幾句都不得, 又費事係家裡同老人家嘈, 唉~ 真係不知點好, 原本可以番半日工, 多半日係家裡攪掂個仔的, 而家都費事, 面阻阻咁~ 我都好想堅持, 但係不知點堅
好在今日去STEP度做左次語言治療, 仔仔比第一次去見醫生時, 進步神速, 雖然仲未肯講, 但係開始有想講的積像, 玩遊戲的技巧, 亦都比之前叻左, 仲有呀, 第一次教佢同BB梳頭, 一教即會,仲會識得幫我梳添~~ 真係安心左, 不過, 而家小左時間同佢玩, 都不知點算~ 唉~~
作者: Capricorn2521 時間: 10-2-24 10:42
聽咗咁多，我覺得你個細仔好聰明，不過佢好有主見，不容易聽別人說話。因為咁樣，你更加不可以讓步。至於老人家方面，可否由你先生出面解釋一下呢? 首先要說服你先生管教一致的重要性，尤其對這樣聰明的小朋友。我自己經驗是：在家不能馴服小孩，在外面很難成功，孩子會知道你的弱點，旁人也會給你白眼。不知你小孩是否一樣? 如不是的，就冇問題。
另外，點解上言語治療ok，但返學又喊得咁慘呢?
作者: 紫紫 時間: 10-2-25 16:11
我都不知, 可能好似老師咁講, 佢適應能力低吧,
但係, 佢平時去街, 不怕生保地方架, 第一次去 step, 行到個治療室, 經過d枱呀椅呀玩具, 已經自己走埋去玩, 跟住我叫佢入治療室, 都完全無問題, 全程同個治療師, 玩得不知幾開心.
但係去到幼稚園, 就完全不同, 喊住口入去, 都係佢又不抗拒喎, 一路喊一路行入課室, 到家長要走自己留係放室, 就起勢係咁喊, 我都不知點解,
昨天, 老師又打電話比我, 話阿仔, 仲未冷靜, 適應到, 又變左好似初初番學咁樣, 喊到拆樓咁大聲, 仲話咩攪到老師夜晚訓覺都會發夢聽到, 話阿仔真係有d 難攪, 唉~~講到我都不知點算好, 唔通真係要轉校~~ 唉~~
請問有冇經驗媽咪可以比下意見, 點樣令小朋友可以更容易應環境, 但係, 我平時同佢去街, 去食飯m記,去畫畫班,去治療又無問題, 真係傷透腦筋 ~~
[ 本帖最後由 紫紫 於 10-2-25 16:13 編輯 ]
作者: pipi331 時間: 10-2-25 23:52
提示: 作者被禁止或刪除 內容自動屏蔽
作者: 紫紫 時間: 10-2-26 01:36
學校完全知道佢的情況,我個仔就係番左nursery之後,老師叫同佢睇醫生的,不過, 我仲未有報告比老師睇而已, 已經有帶埋平時最喜歡的毛巾去番學了, 但係主要問題係, 佢不喜歡就係咁喊, 仲要好鬼大聲, 仔仔又好硬脛下, 老師雖然話不要緊, 但係有時又會,漏小小說話我聽下,唉~~總知個心就梗住梗住咁
作者: rpang001 時間: 10-2-26 09:58 標題: 回覆 3# 紫紫 的文章
點樣令小朋友可以更容易應環境....我個仔夠經典!
自2歲起,工人逢星期六放假見唔倒人,就由天光喊到返尼,唔肯食野同訓覺,迫住同佢起出面由朝搭巴士"找工人"到工人翻尼,入讀幼兒班就仲大劑,兩星期適應期要我陪唔單止,入學後3星期我都仲起班道陪住佢,否則大叫大喊,到第4星期先生忍唔住,夾硬拉開佢要我同佢分離,跟住日日返學打大架,唔肯着校服返學,抬佢日日搭的士返學,有時原架的士返家,到校也要2個老師幫手抬佢入班房,入去之前好似樹熊夾實,唔肯同我分離,一星期四日遲到,早退兩日,過3個月後稍為好轉,但一過長假期就重新適應.
平時冇得同我分離,包括落街買野/訓覺,試過行開一陣.佢夾硬冲出門拖住工人起地下周圍找我,去上私人畫晝班,小組訓練,小童群益會的幼童班我都要起隔離,接返/放學找工代都唔得,試過一次就日日唔肯返,仲晚上發惡夢大叫,起入學校門口大喊,我迫住辭工去陪佢
如是這過了2年有多了!
到上個月才願意去搭校車返放工,我才鬆d呀!
但跟住升小一..........返學時間早了,地方唔同了,人都轉了,功課多了,又有默書.....
作者: Capricorn2521 時間: 10-2-26 12:38
到家長要走自己留係放室, 就起勢係咁喊......佢似乎係吾想離開你喎....因為去做治療m記畫班都有你在身邊，佢就安心。看來都係最好你陪佢上堂.....
如果你地有時間的話，可以參加一些親子學前預備訓練小組，在上堂時你可以引導吓佢，返學都可以好好玩的，資料如下：
http://www.rehabclinic.org/images/courses/cc_toddler_apr2010.pdf
http://www.heephong.org/chi/slp/files/1896/青蔥小跳豆%20SLP-PC-PST-G-091(w).doc
http://hhc.tungwahcsd.org/download/events0210-0310.pdf
http://hkcs.org/cdcb/bridge/course/course100410.html
http://www.cpda.com.hk/download/Program_Schedule.pdf
這些課程係由專業人仕帶領，也可請教他們有關小朋友的入學安排。
轉吾轉校....真係好睇你點諗。我有個朋友就因為冇人照顧小朋友，老公已去世，自己要工作，就算個仔由n1喊到k3... 佢都冇辦法。現在回想時，就成日笑個仔果時好醜怪，連d學校嬸嬸都笑佢。
你小朋友係情緒上未適應。我另一個朋友個仔就係身體上未適應，佢病足4-5個月，一個月返得一/兩星期，依家停咗學一個月，下學期都可能是返得30-50%，直至抵制力強d再算。
其實我想講：不好因為返學比咁大壓力自己同個仔。你小朋友才剛剛2歲，可能真係未ready返學，班上其他同學可能已經2.5歲或以上，能力也有差距。如果真係吾得，不好勉強，可以先上訓練小組，糾正吓佢d弱項，到9月先再讀n1做大仔......咪仲好。你再觀察吓同考慮吓啦！
原帖由 紫紫 於 10-2-25 16:11 發表
我都不知, 可能好似老師咁講, 佢適應能力低吧,
但係, 佢平時去街, 不怕生保地方架, 第一次去 step, 行到個治療室, 經過d枱呀椅呀玩具, 已經自己走埋去玩, 跟住我叫佢入治療室, 都完全無問題, 全程同個治療師, 玩得 ...
[ 本帖最後由 Capricorn2521 於 10-2-26 17:44 編輯 ]
作者: 紫紫 時間: 10-2-26 22:58
原帖由 rpang001 於 10-2-26 09:58 發表
點樣令小朋友可以更容易應環境....我個仔夠經典!
自2歲起,工人逢星期六放假見唔倒人,就由天光喊到返尼,唔肯食野同訓覺,迫住同佢起出面由朝搭巴士"找工人"到工人翻尼,入讀幼兒班就仲大劑,兩星期適應期要我陪唔單止, ...
哇, 咁我個仔同你個一比, 真係小巫見大巫, 好佩服媽咪你的耐力, 更佩服你仔仔學校老師們的細心. 我仔仔, 都只係喊, 唔洗抬,都仲肯入課室, 可惜, 學校連咁樣都忍不到, 今日終於開口話, 為左我個仔好, 叫我同佢轉校去特殊幼兒班, 雖然預左, 不過, 聽果刻真係火火地, 平時有都會講到好好聽, 佢地幾細心咁細心咁咁, 預著D真係需要多d耐心的學生就完全轉世樣, 這樣叫做幼兒工作者,=.=|||不過, 唔係班主任叫仔仔轉校, 係校長+個主任, 好在有後著, 已經報左9月開學的其他學校nursery者, 仲已經收左佢.
不過, 想深一層, 我都要多謝學校幫我下決定,在9月開學前, 就專心給一些專門訓練阿仔好了, 今日又去埋領思, 話仔仔主要係語言遲左9個月, train一下, 好快可以追番, 都放心好多, 只係尼間學校, 真係好失望, 枉我之前仲支持左佢地咁耐.
作者: 紫紫 時間: 10-2-26 23:06
原帖由 Capricorn2521 於 10-2-26 12:38 發表
到家長要走自己留係放室, 就起勢係咁喊......佢似乎係吾想離開你喎....因為去做治療m記畫班都有你在身邊，佢就安心。看來都係最好你陪佢上堂.....
如果你地有時間的話，可以參加一些親子學前預備訓練小組，在上堂時你可 ...
謝謝你的訓練小組資料, 好有用呀~~
我會努力, 編好個時間表, 一定會比上學, 學得更多的~~ 幼稚園已經退左好囉, 佢上學的班別, 係同一些一樣是2歲的小朋友一起上課的, 所以老師先有比較, 只不過, 間學校實在有點那個, 平時話什麼樣的小朋友都見過攪得掂, 又這又那的, 到真的需要他們的耐性同包容時, 郤又是另一回事, 這間學校之前看POST都有見過一些媽咪話佢地小朋友被要求退學, 本來有小小擔心,估不到真係咁樣要求, 作為教育者實在是令人失望.
作者: rpang001 時間: 10-2-27 01:27 標題: 回覆 2# 紫紫 的文章
建議入讀(經正常途徑)一些有兼收位的幼稚院，好處係入面已經有些這類的少朋友讀緊，包容性高，校內有兼收老師幫眼看看在正常入學那一堆有冇d類似兼收位的學生，有就安排佢轉兼收位，並提供兼收服務。
仔仔個班就有個例子：起低班發現一個學生有明顯跟唔上，就即刻通知家長帶佢去做評估，証實係就起今年高班比i位佢讀，提供言語和職業治療。變咗唔使重新適應環境，如果起高班都跟唔上，可以决定留班唔升小一住，留翻下年先升。
另一個兼收位例子係：原初起出面讀完幼兒班，今年度有i位轉入尼讀低班，因能力追不上，上咗1個月低班轉翻去幼兒班讀........
作者: 紫紫 時間: 10-2-27 12:18
原帖由 rpang001 於 10-2-27 01:27 發表
建議入讀(經正常途徑)一些有兼收位的幼稚院，好處係入面已經有些這類的少朋友讀緊，包容性高，校內有兼收老師幫眼看看在正常入學那一堆有冇d類似兼收位的學生，有就安排佢轉兼收位，並提供兼收服務。
仔仔個班就有個例子：起低 ...
真的最好入兼收住嗎?如果在這幾個月仔仔有明顯示的進步, 或者已經差不多追到, 不可以一路讀訓練課程, 一路上學, 真的不行?
有沒有keep住上普通學校的可以給些意見, 唔該><
作者: anlywan 時間: 10-2-27 14:42
請問有冇媽咪可以告知點樣可得知一啲有I位的學校嗎?因我都好擔心仔仔日後讀書情況..佢25個月啦評估佢有自閉特徵但我亦認為佢大左未必會有但以架就好擔心佢冇學校收讀幼兒班...所以我想在呢年捉佢去讀似LINKS啲半日制訓練.到11年希望佢可以讀到普通幼稚園....
原帖由 rpang001 於 10-2-20 15:52 發表
我既情況妳可參考：
仔仔2歲半才評估為自閉,入普通幼初班因面試表現差唔收,所以去私人訓練中心上住小組共約9個月[因排i位未必即刻有],執正d手眼協調,言語和自理,到幼兒班k1就入i位幼兒學校,因當時巳有大改善,自己考普 ...
作者: rpang001 時間: 10-2-27 18:24
http://www.swd.gov.hk 有曬
http://www.swd.gov.hk/doc/downsecdoc/ipmanual_c.pdf
作者: 紫紫 時間: 10-2-27 23:42
請問要排位, 是否要拎住評估資料, 去搵社工, 然後才會再安排架?
另外, 我找不到有I位的幼稚園清單, 有冇人可以幫下手? 唔該><
[ 本帖最後由 紫紫 於 10-2-28 00:17 編輯 ]
作者: Capricorn2521 時間: 10-2-28 16:19
資料如下：
幼 稚 園 暨 幼 兒 中 心 兼 收 弱 能 兒 童 計 劃 :
http://www.swd.gov.hk/tc/index/site_pubsvc/page_rehab/sub_listofserv/id_integrated2/
幼 稚 園 暨 幼 兒 中 心 兼 收 弱 能 兒 童 計 劃 名 單:
http://www.swd.gov.hk/doc/rehab/Address%20List%20of%20IP-102009.pdf
近年出生率高，幼稚園不擔心沒有學生，包容性也低了。鋪定多一條後路比自己，都要叫醫生幫你轉介。
原帖由 紫紫 於 10-2-27 23:42 發表
請問要排位, 是否要拎住評估資料, 去搵社工, 然後才會再安排架?
另外, 我找不到有I位的幼稚園清單, 有冇人可以幫下手? 唔該>
[ 本帖最後由 Capricorn2521 於 10-2-28 16:21 編輯 ]
作者: rpang001 時間: 10-2-28 18:41
原帖由 紫紫 於 10-2-27 12:18 發表
真的最好入兼收住嗎?如果在這幾個月仔仔有明顯示的進步, 或者已經差不多追到, 不可以一路讀訓練課程, 一路上學, 真的不行?
有沒有keep住上普通學校的可以給些意見, 唔該> ...
i位孩童如有明顯進步到無需服務,學校就將這兼收學額比正在排隊的其人學生,而願本的那個就繼續起原校就讀,根本冇分別,只係會否提供特別服務.
i位始終都係由一般幼兒學校提供少數學額[通常12個],在正常教學中撥出部份時間和資源[包括聘用特殊老師和言語及職音治療],去令那些有較輕微問題的學童,盡快適應主流教育.基本上課程進度係無分別
作者: rpang001 時間: 10-2-28 18:46
原帖由 紫紫 於 10-2-27 23:42 發表
請問要排位, 是否要拎住評估資料, 去搵社工, 然後才會再安排架?
另外, 我找不到有I位的幼稚園清單, 有冇人可以幫下手? 唔該>
標準做法係經兒童評估中心做評估,再由接手的社工協助安排選擇入讀合適的學位
作者: SandraLo 時間: 10-2-28 21:43
原帖由 rpang001 於 10-2-27 01:27 發表
建議入讀(經正常途徑)一些有兼收位的幼稚院，好處係入面已經有些這類的少朋友讀緊，包容性高，校內有兼收老師幫眼看看在正常入學那一堆有冇d類似兼收位的學生，有就安排佢轉兼收位，並提供兼收服務。
仔仔個班就有個例子：起低 ...
你肯唔肯定係咁？
依家I 位不是由「中央」評估完派位的嗎？咁做豈不是變相容許打尖/偷步？
我認識一個有學校 I 位的幼稚園老師, 佢話佢地最驚就係呢d 情況, 因辦得好嘅學校會幫到小朋友, 咁口碑就一定好, d 人無論係唔係排緊I 位嘅都想入咗先, 湧晒去....... 咁好容易就會好收得太多呢d 仔, 處理唔到......
所謂嘅資源老師本身一樣要負責一般教學, 另加教番特殊小朋友唔識嘅嘢, 基本上唔會有extra time take care其他, 我fd 重話佢嗰間個資源老師超懶, 乜都唔做, 個校長都唔理......
作者: pipi331 時間: 10-2-28 23:31
提示: 作者被禁止或刪除 內容自動屏蔽
作者: 紫紫 時間: 10-3-1 15:32
多謝各位的意見,
不過, 如果去左番私人的 i 位，半年左右再去番普通幼稚園 + 早期訓練, 咁樣得不得架?
另外, 好想仔仔可以讀國際學校, 壓力無咁大, 同埋仔仔好似比較喜歡英文 , 自閉兒有可能入讀國際學校嗎?
作者: Capricorn2521 時間: 10-3-2 16:28
讀國際學校係無咁大壓力，不過小學同中學，學費好貴。而且，生活同工作在香港，唔識中文好舌底。
看來你經濟許可......不如考慮讀住私人s位(一星期5天3小時訓練)幾個月先。趁佢仲細一定要教，既然響屋企冇辦法教(家人吾合作/無時間)，唯有比錢比人教。不過，家長都要跟貼吓，始終長遠來計，都要父母自己教。
當你呢幾個月讀住私人s位或訓練小組時，你會同d導師或家長傾吓傾吓，你就會知道自己的方向了。
原帖由 紫紫 於 10-3-1 15:32 發表
多謝各位的意見,
不過, 如果去左番私人的 i 位，半年左右再去番普通幼稚園 + 早期訓練, 咁樣得不得架?
另外, 好想仔仔可以讀國際學校, 壓力無咁大, 同埋仔仔好似比較喜歡英文 , 自閉兒有可能入讀國際學校嗎? ...
[ 本帖最後由 Capricorn2521 於 10-3-2 18:17 編輯 ]
作者: 紫紫 時間: 10-3-3 18:11
我已經報左私人S位了, 不過全部都一樣要等位~ 唯有上住d 一星期一次的堂先~
作者: pipi331 時間: 10-3-4 01:40
提示: 作者被禁止或刪除 內容自動屏蔽
作者: rpang001 時間: 10-3-4 09:02
原帖由 SandraLo 於 10-2-28 21:43 發表
你肯唔肯定係咁？
依家I 位不是由「中央」評估完派位的嗎？咁做豈不是變相容許打尖/偷步？
我認識一個有學校 I 位的幼稚園老師, 佢話佢地最驚就係呢d 情況, 因辦得好嘅學校會幫到小朋友, 咁口碑就一定好, d 人無論係唔係 ...
事情就是這樣發生在我仔仔間幼兒學校，仲係同班，我同嗰個小朋友媽媽都幾熟。起低班仲係普通位，升到高班就有i位。可能其中一個解釋係,剛過去一年有幾位i位學童[因升小一或中途轉校(用普通途徑考其他幼稚園)]離開,加上條隊唔係太長,未夠一年就排到,另外該學童的姐/哥都係同一間學校畢業,同校長/老師熟落.....
作者: pipi331 時間: 10-3-4 14:37
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |