教育王國

標題: F.1女想拍拖? [打印本頁]

作者: chrisjones 時間: 10-5-11 00:34 標題: F.1女想拍拖?

好閉翳!俾我睇到阿女係fackbook留言(chatroom),同校內同學(不同form)對話,話題是大概女的主動追男!好覺得阿女好想拍拖,好想被愛!我好驚!正所謂:身體成熟;心智未熟!我哋兩公婆管教已算嚴(限制上網,回家時間,傾電話...),加上學校又是出名好校風!都唔知可以點!有同阿女傾這問題,解釋俾她要先管理好自己,才有資格愛人!一路講佢一路哭!我好失敗!成日以為好瞭解佢,好想保護佢,由細到大佢都好信任我!我21歲生她,以為比其他同學的媽咪更加可以明白阿女,至少冇咁多generation gap,原來全錯!我明白這個年紀會對愛情有憧憬!我都經歷過啊!但最痛心阿女不斷講大話!佢話俾我知喜歡個男仔對她好!關心她!我理解因為阿女有ADHD+情緒問題,同班裡的同學容易有吵鬧,冇朋友!所以有男仔對她好一點就出事了!我諗個男仔未必對她有意!現在還可以有能力招架她的問題而見招拆招!但已冇信心去對將來!

作者: 棨瑩 時間: 10-5-11 10:18

我個女都是六年級，快到F.1了。你有沒有返工，如沒有可以多些時間見到她，她放學回家時，你在家，她也不敢帶男同學回家。

作者: motherlau 時間: 10-5-11 12:25

放鬆d.....唔好覺得好大件事，平常心.......你愈緊張佢愈講大話，可必呢！

想拍拖好正常,但我會解釋比佢知咩叫拍拖.eg.拖下手仔、睇下戲、溫下書都得....但一定唔包sex....要得呢樣野佢就一定唔係好鐘意你....."處"對女人好重要架！唔可以隨便....

大個左唔係嚴就得,溝通好緊要,唔係要佢聽你講哂,係要明佢睇法,認同佢.....唔再係得呀媽講....雖然我有時都係,但佢會明白其實呀媽了解佢多過佢了解自己.........當佢咁諗...自然聽你講...........

如果我,今次既puppy love,我會同佢傾下個男仔靚唔靚仔，有咩好處，玩唔玩得等,我仲會比個男仔知呀媽都知，唔好亂來...........想玩野個d就只難而退

我會教佢天下大把男仔...唔好咁上心呢個唔好就下個囉！呀媽都係咁

我教仔都幾奇怪........但係我真係好了解佢地........唔想佢地諗埋一邊...

原帖由 chrisjones 於 10-5-11 00:34 發表
好閉翳!俾我睇到阿女係fackbook留言(chatroom),同校內同學(不同form)對話,話題是大概女的主動追男!好覺得阿女好想拍拖,好想被愛!我好驚!正所謂:身體成熟;心智未熟!我哋兩公婆管教已算嚴(限制上網,回家時間,傾電話... ...

作者: honeyabc 時間: 10-5-11 16:25

You're really an open-minded mother. You should have a good relation with your kids.

作者: rfmc 時間: 10-5-11 16:52

我都同意motherlau看法, 輕鬆D應付 (不過這尺度真好難把握), 唔好搞到阿女第時有野都唔講比你知.

作者: wan2010 時間: 10-5-11 20:32 標題: 回覆 1# rfmc 的文章

我個女今年都係六年級，讀女校，與一般青少年一樣，對於愛情都有憧憬。我同佢講呢d係好自然嘅事，佢遲早都會面對，等佢唔會覺得有何大不了。

作者: rr 時間: 10-5-12 21:13

我幾乎每晚都溫習阿女個facebook a/c 返工做野都無咁勤力, 阿女知我有佢password. 係以前幫佢開account 時已經協定, 我可以隨時login.
遇到有d敏感topic, 我會同佢一齊discuss. 早前有個舊同學開始拍拖, 我咪同阿女一齊傾下, comment 下果個男仔靚唔靚. 唔知讀書叻唔叻. 一齊日日追蹤住佢地發展成點. 互相討論. 當中緊係同阿女落下藥, 同阿女分析太早拍拖的影響啦.

作者: chrisjones 時間: 10-5-13 02:29

真實情況是來勢洶洶,二日就可以令你一家風雲變色!之前的偉論統統不記得了

作者: cello147 時間: 10-5-13 12:41

個男仔冇意思唔會追你個女啦, 你又唔好一開始就話人地個仔係唔好先, 唔應該認定人地個仔一定係衰人/色魔,

記著, 無論咩年齡, 拍拖都係你情我願的

為人母親, 唔係有女, 就有仔啦, 你咁講, 搞到中學拍拖的人,
罪魁禍首都係男仔最衰先, 有仔的亞媽見到都唔開心啦,

而且, 中學拍拖好平常事, 你越嚴, 佢就越想要自由, 家裡覺得冇自由, 得個"管" 字, 就出去搵自由, 搵人關心, 搵人愛,

你越反對佢中學拍拖, 佢就會偷偷拍拖, 越來越多大話,
你應該支持佢拍拖, 教識佢正確性觀念,
你個女就算今次唔拍拖, 未上中3, 我睇佢都一定會再拍,

對唔住都要講多句, 我覺得你管得佢實在太嚴苛啦,
多多少少都係你做成的, 唔好將責任推在ADHD+情緒問題 , 數據係最準確的, 佔了 90%拍拖學生, 多數係因為父母方面管得太嚴苛 / 冇自由 / 冇人關心佢 / 和父母溝通出問題......等等, 先會好想拍拖,

在家裡好乖, 唔等於真係乖的,
聽你話, 唔等於真心受教, 佢只是冇辦法, 先迫著順從你

你以為21歲做媽媽就一定和女兒, 會易於溝通?????

作者: Hilda_Choi 時間: 10-5-13 20:25

初中真係好危險o既年紀, 我有個外甥女都係咁同我家姐嘈大交, 仲試過離家出走.
你越俾壓力佢, 佢真係會越反抗, 越講大話.
唯今之計真係只能夠陪佢多啲, 多啲引導佢, 唔好俾佢成日諗愛情
另外佢唔可以成世冇朋友, 你要諗下辦法

作者: ZZdaphne 時間: 10-5-15 11:38

但最痛心阿女不斷講大話!佢話俾我知喜歡個男仔對她好!關心她!我理解因為阿女有ADHD+情緒問題,同班裡的同學容易有吵鬧,冇朋友!所以有男仔對她好一點就出事了!我諗個男仔未必對她有意!現在還可以有能力招架她的問題而見招拆招!但已冇信心去對將來!

佢話俾我知喜歡個男仔對她好!關心她!

佢咁講都好正常啊.

我理解因為阿女有ADHD+情緒問題,同班裡的同學容易有吵鬧,冇朋友!所以有男仔對她好一點就出事了!我諗個男仔未必對她有意!

呢點要佢自己找問案, 你要幫他從旁協助佢分析,
好似朋友咁

現在還可以有能力招架她的問題而見招拆招!但已冇信心去對將來!

冷靜d,唔好輸了母女關係

作者: CATHERINEAUNTIE 時間: 10-5-16 17:59

提示: 作者被禁止或刪除內容自動屏蔽

作者: Joe媽媽 時間: 10-5-17 14:00

原帖由 cello147 於 10-5-13 12:41 發表
個男仔冇意思唔會追你個女啦, 你又唔好一開始就話人地個仔係唔好先, 唔應該認定人地個仔一定係衰人/色魔,

記著, 無論咩年齡, 拍拖都係你情我願的
為人母親, 唔係有女, 就有仔啦, 你咁講, 搞到中學拍拖的人, 罪魁 ...

妳講中晒我心中所想. 老實說, 我個仔比"四哥" 2個男孫更靚仔, 我都好怕人地D女埋身. 妳地知啦, 男人有 "衰11", 但女仔就無法律責任. 當然被人攪大個肚一定會好大鑊啦, 我都係女人會好明白!

但今時今日D女都好主動, 我都好怕個仔比人地個女"害", 我個仔由K2/ K3 開始已有女仔主動比紙仔佢. 不過, 暫時我個仔重好 BB (小六, 但未發育/ 暫未懂得男女關係), 不過升中一開始就會好擔心, 我已教他"衰11", 不要行差踏錯, 否則一生前途就無, 讀書幾叻都無用. 要同女同學保持距離...等

作者: samuel89 時間: 10-5-18 12:08 標題: 回覆 13# Joe媽媽的文章

你掉轉頭講到而家個世界...男仔先至系"受害者"...

佩服你既新思維...

作者: Jackielee 時間: 10-5-18 13:31

我都覺得自己個仔靚過吳彥祖

。

原帖由 Joe媽媽 於 10-5-17 14:00 發表

妳講中晒我心中所想. 老實說, 我個仔比"四哥" 2個男孫更靚仔, 我都好怕人地D女埋身. 妳地知啦, 男人有 "衰11", 但女仔就無法律責任. 當然被人攪大個肚一定會好大鑊啦, 我都係女人會好明白!

但今時今日D女都好主 ...

作者: olivertao2010 時間: 10-5-19 10:02

提示: 作者被禁止或刪除內容自動屏蔽

作者: ZZdaphne 時間: 10-5-19 11:55

3-4年班---應該讓佢地知道早戀嘅後果, 特別是成績之外的其他後果, 因為佢地多數認為拍拖唔影響功課成績, 希望佢地唔好有拍拖的念頭,或早點撲滅.

5-6年班--已經有想拍拖嘅感覺, 已經萌芽, 父母還可以說教

f.1-2 --- 某部分已經會有行動, 無得阻止,都阻止唔到, 還傷了大家的感情, 阻力越大, 越想嘗試, 只可以好似朋友咁傾.

f.3-4--- 愛得難捨難離, 阻力越大, 反抗越大, 唉......今有有對小情人......

[ 本帖最後由 ZZdaphne 於 10-5-19 12:02 編輯 ]

作者: xmanman 時間: 10-5-25 13:41

我自己覺得女仔比男仔早熟,  所以想拍拖的情況會女仔比較早發生!!  好似仔仔為例, 在小學的時候已有女仔主動約出行, 反而仔仔仲好似小朋友, 只著迷他的高達模型, 動漫.... 拍拖佢無興趣!!

但係一上到中學,  男仔開始發育, 開始有追女仔的思想, 而且身邊的同學話題都會離唔開拍拖,  我會從旁觀察, 又會比下意見, 最重要就係"衰11"呢野一定要同佢講得清清楚楚, 而且電視都有賣廣告 ----> 有位打機年青人做了爸爸, 個十幾歲的女仔抱住個b b 都唔知點算!!  呢個廣告好好, 比班細路睇到, 要佢地明白, 唔好因一時的好奇, 而做了自己終生抱憾的事!

作為家長的我們, 中學生要拍拖, 我們阻止得到嗎? 阻止越大, 他們的反抗就越大, 而且初中正正是他們的反叛期! 我無阻止阿仔拍拖, 不過我會提佢有什麼可以做, 有什麼不可以做, 要佢做個正人君子!!

不過我好好彩, 阿仔學期初拍了兩三個月拖之後就散左啦, 這樣反而令他專心了讀書!  他亦不會太想再拍拖, 怕煩!

作者: teresat 時間: 10-5-26 21:29

　　　文章分享--------- 兒女心事-------　襄　父　　

一位舊同事好友最近與我們飯聚時，又不停埋怨她的女兒這樣那樣。
　　「她最近忽然常對我說，覺得自己樣子不漂亮，又說自己不夠聰明；激死我！想那麼多有甚麼用，我叫她不如俾心機勤力些讀書，考試拿個好成績回來，不要再胡思亂想！」

　　同事的反應我和妻子當然不以為然，她的女兒其實已發出警號：她原來並不喜歡自己；更開始感到自卑。發展下去，對她的成長會有極大障礙，這個觀點在早兩期〈我愛自己〉一文中已有詳細敘述，這裏就不多說了！
　　而舊同事最錯的是以為這只是女兒一時的「胡思亂想」，不當一回事之餘，又回到她日夜提在口邊的老生常談：俾心機勤力讀書考好成績。
　　並非說勤力讀書不重要，但解決好女兒成長路上的心魔於此時應該更為重要；而且，舊同事明顯表現出對女兒的心事不看重，直接的說，舊同事其實已錯過了一個與女兒拉近關係的機會，可以想見，未來的日子中，她的女兒必會愈來愈不願把自己的內心世界，向舊同事即是她的媽媽披露，事關說出來之後不會得到正面回應，而換來的永遠只是同樣一句：俾心機勤力讀書。
　　而我更幾可肯定，兩三年後，這位舊同事又會向我和妻子哭訴：我的女兒甚麼也不肯告訴我，我問她是否有男朋友，她只說我無聊更要我不要理她！當然這不是百分百傳真情況，但大略情景不會偏離事實太遠。
　　事實上如何可以讓子女樂於向你傾訴心事？這是不少同輩朋友常常討論探討的問題。而我和妻子在這方面，算是在朋輩中口碑不錯，朋友均認為我和妻子與我們的19歲大女兒及快16歲小女兒相處甚歡，更無所不談。更曾有人謙稱要向我們請教如何可以做到。
　　就以常常成為禁忌話題的男女情愛問題為例。我和妻子覺得首要其實是「尊重」，而其次是「實效」。
　　何謂「尊重」？譬如面對子女的異性朋友，先不要諸多批評，到底這是子女所選，應先心中了解子女心頭所好；當然還不要立刻潑冷水，說甚麼「小朋友玩玩下不可當真」的說話；只有你尊重這段「情」，才可以得到子女真心傾訴。
　　其次便是「實效」；即是你要能夠給予子女實際有效的意見，假如女兒問你覺得她的男友如何？你必須有客觀而有深度的答案，更要藉此幫助女兒去考較評估男友的質素及份量，假若父母的意見冇料到，那又怎可期望子女有心內疑難時，會再向你傾訴討教？其實一理通百理明，只要掌握這兩大心法，子女又怎會向父母築起一度圍牆，關閉起自己的內心世界？

作者: c.y.law 時間: 10-5-29 11:25

做人父母真係十分為難,我認為此情況愈阻攔,反抗力愈大

作者: yanyan~ 時間: 10-5-29 23:13

我唔係媽媽，仲係人地個女
以前都係讀一間band 1校風好既學校
不過我自己就好早拍拖，同你女女情況一樣，想被愛
因為父母都要工作，平時得自己，好易會出現呢個情況
其實呢D野擋唔到亦無得避，不過最緊要係比佢知道底線
錫下拖下手仔，呢個年代已經好普遍
不過要比佢知，係咪三兩個星期既相處就值得同個男仔有更進一步既關係呢?
究竟拍拖係為左愛人定被愛?

我本身有讀過下心理學，係度獻醜一下，學人拋下書包
其實男仔女仔係青春期有咁既表現好正常，生理上去睇，完全同人類進化與繁衍有莫大關係
同時地，係心理上，亦係青少年表對個人認知發展既一個關鍵階段
佢地需要人地認同，透過拍拖，佢地可以得到個人肯定，認同自己係人地眼中係重要既
就等同BB仔會用喊黎引daddy mami既注意，都係對認知及對世界信任既一個階段
所以父母過分阻攔，只會令小朋友缺少左對世界認知既經驗，導致兩個結果：1.對他人不信任 2.害怕與他人發展親密關係，對小朋友成長亦非好事

正所謂「無知才最可怕」，既然禁不了，不如同佢分享多D呢方面既知識
可能佢對拍拖同愛情呢樣野都唔係咁了解，心底裡好希望有人幫到佢
都係個句，要了解，首先要持開放態度
唔係要你接受同認同，不過你應該考慮佢地呢個年代既文化，同埋佢既感受
問心講，呢度有邊個家長第一次or第一日拍拖就咁清楚咩係愛情，完全了解自己對愛情既睇法同需要?

作者: Alfababy 時間: 10-6-5 04:03

作為父母，不情願子女求學時期拍拖的心情，相信不難理解！
事情也發生在我身上，我的女兒自中四開始便偷偷地拍拖，還多次始講大話忍瞞。因為我愛錫她，加上体諒到感情易放難收的關係，我沒有比太大壓力他們。
這1年來，我從不間斷的担心, 無奈的心情，每天絆隨著我。而我每當見到她唔開心唔岀聲，但個樣得番半條人命的時候，我又心痛又担憂。我知道很多事要她自己面對（例如：功課、考試上的壓力，跟異性及同學的相處問題等），我即使坐在家中也未能幫上。有時趁她得閒和去食下飯、買下衫，希望她心情好些後，跟我說些心底話。
做人阿媽係咪好艱難呢?

作者: 小木偶媽咪 時間: 10-6-9 14:14

agree~~

原帖由 CATHERINEAUNTIE 於 10-5-16 17:59 發表
就算唔讚成佢,你都唔好講出口反對囉.只話比佢知個利害關係.

作者: panmonchee 時間: 10-6-20 14:11

其實許多小朋友拍拖是基於人有我有的心態。不過為什麼有些小朋友又不拍拖呢，是他們的外表有問題、或是他們特別害羞嗎？
在我十多年的教學經驗的觀察中，發現有兩類學生比較少在中學時期拍拖：
1.　他們十分感受到家人對他們的愛護
2.　他們很清楚看到自己未來的目標

每個父母都愛自己的子女，可惜不是所有子女都感受到。許多時候當小朋友缺乏愛，他們就會強烈渴望得到別人的愛，所以也容易去拍拖，當然，他們也特別容易受傷害。所以，父母們真要小心留意，找出問題核心，不要單方面怪責子女，否則很容易弄巧反絀呢！

作者: yy2010 時間: 10-6-20 15:55

當然有邊個做父母想子女咁早拍拖，就算平日同子女感情如何好、她都有情竇初開之時、這個是生理反應、而我應對我F.2女兒就是對她說媽咪都做過小朋友，你今天所做、我當年做女都做過，所以我好明白亦好理解你、不過這段情可能只係你人生一個小片段、唔好睇得太重、亦希望你要明白你現在是一個學生什麼才是你的責任，我亦好相信你，但係無論發生什麼事情、或者唔開心你都要同爸爸媽媽講。我地好愛你的。

樓主有時小朋友越逼她只會令佢對你講大話、做成更多磨擦、離你更遠，到頭來傷害大家親子關係真係唔值得。

作者: Alfababy 時間: 10-6-25 03:12

在中學時期拍拖原因：

1. 缺乏家庭溫暖（自以為沒有父母的愛）
2. 太受朋輩影響（人有我有的心態）
3. 反叛及過份自信（覺得自己大個、深信自己可以handle到）
4. 緣份早註定（可能前世欠他/.她）

我當年都早戀，以上4樣中晒…
阿女就中2,3,4

作者: 被騎的小馬 時間: 10-6-29 11:02

原帖由 Alfababy 於 10-6-25 03:12 發表
在中學時期拍拖原因：

1. 缺乏家庭溫暖（自以為沒有父母的愛）
2. 太受朋輩影響（人有我有的心態）
3. 反叛及過份自信（覺得自己大個、深信自己可以handle到）
4. 緣份早註定（可能前世欠他/.她）

我當年都早戀，以上4樣中晒…
阿女就 ...

我都好認同你的講法
不過我認為最主要原因都係1,2

作者: xmanman 時間: 10-6-29 13:37

現今的初中生, 受朋輩影響很大, 佢地個個都係人有我有的心態!

原帖由 Alfababy 於 10-6-25 03:12 發表
在中學時期拍拖原因：

1.       缺乏家庭溫暖（自以為沒有父母的愛）
2.       太受朋輩影響（人有我有的心態）
3.       反叛及過份自信（覺得自己大個、深信自己可以handle到）
4.       緣份早註定（可能前世欠他/.她）

我當年都早戀，以上4樣中晒…
阿女就 ...

作者: jk5126 時間: 10-7-1 09:13

提示: 作者被禁止或刪除內容自動屏蔽

作者: LLMUMMY 時間: 10-7-27 13:10

第二/三項影響"超勁"

原帖由 Alfababy 於 10-6-25 03:12 發表
在中學時期拍拖原因：

1.       缺乏家庭溫暖（自以為沒有父母的愛）
2.       太受朋輩影響（人有我有的心態）
3.       反叛及過份自信（覺得自己大個、深信自己可以handle到）
4.       緣份早註定（可能前世欠他/.她）

我當年都早戀，以上4樣中晒…
阿女就 ...

歡迎光臨教育王國 (/)