教育王國

標題: 日日同阿仔力角,好辛苦...好辛苦~ [打印本頁]

作者: Imouto 時間: 10-5-19 00:17 標題: 日日同阿仔力角,好辛苦...好辛苦~

阿仔今年p3成績一直下落, 巳經找導師上門協肋做完8成功課, 但餘下的功課及溫默書(尤其中文)就要同佢力角. 叫佢埋位至少15分鐘, 做功課平均幾分鐘就停手發呆發夢攪東攪西,我就要不斷催促, 溫默書就最勞氣,極不合作,唔識又唔肯溫,一開始就話要默...ok,但到唔識或錯時就發爛話唔想抄寫改正字. 全部都要我多遍的氹下,駡下,甚至被氣得我大發脾氣下才能完成. 比佢碰下釘子啦,都係一樣!!! 巳有奬罰計劃,又常解釋我所要求的用意(只係基本要求),心情,後果等等. 但對他一切無效,有無功課交?默書考試合唔合格?無乜特別感覺喎... 我仲有乜方法可以施,係咪錯在我太緊張佢d野,令佢就一於少理呢? 一日半日就由佢比老師罰下,但長期都係咁的話又唔可以, 所以每日都不斷的吵吵駡駡(溫柔鼓勵的說話多數唔work,只係我唔想日駡夜駡好傷身又傷感情,才不斷的從柔開始),我錯係邊?我真係唔知可以頂到幾耐...

作者: Jasper_lo 時間: 10-5-19 00:31

我同你個case一樣,不過我無請私人導師上門,我要個仔去補習社做功課,未做完唔可以返企.有時間重可以温完默書先返.

作者: gdullpatpat 時間: 10-5-19 08:02

提示: 作者被禁止或刪除內容自動屏蔽

作者: olivertao2010 時間: 10-5-19 09:25

提示: 作者被禁止或刪除內容自動屏蔽

作者: wisekid 時間: 10-5-19 09:26

Imouto,

最近這情況亦發生在我和我的小朋友身上。經觀察後我發覺她的問題出現於不願意克服困難。以中, 數為例, 我發現每次溫習她已掌握的項目時, 她就表示出自信和在愉快的情況下完成。但轉到困難或她未有掌握的課題時(如中文生字, 應用題), 她就會表現出煩躁不安。

最初我並沒有把她的問題發覺出來時, 亦與你一樣用吵鬧的方法, 希望把問題解決。但越鬧她的成績越差, 連帶其他的成績都受到牽連。

但當我察覺出問題後, 一天我要她平心靜氣地聽出我的
得出來的結論, 並舉出了實例給她, 例如問她:
--你有沒有發覺在溫書時, 有時我們會不歡而散?
--是什麼事令此事發生?(答案是在她溫習不熟識的題目時。)
--你希望溫書時可以開開心心嗎?

然後再解釋給她知道, 每個人在學習上一定會遇到困難, 困難的題目是需要較多的時間去理解和多加練習。然後給她說個例子。有次她學放風箏, 放了很久都不成功, 她很沮喪。但後來經過大人的指點加上她自已不放棄, 最後成功了。

我見她聽後自己思想了一會, 眼睛一轉然後給我一望,

我想大概她是明白了。之後的一天, 我們一起溫習中文生字時, 她已改掉了那抗拒的態度。而我亦改掉了那不切實際的要求, 不要求她在短時間內就能掌握新知識。

希望分享了一些經歷, 可以幫到你小朋友。

作者: yingtsun 時間: 10-5-19 11:07

我的囝囝都有以上情况發生，每天幫他温習，他極不滿意，買了練習，叫他做，又極不願意、發脾氣，特別是中文。最後，爸爸又鬧又打情况下才做肯完成。我真的不想大家關係這麼惡劣，尤其是父子之間，我明白做父母當然想自己的子女能自覺地温習、做功課，我想現時设有孩子會這樣自覺。唯有唗錢叫他去補習社。

作者: brian61950 時間: 10-5-19 11:35

我都係因為咁掟左佢去補習社,之後我學會了放手,功課默書一概不理.
希望考試都唔理就好喇.

原帖由 yingtsun 於 10-5-19 11:07 發表
我的囝囝都有以上情况發生，每天幫他温習，他極不滿意，買了練習，叫他做，又極不願意、發脾氣，特別是中文。最後，爸爸又鬧又打情况下才做肯完成。我真的不想大家關係這麼惡劣，尤其是父子之間，我明白做父母當然想自己的子女能自覺地 ...

作者: Laputa 時間: 10-5-19 12:17

其實小朋友響初小時又係點?會唔會係有d壞習慣入咗腦?

作者: wendy_jed 時間: 10-5-19 13:22

我個人少少溫中默既心得..

1)提早幾日開始溫...唔好臨默前一兩晚先開始... 大家都少D壓力..

2)唔好次次都整編課文默...., 例如:第一日默全編.... 第二日只默番之前錯既字, 第三日都係默錯字,到默前一晩再晚全編....

3)第二日AND第三日,我默之前唔識果D字時, 會用磁性畫板 (小朋友玩果D呢.拉一下會無晒D字), 因為LEE D 字 (大約十組生字+詞語), 第一,二次唔識.. 我會即時寫比佢睇.. 轉頭又再默, 唔識的話.我又寫比佢睇,叫佢跟住寫一次, 轉頭又再默..... 默到識...

4)响非默書既時候,(臨瞓前响張床無所事事時, 睇緊電視賣廣告時....) 問下佢唔識果D生字點寫.... 就算佢唔洗渣筆都可以知佢識唔識架..例如: 海- 三點水, 格黎一撇一橫, 下面母親個母字... 其實唔洗下下坐定定先溫到書...

5) (自創的)將生字故事化~ 雖然D故事未必合邏輯,但由於只係附助性, 又簡短, 都可以協助記憶..
例1:安--有一個女仔响一間屋(家)入面,
例2:船-- 舟即是較細既船,如龍舟,獨木舟.... 咁想表達一隻好大既船時, 就係一隻有八個出口既舟, 咪既係船。
例3: 窗-- (形象化)有一間屋, 有一個窗, 窗上面仲有一對窗簾布,..............
例4:捉--捉LEE個動作當然要用手,所以咪手部, 但無一樣野係坐定定比你捉,否則就只係"拿"OR"取"..所以"捉"就一定要用埋對腳去行去搵去跑先叫做捉架喎..

作者: Imouto 時間: 10-5-19 14:14

原來你地都有呢個煩腦,我之前都有捉過佢去補習社做,不過一般要2個幾3小時先走得,功課係完成咗,但唔係跟得幾好,有時都有錯,又或者解釋不足做完都唔明.而溫默書亦用咗好多時間,我阿仔心散抄寫多次都可以唔識. 我同補習老師講過佢要拆字+解釋先會易d入腦, 就好似wendy..ied的拆寫法咁.(wendy..ied你好有創意^_^). 不過學生多,點會咁做呀. 另外又每日由早上返學至晚7點先返屋企食飯,真係好累. 兩重因數下我先轉為上門一對一針對有需要幫助的功課,自己handle到的就補習後自己做. 默書就由我幫他,所以暫時避免唔到要同佢力角. wisekid恭喜你,起碼你囡囡有善.我都有不斷地尋找他反抗的原因,找出很多因數.包括中文生字認識不多就越是不想看,越是不想看就對字的印象越淺. 另外亦相信是不想面對一樣接一樣的功課量. 我也有跟他靜靜地討論這個不愉快的過程,但他只好一會,好快又發炆放棄等等...真無上進心 ~

作者: hw1115 時間: 10-5-19 14:17

原帖由 Imouto 於 10-5-19 00:17 發表
阿仔今年p3成績一直下落, 巳經找導師上門協肋做完8成功課, 但餘下的功課及溫默書(尤其中文)就要同佢力角. 叫佢埋位至少15分鐘, 做功課平均幾分鐘就停手發呆發夢攪東攪西,我就要不斷催促, 溫默書就最勞氣,極不合作,唔 ...

Same as my son (P.4).

作者: ALAL 時間: 10-5-19 15:53

I yield before the last exmination of p5, employing a $180/ hour tutor to come for 5 days a week.

作者: 滿意媽 時間: 10-5-19 18:24

好多謝呢位媽咪分享

我個女黎緊將會升小一, 都好擔心佢唔適應
你知啦, 幼稚園好少功課同好hea.....

不過感恩係我係全職媽咪, 可以日日督住佢, 巧課溫習就儘量日日清, 唔係都好難追得上

原帖由 wendy_jed 於 10-5-19 13:22 發表
我個人少少溫中默既心得..

1)提早幾日開始溫...唔好臨默前一兩晚先開始... 大家都少D壓力..

2)唔好次次都整編課文默...., 例如:第一日默全編.... 第二日只默番之前錯既字, 第三日都係默錯字,到默前一晩再晚全編... ...

作者: happyvalley 時間: 10-5-19 18:49

哈哈哈！我囡小二咪一樣，乜都唔明，教都唔適，功課都做唔切，考尾十，哈哈哈！我咪等等等，等佢長大 law。但我反而估勵佢，用她最好的科目令佢多 d 自信。

.

[ 本帖最後由 happyvalley 於 10-5-19 21:09 編輯 ]

作者: happyvalley 時間: 10-5-19 19:06

『教』導才是智者，要用有用的教導，呢個行唔通，就要想想另一個，想唔通就問問其他人，一定可以解決。

.

[ 本帖最後由 happyvalley 於 10-5-19 19:16 編輯 ]

作者: bigfoothk 時間: 10-5-20 09:24

提示: 作者被禁止或刪除內容自動屏蔽

作者: kwokfred 時間: 10-5-20 09:51

我同我個個小朋友都係咁..激死我喇

作者: Imouto 時間: 10-5-20 11:08

原帖由 bigfoothk 於 10-5-20 09:24 發表
家長提供的,試用讚美方法,好加大讚美,不好也要讚,如上次0分,今次20分,讚他比上次好,孩子都想給父母讚多過罵,起碼感情曾好些.

我都成日找籍口讚他, 如讚他比昨天好等. 有時眼看他開始不專心時,就立刻讚佢今日都幾專心喎..媽咪好開心你開始大個仔啦,..佢會立即專心返,不過好快又散...所以我要係不停咁讚下, 提醒下, 再唔work就要開始駡呀,罰呀.情緒起伏得令我自己好似精神有問題咁.
我不斷講,佢就不斷回駁,講野多個做野,我唔回應佢d無關功課問題,(因為一答就有排,佢係想逃避功課),佢就話你唔答我,我自己去找答案! 就離開坐位去找書,....激到我爆炸!!! 我出第二d招數, 佢又見招拆招...做功課有咁好頭腦就好啦~~

作者: Aoi 時間: 10-5-20 15:04

原帖由 77777 於 10-5-20 13:38 發表
您試下回應佢, 不過要好快又返去功課, 我個仔都會咁, 初頭我又係好嬲唔答佢, 不過, 我c6就答佢, 佢聽我c6話多d, 叫佢做功課都易d.....以退為進.....等佢唔會作出鬥氣行為....
同埋平日陪下佢一齊睇下d課外書, 係引 ...

多問問題有好奇心係好,我之前都有答佢,但佢係一答不可收拾,停唔到咁將d問題係咁伸延......,做功課時間我覺得係要專心係功課上,課本上,有問題都應該係跟課文有關的,唔係討論天南北的時候. 因為佢唔係做功課時,又無咁多問題問架喎,所以我覺得佢係想逃避功課, 帶我去遊花園.
做完功課...2-3小時左右
收拾書包...咁少事都計?因為佢可以拾成30分鐘
食飯.....1.5小時(因為返媽咪屋企食),
洗澡.....20-30分鐘,
有時想每日溫dd默書都做唔到,因為每件事都三催四請先去做,巳經要成11點先訓到, 電視,電腦都巳經無好耐啦. 只會係週未先比佢睇下玩下.
我都有盡量爭取時間同佢一齊睇書,佢自己都會睇,多數係d空隙時間如坐車,訓前,時間唔夠架, 我都成日同佢講快d完成基本工作,就可以多d自由時間可以玩,睇書等自己鐘意做的事,不過佢都係無乜加速動力~
唉~ 仲有無計?

作者: francischoi82 時間: 10-5-20 17:32

提示: 作者被禁止或刪除內容自動屏蔽

作者: bigfoothk 時間: 10-5-20 17:50

提示: 作者被禁止或刪除內容自動屏蔽

作者: Aoi 時間: 10-5-21 11:00

原帖由 77777 於 10-5-20 16:48 發表
其實係一句起, 二句止, 同佢講陣間做晒功課同您講.....

好似如果佢問 : 點解香港試過係英國的殖民地?? 我會答: 因為鴉片戰爭, 英國打清政府, 中國唔夠打law....割左比英國, 佢再問, 我會答, 遲d同您上網睇或去圖 ...

exactly! 佢想不斷問時,我係一樣咁答佢,話週未同佢去圖書館找有關的書籍,或者一陣有時間可以上網找資料等等....OK啦做咗一陣....又嚟..又會再問等二樣野, 好似個腦不斷唸d問題出來.. .重覆重覆.. 好啦唔再重覆問野啦...我有D肚餓(做功課前巳食小點)...係都要激到我發脾氣先肯罷休.
佢自己鐘意肯睇書架,不過唔會隻隻字睇清楚,有圖睇圖字唔識唔會問.如果同佢一齊讀佢會無咁興趣(因為我要佢讀出聲,佢又多字唔識讀),最鐘意係我讀,細個時係我指著字讀多D,但佢好似對D字都唔係好入腦,所以改為佢讀,唔願意就一人一頁/句讀囉. 不過睇書的時間真係想多都多唔到,除非佢做野唔好再拖泥帶水,浪費光陰.

作者: Aoi 時間: 10-5-21 11:08

原帖由 francischoi82 於 10-5-20 17:32 發表
其實你有冇問過小朋友點解咁唔鐘意做??
係咪佢唔識呀?定聽唔明老師講咩?
專注力不足?

我小朋友之前都試過係咁,上堂周圍望,唔專心,之後試下帶佢睇醫生,原來佢近視,睇唔到黑板,所以周圍望,而家帶左眼鏡好好多喇~上堂 ...

佢驗眼OK架. 我認為佢係"間歇性+選擇性專注力不足",因為當做佢鐘意的事,佢可以專注好耐都得..
對住D唔想做的事就變成過度活躍+專注力不足.

作者: wendy_jed 時間: 10-5-21 11:23

lee個問題,都會發生响我個囝到...有圖就唔睇字....
但如果迫佢讀.咪變相溫書... 佢而家小一, 好多時,故事書入面,都唔會全句句子識晒,SO我同佢一齊讀, 所有"你,我,他,有,是,一個, 一隻...................." 簡單的.佢識的都由佢讀, 未學過果D咪我讀LOR, 故事入面果D"主角", 開頭果兩頁唔識, 後尾出現得多,佢都會認得果幾個TERMS, 咁咪就學左野LOR>........ 多閱讀係好...唔單止學到生字, 學到句式,,,,, 最重要係"親子"呢~

原帖由 Aoi 於 10-5-21 11:00 發表

exactly! 佢想不斷問時,我係一樣咁答佢,話週未同佢去圖書館找有關的書籍,或者一陣有時間可以上網找資料等等....OK啦做咗一陣....又嚟..又會再問等二樣野, 好似個腦不斷唸d問題出來.. .重覆重覆.. 好啦唔再重覆問野 ...

作者: Aoi 時間: 10-5-21 11:41

原帖由 bigfoothk 於 10-5-20 17:50 發表
家長提供,叫他食魚,不如教他捉魚方法.大數孩子都有要求,如看電視,漫畫,上網,msn等.只要符合父母要求便可以適量給他,我自己要求每天做完功課後做課外練習中,英,數各一頁,平均二至三月一本練習,每天完成後玩至1030上牀 ...

你要求的跟我好接近,亦係我一直好想佢可以完成到的事項,我巳經降到為到基本要求了..
小食,洗澡後4:30可以開始
功課....2小時內(肯做1個半小時點都可以做完),
         結果: 5:00開始,做3小時左右
午餐....1.5小時
只做中英數其中一科的練習...20-30分鐘(2-3頁)
      結果: 一星期3天左右做到
練琴...30分鐘,
      結果: 一星期3天左右做到
睇書/溫默書...30分鐘,
      結果: 一星期2天左右做到
自由活動....30分鐘
      結果: 基本巳在拖延時間中,隨之失去了
睡前聽故事....最遲10:30訓
      結果...11:00- 11:30訓

最主要係失咗中間的拉鋸,力角時間.
所以我每事都不斷的又奬又罰之下催促佢,佢就覺我成日管著佢,又覺得自己好忙.
暫時覺得佢呢個心態係KEY POINT,巳向他解釋點解要做好以上事項,但仍欠動力+抗拒, 未知點解決.

作者: DaisyDaisy 時間: 10-5-22 05:33

不如你搵DADDY OR 其他問吓小朋友點解咁唔鐘意做??
係咪佢唔識呀?定聽唔明老師

講咩?佢唸緊什麼，先對症下藥

作者: Imouto 時間: 10-5-22 15:41

原帖由 77777 於 10-5-21 14:00 發表
您個仔同我個仔一模一樣, 真係成日一日話肚餓, 去toilet個樣, 由其係佢細d時.....而家都有架, 成日嗌肚餓, 只要佢做功課同埋個要求唔過份, 我就一定會say yes...不過電視同nsd真係太吸引啦...

不過, 您同佢協議啦, ...

多謝你分享的好書,我都有Roald Dahl果套書比佢睇.中文書方面都正係尋覓中,又要佢鐘意又要適合佢程度都幾難搵. 因為我都知睇書一定能全面語文提升的途徑, 當佢有能力時,信相做功課等都會容易明白,再唔會抗拒或逃避. 我呀仔都幾乎無睇電視,玩電腦,nds亦無買架啦.
我每日都係到鑽研佢的心態,我唸要從他的態度唸計,點先可以令佢無咁抗拒做功課,尤其中文. 又唸點先可以快d提升到中文能力.
係咪上堂唔明?我唸佢一定有d聽唔明,唔明無心機聽,或者聽完都唔明講乜,咁自然無信心,咁就怕咗去面對. 我比好多鼓勵佢啦, 但困難係要靠自己去克服,我講到口水乾又何妨呢!

作者: happyvalley 時間: 10-5-24 09:50

我囡做功課無乜問題，原因我唸係做完功課就算，有 d 如果無偽的，我叫佢事旦做，好似抄寫，操 TSA 咁…

睇書就乜書都無所謂，好鬼記得，最緊要有興趣。

至於一 d 無咁主動，例如睇英文書，真係出晒法寶，無法、步步行，比下獎勵，鬧下、講下，咪一日小小，小小咁做，進唔到，就退一步，再先獎，再做。

作者: mymelody2003 時間: 10-5-24 11:41

和小朋友一起做功課及溫習, 有時真係激到爆血管

雖然囝囝現有小一, 但我在這年裏體會到他由幼稚園升小學的過程, 有些階段真係無法即刻可以改變, 好奇怪地如果他肯改善時真係可以明天變成另外一個人一樣, 有時真係無得迫架.

如果避免同小朋友多衝突, 去補習社真係一個好選擇, 但相對地你不會知道他在學習上有哪些是他不熟稔的, 因為從功課上可以補他的不足, 避免一次過溫習時叫他記太多, 這樣反而幫不到他.

總之同小朋友溫習真係一種長期鬥爭

作者: Imouto 時間: 10-5-24 13:39

原帖由 77777 於 10-5-22 20:01 發表
您真係試下我講個d書, 因梁科慶d書好多係中學生十大好書, 陳嘉薰醫生d書又會有d醫學常識一齊講, 又係好幽默風趣, 我個仔二, 三年級個時係睇倒哈哈大笑, 其實小學生都岩架, 而冒險小虎隊因有d卡用來睇佢地書d秘密, 好 ...

攪笑就最啱我個囝,係邊度可以買到?圖書館有無得借呀? 我之前買過2本好似你描述的'冒險小虎隊',不過叫'少年偵探隊',佢有興趣睇,不過要我導讀,因為對他來說,都算多生字唔識.
我真係好希望可以好快同你講,佢開始追書追故事,成效開始見功...語文能力有明顯的進步......

作者: Imouto 時間: 10-5-24 13:55

原帖由 mymelody2003 於 10-5-24 11:41 發表
和小朋友一起做功課及溫習, 有時真係激到爆血管

雖然囝囝現有小一, 但我在這年裏體會到他由幼稚園升小學的過程, 有些階段真係無法即刻可以改變, 好奇怪地如果他肯改善時真係可以明天變成另外一個人一樣, ...

我都覺得有d野小朋友未到果個位,的確好難迫到出來,到佢開竅果陣,不費吹灰之力,一點就明. 但呢個教育制度唔係'求學不求分,而係 "求學? 不! 求分!" 邊有得等呀? 唔明白的話,唯有強迫佢c 記,c 背. 又或是想盡辨法要佢明為止. 即係佢我要塞入知識,而唔係佢自己主動尋求,事倍功半再半...
所以我辛苦的唔單止面對佢的散慢態度, 同時亦會好無奈的怨自己點解要咁迫個仔,大家都好唔開心. 我成日都好自責自己唔識教,無理由咁多方法都唔work.

作者: ALAL 時間: 10-5-24 18:54

小食,洗澡後4:30可以開始
功課....2小時內(肯做1個半小時點都可以做完),
         結果: 5:00開始,做3小時左右
午餐....1.5小時
只做中英數其中一科的練習...20-30分鐘(2-3頁)
      結果: 一星期3天左右做到
練琴...30分鐘,
      結果: 一星期3天左右做到
睇書/溫默書...30分鐘,
      結果: 一星期2天左右做到
自由活動....30分鐘
      結果: 基本巳在拖延時間中,隨之失去了
睡前聽故事....最遲10:30訓
      結果...11:00- 11:30訓

-我都是這樣!!

切勿自責,商台的DR TIM 都話,而家小學就讀中學野,中學就讀大學野,但大學生就好似幼自院生,大人就似小朋友.你應該有見過D大學生樣樣都識,但全無責任心.

作者: Imouto 時間: 10-5-24 21:06

原帖由 77777 於 10-5-24 19:45 發表
其實而家好多大人太錫d小朋友啦, mud都唔駛佢地做, 又驚佢地呢d個d唔得, 如果唔放手比佢地試, 唔可以怪佢地大學生都好似小朋友咁....

其實如果自細比小朋友分擔下屋企d家務, 佢地又可能會識做野d, 重有, 就係有時d ...

我係全職媽咪,無工人,我巳經儘量要佢負責做返自己的事,沖涼摺衫鞋帶等都由5歲左右開始學及放手比佢自己做不過個心都成日覺得佢好bb,仲有好多事未懂又大頭蝦,乜都要人跟下眼.我亦覺得佢好依賴我,貼到我實. 不過而家有時間都比佢睇多d書,注專係學業上先啦~ 暫時來說,佢可以自己應付到出自己的事項, 我都巳萬分感恩啦. 邊個唔想十全十美.

作者: rosenok 時間: 10-5-25 11:43

我有兩個完全不同的小MO怪

大的near 7yrs:p1

好多野可以自己做, 心散, 做物都要成日提,

唔會因為有獎勵而去bor命做,(可能唔吸引)" 老由條"

大家坐埋dinner, 食食下跳落地跳舞, 又上返去食, 一陣又攞本書睇, 一路chew,一路睇, 一係就不停講同問, 突然想起按時食完可以玩電腦又快小小

一陣又打回原形
(時間表有齊佢想做d事情ge時間,eg:睇書, king計, 自由時間)
唔鍾意食扒, lun骨, (可能左住佢做其他野)

自理: tie鞋帶亂來, 綁到就算, 沐浴:總會有part唔記得洗,

做功課:自己做

, 會有漏, 錯最多係抄寫(尢其中文), 數學文字題會列式, 但成日計錯答案, 橫直式會抄錯,

test/exam溫書:我唔得閑同佢溫,mark低d功課比佢, 成績中間浮游

小的5yrs:k2

小聰明, 小器, 最叻計算(計下着唔着數)做野快, 得閑成日理人的野, 報寸(公主都忌佢三分)

做功課:快, 唔會漏, 試過放學返來唔舒服係咁瞓, 第二日一早起身都記得未做功課, (好驚比老師話,

自理:佳, 自己沖涼, 扎頭髮(唔係好整齊, 但扎到兩條), 接衫

最叻計算(計下着唔着數):我同大的king單獨計, 佢就問點解唔同佢king, 其實佢返半日學,我對住佢多過大的

作者: rosenok 時間: 10-5-25 12:07

[quote]原帖由 Aoi 於 10-5-21 11:41 發表

同你個time table參唔多, 可能佢學校功課唔多, 會快少少

我係貼佢地兩個ge time table出來, for one wk, 自己每日每個項目有格仔填:-| :( :loveliness: 代表做得好唔好,
sun review, 同做next wk time table (自理能力也包括在內, set 每wk學一樣一野, 未做到, next wk再來)

作者: Imouto 時間: 10-5-25 17:55

原帖由 77777 於 10-5-25 01:16 發表
其實您有比佢試已經好好架啦, 比個叻您有邊個一開始會識枉, 就算初初做得唔好又有mud所謂呢, 小朋友係要不停咁學習架....就算做媽咪都係啦.....

無人係完美架, 我係一個行動不便的人, 佢 ...

好多謝你的鼓勵. 其實佢都有主動想學下其他的家務,因為佢覺得我掃地抺地好EASY(佢做功課就辛苦),煮飯又好玩. 成日叫我教佢煮野食. 我答應佢,:快D完成自己的工作,有時間就可以教你啦~ 佢好失望咁行開話:唉~我實快唔到啦,次次做完功課都,溫埋書都巳經好晚囉! 我多數鼓勵佢:其實你做功課時,專心D唔好做做下又做咗其他野或者呆坐, 咁就可以好快完成啦.
都係果句,你有你講,佢有佢繼續的發夢.

作者: Imouto 時間: 10-5-25 18:19

原帖由 rosenok 於 10-5-25 12:07 發表
[quote]原帖由 Aoi 於 10-5-21 11:41 發表 http://forum.edu-kingdom.com/images/common/back.gif

同你個time table參唔多, 可能佢學校功課唔多, 會快少少

我係貼佢地兩個ge time table出來, for one wk, 自己每 ...

我一直都有TIME TABLE比佢跟住來做,但越大越唔跟啦. 同你一樣,即使有奬勵都係唔會積極爭取. 我比佢容易D達標啦,等佢有D滿足感,一定可以做到. 就比佢知我會降低要求去吸引佢,佢就得寸進尺, 一覺得難做到的事,又會好快放棄.
P3點都大個仔D,無咁容易'氹',一下唔留神,重比佢CHALLENGE返轉頭添呀~ 我而家先明乜野叫'頂心杉'.

作者: grace_xian 時間: 10-5-26 09:29

可否try下輕鬆方法, 比如用錄音筆, 讓他自己讀了錄入, 然後播放出來默, 或者上課本書籍網站溫習, 然後利用該網站的電子課本朗讀出來默

或者剛才有家長提到的電子磁板,

我只知道若一味讓他罰炒, 改正, 效果好差, 因為全部都是讓人討厭及生悶的方法, 小朋友會特別不開心, 咁就會抗拒, 以至於慢同唔做

原帖由 Imouto 於 10-5-20 11:08 發表

我都成日找籍口讚他, 如讚他比昨天好等. 有時眼看他開始不專心時,就立刻讚佢今日都幾專心喎..媽咪好開心你開始大個仔啦,..佢會立即專心返,不過好快又散...所以我要係不停咁讚下, 提醒下, 再唔work就要開始駡呀,罰 ...

作者: Imouto 時間: 10-5-27 11:24

原帖由 77777 於 10-5-25 22:05 發表
其實可唔可以星期六或日間唔中同佢一齊玩下煮野食, 或者好似暑假來功課無咁忙, 我就多數會響星期六日比佢跟下我煮野食, 有時係d好簡單的微波爐叮薯片咁, 唧下d曲奇餅, 不過當然多數係星期六日至得啦, 因就算佢地做得 ...

星期六,日好似唔駛返學輕鬆d,但星期六只是有2,3樣課外活動,基本留在家的時間巳經唔長,星期日又會出外遊下,或者訓到10點幾11點,午飯後安在家中做未完成的功課,因為放假功課量又會多d,我又無好似平日咁不斷摧促,做完功課都差不多晚餐囉... 有時間佢會好把握玩下電腦,電視,玩具,睇書... 唉,佢一玩得多或新野,就會好心散,個心成日諗住,有時平日未完成功課都讓著想著要去做,未能分清乜野假日才可以做. 所以我儘量想佢機械式d,唔好受其他影響專注, 期望佢將自己的基本責任成為自己的習慣(so fast都仲未可以成功),掌握到之後再才有時間去做其他野. 我有時都覺得咁樣好刻板(唔啱好動+專注力差的阿囝),因為自己細個時相對真係做到好多好多野:自制玩具,手工,硏究下自己d盆栽,長長的螞蟻路,魚仔,龜仔,竉物,睇卡通,跳橡根繩..等等遊戲,仲可以8,9點上牀訓. 但而家的全日制小學,放學除咗做功課外,時間大多用在校車,補習,不斷進修如樂器等,都好似無乜時間可以做到呢d閒情逸緻o既野...
我都好想佢多d接解課外事物,explore下呢個奇妙的地球, 但基本學校成績未覺ok的時候, 可以點做呢!?

作者: Imouto 時間: 10-5-27 12:00

原帖由 grace_xian 於 10-5-26 09:29 發表
可否try下輕鬆方法, 比如用錄音筆, 讓他自己讀了錄入, 然後播放出來默, 或者上課本書籍網站溫習, 然後利用該網站的電子課本朗讀出來默

或者剛才有家長提到的電子磁板,

我只知道若一味讓他罰炒, 改正, 效果好差, ...

我阿囝係受活動教學多d架,佢讀的小學都係活動教學架啦. 佢好鐘意有cd聽的書本,故事書,因為可以重覆又重覆的聽. 所以佢都有i-pen,不過課本學術性多,內容唔夠吸引,佢就都係只用一陣咋(其實如果可以一日做到一陣我都好滿意啦).
"電子磁板"係點用架? 係咪即是電子書? 可唔可以介紹下?

作者: Imouto 時間: 10-5-30 01:28

原帖由 77777 於 10-5-27 20:43 發表
暑假就快到, 其實可以抽下d時間同佢煮下野食.....甚至您煮野的時間, 叫佢來睇下....我個仔有上oral堂, 有時我會推左一堂, 同c6同佢一齊去睇下戲, 間唔中都會一齊鬆下.....

我個仔都係好黑板架, 佢除左做功課, 其實 ...

我都鐘意同佢一齊分享下生活點滴,explore下思維,不過最基本學校成績都未要ok,做功課,溫默書,作業又超級慢,時間真係浪費不少. 有好多野編排好都做唔到.
佢一對著中文功課,就站著腳唔想面對,多數都係唔投入之下完成.所以轉頭會完完全全忘記得一乾二淨.
我找到'冒險小虎隊'啦,佢以前p2有借過睇,可能字多d,又無乜圖畫,對小兒來說都不算容易.
課外書,因為都圍繞著他的興趣為主, 所以主動去睇.但一做課,就會覺得悶到好似受刑咁,點用心教佢都讀唔入腦, +上專注不好,教到氣餒.

作者: YMLai 時間: 10-6-3 13:21

hi 77777,

很欣賞妳,妳真是個很有heart 及耐性的Mom.
我和c6都是無耐性及大脾氣的人,不幸個囝就有這個遺傳,正正得"正", 比我們更加恐怖.

從小也和他看圖書, 幼稚園時每天都看,小學就少了,因功課+溫習+週日活動/出去玩, 時間不夠用. 但我要自己維持最少一個月到圖書館借書一次(每次12本).希望考完試,可以每天都和他看書.他也很喜歡看書,不過大了(P.2),他就喜歡看漫畫, 如老夫子/Carfield等. 他只喜歡看圖畫, 就算其他圖書都是看圖來估故事. 少圖畫的, 就很快看完.(我想不是看完,因他根本沒耐性及興趣,加上識字不多,很快就說看完,但如果我讀給他聽,他又很有興趣聽.) 因他是讀英小,加上討厭中文,更不願意看中文圖書(中文字識得少),一定要我讀的.

到他這個年齡,9月升小三,看圖書總不肯自己讀/看(漫畫除外),我試過放手,但效果不好. 他寧願放棄不看書;但他又主動叫我讀圖書給他聽.最後, 我不想連這個很好的habit也失去,所以到現在我都是讀給他聽. 我應該點做?

2)我個囝做功課/Quiz/Exam永遠都made lot of minor mistakes, i.e. he/she/it 後面d verb 10次有9次都忘記+s...但比較難的問題,他又不會錯, 可以handle. 已經解釋了無數次, 說他不可以事事這樣careless, 很是不值, 明明是懂,但每次就給人扣很多分, 我應該點, 他幾時才會不那麼"大頭蝦"?

原帖由 77777 於 10-5-25 01:16 發表
其實您有比佢試已經好好架啦, 比個叻您有邊個一開始會識枉, 就算初初做得唔好又有mud所謂呢, 小朋友係要不停咁學習架....就算做媽咪都係啦.....

無人係完美架, 我係一個行動不便的人, 佢 ...

歡迎光臨教育王國 (/)