教育王國

標題: 點揀??下星期要決定喇.... [打印本頁]

作者: Parisienne 時間: 10-5-21 08:40 標題: 點揀??下星期要決定喇....

浸大附幼vs啟小幼 :

尋日走去聽咗「趙sir ---趙榮德」嘅幼稚園選校講座，令原本諗住選「啟思小學附屬幼稚園」的我又有小小卻步....

原因唔係啟小幼唔好，而係聽落覺得「浸大附幼」相比下仲好。佢話始終有大學支持，師資和理念一定唔會差得去邊。如果話曾經轉校長所以行政亂，其實應該話唔係咁多校長容易達到佢哋理想要求。

至於啟小幼，中規中舉，佢話辦學唔覺得佢地特別突出，但學費都唔平。

我自已就認為兩間各有各特點 :

啟小幼 ---校舍環境幾好，創校25年，配合佢哋腦基礎教學，老師親切，但口碑方面覺得佢哋有啲自成一國。可直升啟小。理念亦係同浸大附幼差唔多，以活動教學，兒童為本。

浸大附幼---理念好，課程方面也合我們要求。能培養小朋友主動探索，有大學支持，咁多教育界博士，死唔到人。interview 個陣都好大競爭。語文方面，不知為何大家都說英文唔夠 (NET ,1day per week. Phonics .1 lesson per week)算唔算OK ?不過唔係直升王錦輝。

請問大家點睇？有無家長可以指点迷津?
我下星期內要決定喇.........

作者: cacanov06 時間: 10-5-21 10:31

我會選浸幼! 中文比英文更重要!

作者: shootingstar 時間: 10-5-21 11:29

我會揀浸幼,

啟小幼稚園雖然可直升啟小, 但啟小咁貴, 7萬幾蚊一年, 收左我都唔會讀. 除非你好有錢, 或係公務員有津貼, 否則7萬幾蚊 (仲未計雜費) 對一個普通家長負擔都頗重. 我寧願留番D錢到外國讀大學好過.

作者: Bobo_wong 時間: 10-5-21 11:30

我都頭痛緊....浸幼同創價, 有無意見呢?謝!

作者: DaisyDaisy 時間: 10-5-21 16:16

Parisienne,

你月頭有沒有去啟小幼的OPEN DAY? 我有去, 好IMPRESSED. 間學校教學真係有點理念，D老師幾好，我見到的同學及家長都NICE及好有教養，啟小幼對小朋友來說環境真係好好，我知道就讀的小朋友一定可以愉快學習。此外，啟小學費雖然是好貴，但我唔懷疑係啟小幼畢業生考DSS/私立/津貼等的競爭力.......

我對浸大附幼全無認識，唔好意思比唔到意見你............

不過，我建議你當2校差不多時，你或可考慮2校最基本條件，如與屋企距離，上午定下午班，交通易達程度.............

[ 本帖最後由 DaisyDaisy 於 10-5-21 16:17 編輯 ]

作者: Parisienne 時間: 10-5-22 21:58

多謝你的意見!

我哋都有去open day。你講得啱，整體感覺真係好好，我地其實都係去完openday之後先決定揀佢。不過咁啱聽完講座，又有啲十五十六....

open day 個日我哋參觀其中K3一個課室，我無意中發現學生嘅作品有錯字，將個歡字寫少個欠，變成「雚」。
雖然我心諗要寫個歡字都唔簡單，但我照問老師 :「咦，有錯字其實會唔會改正？」
老師答: 其實佢哋首先會鼓勵小朋友寫字唔好驚錯，最緊要佢地肯寫，有興趣寫，寫咗出嚟有錯的話老師再去糾正。最怕小朋友驚錯而唔鍾意寫字。
我諗: 啊，又係喎！可能好似講英文咁，越驚錯越講得差。越講得差就越唔敢講。

原帖由 DaisyDaisy 於 10-5-21 16:16 發表
Parisienne,

你月頭有沒有去啟小幼的OPEN DAY? 我有去, 好IMPRESSED. 間學校教學真係有點理念，D老師幾好，我見到的同學及家長都NICE及好有教養，啟小幼對小朋友來說環境真係好好，我知道就讀的小朋友一定可以愉快學習。 ...

作者: cecichow 時間: 10-5-22 22:44

提示: 作者被禁止或刪除內容自動屏蔽

作者: Parisienne 時間: 10-5-24 07:47

多謝你的意見!

原帖由 cecichow 於 10-5-22 22:44 發表
我會揀啟小，雖然係貴，但我覺得教育係最值得我投資的，小時基礎不好，又怎能讀大學？我意思唔係話浸幼小朋友入唔到。

不過，啟思環境幾好，設備一流，老師有愛心，仲好stable添，d老師做左10年以上的，佔好大多數，做得開心先可以做到咁耐 ...

作者: B.BB 時間: 10-5-24 09:57

以我 interview 的感覺來講，我會揀啟小幼，d 老師真係好有愛心，學舍環境又好。

浸大附幼，感覺麻麻，坦白講，我覺得大學 backup 係信唔過的，睇唔到大學俾到幾多 support 間幼稚園，博士之流都係做 research 而已。我最唔明就係點解搵 d 大學講師去做 interview 的考官，佢地大多數都唔係教育學博士 or 與幼兒教育 or 心理 related subject 的博士，佢地根本平時都唔係接觸小朋友的，搵佢地來 interview 我覺得係錯的。佢地睇的係家長的理念係唔係同學校一致，唔係睇個小朋友是否適合 or 有沒有足夠能力入讀呢間學校

作者: Parisienne 時間: 10-5-24 22:11

B.BB , 多謝你的分享!

原帖由 B.BB 於 10-5-24 09:57 發表
以我 interview 的感覺來講，我會揀啟小幼，d 老師真係好有愛心，學舍環境又好。

浸大附幼，感覺麻麻，坦白講，我覺得大學 backup 係信唔過的，睇唔到大學俾到幾多 support 間幼稚園，博士之流都係做 research 而已。我最唔明就係點 ...

歡迎光臨教育王國 (/)