教育王國

標題: 軒小上午校 2010年9月的 1 S 班 [打印本頁]

作者: evelette 時間: 10-7-18 01:01 標題: 軒小上午校 2010年9月的 1 S 班

我個囡來緊讀 1 S班，有冇同學仔家長呀﹖大家傾下認識下，開學後有野要問都方便d.....

作者: annalee 時間: 10-7-26 14:01 標題: 回覆 1# evelette 的文章

我個囡囡都係讀1S, 班上只得七個定九個女仔咋.全班有27人,是否很少女仔會讀軒官呢?

作者: clintonma 時間: 10-9-3 21:03

我仔喺1R....好似真係超小女仔...

作者: bbcyrus 時間: 10-9-3 23:03

大家好, 我小朋友係 1R ... 呢兩日自己湊番學, 要好早起身!!

作者: annalee 時間: 10-9-6 14:35 標題: 回覆 1# bbcyrus 的文章

今日阿囡放學,都仲未有上堂時間表,是否明天會派呢?我仲想問你哋參加了什麼課外活動呢.抽中的機會又有幾大?

作者: bbcyrus 時間: 10-9-6 15:37

我仔果班今日有時間表喇,我諗最遲明天都會派, 星期三都正式上堂咯~
我報左小提琴, 你打算報什麼課外活動呢? 你哋小朋友係自己揍定搭校車返學架?

原帖由 annalee 於 10-9-6 14:35 發表
今日阿囡放學,都仲未有上堂時間表,是否明天會派呢?我仲想問你哋參加了什麼課外活動呢.抽中的機會又有幾大?

作者: annalee 時間: 10-9-7 15:57 標題: 回覆 1# bbcyrus 的文章

係呀,今日有時間表喇,開始要執書包,教阿囡要自動自覺,我其實報了琵琶,抬拳道,芭蕾舞及游水,因為我覺得學校咁多人,又咁多報,我阿囡都唔冇可能要哂,所以咪魚'YUNG'撒網囉.

作者: bbcyrus 時間: 10-9-7 17:41

嘩... 你真係報左好多wow ..你囡囡本身有無係出面上開興趣班? 我仔本身已有四樣學緊, 所以諗住學校果d 加多樣就算!

作者: annalee 時間: 10-9-7 22:45 標題: 回覆 1# bbcyrus 的文章

我阿囡只係喺香港兒童合唱團唱歌,星期六可能會返女童軍,就這樣,所以咪報咁多囉,但我諗學校應該唔會俾阿囡參加咁多.

作者: bbcyrus 時間: 10-9-9 15:50

今日無功課, 正!!

作者: evelette 時間: 10-9-9 21:32

我只系報左兩樣，因為系放學後才參加，我驚佢頂唔順，而且中午飯又求其食，我只系咁意報左兩樣，抽唔中就算

作者: evelette 時間: 10-9-9 21:34

1s 班的有冇去學校網站睇相片呀，有兩三張影到佢地，去睇下，系迎新的相冊見到。

作者: annalee 時間: 10-9-9 22:06 標題: 回覆 1# evelette 的文章

我睇到啲相呀,有我個囡,戴頭箍就係啦.但我個囡話冇人同佢玩呀.佢一走埋啲同學到.啲女仔就走開,佢話好唔開心,我聽到都幾傷心,咁點算呀,有冇媽咪可以幫我呀.

作者: bbcyrus 時間: 10-9-9 22:44

今日學校個網上家課表三點幾都未UPDATE, 仲等我以為今晚唔洗跟功課 .. 空歡一場

作者: bbcyrus 時間: 10-9-9 22:52

你試下預備D小食(如糖, 蛋糕仔之類), 叫阿囡請同學仔食, 打好D關係.... 宜家開學無耐, 有D小朋友可能比較慢熱~

原帖由 annalee 於 10-9-9 22:06 發表
我睇到啲相呀,有我個囡,戴頭箍就係啦.但我個囡話冇人同佢玩呀.佢一走埋啲同學到.啲女仔就走開,佢話好唔開心,我聽到都幾傷心,咁點算呀,有冇媽咪可以幫我呀. ...

作者: kingawa 時間: 10-9-10 12:52

大家好!我個仔都係1s班的!佢話好鍾意間學校wor

因為di老師唔惡

作者: annalee 時間: 10-9-10 17:37 標題: 回覆 2# bbcyrus 的文章

我今日就預備咗自己整的蛋糕仔,叫囡囡返去請同學仔食,兼且教佢問啲同學仔:可唔可以同我做朋友呀?
今日放學問阿囡有冇跟同學仔玩,佢話冇,之後我問老師知唔知呢件事,之後盧老師即刻叫啲同學仔跟我阿囡握手,仲介紹阿女俾同學認識,我即刻話唔該啦.但其實我又唔係咁好意思,因為阿囡真係比較內向細膽,識唔到同學仔唔出奇,慢慢來就得.但就估唔到班主任盧老師咁積極,咁又幾好,令我對呢間學校都幾好印象.

作者: evelette 時間: 10-9-10 18:16

annalee , 你個女叫乜名呀，我叫我個囡去找她玩，我個囡叫bobo. 佢好肯去識朋友嫁，佢比較高，坐最後。

作者: bbcyrus 時間: 10-9-10 19:58

盧老師真係好人, 希望你囡囡快D同同學仔熟絡, 可以一起玩!

我都間唔中整下蛋糕, 開左學後好少整LU~

原帖由 annalee 於 10-9-10 17:37 發表
我今日就預備咗自己整的蛋糕仔,叫囡囡返去請同學仔食,兼且教佢問啲同學仔:可唔可以同我做朋友呀?
今日放學問阿囡有冇跟同學仔玩,佢話冇,之後我問老師知唔知呢件事,之後盧老師即刻叫啲同學仔跟我阿囡握手,仲介紹阿女 ...

作者: annalee 時間: 10-9-12 08:06 標題: 回覆 1# bbcyrus 的文章

唔該你哋咁好的媽咪,我囡囡叫CHELSEA,盧老師都係咁叫佢,我囡囡話識得(淨係識得,唔係玩)啲同學仔叫杏子,X嘉希,X敏善,X樹等等,唔知阿囡有冇叫錯人哋嗰名.
咁就多謝哂你哋的介紹,
我啱啱整咗冰皮月餅,估唔到好容易做,當然唔駛溝粉,一包粉搞掂,加埋啲FILING,雪凍就食得,仲幾好味.

作者: bbcyrus 時間: 10-9-12 21:54 標題: 回覆 20# annalee 的文章

你哋有無報故事爸媽? 星期六去開會都幾多人呀, 我自己都好期待呢~
冰皮月餅我未整過呀...有機會試下做先!

作者: annalee 時間: 10-9-13 22:08 標題: 回覆 1# bbcyrus 的文章

我囡囡知道邊個叫同學仔叫BOBO, 佢應該都認得我,因我每日都會接囡囡放學,等我睇吓佢哋聽明有冇一齊玩先,
我都有報爸媽故事,我諗都幾玩.睇吓我哋可唔可以一齊做吖.

作者: bbcyrus 時間: 10-9-15 16:48 標題: 回覆 22# annalee 的文章

<故事爸媽>我諗我哋未必可以一齊做, 因為唔同班呢~
想問下如果某科有改正要做, 但第日無果科既堂, 咁洗唔洗帶果本要改正既書/作業番去?? 我覺得帶又會加重書包負荷, 唔帶又驚會話欠交功課!!

作者: kingawa 時間: 10-9-16 15:32

我全部都叫佢帶,但我都有時會執錯書...

作者: bbcyrus 時間: 10-9-16 22:26

我每晚跟佢D功課同執書包, 都要攪半個鐘...

原帖由 kingawa 於 10-9-16 15:32 發表
我全部都叫佢帶,但我都有時會執錯書...

作者: bbcyrus 時間: 10-9-17 17:42

請問你哋有無上過家課冊最後果頁提供既網址?? 我用學校提供既 login同 password係入唔到去, 你哋有無呢個問題?

作者: wongkay 時間: 10-9-28 23:56

你哋好! 我個仔都係讀1S班，佢都好鐘意呢間學校，可能成日聽我哋兩公婆講話好鐘意呢度，所以佢入到嚟都覺得好開心。我個仔明天參加台拳，唔知有沒有老師帶佢哋上天台食嘢呢？又有沒有人帶佢哋到四樓活動室呢？佢仲要換翻條運動褲先玩得，都唔知佢攪唔攪得掂

，因為佢平時比較"呢啡"，不過都唔理得咁多，希望佢掂啦！我都有參加故事爸媽，希望遲D見到你哋啦！

作者: annalee 時間: 10-9-29 08:30 標題: 回覆 1# wongkay 的文章

我個囡都有參加跆拳道,我幫佢今日著咗運動衫,但帶咗條長褲係書包,叫佢自己換,都唔知得唔得,因我囡囡比較'呢HEA',人哋推一吓佢先識行一步,我都有啲擔心.
手冊後面的WEBSITE都密碼有什麼用,用來做什麼,因為佢每日都好忙,返到屋企又想玩同睇電視,我想問你哋的仔女平時有冇學什麼活動?

作者: MdmFung 時間: 10-9-29 17:48

我囡囡係1P班, 歡近大家交流、交流

作者: kingawa 時間: 10-9-30 12:54

我何止半個鍾! 成日有di細本ge出現, 都唔知要唔要帶?
di a4習作紙成日皺埋一堆, 佢di字又難看,
陪佢做功課還亂過自己讀書時...

原帖由 bbcyrus 於 10-9-16 22:26 發表
我每晚跟佢D功課同執書包, 都要攪半個鐘...

作者: kingawa 時間: 10-9-30 12:56

我未上bor, 做什麼用的?

原帖由 bbcyrus 於 10-9-17 17:42 發表
請問你哋有無上過家課冊最後果頁提供既網址?? 我用學校提供既 login同 password係入唔到去, 你哋有無呢個問題?

作者: kingawa 時間: 10-9-30 12:58

你好! 我仔叫edison, 你仔仔呢? 唔知佢地識唔識?

原帖由 wongkay 於 10-9-28 23:56 發表
你哋好! 我個仔都係讀1S班，佢都好鐘意呢間學校，可能成日聽我哋兩公婆講話好鐘意呢度，所以佢入到嚟都覺得好開心。我個仔明天參加台拳，唔知有沒有老師帶佢哋上天台食嘢呢？又有沒有人帶佢哋到四樓活動室呢？佢仲要換翻條運動褲 ...

作者: kingawa 時間: 10-9-30 12:59

你好呀!

原帖由 MdmFung 於 10-9-29 17:48 發表
我囡囡係1P班, 歡近大家交流、交流

作者: wongkay 時間: 10-9-30 14:48 標題: 回覆 28# annalee 的文章

我個仔尋日返嚟話跆拳好好玩，仲教我點樣握拳，出拳後仲要"噓"一聲，好好笑。佢哋尋日都無派袍，所以連長褲都唔洗換，唔知幾時有袍派呢？我暫時都係比運動服佢著咋，因為起碼唔洗換上身衫先啦！

我個仔星期六日都有學其仔嘢(圍棋和游水)，其實我都想佢再報一些有關英文和數學的課程，但因為而家要返長短週，所以真係無乜時
間。其賁St Joseph都係半日制學校，但星期六就唔洗返，好似多D時間用。

仲有，我個仔話尋日無默英文，咁你哋知唔知道應該幾時默呀？因為我個仔好無記性，溫咗都可以唔記得，而家仲要喺最尾兩堂先默，玩完兩個小息應該唔記得七七八八，如再拖一個星期，我唸我同佢溫書都溫到嘔血

。

Kingawa, 我個仔叫卓謙/Hugo呀！今晚返去問吓佢識唔識你個仔先。

作者: kingawa 時間: 10-9-30 17:12

我奶奶唔俾佢學跆拳道, 話太細就著重用下盤的力會長唔高

佢係e生所以我就佢, 不然我都想佢學跆拳... 佢現在每星期兩次游泳, 三堂公文式, 學校唱歌班.

原帖由 wongkay 於 10-9-30 14:48 發表
我個仔尋日返嚟話跆拳好好玩，仲教我點樣握拳，出拳後仲要"噓"一聲，好好笑。佢哋尋日都無派袍，所以連長褲都唔洗換，唔知幾時有袍派呢？我暫時都係比運動服佢著咋，因為起碼唔洗換上身衫先啦！

我個仔星期六日都有學其仔嘢(圍棋和 ...

作者: kingawa 時間: 10-9-30 17:20

wongkay:

阿仔話佢班上最好的朋友叫"吳卓謙", 坐佢後面, 但又唔係叫hugo

班上有兩個hugo wor... 我心諗唔係咁湊巧掛!
我和他媽媽居然在baby-kingdom上認識了! 咁有緣?!

原帖由 wongkay 於 10-9-30 14:48 發表
我個仔尋日返嚟話跆拳好好玩，仲教我點樣握拳，出拳後仲要"噓"一聲，好好笑。佢哋尋日都無派袍，所以連長褲都唔洗換，唔知幾時有袍派呢？我暫時都係比運動服佢著咋，因為起碼唔洗換上身衫先啦！

我個仔星期六日都有學其仔嘢(圍棋和 ...

作者: kingawa 時間: 10-10-1 09:18

原來班上也有兩個卓謙

反而我個印印認識王卓謙,那也一樣有緣

作者: wongkay 時間: 10-10-1 11:06 標題: 回覆 37# kingawa 的文章

係阿！班上面有兩個卓謙和兩個Hugo，我個仔叫黃卓謙，應該係你印印認識那個．我唸第時我哋D仔要叫番志強，偉文先唔會同人撞！

作者: kingawa 時間: 10-10-2 00:36

那卓謙也是蘇浙過來的了! 我印印說你印印前些日子在蘇浙聽聞一件命案, 是真的嗎

原帖由 wongkay 於 10-10-1 11:06 發表
係阿！班上面有兩個卓謙和兩個Hugo，我個仔叫黃卓謙，應該係你印印認識那個．我唸第時我哋D仔要叫番志強，偉文先唔會同人撞！

作者: wongkay 時間: 10-10-4 09:56 標題: 回覆 39# kingawa 的文章

咁我個仔又唔係喺蘇浙過來的，而且他是坐校車返學的，所以應該不是你印印所說的卓謙嘞! Anyway，能夠成為同班同學都是一種緣份，以後要多D交流、交流。

作者: bbcyrus 時間: 10-10-4 22:27

細本ge出現, 都唔知要唔要帶>> 要帶架!!

原帖由 kingawa 於 10-9-30 12:54 發表
我何止半個鍾! 成日有di細本ge出現, 都唔知要唔要帶?
di a4習作紙成日皺埋一堆, 佢di字又難看,
陪佢做功課還亂過自己讀書時...

作者: bbcyrus 時間: 10-10-4 22:34

咁如果我仔學國術, 成日要札馬, 會唔會長唔高架

原帖由 kingawa 於 10-9-30 17:12 發表
我奶奶唔俾佢學跆拳道, 話太細就著重用下盤的力會長唔高佢係e生所以我就佢, 不然我都想佢學跆拳... 佢現在每星期兩次游泳, 三堂公文式, 學校唱歌班.

...

作者: kingawa 時間: 10-10-5 19:10

我奶奶所說的就是成日要扎馬的,好像成龍就是從小扎馬...

原帖由 bbcyrus 於 10-10-4 22:34 發表
咁如果我仔學國術, 成日要札馬, 會唔會長唔高架

作者: kingawa 時間: 10-10-5 19:13

我仔搭d線,你仔仔呢?
我叫阿仔要識多幾個朋友呢!

原帖由 wongkay 於 10-10-4 09:56 發表
咁我個仔又唔係喺蘇浙過來的，而且他是坐校車返學的，所以應該不是你印印所說的卓謙嘞! Anyway，能夠成為同班同學都是一種緣份，以後要多D交流、交流。 ...

作者: bbcyrus 時間: 10-10-5 22:38

我就係見個國術老師都係細細粒粒...另外,有個朋友學國術又係唔多高 ... 真係要認真考慮比唔比阿仔繼續

ANYWAY, 多謝你既分享:)

原帖由 kingawa 於 10-10-5 19:10 發表
我奶奶所說的就是成日要扎馬的,好像成龍就是從小扎馬...

作者: wongkay 時間: 10-10-6 17:35 標題: 回覆 44# kingawa 的文章

我個仔就搭C車，我都成日叫佢識多幾個朋友仔架，佢而家都好似無乜固定的鐵腳，小息時呢個又玩吓，哥個又傾吓。有時又同隔離班的同學玩，因為佢以前間幼稚園都有幾多同學派到軒小的。咁你個仔又叫乜名?可能佢哋已經識呢!

作者: kingawa 時間: 10-10-9 15:48

我仔叫edison wong(澤銘),他說他知道雖是hugo wong,但唔多熟

原帖由 wongkay 於 10-10-6 17:35 發表
我個仔就搭C車，我都成日叫佢識多幾個朋友仔架，佢而家都好似無乜固定的鐵腳，小息時呢個又玩吓，哥個又傾吓。有時又同隔離班的同學玩，因為佢以前間幼稚園都有幾多同學派到軒小的。咁你個仔又叫乜名?可能佢哋已經識呢! ...

作者: wongkay 時間: 10-10-12 16:10

啱啱喺網上見到明天要默英文，乜唔係話一個星期默英文，一個星期默中文咩？之前又無講清楚，我仲未同阿仔溫呀！而家兩科都喺同一個星期默，真係有D辛苦。

作者: kingawa 時間: 10-10-13 11:45

阿仔話默書時老師係抄係黑板上俾佢地照抄ga!
咁唔知何為默書

佢一di都唔擔心,第一次仲拿100,上次英文我沒準備都有95,照抄都錯

原帖由 wongkay 於 10-10-12 16:10 發表
啱啱喺網上見到明天要默英文，乜唔係話一個星期默英文，一個星期默中文咩？之前又無講清楚，我仲未同阿仔溫呀！而家兩科都喺同一個星期默，真係有D辛苦。 ...

作者: kingawa 時間: 10-10-13 11:50

還有,他們有一本讀書報告天天帶來帶去究竟想點?現在還要我們家長教背詩

次次教親佢我都想打佢一餐

作者: bbcyrus 時間: 10-10-13 12:09

吓 ... 咁都得! 唔知我仔果班係咪咁?!

原帖由 kingawa 於 10-10-13 11:45 發表
阿仔話默書時老師係抄係黑板上俾佢地照抄ga!
咁唔知何為默書
佢一di都唔擔心,第一次仲拿100,上次英文我沒準備都有95,照抄都錯

作者: bbcyrus 時間: 10-10-13 12:13

係咪黃色個file呀? 果個學期尾先要交~

原帖由 kingawa 於 10-10-13 11:50 發表
還有,他們有一本讀書報告天天帶來帶去究竟想點?現在還要我們家長教背詩
次次教親佢我都想打佢一餐

作者: bbcyrus 時間: 10-10-13 12:19

應該一個星期默英文, 一個星期默中文架喎, 有時網上家課冊都錯漏架...不如問下老師啦!

原帖由 wongkay 於 10-10-12 16:10 發表
啱啱喺網上見到明天要默英文，乜唔係話一個星期默英文，一個星期默中文咩？之前又無講清楚，我仲未同阿仔溫呀！而家兩科都喺同一個星期默，真係有D辛苦。 ...

作者: wongkay 時間: 10-10-13 17:18

唔係 Fa!! 係就好嘞，唔洗同阿仔溫得咁辛苦，同佢溫書簡直就係挑戰人類極限，佢次次都好似遊魂咁，隻眼又唔係望住本書，隻手又周圍攪野，一時又話口渴，一時又話去廁所，總之想盡任何藉口離開個位，呢頭溫完，轉頭又唔記得，真係想殺咗佢

bbcyrus,我想問你哥班係咪都係一個星期默中文，一個星期默英文的？

我想問你哋有無特別嘅方法幫他們溫默書架，尤其是英文？因為我個仔對英文都幾抗拒，我有時唸好唔好比佢上補習班，因為我哋兩公婆都要返工，weekday真係無乜時間同佢溫書，而星期六又有長短週，又要返其他興趣班，真真正正溫習就只有星期日。但係如果咁細個就返補習班，幾時返到大呀.... 總之就煩啦!

原帖由 kingawa 於 10-10-13 11:45 發表
阿仔話默書時老師係抄係黑板上俾佢地照抄ga!
咁唔知何為默書
佢一di都唔擔心,第一次仲拿100,上次英文我沒準備都有95,照抄都錯

作者: bbcyrus 時間: 10-10-13 17:53 標題: 回覆 54# wongkay 的文章

係呀..我仔果班係一個星期默中文，一個星期默英文的~

我經歷過k3教個仔做功課d勞氣野, 我就小一比阿仔返功課輔導班, 佢地會幫學生跟功課同溫埋默書架 .... 我覺得幾好, 起碼宜家唔會為左功課呢樣野傷左親子感情~

作者: kingawa 時間: 10-10-14 12:53

我今早先被老爺奶奶訓完,話俾個仔上咁多班,做咁多功課,害佢無佐正常的童年!
其實出面好多人都話軒官的東西不深,又沒有什麼功課,我由幼稚園巳俾佢讀公文,如果現在停的話,總覺會落後,上中學時會更辛苦...所以都好矛盾...而且佢有好多時間睇電視,我真係唔明佢有多大壓力?玩時特別精神

作者: wongkay 時間: 10-10-14 16:40

咁你個仔係邊度返功課輔導班架?聽講中央圖書館附近有一間補習社幾好，不過我又住得唔近，又無人湊阿仔去，所以無唸。

作者: bbcyrus 時間: 10-10-14 22:07

我仔係灣仔返; 你家附近有無呀? 不如再觀察多一排無改善先唸啦~

原帖由 wongkay 於 10-10-14 16:40 發表
咁你個仔係邊度返功課輔導班架?聽講中央圖書館附近有一間補習社幾好，不過我又住得唔近，又無人湊阿仔去，所以無唸。

作者: bbcyrus 時間: 10-10-14 22:19

軒上真係好輕鬆, 我都好LIKE

我覺得如果小朋友無抗拒做課外野, 就CONTINUE啦, 總之預留返D玩既時間比佢咪得囉

原帖由 kingawa 於 10-10-14 12:53 發表
我今早先被老爺奶奶訓完,話俾個仔上咁多班,做咁多功課,害佢無佐正常的童年!
其實出面好多人都話軒官的東西不深,又沒有什麼功課,我由幼稚園巳俾佢讀公文,如果現在停的話,總覺會落後,上中學時會更辛苦...所以都好矛盾. ...

作者: kingawa 時間: 10-10-20 11:49

請問默書是否真的是抄在白板上給他們抄

作者: wongkay 時間: 10-10-28 16:23 標題: 回覆 60# kingawa 的文章

我個仔話老師會在默書前在白板上幫小朋友溫習生字一次，然後會擦咗佢先同小朋友默書，並不是真的照抄。

呢兩個星期真係好辛苦，每星期兩科默書，又要評估，又要開始溫測驗，自己公司又多嘢做，就嚟死嘞...

作者: annalee 時間: 10-10-28 21:34 標題: 回覆 1# wongkay 的文章

你哋開始幫阿仔阿囡溫書未呀,點溫呀,好似好淺,但又驚佢哋唔識,我好似緊張過佢哋.

作者: kingawa 時間: 10-11-2 12:08

我完全沒時間幫佢溫書!都唔知要點溫?
佢話唔緊要wor!咁我第一次就看佢自己去打天才波...佢上次聽力評估得兩題是對的,我都唔知去邊度找個隻cd?
前日佢在街上還無端端被不知什麼東西割下中指的一塊肉,我們發現時他巳是成件衫血跡

簡直是在響應萬聖節!
現在連寫字都很困難

作者: annalee 時間: 10-11-2 15:10 標題: 回覆 1# kingawa 的文章

咁點算呀,我今日打算同阿囡溫英文,明天溫中文,星期六唔得閒,星期日溫數學,星期一溫常識啦.希望可以跟到時間表啦.今日家課冊仲寫住欠$10,唉,我又唔記得俾錢佢添.

作者: kingawa 時間: 10-11-3 22:36

佢聽日考完中文我仲要拿拿林帶佢去東區醫院覆診(睡眠窒息症)

相信你們阿仔阿女成日見個同學無端端被老師帶走的,就是我個仔

對了,你們會否參加親子大旅行?

作者: bbcyrus 時間: 10-11-4 10:04 標題: 回覆 65# kingawa 的文章

kingawa,

佢上次聽力評估得兩題是對的>>已經好好喇 ... 我仔捧左隻蛋返來 .... 今次test我都無眼睇!!

我地應該會參加親子大旅行, 不過d 費用都幾貴啊

咁細個都有睡眠窒息症? 點發現架?

作者: annalee 時間: 10-11-5 09:20 標題: 回覆 1# bbcyrus 的文章

我都覺得幾貴,我哋一家四口就要$500,我仲以為小學去親子旅行都係一百幾十,小學生喎,中學咪仲貴.阿囡今日測英文呀,我好緊張呀,

好彩仲有兩科搞掂

作者: kingawa 時間: 10-11-5 12:15

真的嗎? 我還以為得阿仔聽唔明廣東話tim! 定話小孩的理解力較差?
小時候我們發現他的學習能力很差, 呢頭讀了n次, 一轉頭就忘記了, 所以帶他去做評估, 結果發現他有語言障礙, 搞下搞下變佐睡眠窒息

仲話要割扁桃線! 真煩!

原帖由 bbcyrus 於 10-11-4 10:04 發表
kingawa,

佢上次聽力評估得兩題是對的>>已經好好喇 ... 我仔捧左隻蛋返來 .... 今次test我都無眼睇!!
我地應該會參加親子大旅行, 不過d 費用都幾貴啊
咁細個都有睡眠窒息症? 點發現架? ...

作者: kingawa 時間: 10-11-5 12:23

沒辦法, 他們是教師家長會, 不是純學校旅行. 我報了三大一小, 當屋企自己去旅行, 因為平日都不大出門...
昨天阿仔都沒有溫英文, 盧老師打來問我要唔要回校取回英文課本?(因為阿仔早退) 我太累都說不回去了! 今天看他自己的"修行"了!
老師說他好"呢啡"

原帖由 annalee 於 10-11-5 09:20 發表
我都覺得幾貴,我哋一家四口就要$500,我仲以為小學去親子旅行都係一百幾十,小學生喎,中學咪仲貴.阿囡今日測英文呀,我好緊張呀, 好彩仲有兩科搞掂mouth:" /> ...

作者: bbcyrus 時間: 10-11-5 16:19 標題: 回覆 67# annalee 的文章

我地3A, 1B, 1C, total 要$650, BB唔食都要收一舊... 真係好貴!! 係呢你地會bbq 定食盆菜?

作者: bbcyrus 時間: 10-11-5 16:20

語言障礙同睡眠窒息有關架? 細路有事, 做父母一定擔憂, 希望你囝囝快d好番~

原帖由 kingawa 於 10-11-5 12:15 發表
真的嗎? 我還以為得阿仔聽唔明廣東話tim! 定話小孩的理解力較差?
小時候我們發現他的學習能力很差, 呢頭讀了n次, 一轉頭就忘記了, 所以帶他去做評估, 結果發現他有語言障礙, 搞下搞下變佐睡眠窒息仲話要割 ...

作者: kingawa 時間: 10-11-6 23:09

盆菜, 因為未食過

,你地都咁多人呀? 到時一定要相認下至得

原帖由 bbcyrus 於 10-11-5 16:19 發表
我地3A, 1B, 1C, total 要$650, BB唔食都要收一舊... 真係好貴!! 係呢你地會bbq 定食盆菜?

作者: kingawa 時間: 10-11-6 23:12

我都唔知原來有關

佢地話因為晚上睡得唔好會影響日間的專注力...謝謝關心

原帖由 bbcyrus 於 10-11-5 16:20 發表
語言障礙同睡眠窒息有關架? 細路有事, 做父母一定擔憂, 希望你囝囝快d好番~

作者: annalee 時間: 10-11-8 21:51 標題: 回覆 2# kingawa 的文章

我哋去旅行都係食盆菜,因為有個三歲仔仔,我要顧住兩隻馬騮,得我老闆燒,我驚佢會悶,一枱人食盆菜開心啲,希望你個仔會儘快好番,唔駛早退就開心哂.

作者: kingawa 時間: 10-11-10 12:18

謝謝你! 我覺得到時會好多人

原帖由 annalee 於 10-11-8 21:51 發表
我哋去旅行都係食盆菜,因為有個三歲仔仔,我要顧住兩隻馬騮,得我老闆燒,我驚佢會悶,一枱人食盆菜開心啲,希望你個仔會儘快好番,唔駛早退就開心哂.

作者: annalee 時間: 10-11-18 14:35 標題: 回覆 1# kingawa 的文章

我聽阿囡講得十幾個小朋友去,因為我哋住係西貢,所以應該唔會返學校搭校巴,自己駕車去囉.到時見啦,或者食盆菜時見啦.

作者: kingawa 時間: 10-11-23 16:36

結果我還是沒有遇到你們...
但有緣地在沒有夾定下居然和kay一家同桌,
當看到名字時才知道的

真高興!

原帖由 annalee 於 10-11-18 14:35 發表
我聽阿囡講得十幾個小朋友去,因為我哋住係西貢,所以應該唔會返學校搭校巴,自己駕車去囉.到時見啦,或者食盆菜時見啦.

作者: kingawa 時間: 10-11-23 16:40

其實當天真的不知道要做什麼?
若不是遇到一些認識的家長聊天,
真的好難打發時間...
我老公後來借了一個波和阿仔同學們玩射龍門才有些意義.
至今我都唔知佢班主任有沒有去?

作者: kingawa 時間: 10-11-23 16:45

阿仔還被虫子咬到一撻撻

作者: annalee 時間: 10-11-23 17:29 標題: 回覆 1# kingawa 的文章

佢哋班主任盧老師有去,因為我駕車到了之後,要致電給他取盆菜枱號.其實你講得啱,我哋都唔知玩乜,玩咗彈彈床,電動車,餵動物,之後放風箏,畫畫,我想搵士多啤梨園,同食豆腐花,但找不到.幸好撞到幾個媽咪可以傾偈,否則,悶到....唉....仲有玩每個遊戲都要錢,買嘢飲又要錢,買風箏飛碟又要錢....但好在阿囡阿仔都玩得好開心,盆菜都幾好味.....哈哈..希望學校旅行我做到義工啦.你大冇報到呀.

作者: wongkay 時間: 10-12-13 07:32

好耐無上嚟cheat嘞，因為我公司block 咗Baby Kingdom個網，攪到我唔可以成日上嚟添
我想問大家知唔知道今個星期三需唔需要默英文呀，因為家課冊又無寫，但呀仔話盧老師講咗話要默，請問你哋D仔女有無講呀？

作者: kingawa 時間: 10-12-14 15:18

無喎,阿仔什麼都是"我又唔知"

對了,大家有沒有聽過班上一名叫"梁昆浩"還是差不多音的小朋友?阿仔成日提起佢的,個日旅行我老公都有同佢交過手,說這個小孩長大後一定不普通...個日佢叫卓謙和他一起打澤銘...澤銘在送他的聖誕卡上寫錯他的名字他拒收...不過我覺得阿仔好喜歡他,我也覺得他很有學識.

作者: kingawa 時間: 10-12-14 15:21

阿仔18日跟我們回大陸了!在此先預祝大家聖誕快樂!新年進步!

作者: kingawa 時間: 10-12-14 15:23

annalee:

對了,抱歉我至今都不知你的小孩叫什麼名字?讀那一班的?

作者: wongkay 時間: 10-12-15 00:06

kingawa, 我知你講邊個梁昆浩，聽呀仔講佢有個花名叫小博士，什麼都識，讀書應該幾叻。我老公在學校旅行都有留意佢，覺得佢同其他小朋友不同，我哋D仔大都比較幼稚同天真，而佢講嘢就好叻，好似好多理論，中意人哋聽佢嘅說話。同你個仔一樣，呀仔都幾中意同佢玩。

嘩！你18號就去旅行，最尾幾日咪唔洗返學，澤銘咪好開心。首先多謝你個仔同annalee個女張聖誕節咭先，祝你哋有一個開心到飛起嘅聖誕節。

但記住.....聖誕後佢哋又要考試嘞，大家做家長嘅要繼續努力、繼續加油....

作者: kingawa 時間: 10-12-15 13:20

啊!annalee個女是叫楊思敏嗎?因為阿仔也收到一個女同學的聖誕卡,佢較friend的女同學只有一個...如果是的話,我們真的很有緣,連di仔女都鍾意玩埋一堆...
我個仔好笨的,連同學名都唔識寫,又唔知梁昆浩有花名(是誰改的?)佢話昨天係校車到佢唔要同梁昆浩坐,梁昆浩居然用食物盒在背後打他和他旁邊小朋友的頭!這個小孩的家庭背景真不知道是什麼來頭?

原帖由 wongkay 於 10-12-15 00:06 發表
kingawa, 我知你講邊個梁昆浩，聽呀仔講佢有個花名叫小博士，什麼都識，讀書應該幾叻。我老公在學校旅行都有留意佢，覺得佢同其他小朋友不同，我哋D仔大都比較幼稚同天真，而佢講嘢就好叻，好似好多理論，中意人哋聽佢嘅說話。同你個 ...

作者: kingawa 時間: 10-12-15 13:21

我一看到佢1月要考試,都即時無心機玩了...

原帖由 wongkay 於 10-12-15 00:06 發表
kingawa, 我知你講邊個梁昆浩，聽呀仔講佢有個花名叫小博士，什麼都識，讀書應該幾叻。我老公在學校旅行都有留意佢，覺得佢同其他小朋友不同，我哋D仔大都比較幼稚同天真，而佢講嘢就好叻，好似好多理論，中意人哋聽佢嘅說話。同你個 ...

作者: kingawa 時間: 10-12-15 20:51

我猜annalee的女兒應該是李釆沂,好叻女,全級30名內

梁昆浩果然成績優異!阿仔幾個好朋友都榜上有名,希望他近朱者赤

作者: wongkay 時間: 10-12-15 23:25

我個仔咁懵，都唔洗旨意上到榜，但我都想知道係邊度睇到個皇榜架?

我只係希望個仔一路keep 住有進步，自發性去完成自己的工課和自己去溫書，咁我就好滿足嘞！唔知要等到幾時呢 ......

作者: kingawa 時間: 10-12-16 13:34

佢地學校派的,綠色個張...吳卓謙都榜上有名.
我話澤銘時,佢話:"唔緊要啦!要名來做咩?點解上面要有我個名姐?!哎也,我想讀番幼稚園..."果然仲係bb思想...

原帖由 wongkay 於 10-12-15 23:25 發表
我個仔咁懵，都唔洗旨意上到榜，但我都想知道係邊度睇到個皇榜架?

我只係希望個仔一路keep 住有進步，自發性去完成自己的工課和自己去溫書，咁我就好滿足嘞！唔知要等到幾時呢 ...... 　 ...

作者: wongkay 時間: 10-12-16 23:35

係咩! 真係未見過呢張綠色紙喎，緊係呀仔唔知掉咗去邊。我個仔一樣，完全唔介意自己係第幾名架，一D鬥心都無。激死

作者: HAPPY-BABY 時間: 11-1-7 15:58 標題: 軒小問題

delete delete

作者: annalee 時間: 11-1-8 10:47 標題: 回復 1# HAPPY-BABY 的帖子

HI, 我返嚟啦,因為搬屋,要等時間有人上門裝寛頻,之後又去了旅行,我個女叫李采沂,其實佢唔係好叻,就嚟考試,我最擔心數學,佢應用題唔識解題,尤其是多了或少了的題目,點算呀,有什麼方法,請問你哋仔仔識唔識?我就嚟教佢教到要去飲杯水冷靜吓.

作者: kingawa 時間: 11-1-8 13:42

搬屋真的是很痛苦的事...

澤銘都係唔識解題...我印象中自己都未學過...
最重要是佢字都唔識好多,我都放棄了,
惟有看他自己了!
昨天發的默寫有個"遇"字,居然因為"田"下面的那個框沒有如書本上的楷書般穿出少少而當錯字!?你們看電腦打出來的這個"遇"字都沒有穿啦!真奇怪...

原帖由 annalee 於 11-1-8 10:47 發表
HI, 我返嚟啦,因為搬屋,要等時間有人上門裝寛頻,之後又去了旅行,我個女叫李采沂,其實佢唔係好叻,就嚟考試,我最擔心數學,佢應用題唔識解題,尤其是多了或少了的題目,點算呀,有什麼方法,請問你哋仔仔識唔識?我就嚟教佢 ...

作者: annalee 時間: 11-1-11 21:18 標題: 回復 1# kingawa 的帖子

今日派了數學評估,最尾嗰PART的比少比多的題目,可以說全軍覆沒,我真係無眼睇,點算呀,真係救命呀,不過聽阿囡講,無人一百分喎.我諗小朋友得六歲,應該未諗得咁透徹.唉.

作者: bbcyrus 時間: 11-1-11 23:20 標題: 回復 95# annalee 的帖子

我仔數學評估, 有一版成版無做到, 扣左好多分.... 佢話睇唔到!!

作者: kingawa 時間: 11-1-17 16:21

這幾天真的教到我吐血

特別是明天的常識,佢可以在讀了寫了幾十次"秩序"後依然指住"安全"說是"秩序"

你說我是否像在教一個智商有問題的兒童!我扔了幾次書,他爸爸接力時也忍不住打了他

中文科他說好難,我都不敢看了(上次評估差點不合格)!英文他說很簡單,咁佢一定會好大意!數學評估連數蝦有幾隻都可以錯!你地話我可以點

ps:我和他爸爸小學都是全級三名之內的人,所以是正正得負吧!

作者: annalee 時間: 11-1-18 21:43 標題: 回復 1# kingawa 的帖子

大家算啦,考試完結啦,阿囡識唔識都算啦,今次我無上次測驗咁緊張,常識都只係同佢背默,冇上次考佢中秋節幾時,端午節食乜,我仲記得上次搞到我冋阿囡精神分裂,問佢中秋節幾時,佢答五月五日,端午節食乜,佢話食月餅,搞到我同佢講要停一停.

今日同佢去咗麥當勞食嘢,算係俾啲甜頭啦.

作者: wongkay 時間: 11-1-19 23:51

好開心呀!終於考完試啦!我都無眼睇呀仔今次D成績，皆因佢上星期六日病到七彩，又發燒又咳又無胃口食嘢，成個人謝曬，所以無mug點溫數學和常識，就算有溫過嘅中文同英文，我都無信心，因為佢可以呢頭讀完，哥頭就唔記得，我同我老公都話要dig佢去驗吓個腦係咪有問題。Anyway，今次就睇佢嘅做化嘞。

你哋知唔知佢哋學校會唔會話比家長知小朋友在班中的名次呢？我個仔都唔洗唸會喺個皇榜出現，但都希望知道他在班是否落後很多。

作者: annalee 時間: 11-1-20 10:49 標題: 回復 1# wongkay 的帖子

我都唔知會唔會有名次,可以BENCHMARK吓.但聽阿囡講,遲啲有家長日喎.都唔知係唔係真.

歡迎光臨教育王國 (/)