教育王國

標題: 出街街唔比媽咪拖？ [打印本頁]

作者: colin0409 時間: 10-8-31 13:03 標題: 出街街唔比媽咪拖？

我個囝囝１７個月，佢由小到大，都唔鐘意受束縛。初初學行路，我們會扶著佢。到現在已識跑，佢一向都唔比我們拖，要強行拖佢，佢就發「皮」氣大哭。
現在出街好多時我只有抱著佢或坐bb車，因為怕佢唔拖著手，自己萬一走出馬路，就會有危險。

我問過有些媽咪，佢地的bb會比大人拖手出街街，但我個bb就唔肯，可以點教佢？

作者: Imagist 時間: 10-9-1 22:54

我亞囡依家28個月大, 佢由細到大都好獨立, 唔鍾意比人拖住. 但是我由佢識自己行開始同佢講出街一定要比大人拖住, 如果係安全既環境MAMI就會比妳自己行. 初初佢都唔肯架! 咁我咪同佢講唔比人拖就要比人抱住, 如是者, 佢唔比我拖我就會抱起佢, 咁之後佢就肯比我拖住行街啦!

作者: lun_shan925 時間: 10-9-21 04:09

你好,我個仔而家20個月,佢都係咁..
佢由學企開始就唔俾人掂...
學行果陣想拖o下佢都唔得...
到學識行就當然更加唔俾人拖啦...
每次出街俾佢落地,
我o地第一件事都係拖住佢講:"要拖住媽媽".
但係每次拖到兩秒佢就會fing開我/我老公隻手.
佢又唔鍾意望地下,成日行幾行就仆...
佢已經行得好穩,只係佢太興奮...
成日行得好急...又成日望天花板...

我記得早兩個月我o地開始教佢要拖手..
佢一唔肯我o地就會同佢講唔拖手就無得行,
如果佢都係唔聽,我o地就會即刻抱起佢...
佢會反抗要落地行,之後我o地又再重覆..
果排都好o左d,十次有幾次都俾拖幾分鐘..
但係而家佢仲衰...一要佢拖就坐地下唔行..
佢而家好似同我講條件咁...
一係就要自己行,一係就唔行...激死...
其實我每次都想由佢坐,直到佢肯屈服..
但係奈何條街又有人踩單單經過...又多人..
所以每次最終都係抱走佢就算...

平時我都好想俾佢學o下自己行...
但係四周圍都有馬路,都唔知點算...
多數我o地都係o係公園或者商場先俾佢行.
當然每次都會有兩個大人望實佢...

不過佢都有俾人拖o既時候...
每次佢行一d斜o既地方佢都會主動拖我..
不過一行完佢就即刻fing開我果隻...

希望多d媽媽俾意見我o地...
因為真係好煩惱...
好想放手由佢行,但係周圍都係馬路...
叫佢拖住佢就寧願坐地唔行或者扭抱..
好怕會縱到佢第日唔識行路...
好想可以好好咁拖住佢慢慢行...

11月要面試...
佢連拖都唔肯...
如果到時要抱住佢入去面試就真係慘..

作者: kmmum 時間: 10-9-28 10:19

我囡囡2歲3個月. 都係唔俾人拖. 唔知係咪因為. 工人日日帶佢去會所/平台,由得佢自己玩. 習慣左不受束縛.
去街.完全唔肯俾人拖.

試過係街訓係地下. 現在,我盡量一出街,就指著車車. 話'危險' ,一定要拖手!. 有時帶埋糖/餅出街.
佢肯俾我拖手, 便讚下佢, 俾糖佢食.

唉, 我都好頭痛. 出街唔拖實. 真係好危險.
有時去酒家食飯. 囡囡又係坐唔定,要落地.
我相信平日.無好好管束佢. 佢習慣鍾意行左就行左, 行右就行右.
各位家長,大家盡力la.

作者: ttlucky0303 時間: 10-9-28 12:37

我女女以前都係咁呀, 不過教得多同習慣之後大約2.5歲就肯拖番...

作者: 我係女仔 時間: 10-10-21 10:57

我仔都係咁呀, 要強住拖佢, 佢會坐地同訓地哭

作者: ttlucky0303 時間: 10-10-22 01:29

如果2歲半可以同佢講, "你唔拖住, 你會唔見左我地, 你就再見唔到我地"
同佢講下道理....慢慢佢就會明白

作者: Joshua_BB 時間: 10-10-30 15:08

我個女都3歲啦, 佢出街都係唔多肯俾人拖, 好有性格咁, 我都

作者: jc2009 時間: 10-11-17 14:48

我囡囡都係2歲2個月, 出街唔俾人拖, 真係好難搞...迫又發脾氣, 所以我只會講, 如唔俾媽咪拖, 下次無得出街....

原帖由 kmmum 於 10-9-28 10:19 發表
我囡囡2歲3個月. 都係唔俾人拖. 唔知係咪因為. 工人日日帶佢去會所/平台,由得佢自己玩. 習慣左不受束縛.
去街.完全唔肯俾人拖.

試過係街訓係地下. 現在,我盡量一出街,就指著車車. 話'危險' ,一定要拖手!. 有時 ...

作者: joannejojo 時間: 10-11-25 16:16

同佢講，拖住就會帶你去買糖糖或者玩具，
唔拖住就冇。

作者: Imagist 時間: 10-11-25 23:27

我之前試有1個方法, 暫時都work! 就係如果佢唔比我拖手, 就拖住佢耳仔, 佢一定唔LIKE架! 咁就問佢要拖手定拖耳仔! 咁佢就會識趣比妳拖手仔架啦!

作者: 愛貓 時間: 10-11-26 11:39

在家多玩"拖手仔"遊戲; 一出門口就要孩子拖住, 否則立即回家.

孩子肯拖手仔便多給予讚賞, 可一邊唱歌一邊拖手. 多點互動交流.

"拖手仔"是嚴規, 必須遵守.

作者: IJai 時間: 10-11-27 01:59

我個仔拖到實 ga wo-.-

作者: MYMYCHENG 時間: 10-11-29 22:19

提示: 作者被禁止或刪除內容自動屏蔽

作者: willytcf 時間: 10-12-1 11:07

以上有父母話買糖，又拖耳仔，又抱等其實都不是一個好辦法！

其實只要肯堅持，他一定會就範的！這階段的幼兒，始終比較自我，喜歡和不喜歡都比較明確地表現出來！

你可以平時多些在家說教和練習，堅持不拖的話，便不可以去街！如果你覺得當時他發脾氣的地點有危險的話，你便先把他抱埋一邊，讓他發脾氣發個夠便行了！他發覺不能得逞的話，便會自動自覺執行你的要求，小朋友不是傻的，他們很聰明呢！哪一方不夠堅持，那一方便是輸家了！

作者: VincentYaki 時間: 10-12-4 18:42

係呀，堅持係好重要o家，我個仔唔肯拖，訓地，我唔理佢照拖lor，佢發覺唔work，就起身行ka la，但係我老婆就堅持唔到，次次都輸lor。

作者: yfchoy 時間: 10-12-6 16:39

當小朋友開始學行時好多時都唔俾人拖。其實大家有否想過試吓用背帶呢(俗稱"狗帶仔")？我的囡囡現在兩歲，有時佢都要自己行，但我只會喺安全情況下俾佢咁做。回想之前佢初學步行時，我一定會幫佢穿上背帶，有時就算佢突然fing開我隻手，佢都知道走唔遠。等佢知道可以自己行，但點都唔能夠離開父母太遠。
現在已開始冇再用背帶，但佢一扭計就會緊緊的抱起然後同佢講如果要鬆手就冇得行！

作者: woowooma 時間: 10-12-8 09:06

提示: 作者被禁止或刪除內容自動屏蔽

作者: chinyuentung 時間: 10-12-8 13:01

我個囡15個月大都係咁, 佢唔俾我哋拖, 即刻抱返佢, 唔俾佢落地, 然後問佢, 係咪想落地行行, 如果係就一定拖住媽媽/爸爸手手, ok? 咁佢就點頭, 我就放佢落地行, 同埋即刻拖住佢隻手囉~
我都好同意willytcf所講堅持好緊要, 16個月開始bb開始有自主能力, 佢會不斷去測試你哋嘅底線, 有d野係唔可以做的話, 一開始就要明確話俾佢知"唔可以/ no", 仲要持之以行, 有耐性去實行, 千萬唔好期望一次, 兩次會有成效......有耐性同堅持係好重要, 千萬唔好give up呀~一齊努力, 一定得架

作者: Olympian 時間: 11-4-17 16:41

我囝囝都係咁，要自己行。拖佢就會放鬆全身。

之後，我"暫停"了拖佢行路，多數抱佢，不過唔會比佢自己行。

而家佢2yr7mth，唔知點解又肯拖手行，仲成日主動要拖大人隻手行。真神奇﹗

作者: bleung 時間: 11-4-18 02:29 標題: 回覆 1# colin0409 的文章

The "hold hand" rule or any rules need to be precise and consistent. A 2-yr old doesn't understand much about danger or getting lost or get hit by a car unless he has that frightening experience. It's like training a puppy. Tell him that he needs to hold your hand / Mommy wants you to hold my hand, before you leave the house. The minute you step out of the door, hold his hand all the way until you reach your destination. Then tell him now it's save to walk on his own. If he refuses to hold your hand at any one point of time, tell him the trip is over and you are going home, AND DO IT! You can practice this a few times in your free time.

Sometimes children are confused about when and why they have to hold hands. I have seen little kids wandering around on streets and shopping mall with parents trailing behind them. Certainly the little kids would think that they are allowed to do so, then suddenly they are asked to hold hands in the same context. I would be confused and frustrated too.

Hope this could help.

作者: bee918 時間: 11-4-21 13:56

好幸運我隻bee一自細都習慣拖手, 可能佢比較細膽啦. 只要大人伸隻手出黎, 佢就自然比番隻手我地拖住.
由佢好細個識識地行果刻, 即使係去公園, 我地一定係拖實佢. 我教佢馬路邊一定要拖住, 吾係馬路邊就可以自己行, 佢吾拖住媽咪, 媽咪就會好危險, 可能會比車車親.
而且屋企同學校都有教睇交通燈.
專家就話出街前要先講左明, 如果BB吾聽話就的佢返屋企, 或者限制佢係bb車到

作者: kakimokmama 時間: 11-4-21 21:24

呢個post令我念翻去我個女果時都係咁。
成日扮大個女，出到街就唔比人拖手仔。
不過我好針著呢點，我果時好義正詞嚴同佢講，因為真係唔小心沖左出馬路，你都反應唔到，意外就係咁發生。
所以一定要強硬小小，加油^_^

作者: shiraz 時間: 11-5-11 15:44

大家不如試吓五分鐘暗示法, 當小朋友睡着後的半小時內跟他/她說話, 教他/她要點點點...
我個朋友work, 但我個仔就一時時work. 不過大個仔咗又真係好似好啲.

作者: minichong 時間: 11-5-12 18:01

作者: emilythestrange 時間: 11-5-18 18:10

提示: 作者被禁止或刪除內容自動屏蔽

歡迎光臨教育王國 (/)