教育王國

標題: 為言語發展遲緩o既小朋友選小學 [打印本頁]

作者: Geni 時間: 10-9-10 12:46 標題: 為言語發展遲緩o既小朋友選小學

我個細仔有speech delay, 下年入小一. 佢哥哥依家讀緊小學, 最安全就係揀番o個間, 但又怕學校對佢呢類小朋友支援唔知夠唔夠, 咁我應該留意d乜o野而決定揀唔揀佢好呢?

作者: olima 時間: 10-9-10 15:10

你可以先了解哥哥所讀學校對有特殊需要小朋友的支援，才作出選擇。

如果曾在cac進行評估，又有服務跟進(如e位、i位)，相關中心/學校可以 send小朋友的file去學校，但大前提是家長填表時剔了小朋友有特殊需要。教署有額外撥款俾學校給予有特殊需要小朋友的。

原帖由 Geni 於 10-9-10 12:46 發表
我個細仔有speech delay, 下年入小一. 佢哥哥依家讀緊小學, 最安全就係揀番o個間, 但又怕學校對佢呢類小朋友支援唔知夠唔夠, 咁我應該留意d乜o野而決定揀唔揀佢好呢? ...

作者: Geni 時間: 10-9-10 15:52

原帖由 olima 於 10-9-10 15:10 發表
你可以先了解哥哥所讀學校對有特殊需要小朋友的支援，才作出選擇。

如果曾在cac進行評估，又有服務跟進(如e位、i位)，相關中心/學校可以 send小朋友的file去學校，但大前提是家長填表時剔了小朋友有特殊需要。教署有額外撥 ...

我冇o係政府做過評估, 不過填表o既時候我唔介意剔小朋友有特殊需要, 因為我唔擔心學校會因為咁標籤o左佢, 我反而怕就算學校知道佢有額外需要但都幫唔到佢.

因為我之前有帶個仔去協康上堂, 所以佢地安排o左個小一選校講座俾我去聽, 我想o係聽之前知道多少少要注意o既地方, 等到時識得問.

作者: Charlotte_mom 時間: 10-9-10 16:30

小學已經無所謂e位i位, 只有融合課程, 但學校按"有需要支援"既學生人數申請左津貼後, 點用d錢係無規定的

我仔亦係i位畢業, 果時i位老師已經提醒我:
1. 有支援需要, 唔等於優先派間融合學校俾你, 抽獎機會同一般學生係一樣的
2. 有融合教育唔等於做得好, 舉例, 佢知有學校有st, 不過一個月一堂, 30分鐘, 你覺得幫到幾多? 都未坐暖張chair已經夠鐘了, 有d拎晒d錢d買電腦話用黎做支援, 又無人理

(又要呻一次, 靠政府就真係大件事)

所以我揀學校, 我會睇返間學校本身focus係咩, 如果對住d家長日日講自己學術卓越果d, 唔係我杯茶, 我希望學校俾到allowance每一個小朋友(無論有無特殊需要), 尊重小朋友係獨立個體各有長短

去過一間直資, 校長話"我地好錫小朋友, 收得返黎, 佢讀唔讀得書成, 我地都咁錫佢" 同老師傾計, 佢地可以隨口share得出過去點幫到d學生, 我覺得呢d好緊要, 係老師對教育既一種承諾

硬件方面, 就算要交學費既學校都唔一定資訊充足, 我去簡介會一定會問"你地對有學習需要既學生有咩支援", 有d答得出, 知道自己有咩(包括我仔而家讀緊果間), 有補底, 有ed psy, 每日有社工長駐, 有st..........亦有學校好proudly present一句"我地有充足既支援, 我地個個禮拜都有社工到訪!" (無言!)

所以我好強烈建議你自己去學校open day, 簡介會, 感受下學校focus係咩, 點去辦教學, 你會有唔同感受

原帖由 olima 於 10-9-10 03:10 PM 發表
你可以先了解哥哥所讀學校對有特殊需要小朋友的支援，才作出選擇。

如果曾在cac進行評估，又有服務跟進(如e位、i位)，相關中心/學校可以 send小朋友的file去學校，但大前提是家長填表時剔了小朋友有特殊需要。教署有額外撥 ...

作者: Geni 時間: 10-9-10 16:54

原帖由 Charlotte_mom 於 10-9-10 16:30 發表
小學已經無所謂e位i位, 只有融合課程, 但學校按"有需要支援"既學生人數申請左津貼後, 點用d錢係無規定的

我仔亦係i位畢業, 果時i位老師已經提醒我:
1. 有支援需要, 唔等於優先派間融合學校俾你, 抽獎機會同一般學生 ...

無錯~~ 所以我唔介意俾學校知小朋友有特殊需要, 反而你怕佢得個知字, 但乜都做唔到~~~

但問題係, 依家哥哥讀緊o個間, 大把人揀第一志願都入唔到, 反而同區有幾間做融合教育做得幾好o既學校, 年年收生不足.... 而且哥哥依家都讀得幾輕鬆, 功課又唔多, 之不過o岩哥哥又唔等如o岩細佬.... 都唔知揀唔揀佢好....

作者: CrabPincers 時間: 10-9-11 08:01

原帖由 Geni 於 10-9-10 16:54 發表

無錯~~ 所以我唔介意俾學校知小朋友有特殊需要, 反而你怕佢得個知字, 但乜都做唔到~~~

但問題係, 依家哥哥讀緊o個間, 大把人揀第一志願都入唔到, 反而同區有幾間做融合教育做得幾好o既學校, 年年收生不足.... 而 ...

有時, 出名融合好既收生不足學生的學校, 過多幾年, 到佢地收到足(吾驚殺校)就會變質, 寶x, 日x 就係一個好例子

[ 本帖最後由 CrabPincers 於 10-9-11 08:02 編輯 ]

作者: BBHim 時間: 10-9-12 00:44

我的經驗....就揀阿哥個間啦, 間間學校都話有補底, 但資源分配唔到你話事, 所以揀自己喜歡的學校啦..............

作者: Charlotte_mom 時間: 10-9-12 15:37

唔係架, 有d連"補底"都唔想提, 就算你問到補底政策, 都好似督正死穴咁避重就輕係咁易帶過

所以我咪話, 如果對於班"未來家長"都只講自己學校點好點叻, 樣樣都成績掛帥, 家長都應該心中有數

原帖由 BBHim 於 10-9-12 12:44 AM 發表
我的經驗....就揀阿哥個間啦, 間間學校都話有補底, 但資源分配唔到你話事, 所以揀自己喜歡的學校啦..............

作者: aryee 時間: 10-9-13 14:51

原帖由 Charlotte_mom 於 10-9-10 16:30 發表
去過一間直資, 校長話"我地好錫小朋友, 收得返黎, 佢讀唔讀得書成, 我地都咁錫佢" 同老師傾計, 佢地可以隨口share得出過去點幫到d學生, 我覺得呢d好緊要, 係老師對教育既一種承諾

可否整幾間校名黎﹖我自己再去研究。
茫茫大海，你short list左幾間，我又行少好多路。
thanks

作者: aryee 時間: 10-9-13 15:00

原帖由 Geni 於 10-9-10 16:54 發表

無錯~~ 所以我唔介意俾學校知小朋友有特殊需要, 反而你怕佢得個知字, 但乜都做唔到~~~

但問題係, 依家哥哥讀緊o個間, 大把人揀第一志願都入唔到, 反而同區有幾間做融合教育做得幾好o既學校, 年年收生不足.... 而 ...

same here. 大仔讀緊一間ok既學校，問題係是否適合細仔，我細懷疑係讀障，應該係marginal case，但要等一年級先有得評估，我都15/16...但傾向跟左阿哥先，一來讀障未confirm，二來到時學校真係配合唔到，我諗轉返出黎會易過到時發現佢都適應到而想轉佢入去。

作者: olima 時間: 10-9-13 15:03

Charlotte_mom,

你提嗰間直資，是否在tko一條龍，讀12年的那間基督教英小﹖

定係你對寶貝仔女讀那間港島一條龍學校﹖

請賜教。

原帖由 aryee 於 10-9-13 14:51 發表

可否整幾間校名黎﹖我自己再去研究。
茫茫大海，你short list左幾間，我又行少好多路。
thanks

作者: Geni 時間: 10-9-13 20:21

原帖由 aryee 於 10-9-13 15:00 發表

same here. 大仔讀緊一間ok既學校，問題係是否適合細仔，我細懷疑係讀障，應該係marginal case，但要等一年級先有得評估，我都15/16...但傾向跟左阿哥先，一來讀障未confirm，二來到時學校真係配合唔到，我諗轉返出黎會易過到時發 ...

轉出O黎容易過轉入去 <-- 我都係咁諗. 例者等今個星期聽埋協康個講座, 多D資料就作決定.

作者: Charlotte_mom 時間: 10-9-13 21:23

係呀, 話錫小朋友果間, 就係tko低密度式好靚果間

, 我都好鐘意(校舍&校學)
港島果間, 對左咁多年, 一清二楚當然亦好有信心

原帖由 olima 於 10-9-13 03:03 PM 發表
Charlotte_mom,

你提嗰間直資，是否在tko一條龍，讀12年的那間基督教英小﹖

定係你對寶貝仔女讀那間港島一條龍學校﹖

請賜教。

作者: loklokmami 時間: 10-9-13 22:35

原帖由 Charlotte_mom 於 10-9-13 21:23 發表
係呀, 話錫小朋友果間, 就係tko低密度式好靚果間 , 我都好鐘意(校舍&校學)
港島果間, 對左咁多年, 一清二楚當然亦好有信心

即係邊間呀?因為我都煩緊報邊間~
唔知陳國x同陳燿x好唔好呢?
因為我個仔係a仔~

作者: olima 時間: 10-9-13 23:47

即係x道書院，橙色的。

我都幾鍾意，唔知阿囝同佢有冇緣份。

A仔都好多類，有d過度活躍，有d係情緒問題，好難一概而論。我囝都被評為a傾，好彩屬高功能。

原帖由 loklokmami 於 10-9-13 22:35 發表

即係邊間呀?因為我都煩緊報邊間~
唔知陳國x同陳燿x好唔好呢?
因為我個仔係a仔~

作者: aryee 時間: 10-9-14 09:28

原帖由 olima 於 10-9-13 23:47 發表
即係x道書院，橙色的。

我都幾鍾意，唔知阿囝同佢有冇緣份。

A仔都好多類，有d過度活躍，有d係情緒問題，好難一概而論。我囝都被評為a傾，好彩屬高功能。

...

據聞呢間唔易考，呢間考得入，會唔會讀返普通學校都唔成問題呢

定係大家既case係比較超班呢

作者: sohappy 時間: 10-9-14 10:08

直資咁多人爭, 好難入的, 有經驗的老師會分得出special小朋友, 除非真係好叻, 或者面試狀態好好, 又或者有人事關係. 要點是有沒有support給小朋友, 唔係間間直資會有的.

以我經驗,最好選小一時睇清楚合唔合適, 唔好以為由一間學校去第二間好容易, 好多普普通通的學校知你小朋友有問題係唔會收你, 我自己就係, 果種心情好難過.

原帖由 aryee 於 10-9-14 09:28 發表

據聞呢間唔易考，呢間考得入，會唔會讀返普通學校都唔成問題呢定係大家既case係比較超班呢

作者: Charlotte_mom 時間: 10-9-14 10:56

我緊係明啦! 我就係因為個女讀左間學校幾年, 我見到佢點樣幫學生補底(有需要時), 有D真係跟黎跟去都麻麻地(例如半唐番小朋友中文跟得辛苦), 學校入面亦有收過A仔, ADHD, 學障果D, 所以我知佢"頂得住"
當然, 學你話齋, INTERVIEW時過唔過到關又另一件事, 無法啦, 就算係普通小朋友, 都唔易考入, 咁都要試架! 或者小朋友INTERVIEW果日做左D野令人印象深刻呢, 有咁既經驗同SUPPORT, 果D學費我俾得心甘情願了
間學校一讀就6年, 轉校真係唔係好好玩, 所以我希望"一撃即中", 起碼自己觀察過岩水心至考, 有信心學校收得就唔會叫你走, 好過玩攪珠, 結果點都要接受

原帖由 sohappy 於 10-9-14 10:08 AM 發表
直資咁多人爭, 好難入的, 有經驗的老師會分得出special小朋友, 除非真係好叻, 或者面試狀態好好, 又或者有人事關係. 要點是有沒有support給小朋友, 唔係間間直資會有的.

以我經驗,最好選小一時睇清楚合唔合適, 唔好 ...

作者: SoNyPig 時間: 10-9-14 11:04

原帖由 Geni 於 10-9-10 16:54 發表

無錯~~ 所以我唔介意俾學校知小朋友有特殊需要, 反而你怕佢得個知字, 但乜都做唔到~~~

但問題係, 依家哥哥讀緊o個間, 大把人揀第一志願都入唔到, 反而同區有幾間做融合教育做得幾好o既學校, 年年收生不足.... 而 ...

完全agree!!!!
其實好多家長雖口中說自己唔介意，但總會介意
反而點解唔可以俾小朋友係一間融合教育底下的學校學習包容，與人相處呢。

我曾經係度都分享過，有間tko既小學,有學生係特別需要,佢設左個特別室啦,但係我去一班教書，我睇到個特別需要既學生特別坐係中間位,無人願意同佢坐,佢一出聲，d小朋友又話miss!!佢出聲,佢好煩..等等等等
排隊仲要鬧交甘濟。

呢d..就係學校無教育小朋友學習包容下的影響...唉

作者: AAma 時間: 10-9-14 17:37

可唔可以講下有邊d做得好的學校? 我發覺身邊越來越多朋友子女都有這些問題.

原帖由 SoNyPig 於 10-9-14 11:04 發表

完全agree!!!!
其實好多家長雖口中說自己唔介意，但總會介意
反而點解唔可以俾小朋友係一間融合教育底下的學校學習包容，與人相處呢。

我曾經係度都分享過，有間tko既小學,有學生係特別需要,佢設左個特別室啦,但係我去 ...

作者: cutekiddy 時間: 10-9-15 03:27

請問大家可以係邊度check到小朋友有問題?我其實極度懷疑我個女有讀障,但係唔知点算好!

作者: Charlotte_mom 時間: 10-9-15 10:42

小朋友過左6歲, 好似健康院唔再接CASE.........如果懷疑, 最快就係去協康啦, PRO得黎都一定比政府快, 雖然要收費
(幾年前我仔就收$600/50分鐘, 而家唔知呢)

原帖由 cutekiddy 於 10-9-15 03:27 AM 發表
請問大家可以係邊度check到小朋友有問題?我其實極度懷疑我個女有讀障,但係唔知点算好!

作者: sohappy 時間: 10-9-15 11:05

你仔好幸福, 有你在旁協助, 又入到好學校

, 加油.

原帖由 Charlotte_mom 於 10-9-14 10:56 發表
我緊係明啦! 我就係因為個女讀左間學校幾年, 我見到佢點樣幫學生補底(有需要時), 有D真係跟黎跟去都麻麻地(例如半唐番小朋友中文跟得辛苦), 學校入面亦有收過A仔, ADHD, 學障果D, 所以我知佢"頂得住"
當然, 學你話齋 ...

作者: Charlotte_mom 時間: 10-9-15 11:12

唔生都生左出黎, 仲有得揀咩

大家都加油啦!

原帖由 sohappy 於 10-9-15 11:05 AM 發表
你仔好幸福, 有你在旁協助, 又入到好學校 , 加油.

作者: sohappy 時間: 10-9-15 11:14

你可去私家check先, 政府照排, 你叫私家醫生寫refer letter去排政府cac.

另外, 你可要求見學校社工安排心理學家評估.

原帖由 cutekiddy 於 10-9-15 03:27 發表
請問大家可以係邊度check到小朋友有問題?我其實極度懷疑我個女有讀障,但係唔知点算好!

作者: aryee 時間: 10-9-15 11:37

原帖由 cutekiddy 於 10-9-15 03:27 發表
請問大家可以係邊度check到小朋友有問題?我其實極度懷疑我個女有讀障,但係唔知点算好!

你女幾大﹖讀障at least一年級先可以confirm，但珠絲馬跡，其實早d已經有跡可尋。我仔果時k2，我去健康院慢慢排，先係見健康院姑娘，過關，再排見健康院醫生，又過關，醫生寫紙去cac見姑娘，再過，而家就係排緊見cac醫生，因小朋友未夠秤，所以都講明見左醫生都唔會做評估，而且一年級學校會有test做讀障，到時一併做，我而家只係落薄備案。

雖然話未夠秤做評估，但各方問完口供都覺得佢係marginal case，另外cac姑娘見完話可能charge佢多一條專注力缺乏........但，一切言之尚早，有待觀察。雖然話斷症要夠秤，但如果有懷疑，我覺得要及早做野，到佢confirm我先開工，已經蚊訓。所以我而家都當正佢係讀障咁教(中文拆開個字黎教，一個字一個故事，英文就配合phonics....)

我有時諗，對marginal黎講，confirm可能有labelling effect，但會有好d既資源同support，1516，都唔知想佢confirm好定唔confirm好，但唔係我話事，anyway，盡力而為。加油

[ 本帖最後由 aryee 於 10-9-15 12:04 編輯 ]

作者: cutekiddy 時間: 10-9-16 01:22

阿女5歲,今年k3.每個英文字同佢串50次以上都唔記得.上星期問佢apple点串都可以錯,跟住叫我比佢串個佢鍾意嘅'太陽'.最尾串咗s...u...之後都唔識串埋,重要求其串多個u就算

至於中文,新屋出面有張揮春'出入平安',佢同我講識讀,當時幾開心.但係佢竟然讀咗'師傅入出'

可能佢成日見到啲裝修師傅出出入入掛!

係屋企門口教完佢,跟手搭lift,去到樓下又唔記得嗰幾個字点讀.

有時真係好辛苦,大仔超級聰明,k1已經識睇餐牌叫嘢食,k2問我人係咪可以分解成粒子,最近就自己計緊各種職業收入,同我講要做醫生,仲話到時比番個折頭我,不過得95折.佢話已經好平,因為100蚊平咗5蚊,我仲唔駛比車錢

平時都係問佢点搭巴士去邊度,唔知点解佢未搭過都up得出

兩兄妹年紀相差1年,但係IQ真係天同地,我真係唔知点教!呢牌報緊小一,阿老公話如果比佢付碌考到間好好嘅,都唔知比唔比佢讀好,盞我地兩個教到嘔血!

[ 本帖最後由 cutekiddy 於 10-9-16 01:28 編輯 ]

作者: circle119 時間: 10-9-16 11:17

原帖由 Geni 於 10-9-13 20:21 發表

今個星期聽埋協康個講座, 多D資料就作決定

我都是21/9去梁顯利"聽埋協康個講座,
多D資料就作決定"

作者: jayed1668 時間: 10-9-16 13:41

小女及小兒都有語言問題,由2.5age開始去專科門診上語言治療,選校時你可問語言治療師意見, 我和另一朋友都是入普通的津貼學校,小女至今都升小六, 初入小一時治療師寫了轉介信給學校的語言治療師,之後由學校的治療師繼續跟進.直至小二下學期,治療結束,現在她的語言和其他小朋友沒什麼分別 ,而小兒選另一普通的津貼小學,同小女一樣如此跟進.

(香港的小學如是官立或津貼的學校,都由政府資助聘請語言治療師及社工註校)

語言發育遲緩在香港現今很常見,不要太担心,

多同小朋友談話,不要強迫她每次發音正確或每次有回應,
因為在家長同小朋友談話,是讓她多聽正確的發音,再配合適當的治療,

作者: aryee 時間: 10-9-18 00:39

原帖由 cutekiddy 於 10-9-16 01:22 發表
阿女5歲,今年k3.每個英文字同佢串50次以上都唔記得.上星期問佢apple点串都可以錯,跟住叫我比佢串個佢鍾意嘅'太陽'.最尾串咗s...u...之後都唔識串埋,重要求其串多個u就算

至於中文,新屋出面有張揮春'出入 ...

我以為我大細仔相差遠，你仲誇張過我。
點都好，盡力教，用多d唔同方法幫佢認幫佢記，佢最後吸收左幾多就幾多，最緊要，都係佢地健康快樂成長啫，其它野，盡左力就得。努力！

作者: Charlotte_mom 時間: 10-9-18 12:12

有無試過俾小朋友接觸phonics呀? 對串字/認字好有幫助架

原帖由 aryee 於 10-9-18 12:39 AM 發表

我以為我大細仔相差遠，你仲誇張過我。
點都好，盡力教，用多d唔同方法幫佢認幫佢記，佢最後吸收左幾多就幾多，最緊要，都係佢地健康快樂成長啫，其它野，盡左力就得。努力！ ...

作者: aryee 時間: 10-9-19 00:42

原帖由 Charlotte_mom 於 10-9-18 12:12 發表
有無試過俾小朋友接觸phonics呀? 對串字/認字好有幫助架

有，仲讀得幾好tim，但可惜呀，佢精神分裂。比許多唔識既生字佢，如果話係溫phonics，佢都可以拼個音出黎，但如果呢d字出現響英文書上，佢全部都會讀唔出。英文個bag同phonics個bag，對佢黎講係唔同架，佢未可以將phonics apply響學習英文上，佢當左另一科黎讀，死未

[ 本帖最後由 aryee 於 10-9-19 00:48 編輯 ]

作者: cutekiddy 時間: 10-9-19 02:43

大件事,阿女連dog都唔識串

!除咗'精靈'之外,佢仲要成日認叻!叫親佢串字就話'o甘易都要串?',最尾都係串錯.有一次叫佢串1至10,佢講完呢句說話之後,就開始'串'比我聽, "1..2..3..4..5..6..7..8..9..10",不過係用廣東話

我係12網,原本有好多好學校選擇.但係阿女o甘,比佢抽到marymount 或 st. paul's 就預咗墊底,軒官老公又唔鍾意.但係又無可能有好嘅唔簡,搵一啲次一啲比佢!下星期就要交表,依家都唔知点填!

其實港島區有無好嘅phonics介紹,最好係銅鑼灣啦!

thanks a lot!

[ 本帖最後由 cutekiddy 於 10-9-19 03:01 編輯 ]

作者: aryee 時間: 10-9-20 10:08

原帖由 cutekiddy 於 10-9-19 02:43 發表
大件事,阿女連dog都唔識串 !除咗'精靈'之外,佢仲要成日認叻!叫親佢串字就話'o甘易都要串?',最尾都係串錯.有一次叫佢串1至10,佢講完呢句說話之後,就開始'串'比我聽, "1..2..3..4..5..6..7..8..9..10",不過係 ...

我個仔就呢款，比五張字咭佢叫佢認，數分鐘後問佢，佢話我唔使睇都識呀，果五個字就係「金木水火土」，佢係背晒果五個係咩字，但你抽一張字咭比佢，佢根本分唔出果個係咩字。好明顯，佢係背晒(有時係記圖畫/顏色/位置/page #)佢要學既字，都就認唔出果隻字。你叫佢讀書咩，佢唔係讀出黎，佢係背出黎。其實佢個人幾好學，亦唔懶，但無法認字，個腦好似無左認字個function咁。寫鏡字，左右掉轉就更加常有發生，所以，雖然未評估，都心中有數。

[ 本帖最後由 aryee 於 10-9-20 10:13 編輯 ]

作者: sohappy 時間: 10-9-20 10:26

你小朋友可能有讀障, 不過要上小一先有得評估, 我個就係咁, 細時有speech delay, 上小學証實有讀障問題, 這些小朋友腦部發展出了小障礙, 佢地decoding文字有困難, 唔係佢地懶,真係讀十次都未必認到, 要用好多感知方法去教.

原帖由 aryee 於 10-9-20 10:08 發表

我個仔就呢款，比五張字咭佢叫佢認，數分鐘後問佢，佢話我唔使睇都識呀，果五個字就係「金木水火土」，佢係背晒果五個係咩字，但你抽一張字咭比佢，佢根本分唔出果個係咩字。好明顯，佢係背晒(有時係記圖畫/顏色/位置/page #)佢要 ...

作者: aryee 時間: 10-9-20 11:32

原帖由 sohappy 於 10-9-20 10:26 發表
你小朋友可能有讀障, 不過要上小一先有得評估, 我個就係咁, 細時有speech delay, 上小學証實有讀障問題, 這些小朋友腦部發展出了小障礙, 佢地decoding文字有困難, 唔係佢地懶,真係讀十次都未必認到, 要用好多感知方 ...

Yes, 晚晚都挑戰我既創意，你有咩好方法share?
咁你小朋友係咪主流學校讀書﹖你覺得適唔適合﹖
我仔無speech delay，但可能有專注力缺乏。學校老師叫我最好揀傳統教學，佢話活動教學，我仔可能學到一舊雲，傳統仲有d咋拿。某程度上，我同意佢講。

作者: sohappy 時間: 10-9-20 11:58

主流學校, 不太傳統, 分組活動, 英文主攻phonic, 中文要分部件教, 用唔同color寫部件, 要配詞, 字card, 在米粒上用手指寫下字, 用cd聽課文再看書. 不停repeat又repeat去做, 無法, 佢地decoding有問題, short term memory 又好短.

原帖由 aryee 於 10-9-20 11:32 發表

Yes, 晚晚都挑戰我既創意，你有咩好方法share?
咁你小朋友係咪主流學校讀書﹖你覺得適唔適合﹖
我仔無speech delay，但可能有專注力缺乏。學校老師叫我最好揀傳統教學，佢話活動教學，我仔可能學到一舊雲，傳統仲有d咋拿。某程度 ...

作者: aryee 時間: 10-9-20 14:14

原帖由 sohappy 於 10-9-20 11:58 發表
在米粒上用手指寫下字

呢個唔明，有勞指教，玩米仙﹖

作者: sohappy 時間: 10-9-20 14:50

呵呵, 找米仙指點.

我薄薄放一些米(或豆豆都得)在小盤or平蓋面上, 用手指在米上寫字, 其實好似在沙灘用手寫子一樣咁, 訓練觸感.

原帖由 aryee 於 10-9-20 14:14 發表

呢個唔明，有勞指教，玩米仙﹖

作者: aryee 時間: 10-9-21 09:20

thanks米仙指點

作者: Geni 時間: 10-9-26 00:34

要交表了!特殊教育編號係咪應該填"7" (言語障礙) 呀? 成份表填好哂,係淨番呢格未填!上一次幫哥哥填就最難填個學校名,今次就到呢個no.,三心兩意,唔知填唔填好......

[ 本帖最後由 Geni 於 10-9-26 00:40 編輯 ]

作者: circle119 時間: 10-9-26 12:39

我到交表了!

我都係填特殊教育編號填"7" (言語障礙)

歡迎光臨教育王國 (/)