教育王國

標題: 小學生專注力不足的問題 [打印本頁]

作者: Guest 時間: 10-10-6 23:38 標題: 小學生專注力不足的問題

提示: 作者被禁止或刪除內容自動屏蔽

作者: brian61950 時間: 10-10-7 08:29

祝你好運,唔提好過提.

作者: JOJA 時間: 10-10-7 09:38

認同所說, 真係唔提好過提.

原帖由 brian61950 於 10-10-7 08:29 發表
祝你好運,唔提好過提.

作者: 呀Bow 時間: 10-10-7 09:41

如你入紙的是有名官校, 就算小朋友成功入讀....也祝你好運o

作者: kikiboy 時間: 10-10-7 13:48

雖然學校幫唔到d乜, 但都會對個別小朋友包容度大d.

作者: 小艾比 時間: 10-10-7 22:45

其實支援多O既學校係會有幫助嫁, 好似我女間學校安排小女每星期放學後上一堂遊戲小組, 另每星期上一堂專注運動小組, 各上一小時半, 而班主任亦有同我講, 如果阿女因失暈而唔記得帶功課只會寫手冊而唔會記缺點. SOFAR 阿女都未試過.

所以我覺得比學校知道後, 家長同小朋友壓力都無咁大.

原帖由 kikiboy 於 10-10-7 13:48 發表
雖然學校幫唔到d乜, 但都會對個別小朋友包容度大d.

作者: Vinyny 時間: 10-10-8 11:21

其實百分之九十的小學生專注力都不足，大大下就會有改善。你小朋友有幾嚴重？？

作者: wynma 時間: 10-10-8 15:14

其實點先算係有專注力不足呀? 我好驚呀! 亞仔成日都做功課很慢, 會遊魂, 但同佢計時就做得勁專心和勁快(可以快過我), 可以一個鐘多D完成很多樣功課, 唔同佢計時就好似冇晒目標咁, 可以一個鐘都做唔晒一樣功課, 所以日日都同佢計時, 佢又覺得好玩, 我又唔洗勞氣囉! 其實咁樣係唔係有專注力不足呀? Thanks!

作者: BBTWIN 時間: 10-10-8 17:17

我都信大部份小朋友都會有專注力不足問題. 我對女都會. 不過睇下去到咩野程度者. 我對女做功課時能專心同埋快, 所以我又唔覺太大問題. 不過老師會提下我兩個女平時上堂會四圍望, 唔太專心. 同埋專注時間冇其他同學o甘長. 如果嚴重果隻係應該有埋過動活躍症, 即係連坐都坐唔定, 四圍走, 功課又點做呀?? 所以唔駛驚, 可以用計時方法令小朋友自動完成功課就唔係有問題. 真係有嚴重問題要睇醫生架, 唔係一般家長用方法可以處理到的.

作者: 20072010 時間: 10-10-8 22:53

提示: 作者被禁止或刪除內容自動屏蔽

作者: wynma 時間: 10-10-11 16:40

我今日試吓唔同佢計時, 佢而家做緊功課, 好似都好ok喎! 希望佢大大吓會越嚟越好啦! 不過佢都係睇心情, 時好時懷咁! 要用讚美的說話氹佢才會做得快!

原帖由 BBTWIN 於 10-10-8 17:17 發表
我都信大部份小朋友都會有專注力不足問題. 我對女都會. 不過睇下去到咩野程度者. 我對女做功課時能專心同埋快, 所以我又唔覺太大問題. 不過老師會提下我兩個女平時上堂會四圍望, 唔太專心. 同埋專注時間冇其他同學o ...

作者: joeylin1017 時間: 10-10-12 02:21

我囡囡專注力不足,會用畫畫黎培養:)

作者: 菇芝bebi 時間: 10-10-12 11:23

其實官小話活動, 其實都傳統架, 想俾個心理準備俾你, 就係小一呢年, 大人細路都會適應得好辛苦, 我個女間學校係非常活動教學的, 阿女讀得好開心, 但就係專注力不足, 上完堂都唔知老師教左乜, 功課唔識做, 仲話老師無教過, 後來同其他家長傾開, 原來課堂上都有講功課內容, 小朋友都可以輕鬆完成

只係阿女本身問題.....結果, 我就好辛苦咁過左一年

由初開學評估知道佢差不多最谷底至下學期評估上返去中間水平

其實, 我無要求阿女要做尖子, 只係要求佢一年班要學識一年班的東西, 無要求佢做任何超越佢年齡既野, 今年升左小二, 做功課自覺左, 在很多的讚美下, 可以自己完成, 因為係佢自己做功課的關系, 所有小測我無幫佢溫都無唔合格, 只係要幫佢默書, 己經係好大進步啦

努力啦!

原帖由 Guest 於 10-10-6 23:38 發表
小兒將會入讀官立小學, 填小一入學申請表時已註明小兒有專注力不足問題, 想問官立學校遇到這些專注力不足既學童會點處理架呢？會有那些訓練或輔導呢？ ...

歡迎光臨教育王國 (/)