教育王國

標題: 聖家九龍塘 VS 播道書院 [打印本頁]

作者: STCMa 時間: 10-10-22 03:18 標題: 聖家九龍塘 VS 播道書院

請大家俾意見您會選边間呢? WHY?

謝謝!

作者: VKwan 時間: 10-10-22 08:30

梗係聖家啦，xx好yap架詐！我有親戚讀緊，用書就好似好深咁，但老師唔掂，太young唔識教書，好既又好快離職。親戚都名列前茅果種學生(個學生冇問題，純粹覺得間學校唔掂想轉出來)，想轉校居然冇出路，出面d學校唔肯收。
我知實情係咁多，不喜勿插！

作者: babybear 時間: 10-10-22 09:07

比我會揀聖家!

[ 本帖最後由 babybear 於 10-10-22 09:09 編輯 ]

作者: w_y 時間: 10-10-22 09:09

我會揀聖家.

作者: dahchonghong 時間: 10-10-22 09:55 標題: 聖家

梗係揀聖家 !

作者: TIGERBAMA 時間: 10-10-22 10:04

一定聖家

原帖由 dahchonghong 於 10-10-22 09:55 發表
梗係揀聖家 !

作者: easybring 時間: 10-10-22 10:10

我不比較兩校. 41網女仔津校中, 聖家都只是次於mcs. 抽不中mcs, 但抽中聖家的都會讀, 入面的學生和家長都係好積極的.

作者: aryee 時間: 10-10-22 10:44

無諗過咁一面倒。係聖家太強定播道真係咁不濟﹖ec口碑幾好個wor，但就係衰在未有具體成績睇到，但個勢應該都列入band 1中掛﹖

一般所謂地區名校vs播道，大家又點揀﹖

[ 本帖最後由 aryee 於 10-10-22 10:57 編輯 ]

作者: OnlyOne 時間: 10-10-22 11:12

for sure 聖家la~
honestly,ec太新,列入band 1尾都好忟,我估最多都係brand 2頭~

原帖由 aryee 於 10-10-22 10:44 發表
無諗過咁一面倒。係聖家太強定播道真係咁不濟﹖ec口碑幾好個wor，但就係衰在未有具體成績睇到，但個勢應該都列入band 1中掛﹖

一般所謂地區名校vs播道，大家又點揀﹖ ...

作者: aryee 時間: 10-10-22 11:24

原帖由 OnlyOne 於 10-10-22 11:12 發表
for sure 聖家la~
honestly,ec太新,列入band 1尾都好忟,我估最多都係brand 2頭~

band 2頭﹖有咩原因會咁低評級﹖.......咁就唔應該比錢讀band 2頭wor...
睇黎響ec個forum以外，大家對佢既睇法係好唔同...

咁你點睇一個band 2學生入一般地區band 1 vs 播道﹖thanks in advance

作者: bbdou 時間: 10-10-22 11:25

針對你所講的實情，我又有d實情想講下。
我個仔今年讀播道三年級，用書方面，我又唔覺得深喎，英文我甚至覺得淺，中文科就係幾深下，不過同傳統名校比，都可能仲係淺。
老師方面，我覺得都唔錯喎，起碼教過我個仔的，我都覺得教得唔錯，其中一位班主任由小一跟到今年小三，據我所知起碼有另一班係同樣情況。兩位都係好好的老師，又教左三年都冇離職。
至於成績方面，我個仔冇出去考過，冇得比較。不過我知道中學部有同學今年轉左去男拔，咁成績應該都唔係咁差啩。

原帖由 VKwan 於 10-10-22 08:30 發表
梗係聖家啦，xx好yap架詐！我有親戚讀緊，用書就好似好深咁，但老師唔掂，太young唔識教書，好既又好快離職。親戚都名列前茅果種學生(個學生冇問題，純粹覺得間學校唔掂想轉出來)，想轉校居然冇出路，出面d學校唔肯收。
我知實情係咁多 ...

作者: easybring 時間: 10-10-22 11:37

九龍城和九龍塘兩間聖家d家長/學校都"谷谷地", 佢地間中學都會升level啦(我估計).

大前提, 要搵一間合程度, 方向一致的學校. 唔係睇深唔深.

[ 本帖最後由 easybring 於 10-10-22 11:38 編輯 ]

作者: Rubyhoward 時間: 10-10-24 02:14

個個都揀聖家哦!如果播道和培正比較，又點睇呢？

作者: babybear 時間: 10-10-24 10:00

吓？用呢兩間比？比着我，唔洗諗，一定會揀培正！

原帖由 Rubyhoward 於 10-10-24 02:14 發表
個個都揀聖家哦!如果播道和培正比較，又點睇呢？

[ 本帖最後由 babybear 於 10-10-24 10:02 編輯 ]

作者: BBTWIN 時間: 10-10-24 14:35

我都一定揀培正, 不過我對女冇得考.

作者: w_y 時間: 10-10-24 14:56

培正! 百年字號, 出品有保證.

作者: dlmcdlcl 時間: 10-10-24 22:15

SURE會揀培正.

作者: chunlaifat 時間: 10-10-25 16:01

會揀播道:
1. 就近
2. 愉快學習
3. 英小. 英中
4. 老師有愛心

不會揀培正:
1. 對我來定說遠
2. 中文中學
3. 谷+傳統
4. 本區附近也有更好的中學, 到時再考

作者: Lovelybbs 時間: 10-10-25 17:25

唔好嚇我, 播道係英文書院, 我真係唔expect英文會淺過人喎? 如果係, 我點解要揀佢? (我原本係好想揀播道做首選架)

咁我想問, 播道同油麻地循道, 邊間好呀?

原帖由 bbdou 於 10-10-22 11:25 發表
針對你所講的實情，我又有d實情想講下。
我個仔今年讀播道三年級，用書方面，我又唔覺得深喎，英文我甚至覺得淺，中文科就係幾深下，不過同傳統名校比，都可能仲係淺。
老師方面，我覺得都唔錯喎，起碼教過我個仔的，我都覺得教得唔錯，其 ...

作者: bbdou 時間: 10-10-25 17:50

我講的淺，係指課本淺，但教法循序漸進，小朋友容易掌握，又有輔以故事書教學，其他學科都係英文授課，所以整體英文水平並唔輸蝕。

我一向都唔認為學校教得深就係好，最不能理解嗰d專登要教深一年半年的學校，學生明得到就當然冇問題，如果學生根本唔明唔吸收，教得深又有咩意思呢。教學最緊係要教到學生要明白，要理解，要識運用，學生唔明，教深十年都係假。明白了，理解了，才能運用自如，我情願基礎打得好，打得穩，將來才能建更高的樓！

原帖由 Lovelybbs 於 10-10-25 17:25 發表
唔好嚇我, 播道係英文書院, 我真係唔expect英文會淺過人喎? 如果係, 我點解要揀佢? (我原本係好想揀播道做首選架)

咁我想問, 播道同油麻地循道, 邊間好呀?

...

作者: goo_littlebb 時間: 10-10-25 17:58

My colleague's son is now in EC P1, she appreciated the teaching of EC as they emphasize on application and usage, that's far more important than 教得深.

原帖由 bbdou 於 10-10-25 17:50 發表
我講的淺，係指課本淺，但教法循序漸進，小朋友容易掌握，又有輔以故事書教學，其他學科都係英文授課，所以整體英文水平並唔輸蝕。

我一向都唔認為學校教得深就係好，最不能理解嗰d專登要教深一年半年的學校，學生明得到就當然冇問 ...

作者: koho 時間: 10-10-25 22:20

bbdou, 說得對, 小朋友的教育不是一朝一夕, 選擇播道, 因為我相信小朋友學會享受學習, 愛上學習, 其實選擇學校是不應比較, 有重成績的, 有重全人發展, 各適其適, 冇乜好比較, 最重要是適合自己的小朋友, 認同學校的教育理念.

而且播道是一條龍的學校, 校方沒有必要在初小階段谷怕d小朋友, 以12年來為孩子陶造一個美好的學習生活.

原帖由 bbdou 於 10-10-25 17:50 發表
我講的淺，係指課本淺，但教法循序漸進，小朋友容易掌握，又有輔以故事書教學，其他學科都係英文授課，所以整體英文水平並唔輸蝕。

我一向都唔認為學校教得深就係好，最不能理解嗰d專登要教深一年半年的學校，學生明得到就當然冇問 ...

作者: koho 時間: 10-10-25 22:29

其實選學校有甚麼好比較呢? 各有各優缺點, 至緊要o岩自己小朋友, 又如選擇身邊伴侶一樣, 搵倒個好樣既又未必專一, 搵倒個有米既又可能臭脾氣, 到有個又好樣既, 又有錢既, 又細心布有禮又有學識既, 佢又未必選妳, 何必呢...

所以個人認為選學校, 多問其他家長關於學校的一切, 看看是否合適你的小朋友, 而不是去比較.

作者: evacalbee 時間: 10-10-25 23:24

但係未讀過, 又點會知岩唔岩自己?
尤其是新校, 口碑不一, 好難從"外表"知佢好唔好..

作者: wynma 時間: 10-10-26 01:53

如果for 我個仔, 我一定會選培正, 唔會選EC, 因有朋友的囡囡讀EC, 英文科實在比其他學校略淺, 但囡囡讀幼稚園時所學的英文已經深過EC的英了, 朋友驚住以後囡囡的英文水準唔夠而要出去出面再學英文, 而培正雖然係中文學校, 但英文科比EC真的深很多很多, 如果小朋友在這間學校會學得多d嘢, 作為家長的又點會唔開心呢! 而且, 老字號有信心保證嘛!

作者: chloe26 時間: 10-10-26 07:23

培正的校譽是大家都認同的，不過是不是教淂深就代表好，我有d懷疑。
希望大家都找到適合自己的學校！

作者: bbdou 時間: 10-10-26 10:42

我揀播道的原因，好大部份是看中校長的熱誠同老師的愛心，課程的深淺只是好次要的因素。這個與我自己的經歷有好大的關係。
我不是香港出生的，在我九歲來港之前，只認識26個英文字母。來港後住在梅窩，極幸運地梅窩學校話我完全唔識英文唔肯收我，甚至連筆試都唔肯俾我做，於是就去左長洲的聖心小學（中文小學+鄉村學校），又極幸運地遇到兩名好好的老師。完全唔識英文的我，連廣東話都聽唔明，結果第一次的英文默書食左隻好大的蛋，因為跟本連要默書都唔知。英文老師好照顧我，不單只冇罰我，還想盡辦法幫我，於是在第一個學期考試之前，我已經能在英文默書取得滿分的成績。我還記得三年級的英文書，係教"This is a car." & "This is a cart."。係咪淺到連幼稚園小朋友都嫌佢淺呢。
由於我開頭唔識廣東話，冇同學同我玩，於是另一位好老師就派佢個女（同我同班）小息時來陪我，讓我不感到孤單，有時又請我去佢屋企食午飯。
四年小學生活，我在好老師的陪伴下成長，中學又非常幸運地派到港島一間歷史悠久的傳統名女校，嗰年全離島區的小學只有兩個位，另一位派到的係另一間小學校長個女。考分班試要考英文作文，我小學都冇作過英文作文，點知考完出來的成績，同一位在那中學任教老師的女兒一樣，甚至比一些英文小學畢業的同學還要好。之後，升學的路雖不平坦，但也總算大學畢業。
我一直都好感激我的小學老師，冇佢地用心教導，我可能一早已經放棄學業，可能讀完中三已經出來工作，一定唔會係今日的我。

原帖由 chloe26 於 10-10-26 07:23 發表
培正的校譽是大家都認同的，不過是不是教淂深就代表好，我有d懷疑。
希望大家都找到適合自己的學校！

作者: aryee 時間: 10-10-26 11:23

原帖由 bbdou 於 10-10-26 10:42 發表
我揀播道的原因，好大部份是看中校長的熱誠同老師的愛心，課程的深淺只是好次要的因素。這個與我自己的經歷有好大的關係。
我不是香港出生的，在我九歲來港之前，只認識26個英文字母。來港後住在梅窩，極幸運地梅窩學校話我完 ...

果然係好老師！

作者: koho 時間: 10-10-26 11:28

bbdou 你是一個很好的學習典範, 從來我都覺得, 要培養孩子成才, 有很多因素, 例如家庭教育, 子女的朋輩質素, 因應孩子的特質去選學校, 如果單憑學校課程的深淺去抉擇, 則略有失偏頗.

原帖由 bbdou 於 10-10-26 10:42 發表
我揀播道的原因，好大部份是看中校長的熱誠同老師的愛心，課程的深淺只是好次要的因素。這個與我自己的經歷有好大的關係。
我不是香港出生的，在我九歲來港之前，只認識26個英文字母。來港後住在梅窩，極幸運地梅窩學校話我完 ...

作者: mandy_lee 時間: 10-10-26 11:35

原帖由 wynma 於 10-10-26 01:53 發表
如果for 我個仔, 我一定會選培正, 唔會選EC, 因有朋友的囡囡讀EC, 英文科實在比其他學校略淺, 但囡囡讀幼稚園時所學的英文已經深過EC的英了, 朋友驚住以後囡囡的英文水準唔夠而要出去出面再學英文, 而培正雖然係中文 ...

我反而覺得ec 用英交常識好深, 每次考試有排溫.

作者: IWAT 時間: 10-10-26 12:14

播道英文比起傳統名校的確係淺左d... 主要係d 字用得冇咁深, 咁專. 所以大部分人(我都係)起初唔覺佢淺. 唔信可以試下將政府d文章分別比佢地同一d傳統名校學生睇及寫report, 你就知分別係邊.

作者: **芳芳** 時間: 10-10-26 12:28

點去比較呢???? 幼稚園英文程度怎麼可能"深"過小學, 若只用一, 兩個可能一生都不會用的英文字作比較, 係有可能, 不過話說回頭, "深"不等於好. 一間"好"學校才最緊要, 學校是啟發小朋友去學習, 而不是"灌"學生.

事實上, 培正係非常傳統, 是否適合小朋友又要作考慮的.

作者: aryee 時間: 10-10-26 13:14

原帖由 **芳芳** 於 10-10-26 12:28 發表
點去比較呢???? 幼稚園英文程度怎麼可能"深"過小學, 若只用一, 兩個可能一生都不會用的英文字作比較, 係有可能, 不過話說回頭, "深"不等於好. 一間"好"學校才最緊要, 學校是啟發小朋友去學習, 而不是"灌"學生.

事實 ...

深唔代表灌，而且深亦唔代表唔好，有人鍾意由淺入深，有人適合深完再深，有人灌先學到野(我就係，無壓力我係會本pair)。唔同人適合唔同學校。如果我小朋友灌得深得，我都會比佢去灌下，可惜，佢性格唔適合，活動教學會啱佢多啲。

作者: rosenok 時間: 10-10-26 13:14

EC英文深淺我真不知道, (大女讀EC, P2)

佢唔係精叻 , 但佢科英文默書, 作文好快搞掂, 當然唔係次次一佰分, 老師改完佢就知衰物
但佢自己好有信心, 唔使我特別操心,這是我想要的,

課程深淺接受程度要是FU學生的能力, 谷唔谷得, 家長要求,

[ 本帖最後由 rosenok 於 10-10-26 13:16 編輯 ]

作者: GTC 時間: 10-10-26 13:45

原帖由 bbdou 於 10-10-26 10:42 發表
我揀播道的原因，好大部份是看中校長的熱誠同老師的愛心，課程的深淺只是好次要的因素。這個與我自己的經歷有好大的關係。
我不是香港出生的，在我九歲來港之前，只認識26個英文字母。來港後住在梅窩，極幸運地梅窩學校話我完 ...

Excellent! This is no doubt all teachers in EC have using their "heart" to teach / treat children, this is all what I'm looking for!

作者: corliss_yu 時間: 10-10-26 13:48

提示: 作者被禁止或刪除內容自動屏蔽

作者: koho 時間: 10-10-26 14:23

青菜蘿蔔, 各有所好, 冇話邊間一定最好, 最好亦唔一定論合自己小朋友, 不過事實上大部份人都會覺得課程深d, 咁自己個小朋友就叻d, 學校名氣大d, 就有自信d.

個人覺得令小朋友愛上學習好重要, so far 播道我覺得做得到.

作者: wynma 時間: 10-10-26 23:57

乜你地講到傳統名校d老師好似好冇愛心咁呀! 奇實培正的老師亦是很有愛心的, 又有耐性, 如果這校的老師又好, 學生又吸收到及可以學到多d嘢嘅, 咁揀這校又有咩錯呢?

作者: ssdiana 時間: 10-10-27 11:17

Agree!! A kind of matching only!!

The most important thing is to maintain the self-esteem and sense of good self, see which types of environments will faciltiate such development of self-esteem.

Difficult to work on a "destructed" self-esteem, that's the most precious thing I would like to maintaim for my kids....

深唔代表灌，而且深亦唔代表唔好，有人鍾意由淺入深，有人適合深完再深，有人灌先學到野(我就係，無壓力我係會本pair)。唔同人適合唔同學校。如果我小朋友灌得深得，我都會比佢去灌下，可惜，佢性格唔適合，活動教學會啱佢多啲。 ... [/quote]

作者: Lovelybbs 時間: 10-10-27 15:00

唔好意思, 其實我唔係想話深就代表好, 只係我一直以為以英文小學黎講, 冇理由會用"淺"用形容佢地既英文科, 就好似其他英文小學如TSL, SMC, 只會聽到d家長話要額外補中文, 因為學校教既中文會較淺, 但英文就要跟得辛苦d.

我喜歡播道, 其中一個原因係因為佢係一間英文學校, 當然對佢學生既英文程度會有要求. 我都係想知多d.

作者: louisachau 時間: 10-11-12 18:22

提示: 作者被禁止或刪除內容自動屏蔽

作者: goo_littlebb 時間: 10-11-12 18:58

唔係喎, 你聽個case係幾時呢?
我同事個仔就讀緊P1, 佢個仔前兩日o係學校俾另一個同學踢左一下, 老師都即日打電話通知我同事, 仲問需唔需要跟進添, 會唔會係唔同人既處理有唔同咋?

原帖由 louisachau 於 10-11-12 18:22 發表
我朋友個女讀緊播道 (好似P5), 我唔知課程深淺如何, 不過老師的處事手法就唔太成熟. 朋友個女係班上比幾個同學一齊話佢係小偷 (無証據的), 搞到佢個女好唔開心, 唔想返學, 班主任又無打過電話比佢話佢知, 係佢見個女 ...

作者: louisachau 時間: 11-10-19 23:36

提示: 作者被禁止或刪除內容自動屏蔽

作者: Naurto 時間: 11-10-23 07:05 標題: 回覆 43# louisachau 的文章

作者: HaYi 時間: 11-10-23 10:09

如果家長覺得小朋友似是band 2 的, 我覺得 EC 會好些, 因出發點低些, 小朋友慢熱些會合些. 不會如傳統學校如聖家, 一開學就要谷同谷, 辛苦家長同小朋友. 到過左P1追上去就大家都好. 不過 EC 的中學好似是Band 2 頭 band 1 尾, 同埋去完interview / 簡介會, 見老師真係好好 green (不止是young) ,佢地講野同答野好似我自己 in 一些初級 staff applicant , 自己覺得對不上口的感覺 (可能我們是"成熟"的家長... 唉..) , 可能小學都OK, 不過小學生的情緒波動比較常見, 不知他們是否個個有能力要嚴時嚴.

培正是私校, 但聽在讀家長說不算太容納追不上, 一般都會給壓力家長. 相信如果小朋友開始時追不上, 都幾煩.

作者: kelvinli0311 時間: 11-10-23 10:11

我個仔間幼稚園校長話, EC P2 的英文程度等於佢地K3,
我都唔知信唔信好...

作者: louisachau 時間: 11-10-29 23:58

提示: 作者被禁止或刪除內容自動屏蔽

作者: myac 時間: 11-10-30 08:13 標題: 回覆 46# kelvinli0311 的文章

Which kindergarten? Can u give an example of the English sentence or words the kindergarten teaches at K.2 level?

作者: Ocwc 時間: 11-10-30 09:46

我囝囝今年入讀播道小一,之前四年在國際幼稚園讀書(上午英普,下午全英,100%全外藉英文老師。)。幼稚園的賣點就是大部份畢業後的小朋友已達到大部份小學的P2的英文水平。我找兩間校外機構評估囝囝英文程度，結果一樣説是已達P2(Reading,Listening, Oral, but not include writing)。

入讀播道小一兩個月，囝囝的意見是英文教的是簡單東西，無難度。中文就深得很多。我同太太同意我囝囝的講法。學校用書同一般小學無分別，所以很難説好或不好。

播道每天大約有5樣功課。對比谷的學校小，它們有10或8樣。但其實5樣已經好多(對我們來說),因為有其它事情要做,English and Chinese story reading time, piano, music,sport。我太太不停話我無時間同囝囝練琴，我就成日話10:30pm必須要睡，停止。囝囝話我好疲倦。

[ 本帖最後由 Ocwc 於 11-10-30 09:49 編輯 ]

作者: joanthony 時間: 11-10-30 10:39

提示: 作者被禁止或刪除內容自動屏蔽

歡迎光臨教育王國 (/)