教育王國

標題: 有無人參加過泳班 [打印本頁]

作者: August07 時間: 10-10-30 17:08 標題: 有無人參加過泳班

如題, 安排如何? 邊個泳池最好游? 喇沙室外池會好涷嗎?

謝謝

作者: TaiMo 時間: 10-11-20 00:59

原帖由 August07 於 10-10-30 05:08 PM 發表
如題, 安排如何? 邊個泳池最好游? 喇沙室外池會好涷嗎?

謝謝

安排都ok, 雖然覺得"點名"位小姐好惡,又大聲,又無禮物, 但心想要二十幾個小朋友聽話, 可能是需要.  而教游水的哥哥, 囝囝就好喜歡, 而每堂都有水中遊戲幫佢地不怕水, 學大憺,  教練真是幾好.

三個場到覺得不是太好,原因如下:

1.  因九龍灣德藝會是私人會所, 學校沒有買家長入場的門票(家長不能自行購買, 除非買千多元的會籍), 所以家長不准許入場觀看, 只可在場外隔開玻璃窗看.  雖然是室內場, 但會打開四周的窗, 如小朋友上水後, 不是立即用毛巾包身, 好容易染上傷風感冒.  而且學生是用天台上的更衣室, 夏天都可以, 但到了冬天, 寒風吹來, 又要排隊等教授幫手除保暖衣,排隊沖身換衫.  在每次游完水,見都班男生都像一隻"濕水雞"出來,因女生有"點名"姐姐和一位ee幫手,而男生只有教練陪, 照顧一般. 如是初小,自理能力不是太好, 真要考慮.

2.  喇沙室外池,准許家長入場觀看, 家長可以幫小朋友快快換衫.  而暖水池其實溫度不太高, 上次10月有幾日忽然天氣寒冷, 老師說水溫跟地面溫度相差10度.  如果小朋友體質較弱, 穿了保暖衣,口唇都會涷到變紫.  但如果小朋友是練水,不停地游, 喇沙池就比較好.

3. 紅磡的博藝會聽聞可以比家長入場觀看, 而且是室內場, 有家庭更衣場, 家長可以入場幫小朋友更換衣服沖身.  而初小生, 只可選擇1 和 2 之場地.

[ 本帖最後由 TaiMo 於 10-11-20 01:00 編輯 ]

歡迎光臨教育王國 (/)