教育王國
標題: 由中小到英中.. [打印本頁]
作者: artroboy 時間: 10-12-15 13:51 標題: 由中小到英中..
請問各位中文小學的家長, 你地小朋友上到英中時, 適應期要幾耐? 會唔會好辛苦? 之前有無去自己補習? thanks.
作者: ricetaster 時間: 10-12-15 14:33
我兒子三年升英中,我經過多次查詢經驗人士有以下見解 :
1. 9月份是較容易找到有料的私人補習,因為大學生巳有上課時間,他們由8月尾已開始找學生補習,過咗9月份D補習先生已full engaged點幫你補習,就算有時間都是揀剩尾那種。
2. 我覺得學生升英中,學期開始要轉英文台、又要以英文作答、又要適應陌生的人及環境、又要應付較以往多科目,有私人補習幫一幫會較容易應付新環境,起碼學生個心都定D。
3. 我較傾向上學期都要好好應付,唔可以靜觀其變。我同意校長講如果上學期唔掂,下學期是很難追。
4. 我提議要兩個私人補習,一個純英文(每星期2-3堂)以補底及簡述一些學校即將教授的範圍為主。另一位是全科(每星期兩天,不可和英文補習撞期,太辛苦了又唔入腦)主攻英數及Integrated Science,這兩科在中一最易瓜,因為IS科如果沒有科學的基礎認識或有人從旁解釋,要靠死記就讀得好辛苦。 以上的安排是因為英文要長期'浸',又唔可以急得,而數學和IS是高危科目,必須另請高明以防萬一。至於將來中二是否需要再補全科就後話啦!
我現時兩位補習都是大學生,在A Level 時,英文、數理科的A級人馬及很有心機教囝囝,所以兒子都話應付中一無難度及滿意我的安排。
希望以上資料幫到妳!
原帖由 artroboy 於 10-12-15 13:51 發表
請問各位中文小學的家長, 你地小朋友上到英中時, 適應期要幾耐? 會唔會好辛苦? 之前有無去自己補習? thanks.
作者: artroboy 時間: 10-12-15 15:01
多謝你既解答, 睇黎由中小轉英中都幾大壓力, 我開始有 d 後悔放棄咗註冊一間英小的决定..
作者: LittleKidult 時間: 10-12-15 16:28
其實好睇你會唔會錯配, 即係本身英文唔強但去左d一級名校, 就可能有問題, 大部份小學都係中文教學, 好多都好自然咁上去英中, 自然咁適應.....
作者: artroboy 時間: 10-12-15 16:57
我就係因為見依家香港小朋友既中文水準越來越差, 亦有好多一見中文字就怕怕, 加上學好中文其實係好難, 如果唔早 d 打好中文底, 遲 d 仲難迫佢學, 所以我決定考慮以中文為基礎的學校.(我知我較另類..)
當然係英文方面, 我都有比佢平時睇英文台 & 補英文. 暫時佢既 level 唔算差 , 又肯講 (唔可以同 native 比).
但上中學, 英中先係 band 1, 萬一佢入唔到, 萬一佢跟唔到...咁我咪反而做錯決定? 呢個係我一直矛盾的問題.
[ 本帖最後由 artroboy 於 10-12-15 16:58 編輯 ]
作者: Terry280905 時間: 10-12-17 12:44
原帖由 artroboy 於 10-12-15 16:57 發表
我就係因為見依家香港小朋友既中文水準越來越差, 亦有好多一見中文字就怕怕, 加上學好中文其實係好難, 如果唔早 d 打好中文底, 遲 d 仲難迫佢學, 所以我決定考慮以中文為基礎的學校.(我知我較另類..)
當 ...
我都worry 小朋友的适應問題.
作者: kakabbbb 時間: 10-12-19 15:12
提示: 作者被禁止或刪除 內容自動屏蔽
作者: kakabbbb 時間: 10-12-19 15:13
提示: 作者被禁止或刪除 內容自動屏蔽
作者: hagupit 時間: 10-12-20 23:02
原帖由 kakabbbb 於 10-12-19 15:13 發表
數學同IS
我認同係要真係搵下人幫手...
因為數學中一本身唔係太難...
但解題解唔到就一定唔識計...
不過我搵既唔係大學生同小朋友補...
因為依家D大學生好多都麻麻地...
就算自己成績OK既又都未必識教小朋友...
我搵 ...
就算會考英文攞A, 佢地d英文都會嚇死你, 之前我朋友個仔(小二)搵英文補習, 我幫佢係BK搵左兩個F.7剛考完A-level, 佢地話自己會考英文A,點知我朋友話返比我聽, 佢地竟然唔識個仔以下分別兩條功課:
1. Ten past two. 即係幾點?
2. Mary and I is going to the cinema. 句子邊到有錯?
我朋友之後就搵左d藉口話唔使佢地再補習。
作者: wan2010 時間: 10-12-20 23:49 標題: 回覆 9# artroboy 的文章
其實都不用太担心。學校在暑假會有bridging program幫小朋友。家長亦要同小朋友說英文其實不是太難學的,千祈唔好嚇驚佢地,好快佢地就會適應。我個女依家讀咗3個月,完全冇補習,都已經上晒手了!
作者: kakabbbb 時間: 10-12-21 19:59
提示: 作者被禁止或刪除 內容自動屏蔽
作者: Martina 時間: 10-12-22 14:28
而家的學生真係唔知點解英文甘差, 有個學生話份功課比補習老師(中大二年级) 教的. 竟然做 present pefect tense功課如下:
has wrote / has forgot
佢地究竟有冇背verb table ???
另我侄仔也揾咗個大學生教, 個男仔唔識d英文字點解, 我侄一問, 佢就攞個iphone 上網查, 隻隻字都查, 2個月就炒咗佢.
我女中小上英中, 而家都適應緊, 大部份同學都係甘的case, 唔使worry.
原帖由 hagupit 於 10-12-20 23:02 發表
就算會考英文攞A, 佢地d英文都會嚇死你, 之前我朋友個仔(小二)搵英文補習, 我幫佢係BK搵左兩個F.7剛考完A-level, 佢地話自己會考英文A,點知我朋友話返比我聽, 佢地竟然唔識個仔以下分別兩條功課:
1. Ten past two. ...
作者: AppleChaiMa 時間: 10-12-22 21:15
只要選擇合程度的英中便沒問題,一般到下學期已可適應。朋友女兒就讀的是一間高程度英中,她說英小同學沒問題,來自中小就會很吃力,以前考第一、二名的也要包尾。所以選擇適合的程度較重要。
作者: ChiChiPaPa 時間: 10-12-23 07:34
原帖由 artroboy 於 10-12-15 13:51 發表
請問各位中文小學的家長, 你地小朋友上到英中時, 適應期要幾耐? 會唔會好辛苦? 之前有無去自己補習? thanks.
講適應期,要看怎樣計。上到中學有很多事情都不同了,要適應的不只是教學語言。現時的小孩小學畢業時的英語能力比我們當年強得多,教學語言的轉變基本上不是問題。
不覺得辛苦。上到中學,多了活動和自由,應是更開心。
囡囡的小學在小五開始,已有課後補課,幫小孩準備中學的轉變,這包括面試訓練和英語教學,因此沒有需要特別為升中轉變而補習。
作者: 囝囝爸 時間: 10-12-24 00:43
ChiChiPaPa:
常為你日誌讀者, 在此恭喜你為令愛找到一間合適好中學, 她成績也有令人驚喜的良好開始.
作者: RSG媽媽 時間: 10-12-24 14:52
要狂背生字 唔單只英文多生字 中文都係呀
測驗返來阿女話好多時明明係識既
但係寫寫下 寫到果題 就唔記得左
或者知個答案 但寫錯左個字 /唔記得個字點寫
好明顯要記既野係多過小學好多
[ 本帖最後由 RSG媽媽 於 10-12-24 14:54 編輯 ]
歡迎光臨 教育王國 (/) |
Powered by Discuz! X1.5 |