教育王國

標題: 黃埔德x狗期國際班....千簡萬簡的難燈盞 [打印本頁]

作者: klm402 時間: 11-1-6 11:02 標題: 黃埔德x狗期國際班....千簡萬簡的難燈盞

大家好, 同囡囡左簡右簡, FINAL決定去左黃埔德X讀, 因朋友仔仔都係呢度讀過話好, 所以比我無比信心.
想問下.....小朋友返兩歲班喊既話, 老師一般會點處理既呢. 先問問大家既意見, 我再講返我地個情況.
謝.

[ 本帖最後由 klm402 於 11-1-21 10:23 編輯 ]

作者: klm402 時間: 11-1-6 13:07

冇人可發表一下嗎.

作者: 4001cc 時間: 11-1-6 14:43

原帖由 klm402 於 11-1-6 13:07 發表
冇人可發表一下嗎.

我諗你既經驗唔方好

我囡囡今年9月已返兩歲班, 可能都會遇到你既問題. 請你遲d分享下你既情況.

作者: sheffield 時間: 11-1-6 15:50

通常小朋友喊，家長都唔在場…所以分享唔到…

但如果送小朋友返學時，小朋友已喊，老師通常都會照做"交收"將小朋友"拖"走，著家長快d離開…

作者: klm402 時間: 11-1-6 16:01

先多謝你既回覆.
首先我講下我地個情況比大家睇下先.
囡囡係0811細B, 12月開始返兩歲班, 由於太遲搵學校既關係, 好多學校都FULL哂, 不過好好彩, FINAL都有3間幼稚園收我囡囡, 其中一間係黃埔幼稚園,學費約4千,  另外兩間係深水步幼稚園, 學費大慨千頭.
兩間學校背景都好唔同, 黃埔呢間SELL係國際學校, 入讀既小朋友大多係外國人, 校內全英語. 而深水步呢兩個就真係好平民既學校, 感覺係比較平實.
兩公婆思前想後確定比囡囡入讀黃埔呢間, 其實要做呢個決定真唔容易, 因我地住係荔枝角區, 車程遠又轉接, 不過基於想比囡囡較理想既學習條件, 而且有朋友囝囝讀過呢間話好, 所以就決定左呢間了.
其實收OFFER信到交留位費中間有D波折的, 事緣我明知未能按學校信內預定交留位費日期交費, 所以已先後幾次打電話同學校既副園長溝通, 對方都深明大義表示, 過期都係正常, 反正我只係要求PROSPONE幾日, 仲話月底交就OK了, 結果3日唔夠, 學校園長打電話來話因我未交留位費, 所以比唔返AM位我地, 要轉去PM, 我當然據理力爭, 表示已前後多次同副園長溝通, 而唔係我自己單方面決定的, 原來副園長RESIGN了, 而且冇留RECORD, 所以佢地唔知呢個CASE, 當時佢地仍堅持冇辦法, 我仲怪責佢地行政混亂, 當然, 佢地一慨否認呢D係佢地行政上既問題啦, 不過FINAL園長都覺得佢地要收返我囡囡讀AM, 所以我地就趕快去交費了.
12月囡囡返學既大日子到了, 整裝待發同C6,工人帶囡囡返學, 一直估計囡囡一定喊過不停, 結果喜出望外, 囡囡一到學校而直入學校, 第1,2日都冇喊, 接佢放學都唔見佢紅著眼仔, 心想應OK吧, 點知第3日開始, 一到學校門口就攬實唔放, 每日放學外藉老師機械式回應囡囡返學情況…….don’t worry, she is fine, just a little bit on & off crying, 心想老師可能趕緊照顧其他小朋友, 所以唔能詳細交待吧, 不過其實已開始感覺老師好似對小朋友唔太care咁, 又同自己講, 可能自己多疑吧. 作為家長又點能夠要求老師好似自己咁一樣愛錫自己既小朋友呢.
有日係囡囡大比發現一大ta紅印, 同平時皮膚出紅點唔太似, 所以我已同工人講, 以後每次湊囡囡返學放學叫佢留意仲有冇類似既印.
直到有1日, 園長打電話比我, 話囡囡返學喊到唔收聲, 足足喊左半個小時, 而且皮膚起左1ta ta紅, 叫我地盡快湊囡囡去睇醫生, 我先生話都冇咁快, 20分鐘內到校, 老公見到囡囡喊咁耐同平時唔對路, 就幫囡囡除咁d衫, 囡囡就收聲了, 原來囡囡係太熱, 其實囡囡自少好少大喊, 而且喊好快就會收聲.
放工返到屋企, C6同我講話囡囡應該係太熱所以先咁喊, 仲叫我唔好同囡囡著太多衫, 冇耐, C6問我……….老婆, 你覺得呢間學校D老師同校長點, 我就答啦……un…………感覺佢地好似對小朋友唔係真係太有愛心囉, 不過又唔知係唔係自己多疑. 仲問C6點解咁問, C6話…….今日去湊囡囡, 校長明明見到我去湊佢的, 但冇同我講囡囡既情況不突止, 連一個招呼都冇打, 好怪咁囉. 呢次係我同C6第1次互換對學校既感覺.
學校既X*MAS PARTY到了, C6亦請左假陪囡囡一齊出席, 我以為囡囡會因為今次既X*MAS PARTY而愛上學校, 點知極端相反, 當日完全唔ENJOY之餘仲全程要痴住C6, 返到屋企, C6比左一條片我睇, 令我唔開心而且好嬲. 條片係老公拍的.
過程係學校X*MAS PARTY, 老師房內幫小朋友搞造型,  片內我囡自己攬住個公仔一個人企係角落頭喊到面紅哂, 兩位所謂老師唔好話安撫我囡囡, 就連一眼都望佢, 完全唔介意我囡係因咩事喊. 後來仲有另一個小朋友搶去囡囡手上既工仔, 老師全程冇望一眼, 只一心照顧班內既其他唔喊既小朋友, 睇到呢度好想喊, 自己一直以為對囡囡好好既安排, 原來如此, 呢日老師們明知所有家長係班房外有可能會裝到少少入面既情況都咁處理, 何況每日我地放低囡囡一人時情況肯定更甚.
同身邊既人去講呢件事, 大家都不約而同話可能只係我地兩個太緊張吧, 小朋友返學通常係咁. 當睇完條片之後, 大家既反廳係,,,,,有冇搞錯呀…真係望都唔望下….如果係夾親手指所以喊都冇人知0家啦….有冇搞錯呀…..
其實我地好明白, 學校有咁多學生, 老師可以完善照顧每個小朋友實在係無可能, 我亦唔係要求老師應該只照顧自己囡囡, 只係我有個好大既疑問, 囡囡係中途入班, 而且係全班入面最細, 情緒一定會比9月入學既學生波動, 老師其實係唔係要小心HANDLE呢, 而唔係只放我囡係角落頭由佢自生自滅既喊, 但呢條片同一直以來老師校長既表現比我地既感覺都係好表面的. 更提不上對小朋友有愛心.
放假過後, 我地冇再比囡囡返呢間了, 好好彩, 深水步呢間因為我地已交學費而仲可保留學位, 所以又一次爭擇過後幫囡囡去轉校. 今個星期一係囡囡第1日返呢間學校, 同期都有幾個同齡既BB入班, 而且放假過後好多小朋友又回到原本咁不停喊, 但湊放學時老師都主動同新入班家長交待返小朋友係校內既情況, 我地覺得好好, 而且我地偷望, 見到PLAY TIME時, 老師間唔中都會抱下我囡囡呵下佢.  未知以後如何, 不過現階段我同C6都覺得學校重視每一個小朋友, 老師有愛心, 感覺同黃埔0個間衰學校真好唔同.
可憐囡囡, 比第1次返學既陰影纏繞住, 依家一提返學就話唔好, 我真好心痛啊.
最奇怪係……每次係屋企….囡囡拎返起黃埔學校既HANDBOOK一定話唔要呀…NO呀…唔好呀….老師呀…小朋友…..比返佢問佢點解唔要呀…佢話唔要呀…仲定落地, 我同C6都覺得, 一定係學校入面發生過某樣野所以囡囡自有呢個反應同表現, 依家我兩個都慶幸幫囡囡轉校呢個決定……….
仲有……放假過後到今日已係第4日了, 學校冇打過電話來問點解囡囡冇返學…..真係奇怪, 我兩係雙職家長, 囡囡平日接送返學都係工人學校係知道的, 冇返到學學校都冇打來問一句原因……我真係未聽過學校對ABSENSE既學生會咁處理.
最後………..想同大家分享, 學校如何HARD SELL自己係國際, 硬件如何理想, 父母對校長老師既感覺完來係最真實的, 唔好以為呢種感覺係過份溺愛囝囡所出來既幻覺, 萬一有唔好既感覺, 父母就要盡快去作出判斷先係最重要呀.
仲有……..要大聲講一句………..呢個學校真係不知所謂.

作者: lionbaby 時間: 11-1-6 16:37

我囝囝都係0811, 12月返N1, local班, 開頭個3日好鍾, 之後開始喊, 直到依家都係甘, 不過老師同校長都好好, 尋日見到校長抱住佢, 不過無去同佢講野, 自己上緊電腦, 我絕對讚同校長甘做, 因為理佢反而喊得總耐. 我好開心自己俾佢上呢間N1.

作者: ava@yu 時間: 11-1-6 17:49

您好, klm402 ,等我都分享一下.
我囡囡9月細 b,9月中先開始返N 班, 但係我覺得我而家讀緊既學校安排得幾好,開始返既時候,大約有一個星期比囡囡適應,返短一d時間頭一兩天,囡囡在入門口時都有喊的,咁老師都好有耐性咁去氹囡囡,跟住就拖住囡囡入學校,返左大約4-5日學,囡囡已經無喊到啦~~問佢鐘唔鐘意返學,佢都表示鐘意.平時放學都係工人姐姐接放學,之前試過我有時間,去學校接放學,老師見到我,都立即同我講返囡囡既情況,同埋睇得出老師好關心學生,講得好詳細,因為試過囡囡有一日發燒,(當日係開生日會的)囡囡係當月生日的,老師都好緊張咁打電話給我,問我點解唔返學,我當時感覺好好,只係一日唔返學,已經會打電話畀家長,之後學校搞活動,我地同埋囡囡一齊返學校,囡囡都玩得好開心,同埋老師唔會只係掛住睇一兩個學生,都照顧得好全面.
所以睇到妳既分享,間學校真係有D過份,我囡囡之前都有黃埔德X既 offer,仲畀埋留位費的,後來因為有另一間更心儀既,而放棄左讀德x ,我而家都好慶幸囡囡無讀到呢間.
希望妳囡囡轉左新學校,讀得開心啦~~

作者: MissMusic 時間: 11-1-6 20:05 標題: 回復 5# klm402 的帖子

我睇完都覺得好心痛, 細路仔的感覺很直接, 唔會扮野, 而第一次返學就搞成咁, 全因為老師、學校所為。Absent 3日都無一個電話就更過份, 轉埋校佢地都唔知, 有無搞錯。

我阿女0911的, 一早已交了application form, 睇完你的case, 我諗我要重新計劃了!

順帶分享一下:

我朋友個女考入何文田維記k1, 一返學當然喊, 喊了幾日,
老師同我朋友講:"你女女日日都喊喎!"
我朋友問:"咁點算呀? 係唔係適應問題呀?"
老師說:"返學已幾天, 要適應架喇, 再唔適應, 就要轉校"

那時其實九月開學一星期都唔夠。

結果我朋友即刻幫阿女轉校, 轉校後佢個女雖然都有喊, 但好快, 已經唔再喊。

有愛心和無愛心的老師由此可見....

作者: klm402 時間: 11-1-7 08:51

無錯，其實大家作為家長都明白老師一班有一個好兩個好，要全面分秒都照顧到班內每一個小朋友確係冇可能的，但今次呢間野老師既行為事實唔係理唔到，係選擇唔理，依家知道囡囡成個月入面既每日都係自己面對呢種冷皓既對待，身為媽咪既我竟然蒙然不知，感覺好難受，但佢唔想返學都從來冇樓計拒絕著校服，我覺得佢真係好乖好叻女。最諷刺既係，老師識係係手冊入面寫，dear parents, she is fine and sure she could be adjust soon, please encourage her more to go to school,我兩自問每日都努力幫小朋友去適應，但學校識得要求家長多鼓勵小朋友返學的同時，你地點樣對待新入學既小朋友呀。佢地打正旗號係國際班，標榜班內大多外藉小朋友，全英語, 佢地最care既其實只係呢d外藉小朋友, 所以對外藉既小朋友特別眷顧, 呢種情況係party當日亦都表露無遺.
冇選擇入讀呢間學校既家長, 恭喜你地, 為你地小朋友選擇左最正確的, 選擇左比小朋友入讀既家長, 請你地再三思一下我既情況, 會唔會同樣都將會發生係你地小朋友身上.
呢間學校, 唔止老師對小朋友(本地生)冇愛心, 連所謂校長既都係不知所謂的, 入讀前就sell到自己如何對小朋友同辦學有heart, 結果完全兩樣. 真係好失望.
依家囡囡轉左新既學校了, 老師有交帶而且有愛心, 不過每對囡囡提起返學, 佢都哂手擰頭say no, 朝早仲喊.....個心真極痛, 希望佢努力忘記之前唔好既experience, step by step enjoy佢既happy school life.

[ 本帖最後由 klm402 於 11-1-7 09:07 編輯 ]

作者: mingming1111 時間: 11-1-7 10:03

樓主: 希望新學校新嘅校園生活, 令你們和囡囡都有一個新開始, 開開心心過每一天, 你們要努力加油啊~

作者: klm402 時間: 11-1-7 11:52

真好多謝大家既支持鼓勵, 希望囡囡快快adjust新既校園生活, 開開心心學習, 我就開心了.

作者: Cutemom0808 時間: 11-1-7 11:52

o甘遲都重有位，估都估都乜事呢

作者: klm402 時間: 11-1-7 13:42

因佢地點係黃埔, 唔係好似九龍塘咁熱門, 所以我唔覺得佢有位係因為本身學校唔好所以唔多人讀wor. 好似依家新轉既呢間, 都係同期申請而有位既學校, 好好啊, 老師有愛心而且有耐性. 所以我個人認為同遲左報名仲有位就係等於學校唔好冇人讀冇直接掛勾關係.

作者: jellyfish228 時間: 11-1-7 14:55 標題: 回復 5# klm402 的帖子

我睇完之後都眼濕濕, 為你難過. 但你也不要自責了, 祝福你囡囡盡快忘記不快的經歷, 日日返學開開心心!

作者: Cutemom0808 時間: 11-1-7 15:02

原帖由 klm402 於 11-1-7 13:42 發表
因佢地點係黃埔, 唔係好似九龍塘咁熱門, 所以我唔覺得佢有位係因為本身學校唔好所以唔多人讀wor. 好似依家新轉既呢間, 都係同期申請而有位既學校, 好好啊, 老師有愛心而且有耐性. 所以我個人認為同遲左報名仲有位就 ...

x寶同威x都不當自己是村校，你試試問黃埔迦南現在有沒有位，附近Anfield學費很貴也不一定有位

[ 本帖最後由 Cutemom0808 於 11-1-7 15:06 編輯 ]

作者: SaBB 時間: 11-1-7 22:35

原帖由 Cutemom0808 於 11-1-7 15:02 發表

x寶同威x都不當自己是村校，你試試問黃埔迦南現在有沒有位，附近Anfield學費很貴也不一定有位

呢一類本地式國際幼稚園非常牟利，非常sell自己學校係有幾多外籍老師，課程係全英語等等，但其實個d課程內部無監管,更加不受教育局管,d english teachers係無教育資格ga, 不過係請佢地返黎同小朋友講下英文, 不過而家d家長興一早比仔女學英文,所以呢類學校大受歡迎，無辨法.
所以我之前寧願比貴d讀真至既國際-anfield, 之後無唸佢一路讀國際所以出去考一條龍學校，而家學校雖然係中文幼稚園，課程淺d, 但有質數保證 , 又可直升其英小及英中，又平又好

！

作者: majacob 時間: 11-1-7 23:58

OH..... 你當佢係寶, 佢當你係草的

"德草英文幼稚園"

作者: simsimwong 時間: 11-1-8 01:47

oo, after u see this situation, i also want to cry, if that is my daughter, i think i must be very angry and heartbroken : <
add oil r, we all support u!!!

作者: klm402 時間: 11-1-8 09:34

初為人母，好多時都唔知點簡先為之叫好，今次行錯左第一步，感覺好對唔住女女，不過呢個只係開始，作為父母要更堅強同決斷，今次唔好彩中好彩既係，轉校決定得快。而且新學校好好。我好感恩了。不過每想起曾將自己最錫既女女放係一個噤既境地，心仍作痛。

作者: Christi 時間: 11-1-8 22:54

畢竟你地都及時轉校了,人向前望,囡囡有你倆的疼愛,好快唔記得不快事的了...放心

作者: yukiyu 時間: 11-1-9 19:26

原帖由 Christi 於 11-1-8 22:54 發表
畢竟你地都及時轉校了,人向前望,囡囡有你倆的疼愛,好快唔記得不快事的了...放心

其實有時深水土步/其他村校的老師未必差過九龍塘/一d所謂名校。

作者: klm402 時間: 11-1-10 12:19

今次既經歷教曉左我呢樣野

作者: klm402 時間: 11-1-11 10:03

工人放完大假返來, 所以昨日一早先同埋囡囡工人一齊返學介紹老師知道以後由姐姐接送放學.
昨晚返到屋企, 姐姐同我地講, 呢間學校既老師禮貌而且有交待得多, 因放學湊女女時, 老師主任唔會因姐姐係工人既身份而當佢隱形, 之前0個間屎人黃埔德草無禮貌之餘, 姐姐更見過校長則問另一小朋友既姐姐, 好似話佢MUM明明話佢係著藍色衫去湊小朋友, 但點解唔係藍色. 唔係我親眼見, 我唔SURE係事實與否, 不過覺得姐姐冇必要講大話呢, 因當時仲未發生X MAS PARTY事件.
新呢間學校, 姐姐話呢間學校既老師都會主動同佢交代小朋友返學既情況, 而且有禮貌, 唔會當佢地隱形咁. 仲話同黃埔0個間好唔同.
昨晚姐姐仲同我講, 湊囡囡放學時, 囡囡表現開心, 放學老師同囡囡玩左一陣先講BYE BYE, 囡囡係笑住講BYE BYE的, 而且表現開心, 而以前0個間衰野係拿拿聲將囡囡推比姐姐咁, 日日就機械式講同一句野就當交代左.
雖然囡囡依家對返學仲係有顧忌, 但係昨晚我同佢傾計, 佢同我講.....梁主任呀.....老師講野.....拍拍手.......我好開心呀....只有囡囡感覺良好, 先會主動講佢自己係學校既情況, 問佢梁主任錫唔錫你呀, 佢又話錫, 我自己覺得好感動, 因囡囡既形容令我知道, 佢係學校既時間應該都係開心愉快的.

[ 本帖最後由 klm402 於 11-1-11 10:05 編輯 ]

作者: jacky123 時間: 11-1-11 14:29

hi, klm402,

Pls check your pm. because I had sent a massage to you.Thank you!

原帖由 klm402 於 11-1-11 10:03 發表
工人放完大假返來, 所以昨日一早先同埋囡囡工人一齊返學介紹老師知道以後由姐姐接送放學.
昨晚返到屋企, 姐姐同我地講, 呢間學校既老師禮貌而且有交待得多, 因放學湊女女時, 老師主任唔會因姐姐係工人既身份而當佢隱 ...

作者: klm402 時間: 11-1-11 17:06

我覆左你啦,,,,大家多多交流丫. ^^

原帖由 jacky123 於 11-1-11 14:29 發表
hi, klm402,

Pls check your pm. because I had sent a massage to you.Thank you!

作者: msbeauty 時間: 11-1-13 17:27

你好, 剛send message 給你, 請reply.
Thanks

作者: klm402 時間: 11-1-14 10:15

MS. BEAUTY, 快分享比大家知啦, 比多個參考一D搵緊學校既父母麻.

作者: abbiemama 時間: 11-1-14 16:02

Your girl's experience is really heart-breaking..., even I'm not her mother, I can feel how bad your feeling is..., 好心酸...
It's really difficult to make decision for the kids, you'll never know whether it's right or wrong at the time of making this decision..., so, really difficult!
Now, your daughter seems enjoying her school life, hope she'll forget all those bad past experiences soon :)

原帖由 klm402 於 11-1-11 10:03 發表
工人放完大假返來, 所以昨日一早先同埋囡囡工人一齊返學介紹老師知道以後由姐姐接送放學.
昨晚返到屋企, 姐姐同我地講, 呢間學校既老師禮貌而且有交待得多, 因放學湊女女時, 老師主任唔會因姐姐係工人既身份而當佢隱 ...

作者: klm402 時間: 11-1-18 09:39

要決定小朋友既事真係唔容易呀, 唔知道係0岩定錯, 只能盡量搜集下info又周圍問下人. 今次我確唔好彩, 不過過去了, 亦都希望唔好再有小朋友受罪就好了.
我今日好開心呀, 囡囡病左幾日今日返學, 一早見到套校服冇喊, 同我SAY GOODBYE時都冇喊, 姐姐帶佢返學TRANSFER時都冇喊, 我打去學校問老師時老師講我知的, 老師話佢今日好叻女, 我好開心呀. 囡囡一步一步走向享受SCHOOL LIFE, 希望1日比1日開心就好了.
今日同囡囡出門口佢係都要拎個KITTY玩具, 唔想佢一早喊, 所以今次只好特准佢拎, 頭先我同仲老師講唔好意思, 老師話唔緊要, 佢唔喊由佢拎住先, 老師仲同我講, 學校有個種盆栽計劃, 今日會比囡囡拎一盆小植物返屋企叫佢幫手淋下花, 我真係愈來愈中意呢間學校. 冇想過兩歲班都會有呢D PROJECT呀.

作者: klm402 時間: 11-1-18 16:14

囡囡冇返咁多日學學校一直不聞不問, 老師校長可能連我囡有冇返學今本都唔知, 唔出奇丫, 因佢地不嬲都冇理我個囡0家麻. 唔知係唔係有學生退學定係班入面少左學生呢. 佢地今日終於發現我囡冇返學了, 頭先打比我, 我唔知手機0向, 佢地又打返去問我工人點解囡囡冇返學, 我都好多野想問佢地點解, 點解我囡返學唔理佢, 點解我囡返學喊到面仔紅哂都由佢一個人企係角落喊, 點解我囡冇返咁多日學你地可完全置之不理, 點解你地學校承諾過既野到頭來全不對現.
我囡囡依家開始佢開心既學校生活, 慶幸冇選擇再留係呢間超不知所謂又冇愛心既學校度.

作者: babeBBDoll 時間: 11-1-20 15:03

德草原來真係唔好, 因之前已經聽人講過, 希望你囡囡轉校後, 日日都開開心心 ~ 忘記德草 !!!

作者: Chewy 時間: 11-1-20 15:32

唉哎! 我都幫我阿B 報咗2011 PG (Site 9) Deborah International Play school...聽完你惨痛紇經歴咁我真係要諗清楚, 同報多幾间做Backup...

作者: klm402 時間: 11-1-21 10:11

真唔好比佢去0個度讀, 唔係下次上來分享心痛經歷就會係你0家啦. unless, 你先生係外國人唔係local啦, 咁待遇可能稍為好d都唔定.
一陣仲有野同大家分享, 不過好長, 要慢慢打.

[ 本帖最後由 klm402 於 11-1-21 10:13 編輯 ]

作者: Chewy 時間: 11-1-25 09:32

Thanks klm402.. cant wait to see your sharing~

作者: miffyjoyz 時間: 11-1-25 17:15

你女女真係好可憐呀，咁細個，都唔知會唔會有陰影！
我女女係0803BABY，佢係9月讀N1，佢返學都係我親自帶的，我係帶到入課室入面，所以睇得到老師點對D喊嘅小朋友！
小朋友喊得最厲害一定係頭果個幾月，我見D老師係抱一個又呵住另一個，D小朋友好似D小樹熊咁攬實老師，當小朋友情緒穩定後就放低佢地照顧其他小朋友
到而家已經好少小朋友喊，有都係D插班生！老師相對地清閒就會同家長傾幾句，講返小朋友平時嘅野！
所以你小朋友有咁嘅待遇我感到好震驚！
希望你地一家都可以盡快平伏過來啦！

作者: klm402 時間: 11-1-31 09:17

好怕搵唔返呢個topic, 我仲有後面一截要同大家分享的, 但過年前真太忙, 等我整理一好就再快快post出來同大家分享.

作者: lepetitrat 時間: 11-1-31 15:48

我都希望你個女可以快d忘記唔開心既校園經歷啦，我個b翻學雖然沒話唔開心，距系十二月翻嫁，翻左一個禮拜之後有D事發生左，之後距以後都唔系學校poo poo 成日都要忍到翻屋企，件事發生左之後距仲有一排好怕poo poo,翻學喊左幾日，放完聖誕先settle翻。。。我見距甘我都喊埋一份。。。

學校d經歷真系好影響小朋友，快d收埋曬之前間學校d野等距唔好再捻起！沒愛心既老師都唔少，家長都系要好好留意小朋友。。。我自己本來仲以為家長系應該100%信任老師。。。

作者: tse_b 時間: 11-2-1 10:28

Hi lepetitrat,

Can you PM me what happen in MW?

Last Fri, my son suddenly doesn't want to go to school.

Thanks a lot

作者: klm402 時間: 11-2-1 16:50

囡囡依家係ssp一間普通既幼稚園到讀, 學校冇成日開口埋口講自己係國際, 老師有愛心而且踏實, 上星期六先返學校家長日, 老師們真係好好, 對小朋友好有heart, 對我來講, 呢d先叫做學校.
依家am幫囡囡著校服佢都冇再喊了, 仲成日會開心講....學校d野呢幾個字, 問佢錫唔錫梁主任, 佢微微咀笑話錫, 種種行為令我知道, 囡囡係學校係得到愛心既照顧. 呢d都令我安心得多了, 內疚感少了. 之前為囡囡簡既0個間德草令囡囡一個受左苦一個月, 心真好難過呢.
之前一直話有野想同大家分享, 趁今日有少少時間等我打埋比大家睇先.
自從是次事件之後, 我兩公婆放假後返學前既兩日先決定唔比囡囡再返德草, 學費只交到12月, 1月未交. 囡囡冇返學第17日學校一直不聞不問. 直到第16日一個下午, 園長打來問我地囡囡點解冇返學, 第1次老公唔得閒只衝衝話囡囡唔舒服唔比佢返住...到第2日打來比我, 我同園長講. 囡囡好返哂了, 但我唔會亦唔打算比囡囡繼續返你地德草, 佢對我既回覆好詫異咁, 問我點解, 我一五一十講哂佢知, 當然佢又搬一大堆借口出來, 仲要類似話學校呢個係令小朋友明白唔好依賴既做法, 我亦再一次講左, 我唔係介意我囡囡喊你地唔呵佢, at least你地要知道小朋友咩事喊, 但你地所謂既老師成個過程入面根本冇望過我囡囡因咩事喊, 即係話....原來佢係比d野夾住手子仔呀..咁樣..你地都唔知0家啦....呢點我係不能接受的. 當然佢又有佢辦駁既借口, 對於呢種態度今本不公不正, 不過明白亦難怪佢咁樣, 因佢自己本身都係有問題的.
後來我話. 算吧啦, 我唔比個囡返你地學校已係事實, 我有我睇法, video係事實, 你又有你地既借口, 再講亦無意思.
我仲同佢講, 囡囡喊你d老師完全冇理之外, 我囡冇返學一共第17日了, 你地學校做過咩. 有冇打過來問點解小朋友唔返學, 仲同呢個園長講, 我話我地兩個係雙職父母, 小朋友返學放學係工人湊的, 學校係知道的, 小朋友係學校既情況身為雙職父母家長既我地係好依賴學校既資訊, 我當然唔係話我工人有問題, 但如果工人不誠實, 日日都話同小朋友返學而事實冇返到, 你學校又冇打來, 咁即係我地唔會知了. 同埋小朋友冇返成個月學學校都唔打比家長, 呢個做法完全唔恰當囉.
佢當然又搬一大堆佢既借口出來啦....最搞笑話..咁呢方面係家長同工人溝通既問題, 後來又話....我地係國際幼稚園, 好多小朋友都係外國人, 佢地家長好中意連住假期咁放假oversea, 有d唔會通知學校, 所以學校亦唔會專登打比家長, 直至3星期後仲未見學生返學先會打電話.
你話呢個所謂園長係唔係不知所謂, 你學校有你地學校既介定, 將呢d不合理做法講到係正常, 咁如果學校介定家長外埠係1年, 咁係唔係成年唔見小朋友返學都唔洗打去呢.
難怪成間學校上上下下都係不知所謂, 上樑不正樑歪, 可以要求佢地如何有愛心地對待小朋友.
最搞笑仲有就係....講左一大埋野..重點黎啦....開口叫我埔返退學信, 因為教處會查...仲有..同我講叫我補返一個月待通知金比佢地. 我答佢....人係需要講信用的, 當日你學校亦承諾會愛心教導照顧小朋友, 如何如何, 事實係不仁不知所謂, 今日要我單方面履行承諾, 冇可能. 佢見我咁講, 仲未識趣, 同我講....身為一個行政人員, 我有必要同你講學校有學校既rules, 呢句說話, 令我更加清楚點解佢地對小朋友麻木不仁既做法係合理, 因佢只當自己係行政人員, 唔係辦教肯既領航者. 就佢呢句說話, 我亦比左個最理想既回覆佢. 我答佢...咁我都講你知, 作為囡囡既父母, 我....絕對唔會比返一個月既學費你作為代通知金, 因冇必要亦唔需要咁做. 見我態度強硬. 佢就話啦..咁家長最低限度都要補返退學信比學校, 我又答佢...退學信, 等我同先生商糧一下有冇必要比你地先啦.
你都可唔理我個囡, 我因咩事要按你學校要求提交你要既文件.
呢間學校...前前後後處理既手法....都是一樣的...不知所謂...除左不知所謂, 再冇其他更貼合既形容詞可形容佢地.
我真心希望....各位家長幫小朋友簡學校既時候真要小心, 唔好好似我地咁....千簡萬簡, 簡著間難燈盞.

[ 本帖最後由 klm402 於 11-2-1 17:01 編輯 ]

作者: Bobo_wong 時間: 11-2-1 20:17

兒子今年也是N班, 之前係藍田朗x也有類似經驗, 總之好心痛, 讀左一個月馬上轉校, 現在他也轉到屋村幼兒園, 上堂無咁多英文普通話, 但放學會見到佢係開心, 笑住同老師講拜拜...

作者: klm402 時間: 11-2-1 22:47

經過今次教訓，令我深深體會到，冇野比起佢開心返學放學來得重要

作者: jcmchan 時間: 11-2-2 11:05 標題: 回復 41# klm402 的帖子

我未有時間看完所有人的感覺,不過我已經好想流淚.因為好的學校及不好的學校係可以一個天一個地.記得仔仔兩歲時,入了一間自己話國際學校又教三字經,孝順父母..的學校(嘉x麗),小朋友入去讀2個月生病5次,無人call問咩事,打電話去學校留言,班主任時理時不理,小朋友晚上發噩夢:驚驚老師....我請假本想去了解小朋友在學校內咩事..點知人未行入去,已經聽到老師似街市婆甘大叫:唔可以坐唔可以企,收聲!!!天啊~~班內全部兩歲人仔,老師用d方式好好咩??當然不是,最後變成十幾個人仔大哭.其一是我仔仔.我忍唔住走入學校,職員唔比我入去,話未放學.我就在門口忍忍忍~~小朋友足足哭了成半小時.最後我要求提早接小朋友放學,老師一出來,我問咩事,老師笑得好假甘講,你小朋友在學校好開心.........過程中不斷叫錯我小朋友個名,天啊~~小朋友已經返了兩個月,身為一位班主班都叫錯我個bb名.甘多算,我一抱起仔仔,佢原來成條褲都係尿,居然無人知,尿片早已落地.仔仔行都行唔到路,又會無人知??老師還強拉佢出來比我.........之後我馬上轉去boxhill及樂基,此兩間的學校照顧仔仔真係照顧得好好.我真係好感動.仔仔好乾淨,返學又開心.boxhill係好開心的學校,樂基比人感覺慢熱d,但老師好用心,不論boxhill, 樂基都好,仔仔成日都笑..............至今他還記得嘉x德的老師及阿姐.佢話壞人學校!!不小心入了差的學校,真是影響小朋友一生.

作者: klm402 時間: 11-2-14 16:19

原來你都有同樣既bad exp....唉...真係好慘...點解d學校可以對d咁天真無邪既小朋友咁麻木不仁.

原帖由 jcmchan 於 11-2-2 11:05 發表
我未有時間看完所有人的感覺,不過我已經好想流淚.因為好的學校及不好的學校係可以一個天一個地.記得仔仔兩歲時,入了一間自己話國際學校又教三字經,孝順父母..的學校(嘉x麗),小朋友入去讀2個月生病5次,無人call問咩事 ...

歡迎光臨教育王國 (/)