教育王國

標題: 幼童日讀兩校，猶如「虐待」!! [打印本頁]

作者: 國家 時間: 11-1-24 13:57 標題: 幼童日讀兩校，猶如「虐待」!!

私立獨立幼稚園協會主席胡肖霞透露，近兩年發現有下午校的學童，上課時疲態盡現、反應遲緩兼呆滯，查詢下始得悉他們每日需同時到兩間幼稚園上學。

中大教育心理學系講座教授侯傑泰指，學童的學習能力不一，家長為子女安排學習的同時，應多加留意子女有否出現不愉快的徵兆如哭泣、反抗等，若有，應減少子女的學習量，否則容易削弱子女日後對學習的興趣。

幼兒學界及教育心理學者形容過分催谷猶如「虐待」!!

作者: share123 時間: 11-1-24 14:09 標題: 回復 1# 國家的帖子

依家呢種學童太多啦,多不勝數!

作者: tsobaba 時間: 11-1-24 14:12

直情「虐待」! 要你打兩份工得唔得先?

作者: meanttobemum 時間: 11-1-24 14:23

既然要讀兩間咁辛苦,不如揀一間讀全日啦.而家啲學童真係惨!

作者: sheffield 時間: 11-1-24 15:26

其實之前都有唔少forum討論呢個話題，但有很多是如此安排的媽咪都認為沒問題…
我都好"等"呢d小朋友覺得慘慘…
見到報紙提出呢個issue，我覺得好好，希望d家長可以聽下專家嘅意見同分析…

但，我個人覺得唔應該將呢個問題同學卷拉上關係…因為會如此安排的家長多不是因為驚唔用學卷會蝕底而有此安排，只是想小朋友中文又得，英文又好，到小學時可以有多d選擇…有d就見到人做自己唔做，就怕自己小朋友執輸…

作者: cherrieshum 時間: 11-1-24 16:08

朋友兩個子女讀兩間學校，一間無學券，一間有學券，她說成效很好，小朋友習慣了，很enjoy。

作者: toys 時間: 11-1-24 16:10

這些小朋友真係好慘，比d父母當馬蹓咁舞，咁細個連午睡都唔俾佢哋，點會有精神學習唉~~~簡直係 "虐兒"!!! 個d家長真係要好好反醒吓。

作者: sllau 時間: 11-1-24 16:20

原帖由 sheffield 於 11-1-24 15:26 發表
其實之前都有唔少forum討論呢個話題，但有很多是如此安排的媽咪都認為沒問題…
我都好"等"呢d小朋友覺得慘慘…
見到報紙提出呢個issue，我覺得好好，希望d家長可以聽下專家嘅意見同分析…

但，我個人覺得唔應該將呢個問題同 ...

所以呢年代既小朋友真係苦好多,少左好多玩既時間.....

作者: sheffield 時間: 11-1-24 16:29

個d家長通常都會話佢地d小朋友下午唔肯瞓/唔使瞓，反正都冇野做，對住個工人，不如返學"玩"啦！仲要補句"佢地小朋友返得好開心喎！"

可能有d小朋友有特強耐力掛…仔女係人地嘅，人地至最清楚自己仔女嘅能力…

再者，人有人教法，你有你教法，作為一個普通小朋友嘅媽咪，(我/我地)又點可以challenge人地嘅教/做法呢！所以咪最好有d專家講下野囉…

原帖由 toys 於 11-1-24 16:10 發表
這些小朋友真係好慘，比d父母當馬蹓咁舞，咁細個連午睡都唔俾佢哋，點會有精神學習唉~~~簡直係 "虐兒"!!! 個d家長真係要好好反醒吓。 ...

作者: kristinecheng 時間: 11-1-24 16:30

謝謝樓主分享﹗

未報n1前見有啲家長咁做（我睇雜誌訪問見梁小冰係咁講），都曾經諗吓實行既可能性有幾大，後來見原來am班通常9am-12pm，pm班就1-4pm，即係個小朋友只有一個小時既時間就又要趕學校又要食晏，連午睡時間都冇，得2歲-5歲幾人仔，真係好辛苦。可能有些小朋友體能上可以應付既，不過我唔忍心咁樣對待自己個b（我自己放lunch有1.5hr我都嫌少時間啦﹗）

[ 本帖最後由 kristinecheng 於 11-1-24 16:42 編輯 ]

作者: spain 時間: 11-1-24 16:34

http://hk.video.news.yahoo.com/video/top-story-19458512/title-23941533

這些家長是否已經走火入魔了？
愛孩子變成害孩子。。不夠休息的孩子，怎能有効學習？

作者: cherrieshum 時間: 11-1-24 16:42

我也有朋友個仔，上午讀聖保祿，下午讀英基，換衫、吃午餐都在校巴搞掂。我覺得很恐怖。

如果在屋企附近都可考慮一下讀兩間幼稚園，但要搭校巴的就一定不會考慮了！

作者: Gooblovebb 時間: 11-1-24 16:43

我覺得宜家好多家長係覺得小朋友一定要番學至學倒野, 唔番學就浪費時間. 成日乜到比人早一步先為之好. 我就唔認同, 講真, 我自己湊, 冇番n1, 平時都冇刻意教個仔東西, 只係去邊都帶埋佢, 鍾意帶佢去公園玩吓咁, 佢一樣在過程中學好多野, 唔會比番學的小朋友差, 其實小朋友係在遊戲中學習, 在生活中會慢慢去吸收知識, 係唔需要硬生生地一定在學校規範入面先成長倒呢!

作者: cccbaby 時間: 11-1-24 18:07 標題: 回復 2# cherrieshum 的帖子

我都識有幾個朋友都係咁做佢話個小朋友鍾意喎。去到都係玩啫但係我真係好唔同意,咁嘅童年太恐怖啦。同埋呢d家長霸埋d學位，令有需要嘅小朋友冇得讀，好唔公平囉。我覺得教育處要管制下啦。

作者: babyqueendom 時間: 11-1-24 18:17

提示: 作者被禁止或刪除內容自動屏蔽

作者: cccbaby 時間: 11-1-24 18:42 標題: 回覆 1# babyqueendom 的文章

自費學語言都還好，但係而家係佔用社會資源喎。

作者: cherrieshum 時間: 11-1-24 18:55

原帖由 cccbaby 於 11-1-24 18:07 發表
我都識有幾個朋友都係咁做佢話個小朋友鍾意喎。去到都係玩啫但係我真係好唔同意,咁嘅童年太恐怖啦。同埋呢d家長霸埋d學位，令有需要嘅小朋友冇得讀，好唔公平囉。我覺得教育處要管制下啦。 ...

抱歉！我也是很要求小孩學好英文的家長，所以我只好選擇較昂貴的英文幼稚園，沒有學券的。但是，真是很不甘心，我也很想獲取學券（話曬也有交稅）

，所以我也很想小孩讀兩間學校，不過，真的不忍心，所以只好作罷而已。

作者: cherrieshum 時間: 11-1-24 18:59

[quote]原帖由 babyqueendom 於 11-1-24 18:17 發表

好似有d家長咁，以自己小朋友學五六種語言為榮

我都覺得很無聊，就算學好西班牙語、法語、日語、德語，但是真正幾時會應用到？？學識了，如沒有使用的機會，也是徒然的！
我只會著重兩文三語，學好英語和普通話已經足夠了！！

作者: mlca1314 時間: 11-1-24 19:00

早己聽聞有學童日返兩校,下午放學後仲要去興趣班,真係忙過特首.

作者: dad1234 時間: 11-1-24 19:15

我諗住開間幼稚園夜校...可能會幾好生意

作者: cherrieshum 時間: 11-1-24 19:17

原帖由 mlca1314 於 11-1-24 19:00 發表
早己聽聞有學童日返兩校,下午放學後仲要去興趣班,真係忙過特首.

有什麼問題？你不會給小孩上興趣班嗎？
至少學1種興趣是需要的！

作者: cherrieshum 時間: 11-1-24 19:19

原帖由 cccbaby 於 11-1-24 18:42 發表
自費學語言都還好，但係而家係佔用社會資源喎。

怎樣是占用社會資源？學券是人人都可以獲得的！
我只是覺得未必對小孩很好，可能真的會適得其反。

作者: dandanmami 時間: 11-1-24 19:20

提示: 作者被禁止或刪除內容自動屏蔽

作者: pomama 時間: 11-1-24 19:21

其實小朋友好似張白紙，你比咩佢，佢漸變為理所當然，遇著咁嘅情況有啲懂得抗拒，最慘有啲唔識。

返兩間學校絕對辛苦過返全日班，一來要頻頻撲撲，二來全日班有得小休。

作者: cccbaby 時間: 11-1-24 19:25 標題: 回復 1# mlca1314 的帖子

報紙話呢d人係上午用學卷讀本地學校下午讀國際。如果有人原來係有能力讀國際學校點解要拿學卷，同呃公援有乜分別，有關當局真係要認真調查。對我哋呢d俾咗咁多稅又嗱唔到任何福利嘅一班家長真係好唔公平呀！

作者: cccbaby 時間: 11-1-24 19:35 標題: 回覆 4# cherrieshum 的文章

學卷唔係人人都可以用架有入息限制架

作者: cherrieshum 時間: 11-1-24 20:05

原帖由 cccbaby 於 11-1-24 19:35 發表
學卷唔係人人都可以用架有入息限制架

絕對沒有入息限制，應該是你搞錯了！

作者: belle2009 時間: 11-1-24 20:36 標題: 回覆 8# dad1234 的文章

提示: 作者被禁止或刪除內容自動屏蔽

作者: Hang107 時間: 11-1-24 21:14

如果幼童太小我都唔agree 返兩校,因為三嵗以下都要sleep, bb都會好tried,無法handle得都.
但我都想安排我五嵗的女返兩校,因她不用sleep, 又全日無位(所以才要返兩校), 工人又要照顧兩嵗仔,無人理,上午只是看電視, 加上個女又好動, 又唔慢熱, 又social,睇個女性格都好適合返兩間, 但一定唔可以遠,要近及方便工人帶. I think it's quite depends on your kids personailty and 能力, 如對她來說係handle得到及覺得唔辛苦,我想是好的.

作者: qqbabe 時間: 11-1-24 21:25

駛唔駛瞓晏覺唔係重點，係比時間空間佢地身心休息放鬆，你估喺學校玩3個鐘唔累？唔明點解做阿媽捨得仔女天寒地凍當街當巷換校服，三歲小朋友每日不足一小時食飯盒（我唔信飯餸會係新鮮熱辣）？

作者: pingu_k 時間: 11-1-24 22:06 標題: 回復 14# cccbaby 的帖子

如果真係只係單純6小時上堂玩&學習既時間,咁都話問題不大,但加埋果d交通,頻頻撲撲,趕頭趕命既時間/精力就吾同講法啦!

作者: TKma2010 時間: 11-1-24 23:11

之前都從朋友口中知道佢亞囡有啲同學係咁，都已覺得小朋友好慘。但今日睇到係晌報紙影出來嘅相，涼亭換衫，餵食，天冷或天熱，感受好深，好心痛咁細個小朋友點解要咁辛苦。雖然我對亞囡都係有要求嘅人，但我做唔出囉。
最近聽咗啟思小學附屬幼稚園安排俾準家長嘅講座，係搵佢哋自己小學負責研究課程同培訓老師嘅腦科學專家講有關3-6歲幼兒腦部發展與學習，其中講到這些幼童不應每天那麼繁忙的，每日不同嘅活動之中，最少有一小時俾佢哋每所事事咁hea下，玩一啲大人認為好無聊嘅玩意都好，會幫助腦入面嘅血清素提升同降低皮質醇，幫助穩定情緒、提升專注力同記憶力，長遠係好重要架，更唔好講最基本嘅充足睡眠啦。
所以我除咗唔會要佢返兩間學校之外，都要remind自己課外活動嘅安排都唔好搞到佢咁忙。
其實，學習係好長嘅馬拉松，咁拔苗助長法，佢哋怕咗讀書，過多幾年識反抗架嘞。希望果啲父母會盡快醒覺啦！

作者: 國家 時間: 11-1-24 23:30

其實我好相信俾D小朋友讀兩間幼稚園既父母, 絕對係出於為個仔女好, 其實他們都好辛苦, 一來要安排人手在一個小時內送外賣食飯、換校服及接送個小朋友，都不是一件易事，其次是所用既金錢是Double (*因為我相信與學卷冇關)。但哩個做法太自私了, 完全沒有從小朋友既角度出發，一個小小年紀 (2歲-5歲 *我女兒PN學校都好多小朋友如是了)，日日都要上6個小時堂, 3個小時在街上趕呀趕呀, 晚上5點半回到家, 沖完涼食完晚飯, 都成7點啦, 但未可以瞓覺住, 因為有兩間學校既功課等住要做.... 頻撲了整天, 大人都已經疲憊不已, 何況幾歲人仔呢?? 那麼什麼時候可以教小朋友自理能力, 德育, 品格呢?

這個令人痛心既情況, 絕非因為小朋友能力、沒有午睡等原因導致, 完全是大人既貪心，以為單向式"suck"多些東西俾小朋友, 就是為佢好, 完全不給予他們鬆弛既時間, 就可以另佢"嬴於起跑線"? 錯了, 大錯特錯, 每天忙忙忙, 對小朋友心理生理都好大影響, 由最初對新奇事物/學習抱住好大既興趣, 直至有一天他們覺得自己成為了父母的機器，對學習失去興趣。這完全是以為愛他, 但其實害了他的父母所做成。

小朋友最開心的，其實是與父母一起既時間, 每晚bed time story既時間, 與父母傾談既時間, 與父母一起閱讀玩玩具既時間, 與父母一起去公園既時間...... 請不要把我們的自私, 令小朋友有一個不愉快既童年, 這令人痛心不已!!

作者: elmolly 時間: 11-1-24 23:51

大家唔洗勞氣, 因為返開兩間既家長, 相信唔會因為咁而改變, 呢個係我地教育制度造成既問題, 一般家長既心態好難改變.

作者: pomama 時間: 11-1-25 00:31

「小朋友最開心的，其實是與父母一起既時間, 每晚bed time story既時間, 與父母傾談既時間, 與父母一起閱讀玩玩具既時間, 與父母一起去公園既時間...... 請不要把我們的自私, 令小朋友有一個不愉快既童年, 這令人痛心不已!!」

非常同意！

作者: cincin_ko 時間: 11-1-25 02:22

提示: 作者被禁止或刪除內容自動屏蔽

作者: lamyy 時間: 11-1-25 04:04 標題: 回復 20# dad1234 的帖子

我都有諗過

作者: TKma2010 時間: 11-1-25 08:41

我相信呢個現象同學券無乜大關係，只係報紙將佢relate咗去星期日有關學券嘅遊行啫，雖然我本人都非常反對學券唔係人人平等間間學校可以用，我都係受害者之一。
如果係屋企有細老妹要揍驚工人照顧唔到大果個嘅，可以揀全日班，小朋友無咁辛苦。
要知俾得子女讀得兩間學校嘅家長多數都係有能力同唔介意俾兩份錢。而佢哋一般係對子女學術同語言方面要求高嘅，所以讀兩間係想吸收盡兩間嘅精華，例如貪一間學術高教得深考小學好，另一間多NET語境好。又或者想keep住一間嘅小學back up，但又嫌間小學唔係最好幼稚園教得太淺，再讀間深啲嘅來考高一綫嘅小學，呢啲學校一D都唔hea嫁，功課多d深d，又有project，上到K2，K3咪仲辛苦，點做double兩邊功課考兩邊考試，放學沖完涼食完飯都點幾啦。

作者: TKma2010 時間: 11-1-25 08:46

Sorry,打錯咗，係＂放學沖完涼食完飯都7點幾啦＂至啱。

作者: steamball 時間: 11-1-25 09:02

agree that 學券點解唔比所有讀kinder 的人, 只比部份kinder , 我地稅永遠只有交...冇得用.....it's not fair

作者: sheffield 時間: 11-1-25 09:40

只是說說我自己的意見，希望大家唔好介意…
我個人對學券不反感，也不特別贊成。從行政角度(手段)去睇，學券的工能是用作來監管學校的行政，程度等，讓政府能定期評估學校嘅運作並給家長提供報告，以作參考，我看這本來是好的。(我不評論到底評估的可信性)。如學校不願被監管或被揭露學校的行政及運作，又或是教學方法/程度不願跟政府的標準要求(當然，政府有一個標準，而這些標準也是由專家制定出來，信不信由大家，我亦不想評論)，我相信政府根本就不會鼓勵家長入讀這些不被監管而程度又不被(政府)認同嘅學校…
雖則話我們(納稅人)納了稅就應有福利，更應有權選擇適合自己子女的幼稚園，但某程度上，如所有稚幼園都不被監管，而學校又要吸納多些學生，一般學校都會多做迎合需要的事情，如提早寫字，加深程度，多聘用NET…(大家都會見在BK有超級多家長都驚子自己小朋友讀有學券的學校會否輸在起跑線)
到時會否大家都一起拔苗助長(K1開始默書等)，學費更貴呢(因為要請好多NET)？

原帖由 steamball 於 11-1-25 09:02 發表
agree that 學券點解唔比所有讀kinder 的人, 只比部份kinder , 我地稅永遠只有交...冇得用.....it's not fair

[ 本帖最後由 sheffield 於 11-1-25 09:47 編輯 ]

作者: cccbaby 時間: 11-1-25 09:43

同意呀雖然冇入息限制但係點解唔係俾所有幼稚園。我覺得呢d學卷應該以人頭計而唔係你讀乜學校而決定囉。我唸學卷原意係想減輕家長負擔，但係就不正確地分配，同埋被abuse

原帖由 cincin_ko 於 11-1-25 02:22 發表

我都係咁話, 學券係唔需要入息審查, 點解唔比所有讀kinder 的人, 只比部份kinder , 我地稅永遠只有交...冇得用.

作者: DGJS 時間: 11-1-25 09:49

有D幼稚園為了有更大的自主性,他們不加入而已. 例如KV, 他們的學費其實離可以拿學券的底線很近. 但他們根本不擔心收生, 所以便不加入學券制.

原帖由 steamball 於 11-1-25 09:02 發表
agree that 學券點解唔比所有讀kinder 的人, 只比部份kinder , 我地稅永遠只有交...冇得用.....it's not fair

作者: share123 時間: 11-1-25 10:01

好奇一問,呢d讀兩間學校既學生,到左考P1既時候,profile會唔會寫兩間學校,定寫一間就算??

作者: 考考2008 時間: 11-1-25 10:13

我個人就認為，這種行為是十分之不要得，如果有學校學長發現些問題出現，應立即採取行動，制定條件，應該"取消"他的學位，不要給他們助長，亦好讓其他小朋友可以入讀的機會。
我本人視為這類家長簡直就是"沒有公得心"，所謂以身作則，家長是小朋友的模仿對像，將來就算他們的子女有幾好的學歷都沒有用，因為連最幾本的道德觀念都沒有，將來怎樣能為社會棟樑、貢獻及關心呢?
這些惡劣的行為，簡直就是社會的寄生蟲，沒有"公德心的公民"，浪費社會資源，其實有很多人都需要幫忙及援助，但就被這些自私的人欺騙政府的學卷。
究竟他們有沒有覺得自已自私以及感到"收"恥。

作者: STMFHH 時間: 11-1-25 11:52

我認為, (不喜勿插!)
1)如果小朋友下午唔使瞓，又唔想佢對住個工人，請自費到私人playgroup學語言/興趣班，既可以” 學” 嘢, 又唔會霸住d學位。
2) 如果有學校發現，應採取行動，不要助長，叫家長取捨，亦好讓其他小朋友可以有入讀的機會。
3) 小朋友都要空間休息放鬆, 日日得一個小時又要趕學校，換校服，搭車又要食晏，真係好辛苦。
4) 小朋友還小最開心與父母一起 …傾談, 閱讀, 玩玩具, 去公園去街 …其實父母亦應珍惜這些時光，到孩子上小學後功課壓力大了，這些節目無可避免要減小!
5) 學校願意被監管加入學券制是學校的意願，家長選擇與否亦有自己的法，最重要係選擇適合自己子女的幼稚園。制度並無完美，而且資源有限，可以的話應比多d資源幫助有特別需要嘅小朋友。

作者: snow228 時間: 11-1-25 12:06

番兩間學校既小朋友一定比較馴服, 比著我個仔點會甘聽話呀! 佢肯乖乖地我都偷笑

[ 本帖最後由 snow228 於 11-1-25 12:07 編輯 ]

作者: easybring 時間: 11-1-25 12:57

小朋友好慘....等於大人做兩份工. 返兩間kg一定唔同返全日kg, 因為兩間kg都要上堂學野+功課. 返全日kg會有時間休息和遊戲.

作者: bb0322 時間: 11-1-25 13:15

我朋友個仔每天花係交通時間要三小時(來回），佢話男仔要捱下喎！社會風氣問題，行快一步理想達到。

其實大家覺得無學券唔公平，交左稅無福利，咪揀d有學券的幼稚園！

作者: fatmuichai 時間: 11-1-25 13:26

原帖由 dad1234 於 11-1-24 19:15 發表
我諗住開間幼稚園夜校...可能會幾好生意

Good idea !

到時有D阿媽會話自己個小朋友精力旺盛，好夜都唔肯瞓，返夜校好開心！

作者: MyAshley 時間: 11-1-25 13:32

虐兒是罪行, 家長請三思!

作者: TRYTOBEHOMAMA 時間: 11-1-25 13:49

將心比己,真的很不應該,如果為了張學卷就更加不應該!其實有時間和精力都應該去興趣班,公園,在家和兄弟姊妹玩玩亦好啊!個人認為一天包括上課+一堂(全日班)/二堂(半日班)其他活動,對一個只有數歲大的小朋友來說已算'盡'了.

作者: sarahlmf 時間: 11-1-25 15:53

我也是絕對反對上下午各返一所幼稚園, 一句講哂, 就算想小朋友學多d嘢也要考慮小朋友的休息, 不是睡覺才算休息, 留在家裡休休閒閒沒事幹也是可以放鬆心情的, 每天趕、趕、趕是讓人很緊張的, 這點我相信大人和小朋友是沒有分別的! 再說一次, 反對!!!

作者: KK07 時間: 11-1-25 16:25

令我想起成語故事-拔苗助長...

點解一定要贏在起跑線? 邊個話贏在起跑線必會第一個跑到終點? 終點又是定在那裏?小學,中學,大學還是做到CEO?但CEO之後還有好多好多喎! 人生可以好短,也可以好長..., 無必要在第一步已拉到盡... sorry, 好似好玄, 希望有人同意.呻完...

作者: buddaau 時間: 11-1-25 16:35

四個字: 痛心疾首

作者: carly.c 時間: 11-1-25 17:09

我自己覺得...係適當既年齡俾適當既野俾小朋友

咁細個人仔太快吹谷未必係好事

[ 本帖最後由 carly.c 於 11-1-25 17:11 編輯 ]

作者: anlywan 時間: 11-1-25 19:05

其實香港教育制度真是有問題,所以有呢啲父母的想法...
竟然出的學巻為何不用按每個學童去領取呢?為何只有你教育局認為可以領的學校才可以用的. 難道私校不正規嗎?不合你地要求又批佢地辦學?
父母俾自己仔囡上两間學校是佢地想法..當中種種理由都有....但本人則認為亦有全日齊的私校...為何不選...
讀两間學校...個两間學校的教學理念可能不同. 小朋友會否有混亂呢?
可能好多主在私校. 副在有學巻的學校...父母點都會要小朋友番私家為上...有時累或趕不到,又或就不到時間就會唔番學巻學校...咁又為咩....小朋友又會混淆點解一間日日都要番另一間又可以番吓又唔番吓.....
真是人人皆有人人的想法......

作者: cccbaby 時間: 11-1-25 19:32

同意呀，學券應該受惠每個學童。

原帖由 anlywan 於 11-1-25 19:05 發表
其實香港教育制度真是有問題,所以有呢啲父母的想法...
竟然出的學巻為何不用按每個學童去領取呢?為何只有你教育局認為可以領的學校才可以用的. 難道私校不正規嗎?不合你地要求又批佢地辦學?
父母俾自己仔囡上两間學 ...

作者: TKma2010 時間: 11-1-25 19:43

原帖由 KK07 於 11-1-25 16:25 發表
令我想起成語故事-拔苗助長...

點解一定要贏在起跑線? 邊個話贏在起跑線必會第一個跑到終點? 終點又是定在那裏?小學,中學,大學還是做到CEO?但CEO之後還有好多好多喎! 人生可以好短,也可以好長..., 無必要在第一步已 ...

好同意，人生可以好長，亦可以好短......

我係一個對女兒都有要求嘅人，本來都一直struggle緊揀邊間幼稚園俾亞囡，一間係坊間出名催谷嘅學校，課餘响學校學額外英文、普通話同其他興趣班，考好多證書報小學，自小慣晒默書測驗考試，上到小學絕對無問題。另一間係出名開心學校，無默書考試，培養學習興趣。我好矛盾，佢由幼稚園到大學，學習嘅路二十年，好想係幼稚園俾佢開心啲，最多小學先同佢一齊辛苦啲渡過適應期，小學先發力。但又怕起步輸蝕咗，追得辛苦。
直到一日，响facebook見到大學同學post，話佢個囡＂今日已經走咗＂，簡直晴天霹靂，淚流滿面。同呢位同學好耐無見，只係fb聯絡，印象佢囡好可愛健康，大我囡唔夠半年，突然發生咩事不便多問，但深感人生無常，子女嘅健康同快樂先係最重要。當呢啲更重要嘅嘢响面前時，家長係咪仲覺得比其他小朋友＂贏＂在起跑綫，比人識寫多x個字咁重要呢？無人知道明日會發生咩事，係咪回首時唔會感到對心愛嘅子女有咩虧欠同歉疚呢？
而我自己，之後梗係立定決心揀後者幼稚園啦，雖然課程淺啲，最多課餘自己同亞囡睇多啲。我知現今香港小學生都會好忙好辛苦，所以俾佢開心埋呢幾年先。

作者: ccling69 時間: 11-1-25 19:52

今時今日資訊年代, 已經有好多書同 research証明小朋友在遊戲中學習成效最好, 反而將小朋友的時間塞到密一密, 沒有hea的自由同時間, 對小朋友成積同學習動機影響最大, 好可惜, 好多家長為了成積同學校積極咁安排小朋友的活動, 沒想到結果反而相反. 只可以講好可惜, 小朋友都好可憐.

作者: anlywan 時間: 11-1-25 20:30

其實小朋友讀書成唔成功又並不是從幼稚園開始計..我很多同學都是由中學先開始發力.最後咪入到大學讀的不知幾好..有幾多人可以由幼稚園到大學都KEEP的咁好. 除非佢一出世就會自己讀書個種...
做父母好簡單. 只要子女健康,快樂,平安, 長大後做個有力的人已是最大回報.

原帖由 ccling69 於 11-1-25 19:52 發表
今時今日資訊年代, 已經有好多書同 research証明小朋友在遊戲中學習成效最好, 反而將小朋友的時間塞到密一密, 沒有hea的自由同時間, 對小朋友成積同學習動機影響最大, 好可惜, 好多家長為了成積同學校積極咁安排小朋 ...

作者: 國家 時間: 11-1-25 21:34

培養小朋友的學習動機勝於一切，可能有人會說由幼稚園開始培養小朋友習慣"谷"的學習模式，就可以比其他小朋友更快適應小學生活，但我們要看長遠一點，小朋友由小所培養出來的是一種"習慣性及被迫性"的學習態度，還是一種由心出發的"自覺性學習態度"? 值得大家思考。

作者: cherrieshum 時間: 11-1-25 22:41

原帖由 考考2008 於 11-1-25 10:13 發表
我個人就認為，這種行為是十分之不要得，如果有學校學長發現些問題出現，應立即採取行動，制定條件，應該"取消"他的學位，不要給他們助長，亦好讓其他小朋友可以入讀的機會。
我本人視為這類家長簡直就是"沒有公得心"，所謂以身作則， ...

不覺得是浪費社會資源，學券本身是每個孩子都可申請的，現在家長用盡學券，只是用盡資源了；而且，家長本身也要交一間幼稚園昂貴的學費（沒學券），某程度可說是創造了職位，幼稚園也可以生存。講笑而已！

讀兩間學校最大問題是小孩休息不足，長遠恐怕會對讀書失去興趣。

作者: cherrieshum 時間: 11-1-25 22:45

原帖由 cccbaby 於 11-1-25 09:43 發表
同意呀雖然冇入息限制但係點解唔係俾所有幼稚園。我覺得呢d學卷應該以人頭計而唔係你讀乜學校而決定囉。我唸學卷原意係想減輕家長負擔，但係就不正確地分配，同埋被abuse

...

非常同意！如果政府當初給每間幼稚園都享有學券，肯定家長不會選擇為兒女報讀兩間幼稚園！！

作者: t3carol 時間: 11-1-25 23:30

其實冇學劵的學校, 只係某程度上唔想俾政府監管o者...
每個人都有選擇的自由, 有沒有學劵的學校, 係你地自己選擇的..

原帖由 cherrieshum 於 11-1-25 22:45 發表

非常同意！如果政府當初給每間幼稚園都享有學券，肯定家長不會選擇為兒女報讀兩間幼稚園！！

作者: jasprincess 時間: 11-1-25 23:54

我都覺得小朋友好辛苦好慘. 其實好多時都是家長一相情願. 就算小朋友在家沒事做RELAX一下都很不錯呢.

作者: saiwai 時間: 11-1-26 01:26

原帖由 MyAshley 於 11-1-25 13:32 發表
虐兒是罪行, 家長請三思!

作者: LittlePanda101 時間: 11-1-26 01:30

原帖由 cherrieshum 於 11-1-25 22:41 發表

不覺得是浪費社會資源，學券本身是每個孩子都可申請的，現在家長用盡學券，只是用盡資源了；而且，家長本身也要交一間幼稚園昂貴的學費（沒學券），某程度可說是創造了職位，幼稚園也可以生存。講笑而已！

Agree!!!

作者: ho_yan2406 時間: 11-1-26 02:15

個人認為,小朋友適應力強,自小就咁樣返學法,佢地唔會辛苦,辛苦既係大人/工人,但我都唔會俾個仔咁樣返學法...
睇報紙有講到有人唔想蝕,所以報一間有學卷一間冇學卷的學校,唔想蝕左張學卷喎....好似有d無謂,駛乜咁樣貪張學卷攪到小朋友放學又返學咁趕呢?既然咁著緊自己既"損失",不如報返間有學卷既kg啦~
我又覺得,揀冇學卷既學校係家長自己選既,又唔好話政府做得唔公平,政府都係俾選擇我地者,其實如果所有kg都有學卷,d 名kg又可能再加價,最後可能又係要俾咁多錢既者~~

作者: Siupak222 時間: 11-1-26 10:31 標題: 回復 69# ho_yan2406 的帖子

讀兩間幼稚園係啲有錢人玩意，大人辛苦就自己攞嚟，小朋友真慘，無得反抗

作者: easybring 時間: 11-1-26 10:45

命都短幾年, 無人知個身理&心理影響有幾嚴重架!

唔關學卷事, 多年前, 第一次有朋友問有關返兩間kg的問題, 佢係想返k2 既cckg & hkps. 最後去左cckg k2 + 下午上其他興趣班, 好谷既家長, 最後都係入唔到男拔, 去左國際學校.

原帖由 ho_yan2406 於 11-1-26 02:15 發表
個人認為,小朋友適應力強,自小就咁樣返學法,佢地唔會辛苦,辛苦既係大人/工人,但我都唔會俾個仔咁樣返學法...
睇報紙有講到有人唔想蝕,所以報一間有學卷一間冇學卷的學校,唔想蝕左張學卷喎....好似有d無謂,駛乜咁樣貪 ...

作者: 國家 時間: 11-1-26 10:56

過份進取的家長, 反而會令小朋友失去學習興趣 (無法補救), 反而適得其反, 其實最重要是適中, 物過火!!

作者: MelissaBunny 時間: 11-1-26 10:56

my girls both of them go 2 kindergartens since k1, ( they don't take afternoon nap since at age of 2) I don't think it's "torture" . It all depends on yr own child !( Whenever they are not behaved, i will threaten them no school in the afternoon)

作者: cherrieshum 時間: 11-1-26 10:59

原帖由 MelissaBunny 於 11-1-26 10:56 發表
my girls both of them go 2 kindergartens since k1, ( they don't take afternoon nap since at age of 2) I don't think it's "torture" . It all depends on yr own child !( Whenever they are not behaved, i ...

都可以接受！你個女是否很早要上床睡覺（夜晚）。我朋友兩個子女都讀上下午幼稚園，他們晚上7時前就上床睡覺了，有時為免小孩要與父母玩，她要很狠心晚點回家，先讓小孩睡覺，所以幾乎沒有親子時間，親子時間只能留待星期六日或假期。我有點心痛！！不過，兩個小朋友成績很好，英文很好！！
我問她小朋友有沒有投訴，她說小孩不知道原來可以只讀一間幼稚園，所以沒有問題！

[ 本帖最後由 cherrieshum 於 11-1-26 11:06 編輯 ]

作者: MelissaBunny 時間: 11-1-26 11:11

when they're 3-4, they slept at 8:30, when 5, they slept at 9:00, now even at 9:30, (they both have very good health- touch wood). Their attendance for both kinder are very high. (only 3-4 days absent). They think they're lucky enough to have chance to go to 2 schools!

作者: tsobaba 時間: 11-1-26 11:17

都唔排除有d家長自己打兩份工都OK, 才安排小朋友讀兩間學校, 我深信, "己所不欲, 勿施于人"。

作者: rosenok 時間: 11-1-26 11:26

小朋友成日比人關在課室, 會開心嗎?
如果咁想谷, 又有時間, 谷佢做下運動, 戶外活動, 會唔會好D?

作者: easybring 時間: 11-1-26 11:59

下午的kg是否在家附近的國際學校, 沒有功課, 主要遊戲呢?

原帖由 MelissaBunny 於 11-1-26 11:11 發表
when they're 3-4, they slept at 8:30, when 5, they slept at 9:00, now even at 9:30, (they both have very good health- touch wood). Their attendance for both kinder are very high. (only 3-4 days absent ...

作者: airwaves88 時間: 11-1-26 12:16

我覺得這樣做很好, 很快可以培養出另一個愛因斯坦和牛頓。

作者: easybring 時間: 11-1-26 12:33

right!

原帖由 airwaves88 於 11-1-26 12:16 發表
我覺得這樣做很好, 很快可以培養出另一個愛因斯坦和牛頓。

[ 本帖最後由 easybring 於 11-1-26 13:35 編輯 ]

作者: GAT 時間: 11-1-26 13:18

I believe this phenomeon only appears in Hong Kong.

Parents have to think:

1. when going to apply P1, will you report two KGs? (I don't think so)

2. when the interviewer ask the kid question on school life, which KG you attended - these type of basic questions - how would the kid reply? Or you ask the kid to tell lie to be in line with the KG you reported?

3. I understand some people go for KG because one is better than the other for applying certain types of KGs. So the kid has to remember which KG you reported in this primary school application and tell lies accordingly in different school interviews?

4. I saw some kids eating their lunch downstairs on the public area of my building. They are eating in public area for a short time without any table. I am so unhappy to see the child like that.

5. The maid carries two different KG school bags - so I can confirm the kid go to different KG. Then the teachers will also notice when they see the maid with two school bags every day. I don't think the teacher would like this.

There are other means to get the kid equipped with better foundation but this is certainly not a good way. You also have to think how the kid will think of this & the mom when he grow up?

作者: buddaau 時間: 11-1-26 13:23

原帖由 airwaves88 於 11-1-26 12:16 發表
我覺得這樣做很好, 很快可以培養出另一個愛因斯坦和牛頓。

我諗都有o的困難, 因為個小朋友都無時間可以坐係蘋果樹下面.:;pppp:

[ 本帖最後由 buddaau 於 11-1-26 13:27 編輯 ]

作者: buddaau 時間: 11-1-26 13:38

原帖由 GAT 於 11-1-26 13:18 發表
I believe this phenomeon only appears in Hong Kong.

Parents have to think:

1. when going to apply P1, will you report two KGs? (I don't think so)

2. when the interviewer ask the kid question on sc ...

重有呀! 要大庭廣眾, 換衫換褲呀! 真係要叫佢地o的父母試下先.

稚子何辜.

作者: fefemom 時間: 11-1-26 17:22

I know someone whose daughter attends an international kindergarten in the morning and a local one in the afternoon. They have a driver and the girl eats lunch and gets changed in the van in between.
My impression was: 嘩,日日做明星登台趕下場?好壞胃啫!
Her reason was they could choose going to international school or local school for P1.....

作者: cccbaby 時間: 11-1-26 17:31 標題: 回復 1# fefemom 的帖子

嘩咁會唔會影響發育架，瘦猛猛，讀到識飛都補唔返啦。

作者: LittlePanda101 時間: 11-1-26 17:57

原帖由 tsobaba 於 11-1-26 11:17 發表
都唔排除有d家長自己打兩份工都OK, 才安排小朋友讀兩間學校, 我深信, "己所不欲, 勿施于人"。

如果二份都係半日3個鐘, 返兩份我ok的

其實個個小朋友都唔同, 讀的學校又唔同, 好難一刀切話一定是對或一定是錯,

作者: cccbaby 時間: 11-1-26 20:03 標題: 回復 1# LittlePanda101 的帖子

我唸睇下個小朋友啦,我個就一定唔得。充足慨睡眠同飲食對小朋友都好重要架。我覺得d家長唔埋三七二十一咁要小朋友讀兩間學校都幾lazy 因為佢哋冇乜了解過咁做係咪真係對小朋友發展有幫助，好多時兩校課程都會duplicate 咁點學得好. 我覺得家長應該花下時間tailor d 適合嘅課程instead of 夾硬要佢哋返兩間咁辛苦小朋友。

[ 本帖最後由 cccbaby 於 11-1-26 20:05 編輯 ]

作者: MelissaBunny 時間: 11-1-26 20:28

children go to 2 kinder, it doesn't mean that they'll more clever that the others, i do think playing at school, is better than playing at home only ! I sent them to 2 kinder because i feel they feel more happier !
U are not the fish, how can U know the fish is happy!
My elder daughter begged me not to force her to take a afternoon nap anymore because everytime she'd took a nap she couldn't fall into sleep until 12 midnite !

作者: MelissaBunny 時間: 11-1-26 20:33

my girls change uniform at home & have lunch at home too. Most of the time they can play half an hour before going out ! For those eating at the park, at car....., yeah it's quite ....

作者: ho_yan2406 時間: 11-1-26 20:38

原帖由 Siupak222 於 11-1-26 10:31 發表
讀兩間幼稚園係啲有錢人玩意，大人辛苦就自己攞嚟，小朋友真慘，無得反抗

又唔一定好有錢既,有d冇學卷既kg都係2千幾一個月,咁有學卷既只係幾百....俾3千幾都已經可以讀2間kg,可能仲平過出去學野添~
只係我都係覺得太辛苦la~我諗住個仔讀上午,下午去遊樂場玩架咋....幾歲既小朋友應該開開心心,到讀小一開始,想抖下都難喇~~

作者: 國家 時間: 11-1-26 21:36

點解你地講到好似返半日學咁得閒呢? 我個女返下午PN，但日日都上午及放學後都好忙，好多野做，根本冇時間返多一間學校。

作者: ho_yan2406 時間: 11-1-27 01:09

原帖由國家於 11-1-26 21:36 發表
點解你地講到好似返半日學咁得閒呢? 我個女返下午PN，但日日都上午及放學後都好忙，好多野做，根本冇時間返多一間學校。

係囉,咁返2間咪好多功課?

作者: busy_penny 時間: 11-1-27 08:22

今天頭條日報專欄----笑容由家開始27/1

道出了中產階層為何讓子女讀兩間幼稚園的心聲：

學券這根刺

近日傳媒報道，部份家長為怕蝕底，安排子女上午入讀注重英語但沒有資助的幼稚園，下午則到另一所有學券資助的幼稚園上課。其實這現象兩年前已發生了，情況是否愈來愈普及，則不得而知。

兩年前某日到校巴站接兒子放學，有另一位同學和他同站下車，但這名同學沒有隨即回家，而是跟隨菲傭到車站後面的公園吃飯盒。我正奇怪為何他們不到快餐店之際，已見菲傭從背包中拿出另一件幼稚園校服，替少主人除褲覑衫。少主人胡亂地吃了幾口飯，便立即變身，跟隨工人到車站對面的幼稚園上課去了。上午班十二時下課，下午班一時打鐘，一小時內，搭校車、吃午餐、換校服，效率奇高。但見小朋友垂頭喪氣、沒精打采的樣子，返學像返工，實在令人心痛。

學券制原意是減輕家長負擔，卻限制了家長的選擇，因並非所有幼稚園都納入資助範圍。對於中產父母來說，學券是一根刺。中產父母十分重視子女教育，不會因學券而放棄他們心儀的優質學校，但他們勞氣為何總是享受不到政府的福利，為有出此「下策」。若學券是一種福利，為何享受福利的人毋須資產審查呢？若有審查，中產會氣順些，因為資助窮人嘛，你不是窮人便不應受資助，合情合理。

話說回來，若政府真的有心資助幼兒教育，何不將之正規化和全面化？十五年免費教育，對於富裕的特區政府來說並非難事，也能顯示政府對基礎教育的重視和承擔。

張笑容

作者: busy_penny 時間: 11-1-27 08:23

學券制原意是減輕家長負擔，卻限制了家長的選擇，因並非所有幼稚園都納入資助範圍。對於中產父母來說，學券是一根刺。中產父母十分重視子女教育，不會因學券而放棄他們心儀的優質學校，但他們勞氣為何總是享受不到政府的福利，為有出此「下策」。

非常同意，道出了我的心聲！！

作者: cccbaby 時間: 11-1-27 09:39 標題: 回復 1# busy_penny 的帖子

同意這是有些人怕吃虧的心理，但是辛苦小朋友實在太不智。我覺得一個幾歲小朋友點會鐘意返足六至八個鐘頭學呀，唔好玩啦。

作者: babyqueendom 時間: 11-1-27 09:40

提示: 作者被禁止或刪除內容自動屏蔽

作者: easybring 時間: 11-1-27 10:32

回: 張笑容
如果經濟許可, 不要看交學費多少, 只選心儀一間學校好了. 經濟不許可, 將就一下, 找一間有學卷的好kg.

15年免費教育, 只是把幾百蚊學費也省回, 而且沒有規定必要上kg的. 問題係教局要求參加學卷的kg和官津小學跟足指引, reports很多, 沒有讓學校靈活運用資源. 15年免費教育也會有私校, 也會出現返兩間學校的問題. 幸好小學是返全日的, 否則, 會有返兩間學校的情形出現嗎? 說笑吧!

原帖由 busy_penny 於 11-1-27 08:22 發表
話說回來，若政府真的有心資助幼兒教育，何不將之正規化和全面化？十五年免費教育，對於富裕的特區政府來說並非難事，也能顯示政府對基礎教育的重視和承擔。

張笑容

[ 本帖最後由 easybring 於 11-1-27 10:46 編輯 ]

作者: Siupak222 時間: 11-1-27 11:37 標題: 回復 95# cccbaby 的帖子

認同，父母為啖氣而辛苦小朋友，等同一對男女因一時開心攪大咗個肚，最可憐係個小朋友。

作者: 國家 時間: 11-1-27 12:12 標題: 回復 6# busy_penny 的帖子

小朋友每天胡亂地吃了幾口飯，便立即變身，一小時內，搭校車、吃午餐、換校服!!! 大人都唔可以啦, 何況小朋友??!! 唔好講

作者: 國家 時間: 11-1-27 12:16 標題: 回復 7# busy_penny 的帖子

小朋友每天胡亂地吃了幾口飯，便立即變身，一小時內，搭校車、吃午餐、換校服!!! 大人都唔可以啦, 何況小朋友??!! 唔好講精神疲倦、學習沒有興趣等事情，這樣的生活習慣長久以來，小朋友一定會胃痛，影響健康!!

歡迎光臨教育王國 (/)