教育王國

標題: 想請教怎樣有效地教小朋友加減數? [打印本頁]

作者: ANNAFRIEND 時間: 11-1-26 11:44 標題: 想請教怎樣有效地教小朋友加減數?

小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯. 我怕他慣了以後也會倚賴畫圈才懂答題目. 所以想請教怎樣有效教小朋友加數及減數. 請各位幫幫忙指教. 謝謝各位!!

作者: lillymarie 時間: 11-1-26 13:21

原帖由 ANNAFRIEND 於 11-1-26 11:44 發表
小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯. ...

數數係第一步, 數得多, 夠熟練, 就沒畫圈也可以心算.
其實平時可以把握每一個機會去教佢
例如吃晚飯前, 問問他枱上有幾多隻碗, 幾多隻碟, 幾多隻spoon, 加埋有幾多?
食餅餅時, 可以開始時問有幾多塊? 食咗2塊之後剩幾多塊?
又或者可以拿糖出來數. 玩具亦可以.

小朋友最緊張甚麼就用甚麼去數. 印象特別深刻.

我以前分餅給兩個仔食時, 會先叫他們數下有幾多塊, 然後問佢地平均分的話, 每人可以有幾多塊? 等巴士時, 問佢地巴士一邊有幾個車輪, 另一邊有幾多個車輪, 咁巴士總共有幾多個車輪? 就這樣在生活上教佢地乘除的概念.

另外, 無聊等車或坐車時候亦是最佳考數學題的時候, 盡量當遊戲咁玩, 玩得越輕鬆, 小朋友記得越好.

作者: ohmygosh 時間: 11-1-26 15:10

我小朋友上enopi﹐學addition 係count on to find the sum﹐subtraction 就count back to find the difference。未返enopi前(i.e.三歲半前)係數手指﹐返左enopi後﹐老師教他指著題目上的數字向前/後數﹐但我就再進一步﹐平日要他心算﹐按部就班﹐多練習﹐他都做到了﹐也十分準確。

您可以試試

原帖由 ANNAFRIEND 於 11-1-26 11:44 發表
小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯. ...

作者: Radiomama 時間: 11-1-26 21:55 標題: 回復 3# ANNAFRIEND 的帖子

點解唔用遊戲方式呢?
我在仔仔k2時, 跟他玩math bingo, 啤牌遊戲(如釣魚, 21點), 他進步神速. 仔仔沒有讀任何數學的extra course, 但在班上(小學)是數學較佳的一組.

作者: ANNAFRIEND 時間: 11-1-27 10:51

多謝大家的意見. 我會試試大家的方法. 以前有位媽咪都跟我說過數數是最好的學數學基礎. 但我也不太懂去教. 玩CARD GAMES我相信是不錯的心算練習, 我會試試看. 但見現在太多小朋友到外邊學數, 我偏沒多餘時間去給他學, 心裡常感到不安, 怕他升小追不上

作者: ha! 時間: 11-2-5 12:45

提示: 作者被禁止或刪除內容自動屏蔽

作者: birdbird 時間: 11-2-6 22:36 標題: 回復 2# ANNAFRIEND 的帖子

但見現在太多小朋友到外邊學數, 我偏沒多餘時間去給他學, 心裡常感到不安, 怕他升小追不上

坊間的數學 course 對平時在學校的試卷未必有用, 但點都可以訓練一下頭腦思維. 小朋友不參加類似的數學班, 平時在家跟你地玩遊戲, 將數學溶於生活, 小朋友的數感及羅輯都會訓練出來.

上到小學, 在校內應考係另一門學問, 考試測驗不再只是著眼識計唔識計, 而係要小朋友識睇題目, 運算要快而準, (因為都幾多題目要答). 在初小階段, 小朋友的分數高下, 好多時係建基於小唔小心, 而唔係識唔識計! 有讀書, 有操 paper 的, 分數多是9x, 幾分之差可個名次可以差好遠.

[ 本帖最後由 birdbird 於 11-2-6 22:37 編輯 ]

作者: qoo_pooh 時間: 11-2-7 09:14

請問有沒有減數的遊戲介紹呀?

原帖由 Radiomama 於 11-1-26 21:55 發表
點解唔用遊戲方式呢?
我在仔仔k2時, 跟他玩math bingo, 啤牌遊戲(如釣魚, 21點), 他進步神速. 仔仔沒有讀任何數學的extra course, 但在班上(小學)是數學較佳的一組. ...

作者: Radiomama 時間: 11-2-7 10:40

玩supermarket遊戲，買賣之間就要計減數囉。

原帖由 qoo_pooh 於 11-2-7 09:14 發表
請問有沒有減數的遊戲介紹呀?

作者: aria 時間: 11-2-9 17:39

想請問大家.

有無圖書或更多遊戲介紹.

因為小朋友不喜歡執筆操練學習.一定要以遊戲形式..

作者: kevinlove 時間: 11-2-10 15:43

加數就同小朋友順數

減數就同佢倒數

歡迎光臨教育王國 (/)