教育王國

標題: "你""我"不分 [打印本頁]

作者: lokjoan    時間: 11-1-29 00:33     標題: "你""我"不分

阿囝成日分唔清你我, 好多時"我"講咗"你", 請問大家會否有呢個情況? 點樣去教佢?
作者: Olympian    時間: 11-1-29 15:53     標題: 回復 1# lokjoan 的帖子

聽講要到3歲先識分。
作者: lokjoan    時間: 11-1-29 23:40

依家已經3歲2個月了! 我見人地2歲半就識分了.
作者: Olympian    時間: 11-1-30 16:14     標題: 回復 3# lokjoan 的帖子

其實不分你、我係A仔的特點,佢地較難明白代名詞。慢慢教囉:)
作者: BeBe媽媽    時間: 11-1-30 17:20

我仔兩歲半都唔太識用、分。但最近成曰同佢唱"我共你、你共我"…佢就清楚左,但未完全講得肯定…。
作者: BeBe媽媽    時間: 11-1-30 17:22

唔好同人地比較咁多,其實我見過歲幾都好叻,哈哈
作者: pocoyo123    時間: 11-1-30 23:00

我個仔五歲半啦, 有時都講錯呀, 我咪每次都糾正佢囉, 仲有果D, .....長輩關係, 親戚稱呼, .....有時佢又問你,點解有D衣衣又叫姐姐, 工人又叫姐姐, 大佢小小的小朋友又叫姐姐, 媽咪嘅媽咪叫婆婆, 見到好老的人又叫婆婆, ........呢D問到我有時口啞啞
作者: shanyeungbb    時間: 11-1-31 15:21

我的小朋友也有這個情況, 有人教我, 講"我"時配合動作, 用手怕自己心口, 講"你"時, 用手指向對方, 講"佢"時, 用手指公指向第三者方面。不過我的小朋友依然是講錯
作者: kelvin_hmlau    時間: 11-1-31 16:00     標題: 回復 1# shanyeungbb 的帖子

基本上言語治療師都係教呢個辦法 (指住他自己說"我"), 我跟住試發覺無效, 所以都無再試.

跟住就無再研究呢個問題, 因為有大量其他問題需要處理.
相信原因同鸚鵡學舌問題類似, 都係由於不理解(你,我,他概念), 於是跟住你的說話重複講一次.

解決辦法我覺得係無 (有好點子的媽咪不妨說出來), 直至當佢地明白"你,我,他概念", 才會學懂.

曾聽過樂天陳校長說過大概5歲便可以說對, 小兒現四歲半, 開始有時會說對. 希望校長的說話可以實現.
作者: nokia6300    時間: 11-2-1 10:58     標題: 回復 8# shanyeungbb 的帖子

對的,我小朋友的st都是這樣教

小兒現2歲9,大約呢2個月開始有90%說對了,當中只可以次次佢講錯時教返岩,我次次都用手勢的,食生果又講下"你一個","我一個",去街又大叫下,"你等埋我啦",其實之前佢錯時會改用"媽媽","爸爸"....等,不過st說如小朋友已經掌握到叫人個名,平日便改多一點用"你","我" instead of佢個名子

之前既pst說,基本小朋友系3-4歲先完全分清,當然有差別,因個個小朋友不一樣,我姪仔未足2歲已經冇呢d問題了

慢慢來.....
作者: SandraLo    時間: 11-2-12 23:22

原帖由 kelvin_hmlau 於 11-1-31 16:00 發表
基本上言語治療師都係教呢個辦法 (指住他自己說"我"), 我跟住試發覺無效, 所以都無再試.

跟住就無再研究呢個問題, 因為有大量其他問題需要處理.
相信原因同鸚鵡學舌問題類似, 都係由於不理解(你,我,他概念), 於是跟住你的說話重複講一次.

解決辦法我覺得係無 (有好點子的媽咪不妨說出來), 直至當佢地明白"你,我,他概念", 才會學懂.
...


有方法的..........
他們不能分「你」「我」, 是因為他們發現媽媽永遠叫媽媽自己做「我」, 叫小朋友(即佢) 做「你」, 例如媽媽說:『我俾條毛巾你啦!』 佢知「我」係代表媽媽, 咁佢咪又叫媽媽做「我」, 叫自己做「你」囉!
你可以用兩個動物手偶 (puppet) role play, 手偶對話時, 用多些「你」同「我」, 例如其中一個手偶問:『小狗, 「你」食緊乜嘢呀?』
另一個手偶就答:『小猫, 「我」食緊蘋果呀!』
咁佢會易明好多乜嘢叫你同我!





歡迎光臨 教育王國 (/) Powered by Discuz! X1.5