教育王國

標題: 應否附加埋其英文名在新的兒童身份證上 [打印本頁]

作者: mamas 時間: 11-3-24 10:39 標題: 應否附加埋其英文名在新的兒童身份證上

小兒下月將領兒童身份證，但不知應否附加埋其英文名在新的兒童身份證上．他今年正讀小學五年級，對明年升小六報考中學之文件有否影响呢？請分享意見，萬分感謝！

作者: goodenough 時間: 11-3-24 12:24

一加左就好難改，三思！

作者: melindalsl 時間: 11-3-24 13:14 標題: 回覆 1# goodenough 的文章

加咗跟住同學校改番學校的文件. 向况你只是加英文名唔係改咗成個名嗎. so easy.

不過你一定要三思呢個英文名係你鐘意嘅, 如果唔係就無胃啦. 到時又要改身份證呀! 雖然入出境事務署無限改幾多次, 但你都煩呀!!

作者: wyl 時間: 11-3-25 15:55

我想問吓係咪如果加咗之後想改(英文名),就要去律師樓做改名契先改得架?

作者: rr 時間: 11-3-25 18:38

除左換兒童証及成人証時可免費加埋英文名在身份証上, 其他時間要另外收費.
學校老師通常都叫小朋友英文名, 我覺得應該同時加在証件上好d.

除非諗住俾小朋友大個隨時自己可以重新再改英文名啦.

rr

作者: 大pat豬媽 時間: 11-3-26 11:51

原帖由 mamas 於 11-3-24 10:39 發表
小兒下月將領兒童身份證，但不知應否附加埋其英文名在新的兒童身份證上．他今年正讀小學五年級，對明年升小六報考中學之文件有否影响呢？請分享意見，萬分感謝！ ...

你個小朋友有沒有其他証件(除了出世紙)? 如果身份証加上英文名後,其他証件都要更改的。
(我個女的兒童身份証都加左英文名)

作者: Carmen2004121 時間: 11-3-26 11:56

吾好加 , 第日可能阿仔 / 女吾鐘意個名 . 想改就好麻煩 .

作者: ksnghk 時間: 11-3-26 14:26

其實問題唔大！

加左再加都可以，一個人可以有好多個名架！

加左好處是個名真好係有証明，唔駛多解釋

原帖由 Carmen2004121 於 11-3-26 11:56 發表
吾好加 , 第日可能阿仔 / 女吾鐘意個名 . 想改就好麻煩 .

作者: TiTiTiTi 時間: 11-4-5 17:41

無他既，記得通知學校

但以後一旦要用到出世紙既情況，就要夾埋改名既證明，變要出示兩份文件咁，唔嫌煩既系無問題。但難保個細路大左會怨你搞到佢咁煩！

作者: hagupit 時間: 11-4-6 00:10

我唔會加, 我驚bb第時唔鍾意個名, 到佢大左佢想加先自己決定.

作者: goodenough 時間: 11-4-6 00:12

其實我地而家好多人都有英文名，日常都以英文名來稱呼，但好多人人份証上都沒有加上英文名字的，所以好睇個人喜好。

作者: LittleKidult 時間: 11-4-6 10:10

點解唔等佢大個由佢自己決定?
我仔係上中學時覺得本來個英文名唔好聽, 上中學後即改......

作者: melindalsl 時間: 11-4-6 13:48

唔明點解你哋會比小朋友自己大個再去改個英文名, 同一道理你哋會唔會比佢哋改自己個中文名呀? 無論係中文或英文名都是父母比佢嘅, 要尊重及take it serious, 唔可能話唔喜歡就改!

我個女張出世紙是姓氏加英文名, 無中文名譯音, 所以無得去改, 我亦唔會比佢改.

作者: LittleKidult 時間: 11-4-6 15:08

原帖由 melindalsl 於 11-4-6 13:48 發表
唔明點解你哋會比小朋友自己大個再去改個英文名, 同一道理你哋會唔會比佢哋改自己個中文名呀? 無論係中文或英文名都是父母比佢嘅, 要尊重及take it serious, 唔可能話唔喜歡就改!

我個女張出世紙是姓氏加英文名, 無 ...

除左姓氏唔改, 到佢地成年, 我會比佢地改名, 佢地係獨立個體, 點解要限制佢地做咩?

作者: do-re-me 時間: 11-4-6 19:01

原帖由 LittleKidult 於 11-4-6 15:08 發表

除左姓氏唔改, 到佢地成年, 我會比佢地改名, 佢地係獨立個體, 點解要限制佢地做咩?

你想入名校就要加,學校要求註冊前要完成,否則取消學位

作者: LittleKidult 時間: 11-4-6 22:45

原帖由 do-re-me 於 11-4-6 19:01 發表

你想入名校就要加,學校要求註冊前要完成,否則取消學位

邊間名校? 我仔果間都算有d名, 不過冇呢d要求...............

作者: ABC-DAD 時間: 11-4-7 10:30 標題: 好特別

咁有無出書面通知俾家長呢？

聽落好似好權威下咁。好想開開眼界，增廣見聞。

原帖由 do-re-me 於 11-4-6 19:01 發表

你想入名校就要加,學校要求註冊前要完成,否則取消學位

作者: chan803 時間: 11-4-7 14:31

原帖由 mamas 於 11-3-24 10:39 發表
小兒下月將領兒童身份證，但不知應否附加埋其英文名在新的兒童身份證上．他今年正讀小學五年級，對明年升小六報考中學之文件有否影响呢？請分享意見，萬分感謝！ ...

我會等到佢地攞成人身份證時自己決定加唔加/加乜野名.

歡迎光臨教育王國 (/)