教育王國

標題: 唉. 俾朋友話怪獸家長, 但佢個囡連奶都未戒, o野都未講... [打印本頁]

作者: 早教媽媽 時間: 11-4-2 23:58 標題: 唉. 俾朋友話怪獸家長, 但佢個囡連奶都未戒, o野都未講...

純粹呻下, 之前係fb 寫了一些關於小朋友無聊o野, 如測驗啦, 考琴啦等等, 俾個朋友話成日見到我個仔要考試,要練習, 要溫習, 學呢學路, 大人唔辛苦細路都辛苦, 小心做怪獸家長. 我真係好想講句, 你個囡一歲都唔夠, o野都未識講, 咁點會明白讀咗小學, 小朋友幾忙要測驗考試默書學o野, 又話見度人地小朋友係fb天真笑臉, 我o既小朋友就淨係學o野考試. 大佬呀, 讀幼稚園無考試功課壓力梗係啦, 讀咗小學你就知....
你估我好想為咗仔女學業而煩咩, 你又未到呢個階段, 憑乜o野話人怪獸家長

呻完

[ 本帖最後由早教媽媽於 11-4-3 01:08 編輯 ]

作者: ken9989 時間: 11-4-3 00:03

提示: 作者被禁止或刪除內容自動屏蔽

作者: ken9989 時間: 11-4-3 00:05

提示: 作者被禁止或刪除內容自動屏蔽

作者: 早教媽媽 時間: 11-4-3 00:08

原帖由 ken9989 於 11-4-3 00:05 發表
不過迫得太緊也不是很好，反而壓苗助長，凡事盡量放輕松點吧。

係fb 寫兩句, 又唔係睇住我點教, 佢又知我壓苗助長? 況且學校一年一定係兩測兩考, 通常呢段時間會係fb 同o的同級家長交流傾下溫乜o野溫成點, 咁就係個仔生活只有考試, 沒有天真笑容 ? 學o野, 呢個年代個個小學生都一生一體藝啦, 唔通咁有係無天真笑容o既原因 ?

[ 本帖最後由早教媽媽於 11-4-3 00:09 編輯 ]

作者: 小白媽媽 時間: 11-4-3 00:22

我路過ga jar, 不過我果陣都好似佢咁, 不過到3歲時就知, 我咪就係考咗6間幼稚園law, 無計,時勢迫人

作者: ken9989 時間: 11-4-3 00:33

提示: 作者被禁止或刪除內容自動屏蔽

作者: goodenough 時間: 11-4-3 00:43

原帖由 早教媽媽 於 11-4-3 00:08 發表

係fb 寫兩句, 又唔係睇住我點教, 佢又知我壓苗助長? 況且學校一年一定係兩測兩考, 通常呢段時間會係fb 同o的同級家長交流傾下溫乜o野溫成點, 咁就係個仔生活只有考試, 沒有天真笑容 ? 學o野, 呢個年代個個小學生都 ...

我好明白你的處境，因我都係同你差不多。
不過我小朋友喜歡踢波，跆拳道，小提琴係我估勵佢去的。但我事先已同佢講明，一係唔去，一係去就要認真，唔好當興趣班。佢有興趣就幾辛苦都會去。唯獨是讀書就要比小小壓力佢。
好在幼稚園遇著一班同學好鐘意舉手答問題的同學，就係咁，去到小學，都係為左要答問題佢竟然肯好認真去做功課，我又晚晚跟佢逐樣對，佢唔想第二日唔識答問題。
我明白一二三年班好緊要，養成左好習慣，打好個根基以後就容易。

作者: rbaggio74 時間: 11-4-3 11:19

原帖由 早教媽媽 於 11-4-3 00:08 發表

係fb 寫兩句, 又唔係睇住我點教, 佢又知我壓苗助長? 況且學校一年一定係兩測兩考, 通常呢段時間會係fb 同o的同級家長交流傾下溫乜o野溫成點, 咁就係個仔生活只有考試, 沒有天真笑容 ? 學o野, 呢個年代個個小學生都 ...

看到你的名字『早教媽媽』，我也著重『早教』的。

孩子今年7歲，就讀小二，能請你PM我，你的FB嗎？

我也想結識一些希望教好孩子的家長，謝謝！

早教是個概念，我所看重的是建基在家中的『愉快家教』，孩子只有一個課外活動，但就愛在家中當條『蛀書蟲』...他看閱讀，博覽群書..哈哈

請讓我加入你們『早教』的行列，一起分享育兒心得！

作者: wingsma 時間: 11-4-3 12:10

原帖由 rbaggio74 於 11-4-3 11:19 發表

看到你的名字『早教媽媽』，我也著重『早教』的。

孩子今年7歲，就讀小二，能請你PM我，你的FB嗎？

我也想結識一些希望教好孩子的家長，謝謝！

早教是個概念，我所看重的是建基在家中的『愉快家教』，孩子只有一個課外活動，但就愛 ...

HI, 你的孩子在那裏讀書呢？現在看甚麼書？數學的成績是如何訓練的？他是資優嗎？

作者: rbaggio74 時間: 11-4-3 12:31

原帖由 wingsma 於 11-4-3 12:10 發表

HI, 你的孩子在那裏讀書呢？現在看甚麼書？數學的成績是如何訓練的？他是資優嗎？

我們約三年前移居上海，孩子在香港完成K2後，現在上海就讀小二。

他現在最愛看的書目：
The Magic Tree House series, The Magic School Bus Chapter Book series, A to Z Mysteries.....

數學成績就如我的描述中的一樣，會不同分母分子的運算，兩至三個代數的方程式運算.....

至於如何教導，你可參看我的另外兩個關於早期數學教育的帖子，均載於『教育政策』版內。

至於他是否資優，我們沒有替他去檢定，也不會為之。因為我們的立場是，每個孩子均是天才，分別只在於父母對他們的培育而異！

多多交流！

作者: chan803 時間: 11-4-3 18:43

原帖由 早教媽媽 於 11-4-2 23:58 發表
純粹呻下, 之前係fb 寫了一些關於小朋友無聊o野, 如測驗啦, 考琴啦等等, 俾個朋友話成日見到我個仔要考試,要練習, 要溫習, 學呢學路, 大人唔辛苦細路都辛苦, 小心做怪獸家長. 我真係好想講句, 你個囡一歲都唔夠, o野 ...

呢D唔知頭唔知路的人講GE 野, 咪當耳邊風LAW, 我估佢連乜野係怪獸家長都未知....

作者: lillymarie 時間: 11-4-3 19:29

仙人係唔會明白凡間既疾苦架啦

作者: 早教媽媽 時間: 11-4-3 23:59

原帖由 lillymarie 於 11-4-3 19:29 發表
仙人係唔會明白凡間既疾苦架啦

大家根本不同階段, 佢又未到, 佢梗係無呢o的問題啦
佢而家先煩緊個囡厭唔厭奶, 肯唔肯食粥仔, 咁唔通我話你個囡咁麻煩唔肯食, 就係港孩, 你係港媽喎....

作者: lillymarie 時間: 11-4-4 10:36

原帖由 早教媽媽 於 11-4-3 23:59 發表

大家根本不同階段, 佢又未到, 佢梗係無呢o的問題啦
佢而家先煩緊個囡厭唔厭奶, 肯唔肯食粥仔, 咁唔通我話你個囡咁麻煩唔肯食, 就係港孩, 你係港媽喎.... ...

記得"幸X傷風素"有個廣告, 裏面主角就係咁講: 你都未試過, 你唔明架啦!

作者: 早教媽媽 時間: 11-4-4 10:43

原帖由 lillymarie 於 11-4-4 10:36 發表

記得"幸X傷風素"有個廣告, 裏面主角就係咁講: 你都未試過, 你唔明架啦!

咁咪係囉, 而且我好怕人只係睇下人地FB 同BLOG , 就好似好了解人地O既生活, 然後斷章取義.
人人生活模式不同, 個個細路都唔同, 點解話人地帶囝囡去公園影幾幅相就天真笑臉, 我無影就等如無咩

作者: brianshe 時間: 11-4-4 11:37

提示: 作者被禁止或刪除內容自動屏蔽

作者: TINGMUM 時間: 11-4-4 12:58

d人冇小朋友, 或只係幼稚園階段, 點會明白?

作者: aryee 時間: 11-4-4 13:32

原帖由 早教媽媽 於 11-4-4 10:43 發表

咁咪係囉, 而且我好怕人只係睇下人地FB 同BLOG , 就好似好了解人地O既生活, 然後斷章取義.
人人生活模式不同, 個個細路都唔同, 點解話人地帶囝囡去公園影幾幅相就天真笑臉, 我無影就等如無咩 ...

拿，網絡世界係咁個wor，資料係你自己放出去，要預左人地指指點點，唔可以人地讚你教子有方就受，話你怪獸就話人好憑三言兩語落comment，要自己吃得開喎。我自問就無咁大方，所以我fb同blog都唔會講子女，因為知道呢個世界太多專家！我兩公婆鍾意點教就點教，有需要時我自然會請教我心目中既專家！

其實，就算係怪獸又點呢，我覺得只有怪獸先可以叫下一代成材呀，又關佢咩事呢﹖！我同你相反，我試過比朋友話無上進心，第日個仔楂巴士！咁楂巴士又點啫，關佢鬼事！講真，教仔理念個個都唔同，最緊要自己清楚自己做緊咩，唔使同人交代wor！

作者: km1357 時間: 11-4-4 13:45 標題: 回覆 18# aryee 的文章

我呀仔其中一個志願揸巴士, 咁我唔覺有乜問題, 如果大個仔之後佢都仲鐘意, 搵到一個自己興趣既職業, 自力更生, 我估點都好過d大學生去申請綜媛.

作者: aryee 時間: 11-4-4 14:09

原帖由 km1357 於 11-4-4 13:45 發表
我呀仔其中一個志願揸巴士, 咁我唔覺有乜問題, 如果大個仔之後佢都仲鐘意, 搵到一個自己興趣既職業, 自力更生, 我估點都好過d大學生去申請綜媛.

yes，同意，自力更生，養妻活兒，做個敬業樂業既開心車長，有咩唔好﹖最緊要係佢健康快樂，有個積極既人生，我就好安慰。

我個信念係，我用栽培機師既態度栽培佢，但我接納佢最終只係一個司機！

[ 本帖最後由 aryee 於 11-4-4 14:19 編輯 ]

作者: 35C9 時間: 11-4-4 15:11

把口生係人度, 依個世界, 大把人" 憎人富貴厭人貧 "
你仔叻, 佢話你太谷.
你仔差, 佢話你唔理個仔, 點做人老母,
我都俾人話過太谷對仔女, 對方仲要係離左婚, 無仔女添, 佢都未做過人媽媽,
彩佢都waste air !

作者: cindyau 時間: 11-4-16 12:05

我都俾人話過太谷個女, 個女考到較出名的好學校，Ｄ人話我谷個女，令個女無晒童真。亞女鋼琴比賽取得好成績，佢地又話我谷個女。名名高興的事情, 比佢地講到是壞事。難道唔使個女讀書日日去玩就有童真咩。

作者: tongyimtong 時間: 11-4-16 22:30

原帖由 早教媽媽 於 11-4-2 23:58 發表
純粹呻下, 之前係fb 寫了一些關於小朋友無聊o野, 如測驗啦, 考琴啦等等, 俾個朋友話成日見到我個仔要考試,要練習, 要溫習, 學呢學路, 大人唔辛苦細路都辛苦, 小心做怪獸家長. 我真係好想講句, 你個囡一歲都唔夠, o野 ...

純粹路過，我很同情你。我孩子已十幾歲，記得他小時候都是學很多東西。我為他的學業，幾乎斷六親。幾年無出席任何宴會和喜慶節目。被親朋好友背後笑，但我無後悔。

取笑你的人會有報應，到時才心涼都未遲。

作者: yslgirl 時間: 11-4-29 00:53

有時好怕同親朋戚友討論教育問題, 每個人心中都有一套理念, 我唔介意大家講自己理念, 你是自由派, well, 個囝係你, 你鐘意點就點. 你係催谷派, well, 讀果個唔係我, 我又唔會貢多comment.

但係, 可唔可以唔好抨擊我點教自己既仔女? 可唔可以唔好強迫要我學你果套? 我聽完你既分享, 我覺得正, 岩聽既自然會問你多d資料, 如果唔係, 唔好淨係覺得你果套係天下無敵, thank you!

作者: HaYi 時間: 11-5-5 21:03

我都是, 我個小朋友讀一間出名少少的私立幼稚園, 就俾人說自己個d(差不多大的小朋友) 係唔會考慮名牌幼稚園架, 我個學多幾樣野, 仲係樣樣都唔肯放棄, 就俾人說駛唔駛, 佢個都冇去學咩, 不過之後就開始學了.. 其實我都唔會同佢主動分享咩, 其它親戚問起我答佢聽, 就會彈出來 comment, 好人慳d氣, 各人有各人的教法. 道不同不相為謀..

作者: WowWow 時間: 11-5-6 13:17 標題: 回覆 16# rbaggio74 的文章

你小朋友好叻, 好似比一般同級識多好多學術上嘅野, 但係我有一疑問, 佢上學校的課堂會唔會覺得好悶, 因為已經識晒, 會唔會覺得返學無聊, 學唔到野, 覺得父母叻過老師? 呢樣疑惑, 令我唔敢主動越級先教囡囡, 只是當佢有興趣問時才回答! 曾聽她說有同學, 成績好好, 佢上堂D野媽咪教晒,乜都識, 於是上堂淨係引人傾計, 發白日夢, 操行麻麻! 你認為應點做平衡,取捨?

歡迎光臨教育王國 (/)