教育王國

標題: 報讀"孖T"唔好被花香冲昏頭腦, 期望越大,失望越大 [打印本頁]

作者: SPL 時間: 11-6-12 16:07 標題: 報讀"孖T"唔好被花香冲昏頭腦, 期望越大,失望越大

原本對T_T係作為小朋友首選的學校, 好希望可以讀到上午主流班, 但係第一輪面試後收左下午主流班, 而當時學校職員話佢地會按申請次序處理申請上午班要求, 所以本人不惜早一小時前去等交留位費及交轉上午班信給校長, 希望到時有位可以轉到上午班, 結果係間學校處事上真係好唔公平!!!! 之前已經局住比留位費同轉上午班信比校長話我一定唔會比個仔讀下午主流班, 希望可以有位比我轉上午主流班, 等到過左註冊日都冇消息!!! 反而reject左嘅小朋友可以讀上午班!!!
請問點解唔係比下午班嘅同學仔優先呢?????

, 我都識有人waiting 或 reject左都已經收到電話收佢讀上午主流班, 叫佢6月x日去註冊!!!! 所以對呢間學校行政好失望, 就算宜家比我個仔轉上午班,我都唔會讀喇!!!! 係小事上都處理不公, 點將小朋友交比佢地教呀!!!

[ 本帖最後由 SPL 於 11-7-10 03:19 編輯 ]

作者: jaycee_mami 時間: 11-6-12 16:54

其實俾waiting的人讀上午班, 而唔係讓等緊pm轉am的小朋友優先, 這唔係只得祟真咁做, 其他間學校都係咁. 我去年報幼稚園時都遇到相同情況, 五月中收到某校的電話, 問waiting的我要唔要am offer, 但同時我在討論區見到有人話等緊由pm轉am.

作者: funnyfish 時間: 11-6-12 16:59

如果冇記錯, TT係冇waiting既, 只有收OR reject.

同埋除左佢, 都真係有其他學校係咁做.

作者: CatEgg 時間: 11-6-12 18:08

只比waiting讀上午校而唔係比下午轉上午,只係學校唔想做咁多行政工作,尤其係出名的學校,因為唔怕無人讀
每間學校有自主權決定點做,但唔好話比家長知有機會轉上午,但原來根本係無咁安排,家長空歡喜一場的心情,校長老師明唔明?
講真,呢個年代,學校揀學生/家長,家長都揀學校/老校

作者: siden 時間: 11-6-12 19:04

I sympathize the experience. Certainly understand your disappointment.

However, I can tell you many schools are like this, both famous or non-famous schools.

So, don't expect other school are "fairer".

作者: SPL 時間: 11-6-12 21:02

講白d,咪又係錢作怪, 你唔讀就留位費可以袋袋平安, 我又見有d出名嘅好學校, 係比下午班優先轉上午班先, 係出名嘅真係唔怕冇人讀下午班囉!!!

作者: SPL 時間: 11-6-13 02:53

如果呢個咁唔公平嘅遊戲規則唔公開, 日後一樣會有其他家長中招, 白費心機、時間同金錢! 同埋如果你知道仲有其他所謂名校都係咁樣安排, 請舉出, 好讓日後其他家長有個參考或警惕! 謝謝!

作者: SaBB 時間: 11-6-20 15:40 標題: 回復 7# SPL 的帖子

My sister live very far away from TT and she applied only PM class first, then she got the offer. But then, she changed her mind and she she wrote a letter to request AM offer very late at around April/May, then she got reply and the AM offer from TT in June wo..

Her husband is not professional but she is a full time mum. As what I have heard from others, TT prefer full-time mum, so I am not sure if this is the reason why TT gave her son Am offer.

作者: iantsang 時間: 11-6-20 15:47

(版主溫馨提示:

我們建議有關會員直接向有關機構反影意見。再一次提醒會員，由於文責自負，在投訴文章中，建議先遮人物或學校之局部名稱，亦請盡量留意用詞，免生誤會及負上不必要的責任。)

作者: newmommy 時間: 11-6-21 19:39 標題: 回復 3# SPL 的帖子

Just a friendly reminder: It is only a small example of what is going to happen in the school application process, not only in kindergarten, but worse in primary school, secondary school.... not to mention, in workplace. So, after you got very angry, maybe it is a good idea to put your feelings aside and put your thoughts together and write and ask for an am spot again and again la.

作者: bobbi 時間: 11-6-21 22:30

下午班有什麼不好? 讀上午班個小朋友會叻D嗎? 讀下午班會蝕底咩? 比留位費係自願的，如果學校承諾咗話會幫你轉而唔轉先係學校唔啱!

作者: SPL 時間: 11-6-29 14:05 標題: 回復 9# iantsang 的帖子

明白, 謝謝!

作者: lily233242 時間: 11-7-7 15:19

做家長的我們要參與三次(幼稚園, 升小,升中)黑暗的遊戲真的很無奈

作者: peggyhklam 時間: 11-7-7 15:33

我又唔覺得淨係tt係咁, 我聽過其他朋友都有講過其他幼稚園有呢d情況

其實樓主若當時真係不想讀下午班, 可以唔接受offer的

作者: SPL 時間: 11-7-9 01:43

我唔選擇下午班當然有我特別原因,亦唔需要係度同一些"孖T"家長交待咁多!
若當時真係不想讀下午班, 可以唔接受offer的? 又係呢個問題?! 究竟有冇睇清楚我個post先問呢? 再講多次! "當時致電學校職員查詢,話佢地會按申請次序處理申請上午班要求, 所以本人不惜早一小時前去等交留位費及交轉上午班信給校長, 希望到時有位可以轉到上午班...." 如果當時佢講清楚係會比reject小朋友先, 我就一定唔會比留位費同埋咁傻晨早去等....!!! 你地一班"孖T"家長可唔可拎小小"同理心"去感受下先呢? 很慶幸最後都選了間心儀學校KX(收am),

真係賽翁失馬焉知非福! 我都唔想再浪費時間係度回應d重覆問題, 有時間再上來覆! 另外我都想改一改個標題, 有冇好建議? 謝!

作者: anteater 時間: 11-7-9 06:16

真幸運呢,有KX收了你的小朋友,仲要收AM,這是不是又對其他WAIT緊轉AM的KX小朋友不公平呢? 你又有沒有"同理心"呢?!!!!!!!!

你可以改個標題做"如要報讀KX,請先留意或接受不公平的處事手法!"

[ 本帖最後由 anteater 於 11-7-9 06:19 編輯 ]

作者: venus_mama08 時間: 11-7-9 12:59

原帖由 anteater 於 9-7-2011 06:16 發表
真幸運呢,有KX收了你的小朋友,仲要收AM,這是不是又對其他WAIT緊轉AM的KX小朋友不公平呢? 你又有沒有"同理心"呢?!!!!!!!!

你可以改個標題做"如要報讀KX,請先留意或接受不公平的處事手法!" ...

作者: evacalbee 時間: 11-7-9 19:00 標題: 回復 16# anteater 的帖子

又真係喎!!

作者: 麥兜MaMa 時間: 11-7-9 19:11

岩岩去個簡介會, 佢地好清楚說明"放棄學位轉組係無優先", 亦說左am 係比pm搶手. 暗示左轉組好難.

作者: 麥兜MaMa 時間: 11-7-9 19:25

假設2個小朋友同分/差不多分, am waiting, 但pm 已經係收左. 如果pm可以直轉am, 某程度都係short cut.

作者: 麥兜MaMa 時間: 11-7-9 19:26

其實間間學校都有佢既遊戲方式, 好多名校都有人short cut, 相信沒有一間會有絕對公平.
相信係留位過程上有溝通問題, 但已經更好選擇, 理應想下waiting 家長既感受.

作者: 麥兜MaMa 時間: 11-7-9 19:29

BTW, 我立場中立。。。只是開始看下年Ｋ１, 未報名, 唔係TT忠實 Fan .

作者: coco513 時間: 11-7-9 22:23

作者: SPL 時間: 11-7-10 02:24

咁真係耐人尋味, 你講緊果間TT同我講緊果間"孖T"做法真係有d唔同, 我果間"孖T"係不被取錄嘅反而比下午班申請轉上午班嘅可優先讀上午班空位, 而你果間TT係遲申請下午轉上午班反而比早申請為優先轉(我諗除非有其他特別原因), 否則都係一樣共通點係...."冇排隊準則, 按特別喜好行事"!
想請問你知唔知佢封下午轉上午班信內容係點寫? 會唔會有好特別原因要求轉上午班呢? 可否pm告知, 不會公開! 謝謝~

原帖由 SaBB 於 11-6-20 15:40 發表
My sister live very far away from TT and she applied only PM class first, then she got the offer. But then, she changed her mind and she she wrote a letter to request AM offer very late at around Apri ...

作者: SPL 時間: 11-7-10 02:52

真係越黎越唔明白d"孖T"Fans家長嘅說話, 越叉越遠, 真係費解! 都係讀緊"LB"班嗎?

唔明可以問清楚先, 唔好笑大V_mama個口啊(同學來嗎?)!

對今次自己小朋友成績都算滿意, 1 waiting(已不考慮), 1 PM ("孖T") (已放棄學位), 另外其他幾間都係收AM ! 所以何解會對其他WAIT緊轉AM的KX小朋友不公平呢及又有沒有"同理心"呢?

原帖由 anteater 於 11-7-9 06:16 發表
真幸運呢,有KX收了你的小朋友,仲要收AM,這是不是又對其他WAIT緊轉AM的KX小朋友不公平呢? 你又有沒有"同理心"呢?!!!!!!!!

你可以改個標題做"如要報讀KX,請先留意或接受不公平的處事手法!" ...

作者: SPL 時間: 11-7-10 02:59

你呢個假設不合適用係"孖T"上, 因佢冇waiting (am/pm), 只有reject或取錄~

原帖由 麥兜MaMa 於 11-7-9 19:25 發表
假設2個小朋友同分/差不多分, am waiting, 但pm 已經係收左. 如果pm可以直轉am, 某程度都係short cut.

作者: SPL 時間: 11-7-10 03:15

唔好介意我係度分享多次我一些感想及睇法(如果你睇過)~
同埋我諗到應該改咩標題適合d~謝!

賽翁失馬, 焉知非福? 賣花讚花香大有人在,每年"孖T"Fans一發功, 就有數千計新家長(包括我)冒名而來報名, 報名費都收到笑呵呵! 現在諗深層咁"好"啲學校,為何會有好多人選擇放棄學位而唔讀呢? (後加:原先還擔心冇乜人會唔讀AM而放番d學位出來) 我想有以下幾點可分享:

1) 我想現在"孖T"(幼稚園+小學

)少了一班主要客源---公務員子女, 學位便多了出來, 因很早前新入職公務員大多數應已沒有子女特別教育津貼可報讀私小, 所以如你考"孖T" k1時,有機會被問到閣下有沒有子女教育津貼, 如有, 我相信收啲機會有90%, 除非你子女當時表現衰到貼地啦!

2) "孖T"報名及面試

k1日期比大多數幼稚園早開始(這是很聰明啲"商業"行政策略, 點聰明? 自己諗吧!), 所以會有很多就算"孖T"唔係最心怡啲家長都會去報考, 一來可以讓小朋友當熱身,二來當收錄後可當作backup, 報名費當然就要乖乖交出來唔慳得啦! 但當心怡學校收錄小朋友後, 學位就自自然然放番出黎...

3) 羊群心態, 仲未諗到邊間係最心怡啲學校, 只聽到其他家長/學校Fans讚就去報左先, 但當成功考到幾間後, 發覺"孖T"唔係佢杯茶,又或面試

過其他學校發現其他學校好, 又或地點環境唔係咁好及其他因數(包括我)等而放棄學位....

當然我咁講, 實有人話唔係得"孖T"一間係咁, 而係我想對每年正煩惱為小朋友找k1啲新家長講, 唔好被花香冲昏頭腦, 期望越大,失望越大, 考唔到都未必唔係好事, 亦都唔洗覺得係世界未日, 比d信心小朋友, 就算屋村學校都有好多有愛心有質素啲老師

及教學方式,甚至比所謂出名啲學校好,更合適自己小朋友!

原帖由 麥兜MaMa 於 11-7-9 19:29 發表
BTW, 我立場中立。。。只是開始看下年Ｋ１, 未報名, 唔係TT忠實 Fan .

作者: winky.mok 時間: 11-7-12 17:59

原帖由 SPL 於 11-7-10 02:52 發表
真係越黎越唔明白d"孖T"Fans家長嘅說話, 越叉越遠, 真係費解! 都係讀緊"LB"班嗎? 唔明可以問清楚先, 唔好笑大V_mama個口啊(同學來嗎?)!
對今次自己小朋友成績都算滿意, 1 waiting(已不考慮) ...

你既用詞是否太底劣吧?真係越黎越唔明白d"孖T"Fans家長嘅說話, 越叉越遠, 真係費解! 都係讀緊"LB"班嗎?
好明顯係質素底家長

....
我小朋友原本係某n1 下午班, 我由佢地未收生已要求轉上午班,係原校讀 n1小朋友係100% 收k1, 但結果學校都係話我知上午班無位囉! 但我唔怪學校點解唔優先比我轉am呢, 每間校學都有佢地方式,唔得咪第2間囉!或下年囉!

另外, 我選學校係因為學校教學方法合唔合適自己同小朋友, 唔會因為所為行政問題己決定讀唔讀. (學校書記唔洗教書架) 同教學沒關係的!!

ttk 既k2 有全日班,上午為主洗下午為全英文班,其實都係下午學生另一個選擇.

anyway... 祝你與你小朋友在新學期學習愉快~

作者: lovelinda 時間: 11-7-13 02:04

我其實留意咗呢個topic好耐好耐,每次都選擇忍住唔回應,因為我覺得每個人對一件事可以有不同的睇法,大家都在表達自己的觀點,但是今次真是忍唔住，就算大家意見不同,我覺得話人讀LB班,真是有點侮辱......

作者: SPL 時間: 11-7-13 02:48

又一個"孖T"Fans急於出來請纓嗎? 你地喜歡玩車輪戰

麼?

放心喎, "孖T"唔會因為我呢個post而少左好多人去報名喎, 詳情上文已講過,唔再多講!
你既用詞是否太底(低)劣? 好明顯係質素底(低)家長? 此言差矣! "LB"可以有好多解釋, 唔洗急於對號入座喎!

其可以解作「Low Budget」, Low是低, Budget是預算或成本，Low Budget字面解低成本, 意思是指低級趣味, 俗語「唔夠班」, 用在人身上就是指該人行為或說話低級趣味、無聊, 並不是指人智商低.... ! Relax~ :loveliness:

原帖由 winky.mok 於 11-7-12 17:59 發表

你既用詞是否太底劣吧?真係越黎越唔明白d"孖T"Fans家長嘅說話, 越叉越遠, 真係費解! 都係讀緊"LB"班嗎?
好明顯係質素底家長 ....
我小朋友原本係某n1 下午班, 我由佢地未收生已要求轉上午班,係原校讀 n1小朋友係100% 收k1, 但結果學校都係話我知上午班無位囉! 但我唔怪學校點解唔優先比我轉am呢, 每間校學都有佢地方式,唔得咪第2間囉!或下年囉!

另外, 我選學校係因為學校教學方法合唔合適自己同小朋友, 唔會因為所為行政問題己決定讀唔讀. (學校書記唔洗教書架) 同教學沒關係的!!

ttk 既k2 有全日班,上午為主洗下午為全英文班,其實都係下午學生另一個選擇.

anyway... 祝你與你小朋友在新學期學習愉快~

作者: 悠揚 時間: 11-7-13 09:38

其實我想這個 post 愈討論得耐, 會愈多人想讀 TT , 因為講來講去都係有人想轉讀下午班但唔成功, 於是係度叫家長"小心", 但其實外界好多學校都係咁做 , 無咩特別 , 趕唔到客, 反而令 TT 多左人識 , 好奇想了解佢有咩教學特點 , 令到有人決定唔讀都重係意難平, 鬧足成個月都重咁好氣. 而TT 既教學特點 (e.g. 語言環境好, 一條龍, 課外活動特多, 著重德育培訓, 有學卷非常抵讀, 校舍超大等等) 就係樓主所講既"花香", 亦是最多家長贊同既.

[ 本帖最後由悠揚於 11-7-13 09:41 編輯 ]

作者: winky.mok 時間: 11-7-13 11:10 標題: 回復 2# SPL 的帖子

太太
我從無諗過你所為"lb" 係咩意思... 係你自己講, 我既文章上也從沒提及...."對號入座" 是講你自己嗎?? 如果你令人誤會了, 你既用詞就太差了....

你一路話唔回應但日日都post 你用心何在?心照吧?
明白"吃不到葡萄總是酸的" 人地唔轉你,就話人唔好....咪無知囉~~~

作者: anteater 時間: 11-7-13 11:19

哈哈,以寡敵眾,呢個topic真係好好看! 我呢個局外人都忍唔住出聲!

作者: tgrm 時間: 11-7-13 11:55

提示: 作者被禁止或刪除內容自動屏蔽

作者: sheffield 時間: 11-7-13 12:17

KX可能會好後悔…

日月之下無新事…天下烏鴉一樣黑…
樓主，如你想將來你的小朋友能過著愉快的學校生活，請你調校一下自己…
生活在怨恨中是多痛苦的…
樓主，你收手/口啦…

作者: lovelinda 時間: 11-7-13 12:50

我一直唔回應....是因為唔想郁啲(一出聲)就俾人話是""tt fans"", 一被觀上這種名詞(not only tt, i mean any kg "fans""), 我覺得我 or 家長所講的關於學校的野, 都會比人覺得(什至俾人講)是誇大失實, 賣廣告, 唱衰...之類.

我今次出來講, 唔是想"偏幫"樓主 or tt, 我只是好認同tgrm講的, 因為我都覺得樓主仲係好"留戀過去", 難免令人覺得"潑婦罵街，自暴其短", tt 已成過去, 你要講的, 發洩的, 講咗咁耐......我諗樓主都已經充分表達哂啦, 你話好開心入到心儀的kg, 但一click入你個名, 你所發的post, 回應的post, 全部都仲是tt ONLY, 點解你唔放下, 去心儀kg個邊傾下, 識下同學仔, 相信咁樣, 樓主一定會開心啲.......

我都喜歡tt, 但絕對唔是fans, 我對樓主亦無惡意, 只是想你釋懷, 忘記過去, 同小朋友快快樂樂準備開學啦!!

作者: baba987 時間: 11-7-13 13:02

提示: 作者被禁止或刪除內容自動屏蔽

作者: ps-mon 時間: 11-7-13 18:41

我覺得樓主放棄了TT，真是TT、TT家長和樓主自己的福氣。
一件咁小的事都頂唔順，孩子等著向你學習呢﹗

作者: brrbaby2007 時間: 11-7-13 19:25

樓主雖然用詞不是很好，但她的氣憤是可以理解的。

好多人通常理解am收既學生叻d，排列係：

am>pm>waiting>reject

但從學校角度可能睇法不一樣，學校是個商業機構，有時都要用商業角度看，舉例說am最終收得8成pm收左9成，學校唔會優先俾pm轉am，而係am call晒waiting如再未收足就會揾d reject左既問讀唔讀，因為空左個pm位出來重難再揾人讀。響學校角度其實教waiting/reject過既學生都一樣，唔會話pm學生叻過waiting/reject學生所以要優先pm學生。

個game就係o甘玩冇話公唔公平呢，所以大部份學校都應如是而並非TT獨有。

[ 本帖最後由 brrbaby2007 於 11-7-13 19:30 編輯 ]

作者: iantsang 時間: 11-7-13 20:26

This kind of arguments will not be allowed so now I am closing this thread. If another thread is re-open for similar concern, they will be closed immediately without notices.

Ian

歡迎光臨教育王國 (/)