教育王國

標題: 大坑東幼兒學校2011年N班同學仔 [打印本頁]

作者: Moon1 時間: 11-6-20 13:04 標題: 大坑東幼兒學校2011年N班同學仔

上星期六去左家長會, 感覺學校都幾細心.

有冇今年9月N班的同學仔家長入黎傾下? 有冇家長家長家長會俾小朋友坐校車呢?

作者: lutang 時間: 11-6-20 20:55

你好呀,我上星期六都有去家長會,唔知邊個係你呢?我個小朋友係JNC2上午班,你個小朋友呢?
其實我都心大心細,唔知俾唔俾小朋友坐校車好?因為我住荔枝角,搭地鐵都好方便,而且一定平過校車,但坐校車就唔怕翻風落雨露天行返學校,而且我又可以多番d時間用,畢竟都一來一回兩次嘛,我就諗住湊佢幾個月先決定,唔知可唔可以之後先join佢地呢?
你個b係大b定細b呀?我個小朋友係大b,所以就算坐校車都唔係太擔心,畢竟返學嗰時都兩歲半有多,應該唔太驚!

作者: micbaby 時間: 11-6-21 10:16

我都煩緊呀, 我住沙田架, 所以個日問校車個個係我羅, 你地住得近都無咩所謂.

作者: Moon1 時間: 11-6-21 13:20

原帖由 lutang 於 11-6-20 20:55 發表
你好呀,我上星期六都有去家長會,唔知邊個係你呢?我個小朋友係JNC2上午班,你個小朋友呢?
其實我都心大心細,唔知俾唔俾小朋友坐校車好?因為我住荔枝角,搭地鐵都好方便,而且一定平過校車,但坐校車就唔怕翻風落雨露天行 ...

我阿仔係JNC2下午班, 即係之後將會同你個仔做同學呢.我個仔係細仔呀. 我又係心大心細, 校長又話4個月後先好俾佢坐校車, 但唔知之後先join得唔得. 我住荃灣坐MTR都係30分鐘, 但返工就要好早起身la...

作者: lutang 時間: 11-6-21 13:22

咁你係咪全職媽咪呀?沙田就麻煩d,始終校車較方便,你係驚佢太細坐唔定抑或其他原因,沙田到學校應該唔平喎!

作者: Moon1 時間: 11-6-21 13:23

原帖由 micbaby 於 11-6-21 10:16 發表
我都煩緊呀, 我住沙田架, 所以個日問校車個個係我羅, 你地住得近都無咩所謂.

我o個日都想問校車既安排呢. 沙田真係有o的遠, 你個小朋友係邊班呢? 唔知會唔會係同班同學仔呢?

作者: lutang 時間: 11-6-21 13:31

Moon1 & micbaby:

我都想知你地唔係住呢區,點解會俾個仔讀呢間既,係咪真係口碑好定係咩原因?我報既時候真係純粹揀番呢區,同想揀d全日班學校,所以都唔知佢地好唔好架!本來早排白田救世軍都話收佢,但佢咁遲先通知,呢邊我又覺得幾好,所以都係揀番呢間。

作者: Moon1 時間: 11-6-21 14:21

原帖由 lutang 於 11-6-21 13:31 發表
Moon1 & micbaby:

我都想知你地唔係住呢區,點解會俾個仔讀呢間既,係咪真係口碑好定係咩原因?我報既時候真係純粹揀番呢區,同想揀d全日班學校,所以都唔知佢地好唔好架!本來早排白田救世軍都話收佢,但佢咁遲先通知,呢 ...

我係因口啤同想阿仔讀全日班, 所以幫阿仔選呢間學校. 我有朋友個仔讀過, 話o的老師好有heart, 阿仔咁細個, 我好希望佢可以係一間開心愉快, 同有愛心的老師既學校學習. 我覺得好既學習環境對小朋友既成長好緊要.

作者: micbaby 時間: 11-6-23 10:26

沙田都無咩幼兒園有位, 我想佢返全日班呀, 我要返工架, 我個囡係讀JNC1(AM)

作者: baby809 時間: 11-6-27 13:44

你好!

我個都係讀JNC1(AM)架, 日後多D聯絡分享丫

原帖由 micbaby 於 23/6/2011 10:26 發表
沙田都無咩幼兒園有位, 我想佢返全日班呀, 我要返工架, 我個囡係讀JNC1(AM)

作者: eqgreenyip 時間: 11-6-28 11:53

提示: 作者被禁止或刪除內容自動屏蔽

作者: Moon1 時間: 11-6-29 13:17

原帖由 eqgreenyip 於 11-6-28 11:53 發表
我阿仔係JNC2下午班, 家在荔枝角, 地鐵好方便, 所以唔會坐校車. 期待佢可以快d返學

Hi eggreeyip,
我個仔同你個仔仔係同學呀. Nice to meet u. :)

作者: lutang 時間: 11-7-1 09:54

eggreeyip:

我都係住荔枝角,我住昇悅居,唔知你住邊呢,可能睇時返學會成日見到你喎?

作者: yiuyiu730 時間: 11-7-9 10:53

我個女黎緊都係讀N班AR,不過上次我唔得閒,老公去左聽家長會,你地買晒校服未AR,我咩都未準備AR.

原帖由 Moon1 於 11-6-20 13:04 發表
上星期六去左家長會, 感覺學校都幾細心.

有冇今年9月N班的同學仔家長入黎傾下? 有冇家長家長家長會俾小朋友坐校車呢?

作者: lutang 時間: 11-7-9 17:53

我都未買校服,因為我個仔高得快,我諗住過兩個禮拜先買,因為間校服店都喺我住嗰頭!至於返學鞋我諗8月先買囉,太早買好快唔啱着架!

作者: eqgreenyip 時間: 11-7-13 12:50

提示: 作者被禁止或刪除內容自動屏蔽

作者: lutang 時間: 11-7-13 23:08

eqgreenyip:
你講既展銷會係咪係人都去得架?喺邊度架?

作者: eqgreenyip 時間: 11-7-14 14:58

提示: 作者被禁止或刪除內容自動屏蔽

作者: lutang 時間: 11-7-15 09:52

唔該晒!

作者: yiuyiu730 時間: 11-8-13 10:53

大家交左學費張收據返學校未AR?我早兩日交左返學校LU,我個時差唔多5:30,我見都仲有好多學生係學校未走,我依家煩緊九月點揍阿妹AR,有無人有同樣煩惱AR?

作者: lutang 時間: 11-8-13 12:44

你有邊方面既煩惱呀?我暫時會自己湊,因為我係全職媽媽,如果你要返工,佢地有延展服務喎,唔使擔心!

作者: yiuyiu730 時間: 11-8-29 09:08

lutang,
因我仲有一個大女,黎緊升P.3, 佢放3:30,有時係學校參加活動就放4:30,而阿妹係大坑東就放4:30.唸緊工人點揍兩個,因我地唔近大坑東AR, 要搭幾個站MTR, 依家唸緊可能由工人揍大女,我放工之後揍細女, 不過阿妹就要留係大坑東好長時間LOR.

原帖由 lutang 於 11-8-13 12:44 發表
你有邊方面既煩惱呀?我暫時會自己湊,因為我係全職媽媽,如果你要返工,佢地有延展服務喎,唔使擔心!

作者: YBBYBB 時間: 11-8-29 11:17

hELLO 各位
我阿囡係讀JNC2(am) , 想問下開學日, 是否穿校服裙 ar? 因為學校之前話星期五是運動日. 有無人知le?

作者: lutang 時間: 11-8-29 20:51

YBB YBB:
如果我冇聽錯，開學嗰日應該係照着校服，唔使着運動衫住，我諗第一日都係自我介紹吓啫!
我想問吓佢地嗰張名片卡〈有夾嗰張〉係咪要貼相架？我連d鞋都未寫名呀，我又冇整名字織嘜，d校服都唔知點整個名上去添!

作者: YBBYBB 時間: 11-8-30 12:11

你可以在網上尋找一下NAME 牌

作者: lutang 時間: 11-8-30 17:25

我剛剛打去學校問過，佢地話暫時唔使上體育堂住。
而每日返學就着黑皮鞋，返到學校就換輕便鞋或白波鞋，如果要出外參觀或返學途中就着黑皮鞋，好彩問多次，因為之前打去佢地又話返到學校要着黑鞋，出街就着輕便鞋，真係頭都暈。

歡迎光臨教育王國 (/)