教育王國

標題: A仔媽咪的小進步也會好開心 [打印本頁]

作者: 丞丞BB 時間: 11-7-4 09:20 標題: A仔媽咪的小進步也會好開心

阿仔1歲10個月被診斷為自閉症,當時好唔開心,喊到崩潰...因為e生姑娘話佢所有野好"咋"
之後上左一個月協康幼兒1對1訓練,導師話佢有想學野嘅意欲,可以Training得返...一方面又聽講針灸會醫好自閉症,又想幫針,
如果選擇針灸的話就無$做訓練,最終我都是選擇做針灸,一針就是8個多月,期間無做任何訓練,針左8個多月佢依家都2歲4個月
我發覺佢無任何進步就停左針灸.
停左一個月後也沒有異常,反而我發現阿丞進步左,如果我堅持針灸的話,一定將呢d進步歸於針灸...
有一次同朋友食完飯,姨姨同佢講byebye,我知阿仔從來都唔會同人揮手byebye的,出於禮貌,我就叫佢同姨姨byebye,好奇妙第一次見佢同人揮手byebye
依家仲識自己"畢"飯食,係望住個碗"畢"個只,雖然都會搞到成檯都係飯.好微小的進步,但我已經開心到暈.

作者: mamagarfield 時間: 11-7-4 16:32

咁你係咪覺得針灸無乜用?我而家都心大心細,唔知針唔針好,請比意見.

作者: jjcow 時間: 11-7-4 17:20

我個人覺得另類療法始終係另類療法，係輔助性質，訓練一定要做。

作者: 丞丞BB 時間: 11-7-4 18:26

針灸可能係因人而異,可能對某d人有用,但對我仔反而無乜效果

但我見好多媽咪嘅評論都好正面,
因為我唔係專業人士,對針灸唔敢多加予評論,
你可以一路針一路觀察你仔有無改善,
但我個人認為針灸對我仔無咩幫助,
基於資金問題,我寧願將d$俾佢做訓練

作者: wah37 時間: 11-7-4 21:37

提示: 作者被禁止或刪除內容自動屏蔽

作者: 丞丞BB 時間: 11-7-5 08:33

我停左針灸後,呢d進步兩個月內出現的,
有d人話停左針灸會退步,我仔無呢種情況.
唔好意思呀我唔係想討論針灸嘅問題,
只不過想同大家分亨下內心的感受,見到阿仔嘅小小進步都好開心.

作者: shirleycnf 時間: 11-7-5 13:53

我的情緒差不多都是受我小朋友影響的, 他有小小進步, 我也十分開心, 但當他很頑皮比老師投訢,我又好失落好難過. 加上我是單親, 覺得艱難的路程很慢長

作者: 丞丞BB 時間: 11-7-5 21:49

原帖由 shirleycnf 於 11-7-5 13:53 發表
我的情緒差不多都是受我小朋友影響的, 他有小小進步, 我也十分開心, 但當他很頑皮比老師投訢,我又好失落好難過. 加上我是單親, 覺得艱難的路程很慢長 ...

你都要加油呀
我雖然不是單親,但佢爸爸係完全唔會理個仔係咩事,對於自閉症的認識係零,因為佢根本漠不關心,事不關己,所有訓練呀之類既事情全部落係我一個人身上,我都好大壓力,喊左無數次...
所以大家都要一齊努力,加油^^

作者: JJran 時間: 11-7-5 23:06

原帖由 shirleycnf 於 11-7-5 13:53 發表
我的情緒差不多都是受我小朋友影響的, 他有小小進步, 我也十分開心, 但當他很頑皮比老師投訢,我又好失落好難過. 加上我是單親, 覺得艱難的路程很慢長 ...

一般單親家庭已經很辛苦了, 能想像你和你小朋友的路是更艱難, 難受和壓力太大便找個明白你的對象傾訴一下, 就算幫不上實質的忙也可舒緩一下壓力...努力之餘也要放鬆自己, 你的身心健康很重要~

作者: xixi1218 時間: 11-7-5 23:21

你仔仔年紀小，越早訓練越好，什麽都要可能，加油！我也是經常不知道什麽方法好，什麽方法不好，只要有希望的，沒危險或不是太奇怪的方法，我都願意給他試。反而我覺得最難的是我自己的情緒，希望我有更強的忍耐性。。。。

作者: shirleycnf 時間: 11-7-6 11:11

我小兒的自閉傾向, adhd及讀寫問題是他爸爸那邊遺傳的. 我未生小孩時不會理會這此些問題. 到小兒開始大啦問題出現, 他爸爸不理會不特止, 又唔肯分擔治療開支仲出去攪攪震, 我在忍無可忍的情況下就跟他離婚. 要一個人去訓練小兒真的很艱難, 我實在傷心到欲哭無淚. 我只是問個天, 點解要禁樣對我, 我對於兒子的將來很擔心, 我也相信我無可能有再婚的機會, 我的一生就是這樣過...

作者: wah37 時間: 11-7-6 11:25

提示: 作者被禁止或刪除內容自動屏蔽

作者: BKVIP 時間: 11-7-6 15:11

原帖由 shirleycnf 於 11-7-6 11:11 發表
我小兒的自閉傾向, adhd及讀寫問題是他爸爸那邊遺傳的. 我未生小孩時不會理會這此些問題. 到小兒開始大啦問題出現, 他爸爸不理會不特止, 又唔肯分擔治療開支仲出去攪攪震, 我在忍無可忍的情況下就跟他離婚. 要一個人 ...

shirley 你要頂住呀。你係小朋友既唯一依靠，喊完就重新振作，每樣野上天自有他的安排。

當初我知自小兒係自傾都好唔開心，c6自問對人咁好個天點解要咁對佢，我反而諗得好正面，我唔信教，但我信係上天安排呢個小天使黎我地呢個家庭，係因為個天知道我地有能力照顧佢，俾愛佢… 同樣，個天知道你係一位好媽媽，所以將呢位小天使交托俾你。

自始我無在諗點解，只係一直找訓練同資料，所有路已plan好，只是所有野都要等等等。如其諗自己辛苦，不如諗用咩方法可以令佢有進步來得實際。辛苦一定有，而你情況會比相親家庭更甚，但為左佢將來，你要堅強啊！

作者: megabee 時間: 11-7-8 23:58

Shirley,

有朋友話, 細個時愈麻煩的仔, 愈要媽媽擔心流淚愈要照顧的, 到他大個時一定會雙倍報答你的. 因為他知道你會是最錫他的, 是在任何情況下都不會離棄他的.

加油呀. 天生我才, 他一定有他的才能和過人之處, 只是你還未知道.

歡迎光臨教育王國 (/)