教育王國

標題: 孫公.孫公....放過我們吧! [打印本頁]

作者: VV媽 時間: 11-7-6 10:47 標題: 孫公.孫公....放過我們吧!

縮班---後果有目共睹,下年你又有什麼新'花臣'

作者: vicng 時間: 11-7-6 10:56

應該係成個政府放過我們班香港父母同小朋友吧!!!由爭床位生仔到爭學位，幾時先玩完呀，真係煩死人呀!

作者: easybring 時間: 11-7-6 10:59

識科都有排玩.

原帖由 VV媽 於 11-7-6 10:47 發表
縮班---後果有目共睹,下年你又有什麼新'花臣'

作者: wingleema 時間: 11-7-6 19:20

縮班唔係問題, 問題係得3個banding, d真正的Band 1 生(Top20%) 派唔到Band 1 school. 老實講現在的Band 1 尾等於以前的Band 2 中, 將呢d學生派入band 1 英中, 一來對d真正的Band 1 生(Top20%) 唔公平, 二來學生又讀得辛苦, 追唔上影響自信, 老師又教得辛苦.

作者: 霖霖B媽咪 時間: 11-7-6 20:26

原帖由 VV媽 於 11-7-6 10:47 發表
縮班---後果有目共睹,下年你又有什麼新'花臣'

我係受傷者,依兩日就好似發惡夢一樣.... 我想過係天馬纜既新政府總部跳落去....

作者: redkoni 時間: 11-7-6 20:37

原帖由 霖霖B媽咪 於 11-7-6 20:26 發表

我係受傷者,依兩日就好似發惡夢一樣.... 我想過係天馬纜既新政府總部跳落去....

我雖然幫你唔到,不過我好支持你同你的小朋友,霖霖B媽咪,前面條路仍是一片光明!

加油

[ 本帖最後由 redkoni 於 11-7-6 20:49 編輯 ]

作者: mio8390 時間: 11-7-6 22:13

讀唔到心儀學校不等於死路一條，放棄自已一定是死路一條，成功是自已去爭取，如果自已有實力，做不到一線的學生，可做二線的超班生，一樣可入一流大學。
怨天尤人可以說是最沒意義、沒用處、不如挻胸做人吧！

作者: jose 時間: 11-7-6 22:17

身體差, 管唔到就退位啦!出糧白出比呢班人啦!:;pppp: 應該問責, 香港教育比佢哋一改再改, 死係佢哋手!
其實佢哋有冇做統計派位學位, 攪到依家縮班過龍, d學校派位差了, 苦了千千萬萬的學生和家長.攪到今年D家長嚇餐死!
明年又係另一埸惡夢了! 放過我們吧!

[ 本帖最後由 jose 於 11-7-6 22:20 編輯 ]

作者: ANChan59 時間: 11-7-6 22:22

整體縮班(唔理好定差)唔殺校，我都勉強接受。到最近發現縮班過籠，現在肯定錯配機會大增.........

作者: Siuchoi 時間: 11-7-6 22:35

因為d高官, 佢地d仔女唔會讀政府學校, 佢地又點知我地既痛苦???????

作者: ANChan59 時間: 11-7-6 22:57

原帖由 jose 於 11-7-6 22:17 發表
身體差, 管唔到就退位啦!出糧白出比呢班人啦!:;pppp: 應該問責, 香港教育比佢哋一改再改, 死係佢哋手!

Donald wanted to remove him, but no one want to take up the post. Lame duck government....

作者: 霖霖B媽咪 時間: 11-7-6 23:07

原帖由 ANChan59 於 11-7-6 22:22 發表
整體縮班(唔理好定差)唔殺校，我都勉強接受。到最近發現縮班過籠，現在肯定錯配機會大增.........

遊戲開始左至黎改規則, 傷死好多人. 政策唔好, 攪到一鑊粥, 然後叫派得唔好既家長冷靜接受, 但自己D仔女就用哂我地納稅人既錢去外國讀書, 呢D係何等道理!!!

作者: redkoni 時間: 11-7-6 23:10

原帖由 ANChan59 於 11-7-6 22:57 發表

Donald wanted to remove him, but no one want to take up the post. Lame duck government....

The whole government has already gone comatose.

作者: marcomama 時間: 11-7-6 23:32

原帖由 霖霖B媽咪 於 11-7-6 23:07 發表

遊戲開始左至黎改規則, 傷死好多人. 政策唔好, 攪到一鑊粥, 然後叫派得唔好既家長冷靜接受, 但自己D仔女就用哂我地納稅人既錢去外國讀書, 呢D係何等道理!!! ...

agree, 經過呢幾日的折騰,真係

, 面對咁的政府真係好無奈

作者: ANChan59 時間: 11-7-6 23:43

原帖由 marcomama 於 11-7-6 23:32 發表

agree, 經過呢幾日的折騰,真係 , 面對咁的政府真係好無奈

I wish your kid settle down now.... +++ oil

作者: jessicachoywy 時間: 11-7-7 03:07

下一年嘅小六放榜係2000年龍年最多出生率嘅放榜, 到時中一學位嘅競爭會更加激烈！

作者: leungkit1005 時間: 11-7-7 08:44

中一派位的反思
(蘋果 7/7/2011)

以下的故事，在現今香港社會中俯拾皆是：並不富裕的家庭節衣縮食，每月省下幾千元，為的就是讓孩子上補習班、興趣班，然後在緊湊的課餘時間表上還得逼迫孩子做功課、溫習，催谷孩子成為文武全才；然而幾年以來的努力，只因一次抽籤的不幸，一夕間滿盤皆落索。前天中一派位放榜，寫下了許多令人心碎的故事。數載的寒窗苦讀、往後的升學前途、所有的成敗得失，在剎那間被隨機的派位結果定奪。如此沉重壓力之下，無怪乎不論滿意失意，學生和家長都泣不成聲。
全港的中學有七成的學額，被教育局硬性規定要撥入統一派位：依比例分成三個組別（ Band）的學生，在同一組別下無分前後地統一隨機派位。是故，即使是同一學校裏成績有高低的學生，亦大有可能出現低分者入名校、高分者獲派第十志願的荒唐事。
面對我們不解、詰問，教育局這樣回答：「學生的學習成效並非完全取決於他們獲派的學校，而是他們是否在學習中積極進取。」所以，教育局可以毫不猶豫地把學生的青春、家長的精力、家庭的時間等一切的努力與犧牲都抹煞，把學生們都推進攪珠機裏，讓運氣決定莘莘學子的命運。
這就是實行九年免費教育、致力「提供優質學校教育」（教育局語）的香港政府，對於教育的「公平」：先把學校分組別，再把學校分為中中、英中，然後在學生身上貼一標籤，最後隨機派位。現今制度的基礎，並不是公平地獎掖或鼓勵學生的個別發展，讓學校、學生各取所需；而是以電腦的隨機派位，漠視學生能力的扭曲「平等」。對於無經濟條件在國際學校或海外升讀的家庭，教育局的政策一再剝奪他們力爭上游的機會。
對於掌權者，即使中一的統一派位漠視學生「是否在學習中積極進取」亦不是問題，原因其一是他們的子女多在國際學校或海外升學，其二是他們還有更多的問題要處理：既要迫令教科書減價，又執行無謂的送審制度、不斷微調教程使書商成本增加；口稱加入通識科以增強學生的獨立思考能力，又要設計以國民教育對學生洗腦。教育局疲於對教育制度朝令夕改，使局長孫明揚在中一派位日連出來體察民情、聽取民意以至出言安慰受派位不公所害的家長學生的時間都沒有，那何來時間反思現行「標籤再抽獎」的制度不公呢？

但即使教育局無暇自省，我們亦不能停止思考。當我們關注現今的學童「高分低能」或家長過度催谷子女，亦要問：其根源是否因為我們的制度無法實踐基本的教育平等，令可考取的學額過少以至競爭過度？當富裕者一一逃離香港的教育制度入讀私立名校，基層除了以「分數行先」、「名校至上」去抗衡，又有何辦法？
昨日，數千家長和學生手執成績表、推薦信、得獎資料，棲棲遑遑、東奔西跑到心儀的中學叩門，抹着汗帶着哭去爭取僅有的二、三個名額。我們不知道坐在冷氣房、默不作聲的一眾官員是否滿意於其不公平的制度，但起碼他們實現了他們一部份的抱負：「培育學生迎接人生挑戰。」人生，確是不公的。
梁君齊
自由撰稿人

作者: MadamLo 時間: 11-7-7 09:59

亞仔派到10志願以後! 仍在努力中!
我接受到間派位學校, 仍想去做d嘢, 睇下有無chance.
亞仔接受唔到間學校, 但不想去撲!

被政策折騰中! 真係好無奈!

作者: sakura65 時間: 11-7-7 11:38

李國章玩殺校、羅范開始提倡直資(可讓學校自己管自己，唔洗煩佢地)、孫明楊過度減班、不聽民意.........e 班所謂的官, 唉。真正庸官禍港，連小朋友都係受害人。

作者: cwcw 時間: 11-7-7 12:13

香港教育制度真係垃圾, 朝令夕改, 越過越衰, 無長遠計劃, 完全不知所謂, 今次減班就搞列一鑊泡, 害了一D成績好但派唔到心儀學校, 你話孫明楊係咪害人害物, 叫佢快D退休, 我真係想去遊行示威要佢落台

作者: oscarmama 時間: 11-7-7 12:34

希望在明天，退後一步，放開一點，努力一定會有回報...........祝你好運

原帖由 霖霖B媽咪 於 11-7-6 20:26 發表

我係受傷者,依兩日就好似發惡夢一樣.... 我想過係天馬纜既新政府總部跳落去....

作者: oscarmama 時間: 11-7-7 12:35

出年我哋班龍仔龍女仲惨

[ 本帖最後由 oscarmama 於 11-7-7 12:37 編輯 ]

作者: Hopeful2010 時間: 11-7-7 12:58

香港教育制度,一改再改,從學能測驗到呈分試大抽獎,母語教學,縮班, 班高官同d仔女唔會係受害者, 佢地入貴族學校, 出國留學, 難為我地d平民百勝…..

作者: km1357 時間: 11-7-7 13:01

原帖由 cwcw 於 11-7-7 12:13 發表
香港教育制度真係垃圾, 朝令夕改, 越過越衰, 無長遠計劃, 完全不知所謂, 今次減班就搞列一鑊泡, 害了一D成績好但派唔到心儀學校, 你話孫明楊係咪害人害物, 叫佢快D退休, 我真係想去遊行示威要佢落台 ...

完全認同..

作者: roger163 時間: 11-7-7 13:09

我個女居然派到 15 位, 都不知是點派位的.

這 2 天在荃灣區找學校, 走到無命.

作者: ANChan59 時間: 11-7-7 13:11

原帖由 cwcw 於 11-7-7 12:13 發表
香港教育制度真係垃圾, 朝令夕改, 越過越衰, 無長遠計劃, 完全不知所謂, 今次減班就搞列一鑊泡, 害了一D成績好但派唔到心儀學校, 你話孫明楊係咪害人害物, 叫佢快D退休, 我真係想去遊行示威要佢落台 ...

孫公講"微調"....
我地就"眼眉跳".....

作者: AMD 時間: 11-7-7 13:24 標題: 回復 26# ANChan59 的帖子

凶兆應驗

作者: redkoni 時間: 11-7-7 14:55

原帖由 ANChan59 於 11-7-7 13:11 發表

孫公講"微調"....
我地就"眼眉跳".....

ANChan: 你呢排幾幽默喎!

作者: ANChan59 時間: 11-7-7 15:22

原帖由 redkoni 於 11-7-7 14:55 發表

ANChan: 你呢排幾幽默喎!

與時並進........

作者: HCLAU 時間: 11-7-7 16:15 標題: 回復 25# roger163 的帖子

出年就輪到我們d龍仔龍女去做炮灰了………勁無奈!!

作者: starfire 時間: 11-7-7 16:38

原帖由 roger163 於 11-7-7 05:09 發表
我個女居然派到 15 位, 都不知是點派位的.

這 2 天在荃灣區找學校, 走到無命.

朋友個仔派30位, 當堂暈咗! 其實孫公唔駛通波仔, 通吓個腦就真.

作者: mic.wong 時間: 11-7-7 16:48

提示: 作者被禁止或刪除內容自動屏蔽

作者: starfire 時間: 11-7-7 16:51 標題: 統一派位, 害死細路仔

讀書憑自已努力,派位靠運氣,當仔女努力完但運氣唔好,一樣派得差, 你如何向他她解釋, 這種制度是否應該檢討.大熱天時三十幾度,大人細路通街撲, 真係冇陰公.

作者: 花老爺 時間: 11-7-7 16:54

近日見到身邊或網上家長因為"派位"而周圍"叩門", 真的很憤怒和痛心!!!

點解香港教育越搞越衰, 孫公因為"瀉膀"而提出"自願縮班", 唔駛負責, 完全不是一個"官"要"為民請命", 為教育訂出長遠和完善的政策!!!

有沒有人要遊行?我今次一定去!!!

作者: starfire 時間: 11-7-7 17:10

唔自願都唔得啦, 當年細路多就上下午班疏散人流, 跟住細路小左就全日制,又攪唔掂就殺校縮班, 第日班大陸來港生的細路大左要在港讀書睇怕又要上下午班了, 政府最鈡意見招拆招, 今次遞補hold住就知啦.

作者: jose 時間: 11-7-7 21:15

我識人, 1子1女, 分別死係母語教學, 今次縮班! 相信很多家庭比呢班庸官害死

作者: mio8390 時間: 11-7-7 21:30

我識人的囝囝，讀中中，一樣入到大學，最緊要是睇人。

作者: 霖霖B媽咪 時間: 11-7-7 21:33 標題: 回復 1# jose 的帖子

短短2日, 我已叩了17間學校, 現只有一間收左.

絕對肯定自己小朋友不是那麼不濟, 只是今年d學校個個用高資態及傲慢的態度, 要是再找不到出路, 我會幫小朋友找國際學校模式既學校. 算吧啦....... 依個政府,你做乜都冇用, 你鬧佢多d, 佢又改多d, 越改越衰, 為免更影響黎緊既升中生, 忍左佢就算.

作者: redkoni 時間: 11-7-7 21:39

原帖由 starfire 於 11-7-7 16:38 發表

朋友個仔派30位, 當堂暈咗! 其實孫公唔駛通波仔, 通吓個腦就真.

孫公這輪真係無見佢係電視露面,可能係驚咗羣情洶湧的家長.

原來真是有家長填埋第30志願...

作者: SAMMUMMY 時間: 11-7-8 01:27 標題: 回復 39# redkoni 的帖子

24/06聯校畢業禮,在一眾總理保護進塲

作者: redkoni 時間: 11-7-8 01:35

原帖由 SAMMUMMY 於 11-7-8 01:27 發表
24/06聯校畢業禮,在一眾總理保護進塲

離 5/7升中放榜咁早,佢當然夠膽露一露喇

家陣連副局維安,常秘謝凌都"龜"隱咗!

作者: redkoni 時間: 11-7-8 19:00

Wow, 剛剛電視見到孫公露面
第七屆行政長官卓越教學獎,他和Bowtie一齊頒獎

作者: kkchan1996 時間: 11-7-8 21:04

派位遊戲開始左先至話減班,12年前已經知當年的出生人數,6年前已知入小一人數,每年教育局都統計全香港班級人數.但系無哪哪今年中途才減班,點解唔可以每年減D?當日話比中學選今年或明年減班,但系又一年過減曬,我個仔派得差,叩門又未知,心情差,竟灰.

作者: kkchan1996 時間: 11-7-10 18:48 標題: Band 3 學校

Band 3 學校教師自私自利，為了自己飯碗，搞到全港縮班，害死學生，家長，實在枉為人師！！！教壞學生！！！
要縮就應縮Band 3學校，以免再造出更多社會敗類！浪費納稅人的金錢！！！
教師自私自利，為了自己飯碗，搞到全港縮班，害死學生，家長，實在枉為人師！！！教壞學生！！！
要縮就應縮Band 3學校，以免再造出更多社會敗類！浪費納稅人的金錢！！！

作者: talknwrite 時間: 11-7-10 19:17

知你心情唔好, 都唔好咁偏激啦! band3學生唔係學校教出來的,係父母生出來的, 況且,沒有band3學生,又何來band1學生呢!

作者: mio8390 時間: 11-7-10 19:24

派得差有沒有想過是自已子女成績沒有比別人好，我識得成績好的學生，沒有一個因縮班而派得唔好。

作者: YING951016 時間: 11-7-11 11:59

當你的小朋友由Band1尾變左Bang2,Bang2變左Bang3學生時,可能你地的心情就不同的了.我都支持kkchan1996的講法,如果唔係Band3學校的老師為了怕要剎校而掉了飯碗迫政府宿班,就唔會搞成咁,呢個係事實

歡迎光臨教育王國 (/)