教育王國

標題: 中一派位的反思 [打印本頁]

作者: HappyKookaburra 時間: 11-7-7 10:03 標題: 中一派位的反思

想與大家分享此文（來源：蘋果日報，作者：梁君齊
自由撰稿人）

以下的故事，在現今香港社會中俯拾皆是：並不富裕的家庭節衣縮食，每月省下幾千元，為的就是讓孩子上補習班、興趣班，然後在緊湊的課餘時間表上還得逼迫孩子做功課、溫習，催谷孩子成為文武全才；然而幾年以來的努力，只因一次抽籤的不幸，一夕間滿盤皆落索。前天中一派位放榜，寫下了許多令人心碎的故事。數載的寒窗苦讀、往後的升學前途、所有的成敗得失，在剎那間被隨機的派位結果定奪。如此沉重壓力之下，無怪乎不論滿意失意，學生和家長都泣不成聲。
全港的中學有七成的學額，被教育局硬性規定要撥入統一派位：依比例分成三個組別（ Band）的學生，在同一組別下無分前後地統一隨機派位。是故，即使是同一學校裏成績有高低的學生，亦大有可能出現低分者入名校、高分者獲派第十志願的荒唐事。
面對我們不解、詰問，教育局這樣回答：「學生的學習成效並非完全取決於他們獲派的學校，而是他們是否在學習中積極進取。」所以，教育局可以毫不猶豫地把學生的青春、家長的精力、家庭的時間等一切的努力與犧牲都抹煞，把學生們都推進攪珠機裏，讓運氣決定莘莘學子的命運。
這就是實行九年免費教育、致力「提供優質學校教育」（教育局語）的香港政府，對於教育的「公平」：先把學校分組別，再把學校分為中中、英中，然後在學生身上貼一標籤，最後隨機派位。現今制度的基礎，並不是公平地獎掖或鼓勵學生的個別發展，讓學校、學生各取所需；而是以電腦的隨機派位，漠視學生能力的扭曲「平等」。對於無經濟條件在國際學校或海外升讀的家庭，教育局的政策一再剝奪他們力爭上游的機會。
對於掌權者，即使中一的統一派位漠視學生「是否在學習中積極進取」亦不是問題，原因其一是他們的子女多在國際學校或海外升學，其二是他們還有更多的問題要處理：既要迫令教科書減價，又執行無謂的送審制度、不斷微調教程使書商成本增加；口稱加入通識科以增強學生的獨立思考能力，又要設計以國民教育對學生洗腦。教育局疲於對教育制度朝令夕改，使局長孫明揚在中一派位日連出來體察民情、聽取民意以至出言安慰受派位不公所害的家長學生的時間都沒有，那何來時間反思現行「標籤再抽獎」的制度不公呢？

但即使教育局無暇自省，我們亦不能停止思考。當我們關注現今的學童「高分低能」或家長過度催谷子女，亦要問：其根源是否因為我們的制度無法實踐基本的教育平等，令可考取的學額過少以至競爭過度？當富裕者一一逃離香港的教育制度入讀私立名校，基層除了以「分數行先」、「名校至上」去抗衡，又有何辦法？
昨日，數千家長和學生手執成績表、推薦信、得獎資料，棲棲遑遑、東奔西跑到心儀的中學叩門，抹着汗帶着哭去爭取僅有的二、三個名額。我們不知道坐在冷氣房、默不作聲的一眾官員是否滿意於其不公平的制度，但起碼他們實現了他們一部份的抱負：「培育學生迎接人生挑戰。」人生，確是不公的。

作者: J'smama 時間: 11-7-7 10:29

現今的學生真辛苦

作者: YYCPAPA 時間: 11-7-7 10:40

見到d徬徬徨徨的叩門家長/學生，對呢個無理抽獎制度就無名憤怒。我舊年都是徬徨的家長，感同身受。叩門成功故然喜；失敗也不要太責怪自己及小朋友，這不全是你的錯。

作者: ydoris 時間: 11-7-7 10:44

唉...阿女學校,BAND3生入BAND2學校.自己因為個NUMBER後,第一志願俾人抽晒....而家等緊叩門結果..聽日好吾願意咁去註冊LOR~~

作者: AMD 時間: 11-7-7 10:46

我朋友話俾我知今年佢囝囝學校其中兩個case, 兩個都係平均分8x-9x分, 一個派第十幾志願band3尾, 一個連名單內學校都派唔到....

作者: LEEYM1 時間: 11-7-7 10:48

提示: 作者被禁止或刪除內容自動屏蔽

作者: waic 時間: 11-7-7 10:51

好有同感! 真係覺得好成績但又派得差嘅小朋友好慘, 好諷刺, 讀書不就只是努力就得, 除從小訓練突異工能外,
還要家長精通大抽獎排位玄機...等等, 種種k形學制下,
學生又怎能享受學習過程?我地冇能力改變又冇能力逃離的, 只好黙黙為我們下一代祈禱!
需然, 我不是今次升中小朋友家長, 但4年前叩門情境記憶尤深, 我諗我呢世都唔會忘記.

[ 本帖最後由 waic 於 11-7-7 10:57 編輯 ]

作者: sakura65 時間: 11-7-7 10:57

完全同意，亦說得中肯，不偏激。
教育局懂不懂去自我反省它們的教育制度 ?
為什麼那麼多學生要去海外升學 ? 為什麼有那麼多的直資學校出現 ?

各位教育界的官員，請放眼世界，看看西方國家的學生會否像香港的小朋友一樣、要不斷催谷、文武雙全、再加彩數先有機會入到心儀學校.......。各位教育界的官員，如果你們不懂辦教育，就好好向其他國家學習學習啦。

呀孫先生，我寧願你在任期間唔好攪咁多野，早些退休吧啦。健康緊要呀，賺錢多又點呀，無健康就無命享。

[ 本帖最後由 sakura65 於 11-7-7 11:19 編輯 ]

作者: CrabPincers 時間: 11-7-7 11:00

原帖由 ydoris 於 11-7-7 10:44 發表
唉...阿女學校,BAND3生入BAND2學校.自己因為個NUMBER後,第一志願俾人抽晒....而家等緊叩門結果..聽日好吾願意咁去註冊LOR~~

HI, 你女最後派到邊間呀? 連果間女校都派吾到? 你PM 我呀

祝你女早日叩門成功
希望尚有人間, 我FD 個女都岩岩收到好消息
我家姐個女, 都搵到間直資

作者: hkfsic 時間: 11-7-7 11:03

最公平根本就係學能測驗, 全港小六生考同一份卷, 以分數排名.....社會上好多聲音又話令小學生太大壓力......

作者: qkhui 時間: 11-7-7 11:10

我都覺得學能測驗最好

作者: waic 時間: 11-7-7 11:13

我仔係好鍾意搞笑嘅人, 呢排我打親電話比佢, 佢就會
壓低聲講:"喂, 唔好甘大聲講呀, 孫明楊係度偷聽緊我地講野呀!" 跟住就大聲笑, 先入正題.
由此證明, 阿孫公, 你已成功進入青少年的心,
青少年對你地教育局為佢地所做的一切, 會銘記於心!

作者: mn123 時間: 11-7-7 12:08

其實根本全港小六生考同一份卷係最公平既 ! 用學能測驗來分banding 最好不過 ! 依家間間小學都自已出卷考"呈分試", 有的出深, 有的出淺, 一點都唔公平囉 !!

作者: hongkeikei 時間: 11-7-7 12:48 標題: 回復 5# AMD 的帖子

band 1 生是不會派去band 3學校,除非是自己選的,最差是去band 2學校.
因為band 1生就算no.最尾,選校次序都在所有band 2生前面.
其中一個原因是所謂band1生應是band1尾的邊緣人,實際在派位上是band 2 生,但選了很多band 1學校,band 2學校排得太後,隨機no.也後,band 2學校都給其他band 2生選了,所以最後派了band 3學校.

之前khmama已解釋過:這是很多家長的誤會

作者: YanYan0116 時間: 11-7-7 12:48

我大女出年升P5, 我想請教, 萬一自行揀個2間都無得INTERVIEW, 係咪統一就唔洗再揀.

作者: YanYan0116 時間: 11-7-7 12:50

原帖由 hongkeikei 於 11-7-7 12:48 發表
band 1 生是不會派去band 3學校,除非是自己選的,最差是去band 2學校.
因為band 1生就算no.最尾,選校次序都在所有band 2生前面.
其中一個原因是所謂band1生應是band1尾的邊緣人,實際在派位上是band 2 生,但選了很多ba ...

邊到可以睇返khmama的post, thank you.

作者: hongkeikei 時間: 11-7-7 12:53

原帖由 mn123 於 11-7-7 12:08 發表
其實根本全港小六生考同一份卷係最公平既 ! 用學能測驗來分banding 最好不過 ! 依家間間小學都自已出卷考"呈分試", 有的出深, 有的出淺, 一點都唔公平囉 !! ...

每間學校出卷深淺也不會影響banding,因banding是根據升中編班試(全港統一)個份來作決定的.

呈分試是決定自己學校的小六學生排隊取已屬貴校的band1,2,3比率.

作者: Viman 時間: 11-7-7 12:53

原帖由 waic 於 11-7-7 10:51 發表
好有同感! 真係覺得好成績但又派得差嘅小朋友好慘, 好諷刺, 讀書不就只是努力就得, 除從小訓練突異工能外,
還要家長精通大抽獎排位玄機...等等, 種種k形學制下,
學生又怎能享受學習過程?我地冇能力改變又冇能力逃離 ...

我都不是今次升中

小朋友家長, 但3年前叩門情境仍歷歷在目, 滂沱大雨,我諗我呢世都唔會忘記.

祝福派位不理想的小朋友, 要開心面對,明天會好些

作者: km1357 時間: 11-7-7 12:58

原帖由 mn123 於 11-7-7 12:08 發表
其實根本全港小六生考同一份卷係最公平既 ! 用學能測驗來分banding 最好不過 ! 依家間間小學都自已出卷考"呈分試", 有的出深, 有的出淺, 一點都唔公平囉 !! ...

我都支持, 最好係我細個果時既升中試, 一試定生死, 用成績去決定揀學校先後, 仲唔比叩門, 咁先公平.

作者: hongkeikei 時間: 11-7-7 13:01 標題: 回復 16# YanYan0116 的帖子

升中派位:置頂的資訊有很多khmama用心做的資料和分析,例如升中資料下載區(升中秘笈...)

上面有很多有用資料,大家升小五,六的家長係時候做功課喇!祝來年好運..

作者: J'smama 時間: 11-7-7 15:07

我女都係來年升P5,據我理解,就算小朋友係自行已有學校收左,都要填統一份表格。放榜前無人會話你知有學校收左你（直資除外）,有錯請糾正。

原帖由 YanYan0116 於 11-7-7 12:48 發表
我大女出年升P5, 我想請教, 萬一自行揀個2間都無得INTERVIEW, 係咪統一就唔洗再揀.

[ 本帖最後由 J'smama 於 11-7-7 15:10 編輯 ]

作者: tkkmama 時間: 11-7-7 15:21

跟左幾個女讀左十幾年書, 真係大徹大悟啦.. 三分盡人事, 七分天命.... 成唔成功, 真係估佢唔到架.

作者: tkkmama 時間: 11-7-7 15:25 標題: 回覆 15# YanYan0116 的文章

我明你問乜, 今次老三申報兩間自行, 一間本區B1尾(連面試都無份) 一間他區B2頭(有面試不過派位乙部無份揀), 最後CUT班知道機會細..自行無得IN既完全無揀, 甲部只揀他間有得IN既B2, 乙部揀本區有得揀(無揀自行), 拔得十個位既SSP升值學校.

情況係年年唔同既, 問題係值唔值駁架乍.

作者: ANChan59 時間: 11-7-7 15:33

原帖由 hkfsic 於 11-7-7 11:03 發表
最公平根本就係學能測驗, 全港小六生考同一份卷, 以分數排名.....社會上好多聲音又話令小學生太大壓力......

Agreed.

EDB changed to lucky draw, becasue of parents' request years ago....

作者: kswiss 時間: 11-7-7 18:00

提示: 作者被禁止或刪除內容自動屏蔽

作者: carchu12 時間: 11-7-7 18:10

其實在自行後公佈縮班果一刻，已經唔會進取。

小兒Band1中學生，第一選1A既學校，第二已經選1C既學校。結果入第二。

真係唔咁搏，亦都無搏，因為真係有好多同學去左第5、6既志願......

其實我都覺得考學能測驗會好d，直接d，唔使用其他人既能力(分班試)再衡量自己學校banding既ratio。自己係幾多就幾多。

[ 本帖最後由 carchu12 於 11-7-7 20:36 編輯 ]

作者: One-Mama 時間: 11-7-7 18:31

以上好多情境的確令人聞者心酸. 聽者流淚! 唉, 應屆倒運者要振作D呀! 記著: 孩子們以你們為榜樣, 不論如何我們要盡力而為, 結果如何大家都共同面對, 走過困難才會更珍惜, 得失應該只着眼目前, 希望各位互勉!

作者: jose 時間: 11-7-7 20:04

早些退休吧!
全港人被你害得死去活來!
你要12歲的小朋友面對殘酷的現實, 但你d大人(老師及孫公) 不肯面對殘酷的現實, 能者居其位:;pppp: 問責下理應管不好的, 教不好的請讓位!! 浪費納稅人d錢!

作者: 霖霖B媽咪 時間: 11-7-7 21:43 標題: 回復 1# jose 的帖子

兩日內已叩了17間學校, 我都覺得自己都好叻, 下年同樣時間, 我可以成為你地專業的顧品 !

作者: mio8390 時間: 11-7-7 21:53

為何當年家長和社會都反對，先會改革？

原帖由 km1357 於 11-7-7 12:58 發表

我都支持, 最好係我細個果時既升中試, 一試定生死, 用成績去決定揀學校先後, 仲唔比叩門, 咁先公平.

作者: talknwrite 時間: 11-7-7 22:14

這個局面, 誰是始作俑者 - 家長?教育界?政府?

作者: LittleKidult 時間: 11-7-7 22:42

到今日都重有家長以為係學校既分數就等於該學生係全港既分數...............

作者: LittleKidult 時間: 11-7-7 22:43

原帖由 mio8390 於 11-7-7 21:53 發表
為何當年家長和社會都反對，先會改革？

話一試定生死, d學生好大壓力...............

作者: ANChan59 時間: 11-7-7 22:46

原帖由 talknwrite 於 11-7-7 22:14 發表
這個局面, 誰是始作俑者 - 家長?教育界?政府?

I would say - Parents.

作者: LittleKidult 時間: 11-7-7 22:47

原帖由 ANChan59 於 11-7-7 22:46 發表

I would say - Parents.

yes!!!!!!

作者: boldboy3 時間: 11-7-7 23:01

提示: 作者被禁止或刪除內容自動屏蔽

作者: jiemeidi 時間: 11-7-7 23:03

我個人覺得，香港教育成了這種局面，是基於香港的精英教育取向。教育應當有教無類，而不是催逼孩子達到所謂精英的水平。其實，精英的定義也不同。每個孩子有他自己的長處和短處，家長和學校的工作，就是把孩子的潛能發揮出來。按照香港對於教師的專業水平要求，每閒中學的老師成度其實差不多，關鍵是要找到一閒能讓自己孩子在其中可以享受學習，建立自信，發揮潛能的學校。看到有的帖子說孩子進了band1學校，成績包尾，變得痛恨學習，甚至要留班，轉校，這是多麽可惜啊。如果他當初按著自己的能力，進了所謂band2學校，可以拿到好成績，也有精力發展自己其他的特長，這個孩子的自信心就會很強，將來的成就也不可限量。我覺得，家長實在不要迷信banding, 建立孩子的自信，享受學習和中學生活，纔是王道。

作者: ANChan59 時間: 11-7-7 23:04

原帖由 LittleKidult 於 11-7-7 22:42 發表
到今日都重有家長以為係學校既分數就等於該學生係全港既分數...............

Spoon feed not just for students

作者: LittleKidult 時間: 11-7-7 23:06

原帖由 boldboy3 於 11-7-7 23:01 發表

如果復辟升中試 , 有個人一定最開心 - Ken Sir.
佢隻現代教育一定超額認購, 股價升爆燈, 因為佢無端端會多咗幾萬小六客仔!

復辟升中試呢類公開試, 想害死班小朋友咩?
...

唯一令所有家長滿意既方法 : 全港band2/band3升做band1, 重要全部改名為皇仁一校, 二校, 喇沙一校, 喇沙二校等等, 以後d人就可大大聲話讀喇沙/皇仁(唔講幾校), 攪掂!

作者: ANChan59 時間: 11-7-7 23:12

原帖由 LittleKidult 於 11-7-7 23:06 發表

唯一令所有家長滿意既方法 : 全港band2/band3升做band1, 重要全部改名為皇仁一校, 二校, 喇沙一校, 喇沙二校等等, 以後d人就可大大聲話讀喇沙/皇仁(唔講幾校), 攪掂! ...

How come you know exactly what they want? You can read their mind......

作者: footprints616 時間: 11-7-7 23:58

自放榜日開始, 由最失望, 痛哭, 努力不斷在酷熱天氣下東奔西跑找回小朋友應合理組別的中學, 到現時這刻已很累..... 辛辛苦苦栽培小朋友, 付出不成正比. 到了叩門的學校, 他們哪種傲慢的冷言說話, 名乎其實是乞求一個學位, 出發點只不是小朋友真的是讀書材料, 希望找一間在讀書氣氛下成長而言. 不要浪費....加上知道成績較弱的同學都可以入到自己心儀中學, 一方面真心恭喜他們, 但一方面知道小朋友的隨機號碼太後, 對家長或小朋友有不少挫折感, 真的很傷的. 我現唯一可為小朋友做的, 希望他在獲派中學再接再厲, 知道入讀理想的大學不是容易, 靠他自己創造奇蹟. 這兩天的經歷相信是難以忘掉的... 大家若不幸派不到理想中學, 大家都已盡力可做的都為自己小朋友已做了, 哪麼不要再灰心, 視作給小朋友一個人生考驗, 一定會最後捱過的! 努力, 加油! 共勉之........

作者: hinhin-mother 時間: 11-7-8 00:09

Added Oil all parents and children in the coming year!!

作者: ANChan59 時間: 11-7-8 00:09

原帖由 footprints616 於 11-7-7 23:58 發表
自放榜日開始, 由最失望, 痛哭, 努力不斷在酷熱天氣下東奔西跑找回小朋友應合理組別的中學, 到現時這刻已很累..... 辛辛苦苦栽培小朋友, 付出不成正比. 到了叩門的學校, 他們哪種傲慢的冷言說話, 名乎其實是乞求一個 ...

Unconditional Love......

Proud of you..... Your kid is so lucky......

作者: 夏美 時間: 11-7-8 00:37 標題: 回覆 41# footprints616 的文章

加油，唔好放棄。

作者: mio8390 時間: 11-7-8 10:14

原帖由 LittleKidult 於 11-7-7 22:43 發表

話一試定生死, d學生好大壓力...............

所以話，什麼制度都有人不滿，派得唔好就找人出氣，我的朋友或親戚，如果小朋友是成績好的一班，沒有一個派得不好，會不會像報紙上提過的原因，有部份家長，比較進取，沒有評估對手的實力，所有輸了就派到好後。

作者: 黃巴士 時間: 11-7-8 10:25

原帖由 mio8390 於 11-7-8 10:14 發表

所以話，什麼制度都有人不滿，派得唔好就找人出氣，我的朋友或親戚，如果小朋友是成績好的一班，沒有一個派得不好，會不會像報紙上提過的原因，有部份家長，比較進取，沒有評估對手的實力，所有輸了就派到好後。 ...

比較進取??? 豎不知今年好多家長都好保守咩?? BAND1生2ND志願已填是BAND2頭. 咁都是過份進取咩??

作者: AMD 時間: 11-7-8 10:54

原帖由 kswiss 於 11-7-7 18:00 發表
邊個區小學?

官塘

作者: hkfsic 時間: 11-7-8 11:08

香港人就是這樣, 又要公平, 又要無壓力, 又要免費教育, 抽籤抽唔到就話派位(教育)制度失敗無能......

又要排隊買鹽, 之後又要排隊退鹽......

批評是多麼的容易, 但有誰又能夠提出切實可行的解決辦法.....

本人土生土長香港人, 小朋友今年小一派位, 本人同樣經歷了大抽取無情無運的洗禮, 同樣經歷2個禮拜要請9日假去幫小朋友交表, 面試, 整整3個禮拜電話無時無刻跟身, 希望快D收到電話.....最後都叩門成功......

既然參加了這場遊戲, 當然要接受結果, 但又不會坐以待斃, 最後盡了努力, 問心無愧, 如最後仍然失落, 又豈能怨天尤人............

[ 本帖最後由 hkfsic 於 11-7-8 11:10 編輯 ]

作者: tkkmama 時間: 11-7-8 11:10

原帖由 ANChan59 於 11-7-7 22:46 發表

I would say - Parents.

AGREE~~~

放低那份虛榮心啦, 實事求事, 入唔到啦叭, 入唔到英王..唔係天趺落來. 平凡中學都可作育英才.. 百年老校亦可出件垃圾..

作者: angelmumy 時間: 11-7-8 11:34 標題: 回覆 17# hongkeikei 的文章

昨天早上送囡返學, 見到一PAIR 小六的父母, 他們好開心同我講: 囝囝派得好好, 佢地班同學大部份也派得很好. 真的要衷心感謝我地學校的老師, 老師的意見非常中肯, 因為老師好了解小朋友的情況. 另外就要多謝師兄師姐, 因為他們分班試的成績考得好, 才令到我地有更好的機會. 所以, 囝囝也要好好準備7月12號的分班試.

作者: Cello093 時間: 11-7-8 11:37

值得再推.

原帖由 jiemeidi 於 11-7-7 23:03 發表
我個人覺得，香港教育成了這種局面，是基於香港的精英教育取向。教育應當有教無類，而不是催逼孩子達到所謂精英的水平。其實，精英的定義也不同。每個孩子有他自己的長處和短處，家長和學校的工作，就是把孩子的潛能發揮出來。按 ...

作者: johnnywalker 時間: 11-7-8 12:01

提示: 作者被禁止或刪除內容自動屏蔽

作者: id00288 時間: 11-7-8 12:04

原帖由 angelmumy 於 11-7-8 11:34 發表
昨天早上送囡返學, 見到一PAIR 小六的父母, 他們好開心同我講: 囝囝派得好好, 佢地班同學大部份也派得很好. 真的要衷心感謝我地學校的老師, 老師的意見非常中肯, 因為老師好了解小朋友的情況. 另外就要多謝師兄師姐, ...

很同意你的講法,
每間學校都有其獨特的地方,
希望大家都能派到合適自己小朋友的學校

作者: bb.chy 時間: 11-7-8 12:54

同意. 分班試都好重要! 各同學仔要努力繼續跑這個人生馬拉松, 未到最後, 你都唔知道結局如何, 但總要抱著積極的態度向著目標跑! 大大聲說: 加油呀!

作者: mio8390 時間: 11-7-8 13:26

值得再推，但好多家長是聽唔入，就算考尾都要入名校。

原帖由 tkkmama 於 11-7-8 11:10 發表

AGREE~~~ 放低那份虛榮心啦, 實事求事, 入唔到啦叭, 入唔到英王..唔係天趺落來. 平凡中學都可作育英才.. 百年老校亦可出件垃圾.. ...

作者: wwwwong 時間: 11-7-8 13:51

原帖由 angelmumy 於 11-7-8 11:34 發表
昨天早上送囡返學, 見到一PAIR 小六的父母, 他們好開心同我講: 囝囝派得好好, 佢地班同學大部份也派得很好. 真的要衷心感謝我地學校的老師, 老師的意見非常中肯, 因為老師好了解小朋友的情況. 另外就要多謝師兄師姐, ...

100% agreed, 其實我個女間小學都派得非常好,
老師話99.5%同學派到頭3個志願, 放榜那天校長,老師, 家長, 學生,個個開心到見牙唔見眼
回想起填選校表時, 比老師改動了不少, 因老師會分析學生及心儀學校的次序, 千萬不要一尾把心儀填在頭3位, 而是分析如果第一位的入不到, 那同grade的2-3位都應該所餘無幾, 所以要就要選其他來填, 有目共睹這方式真的可行.

真的要多謝老師的付出,謝謝

[ 本帖最後由 wwwwong 於 11-7-8 13:52 編輯 ]

作者: kychanhkg 時間: 11-7-8 14:51

政府應該收返哂啲辨學權，剩係留返兩間官校，男仔就入哂皇仁，女仔就入哂庇理羅士，大家唔使爭，家長又唔使再激氣。重要唔使跟宗教團體為咗反對學校法團化來打官司。絕！

作者: ANChan59 時間: 11-7-8 15:08 標題: 回復 56# wwwwong 的帖子

Your daughter's school very good in expectation management, also parents are open-minded to take teachers' realistic recommendations......

作者: wwwwong 時間: 11-7-8 15:37

原帖由 ANChan59 於 11-7-8 15:08 發表
Your daughter's school very good in expectation management, also parents are open-minded to take teachers' realistic recommendations......

都係大家互相信任傘
見老師們用盡心思去幫學生度身編選學表,
每個學生張表都起碼改2-3次, 真係少D精力都唔掂呀

作者: fiffy 時間: 11-7-8 15:52 標題: 回復 19# footprints616 的帖子

講得好! agreed x 9999999999999999999999

作者: talent2000 時間: 11-7-8 16:25

提示: 作者被禁止或刪除內容自動屏蔽

作者: MCCMami 時間: 11-7-8 17:19

原帖由 wwwwong 於 11-7-8 15:37 發表

都係大家互相信任傘
見老師們用盡心思去幫學生度身編選學表,
每個學生張表都起碼改2-3次, 真係少D精力都唔掂呀

Hi wwwwong,

Your daughter's school is APSKT?

作者: judy 時間: 11-7-8 17:21

100% agreed, 其實我個女間小學都派得非常好,
老師話99.5%同學派到頭3個志願, 放榜那天校長,老師, 家長, 學生,個個開心到見牙唔見眼
回想起填選校表時, 比老師改動了不少, 因老師會分析學生及心儀學校的次序, 千萬不要一尾把心儀填在頭3位, 而是分析如果第一位的入不到, 那同grade的2-3位都應該所餘無幾, 所以要就要選其他來填, 有目共睹這方式真的可行.

真的要多謝老師的付出,謝謝

幾多%頭三志願，冇咩意思。不過，最重要係家長開心。

作者: candytl 時間: 11-7-8 17:45

幾多%頭三志願，冇咩意思。不過，最重要係家長開心。 [/quote]

阿囡學校今年首三志愿95%, 有幾個派第三忘愿BAND 1 英中都當堂落淚, 皆因唔滿意.

作者: 黃巴士 時間: 11-7-8 18:43

原帖由 candytl 於 11-7-8 17:45 發表
幾多%頭三志願，冇咩意思。不過，最重要係家長開心。

阿囡學校今年首三志愿95%, 有幾個派第三忘愿BAND 1 英中都當堂落淚, 皆因唔滿意. [/quote]

BAND1英中都喊?? 中一派位只是小朋友第1個要面對公開的挑戰, 日後有很多大大少少的風浪要佢地自己去面對, 家長係咪應該隨遇而安呢??

作者: dad1234 時間: 11-7-8 23:42

如果英國美國同香港D家長一樣心態,一定要讀牛津劍橋耶魯哈佛,唔見得英美D教育制度好得去邊

作者: happy201 時間: 11-7-9 10:39 標題: 回覆 37# jiemeidi 的文章

Totally agree!!!!

作者: tweetyho 時間: 11-7-9 11:26

原帖由 tkkmama 於 11-7-8 11:10 發表

AGREE~~~ 放低那份虛榮心啦, 實事求事, 入唔到啦叭, 入唔到英王..唔係天趺落來. 平凡中學都可作育英才.. 百年老校亦可出件垃圾.. ...

非常同意...另外, 如果小朋友真係叻, 可考慮中二先插班心儀學校...

[ 本帖最後由 tweetyho 於 11-7-9 11:35 編輯 ]

作者: newbiee 時間: 11-7-9 16:54

我女女派唔到心儀小學, 而家個間仲係要跨區添, 頭一日有少少開心, 但當晚已經收拾心情, 盡量去發掘所派中學嘅優點同亞女分享, 而家大家都好開心.

作者: talknwrite 時間: 11-7-9 18:00

所謂band1學校, 收到band1學生, 去到會考6科14分的都是五,六成. 係負增值, 事實好明顯,入到中學. 最終都係要學生自己努力, 學校名氣係幫唔到學生的.

家長太過在意名聲, 忽略子女的真正問題在哪.

作者: mio8390 時間: 11-7-9 18:24

有部份家長只要子女在XX學校讀，就算做一線的包尾生都冇問題，最緊要是在一線band 1讀，最後追唔上，就出國讀，還何大聲話香港教育差。

原帖由 talknwrite 於 11-7-9 18:00 發表
所謂band1學校, 收到band1學生, 去到會考6科14分的都是五,六成. 係負增值, 事實好明顯,入到中學. 最終都係要學生自己努力, 學校名氣係幫唔到學生的.

家長太過在意名聲, 忽略子女的真正問題在哪. ...

作者: Cello093 時間: 11-7-11 11:22

Totally agreed.

原帖由 talknwrite 於 11-7-9 18:00 發表
所謂band1學校, 收到band1學生, 去到會考6科14分的都是五,六成. 係負增值, 事實好明顯,入到中學. 最終都係要學生自己努力, 學校名氣係幫唔到學生的.

家長太過在意名聲, 忽略子女的真正問題在哪. ...

作者: ANChan59 時間: 11-7-11 11:32 標題: 回覆 70# talknwrite 的文章

家長太過在意名聲, 忽略子女的真正問題在哪.

Can you elaborate more on the real problem(s)?

作者: fallenleaf 時間: 11-7-11 11:34

原帖由 talknwrite 於 11-7-9 18:00 發表
所謂band1學校, 收到band1學生, 去到會考6科14分的都是五,六成. 係負增值, 事實好明顯,入到中學. 最終都係要學生自己努力, 學校名氣係幫唔到學生的.

家長太過在意名聲, 忽略子女的真正問題在哪. ...

在這裡重可以找到有些家長狂插學校，不論中學小學，認為子女考得唔好是學校的責任。呢幾日，狂插MCS大有人在。

作者: mio8390 時間: 11-7-11 11:39

同意

原帖由 Cello093 於 11-7-11 11:22 發表
Totally agreed.

作者: fallenleaf 時間: 11-7-11 12:50

突然想起名日歌，於是將佢改一改。
名校待名校，名校何其多，
我只待名校，萬事成蹉跎。
人生本被名校累，春去秋來老將至；
今扣band 1頭，暮即變墮落，
百年名校有幾何，請君聽我名校歌。

作者: Rattie 時間: 11-7-11 14:25

大家返同一間小學，讀同一樣嘅書，偏偏有人更上層樓，有人望門興嘆。而且升中遊戲規則早已訂明，直屬嘅安全網已經比外人高／大，俾著我，只會自認技／運不如人。

原帖由 fallenleaf 於 11-7-11 11:34 發表

在這裡重可以找到有些家長狂插學校，不論中學小學，認為子女考得唔好是學校的責任。呢幾日，狂插MCS大有人在。

作者: KAMIKASHUN 時間: 11-7-11 14:33

原帖由 jiemeidi 於 11-7-7 23:03 發表
我個人覺得，香港教育成了這種局面，是基於香港的精英教育取向。教育應當有教無類，而不是催逼孩子達到所謂精英的水平。其實，精英的定義也不同。每個孩子有他自己的長處和短處，家長和學校的工作，就是把孩子的潛能發揮出來。按 ...

無錯，我自己都系過來人，來香港讀左2年英文就憑全級第10入左一間band1頭既學校，結果系：全英教學，令我生不如死，中一中二都好努力爬，但系無論我點爬，都唔及人既3分2或者一半，甚至我最引以為傲的中文課都從全級第6跌到第26，其他絕大部分成績都系見紅，到左中4讀左2個月就決定離校，因為我發覺0的人真系好顛，成績高不可攀，我越來越無自信，讀到想自殺，哎...當時唔識轉校繼續學業，屋企人又由得我自生自滅，真系好失敗...若干年後先發覺自己系入錯學校，如果我入既系band2學校，我應該最起碼會中7畢業，哎...

今年個仔派左間band3學校，元朗區，結果我叩門，石沉大海，得一間直資收距，不過又系人地口中校風好差既學校，好處就系卑派位個間近屋企，講真，成績點我都唔奢求，只系怕距學壞，無得翻轉頭.....頭痛中......

作者: KAMIKASHUN 時間: 11-7-11 14:37

原帖由 LittleKidult 於 11-7-7 23:06 發表

唯一令所有家長滿意既方法 : 全港band2/band3升做band1, 重要全部改名為皇仁一校, 二校, 喇沙一校, 喇沙二校等等, 以後d人就可大大聲話讀喇沙/皇仁(唔講幾校), 攪掂! ...

hehe,good idea..

作者: fallenleaf 時間: 11-7-11 14:38

原帖由 Rattie 於 11-7-11 14:25 發表
大家返同一間小學，讀同一樣嘅書，偏偏有人更上層樓，有人望門興嘆。而且升中遊戲規則早已訂明，直屬嘅安全網已經比外人高／大，俾著我，只會自認技／運不如人。

...

重點係有人只想“返同一學校，讀唔同的書”。你讀深d，我讀淺d都制，務求只要可以返同一學校。

作者: KAMIKASHUN 時間: 11-7-11 14:42

原帖由 黃巴士 於 11-7-8 10:25 發表

比較進取??? 豎不知今年好多家長都好保守咩?? BAND1生2ND志願已填是BAND2頭. 咁都是過份進取咩??

又系喔，今年殺校少左幾百個學位，老師都叫我地唔好太進取，唔系會無書讀，真系好多家長按小朋友程度黎選校咋，甘都叫做進取？？

作者: KAMIKASHUN 時間: 11-7-11 14:51 標題: 回復 59# wwwwong 的帖子

點解我個仔個張無改過野

我個仔成績得D，老師話填第一志願十八鄉或者循中，結果得個桔，再去十八鄉叩門時，竟然見到百幾二百人去叩門，真系R曬頭...乜唔系band3咩？老師又話添呢間機會大0的既

作者: winniehk 時間: 11-7-12 22:41 標題: 回覆 2# J'smama 的文章

Parents too....sometimes....teachers too!

作者: 畢加思索 時間: 11-7-12 22:51

Band 3 學校中都有分較受歡迎或不受歡迎

作者: hinhei 時間: 11-7-12 23:10

其實三次呈分改為三次學能測驗米好囉!!

又可按成績先後選校, 又唔洗堆埋一次咁大壓力!!

呈分同學能測驗有咩分別姐, 只不過一份係全港一樣的卷, 一份係又學校自己出的卷!!

歡迎光臨教育王國 (/)