教育王國

標題: 小二欠交功課 [打印本頁]

作者: Reddish 時間: 11-9-22 11:37 標題: 小二欠交功課

九月份開學了, 家姐升了小二, 但情況真麻麻.

開學三個星期, 已寫了三次手冊欠交功課, 另外有帶漏書, 抄錯題目, 做錯作業頁數..... 等等.

最初我要求他自己獨立做功課, 但由于欠漏情況嚴重, 我巳改成坐旁邊"倍做", 但由于抄錯題目抄錯手冊等, 我都幫不到她跟進, 現在她的情緒和自信都麻麻地, 不知如何幫她才好.

作者: bchi 時間: 11-9-22 14:59

學校website 冇 hw signboard 咩 ?? 現在好多學校有架, 你上去望清楚.

萬一真係冇, 你可以問定兩三位家長的電話, 最好比較熟落的... 麻煩一下其他家長, 對一對手冊, 所以最好問定三幾位, 唔洗日日都問一位 keeee

作者: HIN2003 時間: 11-9-22 15:34

原帖由 Reddish 於 11-9-22 11:37 發表
九月份開學了, 家姐升了小二, 但情況真麻麻.開學三個星期, 已寫了三次手冊欠交功課, 另外有帶漏書, 抄錯題目, 做錯作業頁數..... 等等.最初我要求他自己獨立做功課, 但由于欠漏情況嚴重, 我巳改成坐旁邊"倍做", 但由 ...

咁小一時, 有無出現lee d 問題?
係咪放完暑假未回魂

.
""抄錯題目+做錯作業頁數"", 係自己寫錯手冊定係唔跟手冊做?
再問吓其他同學仔, 老師交代功課&要求帶書, 是否清楚, 如其他同學仔無錯, 咁即係囡囡ge問題.
唯有叫佢認真d.

作者: 五歲仔 時間: 11-9-22 23:51

呀仔讀小三時, 有位同學日日打電話來對手冊內的家課, 對足全年

, 那位同學小四便去了補底班, 我想講, 自理能力差的, 學習能力也不見得好, 如果小朋友常常"論論盡盡", 成績都不會好

妳想提升小朋友的自信, 你就要勤力d做"跟得呀媽"

[ 本帖最後由五歲仔於 11-9-22 23:54 編輯 ]

作者: BabyChristy 時間: 11-9-23 11:34

提示: 作者被禁止或刪除內容自動屏蔽

作者: SARAHTSANG 時間: 11-9-23 12:04

見到自己的小朋友咁

有時候真係好冇耐,我仔9月頭都係冇抄晒手冊回來,小二開始校網冇得看,同地同學仔家長又唔熟,去學校老師唔比上課室抄.我一怒之下把阿仔所有科的作業,簿拿出來同佢說:你冇抄晒手冊,我唔知你要做咩功課,冇辧法你全部做晒.他立刻說:我記得做咩功課啦,.........一大堆說話.我話唔得我唔知如果你下次冇抄晒返來我都係咁.自此都交集功課

作者: HIN2003 時間: 11-9-23 12:14

原帖由 SARAHTSANG 於 11-9-23 12:04 發表
見到自己的小朋友咁有時候真係好冇耐,我仔9月頭都係冇抄晒手冊回來,小二開始校網冇得看,同地同學仔家長又唔熟,去學校老師唔比上課室抄.我一怒之下把阿仔所有科的作業,簿拿出來同佢說:你冇抄晒手冊,我唔知你 ...

你個辦法真係勁!
我囝間學校校長講明, 就算小一都唔會POST係校網, 要佢地學習自己寫手冊, 頭1,2個月老師會幫佢地對手冊, 而家升小三SO FAR 我囝又好少寫漏.

作者: pooh仔 時間: 11-9-23 12:40 標題: 回復 6# SARAHTSANG 的帖子

好絕，但我buy喎！


作者: Reddish 時間: 11-9-23 15:59

我都覺亞女太淪盡, 學校要小朋友學獨立, 所以一定吾擺功課表上網, 我覺得sarahtang 的方法幾絕, 我試下得吾得先.
謝謝- reddish

作者: walkinshopping 時間: 11-9-23 23:13

"倍做" 並不是長遠良方。可試用獎勵和理解的方法，跟小朋友溝通，對他們說你也很理解這些失誤並不是他想的，但又真的發生了，問她想不想改善，一定要問，若她說想，你便說會支持和她一起想辦法。然後逐樣去實行，不要期望一開始便成功，若開始仍未成功，要鼓勵，要比信心佢地，有小小進步就一齊慶祝。自信心在學習過程非常重要。

作者: PhiloSophie 時間: 11-9-24 00:21

試下俾d reward佢啦，我仔仔雖然讀緊小學但慢慢用緊呢招，佢都會肯做野，但耐左又諗點cut reward

作者: woodst 時間: 11-9-24 08:38

提示: 作者被禁止或刪除內容自動屏蔽

作者: FinMA_ling 時間: 11-9-24 20:33

提示: 作者被禁止或刪除內容自動屏蔽

作者: heichunmum 時間: 11-9-27 10:28

提示: 作者被禁止或刪除內容自動屏蔽

作者: Rainy 時間: 11-9-27 14:46

原帖由 SARAHTSANG 於 11-9-23 12:04 發表
見到自己的小朋友咁mouth:" /> 有時候真係好冇耐,我仔9月頭都係冇抄晒手冊回來,小二開始校網冇得看,同地同學仔家長又唔熟,去學校老師唔比上課室抄.我一怒之下把阿仔所有科的作業,簿拿出來同佢說:你冇抄晒手冊,我唔知你 ...

haha.. same as me..
學期初有一日, 佢又係忘記抄其中一科, 我都係要佢全部做晒, 因為信唔過有冇抄漏.
佢又肯就範真係做晒, 跟住果幾日好得閒, 因為好多都做定..

作者: ballball329 時間: 11-9-28 11:24

我又想問下, 我都想訓練下佢自己做功課
但一些寫字練習就話得遮.
好多都文字題, 唔讀佢又唔會識做.
咪即係一定要陪做????

作者: Geni 時間: 11-9-28 12:10

原帖由 ballball329 於 11-9-28 11:24 發表
我又想問下, 我都想訓練下佢自己做功課
但一些寫字練習就話得遮.
好多都文字題, 唔讀佢又唔會識做.
咪即係一定要陪做????

其實小朋友應該有能力自己睇題目的, 因為到考試測驗都要靠自己睇卷o家o勒! 不如你叫佢試o下做o左先, 做哂先一次過問啦!

我個仔又係一開學第一個星期係咁俾老師寫手冊, 之但係佢唔係冇做功課, 而係明明有帶都冇交, 又或者冇執書包.... 最後我就罰佢欠交一樣o野就冇得玩電腦一個星期, 佢罰到今日都未玩得(因為佢一次過俾人寫o左5樣o野), 而自o個日開始已經冇再俾人寫手冊, 所以我諗呢個方法係 work o既~~

[ 本帖最後由 Geni 於 11-9-28 12:12 編輯 ]

作者: joeyxlma 時間: 11-9-28 18:52

原帖由 Reddish 於 11-9-22 11:37 發表
九月份開學了, 家姐升了小二, 但情況真麻麻.開學三個星期, 已寫了三次手冊欠交功課, 另外有帶漏書, 抄錯題目, 做錯作業頁數..... 等等.最初我要求他自己獨立做功課, 但由于欠漏情況嚴重, 我巳改成坐旁邊"倍做", 但由 ...

提醒一下,會不會是小朋友看不清楚?或者抄得慢?
我想另一個方法是叫小朋友自己同同學仔對完先返屋企?

作者: grass9195 時間: 11-10-4 20:23

放學佢搭校車, 我又要番工, 都識唔到D家長, 佢抄錯手冊又唔知, 打番學校又搵唔到D老師, 佢唔識就做唔到,又寫手冊欠交, 我都冇哂辦法~~~

作者: wister 時間: 11-10-9 00:24

有d學校會將學生每日要做ge功課範圍上網ga,你不如上返學校網頁睇下有無,然後每日再幫佢check下有無寫漏,咁就萬無一失啦

歡迎光臨教育王國 (/)