教育王國

標題: 沒有人情味的金X倫幼稚園 [打印本頁]

作者: coeychung0406 時間: 11-10-15 17:37 標題: 沒有人情味的金X倫幼稚園

作天我一個人帶著病了的女兒

到這間九龍塘金X倫幼稚園面試,因女兒性格比較慢熱及不喜歡與默生的人交談所以有點擔心!一去到只見家長及小朋友們在校外排隊天氣有點熱,跟著學校閞了門派發了一張綠色紙張同說要在此排隊交表!此時女兒嚷著要去户外操場玩,因為要拖著女兒又要排隊所以無為意弔那綠色紙上的內容!學校是安排在一個又是室外沒有冷氣的

户外操場等候叫名,那操場有很多不同玩意提供給小朋友玩,因怕女兒會不小心跌倒會喊而影響面試所以安排她到靠角落的閱讀閣看書,不到一會隱約聽到有人用咪說話,於是我帶著女兒走近聽清楚一點,那時聽到(好像是老師)的人說如叫了名的小朋友請跟著(另一位唔知係咪老師)的入內等候再續個叫名去面試!大概幾分鐘吧到我女兒面試了,心想希望女兒最少都同老師say個Hello都好過冇!

後來女兒的表現對於我來說已算合格了還有點超出我的預計!面試完老師說大概兩星期後會有結果!出了門沿途沒有人提及及任何提示標語指示簡介會的標示!可能有點開心得滯忽忽忙忙就帶著女兒上的士回家樣她好好休息睡一覺,回到家細閱剛才學校派的綠色紙張先發現忙記聽簡介會及問卷的事,於是立刻致電學校問應如何做好,我問他這問卷係咪一定要填,接線生說係一定耍填的,他還問我可否遲D過嚟補返還問我記得帶返個reference no比佢哋check,我問他可不可以明天再嚟,他說可以!於是今天我取消所有活動叫我老公湊住女兒,我去學校,去到學生有一位長頭髮帶眼鏡的女職員他跟我說冇得補返架啦,校長說一定要完成所有程序先得架我哋昨天嘅嘢已經process咗,唔會幫你搵返出嚟架

我話我昨天打嚟問過,係你同事話可以補返架喎所以我先嚟!佢話佢哋同事唔知先咁講

咁我問佢係咪冇填問卷就無機會,佢話我哋係會考慮D有填問卷的優先

之後我都費事再同佢講就走了,唔收就算啦!又不是什麼名幼稚園,返正當初報都係打算做back up!而家就算你收我都唔讀呀!今次嘅事我知自己太大意啦!我不是說自己冇錯,而是我都立刻打去問學校,係佢哋叫無論如何一定要返去填返份問卷的!這校連敷衍我都沒有他大可以叫我照填問卷之後佢哋點署理就除便佢啦,令我覺得佢哋係好無情

如今出生率高企,求過於供!我哋做家長都不被重視,算了三十蚊買個教訓同睇清楚這間金X倫幼稚園的作風吧!

作者: evil 時間: 11-10-15 18:39

問卷問什麼呢？
所以我地要報多幾間，做back up。

作者: ccssww22 時間: 11-10-15 19:27

提示: 作者被禁止或刪除內容自動屏蔽

作者: MicFred 時間: 11-10-15 22:29

我比你更慘. 我小兒退了燒但出了少許疹, 昨天一早９：００我打電話通知學校, 當然唔俾改期, 我要求她跟senior說因唔知有沒有一環要跟其他小朋友一起玩，怕影響其他小朋友, 後來到下午仍未有回覆, 我再打去問, 學校並沒有建議我不去, 亦不准改期，反而問我可不可以出席, 我回答:你們這樣說我唯有如期出席.

誰知我是3:00in的, 在外面等了很久, 差不多最後幾批, 到我時是見一位不是青年的老師, 因一開始小兒扭計,我便向老師說出他的情況, 她即說小兒現扭計, 等一會再入來, 我以為她是為我好, 誰知我聽到她跟門口的小姐說把小兒交給其他老師負責, 我知每位小朋友表上已寫明那個老師in , 跟住我們在悶熱的走廊一直等, 到了最後一個了,還沒有叫我入去in, 我見果位老師回來課室,門口小姐想再交我小兒的表給她, 她竟說"唔好攪我", 後來我見沒有人來安排ｉｎ我小兒,小兒又嚷著要走，亦唔想令門口的小姐難做，唯有沒趣地自行離去, 後來有位年青的老師（我估）走到操場來了解及慰問我, 我沒說出實情，之後我們便走了, 白走及白等了一趟！

同樣事情, 我同啟思說, 他們說只要有醫生紙, 可以嘗試改期, 但因今天我見小兒還不錯, 故仍帶他去, 同樣是非青年的老師ｉｎ，我同樣告知老師小兒情況（婆婆叫我千祈唔好再提出疹，怕人家怕了我小兒）,但我仍是實話實說，但反應完全不一樣, 她明白及體恤小兒在生病，會因應他的表現及認知能力去ｉｎ他, 她叫我盡量跟他玩，從而她可觀察及讓他適應了後問佢野, 很開心可完成整個面試, 雖然我知小兒表現差 (意料中事), 但非常感謝啟思老師的體諒，包容，關心.

所以，好的學校高下立見, 辦幼稚園最緊要是以學生為本，老師有愛心同有耐性, 其身不正, 如何可教育好下一代!

[ 本帖最後由 MicFred 於 11-10-15 22:32 編輯 ]

作者: littlekkl 時間: 11-10-15 22:44

昨天我都去了呢間金X倫幼稚園, 感覺也很差。那裡的老師及校長, 一點笑容也沒有, IN我兒的吳老師, 像訓導主任, 一路用中文對答, 無情情加一句”WHAT COLOR IS THIS?” (是CHINESE ENGLISH), 幾個問題入面都不停無端端用英文問, 我兒已答綠色, WHAT COLOR IS THIS?跟住又再用番中文, 想點??

另外, 取出1-9的木板, 老師取了1-3時, 叫我兒”要聽指令, 唔好掂其他的數字” , 即時搬開我兒放在木板上的小手 (他並不是要攪攪震取其他出來玩, 只是HIGH 一HIGH塊版, 咁都不可以??) 放好了1-3, 問1同2, 答了, 再問, “2既英文係咩”, “WHAT NUMBER IS THIS?”, 又繼續用中文進行INTERVIEW, 放顏色圈時, 我只是問兒子”咁樣對不對?”, 這位老師即時叫我不要提他。整個過程不享受, 最尾突然要我兒唱歌。

那些中英夾雜的港式英語, 是本人最不喜歡的, 中是中, 英是英。最後, 此老師說我兒英文不好。(剛好我們上星期去了YORK 國際班面試, 全程是NET TEACHER, 我兒答哂, 鬼佬老師說”HE IS QUITE GOOD”) 想考英文, 唔該用第二D方法。

家長講座也安排很差, 我一邊填問卷, 一邊應付成日問”呢個做咩? 我要畫畫”的兒子(我一個人帶兒子去), 一邊又要聽那位校長的說話 (沒有笑容,很機械化,聽得取清楚是收到2千多份申請表- 講了2次) 於是, 我明白, 原來校長係咁, D老師亦會係咁… 我大約去過約10家幼稚園面試 (包括PN), 這是我的個人經驗

作者: luilui007 時間: 11-10-15 23:09 標題: 回復 1# coeychung0406 的帖子

算了, 你其實都有點太意, 幼稚園太講原則, 早點了左件事, 下次小心些, 唔好上心~

作者: coeychung0406 時間: 11-10-16 00:04 標題: 回復 2# evil 的帖子

佢份問卷問咩我唔知噃,不過我估都係不外附一D無聊問題!係呀,大家努力考一D有質素嘅學校吧!

作者: coeychung0406 時間: 11-10-16 00:30 標題: 回復 4# MicFred 的帖子

噢,原來你昨天也有著比我還慘的經歷!算了吧!這間唔收都唔會可惜!最重要是小朋友的健康呀

作者: coeychung0406 時間: 11-10-16 00:43 標題: 回復 6# luilui007 的帖子

我也知道這次自己太大意,辜負了女兒面試的努力!

作者: coeychung0406 時間: 11-10-16 01:12 標題: 回覆 5# littlekkl 的文章

我女In時都有依D情況,明明用緊廣東話突然又轉台用英文問野,仲有唔係個個都有兩個大人去架嗎,我哋依D一個人帶住個小朋友又要聽講座又話要填問卷,點解問卷唔寄比我哋一早填呢!返正回郵信封都係我哋比架啦!攪到人哋手忙腳亂咁,就算填咗都唔知自己填咗D咩啦!又要顧住個小朋友!你知嗎?我連所有D學校申請表都係等我個女瞓咗先有時間填咋!因為佢係到一定會攪攪震!

作者: jkml 時間: 11-10-16 01:31

金Ｘ倫已經今時唔同往日，今年裝修後，課程改革後大幅加學費，質素反而變得很差，學校亦變得很ＨＡＲＤＳＥＬＬ，對Ｋ３家長升學方面支援完全不足，竟然在小一簡介會上長篇大論推銷課外活動和校外教材，小一程序只輕描淡寫敷衍了事，以往實而不華的優點已經消失了，我自己是用家也不建議朋友替子女報讀，幸運是孩子的班主任還算有愛心盡責，但校長作風，新課程編排亦欠專業（中文不合理地深，英文數學不合理地淺）家長不要盲目以為九龍塘任何一間學校都好，要多聽高年班班家長的意見，不要只聽Ｋ１家長，因為他們新入學兩個月，對學校未太了解，一般評價都是正面的。

作者: BBG1 時間: 11-10-16 01:36

我in2pm，我1:35早到，成2:45先in。我得一個人和小朋友去，in完想入去聽講座，但佢地話2pm果論的講座仲有10分鐘完，要我聽另一論，結果我和小朋友聽完講座成3:45先走得到呢！對學校我無乜評價，但我好欣賞我的小朋友很乖和有耐性，無扭過計。

作者: iambluecat 時間: 11-10-16 10:32

我都覺得好奇怪, 明明係用開中文, 突然間會手用轉幾題英文, 而且個老師D英文發音仲要係好恐怖

作者: w_y 時間: 11-10-16 11:15

呢間學校好唔好我唔知. 不過人IN 你同時, 你都IN 返間學校, 了解多D 好過你開學發現夾不來至後悔. 所以我覺得你都算幸運.

作者: coeychung0406 時間: 11-10-16 15:23 標題: 回覆 11# jkml 的文章

好多謝你的資料,令我更加覺得好彩沒有入咗這校先嚟後悔!希望你嘅小朋友能夠入到一間好的小學啦!

作者: coeychung0406 時間: 11-10-16 15:25 標題: 回復 14# w_y 的帖子

你講得無錯,換個角度睇我都算好彩!

作者: happyfather455 時間: 11-10-16 16:19 標題: 回復 1# coeychung0406 的帖子

提示: 作者被禁止或刪除內容自動屏蔽

作者: Ackl1002 時間: 11-10-16 16:33

原帖由 jkml 於 11-10-15 17:31 發表
金Ｘ倫已經今時唔同往日，今年裝修後，課程改革後大幅加學費，質素反而變得很差，學校亦變得很ＨＡＲＤＳＥＬＬ，對Ｋ３家長升學方面支援完全不足，竟然在小一簡介會上長篇大論推銷課外活動和校外教材，小一程序只輕描淡寫敷衍了事，以往實而不華的優點已經 ...

校長是否新換的? 我星期五去見時, 只覺得校長木口木面, 似念書多過講座, 但老師又幾好人, 仲教我點教個女同陌生人傾計. 本打算都放這間在大後備位, 而家要考慮清楚D先.

作者: lala229 時間: 11-10-16 18:16

我都分享吓我上年in金x倫的經歷先,
我仔0811 上年in k1, 個miss (應資深的)
in 時比d 水果問我仔邊種係萍果, 橙之類..我仔當玩具掉了落地下仲冇答miss..
miss話" 咁唔得wor...掉玩具!"
我唯有好尷尬地拾番並笑住同miss講兒子近排在家都常掉玩具..唔知係味近2歲係咁...
miss 就話: 唔係wor... so far 我教咁耐..in 咁多人都未見過有小朋友掉玩具.. 你個仔依d要教呀...唔教唔得......(果刻我真無地自容..係我唔識教仔

)
最後問我" 平時在家用什麼語言溝通?"
我答: "廣東話"
miss: " 廣東話?"" ( 高8度) 我地e度英文幼稚園嚟wor...又小班教學....
( 原來在家講廣東話好似不適合報英文幼稚園咁..e 間係我上年in 完出門口想

的幼稚園!)

作者: coeychung0406 時間: 11-10-16 22:37 標題: 回復 17# happyfather455 的帖子

無錯,我都覺得係...XD

作者: coeychung0406 時間: 11-10-16 23:01 標題: 回覆 19# lala229 的文章

吓!原來上一年已經有D咁攪笑嘅事,第一無地自容應該係嗰位老師,佢話so far佢未見過有小朋友係咁那係佢見識小及無經驗啫,第二佢話e度係英文幼稚園嚟喎!咁佢自己又講廣東話!如果佢覺得係屋企講廣東話就唔應該嚟報佢哋間幼稚園嘅,咁佢唔早講佢應該係佢哋份報名表道寫明呀嗎,e位老師都幾好笑架喎...XDDD

作者: lala229 時間: 11-10-17 00:05 標題: 回復 1# coeychung0406 的帖子

係..我好記得佢同我講"so far" e 2 個字..我個仔係唔算醒, 但都唔駛咁hurt我呀? 上年in完好唔開心, 同個教小學的mami講..佢話佢教緊小一的都仲掉緊, 點會未見過? ( 佢聽完話好彩佢冇in lor, 因上年又係勁撞期的!)

作者: BBG1 時間: 11-10-17 09:46

我星期五2pm in。
見in果位老師幾好呢！雖然都係拿住條魚用廣東話問這是什麼，之後拿起隻貓問突然what is this？莫講話小朋友呢！我都打個突。於是老師便問我小朋友在家講開廣東話呢！我只識答係。但老師話唔緊要，這學校有很多時間用英文和3日普通話呢！
我個小朋友當日不太醒，唔叫唔做：唔主動叫老師、謝謝和推椅等，但老師叫佢，佢都做番和肯講野。而且個老師講野都好正面，好主動跟我介紹學校(她除了叫我一陣去聽講座外，我無問但她還講了學校的學生及上課情況給我知，講了成日她唔累嗎？)，又走黎我地坐的位睇我小朋友識唔識自己坐和推椅(其實佢唔出黎都ok啦，唔知係佢專業定想行下啦！)。如果佢對個個都係咁，我覺得佢都好專業囉！我見過咁多間(2個小朋友)，我覺得這個老師給我的印象算好了。

作者: hobby 時間: 11-10-17 10:00

我相信係一個個老師la, 有啲一定好有愛心, 有啲就普普通通, 囡囡in嗰個就一啲都冇鼓勵性, 佢一定要囡囡follow 佢所有instruction, 一問一答, 快過打針, 囡囡答案問題, 一句都冇讚過, 個老師一開始問囡囡叫咩名, 囡囡答咗, 佢又聽唔到, 又問, 結果問咗3次, 囡囡又答咗3次, 咁老師睇番張form, 先知佢答啱 ... 不過係老公入去in, 我唔係知得太多, 但老公都話, 又中又英咁問, 好奇怪, 而且覺得老師&校長英文都講得唔係太好, 仲話, 可能因為老師講得唔好, 冇可能全英文問喎 (haha), 而校長講"local"個發音, 完全唔得; 不過 interview 都係學校同家長睇吓大家夾唔夾, 如果唔啱, 早啲知好過

作者: coeychung0406 時間: 11-10-17 10:37

當然其實每間學校都會有好及唔好的,even係一D出名的學校,但就我自己的經歷來說整體的感覺不太好!

作者: 黑草羊dy 時間: 11-10-17 10:58

我上星五都有去in,
小朋友in 11am,我地約10點9去到,

我都覺叫小朋友名去interview時個咪好細聲
但叫左兩次後, 佢搵個個把聲入咪d既miss,
效果又好d喎, (我地坐係有書睇既地方)

天氣有d 熱, 人又多!
但都無法, 佢安排一兩日in晒!!
又唔算等得太耐, 11點半已in完走得 (爸爸去左聽講座)

老師in時全中文, 一入去就問小朋友叫咩名,
考完一大堆野後,又叫小朋友唱歌,
so far都叫做齊, 收唔收就睇運數啦..

同埋隔離見到有個miss考個男生
英文問完, 唔知係個小朋友唔識/願答定點,
(小朋友好似有d抗拒)
miss又用中文問, 小朋友都係抗拒, 擰埋一面!!

你話安排得好唔好....不過不失,
唔覺太差啦!!

作者: Charlotte_mom 時間: 11-10-17 11:24

屋企係廣東人, 講廣東話有咩問題

你問下老師平時生活係咪講英文!?

原帖由 lala229 於 11-10-16 06:16 PM 發表
我都分享吓我上年in金x倫的經歷先,
我仔0811 上年in k1, 個miss (應資深的)
in 時比d 水果問我仔邊種係萍果, 橙之類..我仔當玩具掉了落地下仲冇答miss..
miss話" 咁唔得wor...掉玩具!"
我唯有好尷尬地拾番並笑住 ...

作者: mimics218 時間: 11-10-17 12:04

提示: 作者被禁止或刪除內容自動屏蔽

作者: karen0128 時間: 11-10-17 14:54

雖然本人無報這間學校, 不過上星期六同仔仔去面試, 覺得那所學校安排幾好, 約咗10:30面試, 我就10:22至去到學校, 好似好趕咁, 入到學校, 玩咗一陣大肌肉games(無老師觀察), 跟住就去咗另一邊小肌肉games(有老師觀察), 轉頭入咗課室進行面試, 10:50已經可以離開學校！我自己覺得時間上好好, 唔駛等太耐, 小朋友無咁好耐性, 要等得耐會影響佢哋面試嘅表現!

作者: boboT 時間: 11-10-19 09:20

請問課程改革後 k3 中英數常教什麼？

作者: larry_kawin 時間: 11-10-19 11:46

我是SN的家長, 但也想說一句公道說話.

我留意這一版已有兩年多的時間, 其實每年幼稚園interview的時期, 都會不時看到有家長說xx幼稚園安排不週. 由很出名的, 以愛心出名的, 到不出名的幼稚園都有. 有時候的確是學校安排不善, 但家長也要體諒一點, 畢竟學校要in 幾百到幾千人, 大家要求學校看顧每一位家長的素求, 並不容易. 校長, 老師也是人, 他們也會累.

事實上, 不止是SN, 我也去in過十間八間幼稚園, LH同樣要求要家長即時填form, 我也是一個人去, 表格差點如小朋友撕破了. 之後轉課室, 家長和校長in時, 孩子要和其他小朋友玩. 我那時也見過有位小朋友因不習慣和其他小朋友分享玩具, 哭得很慘, 老師不單視而不見, 校長更十分冷漠, 完全沒有理會小朋友的意思. 九龍靈糧, 更是無視我跟老師說孩子說話能力差, 只是重覆問題, 完全忽視小朋友. 但是, 以上例子是不是不斷發生呢? 我只能說是個別例子, 我的朋友去in一樣的幼稚園, 卻完全沒有問題發生.

幼稚園面試其實真的要天時, 地利, 人和, 有時候真的不能盡如人意. 希望各位家長放鬆一點, 並能為你的孩子找到適合的幼稚園.

作者: klm402 時間: 11-10-19 13:21

我囡囡係08NOV BB, 上年細B時已考過SN....佢地都收左囡囡讀PM班, 不過PM唔係我地杯茶, 而且想比囡囡做大B今年再戰一條龍學校, 所以就放棄左原有SN既OFFER, 不過今年一樣競爭激烈, 所以我都有報返呢個FOR PROTECTION.
但係SN比我感覺校長同老師都好NICE呀....仲要係上年同今年一樣, 今年既感覺比上年還要好, 因CAMPUS翻新左好多.
朋友囡囡都係SN讀....佢都話囡囡係SN讀得好開心, 老師又好好WOR.

作者: soscho 時間: 11-10-19 14:56

我都是SN的家長, 亞女係0811, 我不自量力地為佢報kln tong 名校, 諗住搏下, 個次考st cat, 個外藉老師叫我唔好幫佢, fine, 呢個係遊戲規矩, 但心諗你想一個2歲的人仔做到d咩俾你睇, 我亦打定輸數, 當係熱身

之後in SN, 我咪驚幫佢等於扣分, 點知老師叫我幫下佢手 (其實亞女當時應該做到既), 個陣心裡真係覺得佢地好體諒, 知道2歲的人仔可以做到D咩, 當中亦有d鼓勵性的說話, 我唔介意佢地突然轉channel 問問題, 因我知道英文科會由net教, 一星期後話收佢讀am.

作者: ronniedad 時間: 11-10-19 16:49

哈哈, 我完全反對, 佢地不知幾咁有人情味.我個CASE真係妙............一直爬文想話了解多D有關此學校的資訊希望有助INTERVIEW. 以為因為今年多人要分批IN先咁耐未收到信. 岩岩我打電話去問情況, 原來所有面試都已經完哂

...........但佢地網頁好似一直都無提過幾時開始IN, 等我仲一直係咁等添. 而家佢地話會將我個小朋友放在WAITING LIST度, 咁即係點呀? 我未IN都有得WAIT, 咁有位我點算呀? 睇完樓上咁多位的發表, 呢間學校的行政及處理問題的做法真係..................我而家真係十五十六了.是福定是.................救命呀

作者: cowcowb 時間: 11-10-19 17:15

以我上年EXPERINCE, 基本上我識而有INTERVIEW既小朋友全部有收。我識一個MANI今年9月打去問可唔可以插K1,都仲有位, 最後收左果位小朋友9月中入去讀k1。

作者: cowcowb 時間: 11-10-19 17:34

不過我上年IN過過10間KG, SN老師真係唔算太差, 但安排無可否認有少少亂, 我覺得可以改善, 至於提水E個問題,就真係唔好, 最多都係係隔離鼓勵佢作答,最多都係REPLY老師問題一次

作者: coeychung0406 時間: 11-10-19 17:52 標題: 回覆 34# ronniedad 的文章

佢既所謂deadline,係你可以照入紙報名,但In唔In你就唔知!不過三十蚊就收硬:;pppp:

作者: ronniedad 時間: 11-10-19 18:07

原帖由 coeychung0406 於 11-10-19 17:52 發表
佢既所謂deadline,係你可以照入紙報名,但In唔In你就唔知!不過三十蚊就收硬:;pppp:

我係第一日1/9親身自己去交FORM的, 我仲用過幾日專誠睇過佢地d學生返放學同埋同d媽咪傾下計. 我並不介意所付出的多少, 但真係諗唔到事情會發展到咁, 而家我都唔知點算好..............

作者: coeychung0406 時間: 11-10-19 18:22 標題: 回覆 38# ronniedad 的文章

咁咪就係佢哋行政有問題囉!係佢哋missing咗你個申請

等到出曬result有人唔讀嘅,佢哋咪可能先叫你去In囉

作者: Bowiema 時間: 11-10-19 23:29

首先申報利益:　我係前SN家長, 兩個小朋友都在SN畢業, 他們在SN過了愉快3年既幼稚園園生活.

我都明白家長係用家, 對學校一定會有所期望, 有所要求. 不過與此同時, 我們亦要體諒一下學校, 老師. 始終要應付甘多申請, 一定唔可能滿足所有家長既期望. 所謂十隻手指有長短, 每間學校無論點做既都唔可以fullfill晒所有人既期望, 要求. 我相信每間學校都有人認為好/不好既地方, 只要找到一間覺得適合自己小朋友既學校就可以了.

我大仔巳是中二學生, 細仔亦巳是P5學生. 我對他們的幼稚園, 小學, 中學都有自己既期望, 要求. 不過經過多年接觸中, 小學, 幼稚園既經驗, 我學會有期望之餘亦會站在學校立場想一想, 因為學校始終不是得我一個家長, 大家既互相體諒都係好重要.

雖然兩個小朋友巳畢業多年, 但他們到現在仍然很懷念幼稚園時既生活, 還會定時返去SN探老師, 出席SN既活動. 我相信若不是SN帶給他們3年快樂校園生活以及老師對他們的關愛. 到現在我怎麼拉也拉不到他們回去. 所以我很珍惜他們對SN的一份情.

[ 本帖最後由 Bowiema 於 11-10-19 23:32 編輯 ]

作者: acomcom88 時間: 11-10-19 23:35

原帖由 lala229 於 11-10-16 18:16 發表
我都分享吓我上年in金x倫的經歷先,
我仔0811 上年in k1, 個miss (應資深的)
in 時比d 水果問我仔邊種係萍果, 橙之類..我仔當玩具掉了落地下仲冇答miss..
miss話" 咁唔得wor...掉玩具!"
我唯有好尷尬地拾番並笑住 ...

你個仔算好啦,回想起我兒,老師問佢BB,車車呢,他一手取起掉向個老師

作者: lala229 時間: 11-10-20 18:04

真慘!

原帖由 acomcom88 於 11-10-19 23:35 發表

你個仔算好啦,回想起我兒,老師問佢BB,車車呢,他一手取起掉向個老師

作者: 無氣同你講 時間: 11-10-20 20:46

原帖由 ronniedad 於 11-10-19 08:49 發表
哈哈, 我完全反對, 佢地不知幾咁有人情味.我個CASE真係妙............一直爬文想話了解多D有關此學校的資訊希望有助INTERVIEW. 以為因為今年多人要分批IN先咁耐未收到信. 岩岩我打電話去問情況, 原來所有面試都已經 ...

hahahhahaha, 好攪笑

歡迎光臨教育王國 (/)