教育王國

標題: 選校,可以再來一次嗎? [打印本頁]

作者: henchow 時間: 11-10-17 23:15 標題: 選校,可以再來一次嗎?

上星期小朋友在校內發生一件小事,該事情讓我真正後悔為他選擇了這間學校.

事緣, 今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好之際(自己介紹物品而不需要老師協助), 我們就更相信阿仔可以自己應付得到. 但最近一次的「show and tell」,皆因為我沒太多時間和阿仔練習,所以心知可能出來的結果都未必太好,但還是讓阿仔自己發揮. 那天放學, 阿仔告訴我們他沒有完成「show and tell」,因為太怕醜, 還說自己最後還喊了. 不過這一切, 接阿仔放學時老師一句都沒有提到.

平日每天接送阿仔返學放學, 老師都沒有對學生在學校的事告訴家長. 算吧, 平時相安無事都還可以, 發生了這次「show and tell」事件,又竟然一句都唔提. 咁到底要發生咩事老師才會同家長傾?

小朋友回到家中, 阿仔提到他喊得好大聲(好耐沒有喊過),我們就知道他面對著挫敗.挫敗是必然,亦是教導小朋友的好時機,但中英文老師都覺得沒有問題,只是安慰了事,並沒有把握機會去作解釋及教導.

上年我已覺得學校古怪,(如:小朋友返到學校門口所有老師都不會主動跟小朋友說早晨,亦沒有要求小朋友去打招呼)但我一心想課程深D,學到英文就是最重要,所以都算了. 但經過這件事我深深體會到好課程亦要有好老師配合,加上小朋友的好素質,學習才會事半功倍.

當初選這學校, 是因為在網上的口碑及課程,以及派位結果,事實亦如之前預期一樣, 課程的確很好,但...就是空有「硬件」,而軟件質素就欠奉,最終是換來一次又一次的失望.

現在,作為家長的真是感到進退兩難,唯有盼望下一次選小學時,真的是以小朋友的好處作選擇吧!

[ 本帖最後由 henchow 於 11-10-17 23:19 編輯 ]

作者: MBK 時間: 11-10-18 00:02

其實我覺得遇到好老師係好彩，老師無熱誠，打份工...上堂交足功課，放學唔跟進，家長係無奈的！

作者: Pertra 時間: 11-10-18 00:27 標題: 回復 2# henchow 的帖子

提示: 作者被禁止或刪除內容自動屏蔽

作者: 5162002 時間: 11-10-18 00:30

提示: 作者被禁止或刪除內容自動屏蔽

作者: 無氣同你講 時間: 11-10-18 00:51

真係誇, 如果咁都要大囉大古CALL家長, 比著我真係煩都煩死, 不過如果真係唔鍾意轉校都未遲

其實有D人要所有注意力係曬自己身上會唔會係一種妄想?一個小朋友咁在意得失又係邊個做成?一定係平時壓力唔細先會對自己要求咁高....真係慘, 得果3歲幾人仔.

[ 本帖最後由無氣同你講於 11-10-17 16:54 編輯 ]

作者: Winniestar 時間: 11-10-18 01:51

Maybe this is the first time, they need time to observe before telling you.

作者: 小克 時間: 11-10-18 08:13 標題: 回復 1# henchow 的帖子

提示: 作者被禁止或刪除內容自動屏蔽

作者: ronniedad 時間: 11-10-18 09:50

不喜勿插.............我都想知家長會唔會夜晚見到另一半都會同佢講番哂子女今日全日做過咩, 發左幾多次脾氣, 扭左幾多次計, 有咩做得好好......................如只是偶然在情緒發生O既野我相信每個小朋友都會有的, 因一次問題就話想選過另一間或覺得學校有問題又未免.............如小朋友知道原來表達自己O既後果會係出現咁O大既轉變(轉環境), 驚佢第二時發生咩都唔敢同你講你咪仲煩.

作者: dolphinmama 時間: 11-10-18 10:17

我係一個FTM,唔怕大家見笑,我係真係會日日同老公講仔仔的事,可以話返到學放低佢後就打俾老公講去返學的經過,中午放學後老公午飯時就講放學的事情,晚上又會講全日的總結,乖既講多幾次,曳既又發洩幾次,哈哈~~~

老公對此係樂此不疲的,相反有時真係冇咁多得意野講,或者我顧住睇電視,佢反而問我:今日仔仔冇特別野咩?

大家可能覺得得兩公婆好冤氣,但這也是一種樂趣,只要我的分享唔會影響到老公工作,其實真係好開心架,因為爸爸唔能夠全天候見到個仔,但都會想知佢的生活點滴關所謂點滴,就真係好細好雞毛蒜皮的事囉!

言歸正傳,我估我知係邊間,樓主有感而發,可能同最近見到好多那校新學年INTERVIEW的負面感想有關,因此被觸動了.......

唔係話小小事都要學校通知家長,但既然樓主是親自接送的,交代一句都可以吧!

我仔仔的學校算是出名唔同家長溝通,但每次仔仔有咩"異常",老師一定會同我交代一句.所謂異常,就是平日都冇咁既事,特然今天出現了就要及早了解,正如樓主所講,他仔仔之前的SHOW & TELL都好好,但今次衰左,仲衰得咁慘豬,呢D咪就係異常囉!

關唔關心,唔使好多說話,一句,真係一句就夠!

作者: 麥兜MaMa 時間: 11-10-18 11:13

其實只是小小挫折, 我們家長面對1~2個小朋友, 相對會緊張d.
而老師面對十幾個小朋友. 可能有挫折的不只1,2個小朋友, 場面亦司空見慣, 不覺得有大問題.
如果遇上1,2個十分有心的老師, 能事無大小都和家長談實屬幸運, 更應珍惜.

作者: kufubaby 時間: 11-10-18 11:14

其實係邊間學校? 有無TIPS? 起邊區的?

作者: dolphinmama 時間: 11-10-18 11:26

所以我真係覺得自己&仔仔都好幸福及幸運!

原帖由 麥兜MaMa 於 11-10-18 11:13 發表
其實只是小小挫折, 我們家長面對1~2個小朋友, 相對會緊張d.
而老師面對十幾個小朋友. 可能有挫折的不只1,2個小朋友, 場面亦司空見慣, 不覺得有大問題.
如果遇上1,2個十分有心的老師, 能事無大小都和家長談實屬幸運 ...

作者: whychan777 時間: 11-10-18 11:42

我又會咁諗, 若果一次做得吾好, 老師即刻打黎, 吾多吾小家長變相有壓力......

你的仔仔不嬲表現咁好, 一次失手, 老師可能覺得好小事............細到連佢都吾記得左呢...

作者: pandabonita 時間: 11-10-18 11:47

或者老師會係評估報告到和家長講lei,又或者你主動打電話同老師傾下先la.

試下想如果每件事做不到都要講,會5會令自己變做helicopter同好緊張 lei? 當然小朋友行為有改變要正視和安慰下,如最後發覺不適合就早d轉.

作者: 安安太太 時間: 11-10-18 12:05

其實每一班裡面都有差不多30個小朋友, 每個小朋友每日或者都會有些事發生, 如果老師樣樣都要打俾家長報告, 確係無此需要!

有些事情家長覺大件事, 但在老師眼裡是十分平常, 我十分相信, 每次都會有小朋友唔識講, 怕醜, 驚到喊!

我相信如果你有任何疑問, 你應該都可以直接打給老師, 我相信老師是很樂意解答!如果老師不需要回答, 這才是問題!

既然你已經選了這間學校, 又何需後悔呢?

作者: kartimmi 時間: 11-10-18 12:19 標題: 回覆 11# kufubaby 的文章

我都想知係邊間，可否pm 話我知

作者: sheffield 時間: 11-10-18 12:29

唔好意，單看你寫的又唔覺得真係咁大件事…其實老師"閱B"無數，見到小朋友喊或因為失敗而喊是非常普通的…大班的有30人，小班的都有15-20人，每個小朋友都有自己的長處，就是短處也會進步，今日係你叻叻，聽日就我叻叻，好普通啫！再者，起點贏不等如以後都會贏，小朋友一定會有機會失敗並要從中學習面對失敗。如一次兩次佢都唔習慣，還是在學校喊，我個人就覺得老師需要跟家長聯絡，讓家長知道要幫小朋友，給他/她多點輔導如何面對及處理失敗。小朋友是有自學能力的，在他們自己學習的過程中，亦同時增加了他們的抗逆力！到他們處理不來就需要我們協助…
除非學校真的好有問題，否則就沒有轉校的需要…每間學校都好有唔好，到你轉到間出名關心學生的，你又會嫌棄佢課程太過淺…

只是個人看法，不喜勿插…

作者: neko1234 時間: 11-10-18 13:11

我覺得老師無問題..一班廿幾三十個學生..
如果事無大小..都要一一向家長滙報..老師咪好唔得閒..

小朋友做唔到哭喊好正常..呢個只係學習成長中的一個小問題..

或者你覺得老師唔夠重視你個小朋友..但一班幾十人..如果老師花大量時間去關心安慰一個小朋友..呢個小朋友不單學不到獨立,面對困難以及自己處理情緒..還會令班上其他小朋友被忽略..

做父母係有責任自己教導小朋友..唔係一味話老師唔夠照顧..

老師和家長..應該係雙向溝通..你發覺小朋友有問題..你可以找老師...讓老師留意一下..而唔係一口斷定老師做得不夠..始終老師面對幾十個小朋友..唔係太大問題..老師未必注意到...

作者: Charlotte_mom 時間: 11-10-18 13:37

讚成樓上幾位所講
K1小朋友返學喊, 好平常吧! 而當時亦好明顯大家都知道係小朋友表現失準所以喊, 又唔係不知明既情緒困擾, 如果咁都要求老師滙報, 老師真係好唔得閒
(尢其放學時間, 忙到九彩, 點都要先顧好小朋友安全, 仲邊有時間見家長丫!)

原帖由 neko1234 於 11-10-18 01:11 PM 發表
我覺得老師無問題..一班廿幾三十個學生..
如果事無大小..都要一一向家長滙報..老師咪好唔得閒..

小朋友做唔到哭喊好正常..呢個只係學習成長中的一個小問題..

或者你覺得老師唔夠重視你個小朋友..但一班幾十人..如 ...

作者: babykei 時間: 11-10-18 14:23

提示: 作者被禁止或刪除內容自動屏蔽

作者: wister 時間: 11-10-18 18:26

人的一生中總會遇到不同的問題和困難，早點面對小小的挫敗，早些學習要積極的改善和面對不也是好嗎？為何人生裏不可以有小挑戰？學校課程好，除了老師外，我們作為家長的配合也是很重要的。為何常常要計算別人的付出，而自己卻只停留過度保護自己的孩子呢？孩子對生命的看法是從我們而來的，妳想他將來作怎樣的人，現在就要想想怎樣培育他。

作者: yushbaby123 時間: 11-10-18 20:46

原帖由 henchow 於 11-10-17 23:15 發表
上星期小朋友在校內發生一件小事,該事情讓我真正後悔為他選擇了這間學校.

事緣, 今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好 ...

Please pm me and inform me which school, thanks.
[email protected]

作者: NICOLE123 時間: 11-10-18 21:01

原帖由 wister 於 11-10-18 18:26 發表
人的一生中總會遇到不同的問題和困難，早點面對小小的挫敗，早些學習要積極的改善和面對不也是好嗎？為何人生裏不可以有小挑戰？學校課程好，除了老師外，我們作為家長的配合也是很重要的。為何常常要計算別人的付出，而自己卻只停 ...

你講了我想講的!!
現在年青人受不到壓力
自以為是.!
唔多唔少都係父母過度保護所至.

作者: kartimmi 時間: 11-10-18 23:31 標題: 回覆 21# wister 的文章

你講得太好啦

以前讀書不是時常教「要從失敗中學習」、「失敗乃是成功之母」嗎?無奈現在的小朋友大多活在自己的comfort zone中，沒有挫敗、困難=沒有了學習面對挑戰和情緒管理的機會

作者: henchow 時間: 11-10-19 00:52

先多謝大家的回覆, 在此留言只是想呻下, 因為我知客觀環境(學校的情況)唔會改變.
我並沒有因為阿仔不能完成「show and tell」而感到唔開心, 亦唔係因為遇到挫拆而要呻兩句. 阿仔返學一年多, 計埋今次只是哭了3次, 之前兩次因為自己唔乖, 阿仔一向情緒沒有大起大跌, 但阿仔話佢今次哭得好大聲, 有這異常情況, 都不向家長通知聲? 再者,同一班只有6個人接放學(3個媽咪3個工人, 其他的都是坐校車), 每日接阿仔放學,老師都未試過和家長講過一句學生返學的情況(其他家長都係).
不過, 摸不著頭腦的事件, 都不止在我阿仔班發生, 隔離班原定係英文「show and tell」,但當日因為英文老師冇返, 所以忽然就變成了中文(更正, 係普通話)show and tell, 是這樣臨時嗎? 其他老師唔識英文的嗎? 奇!
我沒有「特訓」阿仔成為周身刀, 現在只是學音樂班及普通話, 沒有考過什麼証書, 相信比不上很多家長所做的, 當初亦沒有大量去面試學校, 反而我更著重阿仔的 discipline 及性格發展, 所以平時我都會刻意讓阿仔面對困難, 甚至明知他自己的決定是錯, 都由得他去做, 之後再教返佢.
對呢間學校有意見, 都唔係因為單一事件或單單是我的想法, 而係過去一年多以來眾家長的感覺. 所以今次事件, 令我再諗到, 未來還有兩年時間(k2 & k3), 「路」應該怎樣走下去.

[ 本帖最後由 henchow 於 11-10-19 23:32 編輯 ]

作者: w_y 時間: 11-10-19 08:18

有人話要讓孩子從失敗中學習, 我們做家長又何嘗唔係呢! 教育子女咁長的歲月中, 一定有做錯決定的時候.

上來教育王國有個好處, 就係其他家長的經驗, 無論是成功或失敗, 真係好過去聽XX 專家的講座.

作者: 小克 時間: 11-10-19 08:18 標題: 回覆 25# henchow 的文章

提示: 作者被禁止或刪除內容自動屏蔽

作者: saintbernard888 時間: 11-10-19 11:15

究竟係邊間?? 出名深而又係bk論壇評語好好的學校真係唔係好多間. 希望唔係講緊我寶貝女讀果間啦...但係咁喎, 我間學校老師都會打下電話講下我個女的情況..老師和家長溝通我真係覺得ok..應唔唔係指呢間學校啦掛...

作者: 悠揚 時間: 11-10-19 11:27

有n班, 出名深, 男仔升小又好, 出名既無邊幾間啦.

作者: gromityaya 時間: 11-10-19 12:51

應該唔係講KM,KM K1先剛剛開始 "Show and tell"！

作者: lala229 時間: 11-10-19 15:20

有d 担心係我仔嗰間tim.....

原帖由 henchow 於 11-10-17 23:15 發表
上星期小朋友在校內發生一件小事,該事情讓我真正後悔為他選擇了這間學校.

事緣, 今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好 ...

作者: lala229 時間: 11-10-19 15:26

N1 都有la!

原帖由 gromityaya 於 11-10-19 12:51 發表
應該唔係講KM,KM K1先剛剛開始 "Show and tell"！

作者: loveannis 時間: 11-10-19 16:40

會唔會系K字頭果間啊？請知道既媽咪提示一下好嗎？因為我地都系準幼兒班家長，實在需要知道多D幼兒園相關資訊，如果真系有咁冷漠咁無愛心既老師，我都唔想比仔仔讀。

作者: cowcowb 時間: 11-10-19 16:56

講返show and tell英文老師無返, 我真係覺得可以用中文, 或者成堂唔上, 英文老師臨時無返, 實在無可能即時搵倒另一老師代上, 如果個中文老師講,唔咸唔淡既英文, 不如佢唔好上好過。做家長真係要學識放手同睇開D, 我相信比多D機會小朋友面對唔同既事情,對佢將來心身發展仲有幫助。

作者: LL222 時間: 11-10-19 18:13

劍鳴K1第一次 Show and Tell 十月尾先開始

作者: gromityaya 時間: 11-10-19 18:13

sorry!令你誤會！我意思係話KM K1先剛剛開始show and tell咗一次,並不是話KM K1先有show and tell!

原帖由 lala229 於 11-10-19 15:26 發表
N1 都有la!

作者: LL222 時間: 11-10-19 18:20

原帖由 gromityaya 於 11-10-19 18:13 發表
sorry!令你誤會！我意思係話KM K1先剛剛開始show and tell咗一次,並不是話KM K1先有show and tell!

show and tell咗一次？我女張memo話第一次係十月廿四曰喎！

作者: gromityaya 時間: 11-10-19 19:03

我仔仔上星期已經攞咗toy car返去做show and tell 啦！可能唔同組就唔同時間同帶唔同嘢！

作者: lala229 時間: 11-10-19 19:32

我sorry就真, 誤會左你!

原帖由 gromityaya 於 11-10-19 18:13 發表
sorry!令你誤會！我意思係話KM K1先剛剛開始show and tell咗一次,並不是話KM K1先有show and tell!

作者: ta__ta 時間: 11-10-19 19:49

有 show & tell 環節的幼稚園不多. 其實大家係 yahoo search 度打 "show and tell, 幼稚園" 就會知邊間.

不過, 其實我都覺得係小事一件.
入得呢d名校, 老師忙, 照顧一定冇咁好.

作者: yikkiubb 時間: 11-10-19 21:46

我都好想知，可以pm我嗎！

作者: marcuscyrus 時間: 11-10-19 22:09

原帖由 LL222 於 11-10-19 18:20 發表

show and tell咗一次？我女張memo話第一次係十月廿四曰喎！

人人唔同的丫..我仔今個星期show & tell

作者: littlecook 時間: 11-10-19 22:33

其實,樓主咁POST出嚟,又唔開名,或者唔方便開啦,anyway,對一眾有show and tell環節既學校都似乎有d唔公平...大家都响度估,係咪a校,係咪b校...
post出嚟,有咩意思?
叫我地小心d唔好比小朋友讀呢間學校?你又無開名!
要表達不滿?應該直接同老師溝通一下!
叫家長選校要小心?又何須咁仔細,比咁多hints人地估?
其實,我都覺得只係單一事件,好小事,就算去到其他學校,都可能有類似事件發生...除非家長真係覺得呢間學校既老師一直都無愛心,唔係你杯茶,咁不妨考慮再揾間啱心意既學校,無話太遲既.
(個人意見,不喜勿插!)

作者: Gelaton 時間: 11-10-19 22:59 標題: 回覆 1# henchow 的文章

其實小朋友遇到挫敗作為家長的也不好受、就當跟兒子一起上了一課、共同進退吧！加油啊！

作者: 小克 時間: 11-10-20 08:32 標題: 回覆 29# 悠揚的文章

提示: 作者被禁止或刪除內容自動屏蔽

作者: 小豬mama 時間: 11-10-20 09:58

你係咪講緊學Ｘ園, pls pm me!

作者: 四隻貓 時間: 11-10-20 10:20

我都幾肯定唔係學之園.
因為學之園既風格係好尊重家長同學生, 校長同老師都好喜歡打電話俾家長傾下計.
老師校長都係親善大使, 返學放學都掛住微笑, 亦經常同家長吹水.

作者: 悠揚 時間: 11-10-20 11:00

有些學校, 賣點一早講係深, 重視學術, 升學有優勢, 但老師會大壓力, 未必有太多包容性. 如果一d 好有愛心, 可能你又嫌教得淺, 真係要睇家長重視邊方面. 當然亦有d學術好又有愛心, 但出左名又係爭死, 要睇收唔收囉.

我知有間又係出名深, 小朋友跟唔上是會留級或勸退的.

作者: Arcana 時間: 11-10-20 11:37

That’s how an overprotected child is being nurtured recently. Most parents don’t want to see their kids suffer. But with no suffering, kids build no skills. A mild failure wouldn’t hurt. Crying seriously after making mistake during “Show and Tell” just shows that the kid is unable to cope with mild failure.

If I were you, I would calm my kid with positive encouragement. I would let my kid learn from lessons instead of complaining.

作者: marcuscyrus 時間: 11-10-20 11:44

原帖由小克於 11-10-20 08:32 發表
Should be K......

如果真的話，我就相當好彩，我2個仔都遇到好好的老師

作者: 龜龜媽媽 時間: 11-10-20 12:08

我可以分享一下我的經驗,我估應該係我個女緊嗰間.K1嘅時侯忽然間响屋企嚎哭唔肯show and tell.後來到學校問老師,原來佢攞咗同學的物件來show and tell,個傻豬覺得自己做錯事,所以唔想再面對show and tell,其實只不過阿囡睇得嚴重,老師認為並不是問題!呢次喺我主動找老師,知道原因然後心理輔導.問题好快解決!
我覺得教小朋友要面對錯敗好重要,不要太保護,否則將來累佢一世!
老師面對咁多小朋友做家長可以採取主動了解事件!
個人認為轉校不是解決辨法,要三思,沒有十全十美的KG!

*K1時老師說不用幫他們預備,帶一件他們喜歡的物件便可!

作者: lala229 時間: 11-10-20 17:53

N班係味Miss Chan ar?

原帖由 marcuscyrus 於 11-10-20 11:44 發表

如果真的話，我就相當好彩，我2個仔都遇到好好的老師

作者: lala229 時間: 11-10-20 17:54

我想知邊間ar~
tks!

原帖由悠揚於 11-10-20 11:00 發表
有些學校, 賣點一早講係深, 重視學術, 升學有優勢, 但老師會大壓力, 未必有太多包容性. 如果一d 好有愛心, 可能你又嫌教得淺, 真係要睇家長重視邊方面. 當然亦有d學術好又有愛心, 但出左名又係爭死, 要睇收唔收囉.
...

作者: LL222 時間: 11-10-20 17:57

原帖由 gromityaya 於 11-10-19 19:03 發表
我仔仔上星期已經攞咗toy car返去做show and tell 啦！可能唔同組就唔同時間同帶唔同嘢！

佢囝囝第四次show and tell喎，你仔仔第幾次？

作者: marcuscyrus 時間: 11-10-20 18:11

原帖由 LL222 於 11-10-20 17:57 發表

佢囝囝第四次show and tell喎，你仔仔第幾次？

第4次?
k1全個上學期都係得4次，n班好似仲少d

作者: LL222 時間: 11-10-20 19:03

原帖由 marcuscyrus 於 11-10-20 18:11 發表

第4次?
k1全個上學期都係得4次，n班好似仲少d

佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

作者: gromityaya 時間: 11-10-20 19:59

我仔仔都係試過一次show and tell咋！
係啦！搞到我都好想知係邊間？又唔講喎！

原帖由 LL222 於 11-10-20 19:03 發表

佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

作者: littlecook 時間: 11-10-20 22:30

忍唔住都要講吓!
我身為KM K1小朋友家長,可以同大家講,樓主提'SHOW AND TELL'的情況,並唔係KM的情況:
"…今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好之際(自己介紹物品而不需要老師協助), 我們就更相信阿仔可以自己應付得到. 但最近一次的「show and tell」,皆因為我沒太多時間和阿仔練習…"
由開學至今,只有一次英文,而且10月中先開始,有D組都未開始.至今未有聽聞有中文SHOW AND TELL喎,起碼無收過通告,如何知道並幫小朋友練習呀?又邊有加埋4次咁多?
根據通告及我小朋友講,10月中呢次英文SHOW AND TELL, 老師並無叫家長幫小朋友先練習,畢竟第一次,老師會慢慢引導,並唔係大家所諗,一開波小朋友就自己BALABALA咁講,更唔係樓主所講,自己介紹物品而不需要老師協助…今次只係分組做, 唔係對住全班做,大家攞住件玩具玩下,老師引導輪流講少少嘢,例如件玩具咩色…
我唔肯定SHOW AND TELL係咪班班有少少出入,但我小朋友既情況同樓主所講根本係兩回事.呢個唔似係KM家長!究竟樓主講既係邊間?唔知係咪有人字裡行間有意無意引導大家諗係KM,定係回覆者對號入座…

原帖由小克於 11-10-20 08:32 發表
Should be K......

作者: littlecook 時間: 11-10-20 22:36

係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

原帖由 LL222 於 11-10-20 19:03 發表

佢話阿仔開頭三次都做得好好之際，第四次就…
我哋上學期得四次，佢學校課程真係緊迫好多！好想知邊間。

作者: 無氣同你講 時間: 11-10-20 22:47

原帖由 littlecook 於 11-10-20 14:36 發表
係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

哈哈.....我都冇諗過樓主話既係劍鳴, 至於我, 由n1到而家k3從來都未試過幫阿仔準備show and tell, 佢都唔知幾牙尖咀利, 而且阿仔好鍾意返學, 好幾鍾意d老師, 平時接放學見果d未教過阿仔既老師都有同阿仔打招呼, 劍鳴令我好滿意, 阿仔好幸運可以係度讀

作者: luilui007 時間: 11-10-20 23:18

是邊間都不太重要, 因我認為不是幼稚園老師的問題.
在我眼中屬小事不過, 一次半次表現唔好都唔出奇啦, 佢地其實都好細過咋, 除非次次表現唔好老師都唔出聲就話唔好囉!
好人父母都唔須太緊張啦, 噤小事就要轉校, 唔好玩啦, 幾時先讀到大學!
唔好意思啊, 俾我有點直昇機父母感覺囉, 因為小朋友有點挫敗都係好事, 今次當經驗囉~

作者: 3pigmama 時間: 11-10-20 23:28

希望吾係KBL

作者: another_father 時間: 11-10-20 23:43 標題: ，

我都想知道是那一間幼稚園，請pm我.

作者: gromityaya 時間: 11-10-21 01:05

littlecook,你講晒我想講嘅嘢呀！我仲以為係我敏感，得我覺得有人特登誤導忝！

原帖由 littlecook 於 11-10-20 22:30 發表
忍唔住都要講吓!
我身為KM K1小朋友家長,可以同大家講,樓主提'SHOW AND TELL'的情況,並唔係KM的情況:
"…今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次( ...

作者: LL222 時間: 11-10-21 13:53

原帖由 littlecook 於 11-10-20 22:36 發表
係囉,咁勁,仲要唔需要老師協助!
仲有臨時改到'普通話'SHOW AND TELL添!
程度高過我地好多喎!

所以好多叫PM個名比佢知, 應該如想去讀
K1可以用普通話Show and Tell, 我一定開心到流眼淚

作者: LL222 時間: 11-10-21 14:06

原帖由 gromityaya 於 11-10-21 01:05 發表
littlecook,你講晒我想講嘅嘢呀！我仲以為係我敏感，得我覺得有人特登誤導忝！

如果唔係有人特登誤導, 我都唔會回應!

作者: 龜龜媽媽 時間: 11-10-21 22:12

哈哈，睇落又唔似我個女嗰間喎，佢哋係一星期一次show and tell,一次英一次普！最緊要各位媽媽滿意小朋友所讀學校，其實只不過小事一宗！

作者: littlecook 時間: 11-10-21 23:31

哈哈,係囉,程度咁高!個個都想知邊間,然後爭住去讀!
相信呢個應該同樓主原意相反!

原帖由 LL222 於 11-10-21 13:53 發表

所以好多叫PM個名比佢知, 應該如想去讀
K1可以用普通話Show and Tell, 我一定開心到流眼淚

作者: fishingcat 時間: 11-10-22 14:27 標題: 回覆 61# luilui007 的文章

同意，小朋友喊下就轉校，三年內隨時坐三望十，仲可以出書品評幼稚園優劣。以後有野唔鍾意，喊下就得啦。對小朋友將來發展未知是好是壞。

作者: jonasmami 時間: 11-10-22 16:12

我都想知係邊間，可否pm 話我知

歡迎光臨教育王國 (/)