教育王國

標題: 4 間直資學校面試分享 [打印本頁]

作者: eycyw 時間: 11-10-23 17:40 標題: 4 間直資學校面試分享

我同仔仔共考咗 4 間，有感而發想分享一下

1. 優才 - 最早 In，學校環境比較細，老師唔係太有印象，應該唔算係好 Nice 的一類，比較嚴謹的。 In 嘅問題都係問下家長對學校有幾多認識，點解選擇我地學校。對直資學校嘅睇法。 In 我嘅老師比較 Green。都有禮貌的。優才對我家嚟講學費有考慮，所以不是我嘅首選。所以無叫老公一齊 In，最後收到 1st priority 嘅信。要上 10 堂講座先可以有機會被正取，但因為不是首選我無去聽講座，但有仔仔同學嘅家長同我講佢聽完講座後 (上咗 2 次)真係收到電話話收。我覺得自己同仔仔表現都滿意，最後成為 1st wait 唔知係咪同只有一個家長去 In 有關。

2. 真道，最早聽簡介會，(但就到而家 10 月尾都未知結果。)Frist round interview 响 6 月，只見小朋友，無須見家長，當時嘅資訊係話如果小朋友表現好先有機會 2nd in 家長。對學校印象，校舍大、作風新。老師 nice。有國際學校嘅感覺，仲唔使著校服。本來係我嘅頭號首選，但隨住負面新聞同校長離任，都另我擔心一間校舍擁有強大而有影响力嘅家長公會，會否對將來造成更多紛爭而另我卻步，加上 10 月 16 號再聽 2nd 家長會，但最終學校以 "5 月先有最終答案收唔收 " 感到失望，就好似你永遠都唔知自己是否比取錄，話無機會又唔係，話有又唔係，人地問我得唔得？我都唔識答。

3. 陸慶濤，唔算好有名氣嘅直資，係老牌保良局學校，繼陳守仁後可能最有名氣嘅直資。平均以三人爭一位比率。簡介會時我唔覺得校舍舊，但當然相對比真道細，但『個人認為』細唔代表舊。所有老師好好笑容，有愛心，但用『港式口音英語』，明顯同其它直資或出面 learning centre 有距離，但所有學生好自信。當日有好多學生義工番學校幫手，反映師生關系良好，最感動係睇得出英語肯定唔係呢班小朋友嘅 first langauge，但一直努力嘗試去講及解答我嘅問題，激讚！
但簡介會氣氛(極嘈，你有你台上講，我有我台下講嘢食嘢 )及家長質數明顯同播道及真道不同 (不喜勿插)。interview 當日由主任 In 我地，好嚴肅，但有禮貌。問嘅問題比優才尖銳，會問小朋友學乜嘢常行興趣班 (常行指要一年以上)，對上次簡介會有乜睇法，對我地學校有幾多認識？對我地中學有幾多認識，最後問我點解認為學校應該要收我個仔。非常冒汗。我感到我同先生嘅 interview 比其它家長耐。因此我反而認為好大機會得。比我想象中認真及高要求。最後 10 月 22 日收到信收咗仔仔做正取生。

4. 播道。聽簡介會時，喜歡校長到不得了，作風新穎，以大愛精神教學，『一個都不能少』，『對學生不離不棄』，亦唔會拔尖補底，我同老公都應同佢嘅教學方針，以德育先行。要愛學生亦要求學生愛老師，愛家人。視播道為首選。但 Interview 當日單單一日及一個時段嘅人數以令我感到機會渺茫，唔係話對個仔無信心，但我相信以咁多人數去比較，個仔一定『當時當刻』要有卓越表現先可以另老師留下深刻印象。到 In 家長就更無行， In 我的老師已全無表情可言，唔係話佢無禮貌，但睇得出佢已經非常累，佢真係無表情，我一坐底就話今日只會問二條問題，1. 面對出面咁多名校同直資，如果我地同佢地都同一時間收你，你會點揀？ 2. 而家好多家長都好保護自己嘅小朋友，你對呢個風氣會點睇？我曾經聽人講過，播道好鍾意爸爸發表意見，所以一早同老公夾好，比老公講多 d，我就做補充意見，但無論我地點答，老師都係同一表情，無笑亦無雛眉，好難估。無 mark 底任何嘢，當時應該 10 分鐘都無。結果未知，但應該好快知。

總括嚟講，我覺得今時今日考小學真係一 D 都唔簡單，一年幾前已鋪落學興趣班，儲 cert. 半年前做 portfolio，聽簡介會，做資料搜集，interview 背學校理念，應對，小朋友得 5 歲又要考英、普，又要反應快，真係好辛苦。曾經因為優才後備而感到憂慮，亦有感到自己考 4 間可能不足，亦有同各位家長同一感受，就係聽到人人都有著落時，自己都仲未揾到學校而擔心，日日番到屋企飛去開信箱，日日上 Bk update 最新情況。越睇得多，越感到現今小朋友真係壓力大，人仔細細要周身刀。希望各位家長都可以同佢地嘅小朋友揾到心儀嘅學校。大家齊努力！

作者: abinayams 時間: 11-10-23 18:17

身同感受,最慘既係壓力好難同家人分享, C6永遠一句TAKE IT EASY, 唔會無書讀, 女女更唔想佢人仔細細就有壓力, REJECTED都唔敢話比佢聽, 好想快D SETTLE DOWN, 唔
想担心到6月

作者: kirstyau 時間: 11-10-23 18:20

但簡介會氣氛(極嘈，你有你台上講，我有我台下講嘢食嘢 )及家長質數明顯同播道及真道不同 (不喜勿插)。

非常認同,同埋有好多帶鄉音的母親,唔太喜歡!

原帖由 eycyw 於 11-10-23 17:40 發表
我同仔仔共考咗 4 間，有感而發想分享一下

1. 優才 - 最早 In，學校環境比較細，老師唔係太有印象，應該唔算係好 Nice 的一類，比較嚴謹的。 In 嘅問題都係問下家長對學校有幾多認識，點解選擇我地學校。對直資學校嘅睇法。 In ...

作者: jackal 時間: 11-10-23 18:40

總之係慘啦....朋友話我怪獸家長,但面對選校,競爭咁大,做家長一定想幫小朋友選一間比較好的學校,又怕比得太大壓力小朋友,又怕自己失去平衡,真係左右做人難....:(

作者: eycyw 時間: 11-10-23 18:47

abinayams
係吖，回顧自己同所有身邊朋友都話D 老公唔多擔心咁喔。至於小朋友，上次優才 1st wait 我都有同講，但我有解釋唔收可以有好多原因 (例如爸爸果日無去) 但唔緊要吖，下個 interview 我地再比心機！

作者: creamychoy 時間: 11-10-23 19:23

優才同陸慶濤都收左我個囝，我老公鍾意優才多d,覺得師資(經驗同學歷）同資源都好d,而我覺得陸慶濤都唔錯，小班加雙班主任，學費又平，不過老公話優才有兩個免費既才華班，計埋兩間又唔係差好多！加上佢覺得家長同學生質素係優才好d(不喜勿插），依家總考慮緊！

作者: abinayams 時間: 11-10-23 19:45

eycyw,

謝謝你, 我都試下正面D咁同個女講, 大家都加油!

原帖由 eycyw 於 11-10-23 18:47 發表
abinayams
係吖，回顧自己同所有身邊朋友都話D 老公唔多擔心咁喔。至於小朋友，上次優才 1st wait 我都有同講，但我有解釋唔收可以有好多原因 (例如爸爸果日無去) 但唔緊要吖，下個 interview 我地再比心機！ ...

作者: eycyw 時間: 11-10-23 20:43

creamychoy
其實我都認同你對優才的睇法，學生同家長的質數都好高，我聽朋友講，當佢去聽果十堂嘅家長會時，見到個個家長質數好高，仲話好多都係乜師物師。我認同優才係一間好學校，不考慮只係我有學費憂慮吧

作者: 緊張肥媽咪 時間: 11-10-23 22:58

我都認同優才質數真係比陸慶濤好, 因我聽LHT簡介會時, 佢用好多普通話來表演, 而英文真係冇乜, 所以我覺得呢間既英文應該都係一般, 而且當播一段有關現讀家長既心聲時, 那位家長既廣東話係有少少唔純正, 而企係我身邊既兩位老師竟然取笑呢位家長, 仲要係比我同我老公聽到, 可想而知都唔會係細聲, 到最尾由老師帶我們參觀課室時, 我老公問了一些有關LHT既問題, 竟然可以三題只答到一題(佢自己講佢係教唔知幾年級既中文科, 而唔係家長義工), 做老師既都對自己教既學校唔多清楚, 同品德亦比唔到我見係身為老師既榜樣, 所以4間直資比較既話, 呢間在我心目中真係比較普通既一間, 我只是發表我既意見, 不喜勿插!

作者: HaYi 時間: 11-10-23 23:52

同意, 去優才的第2次talk 家長分組討論部份, 個個都好投入, 而且言之有物, 感覺像在大學碩士班做討論, 做代表個幾位有的真係好勁, 如果最後真係keep 在優才, GT 家長質數真的不錯.

原帖由 eycyw 於 11-10-23 20:43 發表
creamychoy
其實我都認同你對優才的睇法，學生同家長的質數都好高，我聽朋友講，當佢去聽果十堂嘅家長會時，見到個個家長質數好高，仲話好多都係乜師物師。我認同優才係一間好學校，不考慮只係我有學費憂慮吧 ...

作者: khashley 時間: 11-10-23 23:53

真道都冇乜問題，都係校長私人問題多。至於面試結果，上得BK多都大約知道成功與否，莫非一封reject letter咁緊要？放鬆D啦各位家長

作者: 麥兜媽 時間: 11-10-23 23:53

好有用對於我
明年輪到我拉

作者: eycyw 時間: 11-10-24 00:31

HaYi
嘩，咁勁？咁優才真係人強馬狀。

我都鐘意陸慶濤的，如果唔係都唔會考，我覺得學校本身都有誠意教學，單單 interview 呢一 part 已比我覺得非常認真了。反而好受歡迎嘅直資會因為人數太多，問題有 d 公式化，所以我都唔係好知自己嘅勝算。

至於真道，學校無咗學長會唔會有好大改變，我諗而家討論仍然言之過早，可能要過多一段時間先會睇到。但無論如何盡快知道結果都會令人安心或死心。
祝大家好運

作者: 中天英 時間: 11-10-24 09:15

原帖由 eycyw 於 11-10-23 20:43 發表
creamychoy
其實我都認同你對優才的睇法，學生同家長的質數都好高，我聽朋友講，當佢去聽果十堂嘅家長會時，見到個個家長質數好高，仲話好多都係乜師物師。我認同優才係一間好學校，不考慮只係我有學費憂慮吧 ...

eycyw,

優才有學費減免計劃，好歡迎有需要嘅家庭申請；如果你覺得優才喺好嘅話，我覺得唔好放棄。

作者: littlefaith 時間: 11-10-24 09:33 標題: 回復 13# eycyw 的帖子

eycyw：

其實真道已於早兩星期開始second in，會面後數天內家長會獲知是否取錄，而不是「5 月先有最終答案收唔收」。

至於校長離任，作為真道家長，現階段看不到學校有多大改變，始終開校至今的十年時間內，前任校長已在真道奠下基礎，教學特色已紥根，故很難對這產生動搖。

祝你好運﹗

[ 本帖最後由 littlefaith 於 11-10-24 09:41 編輯 ]

作者: eycyw 時間: 11-10-24 10:15 標題: 回復 15# littlefaith 的帖子

多謝你的意見，我—直有留意真道的新聞及上真道家長嘅 Blog，想請問你係咪真道家長呢？想請問你地係咪一直同老師嘅關系非常緊密，甚至有家長不滿校董會對丘校長嘅指控而公開話會撐老師唔撐校董會呢？

作者: lkong2005 時間: 11-10-24 10:19

其實4間直資報考嘅學生和家長喺同區都喺同一班人，只喺有無機會喺那些簡介會遇到，又可必歧視和取笑那些新移民家長呢？取笑和歧視別人後自己地位就會高啲？小朋友又會叻啲？會唔會睇嘢會過於表面？

其實感覺無分對與錯，重點喺學校軟件質素。

作者: TerrenceMum 時間: 11-10-24 10:33

發現左好耐, 將軍澳某間直資小學既家長, 好鐘意有意無意之間，經常踩同區其餘果3間直資學校。(踩人果間學校D家長質數真係???)

不喜勿插!!!!

作者: eugenebb 時間: 11-10-24 13:57

完全同意呀!

"何必歧視和取笑那些新移民家長呢"

通情達理. 其實呢種態度先至係我眼中既家長質素.

原帖由 lkong2005 於 11-10-24 10:19 發表
其實4間直資報考嘅學生和家長喺同區都喺同一班人，只喺有無機會喺那些簡介會遇到，又可必歧視和取笑那些新移民家長呢？取笑和歧視別人後自己地位就會高啲？小朋友又會叻啲？會唔會睇嘢會過於表面？

其實感覺無分對與錯，重點喺學 ...

作者: littlefaith 時間: 11-10-24 14:21

原帖由 eycyw 於 11-10-24 10:15 發表
多謝你的意見，我—直有留意真道的新聞及上真道家長嘅 Blog，想請問你係咪真道家長呢？想請問你地係咪一直同老師嘅關系非常緊密，甚至有家長不滿校董會對丘校長嘅指控而公開話會撐老師唔撐校董會呢？ ...

以上新聞有關真道的報導其實頗多不盡不實之處，其實，我認識的真道家長都是理性、冷靜、沉著的，對事不對人，大家都是為學校好，對學生有利自然支持。

真道老師用心教學，家長那有不支持之理？至於辦學團體「香港華人基督教聯會」堅持提供有別於傳統的優質教育理念一直沒變，家長就是認同這理念，才會讓子女入真道。

作者: ahjoechan 時間: 11-10-24 16:28 標題: 回復 20# eycyw 的帖子

you are describing the same feeling..especially the "R路/S路/L路" at LHT...

congrat you get the offer from LHT, my son on waitlist only

作者: orangek 時間: 11-10-24 16:42

Littlefaith,

Thanks for the comment. My daughter just accepted by Logos. It is very efficient. We got the call on 17/10 for interview on 19/10 right after the parents seminar. We got the acceptance email on 21/10.

I really want to know more about the school but it is not much info on BK. I realise that there is some dicussion forum in FB. Could you send me the link or any other info can be shared.

作者: khashley 時間: 11-10-24 16:47

Frankly speaking, my daughter also logos coming year P.1 student, I choose logos becoz of its special learning, I dunno it is good or not, but I buy their education purposes

作者: eycyw 時間: 11-10-24 18:48 標題: 回覆 21# ahjoechan 的文章

多謝你，希望你都會有好消息。可否分享一下的對 4 間直資的睇法呢？

作者: smiletigger 時間: 11-10-24 22:17

"本來係我嘅頭號首選，但隨住負面新聞同校長離任，都另我擔心一間校舍擁有強大而有影响力嘅家長公會，會否對將來造成更多紛爭而另我卻步，加上 10 月 16 號再聽 2nd 家長會，但最終學校以 "5 月先有最終答案收唔收 " 感到失望，就好似你永遠都唔知自己是否比取錄，話無機會又唔係，話有又唔係，人地問我得唔得？我都唔識答。"~~有同感.
但有小小更正, 1ND INT後表現OK會有2ND INT(由10 月中開始), OK的話3-5日後會有OFFER; 如家長仍有興趣, 5月仍可叩門. 學校似乎作風是不會直接出REJECT LETTER.

作者: HaYi 時間: 11-10-24 23:36

除了LHT 我識得少些家長外, 都識好多真道, 播道, 優才家長, 其實間間學校都會有勁的家長, 例如真道家教會的家長都很能令人覺得能幹同投入的, 播道家長就很讚成愛心教育, 不太緊成績, 同學校理念很配合. 只不過GT 有家長研討會呢個 session, 睇到其它家長的present, 但好老實說, 最終佢地會不會開學時仍是GT 家長, 都不一定, 因好多人都在等其它校的消息.

原帖由 eycyw 於 11-10-24 00:31 發表
HaYi
嘩，咁勁？咁優才真係人強馬狀。

作者: HaYi 時間: 11-10-24 23:52

有同感, 本來真道同優才都會在我的名單頭幾位, 但認識幾位今年的考生家長, 已放棄了 Logos second in.

原因主要是聽了很多真道家長說真道在FS1 已對學術要求開始谷左好多 (相比2-3年前他們第一名子女入讀時), 覺得它亦很需要改變當初輕鬆FS 階段的理念. 再加上舊校長突然走, 多位現任家長都看成一個打擊, 所以想入的都會擔心接任的方針會否跟回創校校長的, 相反家教會強大, 我自己覺得反而是一件好事, 家長的參與是真正認同學校的方針, 尤其以真道此些成長中, 又破格的學校, 家長的信心及支持很重要. 相信家教亦會是以大局為重, 不會同新管理層唱反調的. 只是會否如以前一般支持, 就不得而知了.

原帖由 smiletigger 於 11-10-24 22:17 發表
"本來係我嘅頭號首選，但隨住負面新聞同校長離任，都另我擔心一間校舍擁有強大而有影响力嘅家長公會，會否對將來造成更多紛爭而另我卻步，加上 10 月 16 號再聽 2nd 家長會，但最終學校以 "5 月先有最終答案收唔收 " 感到失望， ...

作者: eugenebb 時間: 11-10-25 01:06

又係純粹分享 (因為呢兩日放大假), 個人, 但很坦誠的 share 個人甚或主觀的看法.  只評簡介會同埋申請處理手法.

首先 declare, 我個仔都 int 晒 4 間將軍澳直資, 只有一個 offer, 兩間等緊.

Logos 係最早既簡介會, 亦係我覺得 so far 做得最靚既一個 presentation.  原先係我既首選, 但一直有 key man risk 既憂慮.  唔講佢做野有無問題, 接近退休年齡係一個事實.  好處係係大家做決定之前發生左, 好過之後先煩.  佢對學校有幾"靈魂", 其實就算16號果日仲強烈感受到, 好考驗現位師生同家長既凝聚力.

GT 係我 personally 最唔鍾意既簡介會, 講者既表情幾冷漠, 除左講資優概念, 感受唔到教學熱誠, 總之主觀感覺唔好. 之後佢放左我落 waiting list, 又要作多篇文至俾我"六月見" (重係之前果份 questionnaire 已經講完又講), 原來重將人分幾批又要 attend 講座呀支呀 jor, 論成績同口碑佢都唔係一線, 我唔係好 buy 呢 d 要求, 放棄唔 wait.

EC 主張愛心教育目標清晰, 感覺校長係一個好人 (呢樣真係好緊要), 雖然個簡介會都係無其他 substance.  小朋友 int 果日, 老師好照顧小朋友感受, 呢樣抵讚.  但係 int 家長果 part, d interviewers 完全無我地資料係手 (連名都無), 果兩三個 standard questions 其實無幾多個答法, 很 generic 又唔直接 touch on 我地點培育小朋友, 佢有咩特質 etc.  唉, 我覺得自己搶住係個幾分鐘吹水, 唔知佢 assess 左 d 咩喇.

LHT 比較津校 feel, 的確好多時髦 d 既家長似乎都無黎簡介會, 相信同個校舍真係最大關係.  另外就係家長鍾意活動教學, 怕谷小朋友.  老實講, 要唔辛苦又學到好多野, 我讀左廿幾年書到再做左十幾年野, 都唔敢盡信...正所謂...no pain no gain.  只不過想要求更高, 就係小朋友唔係書呆子, 有領袖才能, 語言能力.  在相對傳統既環境, 家長可能要跟多 d 呢 d 方面.

呢排真係煩呢 d 野, 成日失眠, 日頭又心不在馬!  真係希望 d results 快快趣趣, 同埋 d 同仁唔好 hold 住太多唔會用既位啦.

Good luck to all!

作者: Naurto 時間: 11-10-25 09:59 標題: 回復 27# HaYi 的帖子

其實感覺係好個人. 但我自己認為Logos 讀十一年, 對比出面十二年, 的確有D唔着數, 最起碼少了一些操練時間, 除非真的不打算在香港讀書.....

作者: eycyw 時間: 11-10-25 12:51 標題: 回覆 28# eugenebb 的文章

我對你所有學校嘅評價都好認同，特別係播道。簡介會同 Interview 氣氛有 D 唔吻合。而優才我就覺得填Application form 時已感受到學校嘅取向，雖然比到 1st priority waiting 我，但我都有不能高攀唔到的感覺。
至於陸慶濤，我好開心成為正取生，因為係繼播道後最想入的。我明白校舍係佢比較輸蝕嘅地方，但我想學校嘅優勢係內涵，而不是外在。
請問你收到邊間學校嘅 offer 呢？

作者: eugenebb 時間: 11-10-25 13:17

係 LHT, 今朝註冊左 lu. 我同你既諗法都有 d 似 : )

原帖由 eycyw 於 11-10-25 12:51 發表
我對你所有學校嘅評價都好認同，特別係播道。簡介會同 Interview 氣氛有 D 唔吻合。而優才我就覺得填Application form 時已感受到學校嘅取向，雖然比到 1st priority waiting 我，但我都有不能高攀唔到的感覺。
至於陸慶濤 ...

作者: smiletigger 時間: 11-10-26 00:47

老實講, 我四間中只報咗2間, 真道同播道, LHT同GT都好早無考慮.
感覺同意ENGENEBB, LHT有升格的津校FEEL, GT初小在旺角, 強調優才, 感覺冷漠
~不喜勿插~

歡迎光臨教育王國 (/)