教育王國

標題: 唔讀兩歲班？ [打印本頁]

作者: cw36 時間: 11-10-24 08:51 標題: 唔讀兩歲班？

有無媽媽打算唔俾BB讀兩歲班，等K1先入學呀？因我見身邊好多家長的BB讀書攪到成日病。唉！讀又煩，唔讀又煩！

我想問下有經驗的媽媽，讀同無讀過N班分別係咪好大，我指在認知能力/學習能力上。長遠來說，影響大唔大？

THANKS!

作者: fatchai8 時間: 11-10-24 11:01

我都識孩童無讀二歲班。
學習能力上無問題的
反而讀二歲班係俾小孩多Ｄ時間過群體生活。

作者: sy1212 時間: 11-10-24 11:46

啱啱星期六上完堂，決定唔比BB上N班，之前報咗名既都唔去IN，亦唔會再幫佢報學校，就算之前IN咗收佢都唔去讀。

但我會送囝囝去montesorri既class, 如果佢上得好，甚至乎幼稚園時間都0係0個度過埋。

宜家香港家長太過被香港教育制度影響，人做我做。我之前都係其中一份子，好緊張個囝讀邊間學校。宜家好感恩自已遇到覺得啱自已既理論，同時亦幫到阿囝既成長。

大家家長請留意自已小朋友要咩，唔係其他家長做咩。我聽過有小朋友未READY自已上堂而比人送咗去讀N班，結果怕咗返學。

每個人成長有快有慢，唔應該跟風，應該因才施教！

作者: shenpeiyu 時間: 11-10-24 13:19 標題: 回復 3# sy1212 的帖子

sy1212 很贊同妳的論點啊! 能推薦montesorri class在哪邊上嗎? 因為我也在考慮不要讓囡囡返PN，謝謝! :)

作者: nekoti 時間: 11-10-24 13:38

我贊成sy1212.自己的小朋友是12月出世的, 亦沒打算報N1, 今年會先收集d資料,打算明年報K1.

作者: bulo 時間: 11-10-24 15:07

原帖由 sy1212 於 11-10-24 11:46 發表
啱啱星期六上完堂，決定唔比BB上N班，之前報咗名既都唔去IN，亦唔會再幫佢報學校，就算之前IN咗收佢都唔去讀。

但我會送囝囝去montesorri既class, 如果佢上得好，甚至乎幼稚園時間都0係0個度過埋。

宜家香港家長太過被 ...

agree, 我都唔打算讀n班, even 救世軍排得到, 到時我會同救世軍講, k1/ n2班先入讀, n1唔讀
我都係報montesorri既class, 不過到k1就唔會勒, 因太貴, afford唔起
btw, 你係報邊間montesorri?

作者: pandabonita 時間: 11-10-24 15:43

好難一概而論,要睇家庭環境/教養和對小朋友有乜期望,我會覺得利多過弊.

作者: kufubaby 時間: 11-10-24 23:26

路過答咀
其實選讀n班唔等於跟風, 唔讀又唔等於有問題, even montesorri 教學理念亦都未必人人適合...
個別家長有自己的要求及價值觀, 只要記住, 參與每件事都有它的遊戲規則, 不要輸打贏要.
講多兩句, 其實小朋友咁細, 讀唔讀書讀咩野, 讀邊間學校...etc都唔係自己揀, 所以家長係點, 小朋友就只可以點, 任何人也跟這模式去為小朋友規劃未來吧! 只是希望家長明白小朋友的能力及需要, 那作為家長, 任何選擇都是正確的. 大家加油啦, 不要跟別人比較!

回應樓主易病的憂慮, 個人覺得n1又好k1又好, 只要人多就會多病菌這是必然的. 如這點是你很看重的(其實我也是), 揀學校時請留意埋衛生管理問題. 最好是有open day親自了解學校如何實淺. 我都叫去過好幾間學校參觀及查詢, 最滿意的有一間, 其次滿意的都有兩間, 但其他都叫做緊緊合格. 所以報校排位的次序就按你考慮因素的排序而定.

其次問到認知能力/學習能力上的分別, 那就要問返樓主, 如你說不讀n班, 那平時在家誰人照顧及教導小朋友呢? 如工人or老人家湊, 小朋友又無返playgroup什麼的, 我想你也不會認為小朋友可以學到什麼吧?! 那這樣的兩個k1小朋友比較, 你也知道差別是什麼啦.

你可以share多一點小朋友不讀n的話, 平時是怎樣過日子, 我想這裡有經驗的家長可以給你多一些參考的.

作者: cw36 時間: 11-10-24 23:47

多謝妳詳盡的回答。

我要返工，平日是我媽咪幫手湊，得大人同佢玩，所以我想佢返學，起碼多d小朋友一齊玩，同埋學下守跌序，學習較有系統。如果唔讀n班，我想我會安排佢上一些playgp之類吧。

但係大一歲入學始終抵抗力會強d，做父母當然唔想bb一路返學一路病…我身邊有不少朋友就以過來人的身份，勸我到k1先俾仔仔去讀。

以衛生情況來作選校準則，都係唔錯的方法。Thanks!

作者: kufubaby 時間: 11-10-25 00:10

樓主, 以你既情況你都明白老人家俾到小朋友只是照顧而不是教導, 所以你先打算同佢報playgroup.

那你報的playgroup是一個星期返一至三日, 家長陪同出席果種? 還是似n那樣差不多日日返及不用家長那種? 如後者, 這不就是跟返正常n校一樣, 多接觸人, 又係多菌易病的擔心...如是前者家長陪同出席, 群體生活及守跌序就較難體現, 因為我眼見好多小朋友去到都唔係同其他小朋友玩, 而係同導師及自己家長玩多d, 另外, playgroup好少會教自理能力如吃飯禮儀...etc

其實你可以報幾間心儀的PN校先, 收左再考慮讀唔讀啦. 再者, 如你單純擔心易病問題, 也可以上學後視乎情況而決定, 橫掂學費也是按月交, 任何原因不適合也可隨時唔讀, 到時候再考慮轉playgroup or其他也不遲. 但你一錯過左pn報名, 就連入去體驗的機會都無喎, 可能你小朋友抵抗力好好呢? 咁你的擔心白費左啦...另我家庭醫生曾說, 小病也是種菌的一個好方法, 人的抵抗力都是由此而來, 我們不好讓小朋友習慣在絕對清潔衛生的環境下生活, 否則他就不能生存.

希望你不介意我太多事啦, 打咁多字你睇

[ 本帖最後由 kufubaby 於 11-10-27 04:58 編輯 ]

作者: bulo 時間: 11-10-25 00:16

其實dull dull轉轉，好多人都係會有比較，比較無讀n1同讀左n1既k1學生
曾幾何時做過幼師，眼見好多兩歲bb入學，係會早過無讀n1既細路學所謂排隊去廁所成咁，但d bb本身溝通能力仲未可以應付自如，造就左一d大少少／霸道既bb去恰d無咁識表達既bb，形成個d表達能力差少少既bb既自信差d
就學術方面，因好多家長最關心bb快d返學可早識幾個字，n1同k1其實教既內容係差不多，一d無上過n1既小朋友分分鐘仲有自信同pick up得仲快過曾經上過n1既小朋友，可能係2yrs個年仲係照顧者身邊渡過卦(呢樣係聽好多專業人士講過，如ken sir及現在仲做緊幼師既朋友等）
當然，以上只係我個時做幼師所睇到既case，未必個個小朋友都係咁
要5要小朋友早入學，係家長自由選擇

[ 本帖最後由 bulo 於 11-10-25 00:24 編輯 ]

作者: bulo 時間: 11-10-25 00:19

自理能力如吃飯禮儀，其實呢d應該係屋企人教先最適合，我又覺得唔可以咩野都依靠學校去教，如返半日n1，飯都唔洗係學校吃，又點會教到吃飯禮儀

可能曾經做過幼師，而家有小朋友，先識montessori，所以更認同montessori既theory

[ 本帖最後由 bulo 於 11-10-25 00:23 編輯 ]

作者: leungcnine 時間: 11-10-25 00:44

其實唔讀n 班, 直接到3yrs 先讀k1, 到時一樣成日病, 讀n 班就早d 病, 唔讀就遲d 病, 無咩分別, 之前睇過一篇文章, 話香港d 家長過份緊張子女, 外國果d 家長, 完全唔會怕小朋友接觸有病ge 小朋友, 因為0係完全無病菌的地方上生活, 等於個人無抗體咁話~

作者: littleape 時間: 11-10-25 02:23

Actually, what's montessori teaching theory and style? Can another explain?

作者: cw36 時間: 11-10-25 08:58

好多謝你的意見。你都講得啱，都係照去面試先，等學校收左，再考慮吧。謝謝！

原帖由 kufubaby 於 11-10-25 12:10 AM 發表
樓主, 以你既情況你都明白老人家俾到小朋友只是照顧而不是教導, 所以你先打算同佢報playgroup.

那你報的playgroup是一個星期返一至三日, 家長陪同出席果種? 還是似n那樣差不多日日返及不用家長那種? 如後者, 這不 ...

作者: cw36 時間: 11-10-25 09:09

好多謝你Share左真實的例子同埋專業的睇法。
我十分同意你講的禮貌自理應係父母教的，家長責無旁貸。

原帖由 bulo 於 11-10-25 12:16 AM 發表
其實dull dull轉轉，好多人都係會有比較，比較無讀n1同讀左n1既k1學生
曾幾何時做過幼師，眼見好多兩歲bb入學，係會早過無讀n1既細路學所謂排隊去廁所成咁，但d bb本身溝通能力仲未可以應付自如，造就左一d大少少／霸道既bb去恰d無 ...

作者: vnghk0001 時間: 11-10-25 10:17

我都惗過比阿女讀Montessori, 但自從上完三個月playgroup, 我就改變主意，因為太自由，如果搵唔倒小學比佢，咁點算？

大家要留意如果比小朋友讀Montessori班，要適應返傳統小學係好困難的，個人覺得只上playgroup 係冇問題，如整個幼稚園時期都讀Montessori 的話，家長要搵返啲可以函接嘅小學，例如正式嘅國際學校。

作者: vnghk0001 時間: 11-10-25 10:20

補充，正式嘅國際學校並唔係一般幼稚園嘅國際班。

作者: bulo 時間: 11-10-25 11:13

monterssori 所謂既自由, 係因應個別小朋友既成長而給予, 但唔係指放緃放任
佢既theory其實好多, 其實主要關乎兒童心理及成長發展需要, 因每個人都係個體, 每個人既發展, 心理都唔同
所以課堂係比個自由空間d小朋友自己去探索, 唔係硬生生要一d根本仲係未識性既小朋友係老師/ 傳統學校既"強權"底下坐定定去硬吸知識, 但唔等於導師唔教佢地, 導師都會教小朋友坐好椅子, 起身時拍好椅子, 玩教具後要放好教具, 當然個咁細既小朋友未必聽話, 但導師係不斷重複去教, (導師比幼稚園老師更需要有耐性)用潛移默化去引導小朋友, 可能三幾個月未必有效, 因佢呢種方法係一種慢教育, 唔似得傳統既, 個小朋友唔肯做/ 做唔到 , 用罰/ 迫佢去做到為止
我like montessori原因係唔洗好似傳統學習方法, 硬生生去要小朋友做, 但無根據小朋友本身既發展, 只用大人準則去用一刀切既教法, 太過薑硬
以上只係我個人觀點, 不喜者勿插

作者: vnghk0001 時間: 11-10-25 11:37

唔係搵交嗌，大家討論吓，我係新手媽媽，我都係鍾意活動教學。
咁有冇諗過上小學問題？我心儀嘅小學係聖x 提反（赤柱），覺得佢好free ，但成1000人申請，收99個，咁唔收點算呢？就算有錢都係要考，唔可以買位，更何況大把有錢人。
香港無幾多間真正活動教學嘅學校，又多人申請，又冇外國passport入國際學校，一早送出國讀書又唔放心，咁可以點做？

作者: bulo 時間: 11-10-25 14:31

原帖由 vnghk0001 於 11-10-25 11:37 發表
唔係搵交嗌，大家討論吓，我係新手媽媽，我都係鍾意活動教學。
咁有冇諗過上小學問題？我心儀嘅小學係聖x 提反（赤柱），覺得佢好free ，但成1000人申請，收99個，咁唔收點算呢？就算有錢都係要考，唔可以買位，更何況大把有錢人。
香港無幾多 ...

救世軍採用montessori, 聽好多人講, 小朋友上到小學都無咩問題
曾經聽過ken sir講座, 佢仔女幼稚園都讀呢類自由度大, 只有玩, 又唔知佢上堂學到咩既學校, 但好似佢仔女上到聖x 提反, 而家讀書方面都無咩問題

作者: vnghk0001 時間: 11-10-25 15:14

做家長o既想子女唔會好似自己o既童年咁, 大前提係要搵倒近屋企又係活動教學, 仲要佢收先得, 而家我個女讀緊北角民生pn, 都好活動教學, 我都好想佢入倒聖x 提反或其他直資, 私立, 如果間間都唔收, 就要靠15分派入傳統學校, 唔好彩就首幾名志願都冇, 好煩呀

作者: bulo 時間: 11-10-25 15:34

我覺得反而無謂諗咁多, 喜直資私校,又afford得到咪去羅, afford唔到就要大抽獎, 都無計
個細既咩都唔識, 但佢地都感受到大人既worry同情緒, 無形中會過左d worry同pressure 比個細既, 咁就唔好啦

作者: sy1212 時間: 11-10-25 17:10

其實香港好under-developed in this area. 不過仍然有好多間montesorri preschool available. 我建議你上網SEARCH吓，同埋自已去學校參觀。我選學校既 criteria 係：

1。學校係咪以學生為本
2。location 要近屋企
3。學校要夠大（有花園）

我比小朋友讀IC，因為MEET到以上既CRITERIA。我亦安排咗參觀BC，但如果差唔多，我就會STICK WITH IC

作者: sy1212 時間: 11-10-25 17:26

另外，關於小學教學方法，我相信送子女去讀montesorri既家長一定有考慮過呢個問題。

我自已既想法係，無論讀咩學校，上小學都係另一個STAGE，都係要適應。啱啱有個活生生既例子，就係我同事個仔之前讀啓思，小學讀間名校，頭一個星期日日喊，返學前日日肚痛，放學做功課做到12點幾都做唔黎。聽落好得人驚，但好彩既係，呢個小朋友幼稚園時期好開心，個人好樂觀，結果用咗兩個幾星期就適應到。

另外有個例子，就係我自已活生生既例子。我中學讀德望，中五時見好多人死讀爛讀，結果比佢地上到中七，上到中七又係死讀爛讀，比佢入到大學，同我呢D自細 ‘活動教學’BACKGROUND既比較，佢地讀書比我花多10倍時間，成果冇我一半，而且出黎做嘢，好明顯既分別。

我覺得讀書只不過係 means to an end, 考慮既唔應該只限於適應唔適應到另一間學校，而係邊種方法能令一個人做一個人，而唔係做一部讀書機器。

個人認為， attitude 一定係幼稚園年紀去 develop, 一個人既personality, confidence, independence, self-esteem.....etc 如果都build 唔好，讀書幾叻都冇用。但如果一個人既人格 develop 得好，啱 challenge都 take 到。

我同DADDY都好肯定0﹣6歲都係放阿仔去 montesorri,小學讀國際定傳統言之過早，因為好視乎咩學校收佢。

好認同好多媽媽既講法，就係個個人既VALUE SYSTEM唔同，冇話咩方法啱定咩方法唔啱，只係自已鐘意咩方法姐！

作者: sarubuta 時間: 11-10-27 00:28

sy1212, 我覺得你講得好好

不過, 讀書用幾多時間及成效如何都要睇天資.. 有不少名校生, 又的確係又聰明又勤力的

原帖由 sy1212 於 11-10-25 17:26 發表
另外，關於小學教學方法，我相信送子女去讀montesorri既家長一定有考慮過呢個問題。

我自已既想法係，無論讀咩學校，上小學都係另一個STAGE，都係要適應。啱啱有個活生生既例子，就係我同事個仔之前讀啓思，小學讀間名校，頭 ...

歡迎光臨教育王國 (/)