教育王國

標題: 請幫手, 明年選小學，比你會點選擇 [打印本頁]

作者: annang_79 時間: 11-10-25 12:38 標題: 請幫手, 明年選小學，比你會點選擇

個仔今年四歲就讀北角某幼稚園K2, 由祖父母湊, 我每晚放工上北角家食晚飯, 假日同個仔返我葵涌家.

我是聖公會仁立小學舊生, 小一自行收生計分, 個仔會有20分; 而港島區校網也很好, 但只有15分．
如果入到仁立, 自己湊返個仔, 我要返工, 要請工人姐姐, 家庭開支增加…比你會點選擇?

作者: Master_Sam 時間: 11-10-25 12:41

先報港島小學, 收左就搬近父母.

作者: Charlotte_mom 時間: 11-10-25 12:46

講真, 你無可能將個仔交俾佢地湊一世吧! 開支大都要唸唸啦.........
港島區校網係好, 但你會考慮埋交通, 過海校車都過千的
(搬去港島咪仲重皮!)
有人會堅持唔請工人, 放學後將小朋友交去託管(有人去埋校車站接放學), 放工至接, 不過當然媽媽就要湊仔煮飯執屋一腳踢了, 你亦要EXPLORE下校巴路線, 屋企附近有無呢D功課班等等

[ 本帖最後由 Charlotte_mom 於 11-10-25 12:47 編輯 ]

作者: Wendy212 時間: 11-10-25 12:46

如果係我, 我會選擇返葵涌, 長遠嚟計, 佢係你個仔, 現在唔跟, 遲d都一定跟返你, 否則沒有人跟功課溫黙書, 大d上中學唔通仲跟住阿嫲咩! 一係就你兩公婆搬去阿嫲附近住.

作者: Master_Sam 時間: 11-10-25 14:30

第一: 好既小學係好重要, 尤其是接到中學果d.

第二: 請工人比唔少錢同精神, (請到衰工人唔計), 4000個月+保險+回程機票+有薪大假(2年約滿14日)+食+住(地方要大d,水,電費都貴d), 有人計過每月多7000.

第三: 依家d小學好多課外活動 (唔係唐唐果d), 又多家長會, 家教會活動, 放學時間可以天天不同. 病左又跟指引留起屋企幾日, 邊個得閒睇住個細路食藥. 唔搬近d學校係冇可能. 搬近自己父母就放心多d. 寧願自己返工辛苦d都難免.

捱多幾年細路大就唔洗父母幚, 到時可能要掉轉頭睇住父母. 搬近d都好.

歡迎光臨教育王國 (/)