教育王國

標題: 這個星期真係好難受 [打印本頁]

作者: junkfood 時間: 11-11-4 17:55 標題: 這個星期真係好難受

從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本好難入, 又可能遲一日收呢!

今個星期三, 終於收到wkf既reject letter, 等了又等, 終於等到.... 小朋友in 完出黎, 佢有2張貼紙, 又話老師讚佢, 好多朋友有2nd in, 但我又無....

今個星期四, 收到播道既reject letter, 唉, 個日老師同我地傾左好耐, 返課室接小朋友時, 得番佢一個, 點解又係reject? waiting都唔俾....

今日到pk, 又係無2nd in, 我真係想知, 我小朋友係咪真係咁令老師討厭, 面試時好頑皮, 好無禮貌呢??我認識既佢唔係咁架, 點解連waiting 都無, 還是我真係唔識教佢, 教得好差....

我雖然唔係有錢人, 但我已經將可以俾既都俾了小朋友, 係九龍塘所謂有名既幼稚園讀書, 由兩歲開始幫佢安排不同類型既課外活動, 假期安排親子活動, 雖然以上都係微不足道, 又或者係好普通, 但點解全部都係reject??waiting都無........

unluckily, 我識一個朋友同我一樣報了10間, 佢間間都有offer/2nd in...點解?????????

作者: palmchristy 時間: 11-11-4 18:05

收咁多reject真係幾難受.
希望在人間. 往後可能會有好消息的.

作者: 仕澄母 時間: 11-11-4 18:09

我個囝都是全部7間Reject,連2nd In都無，真是什麽世界呀

作者: Ving 時間: 11-11-4 18:14 標題: 回復 1# junkfood 的帖子

其實我覺得lee個考學校面試遊戲主要是一命二運三風水，以前吾信，而家信晒。

作者: gtgy 時間: 11-11-4 18:44 標題: 回復 1# junkfood 的帖子

面試結果有好多主觀同客觀因素嘅，唔好太怪責自己同小朋友，比D正能量你，think positive。

作者: ha! 時間: 11-11-4 18:48

提示: 作者被禁止或刪除內容自動屏蔽

作者: sytw 時間: 11-11-4 19:52

雖然我有2nd in，但之後不停收到其他學校既reject信後，仲要最心儀既都reject左，心情down足兩星期！不過down完之後都係要繼續個game，可以做既就係用所有方法理由去令自己好過d，呢幾日開始諗通左唔少，始終而家係d學校揀我地，佢地用咩標準咩原因我地都唔知亦控制唔到，如果我地既小朋友係叻而佢地無揀到係佢地走寶，而如果小朋友資質一般俾佢入到去都未必係好事！眼見俾我仔叻既都一樣收到reject，我仲可以講咩。

作者: 無氣同你講 時間: 11-11-4 21:37

原帖由 junkfood 於 11-11-4 09:55 發表
從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

只可以嘆一句: 你好黑!

我雖冇喊, 但失眠左三天，個樣衰到無人有，我相信這個星期，好多父母都好難過。

快樂的只有少數，所以你並不孤獨。

[ 本帖最後由無氣同你講於 11-11-4 13:44 編輯 ]

作者: twobirds 時間: 11-11-4 22:29

我都深有同感，亦因此開始係度留言...
讓自己情緒冇甘抑鬱。
冇錯，這是一個挫折，另人難受。但係，挫折另人學識謙卑，謙卑才懂得同情，同情另人善良，善良顯得高貴.除學識外，還有重要既東西，好既學校並非人生的一切，即使我們的仔女係起跑線跌左，咁又點喔，爬起身，再來過！

作者: palmchristy 時間: 11-11-4 22:49

呢個遊戲可以增進大人同小朋友的抗逆力.

作者: celinapang 時間: 11-11-4 23:17

正如老師話, 考唔到唯有等大抽獎, 考到什麼學校都無所謂, 到正式讀小一時, 靠實力再叩門插班入小二., 積極D正面D面對吧.... 我跟你一樣, 1個OFFER都無.....

作者: Aerosol_Ma 時間: 11-11-4 23:28

我也很明白你的心情和感受到很大程度上是靠運氣。我小兒是資優生。英文是中上上，數學加減乘除都識。我apply了SFA。很多人說它很喜歡收資優生。所以我想機會不少。而且家長們說它interview啲問題很學術。First In 問小朋友他說７題識６條。我心想有Second In機會不少。點知最後REJECTED。這是一大打擊。而且也再多收了２封RL。看了明報說學校其實不喜歡收資優，怕他們難教喎！

作者: 無氣同你講 時間: 11-11-4 23:49

原帖由 Aerosol_Ma 於 11-11-4 15:28 發表
我也很明白你的心情和感受到很大程度上是靠運氣。我小兒是資優生。英文是中上上，數學加減乘除都識。我apply了SFA。很多人說它很喜歡收資優生。所以我想機會不少。而且家長們說它interview啲問題很學術。First In 問小 ...

真係佢講曬架，點講都得，調返轉黎講都仲得，做家長既我地係無所適從，所以都係相信返分數啦，智能測驗好，升中試好，會考好。

ＢＴＷ，我都係資優架，年幼時成績好，但教到父母氣咳，因為唔係咁多人明我地諗咩，成日比人誤解，漸漸脾氣會變得古怪，如果冇遇到真正有愛心，有智慧既賢師，仲好可能會變得自暴自棄添呀。

[ 本帖最後由無氣同你講於 11-11-4 15:52 編輯 ]

作者: Pkceddie 時間: 11-11-5 00:29

你哋唔好灰心同唔開心只怨教育制度不好,我同我小朋友每天都析檮畀上天安排，為咗小朋友心机不比你們小,興趣班畀身邊家人話學咁多嘢,5歲搬咗4次屋太出名學校直資私校都怕自巳應付不來,中上先報7間中咗1間離家遠之前只想試吓,連留位都冇去,一星期內不斷掙扎去番學校問番畀回之前位我就補回點知越來越喜歡的。另一間2nd但冇想下星期in因巳有一間夠啦,情願機會留畀冇着落小朋友。
祝大家好運

作者: laiyuen 時間: 11-11-5 00:34

坦白講，呢個遊戲真係完全靠連，因為面試只有最多一個鐘，但佢地要從千幾二千人裏面選一百個學生，當中如有唔符合既有500個，都仲有千幾人要screen，咁唔靠運靠咩呢？今個星期我都收到一間學校既reject信，其實in完我都幾有信心可以入到，因為我個仔話佢全部識答，而其實我係識入面一個老師，interview之後我都有同個老師傾過計，佢都話照我個仔講咁應該都好大機會入到，但結果都係唔得。所以我相信可能另外嗰一千個小朋友都係答得咁好，所以入唔到都無計。
希望樓主知道就算唔得都未必關你或你個仔事，只係太多人去箏太少位。就算入唔到DSS咪大抽獎囉，我相信只要你繼續同你個仔同行，努力裝備，他日佢都一定可以有好好既前途。加油呀！

作者: gowgowgow 時間: 11-11-5 02:26

Feeling shortness of breadth, dizziness, hard to sleep, eyes dried for the whole week so i saw the doctor this morning. He said that I am having severe anxiety!!! I am not sure if I can contine to be like this till June or even September

作者: 090606 時間: 11-11-5 03:16

我都覺收阿仔的reject letter, 傷過收自己的. 第一次收reject letter, 真是好down! 我都想問呢個遊戲點玩? d學校只想收d好教的學生! 咁活躍的男生呢 ?!

作者: swedmond 時間: 11-11-5 06:59

大家唔好甘唔開心啦，有無學校收好多原因，到目前為止我個仔有offfer, waiting, reject.........

有啲認為唔得嘅又竟然得咗........

所以順其自然啦，唔一定要讀名校先可以成功.........

作者: Ewongmum 時間: 11-11-5 08:17

我十分明你的心情, 因為我囡囡都接連收到reject letters, 先前繪畫, 朗誦, 數學等等比賽都拿冠軍, 國際賽事都有, profile 寫得靚靚都reject. 過往節衣縮食, 全數給小朋友, 現在換來""reject"...

識得一個朋友, 什麼都"求其",她小朋就有2nd in (仲係我心儀個間),而我個小朋友就reject, 跟住這朋友問我"點解好個間就有2nd in, 無敢好個間就無2nd in ?" 結果我哭了一場....

最後我想通了, 這是一場長跑, 未到終點未知誰是贏家, 你已經做得好好, 堅持努力, 亦在此向各位收到reject letter的父母打氣, 加油, you never know what happen next......

原帖由 junkfood 於 11-11-4 17:55 發表
從來都無係度留言, 因為真係好怕打字, 但係連續四日被人reject, 真係好
難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

作者: junkfood 時間: 11-11-5 09:11

非常多謝大家既鼓勵及分享!! 你地真係好好!!

說真的, 我開始死心了, 我諗我唔會明年6月再叩門/小二插班/中一再黎過, 因為我真係無能力去幫我小朋友, 我唔識寫叩門信, 唔知參加那些課外活動去幫助佢突出重圍, 過去幾年, 用了很多心血, 但都徒勞無功...

我唔係放棄自己既小朋友, 我好愛佢, 但我只懂做最基本的, 讓他均衡發展...其他的順其自然吧!

作者: Yanamami 時間: 11-11-5 09:23 標題: 回覆 1# junkfood 的文章

叩門信不一定要英文的, 主要是感情真致誠懇.

作者: palmchristy 時間: 11-11-5 09:52

原帖由 Ewongmum 於 11-11-5 08:17 發表
我十分明你的心情, 因為我囡囡都接連收到reject letters, 先前繪畫, 朗誦, 數學等等比賽都拿冠軍, 國際賽事都有, profile 寫得靚靚都reject. 過往節衣縮食, 全數給小朋友, 現在換來""reject"...

識得一個朋友, 什 ...

想通就好了. 以你囡囡取得咁多獎項, 好肯定係叻女, 將來必定有很好的發展. 是長遠的贏家.

只是, 學校取錄學生時, 這些獎項的重要性不會太高. 始終要睇"當日"孩子的面試表現和給老師們的印象.

作者: ilj 時間: 11-11-5 09:54

提示: 作者被禁止或刪除內容自動屏蔽

作者: 犖犖 時間: 11-11-5 10:21

我兒也是資優生，我不是家校會成員，但校長也給我兒寫推薦信，可是報六間（還有一會兒去培正）rejected 五間，全沒有第二輪面試，這就令我們有點心灰。思前想後，相信是紀律不夠好，禮貌不太周到。原本不想給小朋友太多限制，但學校選擇學生，二、三千人揀選二、三百人作第二輪面試，任何細微瑕疵都可能會是不入選的原因。

因此，除了檢討做得不好的地方作改善外，過份自責也於事無補。在此勉勵大家要放眼將來，你過份自責，傷心失望，這些都會被你子女一一看在眼內。你想將這些不快事植入你子女記憶中，影響他的成長嗎？

作者: palmchristy 時間: 11-11-5 10:23

原帖由 junkfood 於 11-11-4 17:55 發表
從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

你是一個盡責的好母親, 把最好的都給了你的孩子, 為孩子作了很好的準備.

只是孩子被學校取錄與否, 絕大部份取決於當日的面試表現和給老師們的印象. 而孩子當日的面試表現和給老師們的印象, 是取決於很多因素.

有人說全靠運氣, 也有一定道理, 因為孩子要得到學校的欣賞, 除了智力和事前準備這些家長可以協助的因素, 還有很多家長未必直接幫助到的因素. 包括:

1. 心態: 孩子自己的鬥心
2. 心情: 孩子該段時間的心情, 近日是否因為太多煩惱事, 又或因面試而有壓力
3. 狀態：昨天晚上睡得好不好, 當日精神怎樣, 是否肚餓口渴想去廁所
4. 環境: 校園給孩子的感覺, 班房是否太冷, 一同考的學生有沒有影響到孩子
5. 性格: 孩子是否容易緊張, 面對陌生人時的談吐怎樣
6. 其他...

孩子的心情, 最難掌握. 誰知他昨晚有沒有發惡夢? 這兩晚我女兒都發惡夢夢醒大哭. 如果今日要面試就大件事了.

既然有這麼多不能掌握, 又難以改變的因素, 又何必因為學校見不到孩子最美好的一面而影響心情, 甚至放棄努力呢? 將來升小學後, 要面對的挑戰更多更大, 無須因為今天的陰雨, 否定明天的陽光.

其實也無須迷信私小/直資. 那些學校一樣有能力不足學生的.

很多官津都有優秀生. 我見過某校有品學兼優生, 除了成績好, 更為學校取得得多獎項, 又在小學畢業前多種管弦樂器及鋼琴均取得7-8級. 相信很多名校生也未必做到.

不如想想如何在未來一段時間, 留意孩子的進步, 欣賞他的努力, 培養他的良好學習習慣, 提升他的閱讀興趣和能力. 這樣即使在官津小學, 取得理想成績, 成為多才多藝的好學生, 絕對不成問題.

作者: Ving 時間: 11-11-5 10:23

其實有時我都諗吾通，又話一間學校要吾同的學生，有d讀書叻，有d運動叻，有d音樂叻，有d就出外比賽叻。但如果用interview十分八分鐘見幾個小朋友而決定收定吾收，錦我覚得你上幾多課外活動，攞幾多獎都冇用，因嗰十分鐘老師用一個主觀標準決定一切。某程度如一學校講明吾收portfolio仲好，因吾使有希望。

作者: palmchristy 時間: 11-11-5 10:39

原帖由 ilj 於 11-11-5 09:54 發表
睇晒大家既留言,好有同感,這一兩個月真的不好過,過去幾年既安排,心機,換黎只有拒絕信,連後補都無,有時會諗,真係咁差咩?不過我相信唔係佢差,係太多人去考,睇佢唔到姐.

唔開心無心機呢個月日日都係,都無補於事,我地既 ...

同意. 4000人選200人, 即是5%. 點知學校睇唔睇
到咁清楚?

其實得到offer的來來去去都是呢200人. 六月後大把位放出來啦. 到時分分鐘reject左都可以靠誠意去敲門. 是有成功例子的.

至於證書同比賽, 主要是用來增進孩子的自信, 除非取得全港甚或國際大賽獎項. 否則作用有幾大, 大家心裡有數.

回想當年, 大女只有一張"圖書館閱讀金獎證書, 證明佢過去一年睇左100本書. 除此以外, 乜證書都無. 我又唔覺因此影響到學校對佢的印象.

有個別二線學校可能覺得個別學生表現太優秀, 入讀機會不大, 不如比機會其他人. 所以reject信同學生水準未必有直接關係.

作者: ilj 時間: 11-11-5 10:43

提示: 作者被禁止或刪除內容自動屏蔽

作者: chanshing8020 時間: 11-11-5 11:11

撐你!！！

原帖由 junkfood 於 11-11-5 01:11 發表
非常多謝大家既鼓勵及分享!! 你地真係好好!!

說真的, 我開始死心了, 我諗我唔會明年6月再叩門/小二插班/中一再黎過, 因為我真係無能力去幫我小朋友, 我唔識寫叩門信, 唔知參加那些課外活動去幫助佢突出重圍, 過去 ...

作者: junkfood 時間: 11-11-5 12:33

係, 我要努力揮走負面情緒, 唔好影響小朋友!!

作者: Bcat 時間: 11-11-5 15:45

提示: 作者被禁止或刪除內容自動屏蔽

作者: Bcat 時間: 11-11-5 15:46

提示: 作者被禁止或刪除內容自動屏蔽

作者: don 時間: 11-11-5 16:32

身同感受, 我真係好驚報咁多間, 收足咁多間reject 信, 到而家我一個2IN都無...好徬徨, 好想喊

作者: jojoplanet 時間: 11-11-5 17:52

原帖由 Ewongmum 於 11-11-5 08:17 發表
我十分明你的心情, 因為我囡囡都接連收到reject letters, 先前繪畫, 朗誦, 數學等等比賽都拿冠軍, 國際賽事都有, profile 寫得靚靚都reject. 過往節衣縮食, 全數給小朋友, 現在換來""reject"...

識得一個朋友, 什 ...

正確...+ 只小朋友己盡咗力..係我地父母目心中己係冠軍

作者: lovegirlslove 時間: 11-11-5 17:53

我之前連收4封REJECT信, 我有一刻懷疑過自己係咪操不夠我的小朋友, 是否催谷他太少(小朋友只參加芭蕾舞班同英文班), 係咪要不停增值小朋友, 一早同佢操認過千中/英文生字, 我不斷反覆問點解, 點解...

我地根本不知道D私小/直資收生標準, 好徬徨.

跟住感恩的, 在這兩天連收2封ACCEPT + 1個2nd In..

所以未到最後, 大家不要沮喪, 可能呢2個星期會有好消息.

作者: twobirds 時間: 11-11-5 18:32

今天最難受，因為亞仔超級無運行！
首先，我老公渣車入錯隧道，係九龍城又遇塞車，臨考前半小時，我同亞仔唯有落車打算搭的士，狂跑三個街口，入直路，才截到的士，終於趕在考試前到。精神緊張到頂點！相信這份情緒已影響到亞仔！
到考完試出來，問亞仔考成點，答案另我心情跌落谷底，一條好容易的計數題，他竟然答錯了，和平時判落兩人。考試全部是學術問題，中英數各問一條，亞仔衰左數學，衰在他最叻的科目，我諗極都唔明，平時心算2位乘數都識計，自己又中意左計右計，點解會如此失手？若衰在其他科目，我未至咁難受啊。
我唯有嘆一句亞仔今次真係冇運行

作者: 無氣同你講 時間: 11-11-5 18:59

原帖由 twobirds 於 11-11-5 10:32 發表
今天最難受，因為亞仔超級無運行！
首先，我老公渣車入錯隧道，係九龍城又遇塞車，臨考前半小時，我同亞仔唯有落車打算搭的士，狂跑三個街口，入直路，才截到的士，終於趕在考試前到。精神緊張到頂點！相信這份情緒已影響到亞仔！
到考完試出 ...

唯有咁諗啦:橫掂表現好都唔一定收，咪試下表現唔好，樣樣試下嘛，或者收呢。。。

作者: twobirds 時間: 11-11-5 19:08

你呢個另類的安慰，我好受落啊！不過呢間學校注重學術，又點會有呢個奇蹟啊!?

作者: 無氣同你講 時間: 11-11-5 19:18

原帖由 twobirds 於 11-11-5 11:08 發表
你呢個另類的安慰，我好受落啊！不過呢間學校注重學術，又點會有呢個奇蹟啊!?

有個媽媽話，佢個女去SFA面試，資優加答中曬Ｄ問題，SECOND IN都冇行，咁SFA唔係出名鍾意資優同學術架咩?

咁你話啦。。。。點解？點解？？？？？？？？

所以我覺得你好大機會。

或者Ｄ學校食得魚刺多，好悶（即係個個細路都嚴陣以待，成熟世故，能力超卓），突然改變左方針，想要Ｄ正常發展同埋有童真既世路。

ＨＥＨＥ，你永遠唔會知佢地想點既。。。。。

作者: BabyHilary 時間: 11-11-5 19:34

囝囝雖然有3個2nd in機會,
但暫時未有offer, 所以仍未可以安心,
大家一齊努力!

另外, 請問小一面試時已確定資優的小朋友,
是否上年年尾的大大仔, 已足6歲?
因為wisc-4要足6歲先可以做!
今日兒童心理學教授建議我同囝囝做測試,
因為要搵適當資優課程去正確培育,
但囝囝先剛剛5歲1個月大!

作者: twobirds 時間: 11-11-5 19:38

哈哈，亞仔安慰返我"考唔到就抽啦，唔好再講呢件事，唔係聼曰就會冇氣"即係叫我慳返淡氣...
見他氣定神閒，無動於衷，依舊嘻嘻哈哈...我真係自嘆不如！
攞苦的，原是我們自己。考完，就擺埋一邊，不去諗了。
無氣同你講，多謝你的安慰啊！

作者: 式柔 時間: 11-11-5 19:57

原帖由 junkfood 於 11-11-4 17:55 發表
從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

我講講我既個案妳知。我住新界北區, 個女只係讀唔出名既幼稚園, 佢係細女。我地冇畀個女學乜野課外活動, 但個女幾聰明, 幼稚園年年得獎, 最尾一年得埋全級大獎。不過可惜, 報左7間直資/私立, 幾乎全軍覆沒, 最後有一間名氣一般既直資waiting, 等到第二年6月先2nd in, 最後有offer。

當時我心情都係咁差, 冇理由個女咁唔掂, 佢真係幾聰明同活潑, 係咪因為佢係細女? 係咪因為佢冇乜野cert? 封封都係reject信, 好似人間地獄一樣, 懷住極down既心情, 但好彩後來有直資收左。

佢讀左直資小學兩年, 都名列前茅, 所以我地幫佢嘗試轉校, 考入而家香港最出名既小學之一(唔想開名, 總之係打崩頭年年見報), 當年冇考慮過咁top既學校, 係因為成日聽人講好難入, 競爭好大, 但兜兜轉轉, 個女入左。而家成績都幾高。

我想講既係, 考小一呢個階段, reject其實未必係絕路, 你永遠唔知前面會係點, 最壞打算係入左一間普通D既學校, 到小二甚至小三再嘗試插班心儀學校, 未必係冇可能。當然成績keep好D, 對轉校有好大幫助。

我感覺係因為我個女係細女, 又冇cert, 又唔係名幼稚園出身, 好多小學已經睇低一線, 其實我一直知個女係聰明, 但見到咁多reject時都真係有灰心難受, 覺得自己個女好似變成地底泥咁, 真係咁差咩, 而家隔左三年我已經釋懷: 唔好因為呢場遊戲而灰心, 唔好對自己仔女失去信心, 有好多時只係運氣, 塞翁失馬焉知非福。

希望我既個案可以令大家冇咁灰, 仔女既潛能可能上左小學發揮出黎, 到時仲有機會轉校。

作者: 無氣同你講 時間: 11-11-5 20:20

原帖由 twobirds 於 11-11-5 11:38 發表
哈哈，亞仔安慰返我"考唔到就抽啦，唔好再講呢件事，唔係聼曰就會冇氣"即係叫我慳返淡氣...
見他氣定神閒，無動於衷，依舊嘻嘻哈哈...我真係自嘆不如！
攞苦的，原是我們自己。考完，就擺埋一邊，不去諗了。
無氣同你講，多謝你的安慰啊！ ...

大家互相支持，共渡難過。^^

作者: 無氣同你講 時間: 11-11-5 20:20

原帖由式柔於 11-11-5 11:57 發表

我講講我既個案妳知。我住新界北區, 個女只係讀唔出名既幼稚園, 佢係細女。我地冇畀個女學乜野課外活動, 但個女幾聰明, 幼稚園年年得獎, 最尾一年得埋全級大獎。不過可惜, 報左7間直資/私立, 幾乎全軍覆沒, 最後 ...

THANKS

作者: cramimi 時間: 11-11-5 20:38

我都係不停等不停等, 日日係屋企街都唔敢出等郵差黎派信........個個都話我個仔好smart,好醒目,依家個個都大跌眼鏡。
我成副心機成副心血放晒落佢身上, 結果2nd in都無....失落感係從來未試過咁大!
依家等自行分配派位, 希望唔好再失望啦....

作者: jimling502 時間: 11-11-5 20:42 標題: 回覆 42# 式柔的文章

真係多謝你的分享!看了之後我忍不住眼淚又咗流出來,雖然為咗個仔reject及冇間學校收,都唔知喊咗幾多次.....但這次睇咗你的分享是高興的喊落來

我的case與junkfood一模一樣,最中意的學校連2nd in都冇,簡直就好似將我打入十八層地獄一樣痛苦,佢地唔係話明中意收聰明活潑,有創造力,講嘢叻的小朋友嗎?我仔全部符合,1st表現都幾好啊!反而朋友仔靜得話都唔多句有2nd in?down到谷底

聽到你現身說法,終於真的相信,希望在人間,類似的故事我聽過,但都是朋友的親戚,或是朋友的朋友,我始終覺得是聽故事,不是真的,再次多謝你,我會繼續努力永不放棄

各位目前仲失意的家長都要加油啊!我不放棄你地都唔好放棄,希望在明天(年)

作者: chelsealam 時間: 11-11-5 20:45

原帖由 gowgowgow 於 11-11-5 02:26 發表
Feeling shortness of breadth, dizziness, hard to sleep, eyes dried for the whole week so i saw the doctor this morning. He said that I am having severe anxiety!!! I am not sure if I can contine to be ...

take a good care of yourself first, leave it to god/ 上天, they will find a suitable school for your kid, just may not be this moment/ stage.

作者: 式柔 時間: 11-11-5 22:33

原帖由 jimling502 於 11-11-5 20:42 發表
真係多謝你的分享!看了之後我忍不住眼淚又咗流出來,雖然為咗個仔reject及冇間學校收,都唔知喊咗幾多次.....但這次睇咗你的分享是高興的喊落來

我的case與junkfood一模一樣,最中意的學校連2nd in都冇,簡直就好似將我 ...

唔好喊啦, 我就係想你振作D, 我都試過呢個階段, 雖然我冇喊但係好灰心咁, 自己既寶貝呀, 好似變左好差咁, 人人都唔要

我從來冇用真實身份同識既人講咁多, 唔想識既人知道, 覺得曬命, 平日個女出左幾好成績, 人地問都係要謙遜咁答幾好啦, 過得去啦, 總之最好唔好講咁多, 唔好樹大招風.

但回想當日個女都係waiting, 入左學校讀書係可以頭幾名, 你就會明白我感受, 面試唔會係好準確既評估, 一個面試睇到小朋友潛能有幾多? 係咪真係睇得準? 就算五六七間面試, 都唔包保一定有伯樂睇到你小朋友係千里馬.

我大膽講一句, 父母就係孩子最佳既伯樂, 只有父母陪住小朋友長大, 佢地先係最了解清楚自己小朋友特質既人, 其實小朋友最緊要乖, 人品一定係行先, 讀唔讀到書係其次, 我地係人唔係神, 每個人讀書天份有高低, 但最緊要教我地小朋友做乖寶寶, 我口邊成日講一句話(當個女駁嘴時就會鬧): 俾妳讀書全部A年年拎第一, 如果品行差都冇用, 每個人一定係品行行先, 長大後就算係碩士博士, 但係人品下流, 傷風敗德, 只會係一件垃圾, 仲差過一個成績唔特出但善良有品德既人.

做阿媽咁講會唔會好惡? 但我係咁同個女講.

作者: BabyHilary 時間: 11-11-5 23:33

100%同意! 我都係咁教個仔架,
會問佢一個科科A但冇禮貌唔專重人嘅小朋友,
同一個有A有B但有禮貌又有教養嘅小朋友,
如果你係校長會收邊個去你學校讀書?
今日又假設佢係老闆,
2個人黎見工, 一個名校畢業成績滿分,
但早晨都唔講, 坐到大爺咁, 講野唔望人；
另一個普通學校, 成績中等但言行舉止有禮,
有eye contact, 說話態度良好, 你請邊個?

以上2個問題佢都答選擇後者,
雖然佢未做到, 但我相信keep住向種子淋水,
曬太陽同定期施肥, 呢盤植物將來一定唔太差!

原帖由式柔於 11-11-5 22:33 發表
我口邊成日講一句話(當個女駁嘴時就會鬧): 俾妳讀書全部A年年拎第一, 如果品行差都冇用, 每個人一定係品行行先, 長大後就算係碩士博士, 但係人品下流, 傷風敗德, 只會係一件垃圾, 仲差過一個成績唔特出但善良有品德既人.

作者: 式柔 時間: 11-11-5 23:59

原帖由 BabyHilary 於 11-11-5 23:33 發表
我相信keep住向種子淋水,
曬太陽同定期施肥, 呢盤植物將來一定唔太差!

正是!

當我睇到咩博士生去援交, 碩士生去偷拍裙底春光....

我寧願自己既小朋友係普通人. 讀書如果讀到咁唔駛恨, 已經走歪路, 聰明反被聰明誤。

作者: 長生不老 時間: 11-11-6 00:08

提示: 作者被禁止或刪除內容自動屏蔽

作者: 式柔 時間: 11-11-6 00:21

原帖由 長生不老 於 11-11-6 00:08 發表
你估10多分鐘就可以分出那個小朋友是精英, 真係發夢 , 幾千個學生老師見都見到眼花啦 , 筆試啦! 就可以知道邊個叻d了, 所以教局一直都嚴禁筆試 .

私校係咪可以筆試?

作者: BabyHilary 時間: 11-11-6 00:21

但單單筆試係睇唔到學生反應同表達能力!
有可能收左一d成績滿分(什至超班), 但企出黎唔敢講野,
不善應對, 難以溝通, 又或者冇禮貌, 態度唔好嘅考生!
that's why入學須要面試而非考試!

之前聽過一個老師話學校寧可收一個學術成績普通,
但理解同表達能力好, 聽指令, 會動腦筋嘗試嘅小朋友!

原帖由 長生不老 於 11-11-6 00:08 發表
你估10多分鐘就可以分出那個小朋友是精英, 真係發夢 , 幾千個學生老師見都見到眼花啦 , 筆試啦! 就可以知道邊個叻d了, 所以教局一直都嚴禁筆試 .

[ 本帖最後由 BabyHilary 於 11-11-6 00:29 編輯 ]

作者: hyatt 時間: 11-11-6 00:25

原帖由 twobirds 於 11-11-5 19:08 發表
你呢個另類的安慰，我好受落啊！不過呢間學校注重學術，又點會有呢個奇蹟啊!?

yes, 答錯唔一定衰的，KTS便是活生生的好例子，所以答啱哂都不要抱太高期望，這是我的體會，失望皆因有期望。

作者: 長生不老 時間: 11-11-6 00:37

提示: 作者被禁止或刪除內容自動屏蔽

作者: 無氣同你講 時間: 11-11-6 01:33

原帖由 長生不老 於 11-11-5 16:37 發表
咁升中就唔使呈分啦! 考大學就唔使會考 ,高考 ,文憑試啦! 全部面試搞店 .

ＨＡＨＡＨＡ，笑左！

我都唔明，點解學到野唔重要，反而應對變成最重要，咁學校做咩仲要校訓？

唔乖，唔識應對，怕醜唔可以教既咩？

我曾經做過SALES, 係上門CALL客果種, 第一次係客人門口驚到企左30分鐘先敢入去, 一入到去一輪咀咁講, 然後個客好唔好意思咁同我講: 佢真係聽唔明我講咩,可唔可以再講一次? 我果次面紅都去背脊......到而家, 我見客如食生菜, 幾難既問題都可以解答到...

咁點解, D學校會認為一個5YR OLD既細路冇得教,冇得改?

SMC既校訓係: 明德新民, 止於至善

意思都話人性本善, 咁有咩係教唔到? 讀唔成書就話教唔到者......咁要校訓黎做咩?

作者: im_csb 時間: 11-11-6 08:00

大家一起努力, 小朋友只得五歲多, 我個個都未足五歲, 過去幾年的努力不只是為今次的interview, 而係為了小朋友日後成長, 雖然rejected, 不要看輕自己的努力

作者: kls12 時間: 11-11-6 09:27

原帖由 hyatt 於 11-11-6 00:25 發表

yes, 答錯唔一定衰的，KTS便是活生生的好例子，所以答啱哂都不要抱太高期望，這是我的體會，失望皆因有期望。

可否詳述KTS的好例子?

謝謝

作者: BabyHilary 時間: 11-11-6 10:17

當然要考試啦, 唔係點知學左幾多? 我絕對支持傳統考試, 所以我個仔都讀傳統要默書測驗嘅幼稚園! 不過除左學術, 思考應對表達同樣重要, 如果單單重視成績咪有機會造成近年講嘅高分低能? 幾千人可以選擇, 學校當然揀全面嘅考生, 只係不同學校對學術成績, 才藝及攞獎能力, 理解應對etc嘅priority唔同!

原帖由 長生不老 於 11-11-6 00:37 發表
咁升中就唔使呈分啦! 考大學就唔使會考 ,高考 ,文憑試啦! 全部面試搞店 .

作者: mw7183 時間: 11-11-6 11:51

大家平常心啦,自己都已經盡左力,(我都系一間都無)我老公有時問我個仔系唔系咁差.我唔應同,有時可能會睇好多野,如家庭環境果啲,我覺得都會睇埋,所以唔收最多去大抽獎,唔會無書讀.我自己系咁諗.放鬆啲,唔需要唔開心,上天已經安排左一個學校比小朋友.加油.

原帖由 BabyHilary 於 11-11-6 10:17 發表
當然要考試啦, 唔係點知學左幾多? 我絕對支持傳統考試, 所以我個仔都讀傳統要默書測驗嘅幼稚園! 不過除左學術, 思考應對表達同樣重要, 如果單單重視成績咪有機會造成近年講嘅高分低能? 幾千人可以選擇, 學校當然揀全 ...

作者: 無氣同你講 時間: 11-11-6 13:45

原帖由 BabyHilary 於 11-11-6 02:17 發表
當然要考試啦, 唔係點知學左幾多? 我絕對支持傳統考試, 所以我個仔都讀傳統要默書測驗嘅幼稚園! 不過除左學術, 思考應對表達同樣重要, 如果單單重視成績咪有機會造成近年講嘅高分低能? 幾千人可以選擇, 學校當然揀全 ...

等我插下咀先。

佢既意思就係（其實係我既意思），單單咁短時間係冇可能評估到個細路得唔得，因為全憑運氣。咁不如考筆試好過。

因為你已得到，所以字裡行間自信滿滿，當然覺得學校有慧眼。

但係呢度就係有好多，自知已訓練到個仔／女全能當然包括’人格’，可能訓練仲唔少過你都考唔到學校，先灰到話不如考筆試啫。

你唔好真係以為我地冇教人品，應對，獨立思考先得架。

作者: BabyHilary 時間: 11-11-6 14:09

我並未得到, 已經講過暫時未有offer!
我冇話任何人冇教人品應對wor,
請唔好誤會, 我所有發言都善意架!
只係唔同意淨考筆試係最公平咋!

由考幼稚園到搵工, 幾時都講天時地利人和,
我都經歷過囝囝考K1所有問題唔難,
但佢10問9唔應, 問佢頭佢指鼻, 結果當然rejected!
亦試過個女答哂所有問題, 唱3首歌但只有waiting!
今年我囝囝一開始就比一間普通小學rejected,
當時心唸...唔太多人考嘅都連waiting機會都冇,
之後嗰d點算? 唯有安慰自己每間學校想要嘅唔同,
大家唔好放棄, 繼續努力!

原帖由 無氣同你講 於 11-11-6 13:45 發表

等我插下咀先。

佢既意思就係（其實係我既意思），單單咁短時間係冇可能評估到個細路得唔得，因為全憑運氣。咁不如考筆試好過。

因為你已得到，所以字裡行間自信滿滿，當然覺得學校有慧眼。

但係呢度就係有好多，自知已訓練 ...

[ 本帖最後由 BabyHilary 於 11-11-6 14:11 編輯 ]

作者: 無氣同你講 時間: 11-11-6 19:46

原帖由 BabyHilary 於 11-11-6 06:09 發表
我並未得到, 已經講過暫時未有offer!
我冇話任何人冇教人品應對wor,
請唔好誤會, 我所有發言都善意架!
只係唔同意淨考筆試係最公平咋!

由考幼稚園到搵工, 幾時都講天時地利人和,
我都經歷過囝囝考K1所有問題唔難,
...

大家發表下意見啫，我都冇惡意，所有天下父母互免之，謝謝！

歡迎光臨教育王國 (/)