教育王國

標題: 調查指小學教師普遍認為融合教育拖慢教學進度 [打印本頁]

作者: pocoyo123 時間: 11-12-6 23:58 標題: 調查指小學教師普遍認為融合教育拖慢教學進度

教育評議會以問卷訪問一百八十名小學教師，大多認為融合教育拖慢教學進度，難以兼顧不同類型特殊教育需要的學生；有半數受訪者認為，教育學院提供的培訓，可以幫助教師處理有關學生的問題。
教評會建議教育局，加強特殊教育的師資培訓，減少融合班的人數，為學校提供教育心理學家，協助處理教師專業能力以外的問題。

香港有咁嘅教師,我地D小朋友可以點樣, 完全對香港教育失望

作者: ababymami 時間: 11-12-7 01:17

老師只當教育是一份工，一份有很多假期的工。對於小朋友沒有心。如果小朋友稍有小小問題，(可能是ADHA, 或A仔，甚至是資優)，只要可能增加工作量，就用很多籍口，不想教。莫講話小學，幼稚園巳是如此。搞到我哋的家長很大壓力。學校及老師對我哋小朋友又歧視。我認識S位一位小朋友，他已在S位受訓三年，是S位中好學生，沒有情緒問題，認知能力各方面都不錯，可以講乖過很多小朋友，但他想申請明年重讀K3，郤到處碰壁。雖然面試表現好，但都沒有學校收。不是REJECT就是等消息。中心主任亦努力幫他找學校，但一打電話去問，話是某某中心出來，便被告知無位，現時他搞到要跨區找幼稚園，仍未找到。

我都對香港的教育失望，現時老師對小朋友沒有半點包容，小朋友只要是有丁點問題，學校一句我們沒有資源處理這樣的學生，就想將一切麻煩掃出門外。有些學校師生比例低至1:6 或1:7，都話自已沒有資源。更有些聲稱自已很有愛心的宗教學校亦是如此。諷刺的是，那些聲稱自已沒有資源的處理有需要的小朋友的學校的老師，郤似乎有特別受訓去識別有特殊需要的學生。學校似乎有一套機制將麻煩掃蕩出去。現時的老師的心中只有二分法，正常的讀主流，其他有問題的不管問題大小就要讀特殊。

現時還是幼稚園階段，路遙遙，真的不知點算。

[ 本帖最後由 ababymami 於 11-12-7 02:03 編輯 ]

作者: BB頭maimimi 時間: 11-12-7 11:56 標題: 回復 1# ababymami 的帖子

"有教無類"

作者: annaanna 時間: 11-12-7 16:39

哼... 我仔間學校就係標榜呢4個大字﹗但咪又係咁....

成日話人手唔夠，其實佢已經係細班，仲要拎左政府FUNDING，點解可以咁不負責任O既......

原帖由 BB頭maimimi 於 11-12-7 11:56 發表
"有教無類"

作者: crystal媽咪 時間: 11-12-7 17:01

小學的老師, 甚至係學校的制度, 唔去想想點解你地會覺得拖慢進度, 只把有特殊需要的小朋友 (自閉 / 學習遲緩, or 讀寫障礙)放左去課後的學習班, 讀寫樂班, 在那裡他們才可學習到適合他們能力的課程.
可是回到班房, 功課 / 測考都唔調適, 完全追唔上, 就好似一個真實例子, 一個小三的學生連12+5都要畫圈, 甚至用手指要計到, 功課/測驗就要佢自己睇題目, 23點=___午 ___點, 玩咩, 佢的能力連23-12=11都唔得啦, 仲要轉做下午11時正. 唉 !!!!!!!!!

作者: why-me 時間: 11-12-7 17:42

班教師都係用打工心態去教學, 做多D又冇SO, 佢地夠鐘就收工, 邊會出心喎

作者: annaanna 時間: 11-12-7 17:43

咁點解學校可以容忍到小三都未識計呢D 簡單數學題呢？

依家愈來愈多學校掛羊頭賣狗肉，有冇好心人可以話我知，邊間小學真係用心黎教O架？我要有愛心，包容而唔係收容呀﹗

原帖由 crystal媽咪 於 11-12-7 17:01 發表
小學的老師, 甚至係學校的制度, 唔去想想點解你地會覺得拖慢進度, 只把有特殊需要的小朋友 (自閉 / 學習遲緩, or 讀寫障礙)放左去課後的學習班, 讀寫樂班, 在那裡他們才可學習到適合他們能力的課程.
可是回到班房, ...

作者: pipi331 時間: 11-12-7 18:57 標題: 回復 1# annaanna 的帖子

提示: 作者被禁止或刪除內容自動屏蔽

作者: pocoyo123 時間: 11-12-7 22:39

係香港搵一間有愛心學校的確不易, 又要課程不深, 又要預算將來上中學, 又要地點不太遠, 同學校表明小朋友有需要, 又担心受歧視, 唔講, 又怕有事無人理, 總之, 係好煩.

作者: flysss 時間: 11-12-8 00:10

我覺得問題不一定是老師, 或許是政府給予的支援. 聽過有學生上上下堂走了出課室, 老師不可能當看不見, 便要追,但又不可以放下全班, 唯有叫咪叫人找他. 但在這一刻, 幾位班內同學表現興奮, 再帶動很多人一同興奮, 有些說幫老師追, 有些又......結果攪了十多分鐘, 下課鐘又響了....

所以那天教不了全課書.而近似情況久不久發生.如果是這樣常常有不同事件發生, 老師亦實有困難.

但我們的孩子需要怎樣才好?

作者: pocoyo123 時間: 11-12-8 00:30

曾經有媽咪說, 有些學校如小朋友沒有情緒問題, 又不會騷擾其他同學, 只是課程上追不到, 學校也不會叫你走, 只是比你坐到小6走人, 亦不會想辦法幫助小朋友, 自生自滅..
又有媽咪說: 某津貼名校, 將一些有SEN小朋友編同一班, 再加埋成績追不上的小朋友一起, 每到考試, 如不合格, 也不會輔導, 只會派發考試卷答案比家長, 叫佢返去同小朋友讀識佢, 返學校補考, 求求其其有3X-4X分就升上去, 不要阻住D位, 你話個小朋友會學識乜野, 佢只係記答案, 完全唔明個原理, 死未..

聽到好多好多, 香港教育係好恐怖, 唯有大家選校時睇清楚

作者: jjcow 時間: 11-12-8 09:55 標題: 回復 11# pocoyo123 的帖子

咁點解政府唔俾番資源我地家長，俾我地選擇 homeschooling 啦...

雖然未必個個家長都做得到，但都叫做多個選擇。

作者: shirleycnf 時間: 11-12-8 10:15

前排我幫小兒找小學去過不同的學校, 有兩間印象好深刻, 兩間的老師們都好有愛心好有心教好不同的小朋友, 我覺得我地為小朋友選擇小學真係好重要, 雖然這些學校真的不多但總會有的.

作者: annaanna 時間: 11-12-8 10:56

可唔可以PM我果2間學校呀？我依家要急住同阿仔搵學校轉校呀..... 好慘.....

原帖由 shirleycnf 於 11-12-8 10:15 發表
前排我幫小兒找小學去過不同的學校, 有兩間印象好深刻, 兩間的老師們都好有愛心好有心教好不同的小朋友, 我覺得我地為小朋友選擇小學真係好重要, 雖然這些學校真的不多但總會有的. ...

作者: Cinken 時間: 11-12-8 11:05

講真，其實問題根源是教育系统出問題
1)就算班內無SEN學生，老師每天教學及處理行政事項及課外活動已忙過不停,工作時數每日超過10 hrs

2)若一班共30-35人，批改及行政事便更需時

3)若point 1 & 2 是事實，而班內又安排了SEN學生，若純屬学習困難，老師也只能作有限支援，例如調適，但若有情緒行為的小朋友，老師在上課時究竟是要先用時間處理他，若是，其他同學的學習進度又受阻，其他家長又會投訴老師厚此薄彼，影响小朋友学習氣氛; 若老師只顧教學，該名SEN學生又無法平靜，適應及學習，正如家長話自生自滅，都幾可悲；在老師角度，她得一巴口一對手，工作繁重，每堂得幾＋分鈡，又要keep住學生成績及課程時間，老師也就來透不過氣，所以，最後便有学生家長投訴、SEN家長投訴及老師投訴，怨聲載道，結果便雙輸，所以，要做一个真正融合教育並非單是放SEN學生入主流学校這般簡單，教育局要想一想如何編制改善整个教育系統才是正確路內，所以罪禍首是政府高官

作者: annaanna 時間: 11-12-8 12:47

其實我都明，呢個問題根本好難改善﹗

但我仔果班得15人，仲有一個TA，都話人手唔夠.... 咁人地一班40人果D 點教呢？

原帖由 Cinken 於 11-12-8 11:05 發表
講真，其實問題根源是教育系统出問題
1)就算班內無SEN學生，老師每天教學及處理行政事項及課外活動已忙過不停,工作時數每日超過10 hrs

2)若一班共30-35人，批改及行政事便更需時

3)若point 1 & 2 是事實，而班內又安排了SE ...

作者: pocoyo123 時間: 11-12-8 13:33

ANNAANNA:
相信你囝囝學校唔係人手不足, 只係唔想教, 唯有迫你自己走...

我有朋友的兒子(他兒子是普通學童)剛上中一, 朋友說:以前佢地學校一班4X人, 其中有一個有情緒問題, 耐不耐在課堂上大叫, 學校暗示家長轉校多時, 不知是家長不理, 還是沒有學校收, 一路到小6也沒有轉, 佢話好多時, 佢一大叫, 老師為左處理佢, 就教唔到書, 令到大家都受影響, 老師又唔知點做好, 我聽到都知道, 現在的所謂融合教育係好失敗, 大家只係為其好成績, 再沒有以前的有教無類的為人師表啦.......

我兒也是明年上小一, 暫時兒子沒有情緒問題, 在大班裡也能安然上堂, 本來我也不是想谷他功課, 但在香港呢個教育制度下, 我現在也開始同佢溫定小一的課本, 待他有心理準備小一艱辛的路程....:omouth:

作者: pipi331 時間: 11-12-8 13:42 標題: 回復 1# annaanna 的帖子

提示: 作者被禁止或刪除內容自動屏蔽

作者: annaanna 時間: 11-12-8 16:45

我仔O係KG都冇情緒問題O架，仲好得人鐘意，學校上上下下都好LIKE佢，因為佢把口TUM人好叻﹗
不過升左小一就開始有變，上堂老師話佢會多口多手，又會出位，又MEET手指，總之樣樣有咁負面得咁負面﹗之前我搵學校都同老師講佢冇情緒問題，唔會大叫唔會出位，點知......

原帖由 pocoyo123 於 11-12-8 13:33 發表
ANNAANNA:
相信你囝囝學校唔係人手不足, 只係唔想教, 唯有迫你自己走...

我有朋友的兒子(他兒子是普通學童)剛上中一, 朋友說:以前佢地學校一班4X人, 其中有一個有情緒問題, 耐不耐在課堂上大叫, 學校暗示家長轉校 ...

作者: annaanna 時間: 11-12-8 16:54

其實呢間學校，O係BK 都有人話好有人話唔好，之前我諗住點唔好，咁小班照顧都應該OK嘛，我都唔諗住學校買果D ST, OT SERVICE好唔好，因為我出面都有比佢上個別堂呀﹗
其實佢多手，應該上堂唔好比咁多引誘佢，但老師偏偏放佢坐O係一個冇門O既文具櫃隔離，所以每日都話佢攪文具:igiveup: 有好多野只要少少提示就可以，不過老師都唔願意做... 真係好灰... 好後悔揀左呢間學校比阿仔....:naughty:

原帖由 pipi331 於 11-12-8 13:42 發表
樓主, 果間衰學校可否PM或開部份校名?
如您之前講, 果間嘢話自己融合, 又小班成咁; 就咁睇牌面, 會吸引到好多同路人家長.
但入到去就黑成咁....

坦白講, 如主要系唔專心但無滋擾, 照正老師應該當場執到就執... 執 ...

作者: Ladybirth001 時間: 11-12-8 17:05 標題: 回復 20# annaanna 的帖子

annaanna, could you please pm me the name of this "bad" school? thanks

作者: annaanna 時間: 11-12-8 17:12

我唔太想開名，因為學校唔係個個都會"開刀"，遇上一D 成績好但情緒有問題，佢地不知幾錫啦﹗只係我仔成績唔好，成為佢地開刀對象O者.....

間間學校都LIKE 成績好O既學生啦﹗人之常情，鬼叫我仔成績唔好又唔合作咩

原帖由 Ladybirth001 於 11-12-8 17:05 發表
annaanna, could you please pm me the name of this "bad" school? thanks

作者: pocoyo123 時間: 11-12-8 17:38

咁就係啦, 間間學校都係咁啦, 有好成績可以為學校拿獎, 呢D學生學校咪隻眼開隻眼閉囉, 之不過, 無功績, 又想要支援, 佢咪唔理你囉, 你話, 呢個乜野世界

作者: kelvin_hmlau 時間: 11-12-8 17:49

聽講SARS 後香港出生率回升, 小學收多左學生. 有d 出名收A仔的小學都諗升band, 去弱留強. 好多2011入小一的A仔家長都中招, 功課多到暈, 各位小心選校!

作者: annaanna 時間: 11-12-8 17:55

你講緊我呀？:badfeel:

之前學校收生不足，咪有心機去教下，諗住做好D多D 人報讀囉﹗依家收生情況穩定落黎，唔怕殺校，咪谷成績谷功課囉﹗仲可以玩精英班添呀﹗巴閉:nothing: 仲抵死到，講明第一次考試之後會再分班喎~ 都未聽過1/3個學期就轉班:happy: 勁:joyous:

原帖由 kelvin_hmlau 於 11-12-8 17:49 發表
聽講SARS 後香港出生率回升, 小學收多左學生. 有d 出名收A仔的小學都諗升band, 去弱留強. 好多2011入小一的A仔家長都中招, 功課多到暈, 各位小心選校!

作者: pocoyo123 時間: 11-12-8 20:18

annaanna:
以我所知溥仁小學有兩班, 18人一班, 每6個人以小組形式上堂, 照顧全面些, 見有一兩個小朋友也是專注力不足, 但返學返得好開心, 家長話校長每日都好關心學生功課進度, 而且每天也有輔導班, 聽好多家長講, 這個校長是第一介融合教育的學校, 已做左10多年, 相信有咁嘅口碑, 大可放心

作者: crystal媽咪 時間: 11-12-10 18:01

原帖由 annaanna 於 11-12-7 17:43 發表
咁點解學校可以容忍到小三都未識計呢D 簡單數學題呢？

依家愈來愈多學校掛羊頭賣狗肉，有冇好心人可以話我知，邊間小學真係用心黎教O架？我要有愛心，包容而唔係收容呀﹗

...

sorry, 遲左回覆, 其實間學校都唔係好忍受到, 不過學校唔可以隨便趕人出校, 而且主要原因, 該小三男生唔係全級最差的首幾位, 每年每級選出最差的三數位至可以留級, 佢的操行唔差, 所以仲可以有得留低. 不過害左個小朋友高不成, 低不就, 個媽咪都有問過, 點解讀寫樂班得咁少堂 (上下學期各8堂), 佢話如果多d堂會好d, 小朋友在小班教學真係學得好好多, 因在讀寫樂堂上都有因材施教, 可以就唔同能力而有所不同要求. 上學期都只得8個學生, 下學期變左12人.

該校在區內都係有名的, 不要pm問是何校, 只想帶出, 早兩年轉左校長, 情況仲差, 想辦資優教育(雖則算埋都是特殊需要的學生), 但對象完全唔同, 對d弱的學生家長暗示話學生的能力追唔上課程, 唔想拖左小朋友的學習, 有d小朋友都轉左校. 講黎講去唔想理d能力唔高, 要多關注的學生. 唉!!!! :;pppp:

歡迎光臨教育王國 (/)