教育王國

標題: 4歲小朋友學琴好定拉小提琴好？ [打印本頁]

作者: paklong118 時間: 12-1-9 12:47 標題: 4歲小朋友學琴好定拉小提琴好？

請大家比些議見？

作者: ohmygosh 時間: 12-1-9 15:08

回復 paklong118 的帖子

我會建議先多參與群體的音樂活動(e.g.綜合音樂班﹐合唱團)﹐待孩子五至六歲時才開始學鋼琴/小提琴。

作者: paklong118 時間: 12-1-10 12:41

多謝你的回覆！我囝囝正參加Tom Lee 的 JMC ....
想請問為什麼要等到五至六歲時才開始學鋼琴/小提琴？
以我所知4歲已可以學鋼琴，因小肌肉已發展.... 至於小提琴我就不太清楚，請大家指教！

作者: ohmygosh 時間: 12-1-11 16:31

回復 paklong118 的帖子

因為我之前都收過幾個K1/K2(四歲左右)的小朋友﹐本身都係好乖﹐好定﹐好醒目﹐讀名校﹐但我發覺我都一直要教到d小朋友過左五歲﹐甚至到六歲﹐至有突破。當中好多技術上的各種因素﹐有機會再同您解析﹗

我總結一句就係﹕五六歲才開始的話﹐會比較容易/肯定作出一個理想的學習進度﹗過早開始只會浪費金錢和時間﹐甚至會消磨孩子對學習音樂的興趣﹗

作者: gwlam 時間: 12-1-11 17:01

過早學琴對兒童手指骨硌成長唔好架，會勞損架，起碼5嵗先啦。

作者: paklong118 時間: 12-1-12 12:51

回復 ohmygosh 的帖子

是否學小提琴也一樣？最好5歲才學呢？
請問你是教琴的嗎？

作者: ohmygosh 時間: 12-1-16 16:04

回復 paklong118 的帖子

鋼琴和小提琴都係K3下學期至小一左右開始學會比較好。

我畢業自英國大學音樂系﹐主修演奏﹔現時係全職的私人鋼琴和小提琴導師﹐今年是我回港後踏入全職教學第六年。

作者: fatduckbb 時間: 12-1-16 21:01

本帖最後由 fatduckbb 於 12-1-16 21:02 編輯

如果小朋友本身有上開音樂班,我會提議學琴先,再大少少再學小提琴會好d.
我阿囡由1.5歲開始學音樂, 3.5歲開始學琴,到現在4歲開始學小提琴,不過我覺得小提琴再大d學會好d,所以學完今期會停,等佢大d先再學,所以如妳想比小朋友學樂器,我會建議學琴先.

作者: jvcfamily 時間: 12-1-19 09:51

ohmygosh 發表於 12-1-11 16:31
回復 paklong118 的帖子

因為我之前都收過幾個K1/K2(四歲左右)的小朋友﹐本身都係好乖﹐好定﹐好醒目﹐讀 ...

Wow, 專業意見,, 同意呀....我個仔個音樂親子班老師都話唔使甘緊張甘早學樂器..早學唔代表一定出色, 都要睇天份,, 開頭學下拍子, 唱下歌, 等小朋友有節奏感,, 等佢喜歡音樂....而且個個發展程度唔同, 應該睇返小朋友性格, 比如坐唔坐得定, 專注力夠唔夠, 手仔肌肉發展等,,5歲至學都未遲... 佢話有學生5,6歲至開始, 反而進步得好快, 樓主唔使甘緊張..

作者: paklong118 時間: 12-1-20 19:07

多謝大家專業的意見！

作者: babycoming 時間: 12-2-5 01:38 標題: 回覆：4歲小朋友學琴好定拉小提琴好？

個女4歲學琴，而加想學埋小提琴，學琴都算學得幾好，而加識彈琴係必須，最基本的，仲要學多樣，所以有返開音樂班的話，手指又夠力，甘早點學都好

作者: paklong118 時間: 12-2-8 13:14

如只學小提琴，不學彈琴會否對in小學有影響？

作者: jvcfamily 時間: 12-2-8 16:36

paklong118 發表於 12-2-8 13:14
如只學小提琴，不學彈琴會否對in小學有影響？

不學彈琴會對in小學有影響>>>> 相信識任何一類樂器包括彈琴只是佔interview很小部分..我唔信唔識彈琴入唔到好小學.. 協恩個校長都唔話唔係只睇呢樣..其實學樂器係俾機會小朋友學習坐定定, 做野有恆心, 樓主甘緊張, 不如學左小提琴先, 如果老師或你覺得未係時候, 再轉學彈琴先再學小提琴...
有ex colleague 個女5歲學琴, 不過個女唔鐘意, 半年後轉學小提琴, 依然唔鐘意,所以佢停晒...佢個女好鐘意畫畫, 所以俾佢學畫畫, 結果一樣樂器都無學一樣入到DGS...

作者: Bigpig_2007 時間: 12-2-8 23:06

冇錯, 我都覺得要跟小朋友興趣發展, 開心既童年都很重要架!

我幫自已3歲仔仔報親子音樂班, 等佢有小朋友唱遊, 再由老師觀察, 看看小孩既興趣, 潛能將來4-5歲先選樂器都ok. 完全未學過就一對一, 除非你小朋友好定又好有興趣!

作者: paklong118 時間: 12-2-9 13:21

回復 Bigpig_2007 的帖子

我小朋友讀緊Tom Lee JMC, 因我小朋友已4歲，所以才考慮學樂器！

作者: ohmygosh 時間: 12-2-10 10:43

回復 paklong118 的帖子

無0羊影響。選擇樂器應儘量視乎孩子的興趣和意願。

作者: Bigpig_2007 時間: 12-3-1 22:52

剛報了Tony music playgroup, 希望等佢自已發現興趣

作者: nazosnowpy 時間: 12-6-4 10:36

如果長遠想俾佢學多一兩種樂器, 先學琴會有幫助~

歡迎光臨教育王國 (/)