教育王國

標題: 阿仔最近d行徑很古怪,令我有d擔心 [打印本頁]

作者: janssenma 時間: 12-6-18 14:34 標題: 阿仔最近d行徑很古怪,令我有d擔心

阿仔小一,6歲,最近佢有d行徑很古怪,令我有d擔心,想大家俾下意見!
琴晚發生左兩件事,第一,琴晚我出街丟垃圾,無鎖門,出左去只係10秒左右,番黎佢竟然lock左度門唔俾我番入去,我問佢做咩lock門,佢企o係度無出聲,到爹地問佢,佢竟然答因為唔知我o係出面!
第二,琴晚佢訓左之後,我打開佢書包,check下佢有無執漏書包,打開佢筆袋望下,竟發現入面有6-7支鉛筆,全部都係超短,短到唔應該再用ge鉛筆! 而d長鉛筆就全部無放入筆袋!之前佢仲嫌d鉛筆成日斷唔好用,我幫佢買過另一隻牌子,諗著俾佢考試用,佢當時仲鬼咁開心,但最近我都唔見佢有用d筆,都唔知佢諗咩?
以上講ge兩樣野,佢以前從未做過,我唔明點解佢會做,有咩動機,定係自己都唔知點解? 我好擔心佢,琴晚訓唔著,諗下諗下,諗到唔知洗唔洗搵下專業意見(e.g.睇e生),定係我自己過份緊張過慮呢? 其實之前佢間中都會做d無聊野,問番佢點解要咁做,佢又講唔出,一係話"無野",一係話"唔知",究竟發生左咩事?
我細個很obedient,一定唔會做依d我覺得好無聊ge野,但男仔會唔會唔同呢?你地d小朋友會唔會咁呢?

作者: mandy304 時間: 12-6-18 15:58

佢唔講,(1) 盡量引導下佢, 如用公仔代你傾下計. (2) 叫佢畫下圖畫, 填下顏色, 表達心中的開心, 好驚or...... (3) 講下故事, 有個小朋友做佢同類的行徑, 叫佢猜下小朋友為何這樣做 ? 有咩方法解決. 方法都有許多. 希望幫到你.

作者: mokchingyin0910 時間: 12-6-18 18:16 標題: 回覆：阿仔最近d行徑很古怪,令我有d擔心

第一個行為可欵D

佢係明知你係出面唔開門？你近來有無鬧佢？

作者: rogerlam123 時間: 12-6-18 18:47

兩件事都唔算好古怪!
好多小朋友都有不明所以的行為(大人認為), 尢其那些資優兒, 好多時都唔知佢想緊mug!

作者: janssenma 時間: 12-6-19 09:09

回復 mokchingyin0910 的帖子

我有時都會鬧佢

作者: 點算好 時間: 12-6-19 11:11

回復 janssenma 的帖子

竟然lock左度門唔俾我番入去,我問佢做咩lock門 <= 妳呢句意思到底系當時妳企系門外叫佢, 佢仍然唔理妳定系點呀? 差好遠嫁bor!!!! 當佢真系唔知妳系出面, 佢都叻仔呀, 見到門打開,更系關番佢啦, right? 何況只系第一次, 唔洗緊張既. 至於收集你認為冇用既野, 我知有d小朋友會咁嫁, 一d都唔出奇, 我知道有個女仔, 收集膠袋, 重要自己摺得靚靚...也聽過有紙巾, 廁紙筒等等. 再講妳認為冇用姐, 佢可能覺得有用嫁bor (用..睇妳點定義"用").right?

作者: wongmami 時間: 12-6-19 11:33

或者你多D同你仔仔溝通....未必係唔正常,可能小朋友有佢諗法...我仔仔咩都唔捨得掉...搞到屋企好多垃圾...要等佢訓先掉得-0-

作者: vincat 時間: 12-6-20 14:32

不如買支鉛心筆俾佢用下, 睇下有無改變, 有時細路好難明, 我個女咩都留返GA, 我話垃圾, 但佢話有用~

歡迎光臨教育王國 (/)