教育王國
標題: 開始懷疑女兒的能力…… [打印本頁]
作者: 心急做媽咪 時間: 12-6-21 06:49 標題: 開始懷疑女兒的能力……
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失望而回，連一間只有十多二十個學生叩門既學校都唔收我女兒，真係好down,真係好懷疑自己個女係咪有問題，無學校肯收佢，琴日真係認唔住喊左出黎，點解會咁架，我已經俾個女學好多野，希望好好培養佢，可以讀間好學校，但最後都係徒勞無功，真係好唔開心
作者: shirleyysy 時間: 12-6-21 07:48 標題: 回覆：開始懷疑女兒的能力……
同意你所講，有時真係懷疑自己嘅小朋友能力，點解人哋叩幾間都得，但自己個仔唔得！是否平時高估了佢呢！
作者: MaiGao 時間: 12-6-21 07:51 標題: 自派位後，不斷叩門，不斷上EK睇所叩學校有
原帖由 心急做媽咪 於 12-06-21 發表
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...
加油！
作者: linglnglau 時間: 12-6-21 08:05
回復 心急做媽咪 的帖子
其實你們應該相信你女兒的能力,你地都識講已好比心機去培育佢,最終佢收到几多佢自己先知!不過你已盡了力對嗎?
去叩門學校唔收可能係太多人競爭學位,老師對小朋友的眼緣等等去評估,你有冇想過可能對手太強而不是你女女能力唔夠.
相信你的女女,用第二個角度去看,如果今次真係冇學校收,咪係原先的校比佢讀住先再看看間校好唔好,可能你女女會讀得好開心呢!又或者自己比多D心機下去教佢下年再插班都冇問題架!!
加油呀!! 媽媽不要氣餒
作者: spmok1999 時間: 12-6-21 08:35
我想問下幼稚園的校長/老師有冇同你傾過關於你小朋友的表現/成績是否滿意? 又有否建議你幫小朋友統一派位能選那些小學?
作者: 橫風王道 時間: 12-6-21 09:01
本帖最後由 橫風王道 於 12-6-21 09:07 編輯
心急做媽咪 發表於 12-6-21 06:49
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...
情況類同，但我唔會懷疑我兒的能力，他絕對有能力！老師也這樣說的，致命傷是怕醜，五歲人仔，怕醜是不正常嗎？面試失敗，但怕醜有理！:;pppp:
不過要補充，就係明知佢有能力識答問題，而佢選擇唔答，有時真係激死！
作者: 心急做媽咪 時間: 12-6-21 09:04
spmok1999 發表於 12-6-21 08:35 
我想問下幼稚園的校長/老師有冇同你傾過關於你小朋友的表現/成績是否滿意? 又有否建議你幫小朋友統一派位能 ...
作者: klm402 時間: 12-6-21 09:15
本帖最後由 klm402 於 12-6-21 09:17 編輯
樓主, 請唔好灰心, 我相信依家既小朋友每一個都比我地兒時既叻, 面試成功與否, 今本同小朋友能力唔成正比, 凡事實力重要, 但運氣更重要, 請你相信你既小朋友, 比多d信心佢地, even冇好既offer都好, 唔好用扣門成功與否去衝量佢地既付出同能力.
我自己都有對年幼既仔女, 自己都曾灰心失望過, 但我眼見女女面試表現真係好好, 但係結果未如我所想, 不過我冇懷疑過小朋友, 自己都要學習點樣去調節心態, 其實跟佢地一齊面對每次面試成功失敗既過程入面都係我地學習既過程.
成功既話珍而重之, 失敗既話企起身再戰. 女女考完k1出年又到細佬仔考k1了, 作為家長就好似不停跌到再起身, 起身又再戰. 加油呀!!
作者: MaiGao 時間: 12-6-21 09:20
橫風王道 發表於 12-6-21 09:01
情況類同，但我唔會懷疑我兒的能力，他絕對有能力！老師也這樣說的，致命傷是怕醜，五歲人仔，怕醜是不正 ...
明知佢有能力識答問題，而佢選擇唔答，有時真係激死
呢句好真…
差唔多次次面試都預到
作者: sheffield 時間: 12-6-21 09:28
大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力。
但唔排除大家都會有高估自己小朋友的情況…確實，一山還有一山高，外面有些小朋友真的好強(學術而言)…
再加上interview有好多客觀情況會影響小朋友，而老師著重的又不知是什麼，每個小朋友都有自己的強同弱，揀唔中你小朋友的原因實在太多！一句"冇運"都能解釋點解叩門唔成功呀！
只要知道同認定自己小朋友是有能力做好的，不要想太多，用心栽培就好了。同時，我們也要明白，每個小朋友在年方面的的資質都唔同，有時也不能太勉強…我們的寶貝都只是5/6歲的小朋友，確實要再大點才能更清楚看到他們的專長…無論是專長讀書，或是專長運動，或是專長音樂，我們都得接受他們資質較低的一面。他/她就是他/她，不要常將他/她跟別的十項全能孩子比較…
作者: tanoshi127 時間: 12-6-21 09:29 標題: 自派位後，不斷叩門，不斷上EK睇所叩學校有
原帖由 心急做媽咪 於 12-06-21 發表
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...
作者: jojoplanet 時間: 12-6-21 09:30
唔好咁啦....大人去interview都緊張可能答得唔好啦..何況一個小朋友呢..
作者: jojoplanet 時間: 12-6-21 09:32
sheffield 發表於 12-6-21 09:28
大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力 ...
like
作者: marcuscyrus 時間: 12-6-21 09:33 標題: 引用：大家都應該知道自己小朋友的能力！智商正常
原帖由 sheffield 於 12-06-21 發表
大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力 ...
作者: jojoplanet 時間: 12-6-21 09:33
MaiGao 發表於 12-6-21 09:20
明知佢有能力識答問題，而佢選擇唔答，有時真係激死
呢句好真…
差唔多次次面試都預到
我個仔in第一間時人地用英文問佢咩名佢答 "chan tai man peter"咁啦...到第二間佢同人講, 佢用廣東話講我個名好長架, 跟住再用英文答 " my name is Peter"...激死..
作者: MaiGao 時間: 12-6-21 09:43
jojoplanet 發表於 12-6-21 09:30
唔好咁啦....大人去interview都緊張可能答得唔好啦..何況一個小朋友呢..
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個別去唔同房interview(睇片答問題、同老師傾計)，評分標準如下﹕
i. 學業成績 (35%) (我仔係幼稚園成績唔錯)
ii. 活動與獎項 (15%) (都有d細型的全港冠軍)
iii. 操行 (10%) (老師俾A)
iv. 面試表現 (學生及家長各佔15%)
v. 有兄姊就讀本校 (10%) (無兄姊)
今日出結果，我地落選，咁仲唔係我的能力唔夠？﹗
作者: jojoplanet 時間: 12-6-21 09:52
MaiGao 發表於 12-6-21 09:43
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個 ...
識欣賞既話個仔個種答法就係叻..否則人地覺得你係答非所問..
其實我覺得佢地所謂既評分標準都係比家長得個知..查實係咪真係咁比分我又有所懷疑.
我下你個仔k3成績表係用A,B,C來評分定係 + (己做到) 0 (己掌握到) 三角型 (未能掌握到)? 因為我個仔學校k1同2都有2張評估表其中一張係用 A, B, C,來評分但k3無咗呢張, 學校話係教署建議幼稚園k3唔好用呢張, 好多小學都知喎..話用來叩門無問題喎.
作者: MaiGao 時間: 12-6-21 10:10
jojoplanet 發表於 12-6-21 09:52
識欣賞既話個仔個種答法就係叻..否則人地覺得你係答非所問..
其實我覺得佢地所謂既評分標準都係比家長得 ...
操行嗎？全校咁多活潑既鬼仔，佢呢d靜的學生當然高d…
其實呢間如果直接in我個仔，我諗應該有機會。
本身佢比較冷門，又講英文，開正我個仔個範。
好衰唔衰佢in我，又要我等鬼咁耐，等我好得閒咁周圍望。
望到學生d所謂功課，一行一隻錯字，面試果陣忍唔住就拎來講…
今次係我累左個仔呀…
作者: jojoplanet 時間: 12-6-21 10:17
MaiGao 發表於 12-6-21 10:10
我地學校基本無評估，份野都係做到做唔到+老師評語。
操行嗎？全校咁多活潑既鬼仔，佢呢d靜的學生當然高d… ...
咁又唔係既...主要睇in你個人係咪一個開明既人...
作者: 點算好 時間: 12-6-21 10:35
MaiGao 發表於 12-6-21 09:43
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個 ...
作者: ha8mo 時間: 12-6-21 10:39
提示: 作者被禁止或刪除 內容自動屏蔽
作者: MAYANGUSPO 時間: 12-6-21 10:52
其實面試咁短時間, 學校對小朋友有幾了解丫...但我地做父母千萬要對佢地有百份百信心, 對自己亦如是, 我都成日咁樣去鼓勵自己同小朋友, 雖知佢極度慢熱, 但我不斷俾佢定心丸(即使自己都震震地...
) 但仍笑面迎人, 挺起胸膛, 精精神神...咁樣小朋友先會輕鬆面對每次既競賽, 輸左唔緊要, 下次再努力...漸漸您會發現即使結果未能如願, 但小朋友已養成好既心態去調節輸贏~所以做父母既我地, 幾時都係個句 [[勝不驕, 敗不餒]] 千祈唔好咪出賽先輸陣
仲要爭取每一次機會, 一個都不能少~
作者: MaiGao 時間: 12-6-21 10:54
jojoplanet 發表於 12-6-21 10:17
咁又唔係既...主要睇in你個人係咪一個開明既人...
我如果唔query佢地錯字既問題，可能好d
作者: MaiGao 時間: 12-6-21 10:55
點算好 發表於 12-6-21 10:35
點解關妳事??? @@?
小朋友齊畫畫，老師連野都無同佢地講過，即係睇家長啦。
咁又衰多口話人地學生多錯字，問學校會點幫佢地…
作者: jojoplanet 時間: 12-6-21 10:56
ha8mo 發表於 12-6-21 10:39
評分標準如下﹕
i. 學業成績 (35%) (我仔係幼稚園係冇考試測驗所以冇成績)
ii. 活動與 ...
但我覺得in 多d 當比佢攞經驗..
作者: jojoplanet 時間: 12-6-21 11:00
MaiGao 發表於 12-6-21 10:54
事實證明傳統學校係唔可以好似國際學校咁in…
我如果唔query佢地錯字既問題，可能好d
咁仲有得in時你要記得忍下口
作者: MaiGao 時間: 12-6-21 11:05
jojoplanet 發表於 12-6-21 11:00
咁仲有得in時你要記得忍下口
下次會喇。
我見到串錯字，或者聽到懶音之類，都覺得好難受…
自己面試都有情緒，所以唔會俾壓力個仔。
佢見咁多，好叻仔架喇。
作者: snowmama 時間: 12-6-21 11:08 標題: 回覆：開始懷疑女兒的能力……
我反而懷疑自己的能力，無能的我，多麼無能!
作者: 點算好 時間: 12-6-21 11:10
回復 MaiGao 的帖子
i. 學業成績 (35%) (我仔係幼稚園成績唔錯)
ii. 活動與獎項 (15%) (都有d細型的全港冠軍)
iii. 操行 (10%) ([/url][url=http://adex.baby-kingdom.com/www/delivery/ck.php?bannerid=591]老師
俾A)
iv. 面試表現 (學生及家長各佔15%)
v. 有兄姊就讀本校 (10%) (無兄姊)
妳咁睇得唔得呀, 家下間間都起碼系十選一. 當中 i), ii) and iii) 中要系Top 10%, 加埋表現得到. 妳話冇in妳小朋友姐, 有冇人有留意佢地呀?
作者: MAYANGUSPO 時間: 12-6-21 11:15
回復 橫風王道 的帖子
雖則兩年後先到我, 但現已成日教囡囡...要[大聲d]同人打招乎, 人地問您問題都要[大聲d]回答人地, 因為媽咪話大聲唔代表冇禮貌架wor, 但您咁細聲呢...人地聽唔到咪以為您冇禮貌lor... () 拿...您睇下媽咪講野都好大聲架...人人同媽咪傾計都好開心架wor ()
作者: MaiGao 時間: 12-6-21 11:17
點算好 發表於 12-6-21 11:10
回復 MaiGao 的帖子
或者係暗中留意左啦…
結果都出左，諗返都無用，post個評分標準出來大家參考下啫。
繼續努力﹗叱﹗
作者: jojoplanet 時間: 12-6-21 11:19
MaiGao 發表於 12-6-21 11:05
下次會喇。
我見到串錯字，或者聽到懶音之類，都覺得好難受…
我完全無比壓力個仔...同佢講去玩佢次次in完都好開心.....琴日in個間玩咗1.5 鐘...佢話mami我想讀呢間, 呢間好好玩..跟住自己話..但係度讀書係唔係無得咁玩? 我話有得玩不過亦要讀好書囉...
作者: Cake111 時間: 12-6-21 11:19 標題: 回覆：心急做媽咪 的帖子
我從來冇懷疑個女嘅能力，反而係我一路低估左佢。我有時只怨自己漏左同佢温d有機會會考嘅嘢，唯有之後温番。仲有就係我發覺如是父母小朋友一齊見的話，佢會驚到亂答野，壓力大嘛！所以吾好再講負面說話了，正能量是最好的鼓勵。
作者: MAYANGUSPO 時間: 12-6-21 11:19
回復 點算好 的帖子
雖則叫佢大聲d, 但佢既所謂大聲d先=我地既普通聲, 啱架la...差唔多到目標watt數
作者: MaiGao 時間: 12-6-21 11:23
jojoplanet 發表於 12-6-21 11:19
我完全無比壓力個仔...同佢講去玩佢次次in完都好開心.....琴日in個間玩咗1.5 鐘...佢話mami我想讀呢間, 呢 ...
串錯字同懶音，我對人人都係咁…
我連去食飯，聽到侍應生講得唔好，我都要佢重新講過…(超變態)
仔其實無乜所謂，去in佢又唔會當去玩，佢以為係試堂，試下鐘唔鐘意學校同老師。
我唔開心自己忍唔到in得差啫。
作者: 點算好 時間: 12-6-21 11:23
回復 MAYANGUSPO 的帖子
聖誕節個排, 我帶阿仔番學果陣捉左阿仔系條天橋日日報佳音 (註:佢不嬲都唔系點怕羞)
作者: Sumyeema1 時間: 12-6-21 11:25
回復 心急做媽咪 的帖子
在一位 EK 會員的 blog 讀到的故事，和你分享：
**************************
只有你能欣賞我
第一次參加家長會，幼兒園的老師說：“你的兒子有多動症，在板凳
上連三分鐘都座不了，你最好帶他去醫院看一看。”
回家的路上，兒子問她老師都說了些什麼，她鼻子一酸，差點流下淚
來。因為全班30 位小朋友，惟有他表現最差；惟有對他，老師表現出不屑。然而她還
是告訴她的兒子：“老師表揚你了，說寶寶原來在板凳上坐不了一分
鐘，現在能坐三分鐘了。其他的 媽媽都非常羨慕媽媽，因為全班只有寶寶進步了。”
那天晚上，她兒子破天荒吃了兩碗米飯，並且沒讓她餵。
兒子上小學了。家長會上，老師說：“全班50名同學，這次數學考
試，你兒子排第40 名，我們懷疑他智力上有些障礙，您最好能帶他去醫院查一查。”
回去的路上，她流下了淚。然而，當她回到家裡，卻對坐在桌前的兒
子說：“老師對你充滿信心。他說了，你並不是個笨孩子，只要能細
心些，會超過你的同學，這次你的 同學排在21名。”
說這話時，她發現，兒子黯淡的眼神一下子充滿了光，沮喪的臉也一
下子舒展開來。她甚至發現，兒子溫順得讓她吃驚，好像長大了許多
。第二天上學時，去得比平時都 要早。
孩子上了初中，又一次家長會。她坐在兒子的座位上，等著老師點她
兒子的名字，因為每次家長會，她兒子的名字在差生的行列中總是被
點到。然而，這次卻出乎她的預料，直到結束，都沒聽到。她有些不
習慣。臨別，去問老師，老師告訴她：“按你兒子 現在的成績，考重點高中有點危險。”
她懷著驚喜的心情走出校門，此時她發現兒子在等她。路上她扶著兒
子的肩，心裡有一種說不出的甜蜜，她告訴兒子：“班主任對你非常
滿意，他說了，只要你努力，很有 希望考上重點高中。”
高中畢業了。第一批大學錄取通知書下達時，學校打電話讓她兒子到
學校去一趟。她有一種預感，她兒子被清華錄取了，因為在報考時，
她給兒子說過，她相信他能考取 這所學校。
他兒子從學校回來，把一封印有清華大學招生辦公室的特快專遞交到
她的手，突然轉 身跑到自己的房間裡大哭起來。邊哭邊說：“媽媽，我知道我不是個
聰明的孩子，可是，這個世界上只有你能欣賞我……”這時，她悲喜
交加，再也按捺不住十幾年來凝聚在 心中的淚水，任它打在手中的信封上。
一句鼓勵的話 可改變一個人的觀念與行為 甚至改變一個人的一生
一句負面的話 可刺傷一個人的心靈與身體 甚至毀滅一個人的未來
作者: MaiGao 時間: 12-6-21 11:25
MAYANGUSPO 發表於 12-6-21 11:19
回復 點算好 的帖子
雖則叫佢大聲d, 但佢既所謂大聲d先=我地既普通聲, 啱架la...差唔多到目標watt數:happy ...
加油﹗
依家好多小朋友講野一係蚊滋咁細聲、一係就老練咁大聲…
正常watt數好呀^^
作者: Haz-mama 時間: 12-6-21 11:33
我發覺今年小一競爭好大, 唔似以往聽D人講見下面, 問D簡單問題就收咗, 今年情況好特殊同有D怪怪地
...
作者: babyjean 時間: 12-6-21 11:36 標題: 回覆：Sumyeema1 的帖子
看完我也差點流下眼淚，這母親是偉人母親的級數了
BTW這是真有其人嗎?
作者: Big-Mouth 時間: 12-6-21 11:37
見了好幾間學校, 我覺得我們應該培養小朋友有自信心和禮貌去對答問題。
作者: happyty 時間: 12-6-21 11:38
樓主，請看看我今天活脫脫的例子吧！一直以來小兒給人印象活潑外向，又成日同其他鄰居朋友打招呼！我亦在兒子身上投放不少資源。今次派位派得很差，不斷扣門，可是仍未有著落，到底是什麼回事？！到了今天，第一次家長陪同面試，原來他表現得很緊張，答問題時又細聲，老師叫他講故事又失準。完全同平時二個樣......那時我才知問題的所在
作者: 萬獸之王 時間: 12-6-21 11:44
很多小孩在家中一個樣，在外對人又是另一個樣！我女兒去考小學，我陪她一起見，老師問3條英文題都唔出聲答人，最後老師問她是不是聽不明白，她只是點頭回應。出來後，我問她同樣的問題，想都不用想就給你正確答案，然後我問她為甚麼當時不回應，她說“害怕”。試想想，有我陪在身邊都這樣，如果家長不能陪的面試，即死，所以難怪4間不陪的學校全軍覆沒。辦法只能是多鼓勵她，並且告訴她面試的真正目的！
作者: babyjean 時間: 12-6-21 11:49 標題: 回覆：開始懷疑女兒的能力……
樓主，我想懷疑自己的孩子，是叩門最差例子。
我女也冇任何offer，但我從未懷疑她能力。相反，女兒性格超好! 作為母親，我深感榮幸，十分驕傲。雖然未來十五年，讀書都要辛苦d，但往後幾十年嘅人生，才是真正生命嘅開始。個性好的孩子，比成績好的孩子優勝太多。
停一停，諗一諗 。再決定未來路向。
作者: mch411 時間: 12-6-21 12:04
如果學野多同攞獎多等如成功,
香港就唔會o甘多高分低能兒啦
作者: Silverhawk 時間: 12-6-21 13:29
MaiGao 發表於 12-6-21 09:43
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個 ...
d 人成人話間學校收唔收, 主要是看小朋友interview 表現, 其他都唔係好重要, 但根據以上的評分標準, 看來小朋友interview 表現 (15%) 實在都唔係好重要啫, 考幾個獎番嚟仲實際.
作者: MaiGao 時間: 12-6-21 13:33
Silverhawk 發表於 12-6-21 13:29
d 人成人話間學校收唔收, 主要是看小朋友interview 表現, 其他都唔係好重要, 但根據以上的評分標準, 看來 ...
我諗都好睇唔同學校的取向。
呢間學校的評分標準，唔代表全港小學的標準。
而佢咁寫，又未必真係咁計。
作者: Jochoy 時間: 12-6-21 14:36
回復 Sumyeema1 的帖子
絕對同意你的見解! 家長不應用自己的價值觀去懷疑自己的小朋友. 要知道他們最能依靠及信賴便是父母, 請多欣賞,他們還是很細少的呀!
作者: Mrs.S 時間: 12-6-21 17:20
Sumyeema1 發表於 12-6-21 11:25
回復 心急做媽咪 的帖子
在一位 EK 會員的 blog 讀到的故事，和你分享：
真係一個好母親....
作者: Tang614 時間: 12-6-21 17:29
本帖最後由 Tang614 於 12-6-21 17:54 編輯
I think it's a good thing to have doubt and realize the weakness of our children. Only after that, we can identify the issue and help them to improve. If you said, "We should never have doubt with our kids' ability.", then don't you think you are over confident on them? Is that a good thing for them?
After all, they are just 5-6-year-old kids. It is normal that they have weaknesses. They are not "super kids" that can do everything well.
Just my personal opinion.
作者: casttle 時間: 12-6-22 01:59
本帖最後由 casttle 於 12-6-22 02:10 編輯
回復 MaiGao 的帖子
作者: casttle 時間: 12-6-22 02:13
我相信每個小孩都會有自己獨特的技能, 只是5/6歲小朋友可以發揮得幾多, 相信自己, 相信自己既仔女, 必有一日會見到佢地獨當一面!!
加油! 各位媽媽
作者: wing 時間: 12-6-22 03:17
我已經懷疑咗好多日LA
由頭果幾日去叩門, 我對亞女滿懷信心, 心信唔間間收, 都一定有一,兩間既 ...
但時間一日一日咁過去, 到而家叩咗6間, 無一間有電話覆話收亞女
怪只怪自己無錢去栽培佢, 令佢無証書無任何競爭力 原來得個"乖"字係無用架
作者: jojoplanet 時間: 12-6-22 12:23
Silverhawk 發表於 12-6-21 13:29
d 人成人話間學校收唔收, 主要是看小朋友interview 表現, 其他都唔係好重要, 但根據以上的評分標準, 看來 ...
一間間學校不同標準,,早幾日去一間..佢話60%係interview表現10%係有無甲乙第一志願選佢地30%係其他學術成績.
作者: sweetbaby999 時間: 12-6-22 12:46
提示: 作者被禁止或刪除 內容自動屏蔽
作者: babyjean 時間: 12-6-22 15:27 標題: 回覆：開始懷疑女兒的能力……
多謝分享，受用。
作者: k_lego 時間: 12-6-22 23:38
wing 發表於 12-6-22 03:17
我已經懷疑咗好多日LA 
由頭果幾日去叩門, 我對亞女滿懷信心, 心信唔間間收, 都一定有一,兩間既 ...
但時間一日一日咁過去, 到而家叩咗6間, 無一間有電話覆話收亞女 
怪只怪自己無錢去栽培佢, 令佢無証書無任何競爭力 
原來得個"乖"字係無用架
自問個女真係坐得定, 專心, 唔傾計, 守紀律果d....... 但原來冇用的....
個個都話叩十間總有幾間收, or 臨開學前又有....
都唔知係今年情況特別壞既問題, 定係自己高估左....
作者: msquare 時間: 12-6-23 00:18 標題: 回覆：開始懷疑女兒的能力……
千萬不要懷疑自己孩子的能力，十多分鐘的面試，只是看眼緣吧。我們不應因此對自己孩子失信心，這樣對我們的孩子太不公平了
作者: Parisienne 時間: 12-6-23 00:45
點解唔懷疑那些〝倒模式〞的收生標準，卻反去懷疑自己小朋友？
得幾歲就被父母懷疑能力.....真係想有自信都難！
人格都分九型啦，香港學校偏偏只願收一兩種性格的孩子，到底是學校、還是阿囝有問題？性格文靜不能成材嗎？一定要成個司儀咁先叫叻？
不要為了外界那些所謂標準而懷疑孩子，佢哋會傷得更深。
作者: Tang614 時間: 12-6-23 01:52
其實五六歲小朋友能力有多大？點解唔可以懷疑？自信是建立在能力之上，沒有能力的自信便是自大，耐心地建立他們能力和自信囉，慢慢來吧。
作者: sanglung 時間: 12-6-23 02:51
我跟你一樣, 都係叩門撞板, 但我不會放棄, 前面仲有好長路要行
<心急做媽咪> 加油, 在往後幾年用行動證明那些學校不收你囡囡是錯的
作者: ysnmama 時間: 12-6-23 07:19
我也曾經懷疑孩子的＂能力＂。當年考小學賽果也不理想。但明白競爭大加上孩子性格慢熱和比較內歛，發揮不了。後來經派位入了也算名校。他能好好發揮學術，學業上也能名列前茅，讀得非常開心。所以我當初應只是懷疑他＂面試＂的能力，而不應懷疑他＂實在＂的能力。有些人，不論成人和孩子是不適合面試的。他們發揮不了所長。令人不能好好瞭解他們真正的實力。所以不要灰心。
作者: SKID123 時間: 12-6-23 08:47
本帖最後由 SKID123 於 12-6-23 09:05 編輯
MaiGao 發表於 12-6-21 11:23
串錯字同懶音，我對人人都係咁…
我連去食飯，聽到侍應生講得唔好，我都要佢重新講過…(超變態)
仔其實無 ...
明白呢種事事都認真的態度，但你呢種態度也代表你不能容忍任何錯的事情，就算你沒有批評一行一個錯字，我相信你其他行為也會反映這種性格。
人地學校一行一個錯字都可以貼出來，即鼓勵小朋友從錯誤中學習，有小錯的事情都可以有人讚賞。你就連一個錯字都容忍不到，人地將來點教你個仔？
對與錯對小朋友來說，並不是最重要，最重要是如何學到正確的方法、正確的價值觀。
你唔認真想想這種態度、心態對人的影響，你真係害死你個仔。（就算LSC收你個仔有又如何？）
你先生也贊同你的做法？
多言了。
作者: mrkokubo 時間: 12-6-23 09:01 標題: 引用：Quote:MaiGao+發表於+12-6-21+11:23+串錯字
提示: 作者被禁止或刪除 內容自動屏蔽
作者: SKID123 時間: 12-6-23 09:05
babyjean 發表於 12-6-21 11:49
樓主，我想懷疑自己的孩子，是叩門最差例子。
我女也冇任何offer，但我從未懷疑她能力。相反，女兒性格超好 ...
作者: MaiGao 時間: 12-6-23 09:13
本帖最後由 MaiGao 於 12-6-23 12:12 編輯
SKID123 發表於 12-6-23 08:47
明白呢種事實大都認真的態度，但你呢種態度也代表你不能容忍任何錯的事情，就算你沒有批評一行一個錯字，我 ...
謝謝勸諫，我會反思一下再決定。
我當時並沒有向校方提出質疑，我只係詢問校方的教學方法。
我亦認為學習如何學習係重要的，容忍過錯是重要，但不是習慣成自然。
如果校方真如你所言，鼓勵小朋友從錯誤中學習，我會認同，而我相信校方亦能合我一個答案。
不過結果，老師答﹕「老師每份睇過，有錯字應該改晒，唔會有錯字。」
老師的答案，才是最令我無語的。
另外，多謝你關心我的家庭和諧，以免我同我丈夫因為觀點角度問題而吵架，影響小朋友。
雖然我再不能問他的意見，不過我相信他會支持我倆的。
作者: 橫風王道 時間: 12-6-23 11:28
SKID123 發表於 12-6-23 08:47
明白呢種事事都認真的態度，但你呢種態度也代表你不能容忍任何錯的事情，就算你沒有批評一行一個錯字，我 ...
作者: 無氣同你講 時間: 12-6-23 14:07
babyjean 發表於 12-6-21 11:49
樓主，我想懷疑自己的孩子，是叩門最差例子。
我女也冇任何offer，但我從未懷疑她能力。相反，女兒性格超好 ...
作者: 無氣同你講 時間: 12-6-23 14:12
本帖最後由 無氣同你講 於 12-6-23 14:12 編輯
Sumyeema1 發表於 12-6-21 11:25
回復 心急做媽咪 的帖子
在一位 EK 會員的 blog 讀到的故事，和你分享：
謝謝分享，一編感人至深的文章。
我有得著。
作者: 765830 時間: 12-6-23 16:21
提示: 作者被禁止或刪除 內容自動屏蔽
作者: babyjean 時間: 12-6-23 16:52 標題: 引用：Quote:babyjean+發表於+12-6-21+11:49+樓主
原帖由 SKID123 於 12-06-23 發表
有你這樣的媽媽，你女兒必定非常幸福，也一定會是將來為社會帶來貢獻和溫暖的人。恭喜。 ...
以下是c6在派位當日，跟我的小分享：
有日死神來叩門，說要送我人生最重要的兩件禮物，分別是金錢、地位、健康、愛情、快樂..等等。 因為係死神的offer，照計無咁著數。考慮良久，決定要健康同快樂。 諗諗下，原來呢兩樣人生最重要嘅嘢，我已經擁有，大樂。
純粹分享，無特別意思。
作者: babyjean 時間: 12-6-23 17:08 標題: 引用：+本帖最後由+MaiGao+於+12-6-23+12:12+編輯
原帖由 MaiGao 於 12-06-23 發表
本帖最後由 MaiGao 於 12-6-23 12:12 編輯
態度超讚。我地個個都係第一次做父母，又冇人教，又冇班上。加上呢位mami，所有嘢都要一個人決定，更大壓力。
撐!撐!撐!撐!
我亦時有迷失，多得c6沿路指點迷津。
可能你係完美主義者，要求自己容易d。要求別人，大家都辛苦。我讚成多讚賞，尤其你仔咁叻仔，有主見。
教細路冇單一方程式。沒有最正確，只有更適合。
Sorry，我都好多嘴
作者: SKID123 時間: 12-6-24 09:22
MaiGao 發表於 12-6-23 09:13
謝謝勸諫，我會反思一下再決定。
我當時並沒有向校方提出質疑，我只係詢問校方的教學方法。
我亦認為學習 ...
其實無論你寫自己得的意見出來，或者給別人給意見的，在這裡，我相信大家目的只有一個，就是想小孩子（自己的和別人的）將來成為一個真正的「人」。
我指出父親和母親的對教育小朋友重要，是因為曾經讀過一本書，作者做過大量研究，指出對小孩性格影響最大的，就是父親。如果父親對小孩的教導比較被動，實在有點缺憾。
如果我提了一下，父親對小孩的教導的重要性，就是多事，就是理會別人的家事，那請繼續獨自去教導孩子吧。（又或者只喜歡聽好聽的說話的，不要上來討論版了！）
作者: papajelly 時間: 12-6-24 10:04
SKID123 發表於 12-6-24 09:22
看到你的回復覆，禮貌大體，又給你自己思想的空間，實在難得。
其實無論你寫自己得的意見出來，或者給別人 ...
其實都不想多事, 但你有了解過MiaGao會員家庭的背景嗎? 既然你都說她大體, 你又何必啐啐逼人呢!?
作者: marcuscyrus 時間: 12-6-24 10:24
papajelly 發表於 12-6-24 10:04
其實都不想多事, 但你有了解過MiaGao會員家庭的背景嗎? 既然你都說她大體, 你又何必啐啐逼人呢!?:thinking ...
作者: c1234 時間: 12-6-24 17:16
千萬不要灰心！努力呀！
作者: c1234 時間: 12-6-24 17:25
回復 babyjean 的帖子
個性好的孩子，比成績好的孩子優勝太多。....agree!!!!!!!!!!!!!1
作者: KaKa423 時間: 12-6-25 10:49
回復 c1234 的帖子
我有朋友在某間女校做事, 故小女去叩門考試, 完事後朋友來电唔收我個女,我問点解唔收, 她說我女兒筆試完全合格可以入讀, 但在考試期間給老師remark : X 因她無聊踢前方張椅, 故被老師警告所以衰咗, 故考試及面試期間會有好多变數你是唔知的. 不是小朋友的能力問題, 而是每間学校的要求都有所不同, 請多給子女信心及支持吧!
作者: manmanchubb 時間: 12-6-25 19:59
回復 babyjean 的帖子
認同,個性,品格好遠比成績好終生受用
作者: jaycee_mami 時間: 12-6-25 21:16
ysnmama 發表於 12-6-23 07:19
我也曾經懷疑孩子的＂能力＂。當年考小學賽果也不理想。但明白競爭大加上孩子性格慢熱和比較內歛，發揮不了 ...
今年睇得太多叩門的慘況, 我都學到野, 就係選校時唔可以太進取太貪心, 好大可能我在自行階段先報一間夠分的, 取到一個ok的offer先, 然後才在大抽獎後慢慢叩門, 到時有就有無就算, 我和仔仔的心理壓力唔駛咁大.
作者: Heyheyjoyjoy 時間: 12-6-25 23:22 標題: 引用：其實面試咁短時間,+學校對小朋友有幾了解丫
原帖由 MAYANGUSPO 於 12-06-21 發表
其實面試咁短時間, 學校對小朋友有幾了解丫...但我地做父母千萬要對佢地有百份百信心, 對自己亦如是, 我都 ...
作者: gs 時間: 12-6-26 00:09
我女至今只有waiting 冇offer，她性格很開朗，大情大性，很樂天．
她叩了幾所學校，連筆試也樂意去考．
我們看到的是她自己想法是正面的，她在能力內己做了．
但很多事情我們不能控制的．我們是否要求多了？
我們ｓｅｃｏｎｄ ｉｎ 也答得不好呀．是否因此ｗａｉｔｉｎｇ冇人知.
在那一刻以最佳的狀態面對了就是最有價值的.
我們從未懷疑她能力，只會支持她，好好愛她．
希望她走好的路．我們深感榮幸有這可人兒，
這是我們大人的壓力，不要再加諸小孩身上，
讀書的路漫漫長，現在她才開始階段，
我們也在經歷．成長．學習, 調節自己,
我們也相信個性好的孩子，比成績好的孩子優勝太多。
我們的心態在無形的影響小朋友.........
祈願所有小朋友都進了自己心儀的學校
作者: manmanchubb 時間: 12-6-26 20:34
回復 gs 的帖子
我們也相信個性好的孩子，比成績好的孩子優勝太多。
totally agreed
作者: tws2010 時間: 12-6-26 20:45
回復 manmanchubb 的帖子
Totally agreed. 點会懷疑自已的子女???
作者: cmchang0927 時間: 12-6-26 21:18
本帖最後由 cmchang0927 於 12-6-26 21:20 編輯
回復 MaiGao 的帖子
之前我都想跟你談談, 只是一直忙到現在才有時間TYPE。
四歲的時候, 我爸爸便過身了。只剩下媽媽一人獨力養活我和婆婆，不幸中之大幸是爸爸過身前用所有的積蓄買下一層樓，令我們有瓦遮頭，媽媽可以放心出外工作。
雖然沒有富裕的生活，媽媽的愛令我從無缺失。她的脾氣因壓力關係而變得有點喜怒無常，她對我的愛與犧牲，我從小便十分明白。她為了供我出國留學, 甚至幾年也不買一件新衣服............ 幾年前她因癌症的關係去世了, 但對我的愛我至今亦未淡忘!
加油! 我深明一個媽媽獨力養育孩子的苦況! 在孩子的心目中, 你的愛是最偉大的, 小學讀那一間相比下算得甚麼！祝你和仔仔生活愉快, 他長大後一定會很愛, 很感激你的
作者: 點算好 時間: 12-6-26 22:37
回復 cmchang0927 的帖子
好感人, 親情的牽引力比什麼都強, 什麼都重要. 入了前面就是坦途?入不到代表失敗?
作者: Happymama888 時間: 12-6-27 00:58
回復 MaiGao 的帖子
我大約六歲時爸爸不幸過世，我本來考上一間band one小學，因家境巨變，欠下債務，在八月三十一日臨時轉去一間三十多年前俾大陸新移民讀的學校，現在已被殺校，當時，家裡各人尤其媽媽覺得很對不起我，學校環境和老師、同學確實很差，但是我一樣有一個快樂童年，一樣讀到大學而且有master degree 添，其實，一個快樂有愛的家庭更為重要，我雖沒有爸爸，但我有愛我的媽媽、家姐哥哥。
我現在是一個老師亦是一個母親，很明白大家的苦況，但是，好學校不等如適合你孩子，你喜歡的並不是你孩子可以承受，我每天也要勸一些家長轉校，孩子完全跟不上，苦了大家，孩子不能在學校得到滿足感，但有些舊生轉去一間冇咁叻的，反而名列前矛，之前全級最後。我有時想，上天的安排，定有衪的意思！如果我讀band one果間，可能考不上好的中學！
雖然，現在你的學校是不太理想，但是，那裡的老師未必差，有些名校老師態度反而極差，轉到好的，當然高興，不能的話，就要為孩子作好準備！
努力！加油！媽媽們！
作者: babyjean 時間: 12-6-27 07:17 標題: 引用：回復+MaiGao+的帖子
我大約六歲時爸爸不幸
原帖由 Happymama888 於 12-06-27 發表
回復 MaiGao 的帖子
我大約六歲時爸爸不幸過世，我本來考上一間band one小學，因家境巨變，欠下債務，在八 ...
作者: SKID123 時間: 12-6-27 07:42
cmchang0927 發表於 12-6-26 21:18
回復 MaiGao 的帖子
之前我都想跟你談談, 只是一直忙到現在才有時間TYPE。
但我提出我的意見，其實是自己非常關心下一代的小朋友而已，我深深明白大人的一個小行為，可以影響小朋友的一生。希望你明白。
我也是單親家庭長大的，媽媽（我媽媽和所有的媽媽）真的很偉大，可以無條件的為兒女犧牲。但現在看見自己的兒子，有父母一起的教導，我知道自己以前走了很多沒有人指導的路，每一斷路都要自己從經驗、觀察學習，路是走遠了，好不好也不能確定，反正是命吧。
我和妹妹一起大，可能我是男的，讀書也算是好，媽媽對妹妹的溺愛，關懷更多。但現在的情況是，妹妹（40雖歲了）跟媽媽成了仇人一樣，還抱怨媽媽重男輕女，對她不好，她的思想還停留在小孩階段，這個是她自己問題，還是沒有父親的教導問題，我就不得而知了。寫出來，只是提供一個例子。
單親媽媽不容易當的，努力。祝福你和你的兒子。
作者: HaYi 時間: 12-6-27 09:24
其實現在雙親的家庭也不一定可以在一起, 我識不少的朋友, 為生計, 先生都是長駐外地, 一年都回不了幾天香港, 做媽媽的跟單親的無分別, 樣樣都要自己做.
無論是有冇先生在身邊, 大家都是盡自己的能力為子女找一條比較合的路吧! 加油!
作者: yee8001 時間: 12-6-27 09:30
回復 sheffield 的帖子
作者: MaiGao 時間: 12-6-27 10:06
很感謝cmchang0927的分享。你有一個很偉大、很愛你的媽媽。
Happymama888, 其實我相信仔仔依家叩入的學校，老師係好既。不過因為地點關係，小朋友需要自行上學和回家，這令我非常擔心。不過我已經向附近的親友打過招呼，因為大部份都同校，有些都願意暫時代為照看。
SKID123，我沒有介意。我知道你希望警醒大家，留心自己對小朋友的影響。我亦歡迎大家的建議。我嘗試在寵愛和嚴厲中取得平衡，但殊不容易。只求仔仔長大後生生性性，貢獻社會，愛護他人。
作者: car817ho 時間: 12-6-27 10:09
回復 MaiGao 的帖子
為你祈禱, 希望你仔仔順利考入陳守仁, 加油
作者: Happymama888 時間: 12-6-27 14:37
回復 MaiGao 的帖子
Pls check PM!
作者: lovelytwins 時間: 12-6-28 11:55
回復 心急做媽咪 的帖子
就算自己兒女天資真的不好,有什麼問題?她/他天生就是這樣，出天生我才必有用。
叻又好唔另又好，我們做父母的都要去接受事實﹐無論如何都是我們的兒女，要給他們足夠的愛。
作者: babyjean 時間: 12-6-30 00:02 標題: 回覆：開始懷疑女兒的能力……
很慚愧，近日心情不好，忟忟地。
坦白告訴女兒，希望她原諒。女兒問我不開心的原因，不想說是因為我們至今仍叩不到門。不希望她對即將入讀的學校有壞印象。
女兒堅持要知道，我說她現在的學校好好，但希望為她找個伴。（有同學派入我心儀的小學）無奈已寫了幾封信，始終無回音。
我問女兒有冇嬲我，呢兩日發脾氣。她說：你咁乖寫信，錫你就真。
作者: Pinkyho0102 時間: 12-6-30 00:13 標題: 回覆：linglnglau 的帖子
諗係咁諗，但真係好傷心，同埋真係要佢成績及表現非常出眾才可以插到間好嘅學校。好難過同埋好想喊。
作者: Pinkyho0102 時間: 12-6-30 00:24 標題: 回覆：sheffield 的帖子
多謝分享，心裡舒服好多。
作者: Pinkyho0102 時間: 12-6-30 00:41 標題: 回覆：心急做媽咪 的帖子
好有同感，今日最後嘅希望都沒埋。連聽曰阿囡三年嘅幼稚園畢業典禮都遇上八號風球要取消，連個美好嘅回憶都唔留俾佢，好傷心。
作者: k_lego 時間: 12-6-30 01:06 標題: 引用：好有同感，今日最後嘅希望都沒埋。連聽曰阿
原帖由 Pinkyho0102 於 12-06-30 發表
好有同感，今日最後嘅希望都沒埋。連聽曰阿囡三年嘅幼稚園畢業典禮都遇上八號風球要取消，連個美好嘅回憶都 ...
| 歡迎光臨 教育王國 (/) |
Powered by Discuz! X1.5 |