教育王國

標題: 依家呢個年代，做小學生仲慘過返工 [打印本頁]

作者: NET16 時間: 12-7-30 17:10 標題: 依家呢個年代，做小學生仲慘過返工

我覺得要反o既唔只係國民教育科
成個香港ｏ既教育制度都有問題
個個小學生咁細個就要面對咁大壓力
返學起身又早過人。。。功課又多過人。。。根本冇足夠時間休息
又要學好多課外活動提升自己競爭力

睇住黎啦
過多十幾年。。。肯定愈黎愈多精神病人。。。同自殺個案。。。
到時再睇下呢個政府點搞

作者: Cake111 時間: 12-7-30 18:17 標題: 回覆：NET16 的帖子

為左部署小一叩門嘅準備，我同小朋友一早已癲左

作者: shadowli 時間: 12-7-30 18:28

Net16: 我女未升上小一，我都就快癲啦。

作者: teresa_timothy 時間: 12-7-30 21:26 標題: 回覆：依家呢個年代，做小學生仲慘過返工

幼稚園就要默書串字，又要練成十八般舞藝去備戰小一，家長同小朋友都癲！想當年我地邊度係咁丫？陰公！

作者: mena 時間: 12-7-30 22:38

以前小一先學哂A to Z衣家K1要識，小一面試要串字，計數，讀故事書，又要琴棋書畫，體育叻。5歳要成個天才咁，係唔係好有問題，但係香港D學生係世界學術又唔係特別勵害，究竟個教育制度係唔係出咗咩問題，要用最短的時間去記一大堆知識，但是係唔明，定係敎育本身應該去教小朋友自學，培養學習興趣。

作者: Bcat 時間: 12-7-30 23:56

提示: 作者被禁止或刪除內容自動屏蔽

作者: Bcat 時間: 12-7-30 23:58

提示: 作者被禁止或刪除內容自動屏蔽

作者: Bcat 時間: 12-7-31 00:06

提示: 作者被禁止或刪除內容自動屏蔽

作者: 七點半 時間: 12-7-31 00:07 標題: 回覆：Bcat 的帖子

作者: 七點半 時間: 12-7-31 00:11 標題: 回覆：Bcat 的帖子

我欣賞你那句學懂如何好好生活！仲要懂感恩，及欣賞身邊的人和事！

作者: Bcat 時間: 12-7-31 00:11

提示: 作者被禁止或刪除內容自動屏蔽

作者: Bcat 時間: 12-7-31 00:15

提示: 作者被禁止或刪除內容自動屏蔽

作者: Bcat 時間: 12-7-31 00:19

提示: 作者被禁止或刪除內容自動屏蔽

作者: kkhon 時間: 12-7-31 01:25

學課外活動練18般舞藝就人各有志我不願致評，但小學返全日7個鐘加做功課1個鐘溫習預備默書測驗1個鐘，咁細個人仔1日做9個鐘同大人返工有得揮，完全冇乜時間玩，呢樣真係難頂。

作者: kamtsk 時間: 12-7-31 09:04 標題: 回覆：kkhon 的帖子

我地個政府成日話派人去考察，參考別人成功的地方，結果只係學其形不學其神。之前跟風行全日制，人地啲全日制係小朋友返屋企只有一樣野做，就係閱讀課外書，而最多都只會做張簡單的閱讀報告，另外間中會叫小朋友做些設計或模型，做下口頭報告。

香港呢？學校返完全日仲有幾樣功課要做，默書測驗考試，輪住呢。學生家長老師一齊受壓！最近有位做教師的朋友才分享，學校採取問責制，如果小三學生的中文作文字數不夠250字，老師便要照肺。而且仲要起25分鐘內完成！因為小三TSA的寫作部分是要求40分鐘內完成一篇作文，一篇實用文！而小四，老師便會不停地跟同學操練TSA / Pre S1的練習。

這，是甚麼現象？又是誰的錯？政府的教育政策一日唔改，呢種情況只會越黎越嚴重！可惜的是，家長很多時都會睇學校的派位成績而選校，因為有哪位家長不想小朋友派到心儀中學，再進入大學？學校為爭取漂亮的派位成績表，也只有谷谷谷！唉！

作者: miffy 時間: 12-7-31 09:12

提示: 作者被禁止或刪除內容自動屏蔽

作者: bigboy129 時間: 12-7-31 09:17

返半日,啲家長又咪話下午Hea,咪又會填滿下午嘅時間,又會話返全日好啲。到左返全日,又話冇時間休息同玩,又會話返半日好啲。幼稚園教得淺,又話間學校唔得,幫唔到小朋友考小學。教得深又話離譜。見人地學幾樣課外活動,自己又怕執輸,立即幫小朋友報多啲。其實依啲包括幼稚園及活動全部都係家長自己選擇,唔跟又怕報輸,跟住玩又話辛苦,又要得最好,又怕付出,思想一代傳一代。反醒的應該是家長

作者: bighead9849 時間: 12-7-31 09:22

Bcat 發表於 12-7-31 00:06
始作俑者,其實係家長, 有批家長成日想學校教深d, 教快d, 學校滿足家長教深d,教快d, 然後, 有d家長又要求再 ...

十分認同 ! 名校要繼續深以保持優勢, 未出名的要努力追趕, 又再教深 d ,結果不繼你追我趕, 惡性循環 !

作者: wingsze23 時間: 12-7-31 09:24

AGREE. AND HK的小朋友2YR OLD就上學, 早過好多國家, 但又唔見大個左勁D...

作者: busybees211 時間: 12-7-31 10:53

工作關係, 我識得唔少北歐人, 有時會同佢地傾下北歐同香港的教育差異, 有次我同他們講k2就要學認字, 寫字, 串字, 佢地個個都O曬咀

....

因為佢地小學先開始學寫字, 且課程比香港淺兩年, 而KINDERGARDEN係完完全全非學術性的, 唔會教字母, 更唔會教生字, 完完全全係比小朋友單獨或互動地去玩不同的玩具.

至於兩種教育方法的結果, 我諗都好明顯, 香港的教育制度可以鍛鍊出好勤力人, 但頂多做好行政工作; 但人地的教育方法卻可培養出有創意的人, 可以改變世界, 帶領潮流的人....

我相信小朋友係HEA的時候, 其實個腦都係不斷咁郁緊同思考緊, 唔係我大人所諗咁;

我理解BCAT的講法, 但就算我想幫個仔揾間啓發思維的學校(很可能是私校), 都係要面試的, 都係要睇個小朋友PRESENT成點... 所以我相信好多家長同我都係左右為難;

孟母三遷都是想為兒子找家好的學校, 大家都唔會想這個選擇權交由命運安排吧...

作者: ha8mo 時間: 12-7-31 11:22

提示: 作者被禁止或刪除內容自動屏蔽

作者: fatkca 時間: 12-7-31 11:39

而家唔只小朋友讀書辛苦, 家長仲辛苦!!小朋友學個d生字, 有d真係大學生都要查字典

作者: huisylvia 時間: 12-7-31 11:49

Bcat 發表於 12-7-30 23:56
其實, 如果大家覺得唔對路的話, 可以不催谷小朋友. 讓小朋友快快樂樂生活.
就算唔識A-Z, 唔計數,唔學琴棋書 ...

同意,書就一定要讀,但點樣讀,去邊種學校環境,成長環境多少都係有得揀既

作者: Haz-mama 時間: 12-7-31 11:49

回復 NET16 的帖子

絕對有同感, 香港教育制度係極之有問題

, 原本冇諗過比囡囡參加多項課外活動, 但很無奈地在這個教育制度和環境下, 女兒迫於參加很多課外活動

, 如想要入讀較競爭性的學校, 便要加強小朋友學術方面的才能, 中英數學習是少不免, 不祇小孩有壓力, 家長們壓力也不少, 相信政府將來要加開多幾間精神科醫院

.....

作者: huisylvia 時間: 12-7-31 12:23

miffy 發表於 12-7-31 09:12
係架, 我一早覺得喇, 朝早7點起身返學, 3點幾放學, 去補習社做功課, 搭車番屋企, 睇陣電視, 沖埋涼食埋飯, ...

我細個,講緊30+年前,我都係返全日班既,
果時真係唔係咁多小學有全日班,我都覺我父母好與別不同架....haha
我又唔覺得辛苦喎,中午食完飯有段時間係用黎做功課或溫書既,
返到屋企又有時間玩,睇電視,星期六,日一家人成日出去玩,
不過就無而家d細佬咁多興趣班同補習....

只不過而家係大家有要求咗,
家長想小朋友叻d,希望學校教多d,教深d,
又擔心人地重叻d,自己果個唔夠爭,
於是係出面又補習,又學十項全能....
咁就梗係一日24小時都唔夠用啦
學校為收生好,於是要教多d,教深d迎合家長,
同時又要谷d學生,升中派位要好,
咁又吸引到多d家長報佢地,又可以素揀d質數好既學生,保障校譽.....
咁樣循環下去,供求問題,真係唔可以講邊個錯,
係雞同蛋問題

其實我慶幸而家家長都仲有得揀下,
當然亦無可能一間學校可以滿足晒所有願望架啦,
針無兩頭利,唯有接自己需要去揀

作者: Amy47 時間: 12-8-1 13:39

小一入學戰後感:
我覺得幼稚園係自我認識的階段, 不是學術學習階段, 所以我地揀咗間愉快學習嘅幼稚園畀囡囡, 不過搵小一時先知道原來大家都已經十八般武藝樣樣得...大抽獎又無幸運之神睇住, 扣門時發現原來大抽獎學校都希望揀精英中的精英, 需然我地唔係BEST OF THE BEST, 不過都有扣門階段入紙的直資, 私校取錄, 最後好在天父幫我地找到了一間合適的私校. 每年要畀3,4萬讀小學... 有人會懷疑是我地要求太高, 但實際大抽獎的學校實在太令我們擔心... 我覺得派位方法不是有很大問題, 只是對學校嘅監管問題實在太大, 到底有沒有睇清楚受資助的學校到底是如何辨學? 如何幫助它們提升質素? 如果受資助的學校質素平均一些, 我想我們繳稅多年的香港人, 可以不需要選校大戰.....

作者: Chloehlk 時間: 12-8-6 11:01

以我所知，很多外國小學無分Banding，於是大家都不用太擔心揀名校問題，一心希望小朋友愉快學習，父母亦不會互相比較，所以我十分認同香港小朋友好慘！以前我都會每星期六日和仔仔去玩，我想他做個快樂人！但原來身邊家長都報十樣八樣課外活動，我開始擔心自己對小朋友不夠好。於是只好亦報少少，相信好多家長都是甘!

作者: 小曳人 時間: 12-8-6 11:46

Chloehlk 發表於 12-8-6 11:01
以我所知，很多外國小學無分Banding，於是大家都不用太擔心揀名校問題，一心希望小朋友愉快學習，父母亦不 ...

不過，自從有大量中國移民之後，好多資源較好，出名d嘅學校，都俾中國人爭住入，令到當地人都覺得唔公平，但無奈，中國人讀書的確係勤力d (呢個情況係土生Sidney嘅親戚講嘅)

作者: Bcat 時間: 12-8-6 22:03

提示: 作者被禁止或刪除內容自動屏蔽

作者: healthybaby 時間: 12-8-7 13:45 標題: 引用：回應樓主:實際D,+不如各位家長向教育署反映

原帖由 Bcat 於 12-08-06 發表
回應樓主:
實際D, 不如各位家長向教育署反映下:

到時又會有家長投訴，無功課學唔到野

作者: sharon1018 時間: 12-8-7 14:02

其實我都同意各位所講,
家長想小朋友讀好學校要多功課,又要學多幾樣興趣班..辛苦既係小朋友,
完全冇所謂既"童年",..童年就係玩..長大之後會有好多好好既回憶同笑話.
但而家D小朋友既"童年"係問同學.."你興趣班係學咩呀?有冇補習啊?屋企有冇機打啊?等等諸如此類..不過..又係時代同科技進步所帶來的後果..
當然啦..個個家長都想小朋友長大後有好工作,高人工..住大屋..
咁其實係為家長自己定係為小朋友呢???
個個家長都將小朋友互相比較,又驚人地小朋友叻過自己個小朋友,唯有谷自己的小朋友去學好多種興趣班..咁做啱既咩?
香港既教育制度本身就有好大問題,不過家長自己本身都係有問題..
我自己既小朋友都有學興趣班.不過我問過佢地想唔想學,
想既先俾佢地學..如果佢地學下都唔鐘意,我就會停止..
因為我都唔想以後佢地會對呢樣興趣反感..所以唔谷佢地一定要學嘢!
小學既功課家長又要多..小朋友做到好夜,家長捨得咩? 搞到自己勞氣..值得咩?無論功課多定少,學校有冇興趣班..一定都會有家長投訴....怪獸家長??

作者: chaukwan 時間: 12-8-7 15:02

回復 Bcat 的帖子

係, 而家呢個情況真係由家長自己造成的

作者: chaukwan 時間: 12-8-7 15:09

其實我覺得返全日不是一個大問題, 係而家的學校太多默書測試, 講真呀, 默咁多有咩用先, d小朋友係咪真係記得晒所有的字同埋係咪真係理解得晒d字的意思同埋用法呢? 只係死背爛背, 完全理解唔到都係冇用的, 你唔俾小朋友去理解去消化
一個星期俾你默齊7日都係冇用的

作者: nisha 時間: 12-8-7 15:14

惡性循環, 是否應由家長說不.
當家長唔buy 呢套, 學校就作出改變; 小朋友的愉快童年其實在乎於家長取態

作者: Bcat 時間: 12-8-8 22:25

提示: 作者被禁止或刪除內容自動屏蔽

作者: judymama 時間: 12-8-8 23:39 標題: 回覆：依家呢個年代，做小學生仲慘過返工

點解要有家課？好慘

作者: sweetdog 時間: 12-8-9 10:57 標題: 回覆：judymama 的帖子

我觉得所有的，都是父母選擇比自己小朋友的，人地学咁多興趣班，你就要跟上嗎?要同人比拼，要認叻，就不要鬧!

不用説，政府的教育制度幾十年都係有問题架啦!nothing:

作者: ha8mo 時間: 12-8-9 17:47

提示: 作者被禁止或刪除內容自動屏蔽

作者: 天瑜 時間: 12-8-9 18:18 標題: 回覆：Bcat 的帖子

提示: 作者被禁止或刪除內容自動屏蔽

歡迎光臨教育王國 (/)