教育王國

標題: 如何令小一生自動自覺去溫書？ [打印本頁]

作者: Kingkong6 時間: 12-9-19 19:17 標題: 如何令小一生自動自覺去溫書？

每次都要我陪他溫書，陪他串字，好似係我讀書咁，有咩辦法佢可以自動自覺、獨立地去溫書？定係小一生都係咁既呢？

作者: 1773 時間: 12-9-19 19:34 標題: 引用：每次都要我陪他溫書，陪他串字，好似係我讀

原帖由 Kingkong6 於 12-09-19 發表
每次都要我陪他溫書，陪他串字，好似係我讀書咁，有咩辦法佢可以自動自覺、獨立地去溫書？定係小一生都係咁 ...

三個月前，佢只係幼稚園學生，今日計，佢只做咗小學生唔夠一個月。身份嘅轉變唔會令佢突然間乜都識。比啲時間同耐性啦！依家要教佢點樣去做功課，包括睇題目、答題同check功課，記住係教佢，引導佢，唔好貪快比答案佢。默書方面，又要教佢點溫習，包括如何記住讀音、筆順、筆劃或者串法。有啲幼稚園只默單字，但小學默句子，字同句子係兩回事，都要教。
有時我哋大人覺得容易，但對小朋友來說是完全未見過的新事物，BB時簡單如走路都要父母扶下一頭半個月，至可以行得穩陣。
依家比啲耐性，比啲信心佢，教導佢方法（但千祈唔好直接話答案比佢知），有需要時扶佢一把，不久嘅將來，佢自然可以自己走得穩。

作者: Happie 時間: 12-9-19 19:51

好多高小都不能AUTOMATIC.
我LUM小一首要適應下先, 有好多野在學校都要自己做ge la. 比d正能量佢, 簡單易明ge指導, step by step la. 父母要付出愛心, 耐性同時間. 最緊要keep 住" 返學是愉快的".

作者: piagetmum1 時間: 12-9-19 20:53

Mission impossible

作者: k_lego 時間: 12-9-19 22:52

我覺得呢d需要日子去積累番來嫁..
由小到大同佢洗腦咁..話俾佢知呢d係佢既責任
但首先都要跟佢幾個月什致一年
慢慢教佢應該點溫點讀點做..

作者: qop 時間: 12-9-19 23:30

比啲時間
始終都係開學無幾耐

回想起我一對囝囡，當初都係咁，不過我安排好哂定時定後要做咩，等佢習慣了呢種生活模式，好快佢地就會慢慢有改善，當然有例外。

而且我老公更絕，我囝囝一年級的時候，家裡係無電視機的，我老公係屋企只係睇書同睇報紙

作者: natalie-mama 時間: 12-9-20 08:14

我都贊成電視機同遊戲機是致命元凶! 現在除了下午做完功課睇一陣ICU外, 就耍等週末才可以再睇!

作者: 工程佬 時間: 12-9-20 11:32

本帖最後由工程佬於 12-9-20 11:33 編輯

咁細個齋叫佢溫書都唔知做乜,我個仔今年都係小一,我覺得我地做父母要引導佢溫書,我通常輕鬆d,搞下gag,有時仲要扮學生,當佢係老師"請教"佢問題...總之唔好死板

作者: miffy 時間: 12-9-20 16:09

提示: 作者被禁止或刪除內容自動屏蔽

作者: hoihoima 時間: 12-9-20 19:11

回復 Kingkong6 的帖子

I spent much time to train (force) my P.1 boy to read questions, write properly and check homework after finishing. Also need to watch him packing school bag and get ready the school uniform for the next day. Also need to teach him the daily routine. To me, the above has a higher priority than 自動自覺去溫書 for the time being.

作者: mansum92 時間: 12-9-20 23:04

set時間表等佢習慣左大個就會自動自覺去做

作者: chanwendy 時間: 12-9-21 10:55

我女 k3 時都已經有默書, 我下學期時的做法係比範圍佢, 叫佢自己搵, 之後自己默比我睇. 今年小一, 下星期有默書, 我就叫佢自己溫, 得十幾個字, 我叫佢自己背咗啲字, 溫完自己默返晒出嚟.

作者: meia 時間: 12-9-21 12:00

我地返工, 屋企係冇人夠胆開電視的

除咗食飯飯得快, 可以睇一陣disney channel
同埋新聞, 天氣, 電視係唔開的

但我個女都仲係游下游下,
太多野會令小朋友分心了

作者: Haz-mama 時間: 12-9-21 14:31

基本上上咗小一都少開電視, 除咗星期六日, 以前夜晚8點前, 囡囡會走去熄電視; 放學後, 除咗課外活動, 佢會做咗功課先, 然後玩一陣, 我放工返到屋企再同佢溫下書, 默下生字...

作者: qop 時間: 12-9-21 23:44

meia 發表於 12-9-21 12:00
我地返工, 屋企係冇人夠胆開電視的

除咗食飯飯得快, 可以睇一陣disney channel

咁佢做功課時，妳通常做甚麼？

作者: lojo11 時間: 12-9-24 09:13

好睇小朋友個性, 有d可以好獨立, 有d唔可以...
要睇番小朋友進度, 唔好太心急...

作者: meia 時間: 12-9-24 11:45

回復 qop 的帖子

原則上, 佢要係我地放工前完成功課
我地放工返來對
當然通常都唔得
佢而家小二
好似好dd
因為老師比佢做幾個月班長
而我又唔使佢返功課班住
佢好開心,表現又好dd

經過呢一年
我地發覺
千祈唔好比佢知道你緊張過佢
佢地會以為d功課係父母的責任
由得佢錯, 等佢做下改正
佢就道原來d野要做好同做啱
唔係求其做比父母改, 再交比老師

另外, 唔好理其他人奌諗
我女d同學好勁, 學好多野, law好多獎
相比之下, 我女好似有問題, 功課又一般過一般
只要佢有進步就可以慢慢教

作者: kittylam 時間: 12-9-24 12:09

呢樣要睇性格，我兩個仔，大仔由小一到而家小四，默書考試全部自己溫，我最多得閒出D問題考下佢。細仔就唔得啦，真喺睇小眼都出事，大仔性格文靜寡言，細仔性格好動八卦。

作者: manki_bb 時間: 12-9-24 13:32

回復 qop 的帖子

omg......

作者: bbforever 時間: 12-9-29 01:09

我都好担心，我仔係一個好倚賴嘅人，要陪做功課，我行開佢行開睇到實都要罵才肯做少少，做嘜都慢吞吞，自動自覺玩就得

作者: 花仔媽咪 時間: 12-9-29 20:04 標題: 回覆：hoihoima 的帖子

我個小五都未識自動自覺溫書

作者: JJDBB 時間: 12-9-30 08:15

我覺得，這個要從小的，但都要睇小朋友的性格，基本上，讀書的責任不是大人，只是大人協助。
我好BUY 我家的補習老師，佢講：小朋友好醒，佢一話唔識的功課，你立即教，佢就題題唔識，到時就你幫佢做，久而久之，佢成為習慣，變左你要"航"
住佢先做得，所以這一環需要細細個就教。

大家加油！

作者: 朝日屋 時間: 12-10-1 15:13

回復 1773 的帖子

十分認同.

作者: parentslove 時間: 12-10-2 18:13

Set up a Time Table with your kids, of course discuss with them first.

parentslove

歡迎光臨教育王國 (/)