教育王國
標題: 阿女帶蝦條回校,老師話唔可以食收咗! [打印本頁]
作者: ching1124 時間: 12-11-30 09:53 標題: 阿女帶蝦條回校,老師話唔可以食收咗!
阿女放學話我知,老師收咗佢包蝦條,我問阿女係咪上堂拿出來搞先俾老師收咗,佢話唔係,只係小息拿出來俾老師見到就話乾燥唔可以食就收咗!如果真係阿女所講,我覺得呢個老師好奇怪唔俾學校食可以帶回家食,點解要收咗去阿女又無做錯事,大家覺得奇怪嗎其實有D覺得老師針對阿女,除呢件事仲有其他,唔知係咪我諗多咗
作者: 聰 時間: 12-11-30 10:01 標題: 回覆:阿女帶蝦條回校,老師話唔可以食收咗!
可能老師唔記得放學比番你個女。勿多心
作者: 仔仔錫錫你 時間: 12-11-30 10:18
食面包餅乾米重"且"水,天氣乾燥應該飲多d水,同食咩關係不大。我會比多2包叫個女請該老師食,再問她會否因此不開心,如不開心就好好記住這感受,不要對其他人做同樣事情。
作者: Yanamami 時間: 12-11-30 10:27
怪誕! 老師如果覺得小食唔健康, 多數會建議同學帶其他小食, 唔會收. 唔好下下講針對, 但老師做法不洽當. 安慰下個女啦. 家長有時要做下buffer. 俾d健康d零食女, 同佢打完場話老師想佢健康d o者....
作者: A-Mum 時間: 12-11-30 10:31
會唔會係學校鼓勵健康飯食?有啲學校只建議帶咸餅、水果,不過好少帶錯一次就沒收。會唔會係老師之前已經警告過?未必係警告你囡囡,話過同班同學或早會講過都算架。
作者: ching1124 時間: 12-11-30 10:45
A-Mum 發表於 12-11-30 10:31
會唔會係學校鼓勵健康飯食?有啲學校只建議帶咸餅、水果,不過好少帶錯一次就沒收。會唔會係老師之前已經警 ...
我又無聽講過學校唔俾帶呢D零食回校食!點都好老師係咪應該要同我講聲點解要收咗包嘢呢!
作者: pandean 時間: 12-11-30 10:53
我覺得老師系忘記放學給番你個女多,既然她連你女兒小息零食健康否都關註,應該還是很關心她的。我自己遇到就不會問番老師咯,好似比較尷尬,下次帶健康零食就好啦。
作者: celiamum 時間: 12-11-30 11:30
我個女間學校D老師..一早提家長...唔好比同學仔帶呢類零食返學校...如果要帶零食...帶D小蛋糕/餅干...學校同老師都係想小朋友有個良好的飲食習慣...
老師應該都係唔記得比返妳個女姐...
如果妳覺得真係有問題,妳可以打去客氣D咁同老師傾返呢個問題...
作者: mokchingyin0910 時間: 12-11-30 11:34 標題: 回覆:阿女帶蝦條回校,老師話唔可以食收咗!
吓!無自由
作者: itbaby 時間: 12-11-30 11:42
ching1124 發表於 12-11-30 09:53
阿女放學話我知,老師收咗佢包蝦條,我問阿女係咪上堂拿出來搞先俾老師收咗,佢話唔係,只係小息拿出來俾老 ...
未必係針對的,可能老師忘記了,而且有部份學校係講健康飲食,所以唔比學生帶這些零食回校的,所以若有機會可以問返學校的規則,免卻又帶錯,令小朋友唔開心或給老師不好的印象。
作者: 路過的人 時間: 12-11-30 12:15
有小學係唔比帶蝦條...連盒裝維他奶都唔比...不過唔會即時收...叫同學仔下次唔好再帶
作者: AAma 時間: 12-11-30 12:28
蝦條是垃圾食物, 老師收了, 下次小朋友唔會帶返學重好啦, 下下放大來睇,點會開心, relex.
作者: mc 時間: 12-11-30 12:45
回復 ching1124 的帖子
老師這樣做可能對你女來說很難以明白,但家長在孩子面前切忌不要說老師的不是,可以把問號放在心上,對孩子仍以正面方式說此事,說老師這樣做只是為了關心囡囡的健康。你可找機會打給該老師,不是質問她的處理手法,而是想問問孩子在學校的情況,關心一下,看看老師會否把這事說出?一包蝦條我相信是老師太忙不記得退回給孩子,也有可能想如退回給孩子,孩子放學後會自己拿來吃,也不健康。老師在處理手法上比較急,對初初入小學的孩子來說會覺得很受傷,你就好好開解自己的孩子吧!
作者: Meikin 時間: 12-11-30 13:15
阿仔學校前幾年開始推行健康校園, 建議多吃蔬果, 校內部汽水機變咗蒸餾水機, 更禁止帶零食junk food回校食. 阿仔和同學仔偶然都會偷偷帶零食回去, 小息時走去無人地帶(甚至厠格內)靜靜地食...........小息俾老師見到真係會沒收架, 重會俾人話添.
其實我都同意學校這做法, 現在的孩子們好多都當零食是正餐, 日日著片汽水, 實在不健康.
作者: marcuscyrus 時間: 12-11-30 16:08
看似專制d,但呢d junk food,盡量少吃,老師收左,就食少一次,都唔係唔好丫。同阿女講返,乜原來老師唔比帶,咁我地下次帶第二d食物啦
作者: Annie123 時間: 12-11-30 16:23
提示: 作者被禁止或刪除 內容自動屏蔽
作者: Jane1983 時間: 12-11-30 17:49
沒收又好、忘記比番又好,好小事,同小朋友講番就ok。
反而,樓主提到老師好似吳中意小朋友,咁就要想清楚原因,同埋想吓點改善。
朋友個女讀一線龍校,本來好開心,一勞永逸。但吳知點解小朋友好似好克個老師同sister憎,有多少針對。小朋友操行無問題,成績又中上,但返學吳開心,就算升到原校,而家都打算轉走。
作者: ae.mama 時間: 12-11-30 19:30 標題: 回覆:ching1124 的帖子
可能下星期會比番佢,唔好諗多左,亦唔好諗因為什麼財物。ē你應該為老師阻止你囡囡食零食而開心,都係希望佢健康成長,唔通你想老師隻眼開,雙
作者: ae.mama 時間: 12-11-30 19:37 標題: 回覆:ae.mama 的帖子
......隻眼開、隻眼閉
作者: 唔係化 時間: 12-12-1 10:54
除左呢件事, 仲有乜事令你覺得老師針對你囡囡女?
其實沒收零食不算大事, 如你反應太大, 可能對你囡做了反面教材, 小事也會懷疑別人用心
作者: hugo2004 時間: 12-12-1 21:36
仔仔試過帶橙汁返學校,老師話以後唔可以帶飲料,只可以帶水,就唔會收着去!
作者: kochiman2004 時間: 12-12-2 21:48
本帖最後由 kochiman2004 於 12-12-2 21:49 編輯
回復 ching1124 的帖子
蝦條唔可以帶回校, 老師會收 ...
作者: TVSO 時間: 12-12-2 23:05
回復 AAma 的帖子
蝦條是垃圾食物, 老師收了, 下次小朋友唔會帶返學重好啦, 下下放大來睇,點會開心, relex.
同意...............
蝦條是垃圾食物,老師收左我仲有籍口唔使買..(嘻嘻我根本唔會買蝦條作為零食)
如果自己不太肯定還是問問老師或跟其他家長傾傾,有什麼好提議..(健康零食.)
作者: k_lego 時間: 12-12-3 01:08 標題: 引用:但有冇名確講明甚麼是+junk+food?如果真係
原帖由 Annie123 於 12-11-30 發表
但有冇名確講明甚麼是 junk food?
如果真係有校規講明,老師有理據沒收。
如果沒有校規講明,而老師覺得不 ...
我就係例子,幼稚園小學中學一條龍,小學時我和堂妹被針對,連帶到中學都係,初中時成績算是頭25%也被老師鬧我會repeat..ps:個老師教果科我喺班上是top 3架
作者: muichujamie 時間: 12-12-3 01:44
我個女有同學都比老師沒收朱古力,百力滋&糖,因為之前老師講左唔好帶零食返學。剎一警百,我個女而家都唔敢帶。
歡迎光臨 教育王國 (/) |
Powered by Discuz! X1.5 |