教育王國
標題: 懷疑小朋友有感覺統合問題！ [打印本頁]
作者: tsimtsim 時間: 12-12-3 09:23 標題: 懷疑小朋友有感覺統合問題！
老師說
作者: tsimtsim 時間: 12-12-3 09:25 標題: 回覆：懷疑小朋友有感覺統合問題！
老師說懷疑小朋友有感覺統合問題，請問可以在那裡check一
作者: baubaulee 時間: 12-12-3 23:29 標題: 引用：老師說懷疑小朋友有感覺統合問題，請問可以
原帖由 tsimtsim 於 12-12-03 發表
老師說懷疑小朋友有感覺統合問題，請問可以在那裡check一
作者: cowina.wong 時間: 12-12-4 10:44
提示: 作者被禁止或刪除 內容自動屏蔽
作者: hindip 時間: 12-12-6 13:47 標題: 回覆：tsimtsim 的帖子
感統問題要及早評估, 協康青蔥，扶康牽蝶，耀能， 保良，基教，靈實，等NGO 都有OT 做感統評估及治療。
記住要搵 OT 或 有 SIPT cert 的註冊治療師。
方便的話可透露下孩子的問題，可以在此傾談一下。pm 我亦可。
作者: Catonmama 時間: 12-12-6 14:18
回復 hindip 的帖子
你好, 我仔仔現時差不多17個月, 一向到陌生環境就好易喊, 如果有除照顧者外的人approach佢, 佢就會撥開人地, 或者用叫聲來表達不滿(除非o個個人有玩具可以吸引到佢), 有時亦會無固發脾氣, 平時如果坐o係bb車度行行o下停下來佢會唔鍾意, 會叫, 夜晚訓覺時未訓著o個陣鍾意用手指刮張床或者枕頭。之前因為擔心佢有發展問題(因為佢表達同社交方面都比較慢), 所以帶佢去做左一個初步o既評估, 結果係懷疑佢o係感覺統合方面可能有問題，要再由職業治療師同佢做評估。我想請教職業治療師對於一個咁細o既小朋友會同佢做d咩來去評估呢? 謝謝!
作者: hindip 時間: 12-12-6 19:14 標題: 回覆：Catonmama 的帖子
據我了解就感覺統合而言有 3 - 4 方面的評估會進行。當然亦會因應孩子情況/ 機構而有所不同:
1. 問卷/ 電話面談 : 從標準化的問卷在未面談前了解孩子的感覺統合情況和家長的關注
2. 臨床評估: 在特別設計的感覺統合治療室中，透過孩子主導，OT 引導的遊戲模式觀察孩子在感覺方面的喜惡強弱。
3. 臨床測驗: OT 因應個別情況及家長關注挑選的。例如:神經系統的測試，嬰兒早期反射動作統合情況的測試，大小肌肉發展的測驗，動作計劃測驗... 等等
4. 生理情況變化的量度，如 副交感神經系統，和交感神經的活躍度。
但若感統問題是針對某一方面影響，例如書寫 / 情緒/ 管教，則可能需要其實評估，如書寫評估，視覺感知，依附行為... 等等。
作者: hindip 時間: 12-12-7 07:48 標題: 回覆：Catonmama 的帖子
對於年紀細的小朋友，上段的評估多以1，2，+/- 4, 為主。3。可能只會做少部分指示簡單，或無需跟指示的。
作者: Catonmama 時間: 12-12-7 09:46
回復 hindip 的帖子
多謝你的回覆, 其實做呢d感覺統合評估同埋治療, 有冇話要多大的小朋友先至適合?
作者: hindip 時間: 12-12-7 15:25 標題: 回覆：Catonmama 的帖子
任何年齡都適合 ! 若六個月以下的，最好找有嬰幼兒經驗的治療師。
作者: apple000 時間: 12-12-13 15:08
回復 Catonmama 的帖子
初步評估?係吾咪政府的智能評估中心?
作者: Catonmama 時間: 12-12-13 15:10
回復 apple000 的帖子
唔係呀...我o係出面私人做的, 政府有排排啦~
作者: apple000 時間: 12-12-13 15:22
哦~原來係咁,出面的評估質素好參差,未必準.我個仔被評過自閉症+中度智障,嚇到死,後來政府的臨床心理學家評左懷疑自閉+正常智能,可讀主流學校.
作者: Catonmama 時間: 12-12-13 15:49
回復 apple000 的帖子
咩差咁遠~~~~~其實政府我都有排緊,不過未到, 私家我都係o係呢度搵有其他mama comment過的~ 應該都可以, 不過個初步評估都係幼兒工作者做, 之後都要搵返真係職業治療師去做評估先知小朋友係咪真係有感統問題
作者: apple000 時間: 12-12-13 23:32
回復 Catonmama 的帖子
會吾會做全面評估會好d?如果單靠幼兒老師做評估或職業治療師評估,有好多野係評估吾到,例如:自閉傾向,自閉症,過度活躍等等.尤其是自閉症的小朋友的能力差異很大,好似我個小朋友咁,一向怕陌生環境,卻很鍾意同父母玩,亦不抗拒同人相處,有眼神觸,但吾算太多,語言遲緩,但讀書認字很好,有超凡記性,學校老師當左佢係資優兒童,原來佢係懷疑自閉症,即係能力比較高or自閉程度吾係太嚴重的自閉症.有七成的自閉症小朋友係帶著智能問題.我已經錯過左很多治療黃金期,五歲半先發現自閉或者懷疑自閉.我吾係懷疑你個小朋友,而係我們都不是呢方面專業.加油!!
作者: Catonmama 時間: 12-12-14 14:28
回復 apple000 的帖子
多謝你意見, 所以我都有排政府做全面評估, 因為之前話兩個月到有得做, 所以就等政府o個邊, 如果到時都未得先考慮o係私人度做。
作者: Vichang 時間: 12-12-18 18:40 標題: 回覆：Catonmama 的帖子
我囝囝case 和你囝很似，19個月，我懷疑他是自閉，下個月去私家做自閉評估。有需要可以交流下啊！
作者: tsimtsim 時間: 12-12-18 20:36 標題: 回覆：懷疑小朋友有感覺統合問題！
有一陳子沒上來這裹，原來已經有唔少回覆，以下是我囝囝的case，希望有經驗的媽咪可以比一些意見我：
我囝囝剛3歲，出世時巳在政府做聽力測試，評為輕度弱聽，但因太細，怕結果不準確，一直觀察中，最近再做聽力測試，結果相同，正安排配耳機。
另外，不知是否聽力影響，語言發展比同年遲，雖可以說句子，但發音不準。可以說:我去旅行，爸爸又去，媽媽又去，哥哥又去，一家人去。但一些複雜些的句子會唔識連接。
小朋友的性格也比較固執，一些事他如何也不願做，如秋天了，須穿白外套，如何也不願意穿。到冬天要轉冬季校服，老師和奶奶用盡方法，花了個多月時間，才可以哭着勉強穿上。平曰外出，只願意穿特定的幾條家居褲，即使是全棉有卡通人物的褲，如果已被他認定不穿，即使穿了也會脫下。一些不吃的東西，如何也不吃！這些也是老師懷疑有感覺統合的原因。
作者: tsimtsim 時間: 12-12-18 20:44 標題: 回覆：懷疑小朋友有感覺統合問題！
我知聽起來問題只是衣著和對食物的固執，但有聽力和語言問題巳今我好擔心，我怕是此三個問題互相影響，希望大家有些意見可以給我，謝！
作者: hindip 時間: 12-12-18 21:31 標題: 回覆：tsimtsim 的帖子
可從感覺統合方面分析一下，以供參考:
衣服 及 食物問題多與 觸覺系統有關。
而在腦神經科學 中 聽覺及觸覺 亦是關係密切的。(ref.
1. A Neural Link between Feeling and Hearing， Tony Ro et. al Cereb. Cortex 2012;
2. "Where touch and hearing meet", at Medical news today by Petra Rattue)
聽力問題不能透過感覺統合治療處理，但聽覺感知及觸覺敏感的問題可以。
見了 OT 沒有 ?
作者: tsimtsim 時間: 12-12-19 08:39 標題: 回覆：hindip 的帖子
什麼是OT?
作者: Catonmama 時間: 12-12-19 14:59
回復 tsimtsim 的帖子
應該是職業治療師呀...可以做感統的評估
作者: Catonmama 時間: 12-12-19 15:06
回復 Vichang 的帖子
請問你仔仔係點樣情況你懷疑佢係自閉? 因為我仔仔係之前要面試n班o個排去太多陌生環境情緒差d...因為佢係一個好sensitive o既bb, 由細到大有時我地大聲d講野佢都可能會以為話佢而喊, 依家過左佢又好似冇咩野, 同其他陌生人都有目光接觸, 有時仲會微笑, 不過如果佢地想抱佢或者俾野佢佢都係唔鍾意, 但係如果係小朋友又好似好d..唔會撥開人..可以大家一齊玩玩具。
作者: Vichang 時間: 12-12-19 18:42 標題: 回覆：Catonmama 的帖子
你囝囝好似我囝囝呀，我都係開始去in PN 就發覚佢同其他小朋友好唔同，去到課室就想走，但係一出到走廊、樓梯又冇乜嘢。社交方面唔中意睬人，但係見到街外人揸住I,, phone, or food 佢都會睬嘅。冇乜眼神接觸啦,anyway, 佢情緒、社交、感統都欠佳。仲有佢去上pg唔肯聴指令，只識哭，發脾氣。
作者: Vichang 時間: 12-12-19 18:43 標題: 回覆：Catonmama 的帖子
仲有而家佢開始唔中意陌生人掂佢啦，會嗌呀。
作者: Catonmama 時間: 12-12-20 10:14
回復 Vichang 的帖子
我之前都有諗住幫阿仔o係私人做全面評估的, 但係o個時個姑娘話佢仲係細(16個月), 可以等到歲半先, 所以做左個初步評估, 懷疑佢感統同言語方面同社交方面有遲緩, 依家因為大口環o個邊排緊做full assessment, 所以我唔想再o係私人幫佢做全面評估了(因為都好貴), 只係約左職業治療師24號幫佢做感統評估, 諗住如果有training都俾佢做住先, ~~
咁你小朋友有冇pn offer呀?
作者: Vichang 時間: 12-12-20 18:38 標題: 回覆：Catonmama 的帖子
幸運地，囝囝都有3個PN offer, 因為呢3次咁啱冇乜發脾氣，同埋我in 得好
我囝囝感統應該都有問題，不過在我自己覺得佢應該搞好情緒眼神先可以會學到嘢，從而有improvement....我而家都排緊協康同心橋做個人訓練。都要等2-3個月架。未來仲有好多錢要冼.....
作者: hindip 時間: 12-12-21 07:54 標題: 回覆：Vichang 的帖子
眼神和情緒與感統或有關聯。
例如: 感覺過敏，特別是觸覺，聽覺，嗅覺的過敏與情緒關係最密切。
而眼神接觸有令神經系統緊張的情況，所以亦與感覺過敏有關。
作者: Catonmama 時間: 12-12-21 10:17
回復 Vichang 的帖子
你就好了, 我仔仔in左4間, 有兩間waiting, 兩間等緊result, 不過應該都冇了, 因為佢in o個時有喊到~~ 來緊都仲有幾間in, 希望會有希望~~
我都覺得我仔仔有感統問題多d, 因為佢又唔係全部陌生環境唔鍾意, 就算係入去d鋪頭, 有d完全冇野周圍望o下野..有d一入去就唔鍾意會喊, 去搭mtr, 大堂依家會播d音樂架ma...有一首佢又唔鍾意, 但係平時o係屋企佢又好鍾意聽音樂的...有一次入左一架後門o既lift佢又好似有d驚咁....可能佢d感官好sensitive, 我地大人覺得冇野的, 佢唔鍾意...我下星期一做完感統評估希望會搵到答案啦~~
我另外都有約協康做言語評估, 冇錯呀...來緊真係大把$$要駛, 不過為左仔仔, 咩都要~~
作者: Catonmama 時間: 12-12-21 10:18
回復 Vichang 的帖子
想問o下你排緊協康o個度係做咩個人訓練呀? 你係咪之前已經o係佢o個度做左評估啦?
作者: Vichang 時間: 12-12-21 18:46 標題: 回覆：Catonmama 的帖子
我什麼評估都未做，只係去左政府排CAC及下月去私人做，好貴啊。但係我去左自閉寶寶果邊睇左好多資料，自己心裡有數自己囝囝情況....
我in 左好多學校，有成8間？! Anyway, waiting list 都有機會排到架，dun worry
作者: Catonmama 時間: 12-12-24 14:59
回復 Vichang 的帖子
我今日o岩o岩做完感統評估, 話阿仔係觸覺敏感, 所以會比較怕接觸陌生o既野, 個人比較defensive, 不過個治療師話由於其他感官同交流都可以, 同埋小朋友都仲係偏細, 所以都叫我做o下d家居訓練睇o下幾個月後有冇改進。你都唔駛太擔心, 我阿仔之前一兩個月情緒好差, 最近好似突然之間咩都成熟左d..情緒好左, 對陌生環境快左好多claim down..雖然都會喊o下一陣....可能係我最近多左帶佢出街, 去公園...可能你小朋友同我o個個都一樣, 比較遲熟，同埋天生比較敏感。我自己都有睇過d感統書, 有時有d感統問題都會令到個小朋友有d令人懷疑係自閉o既sympton, 不過做完評估的確會安心好多, 希望你仔仔都健康快樂!
作者: Vichang 時間: 12-12-24 18:55 標題: 回覆：hindip 的帖子
謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？
作者: tsimtsim 時間: 12-12-25 23:20 標題: 回覆：Catonmama 的帖子
想問下在那裡做評估，費用多少？評估是用什麼方法？謝！
作者: pinkdoll 時間: 12-12-26 23:48
本帖最後由 pinkdoll 於 12-12-26 23:50 編輯
Vichang 發表於 12-12-24 18:55
謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？
...
感覺統合有七種, 前庭, 本體, 觸角, 嗅覺, 味覺, 聽覺, 視覺; 有啲小朋友係混合型, 可以其中有些感統是敏感, 有些是遲鈍.
你仔仔跌倒唔識喊, 可能是本體感遲鈍.
不喜歡被陌生人摸/掂, 可能是觸角敏感.
都係個句, 要找專業ot去幫小朋友去做評估及判斷.
作者: hindip 時間: 12-12-27 00:50 標題: 引用：謝謝你的解釋，但係我囝囝跌倒唔喊，我會認
原帖由 Vichang 於 12-12-24 發表
謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？
...
OT 會講解俾你知。唔明問到明 !
作者: Vichang 時間: 12-12-27 10:52 標題: 回覆：hindip 的帖子
謝謝。不過我而家只係安排了自閉証評估，好貴，因為我一直以都覚得囝囝似自閉（冇眼神接觸，去到陌生室內地方想走，叫極唔應，之前中意玩車轆，而家冇玩但中意睇電梯數字和一定要見到度門關晒先行開，固執行為如用開奶嘴唔肯轉飲管學習杯），咁其實我一路都覺得佢點解撞到頭唔哭架。
作者: Catonmama 時間: 12-12-27 12:54
回復 tsimtsim 的帖子
我o係step度做, 由職業治療師o係個感統室度幫小朋友做各種動作, 俾唔同o既野佢睇o下佢o既反應咁樣, 佢都會問o下你小朋友日常o既一d反應再去做評估, 詳情你都可以去佢地homepage睇o下, 有埋價錢的~
作者: hindip 時間: 12-12-27 14:15
tsimtsim 發表於 12-12-25 23:20
想問下在那裡做評估，費用多少？評估是用什麼方法？謝！
協康青蔥，扶康牽蝶，耀能， 保良，基教，靈實，等NGO 都有OT 做感統評估及治療。
記住要搵 OT 或 有 SIPT cert 的註冊治療師。
費用多少？
$ range from $1XXX to $2XXX. depends on 機構及評估節數。
評估是用什麼方法？
就感覺統合而言有 3 - 4 方面的評估會進行。當然亦會因應孩子情況/ 機構而有所不同:
1. 問卷/ 電話面談 : 從標準化的問卷在未面談前了解孩子的感覺統合情況和家長的關注
2. 臨床評估: 在特別設計的感覺統合治療室中，透過孩子主導，OT 引導的遊戲模式觀察孩子在感覺方面的喜惡強弱。
3. 臨床測驗: OT 因應個別情況及家長關注挑選的。例如:神經系統的測試，嬰兒早期反射動作統合情況的測試，大小肌肉發展的測驗，動作計劃測驗... 等等
4. 生理情況變化的量度，如 副交感神經系統，和交感神經的活躍度。
但若感統問題是針對某一方面影響，例如書寫 / 情緒/ 管教，則可能需要其實評估，如書寫評估，視覺感知，依附行為... 等等。
| 歡迎光臨 教育王國 (/) |
Powered by Discuz! X1.5 |