教育王國
標題: 夠竟幼稚園係咪真係會影響入邊間小學?? [打印本頁]
作者: Wishhavebb 時間: 13-2-22 14:12 標題: 夠竟幼稚園係咪真係會影響入邊間小學??
請問有冇分享, 小朋友讀D唔出名既幼稚園, 但成功入讀好既小學?? 其實小學係咪會睇你讀邊間幼稚園, 家係只會睇面試時, 小朋友既表現???
好多幼稚園既網都有講, 由佢地幼稚園出黎既學生, 會去邊間邊間, 係咪真???
作者: kerkermui 時間: 13-2-22 17:59
首先，你必須清楚現時所謂小一派位嘅玩法
小學，分官立/資助(津貼)，直資，私立
官津校要跟派位，學校無自主收生權 (但派完位就有少量叩門位，可以自己話事) 一切講運講關係
另外直資同私立就要自行報名，面試，學校有收生權
所以，你見到d學校post出嚟嘅派位成績，官津校就多數同KG無關，而要面試嘅就睇面試表現，都可能同你所讀學校有關
講到底，邨校一樣有人入名校，名校一樣有日食白果，孩子面試表現最緊要！
作者: momofish2002 時間: 13-2-23 08:25 標題: 引用：請問有冇分享,+小朋友讀D唔出名既幼稚園,+
原帖由 Wishhavebb 於 13-02-22 發表
請問有冇分享, 小朋友讀D唔出名既幼稚園, 但成功入讀好既小學?? 其實小學係咪會睇你讀邊間幼稚園, 家係只會 ...
作者: apple1990 時間: 13-2-23 09:12
kerkermui 發表於 13-2-22 17:59 
首先，你必須清楚現時所謂小一派位嘅玩法
小學，分官立/資助(津貼)，直資，私立
官津校要跟派位，學校無自 ...
作者: luilui007 時間: 13-2-23 09:12 標題: 回覆：Wishhavebb 的帖子
沒有標準答案，但有些出名小學愛收某一些名幼生也是事實!
我覺得考小學，真是面試最重要!如果屋邨或名幼生大家面試分數差不多時，就可能在幼稚園方面下手，無可否認，名幼點解出名一定有佢原因
作者: AnnieSammy 時間: 13-2-23 12:48 標題: 回覆：luilui007 的帖子
提示: 作者被禁止或刪除 內容自動屏蔽
作者: Wishhavebb 時間: 13-2-25 13:41
我絕對唔會選直資, 咁係咪我唔需要選咩私立幼稚園都得? 相對我係咪俾多D個女學吓其他既嘢, 例如音樂, 唱歌, 知識性既活動, 對佢日後面試咪重有幫助??
作者: gisoleung 時間: 13-2-25 14:18 標題: 引用：我絕對唔會選直資,+咁係咪我唔需要選咩私立
原帖由 Wishhavebb 於 13-02-25 發表
我絕對唔會選直資, 咁係咪我唔需要選咩私立幼稚園都得? 相對我係咪俾多D個女學吓其他既嘢, 例如音樂, 唱歌, ...
作者: retriever 時間: 13-2-25 14:58
not only matters your chance to get admitted, but your kid's ability to get along with the curriculum.
as some others said the rules of the game do not care which kindergarten your kid is studying... however, it is at least equally important if the K could train up your kid the skill set and ability to handle what they will face in PS and forthcoming life...
作者: AnnieSammy 時間: 13-2-25 15:11 標題: 回覆：Wishhavebb 的帖子
提示: 作者被禁止或刪除 內容自動屏蔽
作者: Wishhavebb 時間: 13-2-26 10:05
唔係個個做阿爸阿媽都係有錢人,有份好穩定既職業, 你地要知道, 入讀直資唔係個個都負擔得起, 係咪冇錢既人既小朋友, 整定有好既前途??
作者: QQilky 時間: 13-2-26 10:20
提示: 作者被禁止或刪除 內容自動屏蔽
作者: Andymammy 時間: 13-2-26 10:20 標題: 回覆：Wishhavebb 的帖子
近幾年，有不少研究顯示，直資制度出現，香港教育已淪為一門生意，並非有教無類，大家需要要對現實：父母學歷越高，學生擁有電腦、能夠上網、參加校外學習活動和課外活動的次數越高。
父母學歷較低，經濟條件較差，子女的學習生活(包括使用電腦學習、參與校外學習活動、課外活動等)有較大不足，有機會演化成「跨代貧窮」的惡性循環。
這又是曾陰權這個天主教徒種下的惡果！
作者: Chirley 時間: 13-2-26 10:28
本帖最後由 Chirley 於 13-2-26 10:28 編輯
Wishhavebb 發表於 13-2-26 10:05
唔係個個做阿爸阿媽都係有錢人,有份好穩定既職業, 你地要知道, 入讀直資唔係個個都負擔得起, 係咪冇錢既人 ...
本人絕對唔同意『冇錢既人既小朋友, 整定無好既前途』, 係睇本物睇父母點教...
好似先前有篇文章, 話個小朋友佢屋企係綜援戶, 阿媽唔想行果十分鐘路程就CALL左白車 (但又唔係咁嚴重)
因為個阿媽覺得反正都係, 點解唔可以用盡D福利...
以上事件唔知真定假, 但大家都明白, 父母既身教同價值觀對一個小朋友幾咁重要...
雖然一個無乜錢既家庭, 會少D俾小朋友出去學野或者叫見識下,
不過佢地普遍都有其他所謂屋企較有D錢既小朋友有優點, 如較捱得, 同埋乜都要自己黎, 正常自理都好D,
我地成日都見到好多商分低智? 或除左學識果D之外乜都唔識既成年人,
好似成日新聞都有話一個廿幾歲既人去搵工, 都要阿媽陪,
又或者唔慣俾人點之類...
而岩先過去港大既入學講座都好多家長, 呢D咪所謂有少少錢既父母乜都擔心一餐囉...
唔係話窮既小朋友無以上問題,
只係要記得所有野都唔係必然, 有就好無都唔會一定係永留係底...
父母既教導, 小朋友本身既資質, 同埋機會...
香港已比日本同韓國好好多, 最少機會唔係佢地咁有限...對窮人既福利都唔錯
何必要同人比呢?!
作者: yvonne_bb1122 時間: 13-2-26 10:36 標題: 回覆：夠竟幼稚園係咪真係會影響入邊間小學
咁想問吓其他mama ，如果去咗考直資仲可以大抽獎嘛？
作者: Wishhavebb 時間: 13-2-26 11:58
希望JM們唔好誤會, 唔係同人比, 只係現時既情況, 好似係搵有名既幼稚園好緊張, 好似讀唔到, 或經濟唔許可就大件事, 令到我自己好迷糊, 小一會唔會睇你讀咩幼稚園?? 其實小朋友既基本終站, 都係大學, 再有錢既, 咪外國既大學咯, 但你知英國家陣吓吓都幾十萬一年, 冇可能個個家庭有掛??
咁而家既四間基本大學, 唔通佢地又係個個名校?
重有冇讀天水圍既入到大學?? 重有冇讀名校考唔到大學?
我知我好傻, 有朋友都同我講話, 你見成個社會, 永遠有低下層, 永遠有貧窮戶, 如果個個都掂, 重有人做快餐店, 重有人做清潔?
咁我又問, 咁讀天水圍果D, 咪註定做快餐店? 我朋友話, 緊係, 佢地父母唔識教, 果D幼稚園, 小中學都係求求其其, 冇架啦, 唔係D低下層, 邊有接班人?
我個心好灰, 香港同印度既社會體系(婆羅門, 貴族, 商人同奴隸)好類似, 我見到好多好D既政府工, 大公司, 冇學位都唔駛只意申請, 重要係本地大學, 將來既社會, 做得高層都只有出身好, 讀名校既人霸佔晒!
作者: retriever 時間: 13-2-26 12:14
回復 Wishhavebb 的帖子
唔駛咁灰.. 直資只是家長想在主流教育方式外的選擇...
但物以類聚, 唔係香港社會獨有, 不同區份不同學校, 集中不同家長裙體, 做就不同類學生... 這個是現實寫照, 要接受...
作者: LunB 時間: 13-2-26 12:47
本帖最後由 LunB 於 13-2-26 12:47 編輯
屋企附近個商場內有間"遊戲中心", 假期時我總會見到有父母帶住小朋友入去玩, 早午晚都在玩"角子機"、吊魚機, 大人小孩一齊賭,.. 我甚至見過一個媽咪帶住個2、3歲小朋友在門口等開門。 這樣"培養"小朋友, 小朋友將來又會是一個怎樣的人呢?
其實免費資源有很多, 父母有時間時究竟有否利用心思如何教自己的小朋友? 例如圖書館內的書本知識多得你看不盡, 但我們在圖書館見到的又是那一類家長呢? 似乎是所謂的中產較多...
可能離題了, 但實在有感而發。
作者: sugarnana 時間: 13-2-26 13:48 標題: 引用：咁想問吓其他mama+，如果去咗考直資仲可以
原帖由 yvonne_bb1122 於 13-02-26 發表
咁想問吓其他mama ，如果去咗考直資仲可以大抽獎嘛？
作者: sugarnana 時間: 13-2-26 14:20 標題: 回覆：夠竟幼稚園係咪真係會影響入邊間小學??
平心而論，或者咁講，我喜歡用積極正面咁看事物。以前無直資，一係跟大隊大抽獎賭運氣，有錢的就讀國際學校，以前的私校很多都是質素不好。現在的學校五花八門，給家長們不同選擇。亦要明白政府需平衡各方利益，擁世襲的就繼續享世襲、想活動教育可選擇直資私校、什麼都沒有還可以參加政府派位九年免費教育⋯⋯，可選擇賭運氣，亦可選憑實力。我明白面試同等待的過程係無比煎熬，如果我們不從正面想，漫漫長路將會很難行，我們的正面思想係會影響我們的孩子。大家努力。
作者: gorbb 時間: 13-2-26 14:30
回復 LunB 的帖子
我認為你不單冇離題,仲講得好好.
唔記得睇過邊個學者的文章,人最緊要不可 “認命”. 好多父母,覺得自己出身唔好,學歷唔高, 所以永遠只會活在社會最底層,且會向子女灌輸 “認命啦! 鬼叫我地窮咩! 係輸sit d啦!”等概念, 咁仔女長期活係自悲同未打先輸的概念裡面,點會可能成材!
人比人比死人, 就算我係中產,唔通我日日同仔女點講你地點夠誠哥四叔d孫勁呀!?人地咁有錢!
社會有好多免費資源,視乎你有冇心去用!
作者: sugarnana 時間: 13-2-26 14:46 標題: 引用：回復+LunB+的帖子
我認為你不單冇離題,仲
原帖由 gorbb 於 13-02-26 發表
回復 LunB 的帖子
我認為你不單冇離題,仲講得好好. 唔記得睇過邊個學者的文章,人最緊要不可 “認命”. 好 ...
作者: hkka 時間: 13-2-26 15:22
不喜勿插，只是想說出心底話。
有部份名小學會比較喜歡收一D專業人士家長，最好爹哋做嘢，媽咪全職揍仔女，大把靠關係入啦。我覺得小朋友表現斯文有禮貌及談吐得體最緊要，人品及學識學校根本影響不是這麼大，父母影響還是最大的，我完全唔覺得名幼稚園啲學生特別勁，只係比較多父母喜歡用英文對話（港島區為甚），我最驚D父母中英夾雜。小朋友十項全能但人品差冇禮貌真係乜都死。我有朋友在名幼稚園做老師，特別多麻煩家長，乜都大哂，完全唔跟規矩，完全當老師無到，好多家長唔記得以身作則這點。
講真，入名校有部份都係為左群埋啲有錢人，問你讀乜嘢學校講出來好聽啲，名校有啲家長，好喜歡奉承學校，無論間學校做咗什麼都會贊同及覺得對。同埋名校讀書真係讀得到嘅其實有幾多人，大家黎諗下啦。小朋友其實最緊要學嘅最簡單一樣嘢，就係用功及不易放棄。
作者: Jane1983 時間: 13-2-26 15:24
樓主吾使心灰，有錢無錢都吾影響教小朋友，反而父母份心機和時間仲緊要。
之前都有個家長係EK分享，佢小朋友讀村校考到聖保羅男女，佢同太太都係好投入教小朋友的。做父母，有心緊要過有錢！
作者: yvonne_bb1122 時間: 13-2-26 15:50 標題: 引用：Quote:原帖由+yvonne_bb1122+於+13-02-26+
原帖由 sugarnana 於 13-02-26 發表
有直資錄取貴子弟，你又註冊了的話，就不可以再參加政府派位。但有些私校係容許你註冊了亦參加政府派位，如 ...
作者: mothercare100 時間: 13-3-5 11:06
其實幼稚園升普通小學係唔會有關係的,因小學第一輪係計分,第二輪係派位,最後扣門先會同你讀緊個間學校有影響,例如係你讀個間幼稚園同想升個間小學係同一個會/宗教，咁叫幼稚園校長寫信比你,而人地學校又收你既機會,會大少少,但當然係要睇小朋友既面試表演,家長平日係幼稚園既參與度等等........
作者: candytsy 時間: 13-3-5 12:24
apple1990 發表於 13-2-23 09:12
補充一點，假設某邨幼取錄了貴子女，但貴子女同時又獲幾間名幼取錄，如聖羅撒、崇真、協恩、培道等名幼；而 ...
作者: faithmum 時間: 13-3-5 15:05
因為種種原因入唔到名幼都唔好咁灰，人生有好多變數，唔好因為第一間學校唔係名牌就打定輸數，連父母都咁灰個仔女點有希望? 其實，小朋友能夠健康快樂地成長，已經好好，何必咁快想到競爭? 只怪香港呢啲社會文化，叫到大家無助自由，只比啲名牌效應拉住走，好慘
| 歡迎光臨 教育王國 (/) |
Powered by Discuz! X1.5 |