教育王國

標題: 親身經歷，不能盡信政府醫院！ [打印本頁]

作者: tommyangie 時間: 13-3-27 23:53 標題: 親身經歷，不能盡信政府醫院！

小朋友是細孖，一歲多點時就覺得和大孖有點不一樣，尤其眼神接觸！到歲半去健康院例行檢查，姑娘說應該無事，再觀察半年，到兩歲2個月回健康院，姑娘就說要排期做評估，一等又是半年，到細孖2歲8個月才確定為自閉症，前後浪費了一年多的時間！希望各家長如出現類似情況，不能等政府，要馬上去找私家機構做評估，不能錯過6歲前的治療黃金期！

作者: daodogdog 時間: 13-3-28 09:09 標題: 回覆：親身經歷，不能盡信政府醫院！

我又係細孖，佢有自閉症傾向

作者: cowina.wong 時間: 13-3-28 09:24

提示: 作者被禁止或刪除內容自動屏蔽

作者: checkylam 時間: 13-3-28 10:27

佢哋係把關的, 連呢啲都唔識, 就叫人等多半年, 真係唔專業, 高薪厚職, 可以專業啲嗎? 佢哋唔通唔知小朋友是有學習黃金期的嗎?

作者: wilyun 時間: 13-3-28 15:31

回復 tommyangie 的帖子

黃金期最好係三歲前呀!

我果陣都係有去健康院架,其實果陣你都可以要求醫生寫紙比你排架,就算佢叫你觀察,你都有權要求,最重要係我地家長發覺,因健康院姑娘醫生只睇佢果幾個字就話佢有事定無事,點都唔能夠作準!

作者: cat1028 時間: 13-3-29 18:18

樓主，我記得我囝都系2歲健康院姑娘才承認我囝語言發展慢，但要排健康院兒科醫生--8個月，唔係麻。計下2歲+8個月+6-9個排cac,
當天即找睇開呀仔個私家醫生寫信排cac, 評估完成比見健康院醫生快。
果斷d,有問題拖都無謂，早面對早開展對孩子的訓練計劃。

作者: wilyun 時間: 13-4-2 14:43

cat1028 發表於 13-3-29 18:18
樓主，我記得我囝都系2歲健康院姑娘才承認我囝語言發展慢，但要排健康院兒科醫生--8個月，唔係麻。計下2歲+ ...

絶對同意!!!

作者: autunmbb 時間: 13-4-3 22:13

如果覺得個仔有問題，但又無錢做私家評估，係唔駛等健康院，你叫屋企樓下個西醫寫信比你去評估中心排評估就得，唔好等健康院d姑娘。

作者: TRF北村 時間: 13-4-3 22:46 標題: 回覆：tommyangie 的帖子

同意健康院真係唔可信

我仔兩歲果次去健康院，安排約見時間是最早的時間，準時去到佢地都未開門，我個仔又唔洗打針又唔洗磅重，無野做就咁等左成個鐘，催左幾次先等到見姑娘，亞仔由好好情緒結果都等到好炆憎，之後一入到果間好細既房，一關門亞仔就狂哭，姑娘超冇耐性，好快又叫返亞仔出去，話等亞仔情緒好些再見過，過左一輪亞仔都係好炆憎，再入姑娘房，姑娘又係好冇耐性，最黑人憎係仲同我地講下次你地約早d ar ma，呢下真係慶爆，時間係你地約，我地準時到達，已經最早果批，邊有得再早d？兩公婆請曬假，一早去到，等左成個鐘，個姑娘見一陣又話叫我地約過第二日？有冇搞錯

作者: tommyangie 時間: 13-4-5 00:58

checkylam 發表於 13-3-28 10:27
佢哋係把關的, 連呢啲都唔識, 就叫人等多半年, 真係唔專業, 高薪厚職, 可以專業啲嗎? 佢哋唔通唔知小朋友是 ...

不是不夠專業，聽聞是不想咁早定案，令原來不夠資源的特殊教育更見緊張。試問那些姑娘每天見這麼多小朋友，日日如是，點會不察覺小朋友有問題呢？還有一點，就是雙非嬰兒都會分薄了資源！本人不是歧視，只講說出事實！

作者: helenmail421 時間: 13-4-27 11:09 標題: 回覆：autunmbb 的帖子

請問边度有評估中心??

作者: lalababe520 時間: 13-4-27 17:49

政府係要慢慢等慢慢等...... 我都係2歲幾去睇普通醫生轉介去智能評估中心, 3歲再返健康院, 佢話唔駛再返啦, 最後都係轉介你去姐.........

作者: yoyo8066 時間: 13-4-30 09:57

我帶埋老師寫既信到健康院見姑娘>再見兒科e生>再去尤德中心見護士,只用左1星期時間,然後再排半年見尤德中心e生>再一星期後見言語治療>半個月後見臨床心理學家,過程可接受,但排兒童精神科就真係耐,要1年半

作者: cat1028 時間: 13-4-30 11:52

兒童精神科，我已等左一年，仲要等，自費做訓練，等政府服務---有排等。

作者: kingbbsam 時間: 13-5-2 19:51

同意, 我自己就覺得政府的服務好好, 但就真係要等, 浪費時間

如果經濟許可, 一定係自費做住私家訓練, 一邊等政府係最好, 就算我依家有醫院俾的職業治療, 但俾得我4,5星期先一次, 個導師係好好. 不過堂數太少, 都係要額外自己出去做

作者: 小氣囡囡 時間: 13-5-5 11:03

回復 checkylam 的帖子

未係囉, 我細仔現3歲半評估左有自閉傾向,不善言語表達,大小肌肉較慢過實際年0 ,兩歲半係健康院評估e生又係話冇問題,搞到我仔遲左成年先有得見,見完又要排好耐,起碼要等兩年,

作者: sky0811 時間: 13-5-10 17:32

回復 kingbbsam 的帖子

是的,要把握6歲前做治療的黃金期.

作者: sky0811 時間: 13-5-10 17:35

我都係一路係協康同邁步做治療,一路等政府的服務.

作者: 芒果米池 時間: 13-7-10 14:56 標題: 引用：如果覺得個仔有問題，但又無錢做私家評估，

原帖由 autunmbb 於 13-04-03 發表
如果覺得個仔有問題，但又無錢做私家評估，係唔駛等健康院，你叫屋企樓下個西醫寫信比你去評估中心排評估就 ...

請問評估中心費用大概幾錢？要等幾耐嫁？

作者: 新手好媽咪 時間: 13-7-10 19:11 標題: 引用：Quote:原帖由+autunmbb+於+13-04-03+發表如

原帖由 芒果米池 於 13-07-10 發表
請問評估中心費用大概幾錢？要等幾耐嫁？

私人機構評估係$6800邁步,等政府$60蚊，不過要好耐,協康果D要排幾個月.好似3千幾.

作者: room2102 時間: 13-8-1 00:18

提示: 作者被禁止或刪除內容自動屏蔽

作者: szenana 時間: 13-8-3 14:28 標題: 回覆：親身經歷，不能盡信政府醫院！

原本我仔八月二，去睇精神科，我仔腸胃炎病左無去，噤我仔係新症，我打去醫院同佢講，佢叫我上去再約期,可能排到出年一月，佢仲話如果排得耐，要我仔再做評估，再寫轉介信:;pppp:

歡迎光臨教育王國 (/)